[لامارا]

\\

صباح الورد لحبايبي اللي طولت عليهم كثير

أولاً نبدأ بالسلام .. السلام عليكم ورحمة الله وبركاته :$

ألف مبروك للناجحين والناجحات واللي لسى مَ أخذوا نتايجهم إن شاء الله النجاح فالهم ()
الإختبارات خلصت أكيد .. طبعاً بالسعوديه لأني ما أعرف عن الدول الباقيه ..
أنا أنهيت آخر إختبار يوم الإثنين .. مو الإسبوع اللي راح .. الأسبوع اللي قبله .. وطبعاً خططي أيام الإختبارات إني بعد ما أنتهي أخذ يومين راحه وبعدها أسبوع أكتب البارت .. يعني المفروض ينزل الخميس اللي راح ..

لكن قبلها حصلت لنا مُشكله درجات في إمتحان الخدمات الصحيه وقروبات وشكاوي للدكتوره و و حتى إنحلت والحمد لله .. وبعدها طلع لنا زواجين وكلهم يعني أقارب لي بشكل كبير .. وطبعاً أغلبكم بنات وتعرفوا طبعاً قروشة الأسواق والفُستان وخصوصاً اللي تعبني الكعب
مُشكلتي ما أرضى بأي شيء وأتوقع إنها مُشكلة نص البنات
زواج كان عندنا بجده وزواج بالرياض .. يعني فوق قروشة الزواجين فيه قروشة سفر .. الإسبوع اللي راح كان ضغط رهييييب الله وكيلكم
طبعاً فوق كُل هذا قروشة أشتري لهم هدايا بخصوص قرابتي الشديده منهم .. قروشت نفسي على الفاضي في النهايه قررت أشتري لهم بعدين لما يسافروا لشهرهم ونزورهم بعدين ..
ومن هنا أقولهم ألف مبروك حبايبي والله يسعدكم بحياتكم .. تصدقوا للحين مو مستوعبه إنهم تزوجوا كنت وقسم حأبكي قدامهم



الزبده هذا اللي صار خلاني أتأخر أسبوع في تنزيل البارت بسبب عدم إنشغالي وذكرت هالشيء بالآسك قبل أسبوع تقريباً ..
المُهم بإذن الله نرجع من جديد ننزل البارتات بشكل أسبوعي كُل يوم خميس كالعاده ..
شُكراً لكُل من سأل عني .. واللي قالت إني سحبت فكلامي اللي فوق هو ردي .. ما أسحب بدون سبب ..
ترى للحين ما أعرف وين الهدف في السحبه مع إنه حسب كلامكم فيه كثير كاتبات يسحبوا ..
أنا لو ما أبغى كان بقول ترى ما أبغى أكمل وخلصنا بدل ما أسحب بدون كلام وألاقي سب و و .. فتأكدوا إني ضد السحبه بدون خبر لأني عارفه إن هالشيء بيضرني وماني ناقصه أحد يدعي علي .. ذنوبي تكفيني ~
الزبده والجميله اللي طلبت مني أنزل مُقتطفات من البارتات اللي راحت حتى أذكركم بالأحداث فأقول صحيح الموضوع شوي مُتعب لكن بإذن الله راح أعملها قبل لا ينزل البارت ..
البارت بإذن الله بينزل الخميس .. يعني بُكره بإذن الواحد الأحد ()


وأخيراً إشتقت لكم حيلات وربي وألف شُكر على ردودكم وتوقعاتكم وألف مرحبا للمُتابعين الجُدد وردودكم أسعدتني وقسم بالله
~{ ياللا مَ أطول عليكم .. أترككم برعاية الله وأروح أكمل أكبت البارت وبإذن الله نلتقي جميعنا بُكره ببارت جديد بيعوضكم عن الغياب اللي صار ()

وهذا ملخص بسيط للي طلبوا واللي فاهمين القصه ومتذكرين إسحبوا عليه :p


أولاً لاحظت بردود بعضكم لخبطه بين زوجات عزام فحبيت أوضح الموضوع أكثر ..
عزام متزوج أربعه .. الأولى كانت أُم حور والهنوف وثائر .. الثانيه الإندنوسيه أُم يحيى وبِنان وترف وجنى اللي ماتت ..
الثالثه هي ملك أُم أُسامه وكِرار وآنجي وحلا .. وبعد فتره لقيوا جهاد واللي هو تؤام كِرار .. والأخير كانت جواهر أم رغد المسجونه وحُسام .. بس ماتت ..
بالأحداث ذكر عزام لملك إنها ما ماتت .. إنقتلت وهو شاك بوحده من زوجاته وإعتمد على واحد يحقق واللي هو ذياب ..
سمعت ملك ذياب يقول لعزام يا عمي وهي متأكده إن عزام ما كان عنده أخوان فصلة ذياب بعزام مجهوله ..


آخر الأحداث اللي صارت هي واحد هجم عَ حُسام وهدد يبلغ الشرطه ولما نوى حُسام يهرب وقفه واحد ثاني وسأله سؤال ..
من ناحية أُم يحيى فتحدد موعد عملية مايا ويحيى اللي بيتبرع لها .. بِنان بدأت تشك بالدكتور وليد بعد تصرف ثامر اللي يدل على إنه يشتبه بالدكتور وليد في موضوع ما تعرفه .. وترف رجعت لمدرستها وصاحباتها ..
أما أُم ثائر .. حور سلمت آخر ظرف أرسله المجهول لأمها هي تتصرف بالموضوع بعد ما علمتها تقريباً كُل شيء صار .. طيف عادت كتابة روايتها وناويه إنها تستمر .. الهنوف تتمشى مع نادر بينما فراس سافر عشان ينجز شغلة نادر ..
عائلة ملك .. أُسامه نسي سالفة ترف لفتره بسبب إنشغاله بموضوع ريماس اللي رمت ولدها عنده وكاتبه إنه ولده وهو من وقتها يدور عليها .. آنجي عرفت كُل شيء عن موضوع الشغاله وشريكها من سواقها اللي علمها بكُل التفاصلي ومن وقتها وهي تدور على الشغاله من جديد بمساعدة زميلتها ديلي .. جهاد تعرف على أهله أكثر .. كِرار كشف قُصي وهو بغرفة أمه بس بدل ما يطرده عرض عليه المُساعده ؟ وحلا من بعد رجعتها من هروبها وهي هاديه نوعاً ما ..

تقريباً هذه أهم الأحدث الأخيره .. مدري إن كان كُل شيء وافي ..
إذا فيه إستفسار أرسلوه بأرد عليه فوراً بإذن الله ()

معليش لو كان فيه غلط إملائي فوق لأني مَ راجعته بعد مَ كتبت بسبب الإستعجال



ثواني ويكون البارت بين إيدكم ()