[لامارا]

كان لأمتحان خربوطى شوي كالعاده بالنسبه بهالشله الى كانو بالعربى مايعرفون شى ويدرسونه مجامله له


تررررررررررررررررن

خلص وقت لامتحان وطلعوا كل البنات من اللجان



اسيل: اسرار كانى تعالى


لفت عليها اسرار وعلى وجها علامات التخريف فى لامتحان


اسيل : لاتقولين ولاشى الكتاب مبين من عنوانه حبيبتى لاتهتمين عندنا وعندج خير انا بعد ماسويت عدل


اسرار: تكفين لاتتكلمين عن لامتحان كافى اندست نفسى منه امشى نروح نسوي خطتنا

اسيل: ويييييييه تصدقين نسيت يلا يلا لا يبدون من غيرنا


ونزلوا تحت وراحو عند مقر اجتماعهم


اسيل واسرار: هاااااااااااي صبايا


غزلان: ها شلون لامتحان


اسيل: نص ونص


اسرار: انا الحمدلله الفت تأليف ماحد الفه من قبلى على نهايه لامتحانات بطلع مؤلفه مشهوره


البنات:هههههههههههههههه

عواطف: كاهى كاهى زينب اطلعت من اللجنه يلا غزلان اكتبى الورقه


راحت غزلان وقعدت على لارض عشان تكتب الورقه والكل حواليها

وكل وحده تعطيها شى عشان تكتبه


اسيل: غزوله كتبى رقم سايقكم يعنى رقمج تكفييييييييين هههههههههههه


اسرار: هههههههههه أي أي امانه اكتبيه


غزلان: لله ياخذكم انزين ههههههههههههه



بهالوقت كانت زينب تستعرض عضلاتها قدام البنات


وتتمشى وتسوي حركات عشان تلفت نظر البنات لها


اسرار: اااااااااااااااامبييييييي ييييييييييييييه وقعدت على طول على لارض وجها احمر



اسيل: شفيييييج اسرارو


اسرار: امبيه لالا صدمه صدمه


كل الشله حواليها: شفيييييج تكلمى


اسرار: شفت شفت ......


عواطف : شنو شفتى



اجياد الى كانت مشغوله بلوتوثها كانت تستقبل اغانى على موبايلها من البنات

اجياد: خلصى قولى شنو شفتى



بشاير من بعيد كانت واقفه مع بنات تعرفهم وكانت اطالع اسيل واسرار واهى فاهمه ليش اهما يضحكون وكانت تضحك معاهم


اسيل: يلااااااااااا ساعه شنو شفتى

قربت عندهم بشاير

هاي بنات


الشله

هلا هايات

اسيل اكتفت ببتسامه

بشاير تكلم اسيل: اشفيها اسرار


اسيل: مادرى وتلف على اسرار على طول


يلا اسرار تكلمى خلصينا


اسرار: اهى مو فاتحه زرارت قميصها


كلهم بصوت واحد: اييييه

اسرار: شفته شفته

كلهم افهموا قصدها وضحكوااا


اسيل: قووووولى ولله وين وين شفتى قومى بشوف


غزلان: على طول راحت قربت صوب زينب تبى تتأكد

ورجعت تركض للبنات

بنااااااات يخرب بيتها ماعرفت الحيا هاذى


مرت من صوبهم زينب ومامرت بسلام كل وحده من الشله اهدتها تعليق



اسيل: صكريه حر حر مووووت اليوم

اسرار: الستر زييييييين


كانو يقولون هالتعليقات بصوت عالى بس بطريقه ماتبين انهم يتكلمون عنها



رن موبايل اسيل


(( حبيبى النهارده حبك عملى جنان....)


اسيل: ياويلى امى دقت تأخرت كله منكم


اسيل: هلا يمه

ام محمد: ها خلصتى لامتحان ؟؟

اسيل: ايه يمه طرشى السايق

وسكرت الخط


اسيل: غزلان خلصينا يلا روحى عطيها الورقه مابى يطوفنى شى بسرعه قبل مايوصل السايق

غزلان: اوكيك انتو خليكم اهنى وطالعونى من البعيد لبعيد وانقذونى لو صار شى

الشله هههههههههههههههه

اجياد: انتى روحى وبس




كانت دفعه رابعه ثانوي هالسنه كانو حيل ويا بعض صح عددهم كبير لكن كلهم كانو يعرفون بعض

بسرعه البرق انتشر خبر الرساله الى بتعطيها غزلان حق زينب بين عدد من بنات مدرسه اسيل


وكلهم تجمعوا صوب الشله ناطرين شنو نهايه هالمقلب




غزلان : زينب ممكن شوي اكلمج


زينب كانت مشغوله مع رفيجاتها وتحديدا مع حبيبتها او مثل مايسمونها (((لدييتها)))


زينب: اول ماشافت غزلان ابتسمت وقالت: دقيقه

زينب : شوي وراجعه لكم



زينب تكلم غزلان: هلا بغيتى شى


غزلان: توترت لا ايه امبلا


بس حبيت اقولج انى انا معجبه فيج وابيج تقرين هالورقه


زينب على طول ركضت وراحت تنخش ورا الطوفه



الشله وكل بنات ثانويه اسوله : ههههههههههههههههههههههههه ههههههههههههههههههههههههه هههههههههههههههه

بطوها ضحك

ماادري شنو معنى هالحركه الى سوتها هل هو خجل او عبط او ثقه زياده بأن المعجبات راح يقطعون نفسهم عليها


غزلان بهبل اكبر من هبل زينب راحت ركض وراها

غزلان: شفتى من حبى لج قلبى ركض وراج

زينب: بعد عمرى وقربت من غزلان


غزلان على طول بعدت ورا وقالت: ممكن اكلمج بالتلفون


زينب: انا ماعندى جهاز ماخذينه اهلى منى


غزلان بقلبها((((( مالومهم من سوالفج الخايسه)))


غزلان بستهبال: لالالا انا اعطيج خط وجهاز انا احبج

كانت تبى تتكلم زينب بس قاطعتهم حبيبه زينب

يعنى القيرل فرند مالتها

: لو سمحتى لاتكلمين زينب هاذى حبيبتى


غزلان: طلع عندج حبيبه خلاص خلاص شكلى غلطانه بالعنوان



وراحت غزلان حق شلتها واول ماشافوها قامو يركضون لها

واهى على طول نحاشت عنهم عشان يلحقونها



وقعدوا يركضون ويضحكون لما تعبت غزلان وقعدت على لارض على طوول قعدوا حواليها

يبون يعرفون شنو صار


وتجمع عليهم كل البنات الملقوفات الى كانو يبون يعرفون الموضوع


قالت لهم غزلان كل الى صار وانتهى يومهم بضحك ووناسه وفرفشه



وراحوا كلهم لبيوتهم عشان يبدون بدراسه للماده الاخيره والامتحان لاخير لهم


اسيل: يلا سى يو باجر بيباي


البنات: مع سلامه

اسرار: اسول تعالى مبجر

اسيل : اوكيك






ظاهره البويات انتشرت وايد بالكويت وخصوصن بهالفتره ولكن الى نلاحظه انه دايما هالبويات تكون اعمارهم صغيره ويكونون منتشرين اكثر شى بالمدارس واسيل كانت تقول انه البنت تحب تصير بويه عشان تلفت النظر بالمدرسه ويكون لها شخصيه اما غزلان كانت تقول انه التربيه الغلط اهى الى خلت البنت تصير بويه
كل بنت بالشله كانت لها راي بهالظاهره

لكن كلهم متفقين انهم مايحبون البويات ولا كانو يحبون يتعرفون عليهم بس كانو يحبون يستعبطون عليهم



ساعه تسع بليل فى بيت ريم



كانت ريم قاعده بروحها بغرفتها وتمسع اغانى اجنبيه وتفكر بكل شى مرت فيه مع خالد

ريم احتقرت نفسها على كل التصرفات الى سوتها مع خالد

وندمت لكن هالندم ماخلاها تضعف بالعكس خلها بنت قويه

وقطت كل شى ورا ظهرها

طق باب غرفتها



ريم: تفضل

الخدامه: مس ريم تلفون تحت يبى

ريم: منو

الخدامه: مس اسوله
ريم قامت بسرعه من السرير وقعدت تركض بسرعه على الدرج

امها كانت قاعده بالصاله وشافت بنتها تركض مع درج

ام احمد: شوي شوي شوي لااطيحين لاحقه على التلفون

قعدت ريم على الكنبه وسحبت التلفون



ريم خذت نفس وقالت : الووووووووووووووووز

اسيل: ريييييييييييييييييييييييو م بعد عمرى مشتاقتلج

ريم: حياتى وانا اكثر ولله ها شلونج وشخبار الامتحانات

اسيل: انا لحد الحين تمام واخبارى تعرفينها بعد النتايج انتى شمسويه وشنو آخر تطوراتج

ريم: تمام الحمدلله ماشى الحال

اسيل: شخبار بدر

ريم: ايه الحمدلله تمام شدي حيلج انتى بلأمتحانات

اسيل: شكوووو هذا بسؤالى


ريم: لالا تخافين ان شاءلله بتنجحين


اسيل: تستعبطين

ريم: حبيبتى لاتبجين ان شاءلله خير
اسيل حظه شوي



ريم: يمه انا باخذ التلفون بصاله الثانيه اسيل مادري شفيها تبجى

ام احمد: روحى حبيبتى


ريم راحت الصاله الثانيه


ريم: الووووو يابقره ماتفهمين انتى

اسيل: افهم شنو انا اتكلم بشرق وانتى بالغرب

ريم: امى عندى كانت ماقدر اتكلم

اسيل: ايه قولى محظوره وانا افهم

موتحسسينى انج غبيه

ريم:روووووحى زين الحين انا الغبيه ولاانتى الى ماتستوعبين شى


اسيل: المهم شصار مع بدر



بدر كان انسان يحب ريم من كل قلبه وزعل ووااااااااايد وتأثر وااايد لما وصل له خبر عن ريم عرف فيه انه خسرها(((( بلأجزاء الجايه بتعرفون شنو الخبر))
وكان يبى تكون له حبيبه لكن دايما كانت تصده ولاكانت تبى ترجع علاقاتها بالشباب ابدا




ريم: ماصار شى بين فتره وفتره يطرش بنت خالته الى اعرفها معاى بالمدرسه ويعطيها رسايل يطمن على فيها


اسيل : وانتى تردين عليه

ريم: لا اقرا الرسايل واقولها سلمى عليه وبس ماسوي شى اكثر من جذى ولااقل


اسيل: وخالد

ريم:خالد مرحله موحلوه بحياتى وانتهت احمد ربى انها انتهت


اسيل: ماردت لج اختج موبايلج

ريم: لا وانا خلاص ماابيه مره بدر كتب لى رساله وقالى انه مستعد يجيب لى موبايل عشان اكلمه فيه بس انا رفضت


اسيل: ليش رفضتى

ريم: مالى خلق مشاكل وبلاوى مره ثانيه كافى الى صار وبعدين امى قالت اول ماخلص مدرسه واتخرج من الثانويه راح تشتريلى((( ريم ماكانت برابعه ثانوي كانت بثالثه ثانوي يعنى بصف الحادى عشر)))


اسيل: ايه زين تسوين احسن لج جذى


ريم: وانتى شخبارج


اسيل: ولله باجر امتحان قرآن آخر امتحان بعدين تشتغل ايام المناحه عندى بنطره النتيجه


ريم: لاانا متأكده انج بتنتجحين شوفى اول ماتخلصين امتحانج لاتروحين منى ولامناك انا عازمتج عندى بالبيت

وبعد باجر نطلع أي مكان على ذوقج


اسيل: اوكيك ان شاءلله

يلا اخليج الحين تبين شى

ريم: سلامتج يلا سى يو

اسيل: بيباي




راحت ريم صعدت غرفتها

وطلعت كل الرسايل الى كان بدر يطرشها لها واول ماطلعتها شمت فيها ريحه عطر رجالى حلو
وعرفت انه هذا عطر بدر


قعدت تفكر بينها وبين نفسها هذا شلون يحبنى واهو كان يدرى انه لى علاقه قبل مع خالد

وشلون يحبنى وانا كنت احب غيره

معقوله فيه انسان جذى



بدر على الرغم من انه كان يعرف بعلاقتها مع خالد لكن كان يحبها وكان مستعد يساعدها بأي شى تطلبه

حتى لوكانت زعلانه مع خالد مستعد انه يساعدها عشان يرضى وطبعا خالد ماكان بعارف بهالعلاقه الى كانت بينهم

الى كانت ممكن صداقه او اقل

صح انه ريم كانت تحب خالد لكن بالفتره لاخيره كانت علاقتها فيه تقل اكثر واكثر وكانت كلها مشاكل وطلبات من خالد لااخلاقيه




ساعه 9 بليل بكافيه


كان بدر قاعد على طاوله وسرحااان ولا كان حاس بشى حواليه



فواز شافه من بعيد وترك البلياردوو وراح له


فواز هذا صديق بدر ومثل اخوه واكثر وعمره 19





فواز: قوه بدر

بدر:.......

فواز: بدر هىىى ويحرك ايدينه قدام وجه بدر


بدر:هلا هلا فواز خلصت اللعبه

فواز: أي لعبه أي بطيخ

انتى وين وصلت القمر ولاالمريخ

بدر: هههههههههههههه ياخوي تونى بلأرض

فواز كان عارف بكل شى بين بدر وريم


فواز: تفكر فيها

بدر:وهو في غيرها

فواز: ياخوي البنت ماتبيك وانا احسها قاعده تلعب بعصابك وتلعب عليك

بدر: لحد الحين ماسوت لى شى يبين لى هالشى وبعدين شلون تلعب على ااذا على رسايل ماترد
ولاتقولى شى ولما تشوفنى واقف عند المدرسه تمر من عندى ولاكانها تعرفنى

فواز: ياربى منك متعب نفسك ومعذب نفسك على بنت ماتبيك

تبينى اضيعها لك واعلمها شلون تسوي فيك جذى