[فيتامين سي]

Part 28
ماقبــل الاخيــر



بلة صايرة هاي ههههه
.
.
من #تنام
يمهة ينام دب صغير
وانة اغتاض
تبدي الغيرة تاكلني
وتكلي كطن وقماش
ليش #تغار تحجي وعود تقنعني...
يكضي ببين اديهة الليل
يشتم من عطرهة وحيل
وانة #الحسرة تحركني
ربي شلون جاي ادعيك
ربي ومستحي وخجلان
اريدن دبهة تكلبني!!
.
.
.

عند فارس...
نايم ويتحلم بكابوس...رأسن فز مخترع وجبينة يصب عرق..وگلبة يدك بسرعة
رفع نظرة للساعة شافها ب11 رأسن طفر من الفراش وراح للحمام متأخر ع الدوام هواي اخذتة النومة...بسرعة غسل وجهه وفرش اسنانة وطلع بسرعة اخذ الي گبالة ولبسة جينز اسود وتيشيرت ابيض وعليه خربشات بالاسود واخذ سويجة وفونة وطلع من البيت...ركب سيارتة وراح للدوام
بغضون 5 دقايق وصل لأن ساق سرعة قوية
دخل للشركة وراح لمكتب المدير...طرق الباب
المدير:تفضل
دخل فارس:السلام عليكم
المدير:وعليكم السلام
فارس:انا جداً اسف ع التأخير
المدير:ليش متأخر
فارس:اعذرني بس راحت علي نومة ومادگ المنبه
المدير:اوك عادي بعد لتعيدها
فارس:ان شاءالله
المدير:تفضل ع شغلك
فارس:مشكور
المدير اشرلة بأيدة ورجع ع الاوراق
طلع فارس من مكتب المدير ودخل لمكتبة:سلام
فيصل:وعليكم...وينك ليش متأخر
فارس گعد ع الكرسي وتنهد وحط راسة ع المكتب:راحت علي نومة
فيصل:شنو سهران البارحة؟
فارس رفع راسة من المكتب وحرك رگبتة:اي بس موهواي كلش
فيصل:اهاا...المهم هاي ملفات مساع جابهم عبدالله گال خيكملهم
فارس:ماشي
لزم القلم وحط الملفات وبلش يشتغل بس بالة مو يمة...الحلم مأثر علية گلبة مامرتاح
__________________________________
عند جــــوري....

متجبسة بمكانها...رجليها ماتتحرك من الخوفة وترجف مثل الورقة
وصل يمها وع اخر لحظة جوري تحركت اجزاءها...بسرعة رادت تشرد بس لزمها بسرعة من ايدها وجرها ناحيتة ولزمها من شعرها
جوري صرخت بكل صوتها:لااااااااااااااا
.........بفحيح:تعرفين انا منو...ليش تندگين بية
جوري تصرخ:اتركننني ياحقيييير
لزم ايدها ولواها ورا ظهرها وجر شعرها ليجوا حتة يرتفع راسها وصار وجهه مقابل وجهها
...........بضحكة استفزازية:ههههه لعيونج اكبر حقير اصير...كم جوري عدنة
جوري عاقدة حواجبها ولازمة نفسها ماتبجي رأسن بصقت بوجهه(يكرمكم الله)
غمض عيونة بغضب شدييد...عصر ايدها حيل وجر شعرها زيادة
صرخت جوري من الالم:ااااااااااااااااه
رأسن رفعت ايدها وبعكسها ضربتة بكل قوتها ع معدتة
تأذة من ضربتها وترك ايدها بس بقة لازم شعرها
جوري بس حست بإيدها تحررت...تحملت الم شعرها وفرت روحها شوي وكورت ايدها وضربتة بوكس بكل قوة عدها ع منطقتة الحساسة...رأسن تركها وتكور بمكانة من الالم
جوري بسرعة ركضت وصعدت للطابق الثاني ودخلت لغرفتها...رادت تقفل الباب بس ماشافت المفاتيح...سدت الباب واتكت عليه وتدفعة بجسمها وبعيونها تدور ع المفاتيح
اما......ف ثواني ورجع ع طبيعتة تألم شوي بس عادي لأن ضربتها بالنسبه الة عادية...رفع نظرة للطابق الثاني وعيونة تطلق شرار
بصوت شيطاني:جنيتي ع نفسج
صعد الدرج خطوة خطوة ووصل للغرفة...فتح الباب شافة مفتوح بس مبين احد جاي يدفعة...انطاه دفعة بكتفة وانفتح بسهولة
طاحت جوري ع الارض اثر الدفعة...بسرعة گامت وضلت تبتعد عنة ودموعها بعينها
......انا؟...تضربيني؟؟
جوري ترجف:اسفة اسفة الله يخليييك لاتقرب الله يخليك
......ببرود:ههههه يعني انا متعني وجاي وتالي مااسوي شي؟...ترضيها يعني؟
جوري نزلت دموعها:ابوس ايديك لاتقرب مني
ماسمع كلامها وقرب شوي شوي متعمد حتة يرعبها اكثر
جوري تهز براسها ودموعها تنزل:لالا لالاتقرب لافدوة فدوة لا
يقرب وجوري ترجع ليورا لحد ماصار بينهم مسافة صغيرة...بكل بساطة مد ايدة ودفعها من راسها
وگعت ع السرير...ماجانت حاسة انها وصلت يم السرير من الخوف
جوري مستمرة بتوسل عسا ولعل يفكها:الله يخليك....اضربني اقتلني بس لاتلمسني الله يخليك
.......بأعصاب باردة:هههه لا انا ماحقتلج ولا حضربج...(يمد بالكلمة)..بس حلمســج
بسرعة خاطفة نزع التيشيرت وتقدم ناحيتها...جوري بسرعة تحركت من السرير تريد تشرد بس كان اسرع منها ولزمها وكتفها وصار فوگها
جوري غمضت عيونها ووجهها كلة دموع:لاااا لالا بروح غاليك اتركني يرحم امك ابعد
ولا كـــأنة يسمعها...نزل راسة ناحيتها ويتنفس برگبتها...وطبع قبلة ع ذانها وبهمس شيطاني بطيء حرگها حرگ:اااخ...ادوووخ انا...وترديني اتركج؟؟...ابيع امي وابوي وماافوت هاللحظة
جوري صوتها انبح من الصريخ تحس حنجرتها تجرحت: اااااااااااااااا....ببببببع د عنييييي......ابووووس رجللييييك اببببببعد
نزل ايدة ع بطنها ولزم طرف البلوزة
جوري لزمتة من اكتافة تدفع بي....اخذ ايديها بأيد وحدة وگعد ع رجليها ومنعها من الحركة...وبأيدة الثانية رفع التيشيرت ونزعها....
جوري ترفس برجليها وصريخها مستمر:ااااااااااااااا لالالا بععععد
حط ايدة ع البجامة يريد ينزلها
جوري فتحت عيونها ع الاخر وصرخت صرخة قلعت حنجرتها من مكانها
.
.
.
.
بنفس اللحظة...
وصل فادي للبيت بسرعة نزل من السيارة حتة ماطفاها...توجه للبيت ركض ودخل...البيبان كلها مفتوحة....
سمع صوت جوري تصرخ...ركز بالصوت...عرف انها بالطابق الثاني....بسرعة طفر ويصعد الدرج كل 3 درجات سوا
وصل للطابق الثاني وشاف وحدة من الغرف بابها مفتوح
بسرعة دخل.... وشاف جوري ع السرير وتصرخ وتنحب وتبجي وفوگها واحد يحاول يخلع البجامة عنها
عقد حواجبة وحس بغضب موطبيييعي ناااااار......
صرخ بعلو صوتة:سلطـــــــــــان
سلطان رأسن فز ووخر عن جوري
فادي تحول وحش كاسر بسبب الغضب رأسن هجم ع سلطان ونزلة عن السرير وطاح بي ضرب
سلطان ماجاي يگدر حتة يضربة لأن فادي انهال عليه بالضرب من كل مكان...وجهه صار كلة دم من راسة وخشمة وحلكة
سلطان رفع رجلة وضرب فادي ع بطنة ودفعة عنة
وگع فادي ع الارض...بسرعة گام سلطان وطلع من الغرفة ركض ...مايگدر يواجه فادي لأن يعرفة اقوى منة....فادي بسرعة گام ولحگ سلطان....سلطان يركض بسرعة ونزل من الدرج وع اخر درجة وگع بالارض
فادي بسرعة نزل وراه راد يلزمة بس سلطان شرد وطلع من البيت قبل لايوصل الة فادي...ركب سيارتة وشخط بيها
فادي طلع يم الباب وماشاف بس غبار السيارة
رجع دخل للبيت ووگف بنص الصالة والغضب عاميه عمي....ضل يفتر رايح جاي وايد ع خصره وايد تشد شعرة يحاول يهدي نفسة...هدا شوي تالي صعد لجوري...دخل للغرفة شافها گاعد ع السرير متكورة ع نفسها وترجف وتبجي بخوووف...وبس بالبجامة والبرا
تقدم ناحيتها وبهدوء رفع الشرشف وغطاها وگعد يمها
فادي بهدوء:خلص راح اهدي
جوري تبجي وتناشغ ووجهه احمممر وصوتها مبحوح:ااااه يييمة وييينج....ماااامااا تعااالي اخذيني ماااريد ابقة وحددي
فادي تگطع گلبة عليها...اخذها لحضنة ويمسح ع ظهرها بس مايعرف شيحجي ولا شيواسي
جوري لزمت بتيشيرتة حيل وتناشغ:فااادي اريد ابووووي جيبوووولي ابووووي...اريد امي وابوي اريييدهم خل يجووون ياخذووني....يااااربي اخذني عدهم ربيي ماااريد ابقة هناا....يممممة ياگلبي انتي ويييينج عننني
فادي ضمها حيل ويهدي بيها:شششش حبيبتي اهدي ياروحي انتي اهدي
جوري مهسترة ماتعرف شتحجي رأسن بعدت عنه ولزمت ايدة وباستها:ابووووس ايدك اخذني لأمي وابويي فدووووة وديني الهم او جيبهم الي
فادي يجاريها:ماشي اجيبهم الج بس اهدي انتي
جوري:فادي لا تجذب علي
فادي:لالا مااجذب صدگيني اجيبهم الج بس سكتي انتي ولاتخافين انا يمج ماكو شي بعد
رجع حضنها وجوري تناشغ وتبجي لحد ماغفت عينها
سدحها فادي ع السرير بهدوء وغطاها وطفا الضو وطلع من الغرفة
دور ع فونة بجيوبة مالگاه تذكر انه ماجابة لأن بسرعة طلع من البيت...نزل وطلع من البيت وراح للسيارة...شافها مشتغلة وبابها مفتوح...دخل طفاها وبحوش بيها ع تلفون احتياط...دايما يخلي فونات احتياط...لگة فون...طلعة وفتحة انتظرة ع مايشتغل...نزل من السيارة وقفلها ورجع للبيت...صعد للطابق الثاني ووگف يم باب الغرفة خوفاً ان جوري تگعد وتخترع
فتح السجلات واتصل ع فارس
رد:الو
فادي بهدوء:فارس وين انت؟
فارس بأستغراب:بالشغل...ليش
فادي:اترك كلشي وروح لبيتكم اخذ رنيم وتعالو لبيت جوري
فارس عقد حواجبه:ليش شصاير
فادي:تعال وتعرف كلشي...لاتطول بسرعة تعال
فارس خاف من نبرة صوتة:دقايق واجي
فادي:ماشي..سلام

سد الخط وحط ايديه بجيوبة واتكة ع الحايط وغمض عيونة وتنهد بصوت عالي:ااااه
__________________________
عند رنيم...
جانت نايمة واتصل عليها فارس وگلها تجهز نفسها وهو بالطريق جاي عليها
طبعاً خافت وگلبها مارتاح من صوتة وبسرعة گامت وغسلت وبدلت ملابسها ولبست الها حي الله وگعدت تنتظر فارس...دقايق واجة عليها...نطاها رنة وطلعت من البيت وركبت السيارة
رنيم بخوف:شنو شصاير؟...جوري بيها شي؟
فارس بربكة:مادري...اتصل فادي وگال تعالو بسرعة ماگال شصاير
رنيم:يارب سترك يارب

اقل من خمس دقايق ووصلو للبيت
بسرعة نزلو من السيارة ودخلو...ماشافو احد
صاح فارس:فااادي
فادي طل عليه من فوگ:انا هنا...تعالو
بسرعة صعدو للطابق الثاني وراحو لفادي
فارس بخوف:شنو صاير...وجوري وين
فادي بهدوء:جوري جوا نايمة
رنيم:احجي شصاير وگعت گلوبنة
فادي:تعالو نگعد واگلكم
گعدو ع القنفات الي موجودة بالفسحة الي يم الغرف
فادي گعد وحط ايديده ع رجليه وشبكهم ببعض:سلطان جان هنا
فارس گام من مكانة وبصدمة:شلووون
فادي بسرعة:ششششش اسكت لا تگعد جوري
فارس گعد وبعصبية:شلون تريدني اهدا....احجي شعندة هنا
فادي بهدوء ويهز رجلة بتوتر من ردة فعل فارس:جنت بالبيت جاي ابدل اريد اروح للشغل واتصل علي رقم غريب...رديت طلع صوت بنية تبجي ومرتبكة گلتلي روح لبيت جوري دخل عليها واحد...سئلتها انتي منو ماگالت بس گلتلي الحگ عليها بسرعة...انا رأسن طفرت وجيت لبيتها.. لگيت البيبان مفتوحة...دخلت ماشفت احد بس سمعت صوت صريخ ...صعدت بسرعة للطابق الثاني ورحت لغرفة بابها مفتوح ولگيت جوري ع السرير وفوگها واحد مربطها ويريد يعتدي عليها...انا انصدمت ركزت بالشخص وطلع سلطــــان
فارس يسمع وعيونة تتوسع من الصدمة
رنيم حطت ايديها ع حلگها ومصدومة بالحيل
فادي يكمل:انا اشتعلت النار بگلبي صرخت عليه...هو فز وابتعد عنها وانا لزمتة وجنت ناوي اذبحة وماهمني بس الخسيس شرد الجبان ابن الجبان
فارس بعدة مصدوم:وجوري؟...شسوالها؟
فادي:الحمدلله ماسوالها شي لحگت عليه ع اخر لحظة...بس كلش منهارة تبجي ومهسترة وتريد اهلها...والله مردت گلبي...جذبت عليها وگلتلها اجيبهم الج يلا هدت
رنيم ضلت تبجي عليها:انا رايحة اشوفها
راحتلها للغرفة وبقة فادي وفارس
فارس غضب الدنيا بي وبحدة:ورب العزة سلطان موتة ع ايدي ومحد يفكني منة
فادي بتفكير:فارس....سلطان اكيد هسة شارد ف مووقتها تنشغل بي...خلي بالك هسة يم جوري وانتبه الها هسة هي محتاجة الكم...خلي تعدي فترة ونوهم سلطان ان احنة نسينه السالفة...تالي نلزمة وسوي بي الي تريد محد رح يحجي وياك...ماشي
فارس حط ايديه ع راسة وغمض عيونة:فادي بعد ماگمت أامن ع جوري...بس نتركها ببيتهم فترة لازم تصيرلها مصيبة
فادي:اگلك ليش ماتخطبها هسة وتخليها ع ذمتك...وتجي تعيش ببيتكم وتفتك من هالسالفة
فارس:وهو كذلك...خل هاليومين تعدي ع خير وتنسة السالفة جوري...ونروح للمحكمة نعقد...اخليها تحت نظري حتة اطمئن عليها
فادي:ماشي...وهاي السالفة خليها بينة احنة الاربعة ومهند هم نگلة حتة بعدين يساعدنة ندور ع سلطان
فارس:انت بعد تصرف وشوف شنو الافضل واسويه
فادي:اترك كلشي علي وانتبه لجوري
فارس گام:انا رايح اشوفها...وصل رنيم للبيت بطريقك
فادي دگ گلبة:اوك

دخل فارس لغرفة جوري وشاف رنيم گاعدة ع السرير تبجي وتمسح ع شعر جوري
اشرلها فارس تطلع...گامت من السرير وطلعت من الغرفة ولحگها فارس
فارس بهدوء:انا رح ابقة وي جوري وتالي الليل اجيبها وياي للبيت...انتي روحي للبيت رتبيلها الغرفة...فادي رح يوصلج...ولاتجيبين سيرة لأين كان والي يسئلج گليلهم ماتگدر تگعد لوحدها بالبيت تختنگ من الوحدة
رنيم هزت راسها:اوك..شوف اكو جنطة صغيرة بكنتورها حطلها بيها كم قطعة ملابس وشغلات ضرورية وجيبهم لمن هي تهدا وتجي تاخذ الباقي
فارس:اوك

دخل فارس للغرفة ورنيم راحت لفادي حتة يوصلها للبيت
لگتة گاعد ع القنفة ومصفن
رنيم:نروح؟
فادي رفع نظرة عليها لحظة تالي گام:يلا امشي
نزلو وطلعو من البيت...ركبو السيارة وحرك فادي
بالسيارة...الجو هدوء بس صوت الموسيقى الكلاسيكية الهادئة
فادي بهدوء:شخبارج؟..خطيبج شلونة
رنيم:الحمدلله تمام وبهاء زين الحمدلله...انت شخبارك
فادي ابتسم:ع الله
رنيم بمرح:ماحبيتلك وحدة؟
فادي ضحك:هههه شبه
رنيم فرحت:صددگ...منو؟
فادي:نفسها مرام
رنيم ضحكت:ههههه والله موهينة هالبت...وگعتك
فادي بغرور:ماجابتها امها الي توگعني...بس عاجبتني وهي خوش بنية وتحبني...مادري ليش هية الوحيدة الي ماأگدر أأذيها...طفولية ومرحة ويمها انسة همومي
رنيم:هلا هلا ههههه هذا كلة ويگول ماجابتها امها الي وگعتني....انت واگع ورايح بيها
فادي:هههههه..(التفت عليها وبغموض)...انا ماصحيت من وگعتي الاولة حتة اوگع مرة ثانية
رنيم عقدت حواجبها وابتسمت:مافهمت
فادي رجع نظرة ع الطريق وبأبتسامة:هههههه ماكو شي...ماگلتيلي يمتة الزواج؟
رنيم:مادري والله بعدنا ماحددنا
فادي:الله يوفقكم ان شاء الله...بهاء خوش رجال والنعم منة
رنيم:تسلم ويوفقك يارب

وصلو للبيت...
نزلت رنيم من السيارة واشرتلة بأبتسامة باي وردلها الابتسامة...ودخلت رنيم وراح فادي للشركة وماانتبهو للعيون الي تراقبهم بحقد وتتوعدلهم
___________________________
نرجع لفارس...
دخل للغرفة وگعد ع السرير يم جوري...بأطراف اصابعة تلمس خدها...انتبه لكتفها عريان...رجف گلبة وتردد من الي رح يشوفة...رفع الشرشف شوي وشافها بس بالبرا....اشتعلت الناار بگلبة وزاد الحقد ع سلطان...مجرد تفكير ان سلطان شافها بهذا المنظر يموووت حرگة...رجع نظره لوجهها...دقق بملامحها وشافها عاقدة حواجبها وقطرات الدموع عالقة برموشها...لااردي خنگتة العبرة...مسح ع شعرها بهدوء
جوري حست بحركتة وفتحت عيونها...شافتة يباوعلها بكل حنان ويبتسم الها وعيونة تلمع بسبب الدموع
جوري بصوت يرجف:فارس؟!!
فارس بصوت حنووون:ياعيونة
جوري عبست وجهه ونزلت دموعها
فارس گومها وخلاها تگعد مقابيلة ووجهها قريب وجهه:شششش لالا ع شنو البجي...هذاهو انا يمج لاتخافين
جوري ذبت نفسها بحضنه وضلت تناشغ وتشكيلة بطفولة :فارس ضربني...لوا ايدي وجر شعري حيل وجعني...حنجرتي توجعني من الصريخ
فارس حظنها حيل:بس حبيبي اهدي...صدگيني رح ادمرة...رح انهيه لانه تعدا عليج
جوري ترجف:فارس انا ماريد ابقة بهذا البيت...اخاف ابقة ماريد
فارس بهدوء:مارح تبقين بي...انا رح اخذج لبيتنا وهاليومين نروح للمحكمة نعقد
جوري ابتعدت عن حضنة وبأستغراب:نعقد شنو؟
فارس حاوط وجهه ومسح دموعها بأصابعة وابتسم:نعقد القران....يعني تصيرين زوجتي
جوري ارتبكت:ها...بس...
فارس:بس شنو
جوري:مو بعد وكت؟
فارس:لاعمري مو بعد وكت...انا ماگدر اخليج بعد هنا بالبيت وحدج...وهم اذا تجين لبيتنا ماضمن نفسي
جوري بثقة:ماحتگدر تقرب مني لأن الكل موجود
فارس ضحك يريد يطلعها من الي هي بي:هههههه...تشوفيها صعبة علي؟
جوري ترددت:ها...مادري.. والله انت تسويها...ماينگدر عليك
فارس:هههههه...اي شفتي....ف نتزوج احسن...وان شاء الله بس اتصرف وي سلطان....نسوي حفلة زواج
جوري ابتسمت:طيب
فارس اتكة ع تاج السرير وسحب جوري وگعدها بحضنة:زين اگول
جوري حاطة راسها ع صدرة وتسمع ضربات گلبة:ممم
فارس:الحلقة بعدها عندج؟؟
جوري:اي موجودة
فارس:وينها؟..ماشوفج تلبسيها
جوري:ههههه شعندي لابستها...مايصير البس حلقة وانا مامتزوجة
فارس بأستغراب:ليش عادي...انا دايما البسها
جوري:انت شاب وانا بنية...تختلف...وبعدين بنظر الناس انت متزوج
فارس ضحك:هههه والله مساكين انتو البنات
جوري:هههه شفت شلون
فارس:يلا ان شالله عاليومين البسج ياها بيدي
جوري ماردت وابتسمت
فارس:حبيبي
جوري:هلا
فارس:سالفة سلطان اريدج تنسيها...وهم لاتجيبين سيرة لواحد محد يدري بس انا ورنيم وفادي...خليها بينه اوك...ولاتخافين بعد انا يمج
جوري هزت راسها
فارس:هسة گومي خل نتغدا...وتالي ترتبين اغراضج بجنطة حتة نروح للبيت
جوري رفعت راسها وتضحك بغباء:هيهي...ماعرف اطبخ
فارس:ههههه...ماشي نطلب من مطعم
جوري ضحكت:ههههه ووك
فارس:رنيم گلتلي اكو جنطة مادري وين...احطلج بيها ملابس وحاجات ضرورية...همزين گعدتي لأن كلشي مادبر
جوري:ههههه ماشي...اصلاً لو ماانت جاي جان هسة انهاريت
فارس:اسم الله عليج...مابيج شي قوية الله يحفظج
جوري نزلت راسها وتلعب بأيد فارس:لا مو عمود انا قوية...بس من انت يمي انسة كلشي
فارس رفع ايدها وباسها بحنية:ياكل دنيتي انتي...من لي غيرج انا
جوري:وانا هم مالي احد غيرك
فارس بشقة:اگول....تونة نگول مانضمن نفسنة والبيت الكل موجود بي...ترديني هسة اضمن والبيت فارغ وع السرير گاعدين
جوري رأسن طفرت ونزلت من السرير:انا نازلة جوا
شافت فارس ساكت ومصفن ونظرة ليجوا....باوعت لنفسها وشافت روحها بدون تيشيرت...انصدمت وصرخت:ااااااااا غمض عيونك يامنحرف
فارس مفهي:ها
جوري:اطلللع برااا ياغبي
فارس استوعب وطگها ضحكة:هههههههههههههههههه
جوري:براااا
فارس گام من السرير وطلع من الغرفة ومستمر بالضحك....سد الباب ونزل وجوري بالغرفة وبعدها تسمع صوت ضحكة
ضحكت ع ضحكتة...فتحت الكنتور واخذتلها بجامة جديدة ودخلت للحمام...اخذت دوش سريع وبدلت وطلعت
نزلت للمطبخ...لگت فارس گاعد ع الطاولة ويطگطگ بالفون
جوري:طلبت غدا؟
فارس:اي طلبت...نعيماً
جوري گعدت مقابيلة:الله ينعم عليك
_____________________________
عند مهند...
بالبيت اليوم مارايح للشغل مالة خلگ
گاعد بالصالة ويفرفر بالقنوات...
دخلت اميرة(امه)
اميرة بأستغراب:انت مارحت للشغل!؟
مهند:اي مالي خلگ...يمتة يصير الغدا
اميرة گعدت بصفة:بعد شوي...شبيك مالك خلك؟
مهند:هيج
اميرة:حط عينك بعيني
مهند التفت عليها وع وجهه ابتسامة غبية
اميرة ضحكت ع وجههه:هههههههه شوف الوجه
دخل عبدلله(ابو مهند)..ع الضحكة صاح:فدييييت الضحكة وراعيتها
مهند گلب عيونة بشقة:اهووو شيفكنة هسة بعد
عبدلله:وجعوو...مايعجبك ولي منا...وياريت مايعجبك حتة نبقة ع راحتنة
مهند:اگول عبود...بعد كم يوم جهالي يفترون بالبيت...اذا فسدو ف محد رح يفسدهم غيرك
عبدلله يمثل الصدمة:ايا قليل الادب تحجي وي ابوك هيج
مهند يضحك:ههههههه ميزة عائلتنة تتوراث الصفات اباً عن جد
عبدلله يهز راسة ويفر ع اميرة:انا غاسل ايدي منك...ماكو فايدة
اميرة تضحك عليهم
عبدلله لزم ايدها وقرب منها حيل:اذوووووب انا
مهند صاح:هاااا هاااا....ياهوووو بعدنة هنا ابو هنوود
عبدلله فر عليه بنرفزة:ياخي انت شمگعدك هنا...روح ولي اطلع...يومية مانشوف خلقتك الا ع الليل
مهند يستفز بيه:اليوم ماعاجبني اطلع...لاطشلكم لليل...شتريد بعد
اميرة:شرايد من الولد خليه...موزين الله هاديه اليوم وگاعد ويانة...حتة اشتاقيت اسولف وياه
مهند حضنها من الجنب:بوووية اروووح فدوة للي تدافع عني
عبدلله ضربه ع ايديه:وخر ايديك اشوف...عيني عينك يتحضن بيها
مهند:اااا حلوه هاي شنو بس الك هية
امير صاحت عليهم:اهوووو....ماكااافي....ي� �ني انتو ماتگدرون تگعدون لحظه بدون عرايك...شخليتو للجهال
عبدلله ومهند فرو عليها وبنفس الوقت:مقبولة منج حياتي
اميرة:هههههه يلا گومو الغدا صار
عبدلله:وينة صار...غير تحطينة ع الطاولة
اميرة:گومو وياي للمطبخ نحظرة....مو بس فالحين تتغزلون
عبدلله گام:حااااظر
مهند هم گام:تأمرييين

لحگوها للمطبخ وحظرو الاكل وحطوه ع الطاولة وگعدو
اميرة:هنودي حبيبي
مهند:هلا
اميرة:ماناوي تتزوج؟
مهند ضحك:ههههه بعد وكت
عبدلله:جذاب...مو عالمود بعد وكت بس يريد يشوف حبيبتة تحبة لو لا
مهند غص باللگمة:كح كح...يا حبيبة؟؟!!!
اميرة بأستغراب:ياحبيبة؟
عبدلله يضحك عليه:هههههههه شوف الدليل من غص
مهند يشتت نظرة عنهم:لا يبة لا حبيبة ولاشي...كلشي ماكو
عبدلله:زينة شلونها؟؟...والله هالبنية تدخل الگلب ع طول
مهند انصدم:ومنين تعرفها
اميرة:اهااااا هييج الحجي...مهينو يالحقير...ليش ماگتلي
مهند بعد ماالة مفر:هههههه...ماردت احجي الا لمن اتأكد من مشاعرها...(حك رگبتة بأحراج)...وهي شكلها تحبني
اميرة:اي لعد شمنتظر...خل نخطبها الك
مهند:لا مو هسة...خليها لمن اهيئ نفسي وارتب اموري واوضاعي ومن اشوف الوقت مناسب اگلج تخطبيها الي
اميرة رجعت تاكل:اووك...على هواك

كلمن كمل اكلة وماتخلة الگعدة من مشاجرات عبدلله ومهند...كنهم اعداء مو اب وابنه ههههه
________________________________
عند حسام.....
گاعد بالمكتب جاي يشتغل...
رن فونة
رد:الو
البديگارد:السلام عليكم
حسام:وعليك السلام...خير اكو شي؟
البديگارد بتردد:استاذ...اثناء مراقبتي للانسة رشا...
حسام عقد حواجبة:كمل
البديگار:شفت يطلع من بيتها شخص...اعتقد زوجها...فارس
حسام بأستغراب:وشنو الجديد؟
البديگارد:استاذ الاخ فارس يكون الصديق المقرب لفادي...يعني احد اعضاء الشلة الي ذكرتلك اسماءهم
حسام فهم عليه:وانا شعلي بفارس ولا اصدقاءه...انا علي بفادي وبس
البديگارد بتردد وخوف من رد الفعل:بس استاذ...رنيم ت....
قبل مايكمل قاطعة بعصبية:اوووص...انت مالك اي علاقة باللي اسويه فهمت لو لا....فقط تنفذ اوامري
البديگارد:اسف
حسام:وحظر نفسك هالايام تسوي الي طلبتة منك
البديگارد:حاظر
حسام:يلا انگلع عن وجهي
سد الفون بوجهه...وحطه ع المكتب واعصابة تالفة...يتنرفز من سيرة فادي موووت....شياطين الدنيا تنط بوجهه بس يتذكر الي سواه بأخته...رغم ان فادي مامسوي شي قوي بس دموع مرام هي الي شوهت صورته....او بالاحرى انطته انطباع عن فادي القديم صاحب العلاقات الكثيرة...مابرد گلبة لانه ماشاف التغير الي طرأ على فادي
رجع فونة يرن
اخذة ورد بعصبية:شنوووو بعدد
رشا بخوف:بيك شي؟
حسام هدا نفسة:هلا حياتي...لا مابيه شي بس مشاكل بالشغل
رشا:يووو...ع شنو تعصب نفسك خيولي الشغل
حسام بنرفزة:يطلعون الواحد من طورة...مستحيل تگلهم شي ويسوونه مثل ماتريد
رشا تمتص عصبيتة:حبيبي
حسام:هلا
رشا بحب:احبك
حسام لانت ملامحة وابتسم:اعشقج
رشا:خوفتني تو
حسام:ههههه سوري
رشا:زين اگول
حسام:كولي
رشا:اليوم رح افاتح فارس بالموضوع
حسام فرح:صددگ....هسة رح تگليله؟؟
رشا:لا ع الليل...يلا انا رايحة هسة مشغولة شوي
حسام مايريدها تروح:وين وين....شعندج مشغولة
رشا ضحكت:هههههههه اگعد يم رنيم وبعد شوي رح تجي جوري...تگول رنيم رح تعيش عدنة
حسام بأستغراب:ليش واهلها؟
رشا:اهلها توفو قبل شهرين بحادث سيارة
حسام:اوووو...خطية
رشا:اي والله خطية...المهم البيت جبير وماتگدر تعيش بي وحدها...
حسام:اي حقها وين تگدر...بس يعني شلون رح تبقة عدكم وفارس موجود
رشا بعدم فهم:ليش شكو بيها؟
حسام:انتي گلتي فارس يحبها..وتصير بينهم شغلات من حضن وهيج اشياء
رشا تنتظره يكمل:اي؟
حسام:اي يعني اذا حتبقة وياكم وفارس موجود محد يضمن انه فارس مايسوي شي
رشا فهمت:اهااا...لا اعتقد فارس حاسب حساب لهاي الخطوة
حسام:شلون؟
رشا:يعني اتوقع حيتزوجها بهاي الايام حتة يضمن انه اذا سوالها شي محد يگدر يحجي...زوجته وهو الوصي عليها وولي امرها بأعتبار مالها احد
حسام:اهااا...اذا هيج تمام
رشا:ايوا....يلا عمري رايحة انا
حسام:اووك...اذا صارلج مجال اتصلي علي...ورديلي خبر من تگولين لفارس
رشا:ماشي...يلا باي
حسام:بايات...انتبهي لنفسج...احبج
رشا:انا هم

سدو الخط
____________________________
ع الليل...
اجو فارس وجوري لبيت فارس
اول مادخلت جوري حضنتها رنيم وضلت تبجي وجوري تضحك عليها
سلمت جوري ع سعاد وناصر تالي راحت بغرفة رنيم هي ورشا ورنيم...
گعدو ع الارض وتربعو...
رنيم:اي جوري سولفي..شصار ماصار
جوري انزعجت:رنومة فدوه ماريد احجي بهذا الموضوع
رشا بأستغراب:ياموضوع؟
رنيم:لا ولج...اقصد يعني من رجعت للبيت وضل فارس يمج...شصار ماصار
جوري:اهاااااا.....هههههه شي مايخصج
رشا مثل الاطرش بالزفة:ولكم فهموني...شصاير
رنيم:ههههه بعدين افهمج انا...المهم جوري احجي احجي
جوري:لالا عيب
رنيم تلح:يمعوووده احجي هو شنو العيب
جوري مصممة:لا يعني لا
رشا:عوفينة رنيم لتلحين...وخل اگوللكم اخر اخباري
جوري ورنيم تحمسن:اي يلا گولي
رشا:احم احم...شوفو حسام صارله هواي يلح علي افاتح فارس بموضوع الطلاق...وگلي بس تتطلگين وراها بأسبوع اجي اخطبج ونسوي الخطوبه بغضون اسبوع كذلك
جوري:شساااالفة...شنو هالاستعجال...منو راكض وراكم
رشا:گتلة هيج...كتله ليش هيج بسرعة...وصراحة اقنعني برأية
رنيم:وشنوو رأيه بلا اطربينا
رشا:شوفي...گال نسويها بسرعة حته بعد محد يگدر يحجي علينه لو تصير علينه نظره...نگدر نتصرف براحتنة ومحد الة كلمة علينة والزواج گلي خليه ع راحتج...يمتة ماتردين سوية...وجهزي ع راحتج
جوري:هم صحيح حجيه
رنيم:اي صح...زين ويمته تفاتحين فارس بالموضوع
رشا:هو ع اساس اليوم...بس مادري ليش مترددة
رنيم:ع شنو مترددة
رشا:مادري خاف يعصب لو شي اذا عرف انا احب واحد
رنيم:لا لاتخافين مايعصب...بالعكس حيتفهم الوضع
جوري:اي صحيح...فارس صحيح عصبي ومتسرع كلش...بس متفهم...يعني ماحيگول شي لأن يگول انا احب وحدة وبراحتي اتصرف وياها...وهي حرام مالها حق...ف لاتخافين
رشا:يعني اروح اگله؟؟
رنيم:اي روحي هسة هو بالغرفة...روحي تفاهمي وياه وانهو الوضع وتعالي...احنه ننتظرج
رشا:اوك...يلا رايحة

گامت رشا وطلعت من الغرفة...وگفت گبال باب غرفة فارس واخذت نفس عمييق تهدي نفسها..
طرقت الباب
فارس:ادخل
دخلت رشا:سلام
فارس:هلا
رشا بتردد:اا..فارس رايدتك بشغلة
فارس بأستغراب:شنو
رشا:تعال نگعد

گعد فارس ع السرير ورشا گعدت ع الكنبة المجاورة الة
فارس:احجي
رشا:فارس اريدك تطلگني
فارس بدون اي ردة فعل:اوك...بس اذا طلگتج وين ترحين؟
رشا:هنا موضوعنة..وين اروح...شوف...انا من قبل لااتزوجك جانت عندي علاقة بشخص...وجنت احبة ويحبني بس صارت هواي ظروف وانفصلنه وهو گلي حسافر وبعد مارجع....ومن بعدها ابوي تغير جذرياً وصار ع الحال الي هسة انت جاي تشوفة
فارس بهدوء:اي...كملي
رشا التفتت للجهةالثانية:قبل خطوبة رنيم بشهر...اثناءطلعاتنة لتجهيزات الحفلة....شفتة بالمجمع
فارس مركز وياها:منو؟
رشا:حسام...الي هو حبيبي السابق....انا انصدمت من وجودة لأن عبالي مسافر...المهم هو هم انصدم تالي طلب مني نگعد بكوفي ويفهمني الوضع...انا بسرعة انقاديت الة ومارفضت...لأني...
قاطعها فارس:تحبينة
رشا رفعت راسها وباوعتلة:صحيح...المهم...سئل عن احوالي وكذا تالي گلي انا احبج وتندمت من تركتك و و و يعني برر سبب انفصالنة وندمة...انا طبعاً ساكتة وحيل متوجعة...بعدين حجة وياي بحنية وگلي شبيج وشصاير وياج...هو الانسان الوحيد الي اضعف يمة...حجيتلة كلشي وكذا....انوب طلب نرجع علاقتنة سوا...وگلي طلبي الطلاق من فارس وانا اجي اتزوجج بس انا گتلة مو هسة بس ختعدي هالفتره وورا خطوبة رنيم
فارس:زين هسة انتي متأكدة اذا طلگتج حيجي يخطبج؟؟
رشا:100%
فارس:حلو...ماشي اذا هيج عادي اطلگج...شوفي انتي الوقت الي يعجبج ونروح للمحكمة
رشا:باجر تگدر؟؟
فارس طگها ضحكة:هههههههههههههه مستتعجلة
رشا استحت:ههههههه مو انا هو يلح هواي
فارس:ههههه ماشي باجر باجر ماعندي مانع...والله يوفقج وياه...اهم شي لگيتي راحتج
رشا:زين سؤال؟
فارس:هلا
رشا:شعجب ماطلگتني من زمان رغم انت ماتطيقني
فارس ضحك:هههههه شوفي هو مو يعني ماطيقج ماطيقج....بس لأن انتي بحياتي موجوري...واظن تفهمين هذا الشي بما انج عشتي التجربة...ودايماً افتعل المشاكل وياج حتة اكرهج بية ومانطيج مجال تحبيني...وبنفس الوقت ماطلگتج لأن اعرف من رح ترحين لابوج حيزوجج واحد اتعس مني وحتتأذين وحيخرب حياتج...ف گلت لمن اشوفلي حل وي ابوها واضمن انه مايسويلج شي...يعني ك بنت گاعده ببيت اهلها لمن يجيها النصيب
رشا:اهاااا...زين طلع عندك ضمير
فارس فتح عيونة من الصدمة:اياا ثوولة....لعد شنو انا بلا ضمير
رشا:هههههههههه والله هيج جنت اشوفك
فارس:اگول گومي گومي انگلعي يم صديقاتج لا انتقم منج
رشا:هههههههه ان شاء الله

طلعت من الغرفة وسدت الباب...ورجعت فتحته:مو تنسة باجر
فارس:ولي ماننسه بس فكينة
رشا تنرفزة:هههههه حسام يسلم عليك
فارس:تصدگين حبيت حسام...لالا موحبيتة...عشقته لأن رح يفكني منج
رشا سدت الباب وهي ميته ضحك عليه

دخلت للغرفة وشافت البنات گاعدت نفس الگعدة...اجت صفت يمهم وهي فحطانه من الضحك
رنيم:ها شصار
رشا:گتلة كلشي وعادي ماگال شي اصلا گلي عشقت حسام لان رح يفكني منج
رنيم:هههههههه خرررب قصف


يتبع....

ع الليل انزل الباقي