[لامارا]

فواز كان معروف بحركاته مع البنات كان ماعنده أي مانع انه يفضح بنت تضره او تضر رفيجه

وبدر كان عكسه تماما

بدر بعصبيه: البنت ماسوت لى شى ولاقربت صوبى

يلا يلا انا بروح بيتها


طلع بدر بسرعه من الكافيه وقام فواز وراه


فواز: يلا شباب مع سلامه نشوفكم



بدر كان يمشى بسرعه بسرعه وبعصبيه ويبى يوصل سيارته


وفواز وراه


فواز : وقف بدر كانى جاي

وركبوا السياره

فواز لف على بدر: بدر انت زعلت
خلاص يبه انا آسف وانت وياها كيفكم

بدر : مارد عليه وحرك بسياره بسرعه





اليوم الثانى الساعه عشر الصبح



ررررررررررررررررررررررررر ن



انتهى وقت لامتحان وطلعوا كل البنات من اللجان



اسيل واسرار طلعوا مع بعض من لامتحان


اسيل: هاشلون لامتحان

اسرار: الحمدلله


اسيل: بتروحين مبجر اليوم

اسرار: ولله مادرى متى بياحذنى ابوي





وصلوا عند باقى الشله


اسرار: شخبار لامتحان


غزلان: زين

اسيل: وين عواطف للحين ماطلعت من لامتحان

اجياد: كاهى توها تطلع


اسيل بصوت عالى: هاااا زفت ولازين


عواطف: استغفرلله حرفت بلأيات


لما وصلت لهم عواطف

اسيل: لو موحاله احسن


غزلان: بنات ترا انا اليوم مومطوله امى بتاخذنى بسرعه

عواطف: لييييييييش ياحماره مو احنا قايلين نبى نطول اليوم

غزلان: شسوي عندنا عرس وبروح الصالون مايمدى

اسيل: مالت عليكم الحين من امس واحنا نقول نتأخر ومدرى شنو والحين كل وحده تبى تروح

عواطف: تشوفين اسيل انا بكون آخر وحده بروح فيكم


اجياد: تعالو خلونا نغنى آخر اغنيه لنا



اسيل: يلا غزلان نشيد الشله


غزلان: يلا واحد اثنين ثلاث وبصوت عالى


آلا ياليل قلى وين خلى رحل يم الديار البعيده


وكل كان يغنى ويرقص


لدرجه كل البنات بالمدرسه كانو يطالعونهم


وبالوقت الى اهما مندمجين بلأغانى


مدرسه: شو فيه انتى وياها عاملين لى عرس هون فى بنات عم تحل يلا روحوا من هون


اسيل: ما تواخزينا


الشله:ههههههههههههههههههه� �ه
غزلان: نبى نفرفش على آخر يوم


مدرسه: روحى فرفشى برا يلا بسرعه

راحوا كل البنات وغزلان كانت تغنى بصوت واطى


ولما بعدوا من لابله علت صوتها عناد



ومع مرور الوقت بدا عدد الشله يقل شوي شوى


راحت اول شى غزلان

وبعدها اسرار

وبعدها عواطف

وبعدها اجياد

ولاخيره كانت اسيل


هالمره كان الزعل بقلوبهم اكبر لكن كل وحده خلت مشاعرها بقلبها على امل انهم يلتقون مره ثانيه

وكلهم كانو متفقين انهم يتجمعون مره ثانيه بعرس عواطف الى كانت اول بنت بتتزوج من الشله


انتهت الاختبارات الى كان فيها تعب وهم وقلق وكان فيها فرح وضحك ومرح


اول مادشت اسيل بيتهم


قعدت تنادى وتصارخ بصوت عالى


يممممممممه خلللللللللللللللللللصت يمه نفنوفى ( مريول المدرسه) بحرقه بقطه بالزباله


ام محمد|: اسم عليج بنيتى استخفيتى


اسيل بشكل هستيري: يمه تبين نفنوفى تخلينه فوطه تمسح فيها الخدامه البيت

ولا اقولج شرايج اعلقه على الباب ولا احرقه لا لا احرقه احلى شى


كانت تتكلم من غيرماسكت والكلام يطلع منها من غير ماتحس او تفهم اهى شتقول

ام محمد: اسم عليج هالامتحانات خلتج مجنونه

اسيل: يمه مستاااااانسه وتقعد تنط وتركض بصاله

يمه يمه بروح عند ريم اليوم بروح أي مكان بفر الكويت كلها ولا اقولج بروح الصالون اول اتكشخ واسوي شعرى


ام محمد: مسكت ايدين بنتها تعالى تعالى وقفى وتكلمى شوي شوي شفيج

اسيل: اووووف خلاص خلاص انا الحين رديت لحالتى الطبيعيه ههههههههههههههههه
ولله يمه انجنيت مابغيت اخلص


ام محمد: يلا حبيبتى روحى بدلى على ما يخلص الغدا

اسيل: لا يمه مابى انا بروح انام من امس مونايمه وبروح المغرب عند ريم

ام محمد: على راحتج



راحت اسيل غرفتها واهى تركض على الدرج شافت سديم نازله


اسيل: سدييييييييييييييم خلللللللللللللللللللصت باركيلى


سديم: مبروك بس لاتستانسين وايد اخاف تبجين من النتيجه


اسيل طقت اختها مع ظهرها : فال لله ولافالج وركضت تصعد فوق



على طوول بدلت اسيل ونامت


وعلى المغرب قعدت وبدلت وراحت لريم



تررررررن ترررررن
طقت اسيل جرس بيت ريم


الخدامه : منوو

اسيل: انا اسيل

الخدامه : اوكيك مدام

لما فتحت الخدامه الباب

اسيل: مدام بعينج شايفه درزن يهال وراي( يهال= اطفال)

الخدامه: سورى مس اسيل


اسيل: وين ريم

الخدامه :داخل


اول مادشت اسيل

ركضت عليها ريم ولمتها

ريم: اسيييييييييييييييل مشتاقتلج مبروك مبروك خلصتى امتحانات

اسيل: ايييييييه واخييييييييرا عقبالج يارب تفتكين من الثانويه

ريم: ان شااءلله

ومسكوا ايدين بعض وصعدوا فوق

اول مادخلوا الغرفه

اسيل: واااااااااااو شنو هذا كل هذا عشانى ولله مادريت انى اميره

ريم: مااااااالت وينج ووين لاميرات

اسيل: ترا السايق بعده ماطلع من شارعكم لاتخلينى ادق وارد بيتنا


ريم: اتغشمر معااااااااج دشىى( اتغشمر= امزح)

كانت ريم مجهزه غرفتها وحاطه طاوله صغيره فيها اكل وحاطه عليها شموع ومقطعه ورد
وراشه الطاوله كلها فيه

وكانت حاطه انواع الكيك وآيس كريم والعصير وكاكاو الى تحبه اسيل


قعدت اسيل على الكرسى ولحقتها ريم بعد ماشغلت كاسيت حق شرين عبدالوهاب


ريم: ها شلون لامتحانات

اسيل: لله يستر ولله انا مادرى قدمت وباقى على لله

ريم: لله كريم


قعدوا يسولفون ويضحكون ويتذكرون ذكريات ومغامرات قديمه لهم لما كانو شياطين وبايعينها


ريم: اسول تتذكرين مشارى

اسيل كانت تشرب عصير حطته على الطاوله وقعدت تضحك:هههههههههههههه هو انا اقدر انساه ده مايتنسيش


ريم: كان حييييييييل حلو

اسيل: وحيييييييييييييييييل خبيث

ريم: حرام كرهتيه حياته حتى شغله خليتيه يطلع منه


مشارى هذا كان واحد يشتغل بأحد المولات وكان يشتغل بمحل كان عمره 23 كان المحل الى يشتغل فيه مال ابوه يعنى محلهم

ريم: تتذكرين شلون تعرفنا عليه

اسيل: ايه كله منج لما كانو يلحقون شباب بالمول وقلت لج امشى ندش محل لاكسسوارات هذا ماراح يقدرون يدخلونه لانه محل نساء
ولما دشينا كنت انا اسبج لانه الشباب الحقونا بسبتج


ريم:هههههههههههه عاد ولله ماسويت شى كنت اضحك معاج ولفيت عليهم بالغلط وانا اضحك وحسبالهم انى اضحك لهم

اسيل: المهم انج كنتى السبب بس تدرين اخترعت منه انا حسبالى ماكو احد بالمحل وكنت اسبج وماخذه راحتى


ريم:ههههه ايه ولا يطلع لنا صوت ماكنا ندرى من وين ويقول لج لالالا عيب هالكلام


اسيل: ايه ولما لفيت يمينى الا اهو كان قاعد ورا الطاوله ماشفته

ريم: اهو الى بدا يتحرش فيج وعجبتيه وكان يبى يعرف اسمج

اسيل: ايه صح بعدين انا صديته
وكنا كل مانورح ويشوفنا بالمول يجى يكلمنا ويسولف معانا

ريم: لا مستغل المحل دايما يقول تعالو فيه بضاعه يديده واحنا نروح وماندرى شسالفه

ويطلع آخر شى لافيه لابضاعه يديده ولا شى بس كان يبى يسولف معانا

اسيل: لا احلى شى احلى شى لما جابت لى بشاير رقم المحل وانا مادقيت عليهم الا بعدين لما قلتى شرايج ندق ونحط اغنيه

ريم: تكفييييييييييين لاتذكرينى بلأغنيه شنو ضحكنا ضحك عليها

اسيل: حسيت نفسى سخييييييييفه وقتها هههههههههههههههه


ريم: اهم شى حاطه معجبه مغرمه انا بئه مش عايزه الا هو

اسيل:هههههههههه لا وعدلتها لما حطيت على بالى ولاانتا دارى

ريم: يييييييييييييييييمه ياجذب
بس حرام الى سويناه فيه

اسيل: لا يستاهل اهو مايستحى ويبى له تربيه ولانسيتى لما كانت ادق بشاير على المحل وتستعبط ولا يقول لها انتى ساره شوق (( ساره وشوق اهى لاسماء المستعاره لريم واسيل))) نقط نقط نقط وانتى اكيييييد فاهمه قصده بنقط نقط


ريم: حرام ماتسوي عليه قال هالكلمه

اسيل: خليه احسن يتحمل انا ماسويت له شى ولاضريته اهو الى كان يتحرش وبعد هذا كله يقول انا تحرشت فيه واحنا نقط نقط

ريم: بس اقوى شى لما راحت بشاير وبنات خالتها وتهاوشوا معاه ومصخروه


اسيل:ههههههههههههههه لما طاح تلفون بشاير على لارض ولاتناديه وتقوله لو سمحت عطنى التلفون مسكين اهو على نياته راح يعطيها التلفون ولا تقول له شطور ياخروف


ريم: هههههههههههههههههههههه حراااااام ولله حراااااااام



خروف مصطلح يستخدمونه بالكويت بين الشباب ويقولونه حق البنت الى تسمع كلام الصبى بكل شى يطلبه منها وعكس صحيح

اسيل: كان بيطقها ترا بس مسك نفسه وطلع برا المجمع وربعه كانو يهدونه


ريم: وقمه الحقاره لما بنت خاله بشاير لما شافوه واقف برا صفطوا بسياره عنده وقالت له لو سمحت من وين اطلع



اسيل: هههههههههههه بعد كل الى سووه قالوا جذى

ريم : وصدمه لما طلع من المحل وراح لفرع ثانى من محلهم

اسيل: ويلى يصدم اكثر لما شفته انا بصدفه بالفرع الثانى للمحل
قعد يبتسم لى وماشال عيونه من على بس انا سويت نفسى ماعرفه


ريم: بس هم طلعنا بنات حنونات دقينا على فرع محل الى كان يشتغل فيه واعتذرنا له

ههههههههههههههههههه


اسيل: لا انا مااعتذرت له بشاير اعتذرت انا مالى شغل فيه خليه يتحمل نتيجه كلامه الغلط

وكانت القعده كلها ذكريات وسوالف قديمه حلوه وحزينه ومضحكه بعد


اسيل: بس ريم اكثر المواقف المحرجه الى تصير لنا بسبتج

ريم:لاولله متى متى

اسيل: نسيتى صندلج لنا نقطع(( الصندل كان عباره عن الصنادل الى يكون فيها سير صغير ادخلين فيه اصبع واحد يعنى صنادل ام اصبع)) خو تسميه ههههههههههه


ريم: تدرين بهذا اليوم حسيت انج اكثر انسانه مجرمه على لارض

اسيل:ههههههه ليش

ريم: الحين انا ينقطع الصندل مالىوتبين تسوي نفسج فهمانه وبتحلين الموقف تحطين دبوس بالخيط مال الصندل ولما دخلت اصبعى ولبسته وقمت امشى انقطع مره ثانيه ودش الدبوس بصبعى


اسيل:
ههههههههههههه يومها فشلتينا والكل قاعدين يطالعونج وانتى اصابعج كلها دم

ريم: صرت صرصورهه بهذا اليوم طول الوقت بحمام وانتى تفترين ادورين لى نعال ثانيه بالمحلات


اسيل وريم:هههههههههههههههههه



وبعد صفحات الذكريات الى تذكروها مع بعض راحت اسيل حق بيتهم

وكل وحده احتضنت ذكرياتها وحياتها ونامت على مخدتها