[لامارا]

في صباح اليوم اللي بعده ..
دخلت للمدرسه وفسخت الطرحه على أكتافها ..
نزلت عباتها ولفت بعيونها على البنات اللي رايحين وجايين ..
جو المدارس .... إفتقدته كثير ..
توها تدري إن الجلوس بالبيت مُمل .. بالبدايه مُتعه بما إنها بتسافر لكن بعد ما رجعت كُل شوي يزيد ملل ..
الصبح بِنان ويحيى كُل واحد فيهم يروح شغله ..... وهي بغرفتها ..
وقُدام عيونها سرير جنى .. هذا لوحده يخليها بكئآبه ..
تبغى تطلع .. تبغى تنسى .. ما تبغى تتذكر قد إيش كانت قاسيه عليها ..
ما تبغى تتذكر قد إيش كانت تتجاهلها وتستهبل على ضُعفها ..
لفت بعيونها تدور على صاحباتها حتى تنسى موضوع جنى ..
تقدمت من الزاويه اللي متعودين يتجمعوا فيها وقالت: هاي ديما ..
لفت ديما على ورى وقالت بدهشه: تــرف ..!!
وقامت بسرعه تحضنها تقول: وااااي وحشتيني .. ليه كُل هالغيبه يا الخاينه ..؟!
ترف: ههههههه كنت أعرف إنكم بتشتاقوا لي ..
بعّدت ديما عنها تقول: وكالعاده مُستحيل ما تجي من دون مُخالفات .. الإيشارب الأسود على الرقبه والشعر المفتوح والأكمام والأسوار اللي ما تخلص ..
ترف: ههههههه ما أرتاح لو ما خالفت .. إيدي تصير تحكني .. المُهم وين الباقيات ..؟!
ديما: داليا صار لها فتره غايبه .. ميعاد كالعاده تتأخر .. عهد راحت المقصف تشتري شيء وبتجي اللحين ..
جلست ترف وتربعت تقول: خلاص أمس جيت عالساعه عشره وطلبت يرجعوني إنتظام بعد ما حولت منازل .. طبعاً جاء سين وجيم بس المُرشده من عرفت إن أُختي جنى ماتت تعاطفت وحولوني ..
تنهدت وبعدها قالت تغير الموضوع: ها كيف جوكم دوني ..؟! زفت صح ..؟!
ديما: هههههه أكثر من فقدك هي داليا .. دوم بكُل جلسه تقول وااااه ناقصنا ترف .. ولا إذا هربوا تقول خساره والله فاتها ترف كثير .. و و وأشياء كثير .. وميعاد لو بغت تهرب ورفضنا تقول لو ترف هنا والله ما تردني ..
ترف: هههههههههههه حبايب قلبي والله .. وربي كُل الشله وحشوني ..
ميلت شفتها شوي وكملت: وش صار مع شلة صمود ..؟!
ديما: مو لازم تسألي .. خليهم يقولوا اللي يبغوه ..
ترف: مثل ما توقعت قالوا كلام .. أكيد قالوا الشغاله غيرت كفالتها وما الى ذلك .. أعرف لسان هالوسخات بس خليهم يظهروا بوجهي وشوفي شلون أردها فيهم .. من زمان ما تضاربت وودي أدخل بهواش ..
ديما بسرعه: ترف واللي يعافيك خلاص بطلي ..!!
طاحت الشنطه من إيدها وهي تقول بصدمه: ترف ..؟!!
لفت ترف ورى فإبتسمت لما شافت ميعاد ..
وقفت فنطت ميعاد تحضنها وهي تصارخ بشكل جذب أنظار مُعظم البنات ..
ترف: هههههههههه المجنونه ميعاد ما تغيرت ..
ميعاد: وااااااي يا تروووف .. يا شيخه وحشتيني .. يا ربييييه بأبكي والله بأبكي .. مو قادره يا حيوانه ليه قطعتينا كِذا ..؟!
بعّدت ترف عنها تقول: ههههههه ما عليه بس تكي وراح أحكي لك ... واااااااه عهوده ..
تركت ميعاد وراحت لعهد اللي توها جايه من المقصف شايله معها قاروه مويه ..
عهد بدهشه: ترف ..؟!
حضنتها ترف تقول: يا ربي والله كُلكم وحشتونا ..
سحبتها ميعاد وجلستها تقول بحاس: بعدين بعيد أوحشوا بعض .. المُهم وش الحكايه ..؟! إبدي إحكي ..
دق جرس الطابور فصرخت ميعاد: ووجـــــــــــع ..!!
ترف: هههههههههههههههههه قومي قومي نقدر نهرب الحصه الأولى لو مُتحمسه ..
ميعاد: ياللا قداااام ..
عهد: كالعاده ترف وميعاد يتكلموا عن الهروب كأنه تغيير جلسه بنص الحصه ..
مرت الأُستاذه من عندهم وهي تصفق وتقول: ياللا ياللا كُل وحده على طابورها ..
ميعاد: بسم الله هذه متى لحّقت تنزل .. توها دق الجرس ..!!
ترف: هههههه ما عليك ياللا ياللا نصف ..
ميعاد بدهشه: نصف ونكون أول البنات ..!! صاحيه ..!!!
ديما: ههههه ترف جايه متحمسه لدرجة ما عندها مُشكله تصف أول الطابور ..
ترف بحماس: بنات جد شرايكم نغامر هالمره ونصف أول الصف ..!! تغيير جو بس ..
ميعاد: ماشي نجرب ليش لا مع إني ما أطيق يكون وجهي بوجه الأستاذات اللي يرزوا جنب المسرح ..
ترف: أجل بسرعه نلحق ..
ميعاد: ما عليك حتى لو فيه بنات فما يقدروا يقولوا لا لنا .. بيبعدوا على طول .. هههههههههه وطبعاً علامات الإستفهام على رووسهم ..
ترف: ههههههههههههههه وبقوه ..
شالوا شنطهم وراحوا كُلهم للطابور وفعلاً صفوا أوله ..
ميعاد: ههههههههه يا زيننا مثاليات ..!!
بدهشه: ترف ..!!
لفت ترف وصاحباتها ورى فميلت ترف شفتها لما شافت إنها وحده من صاحبات صمود ..
تكتفت ترف تقول: إيه ترف بلحمها وشحمها .. روحي بلغي الدجاج ورئيسة الحضيره حتى يجوا هنا يلعبوا شوي معي زي دايم ..
طالعتها البنت وقالت: وش جابك ..؟!
ترف بسخريه: رجعت تحت كفالة المدرسه ذي من جديد ..
ميلت البنت شفتها تقول: وقحه ما تتغيري ..
بعّدت ترف عهد وديما اللي كانوا يصفوا وراهم وقربت من البنت اللي خافت وقالت: وشو يا ماما قلتي قبل شوي ..؟! وقحه ..؟! سيريس ..؟!!
* بمعني من جدك بالإنجليش *
البنت: كالعاده مجنونه على طول تبي تضارب ..
ورجعت لورى فرفعت ترف صوتها تقول: يا بنت وين روحتي ..؟! ما كنت أدري إن البشر يخافوا من الخدم .. والله الزمن تغير وأنا ما أدري ..
ميعاد: هههههههههههههههه ترف لا فعلاً صاير لسانك أطول من قبل ..
ترف وهي ترز نفسها: ما شفتي شيء ..
رجعت توقف أول وحده جنب ميعاد وقالت: إنكبت أسابيع ما ضاربت أحد .. طبيعي تتفجر طاقاتي اللحين بكُل قوه ..
سكتوا بعدما طلعت وحده وبدت الإذاعه ..
ربع ساعه حتى دخلوا لفصولهم ..
جلست ترف على كرسيها تقول: واااه حبيبي أكيد إشتاق لي ..
ميعاد: أوووه كثير ..
لفت ترف بنظرها على صمود لما شافتها تدخل ..
وقفت صمود بمكانها تطالع بترف بعدها ميلت شفتها بإزدراء وراحت لكُرسيها ..
ترف: صموده وحشتيني ..
ميعاد: أووه ترف هالمره بتبدأ الهواش شكله ..
حطت صمود شنطتها جنب الطاوله تقول: على تبن بس ..
ترف: لا وش ذا ..!! ما يعجبني وضعك كِذا ..؟! وأنا اللي كنت متأمله أدخل بمضاربه معك ..
عهد: أمس تهاوشوا مع شله بثالث وهددتهم المُشرفه إنها بتفصلهم ثلاث أيام لو تهاوشت مره ثانيه مع أحد ..
ترف: هههههههههههههههههه معناته البنت خافت ..
لفت عليها صمود تقول: ما بقي إلا أخاف من شغاله .. موتي بس ..
ترف: ههههههههههههههههههههههههه ههه كنت أقصد إنك خفتي من كلام المُرشده مو مني ههههههههههههههههههههههههه ههههه ..
ميلت صمود شفتها تقول: ماشي .. نتفاهم بعدين .. خليني ألاقي جو مُناسب وبعدها أعرف كيف أسكتك ..
دخلت الأُستاذه فقطعت عليهم الجو ..








▒▓ ×✖• ►︿︿︿︿︿︿︿︿︿︿︿︿◄•✖× ▓▒








لفت عليه تقول: هذه أول مره تدخل عليها .. إنتبه لا تخوفها ..
يحيى بإنزعاج: شايفه وحش قدامك ..!!
بِنان: هههههههه مدري بس يعني أعطيك تعليمات ..
فتح يحيى الباب يقل: خليها لك ..
إبتسم لما طاحت عينه على مايا اللي تلعب بعروسة خالها اللي جابها لها قبل فتره ..
لفت نظرها للباب ففرحت وقالت: خاله بِنان ..!!
يحيى بدهشه: قالت خاله ..!!
بِنان: هههه عودتها يا حبيبي ..
تقدمت بِنان منها تقول: كيف كتكوتتي الصغيره ميّو ..؟!
مايا بحماس: بخير .. هيه هيه خاله كم باقي وأخلص ..؟!
بِنان: اممم خلينا نعد .. إيه عرفت .. باقي لك عشر أيام ..
مايا: واااااو ..
لفت بِنان على يحيى تقول: مايا بأعرف على أكبر خالو .. خالو يحيى اللي كلمتك عنه ..
لفت مايا بنظرها ليحيى وطالعته بتعجب ..
مايا: خالو يحيى ..؟!
بِنان: يب .. ههههههه يمكن يكون عمره أكبر من عمر بابا بس تراه خالك كمان ..
يحيى: لا تعلقين رجاءاً ..
بِنان: هههههه طيب أنا جاده .. اللي مثلك خلاص خلفوا أطفال قد مايا ويمكن أكبر .. المُهم خلاص بأترككم ورايحه وراي شغل ..
أشرت لمايا بـ بيباي وبعدها طلعت ..
تقدم يحيى منها وجلس على الكُرسي يقول بإبتسامه: كيفك مايا ..؟!
مايا بأدب: بخير ..
يحيى: ههههههه شفيك رسميه ..؟!
مايا بعد تردد: إنت ... خالو مثل حُسام ..؟!
هز راسه بالإيجاب فقالت: يعني تعرف خالو حُسام ..؟!
كمان هز راسه بالإيجاب فقالت بإبتسامه: يعني إنت وخالو حُسام أصدقاء ..!!!
ضحك لإبتسامتها وهز راسه بإيه فضحكت هي بعد وقالت: طيب خالو .... إنت أكيد مثل خالو حُسام تعرف وين ماما وبابا صح ..؟!
إختفت إبتسامة يحيى من سؤالها اللي ما توقعه ..
إختفت إبتسامتها هي بعد وسألت بخوف: إنت تعرف وين ماما وبابا صح ..؟! ماما وبابا متى يجون ..؟! خالو قال لي قريب .. مر وقت طويييييل وما جوا ماما وبابا .. صرت أكبر من سمر وباقي ما جوا ماما وبابا .. خالو أنا أبغى أشوف ماما وبابا ..
يحيى بهدوء: حُسام قال لك قريب تشوفيهم ..؟!
هزت راسها بالإيجاب فإبتسم لها يقول: معناته إن شاء الله بتشوفيهم قريب .. إنتي بس إنتظري ..
ظهر الضجر على وجهها وه تهمس: كُل شوي إنتظري وإنتظري ..
ضحك لضجرها وقال: مايا .. وش الأشياء اللي تحبيها ..؟!
مايا بحماس: خالو حُسام ..
إختفت إبتسامته تدريجياً فكملت مايا تقول: خالو حُسام يجيب لي كُل الأشياء اللي أحبها .. خالو حُسام دايماً يحكي لي كُل القصص اللي أحبها ويطالع معي توم وجيري في التلفزيون .. خالو حُسام ينزلني البقاله ويشتري لي كُل حاجه حلوه وأحبها .. خالو حُسام دايم يصلح لي أكل حلو ومره صلح لي كورن فليكس اللي أحبه .. خالو هو أكثر واحد أحبه لأنه يسوي كُل الأشياء اللي أحبها ..
طالعها يحيى بحزن وقال في نفسه: "يرضيك يا حُسام تكمل على هالطريق اللي إنت فيه وتخلي هالطفله كِذا ..؟! إنت كُل شيء بحياتها يا حُسام فلازم تعرف تختار طريقك .. الله يهديك ويصلحك" ..
مايا: هيه خالو ..
يحيى بإبتسامه والكلمه خلاص أعجبته: هلا ..
مايا: قول لخالو حُسام يجي يزورني اليوم ..؟! أحبه .. وحشني .. أبغى أشوفه ..
شتت يحيى نظره يقول: أممم ميو حبيبتي .. حُسام هذه الأيام مشغول وما يقدر يجيك ..
مايا بإبتسامه: طيب خلاص ..
تنهد .. ما توقعها تسكت بذي السرعه فكملت كلامها: طيب قول له يجي يزورني بُكره ..
عقد حاجبه شوي بعدها قال: ما يقدر كمان يجي بُكره ..
إختفت إبتسامة مايا تقول: ليه ..؟!
يحيى: قلت لك مشغول كثير ..
مايا: طيب ليه ..؟!
يحيى: لأنه فيه حاجات كثير لازم يسويها فما عنده وقت يجي يزورك ..
مايا: وليه ..؟!
تنهد ولما كان بيرد عليها شاف دموعها بدت تتجمع بعيونها ..
إندهش منها وقال: مايا حبيبي لا تبكي ..
شهقت وقالت: طيب ليه خالو ما يقدر يجي يزورني ..؟! ليه خالو مشغول ..؟! ليه فيه حاجات لازم يسويها ..؟! خالو يحب مايا ولازم يزور مايا .. هو يقول أنا بأزورك كُل يوم .. ومره قال لي إنه يمكن يوم ما يقدر يزورني .. هو قال يوم .. ما قال أيام كثيره .. ليه خالو ما يقدر .. ليه خالو يترك مايا ..
وبعدها بدت تبكي فتنهد يحيى وقال: مايا خلاص خلاص .. بأقول له بُكره يجي يزورك شرايك ..؟!
رفعت عيونها المدمعه له تقول: صدق ..؟!
يحيى: أكيد .. بأحاول معه وهو أكيد ما بيقول لا .. لأنه خالو حُسام يحب مايا كثير صح ..؟!
ظلت شفتها مقوسه شوي بعدها إبتسمت تقول: صح ..
ضحك وبعدها بدأ يسأل عن أشياء كثير ودخل معها جو في السواليف ..





//





خرجت بِنان من عند وحده من المريضات اللي تحت رعايتها ..
بدت تمشي بالممر وهي تلف بعيونها يمين وشمال ..
من جت ما لقت أي أثر له .. على العموم حتى قبل ما كانت دايم تشوفه ..
بس هالمره تبغى تشوفه .. الفضول يذبحها ..
وقفت بمكانها لما شافت الدكتور وليد يتكلم مع مُمرض..
ظلت تطالعه حتى خلص كلامه وبعدها طلّع جواله ومشي يتكلم ..
مشت وراه بشكل طبيعي بس ما سمعت شيء مشبوه ..
يتكلم مع واحد من أصحابه بشكل جداً طبيعي وبعدها إعتذر منه وقفل ..
وقّف وحده من المُمرضات وطلب منها ملف واحد من المرضى تحطه على مكتبه ..
ظلت تمشي وراه حتى وقف بالكافيريا وإشترى له قهوه ساخنه وجلس يشربها وهو يطقطق شوي بجواله ..
شكلها فترة البريك حقته ..
تنهدت وهمست: الدكتور ثامر خلاني أشك فيه ..
سكتت شوي بعدها غصب عنها إبتسمت بسخريه على نفسها ..
قبل فتره كان الدكتور ثامر من أسوء الأطباء عندها واللحين فجأه تشوف إنه إذا شك بأحد معناته فعلاً هالشخص وراه بلى ..
ظلت واقفه ورى قزاز الكافتيريا تطالع فيه لفتره بعدها تنهدت ولفت ..
مشيت وهي تقول: على العموم مراقبته ما بتجيب فايده .. لازم أسأل الدكتور ثامر بنفسي ..
مطت شفتها شوي .. ما كانت بتوصل لهالمرحله لكن ..... خلاص قررت تسويها ..
راحت للمصعد وقررت بنفسها تروح لمكتبه تسأله ..
خرجت بالدور الثالث وإتجهت للمكتب ..
دقت الباب فسمعت صوته يقول: أدخل ..
غريبه .. توقعت ما تلاقيه .. تنهدت وفتحت الباب ..
رفع عيونه عن الملفات فإندهش لما شافها ..
رجع يطالع بالملفات يقول: طبيبه بِنان .. غريبه أشوفك جايتني بنفسك .. فيه شيء ..؟!
طالعته بِنان شوي بعدها قالت: ليش فحصت أُم هبه ..؟!
تنهد الدكتور ثامر .. ما توقع يكون سؤالها مُباشر ..
رفع راسه لها يقول: هبه هذي صاحبتك ..؟!
بِنان: مو لدرجه كبيره .. كنا زُملاء دراسه في نفس الكلاس والتخصص .. مُمكن تجاوب على سؤالي ..؟!
لف الدكتور ثامر بعيونه وكأنه يدور كذبه بعدها طالع فيها يقول: كسرت خاطري لما بكت وقلت خلوني أشوف يمكن فيه أمل يرجع لأمها النبض ..
طالعته بِنان بنظرات تقول كذبتك واضحه ..
تنهد .. فعلاً معها حق ..
لو السالفه سالفة نبض فكان المفروض يجرب يعطيها تنفس إصطناعي ويحاول يعيد لها النبض مو بس يتفحص بشكل سريع كِذا ..
د.ثامر: طبيبه بِنان تقدري تقولي فضول .. نادر تمر حالات وافاة في نص العمليه وحبيت أتفحص المريض .. بالعاده يموت قبل العمليه أو يموت بسبب التاثيرات المُضاعفه بعد العمليه ..
بِنان: دكتور ثامر هذه كمان كذبه واضحه .. إنت كمان تشتغل بقسم الجراحه وتقريباً بشكل يومي تعمل عمليه وأكيد مر عليك مثل هالحاله .. دكتور ...... شاللي شاكه بالدكتور وليد بالضبط ..؟!
ضاقت عيون الدكتور ثامر شوي بعدها رجع يطالع بالملف يقول: ولا شيء .. ما بيننا علاقه حتى أشك فيه .. ما أضن إني قد تكلمت معه أصلاً ..
بِنان: إذاً ليه لما سألت عن اللي عمل العمليه وجاوبوك بوليد ظهرت النظره اللي تقول *كنت عارف* على وجهك ..؟! فيه سبب فلا ترواغ ..
د.ثامر: ماشي ما براوغ .. ما بقولك السبب خلاص ..؟! إعذريني بس ما أضن الموضوع يخصك صحيح يا طبيبه بِنان ..؟!
طالعته شوي بعدها هزت راسها وقالت: صحيح كلامك .. أعتذر عن التطفل بس ...
سكتت للحضه وكملت: إنك تفحص مريضه دكتور ثاني بهذا الشكل شيء كمان ما يخصك صحيح ..؟!
إبتسم لها يقول: أعتذر .. بأنتبه للقوانين المره الجايه .. بس مشيها لي .. مو أول مره أتدخل بشغل غيري ..
ما تنكر إن أسلوبه نرفزها .. لفت وطلعت بهدوء من المكتب ..
قفلت الباب وراها بعدها تنهدت وقالت: بكيفهم .. وضعهم مو مريحني بس بكيفهم ..
مشيت بهدوء وهي في الحقيقه .. تحس بشيء غلط جالس يصير وهي مو عارفه ..
وهالشي الغلط ... ما تقدر تتجاهله كطبيبه كرست نفسها للطب ..








▒▓ ×✖• ►︿︿︿︿︿︿︿︿︿︿︿︿◄•✖× ▓▒