[هند صابر]

المشاركة الأصلية كتبت بواسطة نهاد على

عندنا فى مصر مثل شعبى بيتقال على اللى زى يحيى " لا منه و لا كفاية شره " يعنى فى كل الحالات ما لوش أى فايدة و الحقيقة يحيى شخصية مريضة يعنى هو متزوج من جميلة و هى المسكينة عارفة بحبه لسعاد و هو مش بيستحى يمسك يد سعاد و يسألها و يتدخل فى حياتها كأن له الحق للاسف مش عاوز يطلعها من دماغه .

و داغر بالرغم من جبروته بس المشهد اللى ظهر فيه حسيته مهزوز و مرتبك أمام سعاد و يمكن زاد ارتباكه بعد استغاثة جميلة به علشان ينقذهم من تدخل أعماهم .
و داغر بيبرر لسعاد سبب اخفاء وفاة والدها عنها و تصرفه ده خلانى حسيت أنه له رغبة يبرر لسعاد تصرفاته يوضح لها انها ظلمته اكتر من مرة ابتداء بمحاولتها قتله و بعد كده محاولة اغراءه و اتفاقها مع مجاهد ضده و طبعاً كلامى ده وجهة نظر داغر الخاصة و بعد ما سمع من جميلة مضايقة اعماهم ليهم اتوقع أنه حيتدخل و ممكن يخلى سعاد و والدتها و جميلة تحت حمايته .

"لن انسى له معروفه....... كما لم انسى ظلمه لي"
من كلام سعاد هى مش ناكرة معروف د. فوزى و مش حتنسى ظلمه بس الحقيقة فوزى معذور بعد بهدلة داغر له و رفض سعاد حبه و كان رد فعله الطبيعى كلامه مع داغر لحفظ ماء وجهه .

والحمد لله ابن سعاد عايش و ده اللى مخلينى اتوقع أن داغر حيضم سعاد و اهلها تحت حمايته بحجة حمايتهم من اعماهم و هى حتوافق علشان تشوف ابنها أوتعرف اخباره و بكده حتكون سعاد تحت عينه و من ناحية تانية يكون عمل معروف فى أهل مجاهد بالرغم من محاولته لقتل داغر

تحياتى هند و فى انتظارك

تعليق ممتاز وجميل وتستاهلي عليه بوسه ههههه
اشكرك نهاد على تواصلك وتفاعلك الجميل حقيقة ماقصرتي