[لامارا]

البارت الرابع عشر

بعد كم ساعة وصلوا خالد ورباب لبنان
في المطار رباب كانت مستغربة لانه خالد قالها راح يرحون إيطاليا . بس ما فكرت انها تساله حتى
طلعوا من المطار وراحو على الشقة
كانت الشقة صغيره ووسخه مررررره في عماره قديمة تتكون من غرفة وحمام ومطبخ وصالة . خالد دخل على طول الغرفة وترك رباب وقفه في دهشة
انتظرت ربع ساعة ونص ساعة وخالد ما طلع من الغرفة . جلست على الكنب وهيا تناظر المكان . ماقدرت تتحمل اكثر راحت فتحت باب الغرفة
رباب: ممكن اعرف وش هذا المكان اللي جايبني فيه .ماتقدر تتزوج ليش تاخذني من بيت اهلي
خالد: من سمح لك تدخلين الغرفة
رباب: ادخل مكان ما ابي كيفي
دقايق وخالد صار قدامها ومسك يدها بقوة : من اليوم تسمعنى الكلام وتجلسين هادية لو ماتبين تنضربين . بمجرد ما أقول شي تسوينه . والغرفة هذا ما تدخلين الا لما تدقين الباب واقولك تدخلين وبصرخ فاهمة
رباب بعصبية: لا مو فاهمة
خالد شد شعرها: شوفي كلامي ماراح اعيده .ولو ما تربيتي في بيت ابوكي انا اربيكي سامعة
تركها وطلع من الشقة وجلست مصدومة في مكانها تحاول تستوعب اللى صار. قامت بهدوء وجلست لى شنطتها تتطلع في المكان
مرت ساعة وساعتين وثلاثه وخالد ما جاء .اخذها النوم ونامت وهيا جالسة
***************************
في اليوم الثاني قامت على صوت خالد
رباب بعصبية: وجع مجنون
خالد: مو مجنون غيرك .وجع يوجعك قومي نظفي المكان وبعد كذه سوي لي فطور
رباب : هههه ضحكتني وانا ما فيني . أقول انا مو خدامة عندك
خالد جاء صوبها: نعم عيدي ما سمعت
رباب: كلام الملوك ما ينعاد
خالد ضحك بقوة: من الملك . أقول قومي قومي بس


في الرياض وفي بيت عهود وعبدالله
عهود: عبود
عبدالله وهو يشتغل على اللاب : هلا
عهود: ممكن اطلب منك طلب
عبدالله قفل الاب توب وطالع فيها: انتي تامري نمو تطلبين
عهود: يصير نسافر انا وانت وحمودي وشيخة
عبدالله: وين تبي تسافري ياقلبي
عهود بسرعة: لا لو مشغول ماراح أقول شي
عبدالله ابتسم: قوليلي وين خاطرها تروح روحي
عهود: صديقتي سافرت ماليزيا وطفشتني كل شوي ترسل لي صور وتقولي شوفي وشوفي
عبدالله ضحك : يعنى تبين تقهرينها
عهود: ايه احسن
عبدالله: يلا باقي على الدوام أسبوعين اختاري المكان اللي تبين تروحين
عهود تفكر: ابي اروح إيطاليا عند رباب وكمان ابي اروح سنغافورة . يلا اختار واحد من الاثنين
عبدالله: اجل جهزي
عهود: طيب وين بنروح
عبدالله: مفاجاءة
عهود باست عبالله في خده: جعلني ما انحرم منك
عبدالله : ولا منك حبيبتي
بعيد عن عصافير الحب عهود وعبدالله نروح بيت مشاري

كانوا جالسين في الصالة
نورة : مجيد
عبدالمجيد: هلا يمه
نورة: متى تبي نسوى زوجك
عبدالمجيد: انا ما راح اتزوج
نورة: ترى اسيل زوجتك
عبدالمجيد: احنا اتفقنا على الورق بس علشان ابوها
نورة بعصبية: مجيد لا تخليني اغضب عليك . مشاري قول شي
مشاري: بكره جهز بنروح نستاجر القاعة ونودي المهر لبيت عمك
عبدالمجيد بعصبية: الله انا قلتلكم ما ابي اتزوج
مشاري: انتهاء النقاش يا مجيد
عبدالمجيد قامت وترك المكان
رغد: يمة يبه ما ينفع كذه
نورة: مجيد هوا اللي اجبرني اسوي كذه يا رغد
رغد: بس يمة كذه ممكن تظلمين اسيل . واسيل ما تستاهل
نورة: مجيد قلبه كبير وراح يتعلق فيها بسرعة
رغد: أتمنى
*******************************
نترك مشاري ونورة ورغد ونروح لبنتهم ريمومه
كانوا هيا وبدر يمشون على الثلج وهم مبسوطين . اخذ بدر الثلج وكوره ورمه على ريم
ريم: بدوري
بدر: اول مرره اعرف انو اسمي حلو كذه
ريم استحت وما ردت
بدر: ريموتي
ريم: هلا
بدر: تعالي ابي اقولك شي
ريم راح جنبه على نياتها .شالها عند الأرض
ريم تصيح: بدر الله يوفقك نزلني
بدر: اول شي قولي انك تحبين
ريم: بدر والله يخليك لا اطييح
بدر : راح انزلك بشرط تقولين احبك وتعطيني بوسه
ريم بخوف: والله راح اسوي انت بس نزلني
بدر نزلها وهربت منه بسرعة .بدر يلحقها
بدر: ياقلبي انتظري
ريم: والله ما اجي
ريم وهيا تجرى وطحت وبدر طح جمبها وسط الثلج .
بدر بخوف: صار لك شي
ريم ماقدرت تمسك ضحكتها ضحك : شعرك شعرك كله ثلج هههه
اخذ بدر ثلج وحطه على راس ريم : صرتي تضحكين زيك

بعيد عن الثلج والوناسة نرجع لبنان
بعد ما صلت رباب شافت الأشياء اللى جابها خالد وكانت كلها أغراض تنظيف واغراض البيت
لبست بجامة وربطت شعرها .اخذت الأشياء وبدات تنظف في الصالة مو خوف من خالد .بس لانها هيا راح تجلس فيها . جلست اكثر خمس ساعة وهيا تنظف . نظفت الصالة وغسلت الأرض والجدران وبعد ما خلصت من الصالة راحت المطبخ ونظفته
بعد ما خلصت حست نفسها راح تموت من التعب بس المكان صار يفتح النفس مو زي اول . اخذت لها شور وبعد ما طلعت حست بجوع من امس ما اكلت شي وخالد طلع ولا كلف نفس يجيب لها شي . جلست على الكنب وافتكرت الكيس اللي اعطتها اختها كانت فيه شبسات وحلويات جابت تاكل
رباب: الله ياخذك يارب جعلك ما تتهنى يارب

بعيد عن العمارة ورباب بس في لبنان وفي حي راقي
مادلين: شو بدك تاكل على العشى حبيبي
......: أي شي من يدك حلو
مادلين: راح اعملك محشي بدك تاكل أيدك من بعده
.....: تسلم ايدك حبيبتي
جاء ولده جرى : بابا بدي اروح العب لحد ما اتعب
......: اكيد ياقلب بابا راح اوديك تعلب بكره . ونروح ناكل في المطعم انا وانت وماما
رامي: هيدا احلى خبر بابا

نرجع لرباب
كانت مرره طفشانه موت مافي حتى تلفزيون تسلى نفسها فيه مافي . فتحت شنطتها وطلعت كتاب عبدالله قال لها انها راح تدرسه في السنة والأولى وجلست تقراء فيه

في صباح اليوم الثاني كانوا عهود وعبدالله يستعدون علشان يسافرون لإيطاليا . عبدالله كلم خالد كم مرره بس ما رد وبعد كذه أخيرا رد
عبدالله: السلام عليكم
خالد: وعليكم السلام
عبدالله: كيفك خلودي
خالد: تمام . كيفك انت
عبدالله: بخير الله يسلمك . كيف ربوبتنا اخبارها
خالد: تمام مبسوطة . امس فرت في الأسواق وتعبت ونامت
عبدالله ضحك: اجل الزواج غيرها .كانت تكره الأسواق وتعشق الكوفي والمطاعم
خالد: شفت كيف غيرتها
عبدالله: خالد بغيت اسالك وش اسم الفندق اللى نزلتم فيه . راح نجي إيطاليا وحمودي مو راضي ينزل في أي فندق . يقول يبي ينزل مع عمته
خالد في نفسه: الله ياخذك ياحمودي: بالله راح تجون إيطاليا
عبدالله: ايوه الله بس راح نجلس أسبوع وبعدين بنروح سنغافور
خالد: ومتى راح تجون
عبدالله: حصلنا حجز بكره
خالد: خلاص لو وصلتم كلمونا بس وانا راح احجزلك واستقبلك
عبدالله: ان شاء الله . يلا مع السلام
خالد: مع السلام
قفل خالد من عبدالله وبسرعة مسك لاب توب يشوف حجز لإيطاليا . بعد ما عدل اموره قرار يرجع الشقة
رجع الشقة وشاف رباب نايمة وفي حضنها كتاب . واليبت نظيف عكس يوم جوا
خالد في نفسه( والله وطلعتي تعرفين تشتغلين يارباب )
خالد بصرخ: رباب
رباب فتحت عيونها بشويش: وجع ان شاء الله قول امين
خالد بعصبية: انا وش قالتك قبل يومين
رباب: ما افتكر مين انت علشان احط كلامك في راسي
خالد اعط رباب كف على وجهها : تاكلين تبن ولو تردين عليه يدي راح يربيكي
رباب: جعل يدك تنكسر يارب . والله والله راح ارجع حقي
خالد : قومي بسرعة جهزي بعد 3 ساعات راح نسافر
رباب: وانا ما ابي اسافر
خالد مسكها من فكها: عندك ساعتين بس ولا تكونين جاهزه وشوفي وش راح يصير لك .تركها وراح الغرفة . جلست رباب في مكانه ولا اهتمت لكلام خالد . تحس بدوخه ما اكلت اكل من يومين كل اكلها على الشبسات . جات راح تقوم ما قدرت وطاحت دايخة . خالد سمع صوت الطايحة وطلع يشوفها . شافها طايحه على الأرض ضربه على خدها على الخفيف
خالد: رباب رباب قومي . رباب رباب ردي عليه
يهز فيها خالد ما في فايدة قام جاب عطر وحاول فيها تقوم كمان مافي فايدة . اخذها بسرعة على اقرب مستوصف . والدكتوره قالت انو سوء تغذية . طلعوا من المستوصف بعد ما اعطته الكتور مغذي .وعلى طول رحوا على المطار
يوم طلعوا الطايرة رباب ما رضيت تجلس جنب خالد وجلست جنب بنت صغيره
رباب بايتسامة: ايش اسمك ياحلوه
.......: دينا . وانت ايش اسمك
رباب: اسمك مررره حلو انا اسمي رباب
دينا : اسمك كمان حلو . انت سعودية
رباب: ايوه وانت
دينا: انا كمان سعودية والحين انا بروح عند بابا في إيطاليا
رباب: راح نستانس انا وياااكي طول الطريق
دينا: انا مررره فرحانه نفسي يكون عندي اختك اكبر منى
رباب: وانا راح اصير اختك الكبيرة
دينا: طيب انا راح اقولك كل شي عني . انا اسمي دينا عمري 8 سنوات جيت لبنان مع ماما عند أمها . ماما ابوها سعودي وامها لبنانية علشان كذه جينا لبنان . وبكيت بس ماما كانت تعبانة وماتت والحين انا بروح عند بابا
ضمتها رباب وحاولت تخفف عنها
دينا تمسح دموعها: وانتي
رباب ابتسمت: انا اسمي رباب وخلصت الثانوي قدمت في الجامعة تخصص طب وانتظر قبولي . وعندي الحين اخت صغيره اسمها دينا
دينا ابتسمت وباستها على خدها
دينا:انا مررره جوعانه
رباب بطريقة طفولية: وانا اكثر منك
دينا: لا انا اكثر
رباب : خلاص انا واختي دينا مررره جوعانين
نادوا المضيفة وجابت لهم اكل
*******************************
نرجع للسعودية
بعد المغرب طلعوا الجد عبدالله ومشاري ومجيد وعبدالرحمن وعبدالله وامجد وماجد وراحوا بيت عبدالعزيز علشان يودون مهر اسيل . مجيد ما كان عاجبه الوضع ابدا بس علشان ما يكسر كلمت ابوه راح
وبعد ما تعشوا راحو على القصر وحجزوا على أساس الزواج يكون بعد شهر
بعد ما رجعوا البيت على طول مجيد راح على غرفته وقفل الباب

نرجع عند رباب ودينا
اكله وبعدين جلسوا يلعبون واخر شي ناموا مع بعض
وأخيرا وصلوا لإيطاليا وفي المطار افترقوا
وصلوا الفندق رباب وخالد . كان الفندق فخم بكل ما تعنيه الكلمة . رباب كانت مستغربه من تصرف خالد بس ما بينت وسوت نفسها موم هتمه . راح خالد وحجز لهم جناح ولعبدالله جناح
دخلوا الجناح فرق بين السماء والأرض يوم راحوا لبنان . مكون من غرفتين وصالة كبيرة وحمام
خالد جلس على الكنبة : بكره اخوكي راح يوصل يويلك تفتحين فمك وتقولين اننا رحنا لبنان
رباب ابتسمت: اهااا علشان اخوي قال راح يجي هنا قمت جبتني . من قبل ما ادخل المدرسة تعلمت انو الكذب حرام
خالد: على العموم سمعتى وش قلت
رباب: انت خلى اخويه يوصل وابشر
راحت رباب ودخلتهافي غرفة من الغرف قفلت الباب
جلست على كنبه صغيرة وفتحت شنطتها وطلعت لها ملابس وعلى طول راحت تأخذ لها شور . بعد ما خلصت طلبت لها اكل وقالوا لها راح يوصل بعد 15 دقيقة . طلعت بره الغرفة وما حصلت خالد
رباب فتحت التلفزيون وجلست على الكنب : فكه عسى يروح ولا يرجع يارب
********************************
بعد ما دخلوا الغرفة
عهود: على بالك ان كلامك مشي على عبود ترى بس سلكلك
رباب ابتسمت: طيب حتى انت سلكي
عهود: والله ما يمشى عليه ها الكلام
رباب: في الوقت الحالي ما أتوقع اني اقدر أتكلم خليني بعدين راح أتكلم على راحتي
عهود: اوكي ياقلبي .
رباب: عهود اسمعي ابي اطلب منك طلب
عهود: اطلبي اتدلل
رباب: لو طلعنا بعد شوي اطلبي من عبود نروح السوبر ماركت
عهود: ليش ما تطلبين من خالد
رباب: ما ابي منه شي .
ثواني وجاهم حمود يقولهم يجهزون لانهم راح يطلعوا
جهزوا البنات وطلعوا .اول شي راحو كوفي هادي وجميل وبعد ما طلعوا راحو على مطعم علشان يتعشوا وبعد ما خلصوا العشى
رباب: عبودي ممكن ابي اكلمك على انفراد
عبدالله: ايه حبيبتي دقايق بس
خالد طلع رباب وابتسم بمعنى لو تكلمتي راح تندمين
راحو رباب وعبدالله بعيد عن خالد
عبدالله : هلا ربوبتي وش بغيتي
رباب بتردد: عبود ابي اطلب منك شي
عبدالله ابتسم: ايه لا تستحين منى انا اخوكي وش بغيتي
رباب: ءء عبود ناقصني شوية فلوس وابيك تعطيني قبل ما تروح
عبدالله مستغرب: خلودي مقصر معاكي في شي
رباب: لا والله بس انت تعرف باقي ما تعودت عليه وما اقدر اطلب منه
عبدالله ضحك: عادي هوا زوجك
رباب بتضجر: عبود
عبدالله سحب خدودها: خلاص ابشري يا دلوعتي
طلع عبود البوك حقه واعطها فلوس بالعمله الايطاليا وكمان اعطها بطاقته حقت البنك الثانية
رباب باست عبود: تسلم لي ياعزوتي . ايوه صح عبود
عبدالله: هلا
رباب: لا تقول لخالد اني طلبت منك فلوس
عبدالله ياشر على عيونه: من هذي قبل هذي
وبعد ما طلعوا من المطعم راحوا على السوبر ماركت ورباب ما خلت شي ما اخذته ( تخاف خالد يجوعها بعد ما يرحون عبدالله وعهود)
عهود: رباب وش راح تسوين في كل هذا
رباب تسلك : مخزون . علشان لو رجعتم انتي وعبود استحي من خالد
عهود تضحك: مو من جدك
رباب: والله من جد
وبعد ماطلعوا رجعوا الفندق ورباب حلفت على عهود وعبدالله انو حمودي ينام عندها وطبع خالد ما عارض وجلسوا هيا حمودي سهرة على البلاستيشن
********************************
بعيد عن إيطاليا وابطالنا الى هنا نروح شويه فرنسا عند بدر وريم . كانوا مقررين يرحون على جبال الالب
ريم كانت راح تتطير من الوناسة
ريم: تعرف اني من انا صغيره نفسي اروح جبال الالب واعيش فيها زي هايدي بس اختي كانت دايم تضحك على وتقول مستحيل تروحين
بدر: من جدك
ريم: ايوه الله نفس أعيش وزي هايدي ونروح المدينة كل أسبوع نشترى الخبز ونبيع الجبن . تخيل مرره حطيت الخبز في دولابي علشان يصير زي حق هايدي
بدر: هههه يازينك من انتي طفلة تجنن
ريم استحت مررره
بدر : فديت اللي يستحون ياناس . تصدقين ريومتي شكلك لوحدك راح ترجعين السعودية
ريم انفجعت: ليش
بدر باستها: لانه بنت مشاري راح تقتلني
ريم ابتسمت: بسم الله عليك
بدر: مو اقولك راح تجلطيني . وباسها في خدها
ريم استحت مررره وبسرعة دارت وجهها
****************************
في السعودية وعند اموره صغيره من زمان عنها
حلا: ماما متى ان شاء الله بنروح نشترى شنطة المدرسة
رشا: بعد يومين
حلا: سويتي اللي قلتك عليه يعنى خلاص انا مع خلود في نفس المدرسة
رشا: ايه
حلا: شطورة ماما راح اشترى لك حلو من المدرسة لانك تسمعين الكلام
رشا مسكتها من اذنها: لمره الأخيرة راح اقولك انا امك وربى لو استمريتي زي كذه ما راح تدرسين مع خلود
حلا ماسك اذنها: ماما اتركي اذني الله يخليك
رشا: اعتذري بسرعة
حلا: اسف وربى اسف
رشا تركت اذنها وبعد ما بعدت عن أمها
حلا بصراخ: والله راح اعلم عليك جدتي تربيك من اول وجديد
رشا بعصبية : لو انتي بنت ابوكي تعالى هنا
حلا من الدور الثاني تضحك: هبلة قالوا لك
*******************************
مره الأسبوع بسرعة ورباب عاشت احلى أيام حياتها مع عبدالله وعهود وحمود وكانت تتمنى لو الأرض تنشق وتبلع خالد . اليوم راح يسافرون ناس عهود . رباب وحمود جلسوا يبكون في المطار . طبعا رباب قالت لهم يخلون حمودي بس عبدالله وعهود ما رفضوا الفكرة
من هنا عهود وعبدالله ركبوا الطايرة . ومنها وصلوا ابطال جدد من لبنان
مادلين: الو حبيبي وينك
.....: انا في المطار زي ما وعدتك
مادلين: وينك ماعم اشوفك
دقايق وجاءه
رامي ضمه: بابا
شاله : عيون بابا
رامي: انت وعدتني بنروح على الحديقة وبعدين رحت وتركتني
.....: هنا بنروح ولايهمك
في المطار رباب ضيعت خالد وجلست تدور عليه وبعد بحث طويل لقيته
خالد بعصبية: غبية انتي طفلة علشان تضيعين
رباب باقي زعلانه علشان حمودي وما ردت عليه
خالد يسحبها من يدها : امشى
طلعوا من المطار ووقف خالد تاكسي واعطه فلوس وقاله يوصلها الفندق
رباب استنكرت الوضع بس ما تكلمت . وصلت الفندق ودخلت الجناح جلست في الصالة وجلست تبكى وتفتكر كيف انبسطت مع حمودي
بعد 3 ساعة تقريبا سمعت صوت الباب وسمعت صوت طفل
ضحكت رباب: صرت اتخيل صوت حمودي بعدي
خالد: السلام عليكم
رباب: وعليكم السلام
خالد : رباب ابي اعرفك على ناس . رامي مادلين ادخلوا
دخلوا رامي ومادلين
خالد جلس وحط رجل على رجل :هذي الحب حقي مادلين . اشر على مادلين . هذي زوجتي . واشر على رامي .هذا ولدي رامي
رباب ضحكت : حيا الله من جانا
قامت وراحت على الغرفة وجات راح تقفللها بس خالد حط رجوله . دخل وقفل الباب وراءه . مسكها من شعرها : يوم أتكلم ما تقومين من المكان لحد ما انتهى سمعتى . ومن اليوم انتي خدامة عند مادلين ورامي وبصراخ. سمعتى
رباب كانت ماسك دموعها ومابكت ولا ردت على خالد
خالد: نفسي اعرف انتي من ايش مخلوقه حتى ما تغارين
رباب ضحكت : من ايش اغار انا اول شي احبك وبعدين اصير اغار
خالد اعطها كف على وجهها : ما انتظر حبك وانت تاكلين تبن ما تشوفين الدرب تحبيني سمعتى
رباب: اضرب مايهمنى الضرب . اضرب لحد ما تتعب . بس ثق بالله والله ما اعديها عليك
خالد اعطها كف . بس هذي المره رباب ما سكتت ورجعت الكف
خالد مسكها وضربها ضرب حست انو شريط حياتها كله انعرض قدامها
خالد: هل المره تركتت لكن والله المره الجاية لو تمدين يدك عليه اموتك سامعة يا زفت الطين . وجع
طلع وتركها عند مادلين
مادلين: شوبيك حبيبي معصب الدنيا ما تستهل من شان تعور راسك
خالد: انا بدخل انام الحين مره مصدع ولو صحيت راح نطلع مع بعض
مادلين: دقيقة حبيبي انا كمان بدي اجي معاك
خالد: رامي ماتبي تنام
رامي: لا بدي اطلع التلفزيون
خالد: ماشي حبيبي .
دخلوا خالد ومادلين يناموا وبعد ما مرت نص ساعة . قام رامي وراح صوب غرفة رباب . دخل بشويش وشافها على الأرض طايحة وتبكى .
قرب منها بشويش وجلس جنبها . مسح دمعتها بيده الصغيره
رامي: لو بتسمعي كلام بابا ماراح يزعل منك
رباب افتكرت حمودي وجلست تبكى من قلبها . هيا ايش سوت علشان يصير معاه كذه . حاولت تمسك نفسها. قامت واخذت لها شور سريع وصلت ركعتين تشكى لربها
رامي: ابتسم ما بحب اشوف حد زعلان
رباب ابتسمت غصب عنها : وش اسمك
رامي: انا اسمي رامي . وانتي
رباب: اسمي رباب
رامي قام ومسك يدها وحط لها حلوى وبسرعة راح . ضحكت رباب عليه . مو كانه ولد خالد
رامي راح ينام لانه بجد تعب من السفر . قفلت باب الغرفة اكثر من مره وبعدين طلعت البوم الصور حقها . اكثر صورها مع فارس . نزلت دمعتها غصب عنها . وجلست تضرب في الالبوم
رباب تبكى من قلبها: اكرهك يافارس . اكرهك انتي تقول اني روحك وانت تخليت عنى . اكرهك
جلست تبكى لحد ما نامت .
************************
مره الأسبوع وكل يوم رباب تنضرب من خالد وياخذ مادلين ورامي يطلعوا . رامي كان مره يحن لها وكل ما طلع او راح مكان يجيب لها حلوه معاه او ايش ياكله
اليوم يوم الرجوع للسعودية . وصلوا السعودية بسلام وراحوا على بيت اهل خالد . دخلوا الجناح .ودخل خالد غرفته وسحب على رباب . جلست على الكنب ومن التعب ما تدري متى نامت . في الظهر قامت تحس نفسها تعبانه موت . اخذت لها شور وصلت ونزلت تحت يمكن تشوف احد وبفعل كانت رغد صاحية
دخلت رباب الصالة : السلام عليكم
رغد قامت وضمتها: رباب وحشتني . حمدلله على سلامتك
رباب: الله يسلمك ياقلبي
رغد: كيف كان سفرك
رباب: مره حلو
رغد ابتسمت: حمدلله انك انبسطتي
رباب: حمدلله
رغد: ريم كمان وصلت امس في الليل . وجدي اليوم راح يسوى لكم عزيمة
رباب : والله ما لي حيل اروح مكان احس جسمي متكسر
رغد: عاد هذا جدي ومستحيل تقولين لا
شويه دخلت ريما : ياهلا والله بزوجة اخوي
رباب قامت سلمت عليها: هلا فيكي ياقلبي . كيفك ياقلبي اخبارك
ريما: بخير كيفك انتي
رباب: الحمدلله بخير
رغد: مين يصدق ريما صحيت من بدري
ريما: تحمست اشوف رباب
بعد العصر الكل بدا يجهز علشان يجمعوا في قصر الجد عبدالله . والكل راحوا ماباقي الا رباب وخالد
رباب لبست فستان لون اسود طلع خيالي عليها وحطت مكياج خفيف مرره . وخالد لبس ثوب اسود وغتره لون سكري . وأخيرا وصلوا قصر الجد عبدالله .دخلوا رباب وخالد مع بعض .
خالد: افتحي فمك بكلمة وربى ما تلومين الا نفسك
رباب طفشت من تهديدات خالد وطنشت .
دخلت رباب مجلس الحريم . سلمت اول شي على جدتها وبعدين على الكل جات عند أمها ما قدرت تمسك دموعها . جلست تبكى من قلب كانها بزره
شيخة: يمة رباب لاتبكين . ترى والله ابكى معاكي
رباب: ماعاش من ينزل دمعة شيخة
جلست رباب مع الحريم شوية وبعدين راح جلست مع البنات . وبعد كذه دخلوا العيال سلموا على جدتهم وجلسوا
عبدالله: ربوبة وهنو . اليوم جاتني رسالة من كلية الطب
رباب بحماس : يلا الله يسعدك قول انقبلنا ولا
هنوف كانت مررره متوترة: يلا ياعبود
عبدالله بحزن: للأسف ما انقبلتوا
رباب بحزن: لعله خير
هنوف جلست تبكى
عبدالله ضحك: والله امزح معاكم
هنوف مازالت مصدومة: يعنى راح ادرس طب
عبدالله: ايه ان شاء الله
هنوف : قول والله
عبدالله: والله من جد
الكل جلس يضحك على هنوف
خالد بجد: معليش رباب ما اقدر اخليك تدرسين طب
مو بس رباب انصدمت الا الكل لانهم يعرفون انو هذا حلم رباب
رباب: كيف يعنى ما فهمت
خالد: انتي زوجتي وما ابيك تدرسين طب عادي اختاري أي قسم ماراح امنعك
رباب ضحكت: ههه حلو النكته بس الله يسعدك لا عاد تعيدها
خالد: لو جاء الوقت راح تشوفين . من بدري اختاري أي قسم علشان اروح انقلك في الأسبوع الأول
رباب تبى تبكى: وانا ما ابي الا طب
نورة: وش فيك خالد هذا حلمها
خالد: يمه هذي زوجتى وانا غار عليها
الجدعبدالله: خالد وش فيك . الكل يعرف انو رباب وهنوف حلمهم يدخلون طب
خالد: الهي يسعدكم لا احد يدخل في الموضوع
رباب كانت راح تتخاصم مع خالد بس عبدالله قاطعها
عبدالله بهدوء : شوف ياخالد . معليش رباب راح تدرس طب لانه حتى في عقد الزواج كان شرطها انها تكمل درستها في الطب وانت كنت موافق
خالد تنهد: امري لله خلاص موافق وفي نفسه( المره هذي لقتي من يتكلم عنك يارباب بس مو كل يوم )
مر اليوم ضحك ووناسة وسواليف لحد الليل وبعدين الكل بداو يرحون بيوتهم
******************************