[mona mohamed]

مساء الخير حبيبتي زوزو انا لو قعدت اتأسف من هنا للصبح مش هيكفي احساسي بالتقصير ناحيتك بصي اولا انا ببرر غيابي واسألي الي متابعيني هتعرفي اني كنت تعبانة لفترة طويلة وقعدت مدة مش في البيت اساسا وكان صعب ادخل المنتدى بس الحمد لله اتحسنت شوية ورجعت تاني

المهم خلينا في الفصول انا قريت كله كله بس هعلق على كل فصل فاتني ان شاء الله عشان ده مجهودك ولازم مدام قريت اعلق عيب عليا وسامحيني مرة تانية يا جميلة

الفصل الثالث عشر
لقاء هزار وفرح بعد ان وعدت عزيز بانهاء صداقتها بهزار المصدومة من المفاجأة التى حدثت لها فبعد ان وجدت صديقة طيبة لطيفة واطمأنت اليها تكتشف انها اخت الرجل الذى يكرهها لكن اعتقد ان فرح لن تستمر طويلا في الابتعاد عن هزار
فرح تعرف الكثير عن ليان وتعرف انها لم تكن بريئة كما يعتقد اخوها المسكين المخدوع بحب وهمي فهل ستتمكن يوما من كشف الحقيقة لعزيز حتى يتوقف عن التفكير في ليان

سؤال بلو ليه متجمعيش فرح بوليد هما الاتنين عزاب ومفتقدين للنصف الاخر وحساهم يليقوا لبعض

همام ولقاؤه بليلى ليخبرها بعودة شيرين حبيبة قلبي من جوا

حسيت همام بيحاول يحرك مشاعر ليلى ناحيته ويقولها بطريقة غير مباشرة ان في واحدة بتحبه وعايزاه ومستعدة تقدمله كل الي محتاجه كأنه بيهددها عشان تنطق بحبه

لكن هجومها عليه واستمرارها في ادعاء البرود جعل اليأس يتسرب لقلبه فرحل وتركها لكن نجح وجود شيرين في اثارة غيرة ليلى الباردة

قصة ملاك ومعاناتها بسبب تشوه عينيها بالرغم من اني بحب اصحاب الطفرة دي وبحب اشوفهم كأنهم كائنات جميلة لكن اكيد مش كل الناس رأيهم كدة

ذكرتني قصتها بطريقة ما بأختي الصغرى .. اختي سمراء وانا وماما وبابا واخويا بيض فأختي دائما وهي صغيرة طفلة في العيلة كانت بتتعرض لمضايقات من اقاربنا على غرار " انتي ليه مش طالعة حلوة زي باباكي .. اخواتك احلى منك ... انتي سمرا اوي .. انتي سودا احيانا " افتكر انها كانت كتير بتبكي بسبب الكلام ده

شوفي دلوقت بقت ماشاء الله امورة جدا وسمارها لايق عليها وكنت دايما اقولها انتي حلوة ومتسمعيش كلام حد وازرع الثقة فيها لحد لما دلوقت بقت واثقة جدا في نفسها وانيقة ودمها زي السكر

وانا نفسي كنت بتعرض لكلام من بعض الناس عن وزني مع اني مكنتش تخينة كنت مليانة بس لكن حتى امي كانت لما تشوفتي باكل كتير شوية تقولي كفاية هتتخني والكلام ده لحد لما قررت اعمل دايت ووصلت لوزن رهيب اصبحت رفيعة جدا جدا حتى ماما بقت تقولي يابنتي كلي اتخني شوية

عايزة اقولك ان في مليون ملاك بيتعرضوا للانتقاد بطرق مختلفة وممكن حياتهم تتدمر بسبب كدة ويفقدوا الثقة في نفسهم

اميرة شايفة فيها الست الطبيعية جدا .. صديقة وفية مش بتقدر تكدب او تجامل يعني مش بتقعد تمدح في ملاك وتحسسها ان كل الي بيقولوه عليها كدب لا هي كمان بتخاف من عينيها لكن مش بتحسسها بكدة وقدرت تكون صديقتها لشخصها مش لشكلها وانا معجبة جدا بشخصيتها

عزيز وتأثره برؤية هزار النائمة على الاريكة والغائبة عن العالم والتى يتمنى لو يعرف سبب ضاعها وبالرغم عنه فانه يتأثر بها ولا يكرهها كما يعتقد لكنه يتمنى بداخله ان ينفي عنها تهمة تسببها في موت ليان حتى يرتاح قلبه فهو بالرغم من احساسه بهشاشتها وضعفها يشعر انها مصدر للخطر لا يجب الاستهانة به

بيان كانت تحب عزيز حتى واختها على قيد الحياة وتمنت ان يصبح لها يوما لذلك هي تكره هزار بسبب غيرتها على عزيز

ملحوظة بيان دي كائن بشع

افكار المتمردة معتكفة الزواج كارهة الرجال تقابل الرجل الذى يحرك جمودها رغما عنها بمثاليته التى تتناقض مع فكرتها العامة عن الرجال فيأبى قلبها ان يعترف بتأثرها به فتعاند وتتعامل معه بعدائية لا مبرر لها سوى انها تخفي بها تأثرها