[blue me]

المشاركة الأصلية كتبت بواسطة bassantota

انا حعلق على الفصلين الرابع والثلاثون والخامس والثلاثون سوا ايه القفله دي بتحبي تعذبينا بالفقلات
انا مليش دعوه لو همام عمل حادثه مش دي حتبقي المشكله المشكله لو ليلي عرفت ان شرين المجنونه كانت معاه دي بقي حتدبحه وترميه لكلاب السكك
وهزار وعزيز اللي عقد قرانهم مش حيكمل لو همام حصلوا حاجه
همام ساعد شرين من باب المرؤه والصداقه مش اكتر بس شرين عايشه الدور شويتين تلاته اربعه كده
ملاك وجميل جميل بيطور صداقته بملاك بس ايه نهايه الصداقه دي جميل عارف ان الصداقه مجرد مرحله في علاقته بملاك
احساسه بملاك بيثبت اهميتها
الموت حاجه صعبه جداً مهما الانسان كان قوي فقدام الموت والفقدان لحد عزيز بيبقي ضعيف اوي
في ناس مش بتعرف تتعامل مع فكره ان حد بتحبه يموت
ملاك من الشخصيات دي ملاك مش بتعرف تتعامل مع موت حد وخصوصاً انها مرت بموت اخوها الكبير سنان اللي كان في قمه حيوته وفجاءه مرض ومات
بس هل جميل حيقدر يقنع ملاك انها تروح تزور الجده هوليا
(كورتو ..... ماذا ؟؟؟ لم يستطع جميل حتى أن يكرر نطق الاسم داخل عقله .. إلا أنه كان بطريقة ما مألوفا .. أين تراه سمعه قبل الآن ؟؟x)
هو مش جميل لوحده اللي مش عارف ينطق الاسم انا بقعد ساعه اقراه
جيرين وخلدون خلدون شخصيه مختلفه شويه عن جيرين اه الاتنين عايشين نفس المشكله بس شخصياتهم مختلفه
جيرين عاشت قصه حب قبل كده اما خلدون فامان كانت حبه الاول
بس تصرفهم كان غلط بس بالنسبه لكل واحد فيهم كان مخدر وقتي كل واحد كان بيبث للتاني وجعه
جيرين خرجت غضبها وغيرتها من امان في خلدون والعكس
جيرين وخلدون مصالح متبادله بس هل المصالح دي حتخلق حاجه بينهم
فراس وامان
واخيرا اعترفت امان بالخطا وانها غلطت لما بعدت عن عيلتها فراس في كل تصرفاته حتي لو بسيطه بيثبت لامان انها غلطت في حجات كتير اعاده تاهيل من بعيد والطريقه دي نجحت مع امان لان امان ضميرها عالي اوي احساس الفضيله بتاعها عالي جدا
السيده هوليا ووضعها انا مش مصدقه انها حتموت لازم تموت يعني بلاش دي طيبة اوي
فيردي المسكين مش حيستحمل موتها
ادم و نوار ادم عايز يتضرب على دماغه كده عشان يفوق دايما بيقولوا ان الحل في نجاح العلاج هو رغبه المريض في انه يتعالج ادم اصلا معندهوش رغبه في انه يتعالج من اللي حصله
دايما لما بتبقي انثي هي اللي عندها مشاكل الانثي بتستلم اسهل وبتبقي اسهل في احتوائها مهما بلغ مشكلتها وده بيظهر في عزيز وهزار وان بحبه حنان الانثي بترجع ثقتها بنفسها
اما الراجل فلما بيتعرض لموقف صعب مفيش ست تقدر تطلعه منه لانه حيبقي شايف ان هو ضعيف وان ضعفه مينفعش يظهر قدام اي انثي
ميعرفش ان قوته تبقي في اظهار ضعفه ومشاركته لوجعه
ادم حاليا عايز يقتل كل حاجه حلو كانت فيه ادم القديم كان فعلا تحسيه ملك على مملكته الخاصه في كل تصرفاته في بيته في عمله في الجمعيه مع عصام في رسمه وفنه
نوار ابتدت تضعف وخصوصا ان ادم بيضغط بقوه الخوف ان نوار تجيلها لحظه تياس وتمشي
او ان ادم يفوق بعد ما نوار تروح
ادم مهما انكر هو محتاج نوار هو شايف حوليها ظلام بس نوار هي الشمعه الصغيره اللي موجوده في طريقه عشان كده هو عايز ينكرها ويخليها تخرج من حياته عشان يرجع للظلام تاني بس هل شمعته النواره حتفضل منوره رغم الظلام والبروده اللي فيه ولا البروده حتخلي الشمعه تطفي
هزار وعزيز الصراحه متوقعتش رد فعل من هزار اقل من كده يلا احسن لازم يتربي مش خساره فيه القلم اللي اخده
عزيز اخد قرار ان هزار تخصه وبطلها حجتها مش كل شويه ترمي الدبله طب خلاص عقد قران ويبقي رمي الدبله ملهوش لازمه احسن خليها تلحلح شويه وتخرج من قناع البرود بتاعها
هزار ذات نفسها اعترفت ان عزيز بيخليها تحس وتخرج من رداء البرود بتاعها سؤاء بيخليها تحس بالغضب بالامان بس في احساس بيدفي قلبها
عزيز اكتشف حجات كتير في احساسه ناحيه هزار
عزيز اختلف عن الباقي في ان الكل شاف ان بسبب اللي حصل لهزار بقت معطوبه بس عزيز الوحيد اللي شاف ان هزار كانت قويه جداً عشان قدرت تدافع عن حقها في الحياه
هزار مش ضعيفه الناس واهلها حطوها في تقسيم الضعف عزيز جه وقرر انه يخلي امان ند ليه قرر ان علاقتهم تبقي ثنائيه الجانب واحد هادي والتاني يصرخ واحد يستفز والتاني يرد الاستفزاز
لو هزار كانت ارتبطتت باي شخص تاني كانت حتبقي علاقه احاديه الجانب لان الشخص ده مكنش حيفهم هزار عزيز فاهم هزار لانه هو كمان ليان تخلت عنه
فصلين مميزين كالعاده استمتعت بيهم الفصل الخامس والثلاثون كان بدايه لحجات كتير على جميع المستويات والعلاقات

بصراحة تعليقك رائع ككل ... وشامل لكل الأشياء المهمة .. أكتر حاجة عجبتني اللي قلتيه عن آدم ... فعلا أول خطوة نحو العلاج عي رغبة المريض في أن يتعالج ... وآدم لا يرغب في العلاج .. وكأنه يعاقب نفسه بطريقة ما ...
نورتيني حبيبتي وشكرا ليك على التعليق ..