[blue me]

المشاركة الأصلية كتبت بواسطة نهاد على

مساء الخيرات بلو
تعليق من الموبايل و بعتذر لو فى أخطاء لانى مش متعودة عليه و بصراحة بروح البيت تعبانة جدا و اكسل اكتب تعليق و بعترف بغلطتى فى حقك يا بلو بس الشغل و دروس أولادى مخلينى مقصرة جدآ معاك بعتذر مرة تانية.

عزيز عاوز يصدق أن هزار هى نفس الصورة اللى رسمها فى خياله و كلام بيان الخبيث كان استفزاز له علشان يتصرف و يكون له الأحقية فى التدخل فى حياتهم بدل هزار و الحقيقة فرح أخته واعية قوى لحقيقة ليان و أختها ، و أعتقد أن بيان الخبيثة لمحت اهتمام عزيز بهزار و استفزته ببراعة كانت تفقدها ليان.
مهما عزيز حاول ينكر اهتمامه بهزار لكن واضح اهتمامه بيها و غضبه لما شافها مع وليد و أعتقد أن عزيز خايف من عقدة الرفض زى ما ليان رفضته و قلقان يفقدها زى ما فقد ليان و يمكن ده سبب تشويه صورتها فى خياله .

ليلى مهما حاولت تنكر هى مغرمة بهمام و لكن جرحها القديم منه لا زال يؤلمها و اتمنى ان كلام نوار و اعترافها بخطؤها مع آدم يكون استفزاز ليها تبتدى تخطو خطوة تجاه همام .

أعتقد أن مريم والدة نوار هى الضيف المفاجأة و يمكن اقتراب مريم من غالية و إدراكها للفرق الكبير بين صحبة غالية و رفاقها عن صحبتها القديمة وافتقداها الكبير لنوار تؤام روحها كانوا من أهم الأسباب لتخلى مريم عن قصرها و اسراعها لمؤازرة نوار يمكن تغفر لها غلطتها فى حقها و حق آدم و السيدة مريم بحاجة لنوار و وجودها معها ذكرى من مريم القديمة.

أمان مش حتتغير نفس الاندفاع و الحماسة المتهورة و اللى بتعانى منها فى الآخر و ممكن يعانى معاها شخص قريب منها زى شكران و غريب أنها تتذكر فراس عند توهمها النهاية كأنها فاقدة أى أمل فى رؤيته مرة أخرى و يمكن تخيلها ده يخلينى فى حيرة أكتر اذا كان فراقهم ده كان برغبة أمان و عن قناعة منها و لا كانت تتمنى حدوث مفاجأة تغير من الأحداث و تلتقي به مرة أخرى.

بلو مى انت كاتبة مميزة بكتاباتك و اسلوبك و إلتزامك و عذرا عزيزتى لأى تقصير و اتمنى تكون توقعاتى عن فصل اليوم صحيحة و تحياتى بلو و تقديرى الكبير لك و لاسلوبك الرائع .

ولا يهمك حبيبتي ... شكرا جدا على كلماتك الغالية ..
زي ما أشرت سابقا
علاقة أمان وفراس أكثر تعقيدا مما تبدو عليه ... وهذا يعود إلى أنهما هما غير عاديين ... هي بتمردها وتاريخها الأسري المعقد ... وهو بجوعه إلى شخص يراه كفراس فقط ...
نورتيني يا قلبي