[فيتامين سي]

في بيت ابو وليد
دخل ورا... ابوه وهو راسم ابتسامه ..على وجهه
بعد انبسط يوم شافها لسى جالسه مع امه واخته
ايه حلوو خلي . ابوي يصدمها قدامي بعد ...قال ايش مسويها
فيها وداخله مجلس الرجال ..طيب هذي بتتعاقب عليها ولا ماكون وليد ... ردوا السلام والكل رد

ابووليد جلس و ناظر شوق وقال بخبث: جهزي حالك
شوق فمهت عليه حست بخجل ماتدري وش ترد سكتتت وهي تناظر أمها ....
ريتاج ناظرت وليد ورفعت حاجب له ...مثل الي تقوله
اللي سعيت له خرب ...عليك وانت باقي في أوله ...
رجع لها بأبتسامه ثقه ..استغربت ..وشهوله جالس يتبسم
افتكرت يعصب ..مثل عادته ...بس انصدمت يوم عمها قال
:ملكه وان شاء الله لما تكملي شهر ثمينه يكون .الزواج
ريتاج ناظرت عمها وبعد وليد اللي ابتسامته زادت
ملكه والزواج بعد كم يعني سبعه شهور .هي مافيها طاقة تتحمل سبعه أيام تتحمل سبع شهور ليه طيب ..قالت بغصه :ليه ي عم
تكسر بقلب عصام
ابو وليد عقد حواجبه : والله م عاش من يكسر قلبه
ريتاج بقهر : والله ي عم وده في الزواج وشهوله تأجله لشهر ثمنيه يالله يعافينا باقي طويل حيل وناظرت وليد مثل الس تقول له اشلون أتحمل كل هالمدة باقي ...
ابو وليد وهو ينهي السالفه : خلاص هو الحين رضي وان شاء الله الملكه يوم الجمعه جهزي حالك ي ام وليد وناظر شوق
...الله يتمم لك
ام وليد بهدوء: ان شاءالله ولا يهمك وامين يارب ربي يتمم لهم
ريتاج حست بقهر وقفت ....مافيها تتكلم مدام عمها قال كلمته

ناظرت وليد كرهته حيل ......قالت وهي ماسكه حالها بالقوة
: تصبحوا على خير
وليد وقف معاها وقال : .يالله تصبحوا على خير
ولحقها ..اول مارقوا الدرج قال بتسفزاز: مبروك مقدما لملكة اخوك
ريتاج ناظرته بعصبيه: لاتفرح كثير إذا ضبطت معك ذي صدقني الثانيه لي..بتكون ...و مصيري انفك من هالقيد اللي ..انربطت فيه
وليد قرب منها وقال بهمس: صدقيني الثانيه والثالثة لي بعد
مثل ما أنتِ لي
ريتاج بعدت عنه شوي وقالت وهي ودها تذبحه: نشوف
ولاتنسى دايم الرابح الي في الأخير
وليد ضحك بستفزاز:اوك نشوف مين يكسر خشم الثاني
ريتاج : بإذن الله انا لان العيشه معك ي ولد العم تنباع
وماتشرى بعد
وليد بحده : متأكدة من حكيك الحين يعني
ريتاج هزت رأسها: ايه يوم السعد عندي لو شفت ورقة طلاقي منك
وليد قرب منها ومسكها من عند كتوفها وقال بضعف :طيب عارفة ليه مسوي كذا
ريتاج بعصبيه : وليد خلاص ابعد عني وتكفى مابي اعرف شيء
وليد اعطاه .... ظهره .واتجهه لجناحه سمع تسكريت باب غرفتها بقوة حس بندم انه سوى كذا ..يحس الحين العلاقه ..خربت
أكثر بينهن ..ليته ماعارض زواج شوق و عصام ..
ليته بعد سهل له وكاد يبين في ..عينها ......

،
،،
،،
،،
،،
،،
اليوم الثاني

،،
،،

اول مادخل مكتبه لقي الي مايتسمى قدامه ..قال بهمس يالله صباح خير .جلس على المكتب ..وناظر شاشة الكمبيوتر وهو يقول بحده : مضيع مكتبك ي الاخو
رفع حاجب وقال: المدير حاط عليك بقوة ..
سامي ميل فمه بسخريه : البركه فيك أكيد فرصتك الحين
احمد بعصبية:وش قصدك إني أنا اوصل له
إنك ماهو ملتزم في عملك
سامي عض شفته : مين أنت عشان تقيمني إني ملتزم أولا
احمد وقف وبتشفي : المدير يبيك قال اول مايصل
خلوه يجي
سامي وقف بقهر وقال: رايح بس ياليت يوم ارجع ماشوفك قدامي جالس... عندك مكتب انثبر فيه
أحمد بستفزاز : مكتبي عند مكتب المدير ماهو مثلك شاحطينك عند البوابه تقول حارس
سامي كور يده ..وهو يتعوذ ....اعطاه ظهره وطلع ..
اتجهه لمكتب المدير ..وطق الباب ..سمح له بالدخول دخل وهو يرد السلام ...
المدير بجمود ناظره :عليكم السلام
ممكن أعرف بأمر مين طالع
سامي قال بصدق: والله غصب عني كان أمي تعبانه ورحت لها وانا ماشوف الدرب ...وأنت كان عندك إجتماع
ابوعمار بهدوء : طيب ليه ماتعطي خبر السكرتير
وأكيد راح يبلغني ماهو تطلع كذآ
سامي يخس والله أقوله ..: مستعد لي خصم
ابو عمار رفع حاجب : بعد مستعد على طول كذآ من أول راتب خصم
سامي بجمود:هذا الي عندي
ابو عمار :هالمرة عشان الولدة بتمشي
سامي ابتسم : مشكورة ي ابو الغالي
ابو عمار بأبتسامه : قايل له خويك شارد
سامي حس بفشله ....الحين عمار وش يقول عنه
قال بخجل: ان شاءالله ماتكرر وان شاء الله تشوف الي يرضيك
وطلع ...
شاف قدامه أحمد .
وقفه صوته

أحمد وهو يلعب بالقلم بستفزاز: والله مصيري اطلعك من هنا
ولا مايكون هالشنب على رجآل وهو يأشر على شنبه
سامي وقف و ناظره بعصبيه :أقول انقلع اهجد قبل ماصبح عليك الحين بشيء يخلي هالشنب تحت جزمتي
احمد وقف وقرب منه بعصبيه :تخسى والله
سامي عض شفته وبسرعة مسكها من ياقة ثوبه وقال بصرخة : تقولها صادق ي ال*******
أحمد حاول يدفه عنه بس ماقدر خنقه .....
سامي اعطاه بوكس على خشمه ......خلاه يدوخ ويجلس
بس بسرعه أحمد وقف ..ورجع له البوكس ..الي خلى خشم سامي ينزف دم .....طلع ابو عمار على الصوت
شاف سامي ماسك على خشمه وبسرعة رجع له يبي يبرد قلبه فيه .. ومعاد فكر في وجود ابو عمار
ابو عمار ...قرب منهم وهو يشوف
بعض الموظفين يبعدوا سامي عن أحمد قال بعصبية: لا صارت ماهي شركه ..ومكان شغل ...
سامي عدل حاله وهو مقفل خمشه بالشماغ ..وقال بصرخه : يبيها من أول هالخايس وتف عليه بدون أحترم لوجود المدير
ابو عمار عصب من حركة سامي ....وقال بصرخه : وش ذي الاخلاق
سامي ناظرة وهو مصغر عيونه ..والله لو مو عمار كان
سدحه بجنب ذا منبطح على الأرض ..قال بقهر:اخلاقي عاليه الحمدلله بس فيه ناس لازم ينكسر خشمها عشان تفهم هي مع مين تتكلم ...وتعرف كيف تحشر حالها ثاني مره
ابو عمار..كله من عمار هوو اللي مصبره عليه قال بحده : خلاص فارق مكتبك ...وبعدها اعرف كيف اتصرف معك ومعاه
..
واعطاهم ظهره ورجع مكتبه
سامي بعد مادخل ابو عمار قال وهو يناظر أحمد
الي يعدل حاله ...بمساعدة خويه ..قال بتهديد : اشوف عاد تفتكر بس تتعرص لي
أحمد بعصبية : اقسم ماخليها لك ي الخايس
سامي بستفزاز: عادي وبعدها تندبغ ..مثل الحين واعطاه ظهره ورجع مكتبه ...وهو ينتظر مكالمة عمار الحين اكيد ابوه يقول له ويدق عليه على طول يجلس يهاوش ...هز..رأسه
عادي اتحمل هواش عمار بس أهم شيء بردت قلبي فيه الجبان وقف ..راح للمغسله غسل وجههه من الدم ..شاف ثوبه كله معدوم ..وبعد نزيف خشمه عيا يوقف ...
...
سحب أكثر من فاين ..وسكر خشمه ..واتجهه لمكتب المدير
واستاذن منه وطلع رجع البيت يبي يغير ملابسه ويشوف صرفة لهالدم
،،
،،
رجع من دوامه وهو طفشان وقرفان حاله ...وبعد يحس بألم
في رأسه من فوة البوكس الي أكله حس بحقد عليه يستاهل اليوم جاه ماكان ينتظره من أول وبعد والله لا ابرد قلبي فيه الخايس ..... ..
دخل الشقه ...شاف غلا قدامه تفطر .. ...
غلا بلعت اللقمه وناظرته بخوف وقفت بسرعة وقالت وهي مفزوعه من الدم اللي على ملابسه : وش فيه شكلك كذآ مع من متهواش ولا مسوي حادث ولا وش السالفة
سامي رمى حاله على الكنبه ..وقال بمزاج معكر:أبد ماهو وقتك فاختصريها على عمرك ولا تسألي
غلا لسى خايفه :قول ايش صار ومين مسوي فيك كذا
سامي بصرخة : انكتمي
غلا ولعت ..هذا جزاها جالسة تسأل عنه .. رجعت تكمل السندوتش اللي في يدها ....وهي تهمس: شكلك انطقيت لما عضيت الأرض ...
سامي وقف بعصبية وقرب منها وهو ناوي عليها ..
غلا بعدت بخوف وهي ترفع يدها ...: هيي وش فيك كذآ. .
وبعدين روح غير ملابسك ذي كلها دم

سامي تعوذ من ابليس ..ناظر ثوبه ..وأعطاها ظهره ودخل الغرفة ...وهو معصب
غصب مسك نفسه إلا. كان الحين كمل ..عليها ..مستفزة بشكل ..
غلا
تعدلت في جلستها ..وهي مقهورة ..منه صدق متهور. .
عمى ان شاءالله كان يبي يطقني ...جاي من برا حاط علي
...انا استاهل سألته واهتميت فيه ...وقفت وأخذت الصحن
وكوب العصير ...ودخلته المطبخ ...وجلست مكانها وهي..معصبة
شافت خدوج طالعه من غرفتها ...يحزن شكلها .. أكيد الليل كله صياح ...على الي مايتسمى قالت بحزن عليها: احضر لك فطور
ام سامي بتعب : لا مابي شيء بس ابي الحبوب
وينها رأسي ثقيل علي ....
غلا وقفت : اوك الحين اطلعها لك من العفش ...

تحركت ناحية الشنطه وجلست على ركبه وفتحتها
...وثواني وطلعتها ..وقالت بحزن عليها :مايصير تأخذيها
كذا الحين اسوي لك شيء تأكليه ...
ام سامي حركت رأسها بدون صوت ...وبهمس:من له نفس في اللقمه وهي تحس رأسها يدور عليها ....
غلا راحت حضرت لها أكل ..ودخلت عند سامي
فتحت الباب شافته ..متمدد على ظهرة وحاط يده على رأسه..
حس فيها اول مادخلت قال بحده: برا ..
غلا بقهر قربت منه :قوم بس شوف امك احسها تعبانه
وانت جالس تنفاخ علي ...
سامي فز بسرعة وطلع للصاله شافها مسنده راسها على الكنبه بتعب
قرب منها وهو يشوف صينية الاكل قدامها
جلس على ركبه وقال ببحه:وش فيك يمه وش تحسي فيه
ام سامي وراسها يلف عليها : يمه شوية دوخه الحين تروح
أكل واشرب حبوبي عين خير لاتخف علي ..
سامي قال بقلق :يمه خليني اوديك المستشفى
غلا بلقافة : ايه والله وبعد روحي ...خاص ماشاءالله دراهمك كثيرة
سامي ناظرها بحده وقال : على حسابي بعد يمه
غلا رفعت حاجب خير جالس يناظرني كذا ...وش قلت انا
الحين .. يالله الللي
علي سويته وبس..خليني اتمدد لي شوي ...حتى يأذن الظهر
دخلت الغرفة ...جلست على السرير ...وانا أفكر .. في ابوي
ياربي لا سأل عني ولا قال وين مكانك ...بعد ...
وحشني كثير. ...ناظرت سامي اللي دخل معصب ...
بعصبية صرخ : كم مره قلت لك لا تدخلي في فلوس امي
غلا ببرود ناظرته : سامي في رأسك هواش وانا صراحه
مالي مزاج أبد
سامي قرب منها ونزل نفسه شوي وقال بحده : والله العظيم ي غلا لو عاد تذكري فلوسها لا اعرف كيف اربيك
غلا لا لا ذا محد يسكت له قالت بصرخه تربي مين
حبيبي تذكر مين أنت ...والله شين وقوي عين بعد
سامي بعصبية:انقلعي عن وجهي ...ومسك خشمه الي رجع يصب دم
غلا بقهر صرخت : شوف يطقونك وتجي تحط علي
سامي بعصبية استفزته بقوة مسكها بيدة الثانية بقوة: يخسى والله ذا اللي يقدر يطقني ...
غلا بألم ...: سامي فكني احسن لك .تذكر آخر مره ايش صار فيني
سامي فكها يوم دمه باقي ينزل ..قال بصرخة : جيبي لي ثلج ولا اي مصيبه توقف هالدم
غلا
طلعت من الغرفة ..بدون ماترد ..عليه ..
مستقوي عليها ..بقوة صاير ..طيب سامي. .والله
لا اعرف كيف اطلع حقي منك ....تمددتت على الكنبه ...
بزعل ..وهي مطنشه وش طلب منها ......