[فيتامين سي]

دخلو البنات لقسم النساء والكل انبهر بجمالهم
گعدت رشا ع الكوشة والبنات وگفو يمها وصورو شوي تالي گامو يرگصون واكيد لازم يگومون رشا ترگص وياهم...وشي اكيد مصورة موجودة تصور لحظة بلحظة
مشا الوقت والبنات متونسات وركص وسوالف وتصوير
ع الساعة ب10 ...
اجة وقت دخول حسام...انفتح باب القاعة ودخل حسام
رفع راسة ع رشا وشافها گاعدة ع الكوشة بأرقى زينتها... ابتسم وگلبة ضل يدگ من الحب والفرحة...بنفس الوقت رشا هم ابتسمت وگلبها يرگع...بهاي اللحظة حست نفسها صدگ انثى واول مرة تمر بهاي التجربة وتكون برغبتها دون اجبار ومن الشخص الي تحبة...بهاي اللحظة تجددت حياتها...واحلوت الدنيا بعينها من بعد ماجانت ماألها قيمة ابد...
وصل حسام يمها..وگفت رشا واستقبلتة بأجمل ابتسامة...لزم ايديها وتقرب منها وطبع قبلة هااادئة وحنونة ع جبهتها...گعدو ع الكوشة
حسام بأبتسامة:مبروك علي انتي
رشا بنفس الابتسامة:الله يبارك بيك
حسام بحب:هذا احلى يوم بحياتي...احس نفسي انولدت من جديد...ماعرف شلون اعبر عن مشاعري...ابد ماجان ببالي انه يجي يوم وارتبط بيج
رشا:ولا انا...ماجنت متوقعة رح نرجع لبعض من بعد الي شفناه
حسام رفع ايديها وباسهن:خلي ننسى الماضي ونبدي من جديد..من هذا اليوم
اجت مرام وبيدها علب الذهب:يلا لبسو بعض
لبسو الحلق وحسام لبس رشا العقد والسوار والتراجي...تالي جابو الكيكة والعصير واكلو وشربو وكذا...انوب گامو يركصون سلوو..منظرهم جان جمييل جداً...ورشا مبينة ع وجهه الفرحة وحسام البسمة مافارقت وجهه
رنيم تباوعلهم ودموعها تنزل ومرام نفس حالتها...مرام فرحانه لأخوها...تحبة وتمووت عليه ع حنيتة...وجان كلة مهتم بيها مايهتم بنفسة وبحياتة الخاصة...كلش فرحتلة من ارتبط بالانسانة الي يحبها
رنيم هي اكثر وحدة تعرف رشا شگد عانت وتحملت وصبرت وكلمة مانطقت ولا اشتكت من الحال هي بيه...سابقاً جانت مافاهمتها ومتندمة ع تصرفاتها وياها بس هسة كلش فرحانتلها وتتمنالها كل خير وتدوم فرحتها وي حسام

مضت الحفلة ع خير والكل تونس بيها وماجان ناقصها اي شي ابداً
ع الساعة ب12 خلصت الحفلة..حسام اخذ رشا ومرام يوصلهم للبيت
وجوري ورنيم اخذهم فارس وزينة اكيد مهند
___________________________
بسيارة مهند...
مهند:ليش ماتردين ع اتصالاتي
زينة ضحكت:ههههه سوري والله بس كلش مشغولة جنت
مهند عافس وجهه:وبشنو مشغولة
زينة:مو التهيت وي البنات بتجهيز حفلة رشا وماشفت دربي والله
مهند گالب وجهه:اهاا
زينة :حبيبي
مهند ببرود:هلا
زينة لزمت ايدة:حبيبي والله اسفة...بس ماجنت فارغة
مهند:عشر دقايق مارح تاخذ من وقتج الثمين لو رديتي
زينة:ادري والله...بس انا بعدني مامتعودة واستحي ارد عليك گبال البنات
مهند:ليش قبل مو جنتي تردين
زينة:يعني تقبل ارد عليك واحجي وياك كصديق نفس اول؟
مهند:طبعاً لا
زينة:اي بعد شنو...لو ارد عليك گبالهم يعني رح احجي عادي ماكنك حبيبي ورح تنزعج
مهند:طيب اوك هذاهو
زينة:بعدك زعلان؟
مهند ببرود:لا

زينة انزعجت من برودة...تركت ايدة وفرت وجهها ع الجامة...ترجتة هواي بس ماراضي يقتنع...شتسوي يعني موبيدها...بعدها مامتعودة تتصرف وياه كحبيبة گدام البنات
مرت خمس دقايق...طول الطريق هدوء محد يحجي وي الثاني ولااحد يلتفت
وصلو للبيت...زينة فتحت الباب ورادت تنزل
بسرعة لزم ايدها مهند:زيونتي
زينة بدون ماتلتفت عليه:نعم
مهند:انا اسف
زينة خنگتها العبرة:مصار شي
مهند قربها يمة وحضنها:حبيبتي انا بكل لحظة اشتاقلج...واريد اسمع صوتج...اجي متلهف اتصل بيج وماتردين يحترگ گلبي هيج
زينة:انت هم لازم تعذرني يعني هاي اول مرة الي ومامتعودة على هيج
مهند ابتسم:اويلي هنياااال گلبي
زينة ابتعدت عنة شوي وبأستغراب:ع شنو هنيالك؟؟
مهند:هنيالي لأن انا اول واحد دخل لگلبج واكيد حكون اخر واحد
زينة ضحكت
مهند قرب منا وبهمس بطيء: اذوووووب انا ع الضحكة
زينة شافت نظراتة واختفت ضحگتها ورگع گلبها:مهند
مهند:ششششش
حط ايدة ع رگبتها وقرب منها والتصقت شفاها مع شفتها...وضاعت انفاسهم بقبلة هادئة
____________________________________
ببيت فارس...
وصلو للبيت ودخلو
فارس:جوري تعالي اريدج بغرفتي شوي
جوري:ابدل واجيك
فارس بسرعة:لالالا....بسرعه قبل لاتبدلين
رنيم فهمت عليه:لا بابا خلي موضوعك للصبح
فارس التفت عليها:وانتي شكو بالنص
رنيم:عيني اعرف سوالفك كلش زين...انت ماتنضمن
فارس دار ع جوري:حياتي معليج بيها تعالي
جوري بضحكة:سوري قلبو انا مع رنيم...خلي موضوعك للصبح
فارس فتح عيونة:ها ولج صفيتي وياها...ماكو ثقة يعني
جوري:هههههه لاماكو ثقة
رنيم ضحكت وياها ومدت ايدها ع جوري وجوري ضربت كفها بكف رنيم
فارس تنرفز من ضحكهم...رأسن سحب جوري من ايدها ناحيته وباسها من شفايفها وهدها وتوجه لغرفتة:ماكو داعي هي هاي الشغلة...تصبحون ع خير..(دخل وسد الباب)
جوري واكفة بمكانها ومنصدمة وخجلانة
ورنيم هم واگفة وفاتحة حلگها وعيونها للأخر...منصدمة كلش...ماتوقعت توصل جراءه فارس لهيج
فتح الباب فارس:رح تضلون للصبح هيج؟..دروحو بدلو ونامو..(رجع دخل)
رنيم:ياحقير يافويرس
جوري خجلانة:غبي
رنيم:ههههههه باع هاي شصار بيها
جوري:هههه صدمني
رنيم:يلا امشي خل نبدل وننام هلكانين
جوري:يلا