الشخص الي يكوّن فكره ع شخص محدد مستحيل اي شخص يقدر يخليه يغير نظرته عنه سواه .. واقصد هنا عزيز .. ما الوم عزيز ع حبه الى ليان لأن هالشي خارج ارادته بس ممكن مستقبلا يدرك انه حبه ما كان الا مجرد وهم خصوصا انها ما تبادله الشعور او ممكن يبقى بداخله شعور حب اتجاههه بس يحاول يدفنه .. ويمكن لأنه مو لاقي الحب الحقيقي او الفتاة الي تطرق ابواب قلبه حتى يقدر يتناساها ع الاقل كل المحيطين بيه يدركون انه ليان ابد ما حبته مجرد انسان استخدمته لحاجاته الخاصة الانانية .. ليان كانت انانية بأمتياز تبح تكون بطلة في حياة كل رجل ع حساب قلوبهم الشخص الوحيد الي تمكن منها هي بسهولة فسحت اله المجال غالبا ما تكون البنت الجذابة الي يرغب بيها الرجال لجمالها تقع في حبال شخص يحطم حياتها .. مسكينة ليان كانت طوحاتها اكبر من عزيز نفسه الي كان معمي بحبها .. طيب يا استاذ عزيز لو ما تهمك هزار ليش تتنرفز اذا تشوفها مع رجل ثاني! ليش قبضة ايدك تتكور والغضب يتفاقم لدرجة انك تصرخ بوجه الي مالهم ذنب حتى تتخلص من العصبيه ! كل هذا دليل ع ان هزار دخلت بعقله .. لو ما كانت تهمه فعلا ما كان اهتم لتصرفاته وراقبها من بعيد .. ما اتوقع فضول من عنده في سبيل يظهر هزار الغلط وانها مجمعه الرجال حولها حتى النيتجة تكون لصالح ليان هو بينة وبين نفسه يعرف ان ليان غلط بس بنفس الوقت يريد يبين لهزار نفسها انها الخطأ والانسانة الي حبها هي الصح ..
اني اشوف وليد جدا مناسب لهزار مو ضد عزيز بالعكس عزيز شخصية جميلة وحمائي وشهم بس وليد انسان يليق بهزار ويمكن هو الي يطلعها من الي هي فيه .. صح مصير هزار مرتبط بعزيز بس راح تبقى ليان وسط كل لقاء يكون بينهم .. طبعا انتِ ككاتبة تشوفين الانسب وين والصح بأي مكان بس حسب وجهة نظري البسيطة يمكن لأني متعاطفة مع وليد يمكن لأن وليد يشعر بداخلة شي اتجاه هزار ما اعرف .. بس هو مؤمن بشفاءها من اي وجع يساعدها حتى تتخطى كل المها صح هذا من ضمن عمله بس ميمنع انه يحبها ..
بدأت اخاف من بيان ابد تصرفاتها متعجبني .. نسخة مشابهه لأختها حتى لو اختلف بس كثير تشبهه .. عجبتني عبارتك ان الغيره ممكن ان تتقمص بالنهاية وبيان مستحيل يكون رجل احلامها هو عزيز ياريت لو فعلا تصحى قبل فوات الاوان .. ولا تقارن طبقتها بالطبقات البقية لان مو تخسر الناس الي حولها بس لا تخسر نفسها قبل الكل مثل اختها الكبيرة ..
مو بعيدة ان بيان تلفق كلام ع هزار حتى تشوه صورتها اكثر فوق ما هي مشوهه عند عزيز وما اعرف عزيز متى يشوف هزار بالصورة الصحيحة والي اشعر بيه ان هزار ابد ما راح توضح لعزيز ولا تبرر اله ممكن تتركه هو يكشف حقيقته خطوة خطوة .. ظن السوء شي صعب وعزيز ما يظن بأحد بس هزار بعقله وما راح يعتقها الاب أرادته ..
فرح اخت عزيز صديقة هزار ممكن انه يعرف حقيقته من اخته ! شنو ردة فعل عزيز لو يوم دخلت هزار لبيته وهو موجود وكأن الماضي يعيد نفسه من دخل لبيت ليان وشافها !
جدا تعجبني شخصية فرح انسانة قوية صريحة تعرف شنو تتكلم حتى لو كان اخوها ولا زم تحترمة هي فضلت ان تقول الحقيقة امامه عن ليان ..
خطوة خطوبتة كانت رعناء وبأمتياز اتفهم جزء منه يرغب بحماية هذه العائلة من الضياع بس غلط انه يضيع حياته كلها والاهم قلبه وكأنه يعيد الكره نفسها.. تفكير هدية حلو و واقعي وصحيح المراة تريد الصح لبناتها وياريت هالبنت تفكر بامها .
فراس لازال غامض ولازلت مغرمة بشخصيتة الصامته المجروحة حتى لخاله رافض يتكلم اي شي وكأن امان عبارة عن قفص خاص بيه وحده يرفض ان يحرر كلماته حبه اشتياقة احتياجة الها .. يحب يعطي الها مساحة للتفكير .. خائف ان يظهر امامه وتتشوش كل حياتها الي هي رافضتها حاليا .. يعني هو المنقذ !!! هو الي ساعدها حتى تتخلص من حسن وجماعته .. امان ما راح تترك الظلم ولو والدها سجنها برج وغرفة وشباك واحد راح تقدر تطلع من عنده اذا بداخلها بذره حب الناس ومساعدتهم بس المشكلة هي ما تعرف انها تدخل نفسها بمتاهات هي حاليا بغنى عنها حتى بغير الوطن تساعد الاخرين تشبه اخوها من هذه الناحية .. اوجعتني وهي تحتاج اخوها بس حزنتني وهي تطلق اسم حبيبها فراس !
امان تشعر بالسعاده لو قدرت تساعد الاخرين ولو قدرت تساعد شكران راح تكون ممتنه لفراس ولنفسها ايضا .. ياريت شكران تلتقي عمر ويتزوجون ويطلع وفي فعلا ..
اممم ما نعرف راح توصل للمزرعه بدون فراس لو فراس راح يكون جنبها رغم اني اتوقع ان فراس راح يتركها بأيادي امينة ويروح .
نوار كثير حساسة من ناحية اهلها وحبهم لزوجها هالشي منتهين من عنده وهي تعرفه ليش تدور بنفس الدائرة .. اتفهمها وصعبه جدا عليها انها تحب شخص وهالشخص زوجها ومو قادرة تقدم اله المساعده او ع الاقل تكون جنبه بنفس الوطن وتزوره .. نوار ثبتت لنفسها ولأدم انها قوية بوجوده وبدونه بس لازالت ضعيفه اذا حصل اله شي وكأنها تتهم نفسها هذه قمة التضحية والحب .. انها تشوف نفسها الخطأ رعم انه هو الخطأ وقت اللوم ما ينفع الي ينفع التفكير الصحيح .. حبيت جدا جدا موقف همام فعلا اسم ع مسمى وهو يساعد اخته وموقفها اتجاه اخوها كان مو صحيح .. وهي تشتغل بجمعيه لازم تتفهم كل الناس واولهم نفسها ورغم هذا الكل متفهم نفسيتها .. اسرار تصرفت بصورة صحيحة لأن معارف قائد وهمام كثير يعني بسهولة يقدرون يعرفون وهي الي كانت رافضة لأن كبريائها يمنعها او تتصور انها ما تريد تجرح زوجها باحتياجها لأهلها ويمكن هالشي يقربهم من بعض .. اتوقع الي ع الباب مريم ياريت تكون مريم وتحس ع نفسها وتتقرب من بناتها وكل الفضل يعود لغالية . العائلة تحتاج العائلة واي احد غريب وهذه البهرجة المزيفة كلها مجرد وقت وتروح هباء منثور .
ليلى فقعت مرارتي مو كافي بعد شنو يعمل همام حتى ترضى ! الشي الي بيه امل انو ليلى بدأت تنظر لهمام من غير ناحية بدأت تعرف انه يحبها وانه اخ وقت السند ورجال وقت العازة وزوج حامي وعاشق .. رغم عصبيته منها لايزال يعترف بحبه الها .. هي تحتاجة وتحبه وترغب بيه وتريد قربه وتكابر ! خايفة ان تعترف بحاجتها وعشقها اله خايفة ان ينتهي حبه يمكن بوقت اعترافها انها تريده بس الي متعرفه انه همام راح يكتسحها وراح يغرقها بغرامه لو هي فعلا احتاجته .. صعب ع الرجال ان ينرفض اكثر من مره حتى لو من المرأة الي يحبها صبر الرجل مو طويل
متى تتحرك ليلى تعبتني فكيف بهمام ^_^
رائد منور ... لايزال نفسه حبه هو مجنون بزين .. وتهديداته لقصي اكيد تجلب نتيجة بعض الرجال ما ينفع معاهم التفاهم ما يمشوا الا بالتهديد .. شر وخلصوا منه .. حزنتني وهي تريد تكون جنب اختها بس خايفه من هالشي .. اسرار تقبلتها وهي تخاف ان ترفضها نوار خصوصا بهذا الوقت الحرج بس يمكن تواجدها راح يخفف من الم نوار ويقربهم مع بعض و وارد جدا تكون هي الي يطرق الباب مو مريم !
راااااااااااااااااااااائع ه بكل ما تحمل الكلمة من معنى بديعه انتِ
|