غيووومه شوفي لاني احبتس واحب قصتس قررت اني انسخ ردودي اللي هنااك واجيبها لتس هنااا.. تشجيع مني لتس ... وطبعاا انا قاريتها لاخر جزء كتبتيه في المنتدى الثاني.. بس التعليق بانسخه تبع كل جزء تنزلينه كل ماجا لي فرصه.. ويـــله استلمي اول رد رديته على القصه..
--------------------------------------------------------------------------------
غيوم وش ذا القصه ؟؟؟ رووووعه ياغيومه... هذا وحنا تونا بالجزء الثاني ومعيشتنا جو...اجل كيف باقي القصه؟؟ اتمنى تستمرين على هالقوه وخصوصا بالوصف..ترااااني امووووووت بالوصف...ابي اشووووف مشاهد مو اقرأ مشاهد؟؟؟ اتمنى انك فهمتيني...
نجي للقصه وابطالها...
نوره : تهبل والباين انها قاعده تتذكر ايام حياتها وشكلها الحين عمرها 27 سنه...
بس هي ليش تبي ايام اول ترجع الا اذا ماهي مبسوطه بحياتها اللي هي عايشتها الحين...
وشكل شخصيتها قويه من هي صغيره باين من سيطرتها على منيره وفطوووم... وقوفها قدام راشد وعدم خوفها منه لما كان بيضربها...
منيره : شكلها شاطره وبتمشي بالدراسه... بس موقفها لما كانت رايحه للمدرسه وهي مبسوطه ولا هامها شي.. ولما انصدمت بانهم فرقوها عن اختها ...كان يجنن.. صدمتها تضحك.. ولما راحت البيت وتصيح على امها .. وشوي لما جا طاري اللعب نست كلش... صراحه باين عليها انها طيبه بس شخصيتها احس ماراح تكون قويه زي نوره..وشكل منيره بيكون لها قصة حب مع ولد عمها اللي قالت عنه نوره ..بس نسيت اسمه..
فطوووم : ياويلي عليها .. تبين الصراحه ياغيوم حنا بعد الله يعفي عنا كنا نعير البنات بكذا.. الله يعفي عنا.. بس صراحه لما عطتها جدتهم الطلي وفرحتها فيه..سبحان الله كيف فعلا الناس كانوا شي واحد مايفرقهم لا لون ولا شكل( الحمدلله على نعمة الاسلام )
خالد : الولد هذا احس بيكون له شخصيه مميزه بالقصه.. وبيكون له تاثير فيها... وشكلي ياغيوم والله العالم اني حبيته .. بس هو في الثانوي والبنات بالابتدائي شكل فرق السن بينهم كبير مرره..
هل خالد بيصير يتحمل مسؤولية اخوانه لسبب ما؟؟؟
وموقفه مع راشد موقف تربوي مرررره لدرجة ان نوره تعلمة منه وهو مو موجه لها.. بس فعلا بيكون له تاثير على اخوانه...
راشد : الرجل الصغير... بس احس انه يبي يصيطر على خواته وبيكون دكتاتوري.. ولا بس لانه صغير.. واخوه الكبير مو موجود ويبي يمارس هذا النوع من الرجوله المبكره؟؟؟ نشوف وش بتصير اذا كبرت يارشووود...
تدرين غيوم اني انا بعد حافظه الى الان الله رب الخلقي... لانهم ماغيروا المناهج الامن 5 او 6 سنوات.. يعني انا وامي درسنا نفس المنهج...خخخخ
وكل المواقف اللي ذكرتيها في حياة نوره احسها مناسبه لامي وخصوصا اذا شافت بنك بنثر والقطو والفار.. تنبسط مررره وتقول هذي الكراتين مهوب الخبال اللي يجي الحين..
وكانت بعد تعلمني عن واحد ماعرفه تقول اسمه شفاط النمل.. وواحد ثاني تقول اسمه نقار الخشب..وتموووت فيه وتقول اذا شفتيه علميني... صراحه امي عليها حركات... اجل هذي اسامي ..خخخخ
تحياتي لك غيوم ... واتمنى نشوفك بالموعد ولا تاخرين علينا واذا بتجين بدري ترى خير و بركه....خخخ
|