الف الف مبرووووووووووووووووووك يا كاري على اعلانك للرواية وانا كنت مختارة قوارير العطار وشكرا انك استجبتي لرغبتنا وهتكتبي قارورة جديدة
بس ده ميمنعش ان كل رواياتك تحفة
افتقد رباب وعبد الرحمن جدا جدا
مهند عاد مرة اخرى مع جوري
ايه الي جاب بنتي هنا ههههههههههه مبسوطة ان بطلتك على اسم بنتي يلا لما نشوف ايه حكاية الست جوري وهل هتقدر تنسي مهند حبيبة ؟
طبعا مفيش عنصرية في ان حكايتك تكون في بغداد ده وطنك الاصلي مهما بعدتي عنه كلنا بنحن لأيام حلوة ايام كلها سلام وامان بعيد عن الحروب والنزاعات الي دمرت اوطان بأكملها
عراق القديمة وعائلاتها العريقة صورتيها في روايتك بحميمية ودفء رواياتك بتدينا احساس جميل بروح العائلة ودفئها ودي حاجة افتقدناها مع مشاغل الحياة
روايتك مش بس عن العراق روايتك عن ايام حلوة كنا بنتجمع عائلة واحدة نتشارك ضحكات من القلب ونتشارك الاحزان كأننا ايد واحدة
لما بقرأ في رواياتك قد ايه الاخوات بيحبوا بعض ويقفوا جنب بعض احيانا ياخدني الحنين لبيتنا ولسهري مع اخواتي طول الليل نغني ونرقص ونضحك من قلبنا ... رواياتك بتفكرني ببابا الله يرحمه لما كنا نقعد سوا نتفرج على مباراة كرة قدم كل واحد بيشجع فريق مختلفف ونتخانق مين الي هيكسب
بجد بدون مبالغة رواياتك ليها مكانة خاصة مش الرومانسية الي تخليكي تتحسري على حياتك الي طبيعي مع البيت والاولاد تفتقر الرومانسية احيانا .. .لا رومانسيتك بسيطة واقعية مش خيالية بس ده ميمنعش ان ابطالك بيخلونا نقول هيييييييييح انا عايزة من ده ياحزومبل
شكرا ياكاري على قلمك الرائع ورواياتك الاروع يا مبدعة واسفة لو كنت مقصرة معاكي في التعليقات بس اعرفي ان مكانك في قلبي كبير
|