[اسطورة !]

تــــــــــــــــابــــــ ـــــــــع
البـــ[19]ـــارت + البـــ[20]ـــارت

خالد: عبالك بتهدديني !!
رفعت راسها بتفكير: ممكن
خالد مسكها بيده من رقبتها وضغط عليها بقوه: كنتي غلا او غرام ما يفرق ولو ابا ادفنك بدون دبح يا ماما
كانت قبضته قويه ع رقبتها بس حاولت ما تبين ضعفها له رفسته برجولها بقوه ع صدره
خالد رجع ع ورا بسرعه: ياxxxx
نزلت نظارتها الشمسيه وبانت عيونها
خالد: كان لازم اعرف انو غلا مستحيل تكون حركاتها متل بنات الشوارع
غرام: لو قربت من توأمي ما حتلوم الا نفسك
خالد دفها من كتفها: انتي هيييه انا ما اتهدد منك ماشي
غرام: هدي اللي مو عاجبتك حتبوس رجولها قريب.
ومشت
خالد بعصبية: تخسين يالـxxxx
ثامر بغيره واضحه وقف قبال غرام: شتسوين مع خويلد؟؟
غرام ناظرته باستهزاء: اغازله!!
ثامر يحاول يمسك اعصابه: وااضح
غرام: مدام واضح لا عاد تسأل
ثامر: غرام لا تستفزيني
غرام مشت وخلته
ثامر راح لخالد: ايش سويت للبنت كمان؟؟
خالد: ظف وجهك انت التاني مالي خلق سخافتك
ثامر ناظره بقهر
خالد بعده عنه ومشا
ثامر ضرب برجوله التراب بقهر

** في خيمة الرجال **

كان الكل برا عدا بو غانم و بو هاني
بو غانم: متى حتقول لغرام ؟؟
بو هاني ناظره: م اعرف والله
بو غانم: لازم تول لغرام ما حنتظرك اكتر من كدا
بو هاني: بالموت قاعد اتصرف معاها تباني دحين اقولها كدا فجأ !!
بو غانم: تصرف ولا انا بقولها
بو هاني: خلاص بحاول اكلمها ادا رجعنا
بو غانم: طيب

بدأ يقوم الكل ويصحا
روان: تكفى خالد يلا
خالد: لا بعد العصر
رنا: تكفى خلودي البنات كلهم متحمسات
خالد: مين البنات ؟؟
رانيا: كل بنات اعمامي
خالد: غرام و غلا ما يركبو معايا
غلا: وفر ع نفسك م حنركب معاك ما نتشرف أصلا
خالد انقهر
ثامر: ولا عليك ي بنت عمي انا افحط فيكم
لفت عليه تاج: جد ؟؟
ثامر: ايوه
غرام ريحو يالهياط انت وهو ما حركب
ثامر: ليه ؟
غرام: كدا
ثامر: تخافين ؟؟؟
غرام: تخسي
ثامر: وريني طيب
غرام بتحدي: و اركب قدام كمان
ثامر ابتسم من داخله بانتصار: هه خوافه
غرام شمرت اكمامها بهياط و ركبت قدام وفتحت الدريشه: هيا يا حريف انت
ثامر شد كاب البلوفر: هيا بنات
تاج بغيره: ما حجي
ثامر لف عليها: ليه ؟
تاج: كدا
ثامر: قبل شوي كنتي متحمسه
رتاج: انا بركب مع ثامر
ثامر: استنو.. تاج ترا ما حسوي فيكم حادث ترا
تاج سكتت
ثامر: ادا ما جيتي محد حيفحط
تاج فرحت بداخلها و بتغلي: ما أبا
ثامر: هيا تاج عشاني ؟
تاج: طيب
ركبت تاج و رتاج و غلا ورا
غرام طلعت راسها من الدريشة: فااطمة
فاطمة: ما حجي بس بطالع
غرام: والبنات ؟
فاطمة: يخافو
غرام: طيب
ثامر: نحرك ؟
غرام: هيا
ثامر حرك بسرعه ولحقه خالد
غرام بصراخ: نطّل نطّلل
ثامر ضحك ومشا ع 120 وهز الدركسون ع خفيف بعدها لف يسار بقوه وهز مرتين بشويش ولف يمين وهز يسار مرتين ع خفيف ولف يسار بقوه
البنات أنواع الصراخ و الضحك
ثامر وقف: اعجبك ــ وغمز لها ــ
غرام لفحت بيدها
خالد وقف جنبه و نزل الدريشه: تستعرض يعني!
ثامر: ما عجبك بالله ؟
خالد: اكسرك دحين
ثامر: ورينا
خالد لف بقوه و قام ينطّل بس بسرعه اكبر
والكل يصرخ ويضحك
ثامر: لا يا شيخ ايش الحركات دي
هاني: نزلو خواتي و عقدو
( ترا هذي اسماء حركات تفحيط .. النطل, العقده ..الخ )
غرام: لالا احُبها
هاني: لا غرام انزلي انتي و البقيه
تاج: ليه
هاني: كدا..بس انا وهو
تاج نزلت هي وغلا و رتاج
غرام: انا بقعد
هاني: مافي مو زين
غرام: اللي مو زين لي مو زي لك
هاني: لا تعاندي غرام
غرام طنشته
ثامر: خلاص بسويها بس مره
هاني: لا
غرام نزلت من السيارة وصقعت الباب بقوه
ثامر بصراخ: يا حمـ××××
هاني ضربها ع راسها بخفه: بعدو عشان تقدروا تشوفو
ركب السياره وحرك ثامر بسرعة 100 بالبدايه بعدين زودها وصارت 120 لف ع اليسار ومسك خط .. والبنات قامو يصرخو ويصفرون .. لف يمين وسحب جلنط بقوه وصارت السيارة عاكسة الطريق نزل ثامر الجلنط وعكس الدركسون يمين
تناثر الترب حول السيارة من العقده
ثامر طلع من الدريشه وقام يصفر بأصبعينه
الكل قام يصرخ
ثامر بصراخ: كــــــــيف ؟؟
الكل قام يصرخ بفرح
هاني نزل من السياره: وحش
البنات: تاانيه تانيه تانيه
ناصر مر هاني و اخذه بسيارته
ثامر ناظر غرام باستغراب
غرام كانت قاعده ع جوالها وتطقطق فيه
ثامر انقهر وركب السيارة و حرك بسرعه لها وسحب جلنط قوي لما وصل لها
غرام بعصبيه: وجع يا××××
ثامر: نعم ؟
غرام ناظرته: ايشبك م تشوف؟؟
ثامر نزل من السياره وسكر الباب: ما كنتي تشوفيني ؟؟
غرام:ثامر بالله وديني لخواتي
ثامر: غرام انا أتكلم
غرام كانت تلف يمين ويسار: فاطمة وين فاطمه؟
غلا: راحت من اول
غرام لفت وركبت سيارة ثامر: بالله عليك ثامر وديني لخواتي
ثامر حس انها جادة ركب السيارة وحرك
تاج راحت لغلا: وين رايحين هدولا ؟
غلا: للمخيم
تاج: ليه ؟
غلا: مدري شكلو في حاجه في خوات غغرام
تاج سكتت
البنات فجأه قامو يصرخو و يصفرون لتفحيط خالد و ياسر

*** في سيارة ثامر ***
ثامر: فيكم حاجه ؟؟
غرام: اوص يرحم لي امك
ثامر: غرام احكي ممكن اقدر اساعدكم
غرام: ما أبا منك الا بس توصلني لخواتي
ثامر: طيب ع راحتك
شوي ووصلوا للمخيم
غرام نزلت بسرعه و دخلت وحده من الخيم
ليان كانت تصيح
غرام: لينو
ليان: غرام تكفين ابي اروح لخالتي خديجه
غرام بخوف: فيها شي ؟
ليان: مادري مادري بس ودوني لها
غرام: طيب هدي ــ لفت ع خواتها ــ ندق ع مهند ؟؟
فاطمة: دوبو راجع البيت
غرام: دحين فهميني ايشبها خالتي خديجة
سونيا تمسح ع كتف ليان: ما تدري تقول انو كلامها غريب ومدري ايه
غرام: عشان كدا تصيحي !!!
ليان: حاسه انو فيها حاجه
فاطمه: خايفة ع شهاب
ليان تشاهق بالبكي: ايوه
غرام قامت و طلعت برا الخيمه شافت ثامر يلعب برجوله بالتراب راحت له: ثامر
ثامر لف بسرعه: قلبه
غرام طنشت: وين هاني؟
ثامر: مع الشباب يفحط
غرام سكتت شوي: تودينا
ثامر: وين ؟
غرام: عند خالة ليان
ثامر: لو تبين المريخ اوديك
غرام: بلا هدره زايده تودينا ولا لا
ثامر: اوديك
غرام راحت ركض داخل: هيا راجعين
فاطمه: مين بودينا ؟؟
غرام: ثامر
سونيا: جهزت شنطتنا من اول
غرام شالتها و طلعت
ثامر اخذ الشنطة من غرام
غرام: هيا ليان حبيبي
ركبو فاطمة و ليان و سونيا ورا
غرام جت تركب ورا
ثامر لفها عليه: نعم نعم مره بكون زحمه ورا
غرام: عادي نتحمل
ثامر: سواق ابوكِ انا !!
غرام سكتت
ثامر: اركبي قدام اشوف
غرام سكرت الباب و لفت للكرسي اللي جنب السائق و سكرت الباب بقوه
ثامر: يا كلـ××× سكري الباب متل الأوادم
غرام: حرك و انت ساكت
ثامر مسك نفسه و حرك
ليان: ادق عليها ما ترد
سونيا: ممكن مشغوله
ليان: لا هيا قامت تخبص بالكلام بعدين قفلت مني بدون م تقولي باي حتى
غرام لفت عليهم: ايش قالت ؟؟
ليان: ما اعرف كانت تقول ان شاء الله تفرح قلوبنا و ان شاء الله مدري ايه بس انتي ارجعي لنا بالسلامة
غرام: طيب كلامها عادي
ليان: لا قالت نفسي تكوني عندي في كلام كبير ثقيل علي اني امسكه
غرام: ليكون شهاب صار لو حاجه ؟
ليان رجعت تصيح: لا يارب ما فيه ولا حاجه تركته وهو بخير
ثامر: قلتو لعمي انكم راجعين ؟
غرام بعدم اهتمام: لا
ثامر وقف فجأه وكلهم تقدمو
فاطمه: وجع
ثامر لف عليهم: ما عطيتو لحد خبر !!!
الكل: لا
ثامر: الله ياخدكم بطيحوني بمصيبه انتو
غرام: اقول حرك بس ثامر حرك و طلع جواله و دق ع هاني
هاني: ها ايش تبا ؟
ثامر: انا اخذت البنات وبرجعهم
هاني: اي بنات ؟
ثامر: غرام و خواتها
هاني باستغراب: ليه ؟
ثامر: مدري ايشبهم يبغو يرجعو دحين دحين
هاني: اديني غرام
ثامر: غرام
غرام: همم
ثامر: هاني يباك
غرام سحبت الجوال: نعم ؟
هاني: سلامات وين رايحين ؟
غرام: عند خالة ليان
هاني: ليه ؟؟
غرام: مدري ليان شاكه ان فيها حاجه
هاني: طيب حترجعو؟
غرام: ما اتوقع
هاني: طيب اديني ثامر
غرام: خد
ثامر اخذ الجوال: ايوه
هاني: بتوصلهم و تقعد ؟
ثامر: مدري.. ببقى معاهم
غرام: ما نحتاجك بعد ما توصلنا مهند موجود
ثامر: انكتمي
غرام لفت وجها
ثامر: خلاص طيب .. ما عليك عندي يا رجال تطمن .. طيب سلام
سكر منه
ثامر: ممكن ترجع العائلة كلها
غرام: ليه ؟
ثامر: تاج كمان تعبانه
غرام: طيب


&&& في فلة بو مهند &&&

مريم: البنات راجعين دحين
مهند: ليه ؟؟؟
مريم: مدري بس قالو راجعين اسألهم ما يردو
مهند: ان شاء الله ما فيهم الا العافيه
بو مهند: امين

&&& في فلة ام فارس &&&

ام فارس: افتحي الباب يا خزامه
شهاب: مين جاي ؟؟
ام فارس: ما اعرف
شوي ودخلوا البنات
ام فارس: لـــيـــان !!!
ليان راحت لام فارس وضمتها
ام فارس استغربت وضمتها
غرام لفت لشهاب: فيك حاجه ؟؟
شهاب عقد حواجبه: لا
ليان بعدت عن ام فارس: شهاب
شهاب: عيونه
ليان: فيك حاجه !؟
شهاب: ايشبكم انتو ؟؟
ليان لفت ع ام فارس: ايشبك انتي؟
ام فارس: ما فيا حاجه
ليان :كلامك كان غريب ولما ادق عليك ما تردي
ام فارس سكتت
فارس نزل: اوه رجعتوا !! بدري
ليان: خالتي احكي
فارس لف ع امه: قلتي لها !!!
ام فارس اشرت له بلا
ليان: يعني في حاجه
ام فارس سكتت
ليان راحت لشهاب: شهاب الله يخليك قولي في حاجه مخبينها عني
سونيا: ثامر برا
فارس: مين ثامر
غرام: ولد عمي
فارس: انا بطلع له
شهاب: بجي معك
ليان: شهاب عشاني !!!
شهاب ناظرها
فارس بحده: شـــهــــاب
شهاب: خليك انا بروح لرجال
ليان مسكت ذراع شهاب برجاء: شهاب
شهاب ناظرها بحب
ليان: تكفى
سونيا سحبتها: خلاص فارس بيحكي لنا خليه يروح لرجال
ليان تركته
شهاب انحنى له و بهمس: آسف
وطلع وهو يتكى ع العكاز شاف ثامر قاعد بالسيارة و يطقطق بجواله دق الدريشة
ثامر نزل الدريشة
شهاب: سلام
ثامر نزل من السيارة و سلم عليه و بعد السؤال عن الحال و التعارف
ثامر: سلامات ؟
شهاب: الله يسلمك حادث سيارة
ثامر: ما تشوف شر
شهاب: الشر ما يجيك
ثامر باستغراب: ايش تقرب حق ليان واضح انك امراتي!
شهاب: لا سعودي ومن هنا بس عايش بالأمارات .. و امي اهتمت فيها اسبوع قبل ما تدش الدار
ثامر: اها.. يديها العافيه
شهاب: يعافيك
** داخل **
ليان بصدمه: مو من جدك تكدب علي صح !!
فارس: لا ما اكدب عليك
سونيا دمعت عيونها: اخيرا
ليان كانت تناظر فارس بصدمه
فارس: تبغي اوديك عنده ؟؟
ليان: ايوه
فارس: خلاص دحين اوديك
سونيا: حنا بننتظرك
ليان مسكت سونيا: لا تخليني
سونيا ناظرت البنات
غرام: روحي معاها
ليان: لا تعالوا معايا
فاطمه: ايش نسوي !؟
ليان: تعالوا بس
سونيا: هيا بنات
ام فارس: انتبهو لكم كويس
ليان: ما حتجين ؟؟!!
ام فارس: لا يا قلبي
ليان: انا احتاجك
ام فارس: خواتك معك
ليان: الله يخليك خالتي
ام فارس: خزااامه خزااامه جيبي عباتي
شوي وجت خزامه ومعاها عباية ام فارس
ام فارس: هيا

طلعوا كلهم
شهاب: رايحين !؟
ام فارس: ايوه
شهاب: هدا ثامر ولد عم غرام
ام فارس: يديك العافيه يا ولدي
ثامر: الله يعافيك
ام فارس: تعبناك معانا
ثامر: افا عليك يا خاله لا تعب ولا حاجه
ام فارس: الله يخليك
فارس سلم ع ثامر: عن اذنك
ثامر هز راسه
الكل ركب سيارة فارس
ثامر مسك غرام
غرام: نعم
ثامر: وين رايحه ؟!
غرام: مع خواتي روح انت وخلي الواد يرتاح
ثامر انقهر منها: ما في روحه لك
غرام دفت يده عنها: يلا اشوف معطي نفسك اكبر من حجمك
ثامر بحده: غـــرام
غرام طنشته وركبت السيارة
ثامر راح لشهاب: يلا انا استأذن
شهاب: خليك يا ريال
ثامر: مره تانيه ان شاء الله
شهاب: بقعد لحالي ترا !!
ثامر سكت
شهاب: راجع للبر
ثامر: لا برجع البيت
شهاب: خليك عيل
ثامر: ما ابا اتعبك اكثر
شهاب: شو هالرمسه يا ريال عيب !!
ثامر: حاضر تامر امر

&&& في بيت بو عمر &&&

بو عمر: ليان جايه ليان جايه
ام عمر: من جد !!
عمر دخل: السلام عليكم
ام عمر: عمر تعال بسرعه
عمر راح لها: ايشبك فيك حاجه !!
بو عمر: اختك جايه
عمر: مين اختي ؟!
بو عمر: ليان
عمر بفرح: دحين !!
بو عمر: ايوه
عمر راح ركض
ام عمر: وييين
عمر: ابدل تيابي
ام عمر ضحكت
ربع ساعه ودق الباب
بو عمر: افتحي يا حرمه
ام عمر اخذت عبايتها و فتحت الباب
فارس نزل راسه: السلام عليكم
ام عمر: وعليكم السلام نعم ؟
فارس: انا فارس يا خاله
ام عمر: حياك حياك
فتحت الباب وخلته يدخل
فارس: هدي امي
ام فارس سلمت عليها
ام عمر وهي تدور بعيونها: وين ليان ؟؟
ام فارس طلت براسها لبرا: لينو
ليان دخلت وهي منزله راسها
ام عمر ابتسمت بفرح : ليان
ليان رفعت راسها
ام عمر ناظرتها بصدمه نسخه من امها كأنها تشوف زينه قدامها .. ما حبت تثير الشكوك سحبتها وضمتها
ليان انصدمة توقعت تقابلها بكره
ام فارس ابتسمت
ام عمر دمعت عيونها: الحمد لله يا رب الحمد لله يا رب
فارس: ليان ادخلي ابوك يبا يشوفك
دخلت ليان وشافت رجل كبير في 40 و ما فوق من عمره جالس ع كرسي متحرك
بو عمر دمعت عيونه وقعدت تنزل بدون ما يحس فيها: زيـ-ـنـ-ـه
ليان ناظرت فارس
ام عمر: اسم امك
ليان ابتسمت
بو عمر فتح لها يدينه
ليان راحت له وضمته
بو عمر قعد يصيح
ام عمر راحت غرفة عمر ودقت الباب
عمر: ادخلي
ام عمر دخلت: عمر
عمر لف عليها: كدا كويس ؟؟
ام عمر ابتسمت: تجنن
عمر يشم ريحته
ام عمر ضحكت
عمر اخذ العطر وتسبح فيه
ام عمر: تراك بتشوف اختك مو خطيبتك
عمر: ههههههههههه
ام عمر: تراها برا
عمر: كدابه!!
ام عمر: ولد
عمر: آسف
ام عمر: هيا روح سلم عليها
عمر طلع بسرعه
ام عمر طلعت وراه
بو عمر: مره تشبهي امك
ليان: جد ؟
بو عمر: والله
دخل عمر
ليان لفت
بو عمر: هدا اخوك عمر
ليان رفعت حواجبها: عُمر
عمر استحا
ليان ابتسمت له
ام عمر وكزت عمر وهمست له: روح سلم عليها
عمر تقدم لها
ليان استحت منه
عمر ضمها
فارس: عن اذنكم ــ وطلع ــ
ام عمر: تفضل في المجلس التاني لو تكرمت
فارس: ابشري
عمر بعد عنها: سمعت عنك و عمري ما شوفتك
ليان ابتسمت
عمر: طلعتي احلا من اللي تصورتها ــ وغمز لها ــ
ليان وجها حمر
الكل: ههههههههههههههههههههههههه ههه
بو عمر: ولد
ليان لفت ع ابوها: مين اكبر انا ولا هو ؟
عمر: اكيد انا يا امي
ليان: جد !
عمر: ايوه اكبر منك بأسبوع
ليان: جــد
بو عمر: ايوه
اندق الجرس
ام عمر قامت
ليان: دولا خواتي
ام عمر: خواتك !!
ليان هزت راسها
ام عمر راحت وفتحت الباب لهم
غرام: هدا بيت ابراهيم ؟
ام عمر: خوات ليان ؟
فاطمه: ايوه
ليان طلعت لهم
سونيا: لينو
ليان ضمتها
سونيا ضمتها
غرام: ابوك ؟
ليان هزت راسها بنعم
فاطمه: اووووه
ام عمر: تفضلو
سونيا بعدت عن ليان: زاد فضلك لا بس حبينا نطمن
ام عمر: ادخلو ايش دا الكلام
دخل الكل
ليان تعرفهم ع بعض: هدي ام عمر زوجة ابويه و هدا عمر اخويه و هدا ابويه
البنات: السلام عليكم
الكل: وعليكم السلام
ليان: دي سونيا اسمها سهى اصلا و دي غرام ودي فاطمة
ام عمر: كلكم من الدار ؟
غرام: ايوه
ام عمر استغربت من نظارة غرام
ليان بفرح: بنات تعرفوا ان عمر اكبر مني بأسبوع
سونيا: هلا عمر
عمر: هلا فيك
فاطمه: وين فارس و ام فارس ؟
ام عمر: في المجلس التاني
راحوا البنات لهم
ام عمر اشرت لعمر و طلعوا
ليان جلست عند رجول ابوها
بو عمر: ايش تسوي يا بنت قومي عن الارض بارده
ليان: مرتاحه كدا
بو عمر مسك يدها
ليان: كلمني عنك
بو عمر: ايش اقولك
ليان: ليه انت ع هدا الكرسي ؟
بو عمر: صار لي حادث بعد وفاة امك زينه الله يرحمها
ليان: الله يرحمها
بو عمر: كنت مره مصدوم وقتها لاني كنت اعشق امك بس تزوجة ام عمر غصب عني لانها بنت عمي و ابويه خاف تتشرد
ليان هزت راسها عشان يكمل
بو عمر: في يوم من الايام دخلت بغيبوبه و اخذتك ام عمر مع عمر لمكه عشان تدعي لي و لما رجعت و فقت سألتها عنك قالت لي انك متي
ليان ناظرته بصدمه
بو عمر: ما تحملت ورجعت في الغيبوبه ولما قمت قالت لي انها دورت عنك بكل مكان و انها نشرت صورك في كل مكان بس ما لقوك عشان كدا قالت عنك انك متي
ليان: توقعت اني من مكه
بو عمر: فقدت الأمل لين جاء فارس دا
ليان ابتسمت: ووين تشتغل ؟
بو عمر: في سبورماركت
ليان: و عمر يدرس ؟
بو عمر: اكيد بس مقصر بدراسته
ليان: ليه ؟
بو عمر: عشانو يبا يساعدني بمقاضي البيت
ليانك يــشــتـــغــل !!
بو عمر: للأسف ايوه
ليان: وين ؟
بو عمر: مرات يساعدني ويوصل اغراض و مرات في الورشة
ليان: بس المفروض يكمل دراسته ويشتهد
بو عمر: من مين يسمع دا
ليان:انا بكلمه .. راتبي يكفينا
بو عمر: راتبك !!!
ليان: ايوه
بو عمر: تشتغلي!!
ليان: ايوه مع خالتي ام فارس بمشغل
بو عمر: اها
ليان: اتمنى م تعارض
بو عمر: دامك مرتاحه ما لي كلمه
ليان باست خده: يعطيك العافيه
بو عمر فرح
ليان: لازم ارجع دحين فارس عندو شغل
بو عمر: ليه خليك عندي
ليان سكتت شوي: عشاني بابا
بو عمر ابتسم لكلمة بابا منها
ليان: ودي ابقا معك ع طول و ابس اسمع عنك و عن امي بس معليه خليني ارجع معاهم
بو عمر: طيب حبيبتي
ليان سلمت عليه و طلعت سلمت ع ام عمر و عمر و شكر بو عمر فارس بحراره و طلعوا الكل
ركب الكل السيارة و كان هدوء
سونيا لفت ع ليان اللي كانت لافه وجها للدريشة: ليان
ليان لفت عليها وعيونها مليانه دموع
سونيا ناظرت عيونها
ليان ع طول نزلت دموعها
سونيا سحبتها لحضنها
كانت السيارة هاديه م عدا صوت بكاء ليان

&&& في فلة بو مهند &&&

مريم وقفت بصدمه: لقو ابو ليان !!!!!!!
مهند: نـــعـــم
بو مهند: ليان مين ؟؟
مريم: ليان صديقتي
بو مهند: فجأه طلع عندها اب
مريم: وربي و ليان قبل شوي كانت عند
مهند: و اي واحد يقولها انا ابوك بتروح له !!
مريم: يقولو ممكن بكرا يسوون التحليل لتأكيد مع انهم متأكدين
مهند: كيف كدا ؟؟؟
مريم: مدري بدق علي فاطمه اول ما يرجعوا

&&& في مجمع بو غانم &&&

وصلوا السيارات و كل واحد ع فلته

** في فلة بو هاني **
غلا وهي تطلع الدرج: لقو ابو ليااااان
ام هاني: ايييش ؟؟
غلا: وربي
ام هاني: الحمد لله
غلا جت تنزل من الدرج
بو هاني: ع وين ؟
غلا: بروح عند اختي
بو هاني: وين عند اختك ؟
غلا: كلهم دحين بالشقة
بو هاني: و ايش دخلك انتي ؟
غلا: بابا دي اختي
بو هاني: طيب خلاص روحي بس ترجعو مع بعض
غلا: يصير خير
نزلت بسرعه وركبت السيارة
ام هاني: ان شاء الله تجي
بو هاني: حتيجي وغصب عنها الناس صارت تتكلم فينا
ام هاني: ما حنغصبها ع حاجه
بو هاني: ولو هدا بيتها
ام هاني: غرام عنيده
بو هاني: يرحم امك فكيني
ام هاني: ايشبك علي ّ دحين!!!
بو هاني: ولا حاجه
ام هاني: باللهي !؟
بو هاني: متضايق عشان تاج
ام هاني: ربي يعين
** في جناح تاج **

هاني: تحسي بوجع دحين ؟؟
تاج: لا شوي
هاني: شوي ويخف حبيبي
تاج: ان شاء الله
هاني: اخليك تنامين ؟
تاج: اوك
هاني قام وغطاها كويس و سكر النور وطلع

&&& في شقة الرباعي &&& س 8م

الكل كان موجود
غلا: كيف حسيتي انه ابوك
ليان: مدري بعد ما قال زينه يعني يقصد امي قلبي قعد يرجف يا بنات ولما ضميته حسيت بدموعه وحسيت انو قلبي يقول انو هدا ابوك ولا من متى بضم اي احد
فاطمه: بكرا سوو التحليل وروحو للدار عشان يستلمونك
ليان: اخاف اقابل بدريه
غرام: عادي بتسألك عن سونيا وفطوم قولي لها ما تدرين
ليان: طيب
سونيا: مبروك حبيبتي
ليان ابتسمت: الله يبارك فيك
غلا: امي تدق
سونيا: الصاله ما فيا احد
غلا قامت وردت ع امها: هلا
ام هاني: متى حترجعوا ؟
غلا: مدري
ام هاني: هيا لازم ترجعو
غلا: اوك دحين بكلمها
ام هاني: السواق عندك ولا ؟
غلا: ايوه
ام هاني: هيا انتظرك
سكرت منها ودخلت غرفة سونيا و ليان: هيا غرام ؟
غرام: لا بجلس مع خواتي
غلا ناظرتها شوي برجائ
غرام: ايش؟
غلا: ولا حاجه
سونيا ناظرت غرام بحده
غلا سلمت ع الكل و طلعت
مريم: ما يصير كدا من جد غرام
غرام لفت عليها: وش ؟
مريم: خلاص هدولاك اهلك مفروض تبقي معهم
فاطمه: مريم صادقه
غرام: وانتو خواتي من قبل
سونيا: ولو هدولا يبقو اهلك
فاطمه: ترا الناس تتكلم فيهم.. امانه ترضين ع امك ؟
غرام بهدوء: لا
مريم: ترضين ع خواتك و هاني ؟
غرام هزت راسها بلا
مريم: ترضين ع ابوك ؟؟؟؟؟
غرام هزت راسها بلا
فاطمه: لا تعدبينهم معك عشان ما يتمنو اليوم اللي ما جابوك فيه
غرام سكتت
سونيا: من جد انتي مفروض تشيلي كل اغراضك من هنا وتكوني هناك م راح تنحرمين مننا ترا و ادا م جيتينا نحن بننشب لك
غرام سكتت
ليان: غرام انا بكون هنا
الكل لف عليها
غرام: لا يا امي انتي ما شفتي نظرات ابوك لك .. ما شفتي اخوك كيف متشفق عليك.. مو قلتي بتصرفي عليهم وتساعدينهم و تخلين عمر مجتهد !!
ليان: حتى اهلك محتاجين لك
غرام ناظرتها
سونيا: والله كفو عليك تضربيها بشكل بطل
ليان باستهبال: والله اني سعاااادده ما في مني اتنين
مريم رمتها بالمخده: اوص اوص بس
سونيا: هيا غرام
غرام: طيب خلاص ما بقا الا تطرديني
سونيا: هههههه
غرام: و اغراضي ما فيا اشيلهم اليوم
مريم: انتي كل يوم كدا بس ما عليك روحي دحين و انا و البنات حنجهزها لك
غرام: ههههههههههههههههههههه طيب
غرام سحبت عبايتها وسلمت عليهم وطلعت مع السواق لمجمع بو غانم

&&& في الاستراحه &&&

ثامر: يا شيخ مسفله فيا قدام الخلق ما خلت مخلوق ما تكلم فيا و انا ساكت لانو احبها
معتصم: ما خلت مخلوق من اهلك !!.. بس انت فشلتها قدام الناس و العالم في المولات في الكورنيش في كل مكان!!
ثامر: اللله غفوووور
معصتم: ما هيا امك تغفرلك كل اخطائك
ثامر: بس اعتدرت
معتصم: مو كل شي بالأعتدار وين تصرف لك هو .. الناس تكلمو فيها نهشو بلحمها لما تمشي الكل يتكلم فيها بسببك
ثامر: هيا جايبه هدا الشي لنفسها ولا عيونها تخرفن
معصتم: هي ما تسمع غير كلام نفسها يا ابويه افهم تباها تميل لك بسرعه
ثامر: في حاجه تقول ما بعد كره الا محبه
معتصم: هدا الشي ممكن ما يمشي عليكم مو كل كره يقلب محبه
ثامر: ايش اسوي بالله ؟؟ ما عرفت كيف اتصرف معاها
معتصم: زي ما تصرفت من عقلك الغبي وكرهتها فيك حببها فيك
ثامر: و انت ما عندك حل بس تهاوشني
معتصم: يا بابا انا ما اهاوشك بس قاعد انصحك
ثامر: الله عاد و النصيحه
معتصم: قوم اشوف من عندي قوم


ثامر: الا اقولك
معتصم: همم
ثامر: اخطبها ؟؟
معتصم لف عليه بدهشه

&&& في فلة بو هاني &&&

كان الكل مجتمع في غرفة الطعام
بو هاني مسك جواله و ارسل رسالة نصيه و رجع قفله
اهتزت جوالات الكل الا غرام
غرام ما انتبهت و كملت اكل
بو هاني: كيفك دحين تاج ؟
تاج: كويسه
غرام: ايه صح سلامات
تاج ابتسمت لها: الله يسلمك
غرام: خدي ادويتك كويس طيب
تاج: لا تشيلي همي اخدها كويس
غرام هزت راسها: الحمد لله
ام هاني: كلي يا ماما
غرام: الحمد لله شبعت خلصت صحني كمان
ام هاني: عوافي
قامت غرام: انا بروح انام مره تعبت
ام هاني: اسم الله عليك
هاني: ما حتقعدي معانا شويه ؟
غرام: بكرا بقعد معاكم
هاني: طيب تصبحي ع خير
غلا: وانا كمان شبعت
بو هاني: كملي عشااك
غلا: شبعت
بو هاني: خلصي صحنك.. روحي حبيبي غرام نامي
غرام: يا ويلك يا غلا تزعجيني بنام عشان اقوم مصحصحه
غلا ضحكت: طيب
غرام راحت تغسل يدها و طلعت جناحها
بو هاني: افتحو جوالاتكم
الكل استغرب وفتح جواله لقوا رسالة نصيه من ابو هاني
( خلصوا عشاكم و تعالوا للمجلس بكلمكم بموضوع ضروري بس لحد يقول لغرام )
الكل ناظر بو هاني اللي كان مكمل عشاه
بعد العشاء قام الكل للمجلس
هاني: اسلم
بو هاني: تعرفو اني مو اي احد يدخل مزاجي سريع وبالموت اتقلم ع شخص
الكل: ايوه
ام هاني: احكي ايشبك
بو هاني: ما فيا حاجه.. بس دا الموضوع يخص غرام
الكل ناظره باستغراب
بو هاني: طبعا انا ما جبت غرام عندنا الا عشان امكم و انا اللي رميت غرام
تاج+ غلا: نــــــــــــــــــعـــــ ــــــــــم !!!!
ام هاني بدهشه: غـــااانم
بو هاني: كنت مطر ارميها لانو ادا عرف عنها جدكم حيزوجني ومستحيل احرق قلب امكم عشان بزوره و كنت احسبها عوره
ام هاني: ليتك حرقته ولا رميت بنتي
بو هاني: زورت كل شي ع انها ميته و حكيت لابوي ان ما عندي غير غلا
غلا ناظرت ابوها بحقد
بو هاني: ما كنت حقولكم بس مطّر اقولكم دحين
ام هاني: ليه بالله
بو هاني: ما استغربتم ان جدكم مرحب فيها و يحاول يرضيها ؟
هاني: هدا اكتر حاجه مستغربها
بو هاني: جدكم ما رضي فيها الا بعد ما قلتلو انو هيا حتدي تاج كليتها برضاها ولا غصب عنها
تاج: نـــعـــم ؟؟ خير صح ما احُبها بس ما حخد منها حاجه غصب عنها
بو هاني: رضيتي ولا لا صحتك اهم عندنا
تاج: خير اخد من تربية شوارع
ام هاني بعصبية: تـــــــــاج .. اصلا ما حخليكم تاخدو من بنتي حاجه
تاج: نعم امي.. ترا انا بنتك كمان
ام هاني: وهيا بنتي كمان
تاج: قبل كم اسبوع جت و تدافعي عنها كدا !!!
ام هاني: اوص
بو هاني: بــــــس اسمعوني
الكل سكت
بو هاني: المهم مالكم بالطويله امكم ما كانت تدري اني رميت غرام وشافتها اكثر من مره ولما تأكدت هيا وهاني كان مفروض مني اعترف و اقولهم الحقيقه المهم دحين حالة تاج تسوء اكتر و مافي غير غرام تقدر تديها
غلا بقهر وهي تناظر تاج:خدي كليتي ولا تاخدي من غرام حاجه
تاج: مابا منكم حاااجه
هاني بعصبية لبو هاني: ما راح تلمس غرام فاهم
بو هاني: م راح يقدر علي اللي اكبر منك .. انا ما جيت اخد رأيكم انا جيت اعطيكم خبر عشان تتعاملو مع غرام كويس خاصة انتي يا تاج
تاج: ما ابا وربي لأنفرها مني ما ابا منها حاجه بابا
بو هاني بخوف: يا بابا انا ما اقدر اعيش بدونك كل يوم اتعذب مليون مره و انا اشوفك تتعذبي
تاج وهي تصيح: بابا الله يخليك ما ابا منها حاجه
بو هاني عصب: رضيتو ولا انرضيتو راح اسوي اللي قلت لكم عنه
و طلع
ام هاني تصيح: حسبي الله عليك وع ابوك اللي مخربك
تاج طلعت ركض لجناحها وهي تصيح
غلا برجاء من هاني: هاني تكفى حاول فيهم ما يخدو شي من غرام وربي حتحقد علينا
هاني: بسوي كل اللي اقدر عليه مستحيل اخليهم يلمسو غرام
غلا غطت وجها بكفوفها وهي تصيح
ام هاني مسحت دموعها: وربي لو قرب من بنتي ليكون اخر يوم اكون فيه ببيته
هاني: امي مو كدا تنحل المواضيع
ام هاني: من دحين قلت لكم عشان ما تنصدمو
و طلعت
هاني شات الطاولة برجوله و طلع جناحه

&&& في جناح غرام &&&

غرام كانت منسدحه ع السرير: اوففف ايش دا ياخي الله ياخدك من جوال
قامت من مكانها و طلعت لجناح هاني ودخلت بدون استأذان
غرام: هاني هاااني
شافت باب غرفة التبديل مفتوح شوي تقدمت وبهمس مسموع: تلبس ؟
سمعت اسمها ينذكر جاها فضول قربت اكثر تسمع الكلام
هاني: استنا ببدل تيابي ــ حطاه سبيكر وحطا الجوال ع الجنب ــ مدري والله يا ثامر تخيل يباها عشان تدي تاج كليتها
ثامر: مين غرام !!!
هاني فصخ تيشيرته: ايوه .. وقال لخواتي كل شي
ثامر: ايش قالهم ؟؟
هاني: قالهم انو هوا اللي رما غرام و ان هو اللي سوا كل هدا بغرام
ثامر: وخالتي تدري !!!
هاني لبس بجامته: امي ما كانت تدري عنه بس لما كانت تشوف قدي غرام تشبه غلا حبت تتأكد وتأكدنا انا وياها و خلينا ابويه يعترف و ما كان راضي بغرام وفجأه رضي فيها استغربنا حتى جدي استغربنا انو قبل بغرام
ثامر: ايوه اكتر واحد استغربت منه هو
هاني: الكل مو بس حنا .. بس طلع ندل كمان
ثامر: جدي!!
هاني: ايوه كان يبا غرام تدي تاج كليتها عشان كدا ما عارض
ثامر: والله ما يلمسو منها شعره دامها مو راضيه
هاني: والله لو انها راضيه ما بخليهم ياخدو منها حاجه مدام كدا كانت نيتهم
ثامر: ايوه
هاني جلس وسند راسه: خايف ع غرام كتير
ثامر: لا تخاف م حيسوو لها شي
هاني: ابوي مستعد ياخد كليتها غصب
اتسعت عيون غرام واجد بصدمه"مستحيل مستحيل "
طاح الجوال من يدها و طلعت ركض والدموع ع خدها من الصدمه وكل شوي يرن كلامهم بأذنها طلعت لشارع وهي تناظره بحيره ما خذت لا فلوسها ولا جوالها و مستحيل ترجع للبيت!!
ناظرها الحارس باستغراب: فيك حاجه؟؟
غرام: اطلب تاكسي ليا
الحارس: السواقين موجودين
غرام بصراخ : دق ع تاكسييييي
الحارس استغرب و طلع جواله
** في جناح هاني **

سمع صوت طلع ع طول و استغرب ناظر الأرض لقا جوال غرام انصدم: ثااامر
ثامر: ايشبك؟
هاني: غرام شكلها سمعتنا
ثامر: لا بالله !!!
هاني: وربي جوالها هنا
ثامر: عز الله رحنا ملح
هاني: يلا سكر
سكر منه وطلع بسرعه شاف ابوه نازل من الدرج و الجوال بأذنه: دخلوها داخل و بدون ازعاج
هاني ناظره
بو هاني سكر جواله
هاني: غرام عرفت ؟؟
بو هاني: مدري بس الحارس يقول انها برا و انها تصيح و تبا تكسي
هاني: سمعتنا !!
شوي ودخلو اثنين ماسكين غرام يحاولون يدخلونها
هاني نزل بسرعه
غرام كانت ماسحه دموعها و كانت ترافس الحراس عشان يبعدوا عنها
هاني راح لها بسرعه وبعد الحراس: ابعدو عنها
غرام: يا كلـ××××××××
هاني مسكها: خلاص غرام انا معك
غرام دفته: ابعد يابن الـ×××
بو هاني: بـــــــنت
غرام بعصبية: كل××××× يا ××××
بو هاني عصب وراح له جاء بيعطيها كف
هاني دفه: ابعد انت كمان ما حتلمسها
بو هاني: ولـــــد
نزل الكل
ام هاني: نعم نعم ايشبك ع الأولاد
بو هاني: بنتك وقحه ومو متربيه
غرام بصراخ: خليت التربية لك يالمتربي
ام هاني: غرام حبيبي
غرام: ابعدي انتي التانيه عني
غلا: ايشبكم ؟
هاني: من دحين اقولك غرام م حتدي تاج ولا حاجه
تاج بصراخ: ما ابا منها حاجه افهموااا
بو هاني: مو ع كيفكم ودحين اشوف انتو الاتنين ودوها الغرفة ديك
جو الحراس يمسكون غرام
هاني: محد حيلمس اختي
غلا: ابعدو عنها
ام هاني: بعدهم عن بنتي احسن لك
غرام عضت يد الحراس بس ولا كأنها تعض شلوها من ذراعها وودوها للغرفة اللي اشر عليها بو هاني وقفلوا الباب
بو هاني: هيا اشوف كل واحد ع غرفته
هاني: طلع غرام
بو هاني: ما حطلعها و ادا في امك خير طلعها
هاني: اميي
ام هاني: اديني المفتاح يا غانم
بو هاني: كل واحد ع غرفتو اشوف
غلا: دخلني عند اختي
بو هاني بصراخ: كـــــــل واحــــــد ع غرفتووووو
طلع الكل الا ام هاني
ام هاني: عمري ما حسامحك
وطلعت بسرعه فوق
** عند غرام **
كانت تدق الباب بقوة و ترافس بكل مكان وتكسر وتصرخ: الله ياخدكككككككممممممم
حست انها مكسورة بدون خواتها حست انها بلا حيله بدون عدتها جوالها فوق شنطتها الظهر فوق ما تدري شتسوي, رمت نفسها ع الكنبه وقعدت تناظر حولها بقهر شتسوي ما بيدها شي تسويه .. ناظرت الدريشة الطويله .. ولفت تناظر الباب

** فوق في الصالة **
بو هاني: من دحين اقولكم اللي بينزل لغرام ولا يقرب منها ولا يرسل لها حاجه انا غضبان عليه ليوم الدين
الكل ناظره بصدمه
ام هاني: ما حخلي بنتي محبوسه هناك
بو هاني: لو تحركتي او رحتي لها ماني راضي عليك وبكيفك تبغي الملائكة تلعنك !!!
ام هاني بقهر و الدموع ع خدها: حسبييي اللله علييييييك الله لا يوفقك لا دنيا ولا آخره
طلعوا الأولاد فوق
بو هاني قرب من ام هاني بخوف: حبيبي ساره
ام هاني تدفه: ابعُد عني
بو هاني مسكها من خصرها: كل هدا اللي اسويه عشانا
ام هاني: الله ياخد شانك ان شاء الله
بو هاني قرب وجهه من وجها: حبيبتي لا تقولي كدا وربي لو ما احبك و اخاف عليك ما سويت كدا لو صار شي لتاج لا قدر الله حتتضايقي وتزعلي كتير
ام هاني تحاول تبعده عنها بكره: ابعُـــــد عنييييييييييييي
بو هاني بعد عنها وبصرخ: ايشبك انتي افهمي اني احُبك و ما راح اخلي اي شي يضايقك
ام هاني بصياح: حتى لما تسوي كدا باتضايق ترا
بو هاني: اللي قلتو حيصير ومافي رجعه لكلامي
وطلع
ام هاني ناظرته بحقد كانت تسمع صراخ بنتها و شتمها وتكسيرها وقلبها يتعور كل ما تصرخ

&&& في فلة بو ياسر &&&

ثامر والجوال بأذنه: نعم خير.. مالو حق يحبسها
هاني: ماني عارف ايش اسوي
ثامر: اجي اخدها ؟
هاني: لالالا وربي تطيح براسك ترا
ثامر: اجل نخليها هناك
هاني: مدري والله مدري
ثامر: قفل قفل بعدين اكلمك
سكر منه و رما جواله ع السرير وطلع من الجناح
ام ياسر: ع وين ؟؟
ثامر: جاي جاي
وطلع بسرعه و راح لحدود فلة بو هاني
ثامر " ع كيف امه يحبسها بسه هيا وانا مدري .. ايه والله بس متوحشه شويه "
تقدم بخفه عشان محد يحس عليه وبهمس يذكر فيها نفسه: غرفة الضيوف غرفة الضيوف ــ ناظر وحدة من الدرايش الطويله ــ اهوه هدي دريشتها
جاء بيتقدم بس سمع صوت قوي و فجأه شاف الدريشة تتكسر
** في غرفة الضيوف **

كانت مستلقيه ع الأريكه وتفكر << كيفني و انا أكتب بالفصحى *_^
ناظرت الكرسي اللي مقابل التسريحة وناظرت الدريشه واضح ان الدريشة ذي ما تنفتح و اذا انفتحت فتحتها صغيره قامت بسرعه و اخذت الكرسي ورفعته فوق ناظرت نفسها بالمرايا كيف بتطلع و هي لابسة كذا .. كانت لابسة بيجامة بأكمام طويله: التيشرت كان فوشي وفي دوائر صغيرة باللون السماوي وحول ياقتها باللون السماوي ويتوسط البيجامة رسمة دب باندة بريئ و البنطلون باللون السماوي و شعرها كان ع عيونها نزلت الكرسي بهدوء وقربت من المرايا وهي مسكره عيونها رفعت شعرها عن عيونها و فتحت عين وحدة وبعدين فتحت الثانيه و شافت اختلاف الألوان فيها رجع كلام هاني يرن بأذنها زادت العصبية بداخلها تحس بنار داخلها تحترق.. رفعت الكرسي مره ثنيه بعصبية و اتجهت لدريشة بسرعه ورمت الكرسي بكل قوتها اللي اعطها ربي ع الدريشة .. سكرت عيونها بقوه من صوت التكسير .. ثواني وفتحت عيونها شافت الدريشة مكسرة ركضت نحوها و طلعت من فتحت الدريشة وجرحت فخذها بدون ما تحس طنشت الم جرحها وكملت ركض
ثامر كان واقف مكانه ومصدوم
غرام وقفت قباله بصدمه
ثامر ناظر شكلها كان بريئ مره مع البيجامة اللي لابستها خاصة الدب اللي بوسط بيجامتها
غرام ما عرفت شتقول خافت يرجعها للبيت
ثامر ناظر وجها المحمر من العصبية و البكي واضح بخدها مد يده بدون شعور ومسح ع خدها: تبكين ؟َ!
غرام دفت يده بقوه
ثام ر صحا ع نفسه: اكيد سمعوك دحين
غرام: ادا بترجعني ابعد
ثامر: جيت اخرجك
غرام: بس أبا عبايه
ثامر: امشي امشي
طلعوا برا حدود فلة بو هاني
ثامر: في عباية رتاج بس هي أطول منك
غرام: معليه
ثامر وقف: خليك هنا
غرام: طيب استناك
ثامر جاء يمشي بس ناظرها كيف تتلفت فصخ جكيته و لفه حولها: لا تعارضين
غرام سكتت ولبست الجاكيت كان جاي عليها زي البالطوا
ثامر دخل بسرعه و ناد الخدامة بهدوء: جيبي عباية رتاج بسرعه
راحت الخدامة وجابت العبايه
ثامر اخذ العباية و الطرحه و طلع بسرعه لغرام: بسس
غرام لفت بسرعه: خوفتني
ثامر: آسف
غرام لبست العباية بس كانت طويله عليها اخذت طرف العباية من الجهتين وربطتها
ثامر استغرب منها
غرام: هيا روح يديك العافيه
ثامر: وين اروح انا بطلعك
غرام: أقول تلايط
بو هاني يصفق بيه بحراره: مررررررررره شغل مزبوط يا ثامر
ثامر وقف قدام غرام: كيف عجبتك بالله ؟؟
بو هاني: مره مره عجبتني
جو اثنين مسكو غرام
غرام رجعت تصرخ: يا كلـ×××××××× شيل يدك مني يا××××× الله يا××××
ثامر يحاول يبعد الرجال عنها بعصية: ابعدوا يا××××
ثامر لف ع عمه بعصبية: كيف تخلي رجال يلمسوا بنتك !!!!
بو هاني: م أتوقع انو هدا شي غريب عليها شكلها كمان متعودة
ثامر و غرام انصدموا وناظروا بو هاني بصدمه
غرام بعصبية و قهر: يا ابن ×××××××××××××× هدي امك اكيد
بو هاني عصب: بتتأدبي ولا كف دحين
غرام تفلت بوجهه: تخسي
بو هاني جاء بيهجم عليها
ثامر دفه: عمييييي
بو هاني: عمت عينك .. شيلوها اشف لغرفتها دي ×××
ثامر انقهر
شالوها الحراس وودوها لغرفتها وسكروا عليها الباب

( اليوم الثاني )

فاطمه: مدري بس عور قلبي لما شفتو ماسك ظهرو
سجى: عوووررر قلببببك
فاطمة: يه والله عور قلبي
سجى: بذمتك فطوم ما تحبيه ترا لك ساعه نغير الموضوع ونرجع لموضوع هاني
فاطمة سكتت
سجى: بذمتك
فاطمة: مو عن احبو
سجى: اجل
فاطمة: مدري عجبي وكدا
سجى: ههههههههههههههههههههههههه هههه هههه انتي يعجبك رجال !!
فاطمة: يووووووووه خلاص كلي×××
سجى: ههههههههههههههههههههههههه هههههههه ترا قويه وربي .. والله تغيرتو من يوم طلعتوا
فاطمه: اما ليه ؟!
سج: احس بجي يوم وتصدموني وتقولون غرام تحب رجال !!
فاطمة:ههههههههههههههههههه� �ههههههههههه غرام تحب العدو ولا تحب رجال
سونيا دخلت: ليه مالها قلب !!!
فاطمة نزلت الجوال: لا مو عن كدا بس غرام تتهاوش مع ظلها اتخيلها تحب
سوني سحبت كبوس ع الكنبه ولمت شعرها ودخلته داخل الكبوس وطلعت قدلتها ع عينها وغيرت صوتها ع انها غرام: ايشبك انت ماسك يدي .. امك و انا مدري
فاطمة + سجى : ههههههههههههههههههههههههه ههههه
سونيا تكمل: ولد امك تعال وقربني
فاطمة ماتت ضحك: ههههههههههههههههههههههههه اوص اوص تراها ع الريحه تجيبي اسمها تنط لك
سونيا رمت الكاب ونزل شعرها ع اكتافها
ليان دخلت: سويتي فطور ؟
سونيا: دحين بروح اسوي
فاطمه: لا تحسبو حسابي انا فطرت
سونيا: لينو ضفري شعري
ليان راحت لسونيا: ايش تبغي؟
سونيا: الفرنسية
ليان فك شعر سونيا .. وناظرت فاطمه: انتي لمتى بتنامي معانا ؟
فاطمه: سوي شعرها و انتي ساكته
سونيا: ههههههههههههههههههههههه تستاهلي محد قلك تلقفي
ليان شدت شعر سونيا بخف: اوص تراك تحت رحمتي
سونيا: ههههههههههههههههههههههههه طيب يعور
ليان رخت عليها
فاطمة سكرت من سجى وراحت لليان وسونيا: لينو بنروح لأهلك اليوم ؟
ليان: بنسوي الفحص اليوم و فارس قال يقدر يخليهم يطلعونها بيومين
فاطمة: كويس
ليان: بس ابا اتقرب منهم اكتر
سونيا: زوجة ابوك عازمتنا عندكم
ليان: ايوه كلمتني تقول عشن خاطر ابوك ومدري ايه اباكم تبقو عندنا ع الأقل يوم
فاطمة: وافقي
ليان: مدري دقو ع غرام
فاطمة: غرام جوالها خرب من امس
سونيا: دقي ع غلا
فاطمة: طيب

&&& في فلة بو هاني &&&

غلا: مالي نفس
بو هاني: بتفطري غصب عنك
غلا بعناد: ما حفطر الا مع توأمي
بو هاني: حتفطري لا وربي ما حرسل لها ى الفطور
غلا عصبت
بو هاني بعصبية: هيا اشوف
ق جوال غلا
غلا ناظرت المتصل: خوات غرام
بو هاني: قولي لهم غرام نايمه
غلا ناظرت ابوها بحقد
بو هاني: هيااا اشوف و حطي سبيكر
غلا فتحت سبيكر
فاطمه: هلا غلاوي
غلا وهي تناظر ابوها: هلا فاطمه صباح الخير
فاطمة: صباح النور .. اسمعي جوال غرام امس خرب اديني هيا لو سمحتي
بو هاني ناظر غلا بحدة
غلا: هي نايمه دحين
بو هاني ابتسم بحقاره
فاطمة: اما عاد هيا قالت بتجي معانا لتحليل
بو هاني يحرك شفايفه بمعنى: صرفيهم صرفيهم
غلا سكتت شوي تفكر: قالت لي قبل ما تنام انها م حتجي معاكم لانو هيا مره تعبانه وفيها نوم
فاطمه: فيها حاجه ؟؟
غلا: لا بس ارهاق نوم
فاطمة: طيب قولي لها ادا قامت تكلمني
غلا: ماشي
فاطمة: يلا سلام
غلا سكرت منها
بو هاني: كويس هيا اشوف عشان تفطري
غلا مشت وطنشته
** في جناح غرام **

كانت راميه نص جسمها ع السرير و بدون لحاف و نايمه و الدموع ع خدها
حست ببرودة تسري بجسمها سحبت اللحاف ع جسمها .. بدت تفتح عيونها تدريجياً ناظرت العباية اللي ع جسمها ناظرتها باستغراب بدت تستوعب كل شي صار امس زاد الحقد بقلبها قامت وفصخت العباية و راحت الحمام ــ الله يكرمكم ــ ناظرت عيونها كانت ذبلانه
سمعت صوت الباب ينفتح خلت المويه مفتوحه و ع طول طلعت برا بس ما لحقت الا و الباب يتسكر
غرام تضرب الباب بيدها و بصراخ: افتحو الباااااااااااااااااااااا ب الله ياخدككككككككككككككككككككك م
ام هاني قربت من الباب: ماما غرام
غرام نزلت دموعها: الله يخدك انتي وزوجك يا رب
ام هاني نزلت دموعها ع طول: لا تقولي كدا يا ماما انا مالي دنب قاعده أحاول اخرجك بأي طريقة
غرام: ما أبا منك ولا حاجه حسبي الله عليك ابي خوااااااااااااااااتيييييي يي
ام هاني: ابوك مو مخلينا نكلمهم
غرام: ابعدي الله ×××××
ام هاني راحت و قلبها يحترق ع بنتها

&&& في فلة بو مهند &&& س 4 م

مريم: هيا مهند الحرمه تنتظرنا
مهند: يا ليييييييييييل جيت يا زنانه
مريم: هيا
ليان: خلاص انتي خلي الرجال بحالو
مهند: وهي صادقة
مريم: أقول امشي انتي وياها وانتو ساكتين
ركب الكل السيارة
مهند: ما حنمر ع غرام ؟
ليان: لا تقول فيها نوم
مهند: تحلل الأوف كله نوم
فاطمه: كيس نوم دي
مهند: كم عمر اخوك يا ليان ؟
ليان: قدي
مهند: اما توأم ؟!
ليان: لا هو من زوجة ابويه و لدته قبلي بأسوع
مهند: اها
فاطمة: توقعت انها بتقابلنا بوجه خايس ومدري ايه
سونيا: ايوه وربي ولا غرام تقول ايش تقول تخيلو دحين تمسك شعرها وتشده ولا تتهاوش معاها ويتضاربوا
ليان: اوووفففف سوت فلم
سونيا: اقولك فلمت ع راسنا ودي مكمله معاها ــ و اشرت ع فاطمه ــ
فاطمة: اجل اخليها تلفم وحدها ؟!!
الكل:هههههههههههههههههههه� �ههههههه
مهند: هنا ؟
ليان: اللفة التانيه
مهند: يسار ؟
ليان: ايوه
مهند: أي عمارة
ليان: هدي اللي عند السيارة الحمرا
مهند وقف
سونيا: يعطيك العافيه
مهند: الله يعافيك
نزل الكل
فاطمة: هدا مو اخوك ليان ؟؟؟
ليان التفتت
كان يمشي وهو يغني و بيده أكياس من البقالة و يشوت برجله علبة حمضيات
ليان: ايوه
عمر: اووه ليان ــ راح لهم بسرعه ــ
ليان: شتسوي ؟
عمر: جبت أغراض من البقالة شوكلاتات وشبسات انتو البنات تحبو كدا
فاطمة باستهبال: جبت الروب
عمر: افا عليك تعلميني فيكم يالبنات
مريم: هدا و انت ما كان عندك خوات
عمر: امي لوحدها كانت تطلب كدا أحياناً
الكل ضحك
عمر: حياكم حياكم
دخلو البنات
عمر: حياك لينو
ليان لفت ع عمر: من وين لك فلوس الأغراض
عمر: افا عليك اخوك موجود
ليان: مره تانيه لا تسوي كدا الفلوس يلا تكفيك
عمر: اي شدا الكلام يا بت
ليان: هيا ندخل بدين نتكلم
عمر: طيب

&&& في فلة بو ياسر &&& س 5:54

هاني بحيرة: ماني عارف شسوي يا رجال أبا احمي اختي بس مو عارف كيف!!!
ثامر: انت لو شفت اللي شفتو امس تنصدم ترا غرام ممكن تسوي أي حاج عشان تطلع
هاني: سمعت الصوت و امي قالت لي
ثامر: وربي كنت جاي افكر كيف اخرجها شوي الا و اسمع صوت تكسير و الدريشة تتكسر وتطلع منها اختك
هاني بدهشه: مجنونه تعرف انها بكرسي
ثامر: و تراها مجروحه من القزاز
هاني: كداااااب!!
ثامر: وربي دحين تلاقيها ما حست من الوجع من قهرها
هاني بعصبية وقهر: ماني عارف شسووووي
ثامر: ما في الا نهربها
هاني: من جدك انت !!.. عشان ابويه من جد يذبحنا ويشرب من دمنا هدي تاااااااااااج تاج يا ابني
ثامر لف وجهه بقهر: بصراحه كرهت تاج وهيا مالها ذنب
رتاج من وراه: ليه بالله؟؟
ثامر لف
كانت تاج واقفه جنب رتاج وتناظره
ثامر بلع ريقه جاء يصرف: جتني عقده من التاجات واحد من اصحابي علق بشعره
تاج ميلت فمها بعدم تصدق عطته ظهرها وهي ماشيه: عاش مصرف
هاني: ما زبطت
رتاج: ايش سوت لك تاج عشان تكرها ؟؟
ثامر: مو تاج مو تاج كنا نتكلم عن التيجان
رتاج بعدم تصديق: باللهي !!!
هاني: خلاص رتاج
رتاج مشت
هاني: عاجبك دحين !!

&&& في فللة بو هاني &&&

دخلت تاج وهي تصيح و تصرخ
ام هاني بخوف: تاج ايشبك ؟؟
تاج وهي تصيح: ابعُدي عن وجهيييي
بو هاني: تااااج
تاج: اكرهههههك
بو هاني بدهشه: تاج بابا ايشبك ؟؟
تاج: و اكره بنتك الـ××××
ام هاني صفقتها كـــــــــــــــــــف
تاج ناظرتها بصدمه
ام هاني: زودتيها ع بنتي
تاج فجأة تحجرت الدموع بعيونها وتناظر لأمها بصدمه
ام هاني: حتى وهي محبوسه ما سلمت منك
تاج بصراخ: الله ياخدهاااااااااااااااا
و راحت بسرعه لجناحها

** في جناح غرام **

غرام سكرت شنطتها الظهر بقوه وسحب عبايتها ولبستها , شالت شنطتها و حطتها ع ظهرها اتجهت للباب وبصراخ: الله ×××××× ابا اطلع .. ترا لو تطلعوا السماء وترجعو ما حديكم كليتي ــ سكتت ــ
ما طلع ولا صوت زي كل محاولة
غرام ابتسمت وراحت لدريشة فتحتها و ناظرت تحت " بعيد بس مو مره .. بس لو طحت بتكسر " مسكت اطراف عبايتها و لفتها ع خصرها وربطتها بقوه .. رفعت رجلها اليمين وتمسكت بالأقباض وطلعت فوق حد الدريشه ناظرت المشهد من تحت " موكتير بس بتكسر ويرجعو ياخدوني " مشت ع اطراف الحافة لان في حافة بارزة من الجدار مشت بهدوووووء حمدت ربها انها سوت هالحركة كثير بالدار .. الــدار!! اشتاقت له كثيييييييييير كان نعمة بمقارنة هذا البيت كانو موفرين لها كل شي حتى اذا عاندت يصبرون و يعطونها اللي تبيه .. اما هنا يبغونها مصلحه و حابسينها كمان " ليتني من جد لقيطه " كملت مشي ع الحافة لين وصلت لمنطقة فيها اكثر بروز من تحت نزلت بخفه و هدوء وهي تدعي ربها انها ما تطيح شافت شرفة احد الغرف نطت عليها وحمدت ربها ما طلع صوت نطت لحديقة و قعدت تتلفت .. ما اخذت معاها لا نظارة ولا هم يحزنون شافت الباب الخلفي ركضت له بسرعه و قعدت تتلفت بالشارع مو لاقيه تاكسي .. ظلت تمشي .. لا معاها جوال تدق ع خواتها ولا حاجه
مر تاكسي و ع طول لوحت له ووقف ع جنب وفتح الدريشة
غرام قربت منه وسكتت ايش تقول وين تروح .. تشجعت: حي الـ******** دار الرعاية للبنات
اشر لها التاكسي تركب
غرام: ما معي الا 20
التاكسي: ما يصير مدام
غرام تحوس بشنطتا: وربي دي تلات ريال ع الأقل وصلني لبداية الشارع او الحي
التاكسي حرك
غرام اول مره تحس انها ضعيفه مالها احد, تحجرت الدموع بعيونها كل ما تتذكر أهلها , ايوه بدت تتعلق فيهم لانهم أهلها يخافوا ع مصلحتها .. يخافو ع مصلحتها !!! لا اهم شي عندهم مصلحتهم ما يفكرو بغيرهم أصلا هم ما يحبونها .. هي حبتهم وبدت تتعلق فيهم .. لان عندها ام تحن عليها و اب يخاف عليها .. يخاف!! هذا ينخاف منه ما يخاف عذبها و حبسها وكذب عليها عشان بنته الكبيره .. كان عندها اخ و اخت .. و توأمها .. الله يعينها ع هالأب .
وصلت للحي
غرام: خلاص وقف
وقف التاكي
غرام عطته 23 ريال ونزلت
حرك التاكسي
غرام ظلت تمشي وهي لسا ع نفس صفطتا عباية وشعرها المتناثر ع وجها.. بدت تقرب من الدار .. ناظرته من برا .. اذا رجعت له بترجع لعذابها قبل مع بدريه .. راح تترك حريتها .. طيب وين تروح ؟؟؟؟؟!!!

&&& في بيت بو عمر &&&

ام عمر: امك كانت طيبه مره صح لما تزوجني ابوك غارت بس سكتت لانه مغصوب علي .. ما كانت تحمل طوال 5 سنين ولما انا حملت فجأة بقدرت قادر حملت فيك ابوك فرح صح فيا بس لما عرف ان امك حامل طااار من الوناسه غرت كتيييييييير منها و حقدت لانو انا حملت اول المفروض يفرح لي انا اكثر بس كانت فرحته اكثر شي لأمك زينه .. لما ولت عمر فرح و سماه ع ابوي اصلا ما فكر يسميه وقال ع اسم عمي وبس .. سكت مع انه كان فرحان ليا الا انه مو نفس فرحته لما جابتك امك كان ميت من الوناسة كأنها هي الوحيدة اللي ولدت و زين لها غرفتها قبل م تولد و لا عرف انها ماتت وهي تولدك انصدم كتير
ليان نزلت دمعتها
ام عمر مسحت دموع ليان بأبهامها: حتى انا في ابداية انصدمت بس كان الشيطان لسا براسي وما اخبي عليك كان بقلبي شويت فرح وحزن لموت امك بس دحين انا ميته من الندم
ليان: ليه ؟؟ صح انو ما يحق لك مرات و انو مرات دي غيره
ام عمر: ليتها وققفت لين كدا انا قاعدة احكي لك عشان اباك تسامحيني
لان استغربت
ام عمر: طبعا أبوك لما عرف ان امك ماتت انصدم كتير و طلع بالسيارة وسوا حادث وجاه شلل و ما كان يتكلم ولما كان عمرك كدا سنتين ما اذكر كان أبوك بالمستشفى بغيبوبه رحت اخدتك ويا عمر ورحنا لمكة صليت هناك وقعدت ادعي كتييييييييييير و كنت استغفر الله ادعي ع امك لاني كنت احسب انو هيا سبب شلل ابوك
ليان رفعت حاجبها الأيسر
ام عمر: كنت ضعيفة ايمان .. و كان ابوك كل ما شافك تذكر زينه و كان يسرح و يتضايق .. وحنا نمشي راجعين لجدة وكدا كان عمر نايم انا شايلته والشيطان لعب بعقلي كان الشيطان متملكني ــ نزلت راسها بحزن و ندم ــ وقتها مدري ايش سويت وتركتك عند محل العاب لان كان نفسك بلعبة ركبت تاكسي و ع أساس يوصلني لجدة مشينا بطريقنا فجأة وقفته وخليته يرجع.... ــ سمعت صوت شهقة ليان ــ
ليان كانت الدموع تنزل ع خدها بشكل غير ارادي و تشاهق بالبكي
ام عمر باندفاع: وربي كنت راجعه عشان اخدك معايا بس الطريق كان زحمه مررره وضيعتك قعدت احوس عليك بكل مكان...
ليان: كدابه كدابه
ام عمر نزلت دموعها بشكل غير ارادي
ليان: ليييييييييييييييييييييييه ليييييييييييييييييييييه طيب انا ايش سويت لك !!!
ام عمر قربت منها: والله ان طول عمري هدا و انا ندمانه
ليان دفتها عنها: وعمري اللي ضااااع!!
ام عمر قعدت تشاهق بالبكي
ليان: وعمري اللي كنت متشفقة فيه ع ابويه و امي و كنت لتمس لهم اكتر من عدر تطلعي انتي راميتني !!!
ام عمر: وربي ندمت ندمت
ليان: نشرو صوري بكل مكان ليه ما اخدتيني لو كنتي صدق ندمانه
ام عمر: لما رجعت قلت لأبوك انك متي ورجعت له اصيح انصدم كتير ورجع لغيبوبته شفت صورك بعد كم يوم وكدا بالجرايد بس كنت حاقده لانو جت حدة من صديقات امك وكانت تدعي علي لاني ما اهتميت لك ومدري ايه .. تركتك وخبيت الصور و الجرايد عشان ما يشوفها ابوك

** في غرفة من الغرف **

مريم: مره ما يكفينا
سونيا: معليه بنتحمل عشان لينو هدولا أهلها وتبانا معاها
فاطمة: اللهم طولك يا روح طيب دي وين طست
سونيا: تسولف مع ام عمر

&&& في احد الشوارع &&&

كانت جالسة وساندة نفسها ع حائط احد البيوت وضامه رجلها لصدرها و منزله راسها وشعرها غطا جزء من وجها
وقف قدامها احد السيارات و نزل منها شاب و تقدم لها ونزل لمستواها وبهمس: اختي !!
ما لقا منها رد
الشاب: اختي لو سمحتي
دفته بدفاشه: نعم خير ايش تبا ؟
الشاب: اختي فيك شي تعبانه اوديك المستشفى ؟؟ وين بيتكم
غرام: ما عندي بيت و مو تعبانه ولا حاجه
الشاب: ما عندك بيت !؟
غرام: شفت الدار اللي هناك
الشاب لف ع الدار البعيدة: ايوه
غرام: هداك بيتي
الشاب: يتيمه ؟؟
غرام: ليتني يتيمه
الشاب: لقيطة !!
غرام: لو لقيطة كان اهون علي
الشاب ناظرها بصدمه
غرام: هربت من دا المكان قبل كم شهر
الشاب: اختي امشي السيارة
غرام: نعم !
الشاب: امشي ما بسوي لك حاجه
غرام سكتت شوي: ابا جوالك
الشاب طلع جواله: ما في شحن .. امشي مو حلوه قعدتك هنا بوديك الكورنيش ع ما يشحن جوالي
غرام سكتت لان مالها حل غيره
الشاب قام
غرام قامت وفكت ربطة العباية و نزلت العباية لرجولها
الشاب استغرب من شكلها: انتي هاربه من مكان ؟
غرام رفعت راسها تناظره و مال شعرها و بانت عيونها وبعدم اهتمام: هاربه من ابويه
الشاب ناظرها بدهشه
غرام سمعت صوت قرآن خفيف يطلع من السيارة .. تقدمت لسيارة وركبت
الشاب استغرب منها وركب السيارة وحرك: لا تخافي مني تراني مو مسوي لك حاجه بس شفتك كدا و استغربت
غرام طنشت كلامه: اديني نظارتك
الشاب ناظر نظارته الشمسية: دحين ليل
غرام: أتوقع لاحظت عيوني
الشاب لف عليها بدهشه هو لاحظها بس ما حب يبين لها: كيف عرفتي
غرام: كلكم نفس النظرات
الشاب سكت
غرام: اديني هيا
الشاب مد لها النظارات

انتهـــى البـــ[20]ـــارت

ن شاء الله ينال اعجابكم

تــوقــعــاتــكــم؟؟؟


اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم ..

مع تحياتي: جذابة والعيون غلابه { } ^__^




للأسئلة و الاستفسارات..