ع الساعة ب5 العصر كلهم جهزو...
جوري ورشا بسيارة فارس الجارجر
ورنيم اجة عليها بهاء بسيارة فيراري
ومرام وي حسام بسيارة موستنگ
فادي بسيارته البورش
مهند راح بسيارته bmw 2014 ع زينة لأن محد يجيبها
اتفقو يرحون لمدينة العاب...
5 سيارات تمشي سوا وسيارة احلة من الثانية
متقدمهم بهاء بالفيراري ووبصفة فادي بالبورش...تالي فارس وحسام ومهند
ولا سيارة گدرت تصف يمهم...شخطو الشارع شخخط والاغاني ترگع
وصلو بنفس الوقت وصفو سياراتهم بالباركنغ ونزلو
فارس لابس جينز حبري(نيلي غامق) وشيرت اسود نص كم والياخة واطراف الاكمام محددة بالازرق مكتوب علية بالازرق vampire وحواليها مثل قطرات الدم مخصر طبعاً وبازر عضلاتة وشوز سبورت ابيض وبرقبته سلسلة فضية بدون الحلقة لأن الحلقة لبسها بأيدة وساعة فضية ويمها سوار رجالي اسود
فادي لابس جينز رصاصي غامق وشيرت زيتوني نص كم مرسوم عليه بالطرف علم برازيل صغير وع الكم مكتوب رقم 3 بالابيض كذلك مخصر وبارز عضلاتة وشوز سبورت اسود محدد بزيتوني وبرقبته سلسلة فضية اكيد وساعة سير اسود فخمة داخلها مكتوب اسمة بالانكليزي بالكرستال الناعم بطريقة جداً مرتبة
مهند لابس جينز اسود وشيرت ابيض مرسوم عليه خربشات بالازرق والقليل من الوردي ومكتوب بالاصفر Try Again وفوگاه جاكيت خفيف اسود ورافع اكمامه لثلث ايده وطبعاً لازم مخصر وتبرز عضلاته وشوز سبورت فلات(حفاية رجالية) وساعة ذهبية يمها سوار ذهبي ع شكل مسمار ملفوف ع ايده وبرقبته سلسلة فضية
بهاء لابس جينز نفطي غامق وشيرت رصاصي غامق مكتوب عليه HUGOBOSS وفوگاه ستره نفطية فاتح ومشمر الاكمام لثلث ايده واكيد تكون مخصرة وشوز فلات وساعة سير بني غامق فخمة جداً
حسام لابس جينز ابيض ترابي وقميص ازرق غامق مخصر ومشمر ع الاكمام لثلث ايده بطريقة شبابية وع رقبته شال خفيف فيكة(كشخة) مقلم بدرجات السمائي والازرق وشوز فلات وساعة فضية سير ازرق غامق ويمها سلسلة فضية عريضة شوي ملفوفة ع ايدة وبنهايتها مفتاح
الشباب طالعين اشرد كلهم جمالهم يخطف الانظار غير كشختهم الي تجذب الكل ورزتهم وهيبتهم
اما البنات ف لابسين هيج
طلعو من الباركنغ وقبل لايدخلون للمدينة تعرفو ع حسام...
مرام:هذا اخوي حسام...جوري عرفيه ع الشباب ماعرفهم هههه
جوري:هههه ماشي...(اشرت ع الشباب واحد واحد)...فارس ابن عمتي...فادي صديقنة...مهند كذلك صديقنة....بهاء خطيب رنيم...رنيم بنت عمتي اخت فارس...زينة صديقتنا...وهذي..(ضحكت)...هههه رشا
حسام سلم ع كل واحد منهم ومن وصل لفادي عرفة انطاه نظره بيها معنة بس فادي مافهمها
فارس:يلا امشو نفوت جوا
فادي:خل كل واحد يدخل بنية وياه لأن مايدخلون شاب لوحدة
فارس:انا اخذ جوري..وبهاء ياخذ رنيم وزينة وي مهند ومرام وي حسام...تبقة رشا
فادي:خليها تجي وياي
فارس:ووك يلا
دخلو للمدينة واخذو البطايق ودفعو حساب الدخول طبعاً البنات جايبين بس فوناتهم ههههه الدفع كلة ع الشباب
مهند:شنو نركب؟؟
بهاء:بسم الله تونة دخلنة...خل نگعد نسوي هههههه مشفوح
مهند:استرجع ايام الطفولة هههه والله صارلي زمان ماداخل الالعاب
حسام:اتذكر اخر مرة دخلت للالعاب من جان عمري 10 سنوات
فارس:ههههههه انا هم نفسك
رنيم:يعني نضل واگفين لو شلون؟
بهاء:تعالو نگعد ع ذيج الطاولات مابيها احد
توجهو ناحية طاولات فارغة وگعدو عليها
جوري:انا عطشانة
رشا:انا هم
رنيم ومرام وزينة:احنة هم
فادي:واحد يتبرع ويگوم يشتري العصيرات
رشا:انا اروح بس منو يجي وياي؟
مرام:انا اجي وياج
فارس بضحكة:وانت حسام روح وياهم
حسام مايدري فارس عندة علم...أشر ع نفسة:انا؟!!
فارس:اي انت اكو غيرك حسام هنا
حسام:ههههههه ووك..(گام)..يلا امشو
رشا:لحظة خنشوف طلباتهم
سجلت رشا طلباتهم بملاحظات الفون وراحت وي مرام وحسام
حسام التفت ع رشا:حياتي شنو صار ع موضوع فارس؟
رشا:احزر؟
حسام:گلتيلة؟؟
رشا ابتسمت:اليوم طلگني...صرت حرة
حسام بذهول وفرح:برربج!!!...يعني هذاهو اگدر اجي اخطبج
رشا:يي عادي
مرام تونست:واااااي مبروووك....يوم الي اشوفكم عرسان
رشا:ههههه يوم لألج
مرام رفعت ايديها:امييين
حسام صگعها ع راسها:انا هنا ثولة
مرام:ههههه وشسويلك يعني
حسام هز راسة:ماكو احترام ابد...المهم حبيبتي يمتة اجي اخطبج من ابوج؟
رشا:شوف...فارس يگول تعال اخطبني من عندة
حسام عقد حواجبة:ليش هو شدخلة بالموضوع
رشا:يگول ابوي مامهتملي ومايعرف ارضي من سماي ف هو ولي امري وبأعتباره هو اخوي الجبير ف تجي تخطبني من عندة
حسام عجبة موقف فارس:حلووو...عجبني تصرفة...زين رح تبقين ببيتهم؟؟
رشا:اي رح ابقة عادي ماتغير شي لأن اصلاً ماجان شي بينة حتة الطلاق يأثر...اصلاً اليوم طلگني منا وعقد ع جوري منا
حسام:ياهي منهم جوري؟
مرام:الي عرفتك ع الشباب
حسام:اهااا...(بتفكير)..حقة والله فارس ينجن عليها...البت قطعة
ماحس الا ضربتين بنفس الوقت جتة
التفت شاف مرام ورشا يباوعولة بنص عين
مرام:حقة ها
رشا:قطعة ها
حسام طاح بمطب:ها...لالا اقصد يعني يستاهلها هو خوش ولد وحبوب وكذا يعني
رشا:مممم خوش عليك
حسام لزم ايدها:حبيبتي انتي هو انا وين اشوف احلا منج...معمي عن الكل
مرام:اي طمطمها طمطمها
حسام التفت عليها:ثوول بدل ماتصفين وياي
مرام:شصف وياك هو انت لصتها وتريدني اصف...انا اختك وغرت انوب هي...حقها تعصب
حسام رأسن التفت ع رشا:حبيبتي معليج بحجيها ختولي هاي طفلة....انا اسف والله ماجان قصدي
رشا ببرود:طيب ماصار شي
حسام:رشاوي
رشا:ممم
مرام عرفت شنو رح يگول ف حجت وياه بنفس الوقت:احبج...والله اعشقج
رشا ضحكت ع مرام:هههههههه
مرام نفس الحالة تحجي وي حسام:فديييت الضحكة
حسام فر عليها ووجهه خالي من الملامح:تنطمين لو اخلي النعال يتعامل وياج
مرام:هههههههههههه والله حتة حفظت كلامك من گد ما24 تتخابرون....يمممتة ماادخل عليه الفون بذانه حته بالشغل
رشا:هههههههههههه
حسام:وانتي شكو
مرام:هههههه امشي امشي خل نشتري تأخرنة عليهم
______________________
عند الشلة...
مهند:ودينالهم يجيبون عصير مو يصنعونة
جوري:هههههه هسة تلگا حسام ملتهي وي رشا وناسينة
بهاء:يسويها الخبل
فادي:اهووو خاصة انوب اليوم رشا صارت حرة
زينة بأستغراب:شلون يعني؟
مهند:فارس طلگ رشا اليوم...وتزوج جوري
زينة فتحت عيونها بصدمة:ثنينهم بنفس اليوم؟
فارس:هههههههه احلا شي بية انو مااضيع فرصة ابداً
رنيم:وانا اشهد...يراد اتعلم منك
فارس:تعلمي من فادي...انا اخذتها منة
فادي يمثل الصدمة:انا؟!!
مهند:لا كلش مسوي بيها بريئ وطالع منها
فادي:ههههه انا فقير
جوري وفارس ومهند ورنيم بنفس الوقت صاحو:كووووولش بريئ
فادي اخترع:هههههههه بسم الله خرعتوني...هيج ماخذين عني نظره سيئة
هنا بهاء صاح وياهم:فد مرة
فادي بذهول:بعععد...انت هم صفيت وياهم...(بغرور)...ماشي خلي الايام تثبتلكم شنو فادي
فارس:عشرة 25 سنة وماثبتت شي
مهند:ههههههههه اي والله انا هم
بهاء:قصف قصف
فادي:طول عمركم نذلين
شافو مرام جاية من بعيد وبيدها كيس العصاير...وصت يمهم وحطت العصاير ع الطاولة
رنيم:وين رشا وحسام؟؟
مرام بحقد:طردوني وولو يفترون
جوري:هههههه مو گتلكم
فادي:مرام حاقدة من گلبج
مرام:الحقير حساموه انطاني الفلوس وطفر وخلاني وحدي
فارس:ههههههه تعيشين وتاكلين غيرها...تعودي
زينة:يلا شربو عصيركم وخل نگوم نلعب بالالعاب
كلمن اخذ عصيرة وگام
فادي:مرام تعالي وياي ع مايجي اخوج
مهند بضحك:هاي اذا اجة هههههه
جوري:شنو نركب؟؟
رنيم بحماس:تصاادم
الكل:اوك
راحو قطعو تذاكر وركبو تصادم...طبعاً خلوها تفضى كلش ودخلو بيها لوحدهم...ركب كل واحد بسيارة والضحك والصياح عالگ ومنظرهم محمس كلش حتة الي جاي يفتر وگف يباوع عليهم
شوي واجو حسام ورشا ووگفو يباوعولهم
حسام صاح:خياااااانة
فارس صاح بتنغيز:خياانة هاا...احنة الخاينين لو انتو
حسام يحجي بصوت عالي حتة يسمعونة:ههههههه...لا تنزلون رح اروح بسرعة اقطع تذاكر ثانية ونجي نركب وياكم
مهند هم يحجي بصوت عالي:تسوي فضل ههههه...بسرعة لاتطول
حسام:ثواني
راح بسرعة ركض قطع عشر تذاكر واجة ماطول اكثر من دقيقة...لگا اللعبة واگفة بس بعدهم گاعدين بالسيارات...سيطرة هههههه...انطة التذاكر ودخل هو ورشا واخذولهم سيارات وبلشت اللعبة ورجع الصياح والضحك وواحد يصدم الثاني وهذا ينتقم لذاك والحماس فول
خلص الوقت ونزلو منها تالي ركبو دسكفري...البنات صريخهم وصل لاااخر المدينة والشباب يردون ياخذون نفس من الضحك ماكو...كل وحدة تدعي ع واحد من الشباب وتصرخ والدموع تنزل
خلصت اللعبة ونزلو...البنات گلبهم بيدهم من الخوفة والشباب صنفوهم تصنيف ويقلدون ع صريخهم ودعاويهم ويضحكون...لمن كل واحد حصلة طبنة من البنات وسكتو ههههه
تالي قررو يدخلون سينما...اتفقو يخلون فلم رومانسي والبنات تونسو...بس اكيد لازم النذالة تشتغل
فارس وفادي سوو دگة بيهم واختارو فلم رعب بسكوت ومن دخلو واشتغل الفلم انصدمو...رجع صريخ البنات عند كل لحظة مرعبة ومتحلفين بفارس وفادي وناويلهم نية سودة وذول الثنين فاغرين ضحك لاهامهم لارعب ولاشي عبالك داخلين فلم كوميدي
خلص الفلم وطلعو من السينما....البنات اول ماطلعو يباوعون ع فادي وفارس وعيونهم تطلق شرار...فارس وفادي شافو النظرات ماشافو الا غبرتهم...يركضون وسكرانين ضحك...افترو بالمدينة شوي وركبو لعبتين وتونسو وصنفو ع كم واحد تعدا من يمهم وطبعاً الضحك بأعلى الصوت والبنات منجنااات عليهم...
جاي يمشون وشافو بنية طويلة ولابسة كعب طويل كلش ومسمار...فادي باوعلها بخباثة
فارس ضحك:هههههه شنو براسك ولك
فادي:ههههه اريد اكسر كعبها
فارس:ليش شمسويتلك
فادي:غاثني...بروحها طويلة وعصگول ولابستلي كعب....وين الانوثة ياناس
فارس:هههههه وشلون رح تكسرة
فادي بتفكير:شوف...انت روح سوي نفسك تتعرف عليها وتريد رقمها وتلهيها وانا اجي من وراها اسوي نفسي اعثر وارفس كعبها واكسرة
فارس:ههههههههه انا معلي طلعني من السالفة
فادي بحماس:يمعود تعال تعال خل نتونس
فارس:ههههه يلا امشي
راح فارس بأتجاه البنية وطگلها ابتسامة تذوب وهي صفنت بوجهه وساحت وحجة وياها بطريقة خلتها مفهية...فادي حاصرتة الضحكة ع منظرها المفهي بس لزم نفسة...مشة ع كيف واجة من وراها ورفس الكعب بقوه وضرب كتفها حيل عن عمد وسوا نفسة مايدري:اووه سوري...مستعجل وضربت بيج
البنية داخت ع فادي:لالا عادي
فادي:باي
تركها وراح وخلة فارس متورط وياها ومستغرب ليش الكعب ماانكسر
فارس باوعلة من بعيد واشرلة بوعيد..التفت ع البنية وبسرعة استأذن منها وشرد قبل لا تلزم بي
تركها وراح ناحية فادي
فادي راد يحجي وماحسو الا البنية مشت خطوة وانكسر الكعب فجئة وانسمطت بالارض سمطة والكل ضل يباوع عليها
هنا فادي وفارس طااااحو ضحك....يمشون خطوه ويوگفون شوي ياخذون نفس...كل شوي يتخيلون منظرها ويطيحون ضحك
رن فون فارس
رد وهو ياخذ نفس:الو
مهند:انتو يالهايتين وين وليتو
فارس:ههههههههه مهييينو فااااتك والله
مهند:شنووو
فارس:بعدين اسولفلك بس لاتسئلني گبال الشلة لاانوب تبلش جوري تحقيق
مهند:ههههه اووك يلا تعالو احنة واكفين يم البوابة الخارجية
فارس:جايين..(سد الخط)...يلا امشي ينتظرونة يم البوابة الخارجية
فادي:اوك
مشو وراحو يم البوابة وشافو الشلة
حسام:وين رحتو
فادي:رحنة ركبنة كم لعبة واجينة
بهاء:ههههههه شوف النذالة حتة ماگالو
مهند:هسة نروح لمطعم نتعشى
الكل:اوك
طلعو من المدينة وراحو للباركنغ وركبو سياراتهم ونفس الترتيب بس رشا راحت وي حسام ومرام
الجو جان ليل وكلش حلو احلة من العصر ونفس الحالة محتلين الشارع وشاخطين بالسيارات شخص والاغاني اجنبية وترگع وحمااااس
وصلو للمطعم ونزلو ودخلو...حجزو جناح عائلي وگعدو...شوي واجاهم النادل واخذ طلباتهم وطلبو انواع واشكال...اجة العشا وتعشو وشبعو وانواااع السوالف والضحك والتريقة...
خلصو عشا وطلعو من المطعم وراحو للكورنيش...كلمن اخذ حبيبتة وراح وجهة معينة
مرام راحت وي حسام ورشا بس حسام ولاكانها موجودة عبالك حايط يتغزل ولاهامة وهي كل شوي تحشر روحها حتة تنرفزة ورشا بس تضحك عليهم
فادي راح وي مهند وزينة...همة مو كبل يعني بعدهم ماعالنين بالشلة انهم ثنائي
جاي يمشون وفادي دخل عرض:اگول انتي اسمج زينة مو
زينة:اي
فادي:مو انتي الي مرة صفيتي وي النذلة جوري ومثلتي انج تعرفيني
زينة ضحكت:ههههه اي
فادي:انا لحد الان اكو سؤال ببالي
زينة:وهو
فادي:بس اريد اعرف الدموع منين جبتيها؟؟
زينة:هههههههههه سر المهنة
فادي يقلد عليها:سر المهنة
زينة:هههههههه
مهند:اگول فادي
فادي:گول
مهند:يصير اعتبرك حايط لدقيقة
فادي:اعتبر عيني اعتبر
مهند:هههه تسللم...التفت ع زينة)..اگول
زينة:گول
مهند:حاب اگلج شغلة
زينة:شنو
مهند حك رقبته بأحراج وبتردد:احم...زينة انا...انا احبــــج
زينة تفاجئت وسكتت هي تدري انه يحبها بس ماتوقعت هسة يعترف
فادي صاح:عاشووووو....مهينو طلع عاشگ...شعليييه
مهند:فويدي انطم
فادي:حاظر
مهند:ااا..احم ماعرف شگول...انا من زمان انعجبت بيج بس ماردت اعرف الا لمن اتآكد من مشاعري وهسة تأكدت،...ف انا اريد ردج
زينة تتلفت بعيونها وخجلانة:رد شنو؟
مهند:تحبيني لو لا؟؟
زينة بتلكك:ااا هذا..شسمة..(رفعت نظرها ع فادي)..
مهند فهمها:عادي گولي اعتربيه ماموجود
فادي:شكراً ع الاطراء
مهند بنرفزة:فاادي اسكت
فادي يضحك:هههه سكتنا...كنتنيو
مهند ينتظر ردها:ها؟!!...شنو ردج؟
زينة هزت راسها بنعم
مهند فرح:يعني تحبيني
زينة هزت راسها
مهند من الفرحة مايعرف شيسوي ضل يفتر حوالين نفسة:ااااااا ماعرف شگول ولا شسوي
فادي:شبيك تفتر ع نفسك خبل...لازم اعلمك يعني...روح احضنها وگلها احبج بذانها...الى متى اضل اعلم بيكم
زينة فتحت عيونها بصدمة من حجي فادي...وانصدمت اكثر لمن حست بمهند يحضنها ويهمس بذانها بكـل حب:احبـــــج
انصدمت بالحيل ماتوقعتة يسويها عادي وبمكان عام
فادي يصفگ ويصفر:عاشووو...تعجبني مهيينو
مهند ابتعد عنها:ودي اصيح هسة واگول احبج
فادي ناصب عليه:اي عادي صيح...الحب مو عيب
زينة بسرعة:لااا يلعب عليك هذا
فادي:ههههههههه والله يسويها لو ماگايلتلة
مهينو:ماشي مقبولة منك...حمشيها هالمرا
فادي:ههههههههه
مهند لزم ايد زينة ومشا:يلا ولي عنا خلينا لوحدنة
فادي لحگهم:والله ماروح...شنو اضل مصفن وحدي...عود غير وكت طلعو لوحدكم
مهند:لزگة
فادي:احلا لزگة
زينة:ههههههه عمري ماشفت گد ثقتك
فادي غمزلها:اعجبج
مهند:لاتغمزلها لا افگس عينك
فادي:ههههههههههه بلشت الغيرة
ضلو يمشون وفادي طول الوقت ينرفز بمهند ويضحك عليه ومسويه نصبة وزينة هم عدها نذالة وتجاري فادي وشابعين ضحك
ع الساعة 1 بعد نص الليل رجعو للبيت
بطريق الرجعة ماعلو الاغاني بس هم شخطو بالشارع الي فارغ وسوو مسابقات بينهم وفرو كم فرة بالسيارة وفاز فادي بالسباق ووراه بهاء لأن اصلاًسيارته نااار بس فادي محترف بالسواقة ف صار الاول ووالثالث فارس تالي مهند واخير شي حسام ماگدر يسوق سرعة زايدة لان رشا تخاف
خلصو فرة ورجعو للبيت داااايخين كلش وتونسو كلش بالطلعة...كلمن اخذ درب الفراش وراح نام...
انـتـهــــــى البــــــــارت...
ارائكم...تعليقاتكم...توقعاتك م...
انتظروني في البارت الاخيـــــــر