[فيتامين سي]

.
عند رنيم...
من طلعت من الصالة...راحت لرشا...دخلت لگتها تخابر بعدها
رنيم بنرفزة:هو انتي ماتخلصين مخابرة
رشا:ههههههه شرايدة انتي...روحي لخطيبج احجي وياه
رنيم تنهدت بملل:مشغول اليوم عندة عمليات
رشا:يووو الله يساعده...ع العموم..(تأشر بيدها لبرة)...برى برى خل اكمل
رنيم:بسيطة ياحقيرة
طلعت ورگعت الباب حيل
رشا تضحك عليها
حسام:منو هاي؟
رشا:هاي رنيم...ضايجة وگاعدة تفرفر بالبيت ماتعرف شتسوي
حسام:وخطيبها وينه عنها وجوري وينها
رشا:خطيبها اليوم عندة عمليات ومشغول وجوري جانت وياها بس الظاهر فارس اجة للبيت واخذها منها
حسام:هههههه خطية...وبالبيت محد موجود
رشا:لا فارس فاصل هسة من الرئيسي وعمتي من تتغدا تنام وتگعد متأخر وعمي ناصر طالع للشغل لليل يلا يرجع
حسام ابتسم:اهااا...زين حياتي انا رايح هسة عندي شغل لفوووگ راسي
رشا:ماشي حبيبي
حسام:يلا سلام...احبج
رشا:الله وياك...اموت عليك

سد حسام الخط وگام من مكانة وراح ناحية غرفة مرام...دگ الباب
مرام:ادخل
حسام دخل:مرام حبيبتي انطيني نقالج
مرام بأستغراب:ليش؟
حسام مستعجل:نقالي عطل وانا محتاجة ومستعجل هسة لازم اروح للشركة عندي شغل لفوگ راسي وماالحگ اشتري جديد هسة
مرام اخذت نقالها وانطته الة:هاك اخذة...بس خليلي رصيد من تخلص مو ببلاش
حسام ضحك وضربها ع راسها:شكد طماعة
مرام:هههههه لعد شلون
حسام:يلا حبيبتي انا رايح واتأخر اليوم بالشركة لا يضل بالج اوك
مرام:ليش تتأخر؟
حسام:بهاي الفترة التهيت بخطوبتي وهملت الشغل شوي وهسة تراكم علي ولازم اخلصة
مرام:اهاا
حسام:يلا بيباي

رحع لغرفتة وبدل ملابسة ولبس جينز اسود وشيرت اسود وقبعة(كاب) ابيض وشوز سبورت اسود
اخذ نظارتة وسويجة وفونة وفون مرام وطلع من البيت
دخل للباركنغ واخذ سيارة لكزسس سودا وطلع
طبعاً هو يعشق السيارات ف عندة انواع كثيرة بالباركنغ
قبل لا يشغل السيارة طلع فون مرام وكتب رسالة ودزها وسدة وحرك السيارة
.
.
.
.
.
عند رنيم...
گاعدة بغرفتها وتگلب بالفون...جتها رسالة وفتحتها
الرسالة من مرام.((رنيم انا جايتج من ارمشلج طلعيلي برا ولاتخلين احد يحس محتاجتج بموضوع ضروري كلش))
رنيم خافت من الرسالة وخاصة انه وقت ظهر
گامت بدلت ملابسها ولبست جينز كابوي وشيرت بأكمام طويلة وشعرها خلتة ذيل حصان وگعدت تنتظر
دقايق ورمشت عليها مرام
طلعت من الغرفة وشافت محد موجود...طلعت بهدوء وسدت الباب...فتحت الباب الخارجي وشافت سيارة واگفة
كل ظنها انها مرام...رأسن صعدت بيها والتفتت وانصدمت من الشخص الي بيها
مالحگت تحجي ألا والسيارة شاخطة بيها....
:
:
:
:
:
:
عند فادي...
گاعد ببيتة وبالصالة وجاي يشوف تلفزيون ومنسدح ع الكنبة وحاط ايدة جوا راسه....دگ فونة ع الطاولة الصغيرة
مد ايدة وسحب الفون...شافة رقم غريب
فادي بملل:شسالفة الارقام الغريبة هالايام...وما ورا كل رقم الا المصايب...ذيج المرا جوري...الله يستر لاانوب تكون رنيم
انگطع الاتصال وضحك ع نفسة:هههههه گاعد احجي وي نفسي جني خبل والاتصال انگطع
ترك الفون ورجع يكمل الفلم....رجع الفون يدگ
اخذة ورد:الو
صوت رجال بدون مقدمات:انت فادي؟
فادي:انا گايل اكو شي...اي انا فادي تفضل منو حضرتك
الرجال:تعرف رنيم؟
فادي خاف بس مابين:اي اعرفها ليش شبيها؟
الرجال ببرود:رنيم عندي ومحد يدري يعني بين قوسين مخطوفة....تريد تجيها اوك انطيك عنوان المكان بس حركة بسيطة منك اعتبرها انتهت...وها ترا انت مراقب من كل ناحية يعني ماتگدر تسوي شي بدون محد يحس
فادي گام من مكانة ومصدوم من الكلام:لاتسويلها شي انا جاي انطيني العنوان
الرجال:ماحسويلها شي بس مثل ماگتلك تلعب بذيلك اعتبرها انتهت
فادي بسرعة:والله ماحسوي شي بس انطيني العنوان
الرجاال:سجل..........
فادي:جاي
الرجال:قبل ماتروح انطيك تحذير
فادي:شنو
ماحس الا رنيم تصرخ:اااااااا اتركني ياحقير...بهاااااء
فادي تسودن من سمع صريخها وتآكد انها رنيم من صرخت بهاء
بعصبية:گتلك انا جاي لا تسويلها اي شي
الرجال بآستفزاز:هههههه حاظرين يلا تعال انتظرك

فادي سد الخط وبسرعة طفر غير البجامة ولبس الي گدامة جينز وشيرت واخذ سويج البورش والفون وطلع بسع وركب السيارة وشخط بيها ع المكان الي وصفة اله.......
.
.
.
.
.
.
عند فارس وجوري...
بعدهم گاعدين بالصالة وجانو يسولفون
جوري:انا رايحة اسبح
فارس بخبث:اسبحج انا؟
جوري بسرعة:لااا...منحرف
فارس:هههههه
جوري:صدگ انت تغديت؟؟
فارس:لا والله...وجوعااان ميت
جوري:ليش ماحجيت...(گامت)..رايحة احطلك غدا
فارس:لا روحي سبحي تالي صبيلي
جوري:ليش خو موتضل جوعان بلكي طولت
فارس:لا موماعرف اكل وحدي الا انتي يمي
جوري:هههههه ووك ماطول هسة بسع اسبح
فارس:اخذي راحتج ماعندي شي انا

طلعت جوري من الصالة وراحت للغرفة اخذتلها ملابس ودخلت للحمام
وفارس راح لصالة الگعدة...وگعد ع القنفة واخذ الريمونت وشغل التلفزيون
جاي يگلب بالقنوات ودگ جرس البيت
ترك الريمونت وگام يشوف منو بالباب....فتحة وتفاجئ
رفع حاجبة:انتي مرة ثانية...شرايدة
......:اولاً اسمي هبة...ثانياً جوري موجودة؟
فارس تكتف:وشرايدة منها هالمرة
هبة:مارايدتها...اريدك انت بموضوع
فارس عقد حواجبة:وهو؟
هبة بهدوء:ماگدر احجي هنا وماريد احد يسمعنة...تعال خل نطلع بكوفي واگلك
فارس سكت ويباوعلها بطرف عينة ورافع حاجبة
هبة بتوسل:الله يخليك والله ضروري
فارس تنهد:ماشي انطيني دقايق ابدل واجي
هبة:انتظرك برا
فارس:خليج يم سيارتي الجارجر
هبة:اوك
طلعت هبة ودخل فارس لغرفتة لبس جينز كابوي وشيرت ازرق واخذ فونة وسويجة وبوكة وطلع من غرفتة ودخل لغرفة جوري
شافها واگفة گبال التسريحة وتنشف شعرها
جوري بإستغراب:طالع؟
فارس:اي عندي مشوار ضروري اگضيه وارجع
جوري:تغدا اول
فارس:لا من ارجع اتغدا...يلا بيباي
جوري:باي


ملاحظة:بيت فارس كلش جبير وبي عدة غرف ورشا وجوري كلمن الها غرفة لوحدها سابقاً جانت لبدر وخالد بس البنات دايماً يتجمعن بغرفة رنيم واغلب الاوقات ينامون بنفس الغرفة لان يسهرون وينامون بدون مايدرون بنفسهم

طلع فارس من الغرفة ومن البيت...توجه لسيارته وشاف هبة واگفة يمها
فتحها وگل لهبة تركب وركب هو وتوجه لكوفي قريب منهم...وصلو ونزلو وگعدو ع طاولة
فارس:شنو تشربين
هبة:مشكور ماريد شي
فارس:براحتج
هبة:ندخل بالموضوع
فارس اتكة ع الطاولة وشبك ايديه ببعض:گولي اسمعج
هبة:اوعدني تسمع كلشي بدون ماتقاطعني ومن تخلص الك حرية التصرف
فارس:ماشي
هبة:شوف انا انسانة كلش فقيرة وعايشة بس وي امي وابوي متوفي وامي مريضة وجنت اشتغل اي شي بس حتة ادبر الفلوس...مرة شافني شاب اصغر مني بكم سنة وشاف حالي ادعئ انه يشفق علي واقترح علي يساعدني وبوقتها جنت بحالة ماتسمحلي افكر بكرامة لو شي اهم شي ادبر فلوس حتة ناكل ونشرب انا وامي المهم وافقت ع اقتراحة وگلي ع شخص متزوج وطلب مني اتقرب منه واغيره ع عائلته واخليه يتزوجني واسوي مشاكل بعائلته وهذا كلة حتة يوصل لبنت الشخص الي گلي عليه...المهم انطاني مبلغ قوي وماگدرت ارفض ف وافقت وبلشت اتقرب من الشخص المتزوج وبلشت اطيحة بشباكي بس الي ماجنت متوقعتة اني احبة...ف من حبيته زاد اصراري انو اخليه يحبني رغم مرات كثيرة فكرت اتراجع عالمود عائلته بس ماگدرت لأن حبيته من گلبي ورا فترة قصيرة امي توفت...تدمرت نفسيتي وقررت اترك الي جاي اسويه لأن بعد وفاة امي مايحتاج هذا الشغل بس طلع الشاب انسان حقير ويهددني بشرفي وفوگها يفضحني وانا بنيه يتيمة ف خفت كثير وقبلت استمر لحد ماخليت الشخص المتزوج والي حبيته يتزوجني ضلينة فترة محد يدري بزواجنة ماعدا الشاب طبعاً الي يدري بكلشي اول باول ورا كم شهر قرر يدخلني لبيتة ويخليني اعيش وي عائلتة وباليوم الي دخلني لبيته توفة هو وزوجته الاولى وبقت بس بنتة...وفاة زوجي ومرتة الاولى اجت ع طبق من ذهب للشاب لان مبتغاه جان البنت...هنا گلي اريدج تتقربين منها واخضعت اله بقلة حيلة وقربت منها وخليتها تثق بية وبيوم گلي فضي البيت وطلعي منة وخليها لوحدها حتة يجي هو ويشوف شغلة...انا ابد ماجان هاين علي لأن ماتربيت ع هيج بس ضعفي هو السبب ف انا اخذت رقم شخص قريب من البنت بدون ماتدري وبيوم الي فضيت البيت وطلعت انا ودخل الشاب عليها اتصلت ع قريب البنت وكتلة يلحگ عليها بسرعة وصدگ لحگ عليها وماگدر الشاب الحقير يسوي شي وشرد مادري ارضة من سماه...انا المفروض اسافر لامن شاف ولا من درا بس ضميري ماسمحلي ومتندمة گد شعر راسي
فارس فهم كلشي بس لزم نفسة وسئلها:الشاب الحقير منو؟
هبة نزلت راسها:سلطان
فارس غمض عيونة بغضب ويحاول يلزم نفسة:والبنيه جوري وزوجج ابوها وقريبها فادي
هبة نزلت دموعها:اي
فارس ضرب الطاولة بكف ايدة ويحاول گد مايگدر مايعصب بوجهه
هبة تبجي:حقك تسوي بيه الي تسويه بس والله مالي ذنب انا والله العظيم ماردت يصير شي بس موبيدي جانت حياتي بين ايديه....وانا ماگلت لجوري لأن ماردتها تكرهني من بعد ماحبتني وحبيتها والله اني اعتبرتها اختي لأن عمري ماحسيت بشعور الاخوه وطول حياتي عايشة وحيدة
فارس بحدة:سمعيني كلش زين...ممكن انسة الي سويتيه لان مالج ذنب وانا موحقير حته احاسبج ع شي مالج ذنب بي بس جوري اريدج تنسيها وماتطلعين بوجهه ابداً ابداً
هبة:اوك اساساً انا حسافر وماحرجع مرة ثانية بس الله يخليك طلب واحد
فارس:شنو
هبة:فدوة خليني بين فترة وفترة اتصل عليها اتطمن...يكفي رح اسافر واعيش بوحدة مرة ثانية
فارس عطف عليها:ماشي واذا تردين ابقي لحد مايصير عرسنا تالي سافري
هبة بفرحة:جدد...يعني اگدر اجي للعرس؟
فارس:اي تعالي هلا بيج
هبة:ويمتة العرس؟
فارس:انا عاقد عليها بس الحفلة بعد اسبوعين
هبة:طيب..الله يوفقكم ان شاء الله
فارس ابتسم:امين ..(گام من الكرسي)..يلا رايح
هبة:قبل ماتروح...اتمنى الموضوع يبقة بيناتنا
فارس:ماشي...اعتبري ماصار شي هذاهو
هبة ابتسمت:جداً مشكورة
فارس اشرلها بيدة سلام وراح
هبة تنفست براحة حمل وانزاح
.
.
.
.
.
.
.

عند رنيم....
نرجع لساعة ليورا...
ركبت بالسيارة وتفاجئت بالشخص
رنيم بأستغراب:حسام!!
مشت السيارة
رنيم:وين مرام؟؟
حسام:رنيم سمعيني...انتي اختي ومااريد أذيج...انا الي دزيت الرسالة من فون مرام
رنيم بأستغراب:ليش شنو صاير؟؟
حسام:انا ع اساس مقرر اخطفج حتة استدرج فادي بس شفت هيج شي مايفيد
رنيم مافاهمة شي:انا شدخلني وليش تخطفني وفادي شمسوي
حسام:انتي تعرفين ان مرام كلشي بالدنيا عندي صح لو لا
رنيم:صحيح
حسام:فادي كسرها ودمرها....محد شاف معاناتها من تركها فادي...تدرين صار بيها انهيار عصبي
رنيم شهقت وحطت ايديها ع حلگها:ياحيااتي
حسام:انا طبعاً عصبت وقررت الا انتقم منة واوريه شغلة ف ضليت اراقبة وعرفت كلشي عنة وعرفت انه يحبج بس من طرف واحد ف گلت استخدمج انتي حتة استدرجة وطبعاً هذا كلة قبل لاترجع علاقتي برشا...بس من تزوجت رشا وتعرفت عليكم وع اخوج وخطيبج ف تراجعت شوي بس ماگدر اذا ماأدبة شوي ع الي سواه لأن الي شافتة مرام مو شوي...كافي انها تربت بلا اب وام وانا فترة ابتعدت عنها وهملتها كلش
رنيم:طيب وهسة شنو قررت؟؟
حسام:شنو رأيج تساعديني؟
رنيم:اوك ماعندي مانع بس شلون؟
حسام:باعي ع اساس انا خاطفج ونتصل ع فادي واگلة انج مخطوفة وانتي تمثلين انج تصرخين وكذا ونخليه يجي لمكان معين ومن يجي حهددة بيج واگلة يعتذر من مرام
رنيم:ححلو بس فادي عنيد منو يگول حيعتذر؟؟
حسام:بهيج حالة استخدم وياه العنف وانا اصلاً اريدة يعاند حتة ابرد گلبي شوي
رنيم عقدت حواجبها:تضربة يعني؟
حسام:لا...اهددة بسلاح
رنيم:شنوووو....لالا الله يخليك كلشي ولا سلاح لا يروح بيها هنوب
حسام:اهدي مارح اقتلة انا شنو السالفة هاي روح مستحيل اذبح روح انا...بس انا متمرس ع السلاح كلش زين مارح اسوي شي مجرد اشخطة
رنيم:مافهمت
حسام:يعني اضرب طلقة قريبة منة مجرد تجرحة بدون ماتدخل بيه
رنيم بشك:وتگدر؟؟
حسام:اتطمني مارح أذيه والله مجرد شخط
رنيم:ماشي
حسام:هاي بحالة رفض يعتذر وعاند ومن اشخطة انتي تخابرين خطيبج خليه هو يداويه ونفهمة الموضوع ونخلي السالفة بسكوت لأن موحلو بحقي اذا درو فارس ومهند والبنات
رنيم:اووك...انا وياك فادي هم يرادلة گرصة اذن ع الي يسويه... البنات مولعبة عندة
حسام بضحك:اهم شي مرام ماتدري تقتلني والله
رنيم:ههههه لالا محد رح يدري
وصلو لمكان مهجور محد بي...حسام طلع المسدس وحطة بخصرة
حسام:يلا ننزل

نزلو من السيارة ودخلو لمبنى مهجور
حسام:شوفي...انتي ابقي ع تمثيلج للنهاية ولا تگولين لفادي انج بصفي خاف تخرب علاقتكم اوك
رنيم:اوك
حسام:گعدي ع ذاك الكرسي وانا حتصل بفادي ومن اشرلج صرخي
رنيم:طيب
.