مراقبة عامة ومشرفة وكاتبة وقاصة في منتدى قصص من وحي الأعضاء
شكرا كونوزو على الفصل الجميل فراس يعني أنت بدأتها بداية سودا مع أمان وخلاص الأيام اللي كنت بتختاري فيها راحت ومش هترجع الا لما أنت تقرر وبعدين تعمل اللي عملته ومفيش حكومة أنا الحكومة .. وفريدي يقولك اكسب ثقتها تقوله عمرها ما هتثق فيا مجددا ليه يا فراس ها ؟ شافتك بتخونها رأي العين مثلا ... أصل شكل عملتك مهببة لدرجة لا يسمح فيها ذكائك للمناورة مع أمان أو الوصول لصيغة تفاهم ثم تعالى هنا ... قيااااااااااااااااام أنت مش عاجبك عصام وبتقول عليه جاي من خلفية مشبوووووووهة خليك واقف أنا قلتلك جلوس دلوقتي ده أنا هذنبك حالا رافع ايدك لفوق ده لوحده كفيل أني أحرض خلدون أنه يهربها منك ... عصام المهدي خط أحمر وليكن في معلومك وبعدين يا فالح ده ممكن هو اللي يسهلك المستحيل لو طلبت مساعدته يقنعها أقول ايه بس عصام اللي مش عاجبك ده برقبتك ورقبة عائلتك من الألف إلى الياء لتقولي بقى عمر الشريف ولا كونتا كنتي فخد حذرك معايا ومع أمان وفكر مش بس تتكلم عن عصام لا مجرد التفكير تفكر فيه وأنت مبتسم ومربع ايدك .. والله باين هحطك في البلاك ليست ولا ايه مش عايزة اسمع صوتك ياللي بتكتب جوابات على المناديل يا طبقي ياللي عندك كلب اسمه زيوس وفرحان أوي بتخوف البنات بيه ومعلق اللوحة تقول لخالك دي لوحة من سراب وفوق ده كله جدك اسمه كورتومولوش أنت بتعرف تنطقه بذات نفسك وهو جدك لأ طبعا يبقى متجيبش سيرة عصام بربع كلمة وعامل أمان كويس بعد كده وملكش دعوة بذيل الحصان جميل باشا في ايه بجد مالك يا بابا الست راحت تفطر معاك وعجبها الأكل وهي بكده أعطتك مساحة كبيرة جدا جدا لواحد شافته مرتين فقط ومتعرفوش تقوم تفتح معاها تحقيق أنا عارف عنك حاجات كتير اقلعي النظارة انت بتشتغلي فين وليه مش بتحتكي بالناس وسايبة ابنك ليه هو محتاجلك ... أنت عايز منها تحكيلك ده كله بصفة ايه يعني زي ما يكون ما صدقت وعايز تاخد وعد منها بالصداقة وعد مين بقى عقد وتبصمها عليه وتقولها انتِ بقيتي صديقتي ... بجد تستاهل نهاية الموقف ده وأكثر بس هي رقيقة وده أخرها في الحدة ملاك حاسه ان عينيها مسببالها عقدة يعني جميل اتهوس لما شافها وهي بتخاف من نظرات الناس لها ! عشان كده رضيت باللي اسمه نائل ... تركت مستواها المادي والاجتماعي عشان واحد مش بتحبه وعنده عقد نقص... كل ده ليه ... دلوقتي هي رافضة تعيش معاهم عشان متعترفش رسميا بالفشل ومش تعيش معاناة نوار تاني في احاديث الستات الفاضية بس ليه وافقت عليه من البداية شيء غريب مصيرنا نعرف عصام مضطرب من مقابلة يارا على أساس إن المقطع ده قبل نهاية تبكيك أوراق الخريف واتفاقهم على الزواج في الشقة اللي كانت فيها بنات الجمعية (رجعت قرأت أخر جزئية لهم في الفصل الأخير عشان اتأكد) آدم راجع وده خبر رائع جدا جدا أتمنى ما تكون التجربة أكلت الكثير من كرامته وكبريائه وما يرجع مكسور لنوار أتمنى لأن آدم يستحق السعادة بكل قناعته ومبادئه في الحياة فراس كلمة أخيرة بص في اخر سطرين عصام رجع آدم لنوار هتقولي بمساعدة ابوه بقى مليش دعوة المهم أنه مش أنت اللي مش عارف ترجع لأختك ابنها وسايب جميل يحقق معاها ويعود نفسه على قواعد الصداقة بالفطير اتلهي على عينك واقعد ساكت خالص ياللي جدك اسمه كورتومولوش كونوزووو في انتظار الفصل القادم بكل شوق وشكرا يا حبيبة معاميقي على الفصل الجميل في أمان الله