البارت 29+30+31+32+33+34
جالسون فى حجره الحاجه عليه يتحدثون عن اشياء كثيره
عمله ايه دلوقتى يا حبيبتى
الحمدلله يا ماما احسن من امبارح بكتير
هههههههههه طبعا لازم تكونى احسن مهو ياختى كان بيديلك العلاج بايده شخصيا
نور تشع احمرارا
يالهوى عليكى يا نور لسه يابت بتتكسفى لحد دلوقتى
عليه : اسكتى بقى يا علا الله
علا : اه طبعا المحامى بتاعها بقى وخايف عليها
عليه : اه انا المحاميه بتاعتها وكل حاجه فى حياتها مش كده يا نور
نور بابتسامه جميله ومداعبه لعلا وتقبل وجنتي الحاجه عليه : كده يا مامتى
علا : ممممم يعنى اطلع منها انا
ماشى ماشى ياختى انتى وهيا
عليه : ما تقولى لعلى ويخليكى تروحى عنده تطمنى عليه
علا : مين ده اللى هترحولو
نور : تقصد ابيه محمود
علا : ااااه والله صعب عليا لما ماما حكتلى من شويه ربنا يحفظه لمراته وبنته وينتقم من اخوه وامه
عليه بنظره حاده لابنتها لتكفى عن الكلام
علا : ايه يا ماما انا ما بيعجبنيش غير الحق والناس الظالمه دول
وتقاطعها عليه : يابت اسكتى انتى ايه اللى جابك
علا : ياسلام يعنى اقوم امشى يعنى ولا ايه ... مش انتى اللى قلتلى لنور تيجى تندهنى
وياتى اليهم على ويعلق على اخر الكلام ولكنه كان ينظر الى نور
مين اللى ندهك يا علا بتقولى
بسم الله الرحمن الرحيم :... ايه يا على يا حبيبى انت لازم كل مره كده تخضنى
ردى عليا مين اللى ندهك
علا تنظر اليهم وغير فاهمه لكلامه
عليه : محدش نداها يا على هى اللى جت لوحدها
نور بحزن تتركهم وتتجه نحو المطبخ
عليه بعتاب : كده تزعلها
على : وهو انا قلت ايه انا كنت بسأل علا ما بسألهاش هى
علا : بص انا مش فاهمه حاجه
على : اسكتى انتى دلوقتى
عليه : روح طيب راضيها بكلمتين
على : لا انا هراضيها باكتر من الكلام بعد اذنكم
علا تتجه نحو والدتها مستفهما : ممكن اعرف فيه ايه بلاش اكون زى الهبله كده
عليه : زيها ليه ما انتى هبله فعلا
تقف اما البوتوجاز لتطهى الطعام وكانت تتذوق طعمه
تلاقيه ناقص ملح
نور تنظر اليه وتتجاهله
انا بكلمك على فكره هه
نعم عاوز ايه
يقلدها : نعم عاوز ايه
على مش بهزر
بنبرتها : على مش بهزر
نور تتطلق تنهيده قويه
على : خلاص اهدى بقى ... مش قلت بلاش تقومى من السرير
نور : منا زهقت منه انا خفيت والحمدلله
على : يارب دايما يا نونتى
نور تنظر اليه بابتسامه جميله
حلوه منك نونتى دى
على : بصراحه انتى احلى واروع
تزداد احمرارا بسبب حديثه لها
يااااااالهوى
نور : فيه ايه
بغمزه : ووشك اللى بيحمر ده يجنن
نور : وبعدين معاك بقى
على يقترب منها : وبعدين معاكى انتى عاوزه منى ايه
نور بحب : انا مش عاوزه حاجه غير سلامتك
على : تهمك
نور : اممم
على : اممم
على فكره فى مقوله اغريقيه بتقول ان معنى كلمه امممم دى يعنى بحبك
نور تخجل اكثر وتأم وجهها ارضا لكنه رفع وجهها بيده ويقترب منها ومازالت يده على وجنتيها
عيونك حلوه اوى يا نور
نور تنظر اليه مباشره وتشع سخونه لانفاسه التى تقترب اليها
لتقطع انسجامهم اخته علا لكنها لم تعلم ماذا كانوا يفعلو
نور حطيلى مايه فى الكاتل عشان اعمل لادم الرضعه
ايه ده انت هنا
على بسخريه : لا هناك يا علا
علا : ههههههه طيب انا جايلك هناك
على يمسك ايدى نور ويتجه بها خارجا : يبقى اعملى انتى بقى الرضعه ياختى
نور بخجل : استنى بس هتودينى فين
على : فيه ايه يا بنتى ... هخطفك مثلا
نور : لا اصل ممكن ابله علا تقول حاجه علينا
على : ههههههههه هتقول ايه يعنى واحد واخد مراته غريبه دى
نور : مراتـــــــه
على: مش وقت سرحاان ... روحى غيرى هدومك عشان هخدك ونتفسح شويه
نور بفرحه : بجد يا على هنخرج
على : اه بجد يا نونه يلا بسرعه
نور : هوا
تركض مسرعا الى حجره الحاجه عليه لترتدى ثيابها
فيه ايه يا نور
نور بسعاده وابتسامه جميله : على قالى روحى البسى عشان هنخرج سوا
عليه : ربنا يسعدكم يا حبيبتى
نور تقبل وجنتي الحاجه عليه : ماما انا بحبه اوى
عليه : ههههههههه طب منا عارفه ياختى قديمه شوفى حاجه غيرها
نور : ممممممم طيب اقول بعشقه اوى اوى
لتأتيهم وتفزعهم علا شوفتى يا ماما عمايل ابنك
عليه : علا خدى ابنك وروحى شقتك قبل ما الضغط يعلى عليا بسببك
يعنى الشيخ جابر داهو قالك كده
ايوه يا ندى مش عارفه ايه اروح اقول لعلى يتصرف
ولا اروح انا لعواطف دى
ندى : لالالالا يا ماما ما تروحيش احنا خايفين عليكى الوليه دى مجرمه وحقيره وممكن تعمل اى حاجه
نشوى : انا سكت زمان بس دلوقتى مش هسكت ابدا ... نور واطمنت عليها يبقى لازم اروح اطالب بحقها
ندى : بلاش ياماما اقولك اتصلى بــ بابا واساليه
هكلمه وبعدين اكلم محمود واشوف ايه رايه بالكلام ده
تسمع دقات الباب تقوم تفتح وهى يظهر عليها الارهاق الشديد
انــــتى !!! ايه اللى جابك هنا
امشى اطلعى بره
ههههههه انا جايه بيتى يا عواطف ومحدش يقدر يطردنى منه ابدا
عواطف بنبره حاده : بيتك ايه ده انتى شكلك اتجننتى يلا لمى نفسك كده ياشملوله وغورى من وشى انا مش ناقصه
لسه يا عواطف لسه التقيل جاى ورا
عواطف : تقيل ايه اللى بتتكلمى عنه
امل تتجه نحو اقرب مقعد وتجلس عليه وتلتفت الى اركان الشقه
عواطف تجذبها من جسدها لتطردها لكنها ابعدتها عنها
محدش يقدر يطردنى يا عواطف ولا انتى ولا عشره زيك
عواطف : شكلك اتلحستى فى دماغك مش عشان اتجوزتى ابنى يبقى تقولى كده لا فوقى
ههههه فوقى انتى يا عواطف واعرفى بتكلمى مين الاول
عواطف : هكون بتكلم مين يا حيلتها
امل بغرور : انا المالكه الجديده للبيت ده كله محدش يملك فيه حاجه غيرى انا وبس
عواطف تستمع الى حديثها وكادت ان تقع ارضا لكنها اشتدت ونظرت اليها نظرات حاده
مالكه ايه وبيت مين انتى اتهبلتى يابت
دنا اجيبك تحت رجلى وافرمك انتى نسيتى ولا ايه انا مين
تبعد يدها عنها : ما قلتلك يا عواطف متقدريش تعملى حاجه لا انتى ولا 100 زيك ...
اطلعى يابت بره غورى من هنا
مش هغور انتى ايه طرشتى ... البيت ده بيتى انا انتى اللى بره خدى عفشك وكركيبك دى وعلى بره
عواطف : بيتك
امل وتخرج نسخه من العقد : اه بيتى واهى ورقه دليل .... تتجه اليها وتهمس لها لكن بسخريه ... ابنك يا عواطف كتبلى نصيبه بيع وشرى يعنى انا امتلك نصيبه ... تؤ ومش كده وبس لا كمان باعلى نصيبك يا توتو بالتوكيل اللى عملتهولو افتكرتى
عواطف لا حول بها ولا قوة ومازالت تتشد وتصطنع الشجاعه : انتى اكيد بتكدبى سيد لا يمكن يعمل حاجه زى كده
امل بنفس نبره الهمس والسخريه : لا يا توتو عمل ... يا حرام انتى كمان ما تعرفيش انه قتل ابنك محمود وهرب
عواطف بصوت عالــى : ايـــــــــــه .. قتل اخوه
امل : اه قتله ... اخص عليا انتى مكنتيش تعرفى
عواطف تضع يدها على قلبها واليد الاخرى على رأسها من كثره الدوار ودقات القلب
امل : كنتى نفسى من زمان اشوفك وانتى بالشكل ده يا عواطف فاكره لما ضربتينى لما شوفتينى مع ابنك وجيتى وفضحتينى فى الشارع... يومها يا عواطف انا اتحديت الدنيا ضحكت على ابنك الاهطل ده عشان يتذل ليكى وترضى على جوازه منى كنت بفكر ازاى اجيبك زاحفه واشوف نظرات الذل دى فى عيونك
بتعب ملاحوظ : اااامـ شى ااطلـ عى بـ ـ ـره
امل : انتى لسه مستقويه فوقى بقى انتى اللى هتطلعى بره لانه بيتى انا ملكيش حق فيه انتى سامعه محمود ابنك ليه حق بس بعد ما مات اخوه سيد هو اللى هيورث وسيد هرب وانا مراته يعنى انا اللى هاخد كل حاجه
عواطف لم تقدر ان تستمع اكثر من ذاك لتقع ارضــآآ
امامها ... وهى مازالت تقف تنظر اليها بسخريه الى ان يفأجها مجىء محمود واول ما يرىء والدته ملاقه على الارض يتجه نحوها ليفقها
اما اما فوقى ياما ... ينظر الى امل التى مازالت تنظر اليه باستغراب وغضب : انتى عملتى فيها ايه قلتى لامى ايه
اما اما ... تفوق لحظات تنظر الى ولدها لكن لم تقدر ان تتكلم ولم تقدر تشاور بيدها على زوجه ولدها سيد بانها السبب فى حالتها
قولى بقى هنروح فين
وهى دى هتبقى مفاجاه ازاى .. عاوزك تسبيلى نفسك خالص انهارده
نور من كثره فرحتها دقات قلبها تزداد ... لكن عندما غادرو الشقه تلاشئت الابتسامات من على الاوجه ...
ابو نسب اهلا اهلا محدش بيشوفك يعنى
على بغضب ولم يمد له ايده للسلام : ازيك يا كمال
يارب تكون بخير
كمال يرد وينظر الى نور التى عندما راته اخبئت خلف على : بخير ياخويا بخير ... ازيك يا انسه نور
على ينظر الى نور ويبعدها عن انظاره
اولا كلمنى انا ثانيا اسمها مدام نور يا كمال مدام مش انسه
كمال بسخريه : ههههه مدام ... ليه انتو دخلتو امتى علا ما قلتليش يعنى
على ويجذب يد نور ويفتح باب شقته ويدخلها فيها وقبل ما يغلقها : ما تخرجيش مهما حصل انتى فاهمه ...
نور برهبه عليه وبحب : على انا مليش غيرك بلاش تبعد عنى
على يضع يده على وجنتيها ليطمئنها ويغلق الباب ... ثم يتجه نحو زوج اخته ليجذبه بعيدا عن الشقه والجيران
على : انا دخلت مراتى جوه عشان ما تسمعش الكلام القذر اللى ناوى اقولهولك يا كمال
كمال بسخريه : كمال كده حاف خت عليا اوى يا لووز
على يلكمه بقوه وبنبرات حاده : عاوز كمان يومين علا تقولى انها عاوزه تتطلق منك
كمال : انت بتقول ايه انا مش مطلق علا دى ام عيالى انت عاوز تفرق بينى وبينهم ولا ايه
على : سمعت انا قلت ايه ... اه نسيت اصلك لو معملتش كده يا كمال كل اللى فى العماره هنا واصحابك ومعارفك هيعرفو ان مراتك خلعتك
كمال : تخلعنى ليه ان شاء الله ولا تقدر تعملها معايا انت ما تعرفش كمال بيومى شكلك نسيت
على : ولا كانى سامع حاجه ... مراتك اللى هى اختى هتخلعك ليه بقى عشان جوزها ابو عيالها خاين بيمارس الرزيله ولا اقولك انك بتزنى ... وطبعا يبقى عليك عيب لو عيالك كبرو وقالو ان ابوهم غضب ربنا فى سنه من السنين
هااا هطلقها بمعروف ولا اقولها على شقتك اللى فى ميدان التحرير ... وعلى فكره مش هتقدر تعمل اى حاجه يعنى ولا هتعرف تبرىء نفسك لانك وسخ وهتفضل وسخ طول عمرك واقولك كمان انت ايه (شتايم قذره )
كمال انصدم لما قاله اخو زوجته عنه وانه على علم بكل شىء بيقوم به
على بسخريه : ما سمعتش ردك يا كموله .... مش البت مونى سعيد بتقولك كده برده ولا انا غلطان
كمال يبتلع ريقه بصعوبه : اختك مش هترضى تتطلق عشان العيال
على : لا ما تقلقش ياخويا عليهم العيال هيتربو احسن تربيه وكمان انت اصلا كان ليك حاجه فيهم عشان تخاف عليهم ده ياشيخ ادم يعرفنى اكتر منك
كمال : يعنى اقولها ايه
على ويعدله رابطه عنقه بيده : وهو انا برده اللى هقولك يا كموله تعمل ايه انت ادرى بقى منى ولا ايه
كمال : طيب سبلى يومين كده ووو
على : الموضوع ده مش محتاج لتفكير
بعد بكره انهارده ايه اه التلاتاء يوم الخميس لو علا مجتش وقالتى عاوزه تتطلق منك ... يوم السبت ان شاء الله هنروح سوا انا وهى ونرفع دعوه للخلع ... يوم الجمعه بقى سبته ليك عشان ترتب وضعك اللى هيكون بعد كده عليه
بعد ساعه واحده فقط نجدهم فى مكان كبير جدا ويوجد فيه العاب كثيره مختلفه وكان ايضا مزدحم
انا فرحانه اوى يا على
على : بجد فرحانه انى جبتك الملاهى
نور وبفرحه شديده : جداااااااااا بقالى كتير اوى ما جتهاش
على مستفسر : انتى جيتى هنا قبل كده
نور : لا مش هنا فى مكان تانى ... بابا وماما هما اللى ودونى بس كنت ساعتها فى الثانو
على يبتسم ويقوم بدفع رسول الدخول ويمد يده اليها لكى تمسكها تنظر اليها نور وتمد يدها هى الاخرى ليشابكها بقوه
ها تركبى ايه الاول
نور تلتفت بجانبها على الالعاب وتشاور باناملها الصغيره : دى
على: ههههههههه عاوزه تركبى الدسكفري يا مفتريه دى صعبه اوى
نور : ولا صعبه ولا حاجه نفسى اركبها لو هتزعل او تخاف بلاش
على : طيب بصى تعالى نركب حاجه خفيفه الاول وبعدين اركبك الدسكفري اتفقنا
نور بابتسامه مثل الاطفال : ماشى
يتجه بها الى احدى الالعاب السهله ولكنها كانت اكثر ما يستقلها اطفال
نور : ههههههههه هى دى الخفيفه دى لعبه عيال
على : امال انتى ايه يا بنوته
نور : انا طفله يعنى فى نظرك
على : مش انتى قلتلى كنتى بتركبى كل حاجه ايام والدك الله يرحمه
نور : الكلام ده من زمان انما انا كبرت ولا انت شايفنى صغيره
على مداعبه لطيفه : انا شايفك احلى واحده فى الكون ده كله
نور : طيب يالا هركبها
على : يلا يا بنوتى يا قمره
نور : ههههههههه ماشى يا بابا
على : حلوه اوى بابا منك
نور : انت تستاهلها يا بابا
وتستقل نور وعلى هذه اللعبه ويمرحوا كثيرا سويا وكانت تضحك كثيرا من قلبها معه
انتى بتعملى ايه يا ندى
بكلم ادهم ما بيردش عليا يا ماما
ها كلمتى بابا
اه كلمته ولسه بدور على رقم محمود عشان اكلمه
وبابا قالك ايه
هتسمعى دلوقتى بنفسك
كان يجلس بالمشفى منتظر خروج احد الاطباء لكى يطمئنه على حاله والدته التى كانت فاقده الوعى ولم يكن لها القدره على الافاقه
تخرج ممرضه من داخل الحجره : لو سمحتى امى عامله ايه
الممرضه : والدتك انت مين دى
محمود : امى اللى جوه فى الاوضه دى
الممرضه : مين يعنى الاوضه فيها اكتر من 4 حالات
محمود : اسمها عواطف هى سمينه شويه وكانت مغمى عليها
الممرضه : ايوه ايوه الدكتور لسه بيكشف عليها
محمود : طيب شكرا
ويخرج له الطبيب وكان شاب فى اوائل عمره يركض اليه محمود ليسأله عن حاله والدته
لو سمحت يا دكتور امى عواطف ابو السعود عامله ايه
الطبيب : اللى فاقد الوعى
محمود : ايوه يا دكتور
الطبيب يربت على كتفيه : والدتك جاتلنا وحالتها صعبه جدا عندها نزيف فى المخ واكيد مش هتلحق تدخل العمليات لانها كده او كده النزيف مستمر
محمود ايــــه : طب ايه يعنى
الطبيب : بيتهأئلى كده والله اعلم انها شبه جلطه ولو فاقت لو يعنى مش هتقدر تتحرك تانى لان الجلطات بتأثر تأثير سلبى على عظام الانسان
محمود : مش فاهم يا دكتور يعنى ايه بردك
الطبيب : يعنى ربك يتولاها برحمته الواسعه
الست الوالده حصلها شلل ... بعد اذنك .. واسف
محمود لم يقدر ان يقف من صدمته لكنه ابتسم بسخريه
ههه امى اتشلت ... لا اله الا الله عواطف مش هتقدر تتكلم تانى ولا هتفوق ..... ياااااااااارب سمحها يااااااااارب يااااااارب خدنى انا مكانها ياااااااارب انا استحمل هى لا اغفر لها يااااااااارب
كانت دقات هاتفه كثيره جدا ولكنه لا يستطيع ان يحدث احد الان ... كان يتمنى ان يدخل ويجدها تزال بقوتها التى عاش عليها منذ صغره لكنه وجدها لا حول بها ولا قوة راقده وبها عدد لا باس به من الاسلات المتصله الى شاشه يجدها لا تتحرك يدها ممدوه بجانبها لكنها منتفخه دقات هاتفه لا تزال تدق غادر الحجره والقى بجسده على الارض باكيا على ما حدث لولدته ..
انه الله الواحد الصمد .. انه الله الجبار .. انه الله المنتقم ... انه الذى يمهل ولا يهمل
انهوا بعض الالعاب وجذبها بيدها لكى يستريحو قليلا ويعاودو اللعب من جديد
هههههههههه ما تعرفش احساسى دلوقتى
على : فرحانه
نور : ياااااه كلمه فرحانه دى صغيره اوى اوى على اللى حاسه بيه يا على
على : انتى انهارده عليكى الامر وانا عليا السمع والطاعه مولاتى
نور تبتسم اليه : الامر لله وحده ... ممكن اطلب منك طلب
على : منا قلتلك اؤمرى
نور تنظر الى مكان يباع فيه شىء هى تعشقه
عاوزه اكل غزل بنات
على يبتسم لطفولتها ويجذبها ويركضوا الى المحل ذالك وبعد ما اعطاها الحلوى التهامتها مسرعا
براحه واحده واحده
نور : اصلى بحبها اوى بابا كان دايما بيجبهالى مع الشكولاته زمان
على وينظر الى محل اخر ليجذبها من يدها اليه وكانهم اطفال يمرحون ويعشون اوقاتهم من جديد
رايح فين
على : قلتلك سبيلى نفسك يا نور
تركض معه مسرعا الى ان وصلو الى ذالك المحل تنظر اليه ثم تبتسم وتهمس لنفسها : بحبك اوى
على ينظر اليها ثم يأخذ من البائع الايس كريم ويعطيها :
شكولاته اهى مع انها هتزود السخونيه بس مش عاوزه احرمك من حاجه انهارده
نور تقوم بتذوقها وتغمض عيناها
ممممم روعه .. ما جبتش شكولاته ليه
على : عشان عاوزك تجربى المانجه تحفه دوقى كده
نور وتميل اليه لتتذوق طعم المانجو
حلوه اوى لذيذه ... دوق انت كده الشكولاته بتاعتى
على ويأخذ منها بسيط : لا مانجتى احلى ياختى
نور : بقى كده طب هات حته تانى بقى
على ومداعبه : لا ياختى مش هديكى
نور وتدب قدميها مثل الاطفال : هات بقى يا بابا
على يفرح من قلبه كلما قالت له (بابا) شعور غريب يمتلكه يشعر بانه يريد ان يمتلكها لنفسه ويذهب بها الى مكان لم يراها احدآ فيه الا هو فقط يتأملها عن قرب وهى تأكل الايس كريم بطريقه ممتعه وبطريقه طفوليه
ثم يلتفت يتفاجىء بصديق له وكان معه خطيبته واخته
ابو حسن الغالى حبيبى
على ينظر الى نور التى ما زالت تاكل الايس كريم ولا تلاحظ وجود صديقه
ازيك يا شادى اخبارك
ميت فل وعشره مش كنت جيت معايا الاتحاد وسبتك من النادى العقيم ده
على : مهو النادى العقيم ده يا شادى هو اللى عملك وخلى نادى زى الاتحاد السكندرى يتعاقد معاك
شادى : هههههههه انا لو من رئيس النادى استقيل وادبسك فيها يا معلم من انتمائك ده
صحيح اعرفك سحر خطيبتى ومى اختى
على وينظر الى نور التى اختفت عنه يلتفت يمينا وشمالا ولم يجدها وببرود ولم ينظر اليهما : اهلا وسهلا ... معلش ياشادى بعد اذنك
وبعد ما تركهم :ده قليل الزوق ومغرور يا شادى
لا والله ده بنى ادم محترم جدا بس معرفش ماله حصل ايه
تلاقيه راح يدور على البنت اللى كانت واقفه جنبه
شادى : بنت ؟؟ بنت مين يا سحر
معرفش انا لاحظت ان فيه بنت كانت واقفه جمبه وبتاكل ايس كريم
شادى : اه تلاقيها اخته ولا حاجه
مى : احنا هنقضيها كلام عن الواد المغرور ده يلا ياعم بقى تعالى ركبنا اى لعبه من دول
شادى : يلا ياختى انا عارف جبتك ليه معايا
ارغى يا ندى يووووه بقولك ايه مش وقتك خالص دلوقتى
لا مهو انا رديت لما لقيتك بارده وما بتحسيش قمت رديت مهو تلاقى موضوع زى وشك ابوس رجلك انا فرحانه دلوقتى ايووووه روحى لادهم اللى بيتصل بيكى ... ربنا يصبره بصراحه ... تغلق معها وتنظر بجانبها لم تجده تلتفت يمينا وشمالا هى الاخرى لكنها لم تعثر عليه ارسمت على وجهها بعض خطوط الحزن والعيون اللامعه الدامعه
وهو الاخر يبحث عنها وكاان يتصل عليها لكن هاتفها كان مشغولا .. ياترى روحتى فين يا نور
وبعد دقائق وجدها تلتفت يمينا وشمالا عليه وتسيل من عيناها الدموع بكثره :: يسرع اليها واول ما تره تركض اليه وتحضنه بقوه ... خلاص اهدى خلاص الحمدلله يارب
انا خوفت اوى لما ما لقتكش
طيب خلاص بطلى عياط انتى روحتى فين وموبايك مشغول ليه
انا لما لقيتك واقف مع صحبك والموبايل بتاعى ما بطلش رن من ندى قلت اكلمها على جنب رجعت مش لقيتك
وكل هذا وكانت باحضانه
طيب حصل خير الحمدلله ... وما كلمتنيش ليه فى الموبايل
امال اخترعوا ليه
مهو بصراحه مش معايا رصيد فيه
طيب خلاص بقى هدى روحك تعالى اوديكى تغسلى وشك
وتبتعد شيئا فشيئا : طيب يلا
وبعد فتره كبيره كانت معه بداخل سيارته يتجولون فى الشوارع
ها يا نور نفسك فى ايه تانى انهارده
الحمدلله مفيش حاجه نقصانى ربنا ما يحرمنى منك ابدا
وهو بالطريق يلاحظ شيئا فتأتى لعقله فكره فيقوم بصف سيارته
ايه وقفت ليه
انزلى وهقولك
نور تلتفت بجانبها : ههههههه هنروح فين تانى
على : تعالى بس
ويجذبها ليدخلو احدى المحلات لبيع المصوغات الذهبيه واول ما تدخل تنظر اليه بسعاده كبيره عندما قال للبائع انه يريد دبلتين
ها حلوه
اممم جميله اوى بس دى اشيك
على يعطيها الاخرى : اه تصدقى دى اشيك ... ويقرب اليها وبهمس ولما اقولك اوزعه بتتقمصى حتى ايدك صغيره
نور تبتسم اليه : طيب مفيش حل ليها دى عجبانى
على لصاحب المحل : هو مفيش اصغر من الموديل ده
صاحب المحل : احنا ممكن نعملها نظبطها على مقاسها هاتى كده ايدك من فضلك
على ونظرات حاده له
منا لازم اقيس صوابعها
على : هات البتاعه دى وانا اعملها بنفسى
نور تنظر اليه وبفرح من داخلها
المقاس ده حلو
نور : اه كويس
متاكده
نور : اه والله حلو اوى
على لصاحب المحل : اعملها بقى عالمقاس ده
صاحب المحل : وائل خد ظبط دى على اد المقاس
على ينظر الى ما وراء صاحب المحل معروض : ممكن تورينى السلسله دى
دى
لا اللى بعدها ... ايوه دى
على يأخذها منها : شوفيها كده
نور اليه بهمس : كفايه الدبله والتونز
على : اسمعى الكلام
نور : حاضر
ها حلوه عجباكى
اه عجبانى
معاكى صور لباباكى ومامتك
اه ليه
هاتيها وبلاش كلام كتير
تخرج من حقيبتها المحافظه الخاصه بها وتخرج منها صورتين لولدها وولدتها:اهم
على يأخذهم ويعطيهم لصاحب المحل : ياريت تعملى دول كمان بس ياريت كله يخلص انهارده
صاحب المحل : طيب لو ممكن بعد ساعتين لانهم شغل كمبيوتر بياخد وقت شويه
على ينظر الى ساعته : خلاص هعدى عليك بعد ساعتين ان شاء الله بس ياريت ما تتأخرش
صاحب المحل : ان شاء الله
يلا واقفه ليه
ممكن بلاش صوره ماما تعملها
ليه
ممكن تعملى صورتك انت
ينظر اليها ويبتسم : معلش خليها ماما دلوقتى
نور برجاء : بليز يا على عشان خاطرى
على : طيب ياستى
ويعادو الى صاحب المحل : هنتعبك معايا استحمل بقى
لا ابدا اتفضل
بلاش الصوره التانيه هاتها كده ... يعطيه اياها وهو كان اخرج له صورته من محفظته ::: اعمل دى بدلها
طيب والصوره الاول شغاله
ينظر الى نور ... اه اعمل الاتنين دول بس ياريت ما تتأخرش علينا
حاضر ان شاء الله سبلى فونك ولما يخلصو هرن علي حضرتك
تمام اوى
يابت اتهدى بقى ارتحتى اهو الرصيد خلص هاتى موبايلك
ليه بقى عاوزه تخلصى الباقه ولا ايه
يابت ما تتعبيش قلبك عاوزه اشوف الوليه حصلها ايه
ندى : مش قالتلك جالها شلل خلاص يعنى يومين وتغور من الدنيا جاتها موته بلا راجعه البعيده
نشوى : انا ما بحبش الشماته فى المرض ... اقولك روحى اوضتك يلا
ندى : اهو انتى كده تاخدونى لحم وترمونى عضم
بتبرطمى بتقولى ايه
ابدا يا شوشو بقولك مفتش فى حنيتك معايا ابدا
يخربيتك يا رويتر ياناس ياهو انا شكلى قريب هولع فى نفسى
ليه بس كده يا دومه انا بحبك
وفيه بذمتك حد يحب حد بالشكل ده يفضل طول الوقت معاه بدل ما يقعدو يغازلو بعض ويحبو بعض لا ازاى تيجى وتقوليلى مصايب ياشيخه ربنا يخدك
ندى : بقى كده يعنى بتدعى عليا عشان بقولك كل حاجه بعرفها تصدق بالله انا غلطانه
ياحبيبتى ما تزعليش انا مليش دعوه بالمواضيع دى انا ليا دعوه بيكى انتى كتبت كتابك انتى مش كتبته عشان اعرف اخبار مصايب اهلك
خلاص انا غلطانه انى بشاركك معايا افراحى واحزانى مش هتحصل تانى ابدا
مهو لو افراح ماشى بس مفيش افراح معاكى كله ضرب ضرب
بتتريق حضرتك طاايب اقفل يلا عشان انا زعلانه منك
وانا ما اقدرش حبيب قلبى يزعل منى حقك عليا يا ندايا
ندى : خلاص خلاص ها هتيجى بكره ولا ايه نظامك
والله لو عملتى نفس اكلك بتاع المره اللى فاتت اللى لما روحت خدت مسكن من وجع بطنى بقول خلينى احسن لان المسكن خلص
بقى كده طيب براحتك على العموم ماما هى اللى كانت هتعمل الاكل مش انا وهتعمل محشى كمان ورق عنب وكوسه بس اظاهر ملكش نصيب فيه يلا سلاموز يا دومه
استنى بس ايه الواحد ما يعرفش يهزر معاكى ابدا جاى جاى مدام فيها محشى جاى بس وحياه ابوكى ياشيخه ما تتعبى ايدك الحلوه دى وتحطيها فى الاكل ابوس ايدك يعنى
ندى : ممم بقى كده اطمن يا دومه .... وتسمع اصوات عاليه تأتى من الخارج .. دومه اقفل اقفل فيه حد بيزعق بره هروح اتفرج واجاى احكيلك
حسبنا الله ونعم الوكيل فيكى يا شيخه اقفلى يابتى وما تكلمنيش تانى
يعنى فرحانه
اوى اوى يا على ما تتصورش فرحتى اد ايه
طيب شوفى عاوزه ايه تانى
بصراحه عاوزه
اؤمرى خير
عاوزه اكل سندوتشات فول وطعميه
اشمعنى فول وطعميه يعنى
اصل بابا كان قبل ما نروح بعد ما بيفسحنا كان بيودينا عند واحد سندوتشاته حلوه اوى بناكل ونروح على طول
والواحد ده اسمه ايه لسه فاتح يعنى ولا قفل
ما اعرفش انا اعرف اسمه هو مشهور اوى كان زمان
اسمه ايه
اسمه ابو احمد المصرى
اااااه لا ده قفل من زمان وعياله غيرو نظام المحل اقولك حاجه هوديكى حته مكان تحفه وهكلك فيه احلى سندوتشات وصديقنى مش هتندمى ابدا
عمرى ما هندم طول ما انت معايا يا على
ماشى يا حبيبتى يلا بينا
لنفسها وهى مبسوطه جدا وسعيده بداخلها
لتانى مره يقولى انا حبيبته طيب ما تنطق بقى وريحنى وقولها ليا انا بحبك يا نور يخربيت كده انا بعشقه عشق خلتنى احسن احساس جميل بقالى كتير ما حستهوش بحبك يابن حسن مووت
ايه يا ماما كل ده تاخير هما هينامو بره ولا ايه
ما تسبيهم انتى زعلانه من ايه عاوزه افهم
لا ابدا بس كنت بسال عادى
لا ما تسأليش دول اول مره يخرجو مع بعض ربنا يسعد اوقاتهم
ويدق هاتف علا والمتصل زوجها
مين يا علا
ده كمال اول مره يعملها ويكلمنى دلوقتى
طب شوفيه يمكن فيه حاجه
ربنا يستر .... السلام عليكم ايوه يا كمال ايه اجاى فين انت يعنى فى الشقه طيب بتزعق ليه جايه طيب جايه
ايه عاوز ايه يا علا
شوفتى ياماما قفل فى وشىل السكه ازاى ... بيقولى انا فى البيت تعالى فورا
طيب روحى شوفيه ربنا يهدى الاحوال
وانتى ياماما
يابنتى انا عيله انا بقيت الحمدلله احسن من الاول وهنام يلا انتى روحى شوفى اللى وراكى
طيب ما تقفليش الموبايل عشان اكلمك اطمن عليكى
حاضر يلا امشى بقى واطفى نور الاوضه
وبعد سااعات طويله نجدهم بداخل الشقه يركضون باقدام خفيفه لكى لا يزعجوها من نومها
براحه خالص عشان ما تصحاش
بقولك ايه ما تيجى نكمل السهره عندى فى الاوضه
بخجل واضح عليها . هه
هههههههههههههه ما تخليش عقلك يخيل حاجات تانيه مش قاصدى حاجه اقصد تعالى نقرا حاجه اشرحلك حاجه كده يعنى
اااااه طيب ماشى هروح اغير واجاى
ماشى بسرعه على بال ما اغير هدومى وادخل اعمل نسكافيه لينا
حاضر ثوانى
وقبل ما تركض الى حجره الحاجه عليه تعاود اليه من جديد
على
على يلتفت لها ويبتسم
نعم
نور تقترب منه وتضع قبله حانيه على وجنتيه : انا بحبك اوى ... ومبسوطه اوى انك معايا وفى دنيتى
وتركض مسرعا الى الحجره لكى تهدا من دقات قلبها المتزايده ... وهو يفرح من داخله بانه اسعدها ولو بشىء قليل لكن كان اسعد انسان لهذا اليوم لاقترابه منها طول الوقت
ايه ده انا بحسبك نايمه ياماما
وطى صوتك بس انا ما بعرفش انام غير لما بطمن عليكو ها فرحانه
اوى اوى اوى يا ماما شوفى جبلى ايه
وتريها الدبله التى زينت اناملها الصغيره والسلسه التى عليها صورتين لوالدها وله
حلوين اوى يا حبيبتى ربنا يهنيكو مع بعض فرحانه بيكو اوى
انا اللى فرحانه ومبسوطه وطايره يا ماما والله
ربنا يقرب الفرح اكتر واكتر
يااااااارب ياماما
يلا بقى هتنامى ولا هتعملى ايه
لا عاوزنى نقرا شويه
طيب انا هنام وما تقولهوش انى صاحيه عشان ما يجيش ويزعجنى انا عاوزه انام
وقبل ما تنهى كلامها
بقى كده يا لولو انا بزعجك برده
بسم الله الرحمن الرحيم .. صدقت اختك لما كانت بتتخض منك مش تخبط يا وله
منا سمعت صوت قلت نور بتكلم نفسها ولا ايه من شده الانشكااااح
ايه الانشكاح ده يعنى ايه
على يغمز لنور : لا دى كلمه وحشه ملكيش دعوه بيها انتى يا ماما
بقى كده طيب يلا بره الاوضه عاوزه انام ارحمونى
على يقترب اليها ويقبلها برخامه : ياولد اطلع وسبنى انام ... نور خدى الواد ده من هنا
نور تبتسم : يلا يا على بقى بطل رخامه
على : ماشى يا لولو عشان خاطر نور بس هطلع واخليكى تنامى
عليه : طيب ياخويا اقفلو الباب عليا بقى
وبالخارج نسمع دقاات الباب وعلى يقدم نور ويركض ليفتح الباب بعد ما نظر الى ساعته بان الوقت متأخر ليفتح ويتفاجاه بابنه خالتها (ندى)
اهلا اهلا اتفضلى
احم هى نور نامت
لا نور ما نمتش صاحيه ... نور نور
نعم يا على فيه حاجه
كلمى بنت خالتك ... ليتركهم سويا
نور : يخربيت هبلك نعم خير
ندى : ما انتى عارفه يا نونه يا حبيبتى انا ما بيجليكش من ورايا غير الخير
اه اوى باماره المواضيع اللى زى وشك اللى فاتت ... قولى ولخصى فيه ايه
منا ما عرفتش انام الا لما اجاى واحكيلك على كل حاجه
نور : فيه ايه يا جلابه الخير
عمتك يا نونه
نور باستفهااام : مالها عمتو
ندى : اتشلت
**************
فى مكان كبير يملآئه مرضى يرقدون على الفراش منهم سيده بالعقد السادس من عمرها ترقد بين الحياه والموت ينتظر افاقتها ولدها بخارج الحجره .....
قوم معايا يا محمود ياخويا حرام عليك كده صحتك
تتحدث اليه وهو جالس على الارض ممد وحالته صعبه جدا حزين على ما وصلت اليه حاله والدته
زوجته ووالدتها بجانبه داخل المشفى وامام حجره والدته
ام صفاء : قوم يا محمود ياابنى غلط عليك الحزن ده بنتك محتجالك يا ضنايا ومراتك
محمود : ______________
صفاء تبكى بجانبه وتحدث والدتها : ماما انا خايفه عليه اوى مش عاوز يرد ولا يتحرك
والدتها : هنعمل ايه بس تيجى نشيله وناخدو البيت
صفاء : ازاى ياما بس ... وتنظر الى زوجها وتبكى بجانبه على حالته
بعد ما قالت لها ندى على ما حدث لعمتها .... وقعت ارضا فقده الوعى لتصرخ ندى
نـــــــــــــور
على يأتى مسرعا من داخل حجرته يجدها ملقاء على الارض وينظر الى ندى بحده : مالها نور فيها ايه انطقى
ندى ببكاء : والله والله انا قلتلها ان عمتها اتشلت عشان تفرح لقتها وقعت اغم عليها
على بصوت حاد لها : امشى اخرجى بره
ويحمل نور ويدخلها حجره نومه وعلى فراشه يضعها ويتجه نحو عطره ليرش منه عليها لتفيق
على بارتباك ورهبه عليها : نور فوقى يا نور نور
مش هروح اسلم عليها ياماما هى مش بتحبنا
عيب تقولى كده على عمتك يا نور ما تنسيش انها اخت بابا يا حبيبتى
بس مش بتحبنا يا ماما ... حاسه بانها بتمثل قدام بابا لكن لما بيكونش موجود بخاف منها اوى
نور عيب ياحبيبتى مهما كانت عمتك وفى بيتنا لازم تروحى تضيفيها ربنا قال ايه فى حديثه الشريف
نور : من كان يؤمن بالله واليوم الاخر فليكرم ضيفه
نجاه : صدق رسول الله (عليه افضل الصلاة والسلام) الله يفتح عليكى يا حبيبتى يلا خدى الصنيه وروحى قدملها الشاى والكيكه يلا ربنا يهديكى يا بنتى
تركض اليهم وتجدها تجلس بجوار والدها تناقشه فى موضوع بيع الارض لاحتياجها لبعض المال ... لكنه كان يصمم على الرفض دائما معها
اتفضلى يا عمتو
عوطاف تصطنع الابتسامه والحب : تسلمى يا حبيبتى اشرب شربات نجاحك يارب .. ده سيد هيموت ويجى يزوركم يا عثمان ياخويا بس انت عارف المعهد بقى والمذكره
عثمان : الله يكون بعونه يا عواطف ... مش ناويه بقى تفرجى على محمود وتوافقى تجوزيه بنت الحاج راضى
تضع الكوب جانبا : هو اللى قالك يعنى
عثمان ياستى ما قليش ولا حاجه بس نفسى افرح بيه ربنا يعلم معزته فى قلبى اد ايه اذ كان انا ولا نجاه والله لو صغير فى السن شويه كنت خدته لنور
عواطف بمكر : هاهاها طب وماله بلاها محمود وخد سيد اهو اسملله عليه اكبر منها بشويه
نور تنظر الى والدها بضيق ...ثم يحاول ان يغير مسار الكلام الى شىء اخر
تتجه نحو والدتها التى كانت تقطع صنيه الكيك لتعطى نور
مش قلتلك وليه مفتريه دى عاوزه تجوزنى لابنها سيد
يا نور وطى صوتك يا حبيبتى ... وكمان انتى شوفتى انه جه وطلبك تلاقيها بتهزر زى العاده معاكى خدى روحى اوضتك وكلى حتنين الكيك دول ... نور كلمى بابا بينادى عليكى
نور عشان خاطرى فوقى .... لتفيق شيئأ فشيئأ وتفتح اعينها وكانت تسيل منها دموع كثيره
نور انتى سمعانى
نور تحاول ان ترى من الذى يتحدث اليها وبصوت متقطع : علـ ـ ـى
على يقبل اناملها بحب : عيون وروح على كده برده تخضينى عليكى
نور تلتفت يمينا ويسارا : انا فين
على يبتسم : فى اوضتى ياختى وعلى سريرى
نور بحياء وتحاول ان تنهض : ايه طب قومنى
على يجذبها نحو السرير مره اخرى : خليكى مرتاحه شويه ... وما تخافيش منى يا نور انا اخر واحد تخافى وتتحرجى منه
نور : هو ايه اللى حصل ... ندى / وانا / عمتو / اه عمتو / ندى
على : براحه بس بلاش تتعبى نفسك فى الكلام
نور : هى فين ندى
على : انا طردتها
نور : ليه كده يا على بس
على : عاوزانى اعرف انها السبب فى انك يغمى عليكى واطبطب عليها واضيفها يعنى
نور بنبره غيره : تطبطب عليها ليه يعنى
على يبتسم اليها : والله قولى لنفسك مش ليا
نور : طيب انا عاوزه اروح اشوف عمتو
على يطلق زافره قويه : وبعدين بقى ..
نور : عشان خاطرى يا على ... انت كنت عارف
على : ايوه عرفت لما دخلت اغير هدومى لقيت رقم محمود ابن عمتك رن كتيرعليا ... رنيت عليه ردت عليا مراته وقالتلى
نور : وهما فين
على : فى المستشفى يانور
نور : طيب ممكن عاوزه اروح اشوفها
على : بعد اللى عملته فيكى يانور
نور تشرد فيما قالته لها والدتها : دى مهما كانت عمتو اخت بابا الله يرحمه
على : انتى طيبه اوى يا حبيبتى مفيش فى طيبتك دى خالص انعدمت من الوجود
نور تجاهلت كل الكلام لكنها ركزت اكثر فى كلمه واحده وهى حبيبتى ... هل بالفعل انا حبيبته قالها لى اكثر من مره
ليخرجها من الشرود : روحتى فين
نور بزافره قويه : معاك يا على
على : طيب خليكى هنا مرتاحه لحد الصبح
نور : لا انا هقوم لاحسن ماما تقلق بالليل وما لتلقنيش
على : ههههههههه ما تخافيش اكيد هتفرح لما تعرف انك بايته معايا
نور : هه ... احم هو انت هتنام برده هنا
على بابتسامه ماكره : اه مش اوضتى هنام هنا
نور : طيب هقوم انا بقى انام هناك فى مكانى
على يجذبها مره اخرى لفراشه لكنه اقترب منها بقوه ليضع قبله على شفتيها لكنه تراجع لرهبتها ثم يفاجىء بانها مستسلمه له فا اقترب مره اخرى من شفتيها بشوق ملتهب وهو ينظر في عينيها الساحرتين ويغيبوا عن العالم بقبـــــلات ليس بالقليله .....
بتقولى ايه يا امل ... يعنى ايه ما اتقتلش
ما اعرفش انا ببص فجاه لقيته قدامى فا معرفتش اتصرف ازاى بعد ما موت امه
ياخرابى انتى موتى عواطف
بصراحه الموت قليل عليها من اللى كانت بتعمله فى حياتها
يابنتى واحنا مالنا توقعى نفسك فى دوامه ليه
مش مهم اى حاجه المهم فشيت غليلى فيها
وبعدين ايه اللى حصل
ما اعرفش انا سبته وجريت وكان بيصوت زى النسوان
استغفر الله العظيم ... انتى ما تخرجيش تانى من البيت الا لما نشوف حصل ايه بالموضوع ده انتى فاهمه
يوووووووووه بقى انا زهقت دنا خلاص حلمت انى خدت البيت منهم ... بس بردك مش هسبهم يتهنوا بيه انا معايا نصيب سيد
يخربيتك طول عمرك شيطانه طالعه لخالتك اعوذ بالله منك يا شيخه
يخربيت سنينك يا شيخه حد يعمل كده فى الدنيا انتى مصيبه كارثه من كوارث الزمن والله
اسكت بقى والله منا ساعتها وانا خايفه وقلقانه عليها وكل جسمى بيترعش عاوزه اطمن عليها ومش عارفه
والله لو انا منه لكنت قتلك ... حد يعمل عملتك دى ... كنتى استنيتى الصبح وقلتلها كان ايه اللى هيجرى يعنى
خلاص بقى اللى حصل حصل ... انا دلوقتى عاوزه اشوفها واكلمها اطمن عليها اتصل ولا ايه رايك
لا طبعا ما تتصليش لان لو فيه حاجه لا قدر الله اكيد كانت امك اول واحده هتعرف ... لكن مدام ساكتين ومفيش حس يبقى اكيد فوقها وبقت احسن
يااارب يا ادهم تكون فاقت وبقت احسن .... فعلا انا غلطانه
واخيرا اعترفتى بانك غلطانه .ياريت بقى تتعظى من اللى حصل ده وما يتكررش تانى
لا خلاص توبه والله لا هفتح بوئى تانى فى حاجه
ههههههههههههه لا ياختى احلفى عن الكلام وبس انما كمان كام اسبوع كده هعمل حاجات فى بوئك ده اصبرى بس عليا
ندى بخجل : على فكره انت قليل الادب ... واغلقت الخط مباشره لكنها ابتسمت والقت بجسدها على الفراش لتنسى ما الذى فعلته لابنه خالته
نجدها بداخل حجره الحاجه عليه تبكى بغزاره شديده لكن لم يعرف احد ما سبب هذه الدموع الا هــــــو .....
فى الصباح الباكر نجدها فى المرحاض لتتوضأ لتصلى فرضها غادرته اتفاجئت به امأءت راسها خجلا ثم اتجهت نحو الحجره لكى تصلى
مالك يا نور لسه زعلانه يا حبيبتى
وكانت ترتدى الاسدال : اكيد يعنى ياماما دى مهما كانت عمتى بردو
عليه : هترحوا امتى عندها
نور : مش راضى يودينى قالى هيروح هو لوحده ويجى يطمنى .. ممكن ياماما تخليه يودينى انهارده ليها
عليه : حاضر يا حبيبتى هقوله .. صلى دلوقتى انتى
يسمع دقات الباب الشقه يركض ليفتحها يجدها اخته وعلامات الحزن على وجهها
على : مالك على الصبح
علا بنبره شاحبه: مفيش ماما صاحيه
على : اه فى اوضتها جوه
تتجه نحو الحجره لتجد نور تنهى صلاتها
تقبل الله يا نور
نور : منا ومنك يا ابله علا ... تلاحظ عبوسها ... مالك يا علا فيه ايه
علا تضع ولدها بجانب والدتها وتجلس على الاريكه : مفيش حاجه .. ماما هسيب معاكى ادم شويه هروح مشوار ومش هتاخر
عليه : رايحه فين يعنى
لما ارجع ابقى اقولك يلا السلام عليكم .. نور مش هوصيكى عليه لو عيط اديلو بيبى درنك اهو عندك فى شنطته
نور : حاضر ما تقلقيش عليه
علا : سلام عليكم
نور وعليه ينظر الى بعضهم البعض : وعليكم السلام ورحمه الله وبركاته
نور : هى مالها ياماما
عليه : ما اعرفش يا نور اول مره اشوفها بالحاله دى ... بقولك ايه نديلى على
نور بخجل : احم حاضر
تركض اليه تجده يرتدى ثيابه دقت الباب ثم قالت له مباشره بان والدته تريده وركضت مسرعا الى الحجره ... لكنه ابتسم لطريقتها وهمس لنفسه ولاول مره .... لو تعرفى حبيبتك ازاى ... لو تعرفى انى خلاص مبقتش قادر على بعدك عنى ... لو تعرفى انى مش عارف ازاى وفين وليه حبيبـــــتك يا نور ... ااااااااااه ياااااااارب
مازال على نفس الحاله يجلس لكن على مقعد امام حجره والدته التى ترقد بالداخل بين الحياه والموت
صفاء تعطى له سندوتش : طب عشان خاطر جنى بنتك اللى ملهاش غيرك بعد ربنا تاكل قطمه واحده
محمود :_____________
صفاء : وحياه جنى يا محمود ما تعملش فيا كده
محمود : _____________
صفاء : لا حوله ولا قوة الا بالله ... طيب اتكلم معايا او حتى زعق فيا اقولك خد الشبشب واضربنى بيه انا راضيه بس فوق من اللى انت فيه ده
محمود دموعه تسيل لكن بدون صوت
ترى ممرضه بداخل حجره تقوم وتضع الطعام جانبه وتركض اليها : من فضلك لو سمحتى
الممرضه بوجه بشوش : افندم اؤمرى حضرتك
صفاء : شكلك بنت حلال ... جوزى من امبارح ولا بيتحرك وخايفه عليه اوى
الممرضه تنظر اليه من بعد : اه انا لاحظت ده انهارده الصبح ... هو زعلان تقريبا على مامته ...ربنا يقومها بالسلامه
صفاء : طيب هو مفيش حل هنا عندكم عشان يرجع يتكلم تانى .. انا ممكن انزل واقطع تذكره عشان يكشف
الممرضه : طيب بصى كمان ساعه فى دكتور شاطر اوى هيجى هاجاى واندهك واخليكى تدخليلو وان شاء الله يديله حقنه مهدئه ويفوق بعدها
صفاء : يااااااااااارب ... يااااااااااارب ... تسلمى يا حبيبتى وربنا يباركلك ياااااااارب
ويدق هاتفها وتفتح الاتصال : الو ازيك يا نور شوفتى اللى حصل لمحمود يانور
اه على قالى اهدى بس يا ابله صفاء ربنا يشفيه ويعافيه مش عارفه هقدر اجاى ولا لا
طيب سلمى عليه عشان خاطرى سلام
ها يانور مفيش اخبار جديده
لا ياماما مفيش
لا حول ولا قوة الا بالله ... ربنا يشفيه لبنته يارب
ياااااااااارب
ويأتى اليهم لكنه يبتسم ويجلس بجوار نور كــ مداعبه منه لها : خير يا لولو
عليه : خد نور تزور عمتها يا على
على : ياماما ما ينفعش اولا انا عندى تمرين دلوقتى ومش فاضى
على فكره انا ممكن اخد تاكسى او اروح مع خالتو يعنى اتفضل انت وما تعطلش نفسك بيا
يعنى ايه يعنى تخرجى وكمان تروحى لوحدك هناك انا بقول لا يعنى لا استنى لما اخلص التمرين بتاعى
هو انا رايحه لوحدى فين منا بقولك رايحه مع خالتو وجوزها ... وكمان افرض بعد ما التمرين خلص الزياره كمان خلصت
نــــور ... ما تخلنيش اتعصب قلتلك مفيش نزول من غيرى
وانا عاوزه اروح اطمن عليها وعلى ابيه محمود ... مش كفايه ان كل ده حصل بسببى
بسببك ازاى يعنى انتى السبب فى رميتها فى المستشفى ولا السبب فى تعب ابن عمتك
ايوه انا السبب لو ما كنتش هربت مكنش اى حاجه من دى حصلت
نــعم ؟؟؟ افهم من كده ان حضرتك ندمانه بقى انك وافقتى تتجوزينى
انا ما قلتش كده بس قلت
يقاطعها : لا قلتى وعدتى يا نور انك السبب ولولا انى كتبت عليكى كنت زمانك هناك عايشه فى ذل عارفه يعنى ايه ذل يا نور يعنى مش عايشه انتى كنت مايته مش ده كلامك ردى عليا مش ده كلامك معايا امبارح
وكانت تتكلم لكى تهديهم من انفاعلهم لكنهم لم يستمعو اليها
ياااااااااولاد بقى كفايه حرام عليكم بقى ايه مش قاعده وسطيكم احترمونى شويه
يعنى عجبك اللى قلته يا ماما
وانا قلت ايه اصلا ... ما قلتش حاجه
ياسلام يعنى تقولى الكلام وبعدين تنكريه
على ارجوك انا مش كدابه
وانا ما قلتش انك كدابه وانتى عارفه كده كويس ... لكنه تنهد بقوه ثم توجه اليها وامسك ذراعيها بحنان وحب : يا نور انا خايف عليكى افهمى بقى خايف ليحصلك حاجه وانا مش معاكى
بهدوء شديد : وانا ما بخفش يا على طول ما انت معايا ... لانك ببساطه حمايتى ووطنى يا على
يبتسم ويداعبها : طب ما كان من الاول طيب الكلمتين الحلوين دول لازم تعصبينى يعنى
على فكره انت اللى ابديت
هنرجع تانى نعلى صوتنا يا نور
اماءت وجهها ارضا : اسفه مش هتتكرر تانى
ويرفع وجهها : انا اللى اسف لانى اتعصبت عليكى وان شاء الله هحاول اسيطر على نفسى اكتر من كده
نور : امممم زى ما حصل امبارح مش كده
على يبتسم : والله كان احلى خروح عن السيطره فى حياتى
تضع يدها على وجنتيها لترى المشاهد الرومانسيه بينهما ... بدون ان تتكلم لكنها كانت سعيده بداخلها لهم
على يضع يده على كتفيها ليحوطها باحضانه : ربنا يخليكى ليا يا نور
والله عال اوى ... الاكشن خلص دخلنا فى الرومانسيه مش فضال غير بقى نفرح من قلبنا ولا ايه يا كابتن على
على بنظرات الى نور التى باحضانه : ان شاء الله يا ماما ربنا يسهل ... وينظر الى ساعته
هتصل بالكابتن اعتذرله واستأذنه فى ساعه ... يلا البسى عشان اوديكى تشوفى عمتك
نور بفرحه : بجد يا على
على يهمس لها : بجد يا ستى عشان ما بحبش اشوفك زعلانه منى
جواز ايه دلوقتى يا ابراهيم لا لسه شويه هو اتفق على سنه يبقى يكون على اد كلامه
ابراهيم : ياستى وفيها ايه يعنى لما يقدم الفرح مش احنا جاهزين ولا فيه حاجه ناقصه
نشوى : لا الحمدلله كل حاجه موجوده وكله من خيرك يا حبيبى ... بسب البت هتبعد عنى يا هيما
ابراهيم : الله ... بقالك كتير ما قلتهاش
نشوى : ههههههه شوف الراجل انت بتاكل وتنكر
ابراهيم : انا برده يا شوشو
نشوى : هههههههه لا انا يا هيما
ابراهيم : ايوه كده اضحكى عشان الدنيا تنور زى زمان
نشوى : يعنى انت قلتله ايه
ابراهيم : قلتله هشور الجماعه وارد عليك
روحى اندهيلى على ندى اسالها
نشوى : ياخويا تلاقيها عارفه وهى اللى وزاه اصلى انا عرفاها
طب والمصحف والمصحف يا شاوشو ما اعرف غير من شويه انه كلم بابا
شوفت البت ... انتى يابت بتتصنتى علينا
ايه ... ايه بتتصنتى دى يا ست شاوشو
يخربيتك بت طالعه لابوك غيرى يختى الكلام غيرى
طب والله بحبك وانت عصبى يا دميل
ههههههههه طب تعالى يا لمضه هنا واقعدى . ايه رايك عاوزه تتجوزى دلوقتى ولا تستنو شويه
ندى تنظر الى والدتها ثم تنظر الى والدها : والله يا ابو خليل اللى تقول عليه انا موافقه بيه
يا سوسه ... اللى قاعده فى حضنك دى ياخويا كانت هتموت بنت خالتها امبارح بقلبيه ساكتيه لولا جوزها لحقها
هههههههههه ياماما حرام عليكى دى اغم عليها من الخضه وبس والله يا بابا
يابت ده على بنفسه هو اللى قالى
ياستى هو بس كان خايف عليها اوى
والله انا بحبلها الخير بس اعمل ايه فى طبعى بقى لازم تكونو خدتو عليه
سبونا بقى من المواضيع دى ... ها يا نشوى ارد على ادهم بايه
تنظر الى ابنتها التى تراها سعيده : على خيره الله يا ابراهيم اتوكل على الله ياخويا وحددو يوم
ندى تقفز وتتجه نحو وجنتي نشوى لتطبع بها قبلات كثيره ... حبيبتى يا شوشتى انتى
اول ما وصلت وجدته يجلس على مقعد خشبى وبجانبه زوجته التى لم تهدا من بكاها على حاله زوجها
نور ... تركض اليها وتحضنها بقوه ... شوفتى يا نور اللى حصل
نور ببكاء على حاله ابن عمتها تجلس بمقربه منه : ابيه محمود ... ابيه محمود ... انا نور بنتك مش كنت بتقولى انى بنتك
محمود ينظر اليها ولكنه مازال صامت :__________
نور : ارجوك عشان خاطرى يا ابيه فوق كده الاعمار كلها بيد الله
صفاء : ما تتعبيش نفسك يا نور ولا هيسمعلك انا بقالى كتير بحاول معاه ولا بيرضى
نور تنظر الى حجره الرعايه وبحزن
انا عاوزه ادخل عندها
صفاء : ادخلى يا حبيبتى شوفيها
نور تتجه بخطوات ضعيفه بطيئه خفيفه وتبتلع ريقها وتحاول ان تلمس مقبض الباب لكنها تراجعت عن ذلك ونظرت الى ...
على ممكن تيجى معايا انا خايفه ... يركض اليها وعلى وجهه ابتسامه جميله وبهمس
قلتلك ما تخافيش ابدا طول ما ربنا ومن بعده انا معاكى يا نور اوعى تخافى من مخلوق ابدا
تمسك يده برهبه شديده وكانها طفله تلجأ لابياها لتختبىء خلفه
طيب ادخل معايا
حاضر يالا بينا ... وبالفعل اتجهو نحو الحجره ثم وجدوها نائمه على فراش وبها اسلاك كثيره متصله بشاشه صغيره لكنه يظهر عليها تورم كثير بوجهها وجسدها ... من خضتها تختبىء فى احضانه وتبكى وبتهمس ببعض الكلمات
لالالالا يا على بقى هى دى عمتو الجباره المتسلطه الطماعه اللى كانت بتعملنى وحش لالالا ياعلى ربنا يسامحها ... ربنا يسامحها يا على ويرحمها من العذاب ده
على وكان يربت عليها وهى باحضانه .. خلاص بقى اهدى ويلا نطلع بره عشان مش كويس عليكى يا نور
ويغادرو الحجره ويجدوا مازالت بــ حالته
يجلس بجواره على ويحاول جاهدا ان يخرجه من حالته
ايه يابو جنى وحد الله كده وفوق ... انا عارفه احساسك دلوقتى وحاسس بيك والله لان لو انا منك كنت عملت اكتر من كده ... مهما عملت الام فى عيالها شدت .... قست عليهم مهما كانت ام .... فراقها صعب وغير محتمل ... بس احنا مش بيدينا حاجه نعملها غير الدعا لها بالرحمه والغفران ... ادعلها بدل سكوتك ده اقرا لها قران ليشفع لها يوم القيامه ويرحمها من عذابه ...
محمود يبدا يتحدث ولكن بصعوبه : بــ ــ ـس عممممرررى ماااا حاسيييت انهااا هتتتقع بالششششككككل داااااا
صفاء : يا منت كريم يارب
على : يبقى نقول الحمدلله على كل حال ... نشكره على فضله ونعمه .... وينظر الى نور ثم اليه مره اخرى .. الحمدلله الذى لا يحمد على مكروه سوا يا ابو جنى ... كان ممكن يحصلها حاجه اكتر من كده بس ربك لطيف ورحيم بعباده
محمود : ااااالححححمدلللله ... االحمدلله
محمود ويطلق زافره قويه ويربت على قدميه : الحمدلله رب العالمين ... يلا بقى قوم معانا عشان ترجع بيتك وتشوف بنتك جنى ايه ما وحشتكش
محمود : لا معلش هقعد هنا معاها
على : صدقنى قاعدتك ملهاش لازمه ... لو حصل اى حاجه هيكلموك على طول
محمود ينظر اليه ثم الى زوجته ويحاول ان ينهض وهو بجانبه يسانده على الوقوف ... وبالفعل غادرو المشفى واستقلو معهم السياره واسرعوا
ها يا ام عمرو ردت عليكى
لا يا حاجه الموبايل غير متاح
يارب يكون خير مش عارفه قلبى مقبوض ليه كده
ما تقلقيش يا حاجه ان شاء الله تيجى ونطمن عليها
ادم لسه بيعيط
لا ندى خدته منى وساكت بره اهو
واحمد فينه
قاعد بره مع عمرو ابنى بيذاكرله
ربنا يديم المحبه ويحفظكو يااااارب
تعيشى يا حاجه ويديم عليكى الصحه والعافيه ويطمن قلبك على حبايبك يااارب
ويقف بسيارته جانبا
اتفضلوا انزلوا
الكل يلتفت الى هذا المكان من خلال زجاج السياره
محمود : ننزل فين شكلك نسيت البيت
على يبتسم : لا انا ما نستش ولا حاجه بس قلت ناكل مع بعض لقمه كده فى المطعم ده
محمود : لالالالا كتر الف خيرك لحد كده يدوب اروح واكيد الحاجه
ويقاطعه : يعنى عاوزنى ازعل منك بقى ياابو جنى
محمود : والله ما القصد بس
ما بسش احنا هناكل عيش وملح مع بعض ولا منتش عاوزه تاكل معايا
بالعكس والله انت ونعم الناس يا كابتن على
ايه بقى كابتن دى انا اخوك الصغير يعنى قولى يا على على طول
احنا مش قد المقام
لا كده بجد هزعل منك
خلاص بقى يا ابو جنى ما تزعلوش
خلاص يا على
ايوه كده اتفضلوا بقى
وينزلو جميعا من السياره ويتوجهوا الى المطعم لكنها اوقفته بيدها وبهمس ... لكنه انحنى قليل (اوزعه بقى وهو ماشاء الله عليه طويل عنها)
ربنا ما يحرمنى منك ابدا
يبتسم ثم يعاود الهمس مجداا : ولا منك ابدا يا بنوتى يا اوزعه
تضربه بخفه على كتفيه : بس ما تقولش يا اوزعه
هههههههه هننكر يا اوزعتى
تانى يا على
بحب اوى استفزك وناقرك كده ... شكلك بيقوى حلو اوووى
لكنها اماءت راسها خجلا منه
وبعد قليل نجدهم تحت منزل محمود ... وعلى ونور ذهبوا معه لكى يساندوا لاعلى شقته
صفاء : ارتاحوا طيب شويه اعملكم الشاى
على : معلش مره تانيه ان شاء الله يدوب كده عشان سايب امى لوحدها
صفاء : مش عارفين والله نشكرك ازاى يا كابتن على
على : مفيش شكر بين الاخوات يا ام جنى ... يلا يا نور ... تهمس فى اذنه بانها تريد ان ترى الطفله الصغيره وهو وافق على طلبها
تعالى ياما محدش غريب دى نور وجوزها
ازيك يا نور عاش من شافك يا حبيبتى
وتأخذ منها الطفله وتقبلها : الحمدلله ازيك يا طنط واخبارك ايه
الحمدلله يا حبيبتى بخير ... ازيك يا استاذ
استاذ ايه ياما ده كابتن كوره
معلش ياابنى اهلا وسهلا
اهلا بحضرتك ... وينظر الى الطفله على يد نور ويقبلها ... ماشاء الله اموره كلها باباها
صفاء : على فكره يا كابتن على نور هى اللى مختاره لها الاسم (جنى)
على ينظر الى نور : بجد
اممم اصلى بحب الاسم ده اوى
عقبال ما تشيلوا يارب عيالكم
وتعطيها لوالدتها ربنا يخليها ليكو يا ابله صفاء
ويرزقكم ياارب كده بالذريه الصالحه
لينظروالى بعض ويتبادلون الابتسامات : ان شاء الله ... بعد اذنكم ويارب يحفظه ليكم
يااااارب يا كابتن على يااااااارب
وتاتى والده صفاء مجداا لهم
الحمدلله لحقتكم قبل ما تمشو ... اتفضلى يا نور
نور تأخذ منها علبه الشكولاته : لسه فاكره يا طنط
الا فاكره عارفه انك بتعشقيها وبالخصوص النوع ده نزلت مخصوص اجبهالك
تسلميلى يارب
وتعطى واحده اخرى لعلى : وانا كمان ليا واحده
امال .... حضرتك الخير والبركه نورتونا والله
وبعد ما غادرو استقلو سيارتهم وتجاولو فى الشوارع وهى تنظر الى الماره
مالك سرحانه فى ايه
سرحانه فى الدنيا واللى فيها مش مصدقه لحد دلوقتى ان عمتو عواطف فى غيبوبه ولو فاقت يبقى هتعيش طول عمرها مشلوله واحتمال كبير ما تفوقش تانى كمان
الاعمار بيد الله وحده يا نور .. واللهم لا اعتراض
ونعم بالله ... ونعم الله
ههههههههه
بتضحكى على ايه
ههههه بصراحه ايوه مش قادره اتخيل شكلها دلوقتى وشكلها من كام شهر كانت بتتعامل معايا ازاى ومع كل الناس ... سبحان الله
الله يمهل ولا يهمل يا نور
ونعم بالله
وتندهش من زجاج السياره على الطريق : ده مش طريق البيت يا على
اه مش طريقه يا نور
احنا مش هنروح ولا ايه
وينظرات جميله لها : لا هخطفك عندك ماااانع
نور ترد ابتسامته : تؤ معنديش ... طب وماما
كلمتها واطمن عليها ... ممكن بقى تنسى اى حاجه وتخليكى فى اللحظات دى وبس
ممكن
يارب استرها علينا يااااارب
اهدى ياحاجه ان شاء الله خير مش كلمتك وطمنتك عليها
ايوه يا نشوى يا بنتى بس صوتها مش عجبنى شكلها كانها بتعيط
اهى زمانها جايه ونطمن اكتر عليها
طيب يابنتى لو تحبى تمشى انتى
وتقاطعها ايه يا حاجه حضرتك بتطردينى ولا ايه
استغفر الله العظيم ليه يا بنتى انا بس مش عاوزه جوزك يدايق
لا اطمنى ابو عمرو مش هنا لسه شويه على ميعاده
ربنا يحفظه ليكو يا نشوى
يارب ياحاجه ... قوليلى بقى اعملها ايه تانى جمب المحشى يوم زفافها
هتودينى فين
انزلى بس وانتى تعرفى
ههههههههه انهارده امبارح وانهارده يوم المفاجات العالميه
ولسه كمان بس سيبى نفسك وعيشى
حاضر
يلا بينا
وكان ايديهم تتشابك بعضها البعض وهى تنظر من حولها الى هذا المكان الجميل
ايه رايك
جميل اوى
انتى اول مره تيجى سيتى ستار
اممم
طب تعالى نطلع فوق
ويصعدو بالدرجات الكهربائيه ليصلو الى الدور الثانى ويتجولون على المحلات
ايه رايك بالطقم ده
ده ولا ده
لا ده
مممممم جميل طبعا
طيب تعالى عشان نشتريه
لا استنى بس انا عندى لبس والله
مش قلت سيبى نفسك وعيشى
اه بس
هاااااااااا
خلاص زى ما تحب
ايوه كده احبك وانتى مطيعه
نور دقات قلبها تتزايد كلما قال لها هذا الكلام
وبداخل المحل كانت تبدل ثيابها فى البروفه
وهو كان يختار لها بعض الثياب الاخرى
لتخرج فى ثوبها الجديد
هاااااااا ايه رايك
وبنظرات اعجاب : روووووعه
بجد حلو
مووووت
ويعطيها ثياب اخر ... قيسى ده كمان
كفايه ده
هاااااااااا
خلاص زى ما تحب
وبعد ساعات ينتهون من شرائهم وتجولاتهم ليعاودو الى منزلهم مبتسمون لكنها اكثر منه فرحه وسعاده
غادرو المصعد ويركضوا الى الشقه لكن اوقفتهم ندى
نور انا اسفه
ومن غير ان تلتفت اليها : ندى ابوس رجلك ادخلى شقتكم انا فرحانه ومش عاوزه اتنكد انهارده ارجوكى كفايه اللى حصل امبارح
ندى : يعنى مسمحانى يا نونتى
ندى وحياه ابوكى يا شيخه امشى
وبالفعل دخلت شقتها وهى حزينه لكن نور عكسها دقات قلبها تزداد فرحا
ليه بس كده
مش قلتلى سيبى نفسك وعيشى اللحظه ... سبنى بقى اكملها على خير
وبكره هروحلها واكلمها
ماشى ... فرحنا كتير وانبسطنا ... نرجع بقى ونشوف وصلنا لفين فى الحفظ الأخير وانا مستعده للتسميع يا شيخ على (وتقولها له وبغمزه)
ههههههههههههه حلوه منك شيخ دى
اي خدمه ياابو الكباتن
ليدخلو شقتهم ويتفاجئوا بعلا تبكى وكانت حامله اطفالها باحضانها على الاريكه
فيه ايه يا علا
وبنبره بكاء : كمال طلقنى يا على
*************
جلسوا بجانبها وهى تبكى وفى احضانها اطفالها
ممكن اعرف ليه بنعيط دلوقتى مش ده اللى كنتى عاوزاه
علا : يا على انا ما بعيطش عليه هو فى داهيه لكن عياله ذنبهم ايه يبقى ابوهم بالسوء ده
على يربت على كتفيها : حبيبتى محدش بيختار اهله ... كتير بيتولدو من غير اباء ولا امهات وبيتربو وبيعيشو فى احسن حال
علا بدموع : طب لما يكبرو اقولهم ايه ابوكوا.... مش قادره انطقها يا على ... وتنهار بالبكاء
ربتت عليها نور ثم حملت عنها الطفل الرضيع وامسكت بيدها ولدها الكبير (احمد) ودخلت بهم الى حجره الحاجه عليه
جيتو يا نور يا بنتى
ايوه يا ماما لسه حالا اهو
وتضع الطفل الرضيع على الفراش بجانب الحاجه عليه
فين على راح التمرين
لا حمات رئيس النادى توفت ولغوا تدريب انهارده
والله ارتاحت من هموم الدنيا يارب يلحقنا بيها على خير
وتجلس بجانبها ... ربنا يديكى طول العمر يا ماما
تسلمى يا حبيبتى واخبار عمتك ايه
حالتها صعبه اوى وشكلها اصعب
ربنا يتولاها برحمته الواسعه يا بنتى ... اندهى ع على
حاضر
بقولك ما رديتش تكلمنى ودخلت الشقه معاه على طول
ياحبيبتى سبيها بقى وبكره هتروق وتتكلم معاكى ... خلينا فى الاهم دلوقتى
خير يا ادهم
امك قالت ايه
ايه امك دى اسمها مامتك يا حبيبى
هههههههههههههه ماشى ياستى مامتك والدتك الست الوالده هاااا فيه حاجه تانى نسيت اقولها
ممممممم لما افتكر ابقى اقولك سيدى ادهم
بت ما تستفزنيش
ولو حصل
هجيب امى بكره ونعجل فى ام الجواز ده
هههههههه ياراجل
اه وحياتك انا خلاص خلاص يعنى مش قادر تبعدى عنى كل ده يا ندى
بتحبنى يا دومه
اوى اوى يا روح دومه من جوه
طيب فكرت فى القاعه هتكون فين
لسه واحد صاحبى قالى على كذا واحده بكره هروح اشوفهم لو حاجه كويسه ابقى اخدك ونروح نشوفها
اشطه
بيئه بيئه يا ندى
وحياه امك
ههههههههههههههه اسمها مامتك ياختى
هتعمل ايه يا محمود يعنى
مش عارف كمان الزفت ده راح فين
تلاقى مستخبى عند اى حد
اه ممكن بردك ... حتى كلمت الواد اللى قالى على مطرحه بس شكله غير الخط بتاعه
هتعمل ايه دلوقتى
العمل عمل ربنا يا صفاء
ليه حاسه انك مخبىء عليا حاجه
لا ابدا
يا محمود على صفاء ...
هقولك يا صفاء ... هقولك على كل حاجه لانى مش قادر اشيل الهم ده كله لوحدى
تتجه وتكون امامه مباشره : احكى ياخويا وفضى قلبك من كل حاجه فيه عشان ترتاح
يااااااااااااااريت ارتااااااااااح يا صفااااااااء يااااااااااريت
بص فيه مرتبه تاكى خفيفه شوفتها يوم ما كنا بنفرش هنا هفرشها على الارض هناك وانام عليها
يابنتى ما ينفعش تنامى ازاى على الارض
ياابنى انا متعوده والله
متعوده ازاى يعنى
عمتى كانت ساعات بتنيمنى على الارض لما كان بيجى ضيوف من البلد وهى بتنام على السرير
ما تفكرنيش بقى بالوليه دى كفايه انى رضيت اخليكى تروحى تزوريها
على فكره زياره المريض واجب يا شيخ على
هههههههه يخربيت الشيخ على ياشيخه ... بحبها اوى منك
على احنا فى ايه
هنكون فى ايه يعنى عاوزك تكونى مرتاحه وانتى مش عاوزه
ويسمع نداء الحاجه عليه فــ يركضوا اليها
ايه يا ولاد مالكم صوتكو عالى
يلاحظوا علا تضع المرتبه على الارض وتضع عليها طفلها الرضيع بينما ولدها (احمد) نائم بجانب الحاجه عليه
انتى بتعملى ايه يا علا
زى ما انت شايف يا على ... هنام
تعالى نامى جوه طيب انتى وعيالك
بصوا بقى ما تخلونيش اتعب وازعل انا مرتاحه كده
خلاص يا على سبها على راحتها ياابنى
طيب ياماما
نور : خد بقى احمد ينام جوه معاك يا كابتن (بتقولها وهى تضحك)
على : والله ....
نور : اممممم
وبهمس : يابت اتلمى
هههههههه منا متلمه اهو انا عملت حاجه الله
ويطلق زافره قويه من قلبه
عليه : تعالى يا على خدو ينام جنبك يا حبيبى
نور : قلتش حاجه انا ...قالت هذا الكلام واتجهت نحو فراش الحاجه عليه وتقبلها .... انا قلتله كده يا ماما وهو مش راضى
بقى كده
اممممممم كده ونص كمان
عليه : ههههههههههه يلا ياابنى بقى عاوزه انام
نور بغمزه : اه يا بابا عاوزين ننام
علا : ما يالا يا على بقى خد الواد عاوزين ننام فى اليوم اللى ما يعلم بيه غير ربنا ده
على : ما اصحى كمان احمد يقولى البوق ده ... ايه كلكم عليا ماااااشى ماااااشى(وينظر الى نور ويتواعد معها)
وتهمس الحاجه عليه .... يخربيته ابنك ده ياماما يجنننننننن
بس يا بت يا نور عيب
عيب ايه بس وربنا بعشقه
ههههههههه وهو كمان ياختى وقع ولا حدش سمى عليه
بجد ما ماما
عليا انا ياختى
علا : ايه عاوزه انام بقى اسكتوا
عليه ايه يا بت يا علا احنا نتكلم براحتنا ومحدش ليه عندنا حاجه
علا : ياسلام ياختى ...
عليه : ياسلامين تلاته يا حبيبتى
علا : هههههههه بقى كده ياماما
(يتحدثو ويمرحوا معها ليخرجوها من الحزن بداخلها بسبب الطلاق)
علا :صحيح يا نور انتى اشتريتى حاجه ولا ايه شايفه فى ايدكم كانت كياس كتير
عليه : شوفتى البت وانا بقول حزينه وزعلانه
علا : على ايه بس ياماما انا ارتحت منه بلا قرف
يارب يابنتى يحفظك لعيالك وتشوفيهم احسن الناس
يااااااارب ياماما..... ها يا نونه جبتو ايه
نور بفرحه وتركض لتريهم ما اشتروا
ماشاء الله جمال اوى
طيب يابنتى ما تعلقيهم فى الدولاب عشان ما يكرمشوش
اصل بصراحه ياماما مفيش مكان
علا بمكر : دولاب على فيه مكان يا نونو
نور تنظر اليها وتفهمها: والله
وعلا : اه والله
عليه وتبدا بوضع راسها على الوساده لكى تنام : روحى حطيهم عنده يا نور وتعالى نامى يلا
نور : حاضر ياماما
علا بمكر : بسرعه ها يعنى ما تتلكعيش جوه عنده
نور بخجل : ههههههه حاضر ما تقلقيش
وتركض اليه بينما مازالو يتحدثوا الحاجه عليه وابنتها علا عن موضوع الطلاق
تركض اليه لكن لم تجده فتشعر بالراحه لعدم وجوده لتدخل الحجره وتفتح باب خزانته لكنها لاحظت الحاسوب الخاص به مفتوح على فراشه ... اتجهت نحوه لترى ما فيه لكنه فاجائها
افشتك بتعملى ايه فى اوضتى
استدرت فوجدته بدون ملابس اغمضت عيونها مسرعا
هههههههههههههههههه يابنتى مالك فيه ايه
البس طيب عشان اعرف اكلمك لاما تعالى شمال عشان اجرى على بره
ههههههههههههههههه تجرى ايه بس هو انا عفريت ولا ايه
على عشان خاطرى البس حاجه
منا لابس يابنتى
هى الفوطه دى لبس ... يلا بقى
طيب ثوانى
منا ماكنتش اعرف انك فى اوضتى بحسبكم نمتو ا(يقول هذا الكلام وهو يرتدى تيشرت ابيض وبنتاكور خفيف
ها خلصت
اه ياختى افتحى عينك
ترفع يدها من على عيناها برفق لكنها وجدته يبتسم لها ويضع يده على خصره
هاااا حلو كده
بخجل واضح : احم كويس
ممكن احط دول فى دولابك
اه طبعا اتفضلى
البيت بيتك والاوضه اوضتك
هو انت فاتح الفيس
ويتجه نحو فراشه ويأخذ الحاسوب ليتصفح به
اه فاتحه بشوف ايه اخر الاخبار
وبعد ما وضعت ثيابها فى الخزانه ركضت اليه
هى داليا عندك لسه فى الفرند
لا مسحتها (بدون ان ينظر اليها)
مممم يعنى ما حاولتش تكلمك من ساعه ما نهيت معاها
يطلق زافره ويضع الحاسوب جانبا ويجذبها من يدها لتجلس بجانبه على السرير
داليا موضوعها انتهى خلاص من حياتى يا نور .... يعنى انسيها يا ماما
مش قادره يا على انساها لانها كانت خطيبتك و
يقاطعها : يا نور عاوزه اقولك حاجه لما اخترت داليا ما حبتهاش او ما ادتنيش فرصه اقرب منها واحبها ... لانها وباختصار شديد مش شبهى تصرفاتها طريقتها بالكلام كل حاجه حتى تعاملها مع الناس مش دى البنت اللى كنت بتمناها تكون ليا زوجه وام لعيالى
بس انت خطبتها
ما انكرش انى اتشديت ليها فى البدايه زى اى شاب يمكن لقيت حاجه كنت اتمناها كنت نفسى فى نسب عالى يعنى ابوها مهندس امها حاجه مهمه فى الضرايب خالها مستشار يعنى نسب يشرف ... بس فى النهايه لقيت كل ده سراب وتفكير خاطىء وندمت بجد على الاختيار ده
تنهض نور بعد ما استمعت له حديثه الاخير لانها حزنت من داخلها لانه قال وبطريقه غير مباشره انها لا تليق به
مالك يا نور وقفتى ليه
ابدا بعد اذنك ... لتغادر حجرتها وتسيل دموعها لتدخل المطبخ لتهدا قليلا حتى لم يراها احد على هذا الوضع
يعنى مش هتطلبى نفاقتك منه
لا مش عاوزه من فلوسه حاجه
انا هنزل وادور على اى شغل عشان اصرف على عيالى منه
وليه يابنتى تتعبى روحك انا باخد فلوس معاش ابوكى والحمدلله خير ربنا كتير ايه لزمتها انك تتعبى روحك بقى وتنشغلى على عيالك بشغلك
ياماما لا دى فلوسك هاخد فلوسك
يابنتى الحمدلله الفلوس موجوده ... ولو حصلى حاجه يبقى اخوكى يعملك المعاش باسمك بعدى وتصرفى على عيالك منه
ربنا يديكى ياماما طوله العمر والصحه والعافيه يارب
يابنتى الاعمار بيد الله ... وكل واحد فينا ليه عمر مكتوبله ... مش عاوزكى تزعلى ولا تشيلى الهم بصى لعيالك وربيهم كويس لحد ما يكونوا حاجه مشرفه ليكى فى الدنيا
ان شاء الله ياماما ان شاء الله
يبحث عنها ليجدها بالمطبخ تسند ظهرها على الحائط وتبكى لكن بدون صوت
ممكن اعرف اتقمصتى ليه
بدموع : انا ما زعلتش ولا حاجه بس
قطعت كلامها لمفاجئته لها بانه يمسح لها دموعها بيده
ممكن ما شوفش دموعك دى تانى
يا على
هسسسسس
ممكن
ممكن بس عاوزه اقولك انى مش بايدى اللى حصل
قلت ايه ما تتكلميش
حاضر
تعالى معايا
تؤ
يابت تعالى بدل ما اشيلك
لو شلتنى هصوت
ترهنينى انك مش هتصوتى
اممم هرهنك اول ما تلمسنى وتشلنى هصوت
طب اهو ... وبالفعل حملها بيده وركض بها الى الحجره مسرعا لكنها كانت تضربه على كتفيه
ههههههههههههه شوفتى بقى
نازلنى بقى
مش هنزلك يا نونتى الا لما تسمعينى
بقولك نازلـــــــــــــــنى
وانا بقولك لا لما تسمعينى الاول
طب قول عاوز تقول ايه
عاوز اقولك افهمى الكلام قبل ما تسمعيه
انا قلت كنت نفسى وندمت وعرفت انى غلطان ... عرفه غلطان ليه يا نونتى
عشان ما عرفتكيش من زمااان يابنت نجاه وعثمان
طب نازلنى بقى
اهو نزلتلك (انزلها وتقف امامه مباشره وهو يضع يده على وجنتيها بحب وحنان) فهمتى ولا اشرح كمان
لا ما فهمتش عشان انا جاهله هه مش عاوز تقول كده
يابت بطلى شغل التسرع بتاعك ده
طيب اوعى بقى عشان امشى اروح انام
تنامى ايه مش متفقين نسمع ولا الهانم مش حافظه
لا الهانم حافظه وهتسمع
ههههههههههه بحبك يا اوزعتى
الكلمه اشعرتها بدقات قلبها السريعه
مالك ايدك بتترعش ليه
انت قلت ايه
ويحاول يلعبها بطريقته : قلت يا اوزعتى
لا اللى قبلها
مش فاكر اللى فاكره قلت يا اوزعتى
على انت قلت حاجه قبل الكلمه دى
منا بقولك مش فاكر استنى كده لما افكر
طيب فكر بقى براحتك انا ماشيه
وقبل ما تتركه كان جذبها من خصرها فى احضانه ... كنت بقولك بحبك يا اوزعتى
يمر الليل بكل ما فيه وكذالك يمر ايام اخرى كثيره لم يذكر بها شىء غير ان نور وعلى العلاقه زادت اقوى من الاول بكثير ... وندى وادهم بداو فى تجهيزات عش الزوجيه ... ومازال الوضع كما مع عواطف كانت دائما وابدا فى حجره الرعايه
انت هتروح دلوقتى يا محمود
ايوه انا كلمته امبارح وعرفته انى رايح
طيب ما تستنى البس واجاى معاك ... عاوزه اشوف نور من اخر مره ما شفتهاش
يا صفاء مش وقته يوم تانى خلينى اروح انهى الموضوع ده
طيب ياحبيبى خلى بالك من نفسك
وانتى كمان وبوسيلى جنى لما تصحى من النور
حاضر من عينيا
ربنا يخليك لينا يااااااارب يا محمود
وبعد قليل نجده جالس معهم وكانوا يتحدثوا بخصوص حق ابنه خاله الوحيده
اتفضل يا ابيه
محمود يأخذ منها فنجان القهوه كما طلب
تسلم ايدك يا نور
ينظر اليها بانها تجلس بجواره : نكمل بقى يا ابو جنى .. .يعنى انت جاى عشان كده ولا فيه حاجه تانيه
محمود : بصراحه فيه
على ينظر الى نور ثم اليه مره اخرى : خير
محمود: بصى يانور ... قبل ما خالى يتوفى بشهر جالى وقالى على موضوع وحلفنى بانى ما جبش سيرته لمخلوق حتى لو المخلوق ده انتى او امى
واهو خالى توفى وانا ما قلتهوش ابدا لحد الموضوع ده غير لصفاء مراتى من كام يوم عشان تقولى اتصرفى ازاى فيه
نور : مش فاهمه يا ابيه ... موضوع ايه ده اللى بابا قالهولك
ورثك يا نور
ورثى انا
ايوه انتى : خالى كتبلك البيت اللى كان عايش فيه اللى هو البيت اللى عشتى فيه مع امى ربنا يرحمها برحمته الواسعه
نور نظرات ببينها وبين على الذى يتكلم بالنيابه عنها
يعنى البيت اللى فى المنيل ده بتاع نور بيع وشره
ايوه
ازاى ... وامك كانت بتقول انه ليها فيه هو والورشه
منا قلتلك خالى قالى محدش يعرف الموضوع ده
وصوته بدا ان يعلى عليه : وخالك توفى تقدر تقولى ما عملتش ليه بوصيته واديت لبنته حقها وعرفت امك بالكلام ده
اهدى بس ياعلى
استنى يا نور دلوقتى
يا كابتن على انا عارف ومقدر حالتك دلوقتى انا بس عاوزك تدينى مهله اتكلم فيها وتسمعنى للاخر
اتفضل ياسيدى اتكلم
بعد وفاه خالى الله يرحمه مكنش بايدى حاجه غير انى اقول لامى والشيخ جابر بعد العزا قلت للــ الشيخ جابر قالى لازم نور تاخد حقها الشرعى وقالى كمان ان ليها حق فى كل حاجه كان خالى يمتلكها لانها بنته الوحيده ... لما جيت وقلت الكلام ده لامى قلتلى لا هتدى فلوس واراضى وبيت فى ايد نور الصغير خليه معايا ومحدش يعرف حاجه غير لما تكبر وتتجوز هبقى اعرفها بنفسى
وكمان طوعتنى فى موضوع انى اتجوز من صفاء لانها كانت مانعه من زمان مع ان خالى الله يرحمه كان نفسه اتجوزها واعيش معاها بس كانت دايما ممنعه
اه وبعدين
انا سكت الحقيقه خالص وكل ما كنت بقولها لازم تقول لنور على الموضوع ده كانت بتقولى بعدين مش وقته لما يتقدم لها حد واهى كده اوكده قاعده معانا
انا عارف انى غلطان يا كابتن على غلطان انى ما صارحتش نور من بعد وفاه خالى ومراته بكل حاجه ... سكت او بمعنى اصح ... امى كلت بعقلى حلاوه لانها جوزتنى اللى كنت نفسى اتجوزها من زمان خوفت منها لتعمل حاجه فى صفاء انت ما كنتش تعرف امى ... نور عرفاها اسالها واسال الست ام عمرو عملت ليهم ايه زمان فى البيت القديم لما حاولت تاخد نور تعيش معاهم ... امى قادره ومفتريه ... انا بقولك كده وانا عارف انها امى بس مش قادر اسكت اكتر من كده
طيب والهانم التانيه اللى بتقول سيد كاتب لها حقه دى كمان
مهو اسمعنى بس
استغفر الله العظيم اتفضل كمل
امى زورت اوراق كتير بخصوص البيت
نور بفزعه : ايــــه زورت
ايوه زورت الورق وكتبته باسمها وباسم سيد زى ما عملت فى الارض اللى فى المنوفيه باعتها وخدت الفلوس مع العلم ان نور ليها فيها حق خالى
بس امى عملت كل ده وده ما عرفتهوش الا بعد ما حصل اللى حصل لامى من الشيخ جابر وواحد جارنا قالى الكلام ده لانه شغال فى الشهر الxxxxى واكدلى بان الاوراق مزوره وانا معايا فى الاصل بتاع خالى الله يرحمه اللى ادهولى ... وامى ما تعرفش عنه حاجه لانى قلتلها ما اعرفش حاجه عنه انا عينه عند اهل صفاء بعد ما اتجوزتها
وبعد مشدات الكلام ما بينهم توصلو بان محمود وعد بانه سوف يعيد مال نور لها مره اخرى لكن يعطوه فرصه لان الموضوع كبير
مش عارفه يا نور ادعى عليها ولا ليها بان ربنا يرحمها
انا اللى مش عارفه يا خالتو اعمل ايه انا وانا بسمعه كنت خايفه اوى ليه كده يا خالتو تعمل فيا كده انا عملت ايه ليها
نشوى : انتى ما عملتيش حاجه الطمع والجشع بتاعها هما اللى عملو يا حبيبتى
دلوقتى فيه حاجه عاوزه اعملها
حاجه ايه يا نور
هقولها لعلى الاول واقرر بعدها زى ما هو يقولى
ماشى ياحبيبتى
كفايه بقى صدعتونى من الكلام ده قولولى ايه رايكم فى قاعه شهرزاد
نور : حلوه جميله
ندى تقلدها : حلوه جميله ... دى تجننن يا بنتى
نور تقفذها بالوساده : ومدام انها تجنن بتسألينى ليه
اهو احب استفزكم شويه واخرجكم من موضوع عمتك ده ربنا ياخدها
نور : خلصتى الحاجات بتاعتك ولا لسه
اه الحمدلله اخواته ما سابونيش لحظه لحد ما خلصنا الفرش
كنت نفسى اكون معاكى بس انتى عارف بالطروف اللى فيها
ولا يهمك يا دميل المهم بس انك تفضى يوم الخميش عشان تكونى معايا من اول اليوم
ايه ده هو يوم الخميس الفرح
اه شوفتى ازاى... بت انتى بسيتى ولا ايه اش حال انتى اول واحده اقولها
معلش اللى قاله واللى حصل من عمتى وابيه محمود خلانى مش فيا عقل من الاساس
لا ياختى انا بقولك اهو من دلوقتى انسى اى حاجه وافتكرى يوم الخميس زفاف بنت خالتك ندى
نور وتحضنها : الف مبروك يا حبيبتى ربنا يتمم لك على خير
ندى : يااارب يا نور... وعقبال بقى لما نفرح بيكمى انتى كمااااان
نور بكل طاقتها : يااااااااااااااااارب
وانتى هتلبسى ايه يا نور
وكانت تقشر موز وتعطيه للحاجه عليه : مش عارفه يا ماما بفكر البس طقم من اللى جابهم على ليا
عليه : يابنتى ده فرح بنت خالتك يعنى لازم تلبسى حاجه حلوه سورايه كده
ممممم منا معنديش
خلاص يبقى علا تاخدك وتنزلو مع بعض تشوفى حاجه
خلاص ماشى لما على يجى هبقى اقوله
امال فينها صحيح
قاعده مع خالتو لسه
ربنا يهديهلها الاحوال يارب
لا هى الحمدلله بقت احسن من الاول بكتير
اه انا حاسه بكده ... كده او كده مكنش ليه لزمه فى حياتهم كان بينام فى البيت وكانه اوتيل
ربنا يهدى الاحوال لها يااااااارب
ياااااااارب يابنتى وافرح بيكم انتو كمان ياقادر يا كريم
ان شاء الله يا ماما كله باوانه
ويسمعو فتح باب الشقه
اهى شكلها جت
لا مش هيا لانها لو هيا كان احمد سابقها هقوم اشوف مين
وخرخت لترى من اتفأجئت به ووضعت يدها على فمها بفزعه قويه :يالهـــــوى ايــــــــه ده
***********
وخرخت لترى من اتفأجئت به ووضعت يدها على فمها بفزعه قويه : يالهـــــــوى ايــــــــه ده
على بصوت خفيف : وطى صوتك مش عاوز ماما تعرف دلوقتى
نور : طب تعالى تعالى من ايه ده
على كان يضع شاش حول راسه وبيعرج
لعبنا فريق ودى واتخبطت مع واحد من الفريق التانى
وكانت تضحك بسخريه : ودى !!! و يحصلك كده اومال لو بجد هيبقى الشكل ايه
بطلى بقى لماضه روحى اعمليلى اى حاجه لرجلى دورى هنا هتلاقى مرهم
لا مرهم ايه استنى هجيلك ثوانى
استنى بس اوعى تقولى لماما
اقول لماما ايه بس دا انا هفضحك
بت يا نور ...... يخربيتك
كانت تضحك عليه وهو بهذا الشكل ومتجها نحو المطبخ فسمعت نداء الحاجه عليه فركضت اليها
مين يا نور
احم ده على ياماما
هو فين
اصل معاه واحد صاحبه اه صاحبه
نور انتى بتكدبى عليا
الحقيقه اه
فيه ايه وماله على
بيقول اتخطبت مع واحد صحبه بس جت بسيطه الحمدلله
ههههههههههه
بتضحكى ياماما
ايوه ياختى من ساعه ما اشتغل فى الهبابه دى وهو يا يجى مبطوح يا يجى مصاب فى رجله زهقت منه
معلش بقى مدام حاجه بيحبها خلاص بلاش نزعله
طيب ياختى افتحيلى التلفزيون ده وهاتيلى نجلاء
لا لسه شويه على نجلاء دلوقتى الشيف شربينى
لا بلاش الراجل ده ما بحبش طبيخه مقرف
هههههههههه طيب اجبلك ايه
هاتيلى اى حاجه على بال ما تيجى نجلاء
حاضر
كان يلقى بجسده على فراشه وهى ركضت اليه ومعها طبق بلاستيكى به مياه لكى يضع قدميه فيه
ايه ده
وتعمل دور امينه وتضع المنشفه على وجهها : دى الميه يا سى على عشان رجلك
ههههههههههههه يضحك عليها وعلى طريقتها .... طيب دروى هنا كده فى الدرج الاخير هتلاقى مرهم بتاع الكدمات
نور : طيب انقع رجلك الاول فى الميه
على : لالالا اوعى بس انا هعملهم
ياابنى مفيهاش حاجه عادى (تقول كلمه عادى وتخرج له لسانها وتغمزه)
هههههههههههههه مش عارف عملتى فيا ايه يابنت نجاه
وكانت تأخذ قدميه لتضعها بالمياه : ولا ايه حاجه ياابن عليه
يالهوى دى سخنه
لازم تكون سخنه عشان تكوى الكدمه حط رجلك بقى ما تعملش زى العيال
على اساسا انى بكلم الكبيره العاقله
طبعا طبعا
تدلك قدمه بيدها برفق : ها حاسس بايه
ويلمس بانامله شعر راسه : لو قلت هتسيبنى وتجرى بلاش احسن وخلينى احس الاحساس ده
ههههه مع انى مش فاهمه بس مدام مرتاح خلاص
غمزات لها : اوى اوى يا نور عيونى
لا حسك عينك يا ادهم تدخل تشوفهم انا بقولك اهو
يابت انا نفسى اشوف واحد بس طيب
ولا اى حاجه وكمان انا قافله الدرفه بتاعتى بالمفتاح عشان ترتاح بقى
ياخربيت اهلك حد يعمل كده
ايه يخربيت اهلى دى بتشتم اهلى كده علنى قدامى
اه وانتى مالك ومالى بشتم نفسى محدش ليه حاجه عندى
ليه بقى هو انت بقيت اهلى وانا معرفش
اه طبعا بقيت اهلك وكل حاجه فى حياتك ولا عندك اى مانع ياختى
لا ياخويا معنديش
يبقى فل اوى يعنى جاهزه بقى لليوم ده
يوم ايه يا وله
يوم فرحنا يا قمرى انا وانت وووو
يالهوى عليك مش بقولك قليل الادب محدش صدق سلام
واغلقت الخط وهو يازال يضحك على تصرفاتها ... يخربيت شيطانك امال هتعملى ايه يومها صوت وصوره ياااارب كملها معايا بالستر يااااااارب
تعالى يا ندى لسه علا كانت بتقولى ندى هتلبس ايه يوم الحنه
هلبس اى حاجه لاننا مش هنعمل حنه
ليه بس احنا ممكن نروح ونستأذنهم وهما مش هيقولو حاجه ده كان الاربعين من حوالى اسبوعين
لالالا مش مهم وكمان ادهم قالى مش مهم اهو الفرحه هتكون يوم الزفاف وبس
وانتو هتعملو ايه طيب يومها
هنشهر وبعدين قالى هنخرج سوا ... حتى اتفق مع كابتن على نخرج سوا ومعانا نور
علا : كويس والله لو الواد ادم بيسكت كنت جيت معاكم
نشوى : وفيها ايه سيبى ادم معايا وروحى اهو تغيرى جو شويه
ندى : ياريت يا ابله وهاتى احمد كمان ونقضى يوم حلو
هشوف كده وابقى ارد عليكم
اقوم بقى
ما تخليكى رايحه فين
كفايه كده بقى ... ندى نادى على احمد من عند عمرو
ندى : حاضر
هو بطل يروح المكتب ولا ايه
لا عشان الايام دى امتحانات المحامى اللى شغال عنده قاله خد اجازه لحد ما تمتحن
ربنا معاه ويوفقه
ياااارب يا علا.. الا قوليلى مفيش اخبار جديده
ولا جديده ولا قديمه نشوى قفلى على السيره دى من فضلك
انا بقولك الشقه دى من حقك ووو
يا نشوى : انا مش عاوزه شقق خليه يشبع بيها
بس انا سمعت انه ناوى يبعها . انا بقول تاخدى فلوس منه مدام ناوى على البيع
لا وانا مش عاوزه منه حاجه يسبنى فى حالى اربى عيالى وخلاص
ربنا ييسرلك امورك ياارب يا علا
انا وانتى وامه محمد اجمعين يااااااارب
ها كده مرتاح
ااااه الحمدلله
طب والشاش ده هتغير عليه ولا ايه
لا الجرح سطحى .... بس قالى خلى عليه الشاش عشان ما يتلوث
كويس برده ... وتخرج من جيب بنطالها هاتفها المحمول
هتتصلى بمين
تؤ مش هتصل استنى بس وما تتحركش
انتى هتصورينى
اممممم ... شكلك حلو اووووى
هههههههههه مجنونه والله
ما تتحركش بقى
طيب ياختى
ياختى عليكى انتى والله ياناااس ثكره
بت اتعدلى ويلا اخرجى بره الاوضه بقى كفايه عليا كده
بتطردينى يا لولتى كده بردو
ويأتيه شعور قوى بانه يريد ان يحتضنها بقوه لكنه يتراجع به : اخرى بقى يا نور يلا .. بدل ما اقوم ومش هيحصل كويس
نور تفهم ما يدور فى عقل باله تأخذ الطبق بهدوء وتركض مسرعا الى الخارج
هههههههههههههههههههههههه بحبك يا مجنونه والله
وتعاود اليه بعد ما سمعت كلمته
وانا كمان على فكره .... وتركض مسرعا
يمر اليوم وياتى الصباح الباكر مع زقزقه العصافير فى الشرفه لتقف وتنظر اليهم وتبتسم على منظرهم وتهمس : سبحان الله على مخلوقاته
امال ماما فين
بسم الله الرحمن الرحيم
يركض اليها : ايه اتخضيتى
بصراحه اه
كنتى سرحانه ولا ايه
شويه
ممممم فمين ياترى
تعالى واقولك
وتجذبه من يده لتريه هاتين العصفورتين
بتحبى العصافير
اوى اوى
يابختهم
احم احم ... اعملك الفطار
لا لسه شويه ... ماما فين
صمتت تروح عند خالتو تباركلها
يلتفت الى خارج الحجره ثم يعاود النظزر اليها ... يعنى انا وانتى لوحدنيا فى البيت
تبتعد نور عنه : ايوه
ويقرب منها : وتبعدى ليه
ابدا بس بقول اعملك الفطار
ويقترب اكثر . وانا بقولك شويه كده
احم طيب ... كنت عاوزه اقولك حاجه
اقترب اكتر منها ويمد يده يلمس بعض اطراف شعرها المنسدل
حلو اوى شعرك ياريت ما تقصهوش
احم ... حاضر انا اصلا بحبه كده
يتنهد بقوه : كنتى عاوزه تقولى ايه
كنت عاوزه انزل مع علا اشترى فستان عشان فرح ندى
وانا رافض انك تنزلى مع علا
ليه احنا والله ما هنتاخر هنيجى على طول
لا بلاش علا ... هنزل معاكى انا ولا انتى مش هترضى
لا طبعا احم هو انا اطول
اه تطولى يا نور تطولى حاجات جميله وحلوه
ربنا يخليك يا على ... هننزل امتى
زى ما تحبى
عندك انهارده تدريب
لا انهارده وبكره راحه
كويس عشان نكون براحتنا
نور
تنظر الى عيناه
نعم
يقترب الى شفتيها بحب وكانت تغمض عيناها من احساسها به ليقطع اشواقهم صوت الحاجه عليه وهى تتكلم مع ابنتها خارج الحجره
امشى يانور
هه
بقولك امشى
تركض نور خارجا لهم وهى مبتسمه
مالك بتجرى كده يا نور يا بنتى
نور تضع يدها على قلبها : ابنك يا عليه بموووووووت فييييييييييييييييه
هتسافر دلوقتى يا محمود ياابنى
ايوه يا خالتى مش هوصيكى على صفاء وجنى
ما تخليها يوم تانى يكون الواد ياسر فاضى ويروح معاك يا محمود
ما ينفعش وكمان انا وعدت الراجل هكون عنده انهارده عشان اشوف رده ايه فى الموضوع ده
طيب خلى بالك من نفسك
سيبها على المولى يا صفاء
ما تقفلش موبايلك
حاضر بس المنوفيه يمكن ميبقاش فيه شبكه حلوه ما تقلقيش لو ما ردتش عليكى
حاضر بس اول ما توصل بالسلامه كلمنى وطمنى
ان شاء الله
ويقبل جبينها وانامل ابنته : السلام عليكم
وعليكم السلام ورحمه الله وبركاته
ربنا يصلحك الحال ياابن عواطف ويستر طريقك وينورك ايامك ياابنى يااااااارب
ووبعد قليل نجدهم بداخل السياره يتجولون بانحاء المدنيه لكى يذهب بها الى محلات لبيع فساتين السواريه
يلا انزلى
ماشاء الله حلو اوى المحل ده
انتى احلى حاجه فى الدنيا يلا هاتى ايدك
وبالداخل تنظر الى ما حولها من فساتين فى منتهى الرقه والجمال
على شكل الاسعار نار
ملكيش دعوه انتى بالتمن انتى عليكى تختارى وبس
بلاش ياعلى
هو انا لازم اعلى صوتى عليكى كل شويه
خلاص خلاص سكت خالص اهو
وتركض الى احدى الفساتين وتأتى اليها احدى الفتيات لكنها كانت تنظر الى على بنظرات اعجاب
الفتاه تترك نور وتتجه نحوه لكنه هو الاخر كان مشغول بالبحث لها عن فستان مناسب
الفتاه : مش حضرتك بردو جيت مع الكابتن مدحت شلبى من حوالى شهر
ينظر الى نور ثم اليها من جديد : ايوه
حضرتك لاعب كوره مش كده
ان شاء الله
نور يعجبها فستان تاخذه لتريه اياه وكانت مبتسمه لكنها ارتسمت على وجهها الغضب من خلال تحدثه الى هذه الفتاه
تتجه اليهم وجهها يشع غضب
ها يا نونتى اخترتى حاجه
وتنظر الى الفتاه : لا كلهم وحشين يلا نروح محل تانى
الفتاه : ازاى حضرتك احنا عندنا اشيك فساتين السواريه والزفاف على اعلى مستوى
نور : وانا بقول لحضرتك ما عجبنيش حاجه ؟... وتنظر اليها بغضب لكنه كان يبتسم من داخله بطريقتها : مش يلا يا كابتن ولا تحب تخليك انت وانا امشى
لا طبعا اتفضلى يا حبيبتى
وقبل ما تغادر نور المحل تعاود الي الفتاه لتعطيها الفستان الذى كان يعجبها ... شكله بيئه اوى مش مناسب ليا
ليطلق على ضحكه عاليه داخل سيارته على طريقتها
انت بتضحك كمان
اعمل ايه بس حد يشوف طريقتك دى وما يضحكش
كانت بتقولك ايه المسهوكه دى
مسهوكه ههههههههههههه
على ما تستفزنيش من فضلك
ولا اقدر وحياتك عندى يانور انتى عندى اغلى من اى حد خلقه ربنا
طيب كانت بتقولك ايه وبتضحكو
انا ما ضحكتش ... هى كانت بتسالنى انها شافتنى فى برنامج مدحت شلبى وبس ... ها هديتى
ليه بقى شايفنى بشد فى شعرى ولا بجرى فى الشارع زى العيال
ههههههههههههههههههههههههه هه انتى احلى من احلى العيال يا اوزعتى
ما تقولش اوزعتى دى تانى انت فاهم ولا لا
ويمر يومان ويأتى يوم زفاف ندى وادهم وكانوا بداخل الكوافير ليضعوا اللمسات الاخيره على وجه العروس
ندى : نور شوفى الميك كده حاسه قليل اوى
نور : قليل ايه بس ده تقيل اوى على فكره
يعنى حلو
يجنن يا نوده
انتى اللى تجننى يا بنت خالتى ... بصراحه مش مصدقه انه وافق انك تيجى معايا
نور وكانت تضع الميك اب لنفسها : دى ماما من امبارح بتتحايل عليه وهو كان رافض اول ما سالنى انهارده عاوزه تروحى معاها ... اول ما قلتله ياريت قالى طيب ووافق
ندى : ايوه بقى ايوه بقى يا عم الحنين
نور : اسكتى بقى عشان الانسه تخلصلك الميك اب بتاعك
وبعد ما اتهنوا من وضع الميك اب وكانوا ينتظرون العريس يأتى لكى يأخذ عروسه
نور : هههههههههههههه شكله خلع يا بت يا نوده بصراحه تفكير سليم منه
ندى بغضب وتضربها على كفيها : والله ولا يقدر انا كنت قتلته
نور : امال اتاخر كده ليه
ندى : مش عارفه بقى بس لما يجى
نور : هكلم على اشوفه
ندى : طيب واساليه عليه كده
نور وتتصل بــ على الذى كان يقف بخارج الكوافير ينتظر خروجها ولكنها لا تعلم مجيئه مبكرا لها
الو ايوه يا على اه خلصنا بس ادهم لسه ما جاش انت فى البيت ولا فين
على يخرج من السياره ويركض حول الكوافير
بصى كده من الشباك ... ولا مش هتطوليه يا اوزعه
اوزعه تااااانى !!!!!!! ايه ده انت بره
من بدرى ياختى ... يارب يطمر
تركض مسرعا لتراه من خلال النافذه لكن النافذه عليا عليها فتركض الى الباب لتفتحه بسيط وتراه
انا شيفاك اهو
انتى فين طيب فيه زحمه ومش شيفك
انا لسه جوه يا بابا ... بقولك ايه ما تكلم ادهم ده واستعجله
اكلم مين يا ماما ؟؟؟؟؟؟؟
اووه سو سورى يا حبيبى اقصد كلم العريس يعنى
ايوه كده اتعدلى وعلى الله تنطقى اسم غير اسمى تانى انتى فاهمه
تمام يا كابتن
وبعد قليل يأتى العريس بسيارات كثيره ويخرج من احدى السيارات ويركض اليه على
ايه يا عريس ايه اللى اخرك
ياعم اتخانقوا على العربيات انا والله قرفت من البلد دى
طيب خلاص اهدى انهارده المفروض تكون هادى كده
هما خرجو ولا لسه
هههههههههه هيخرجوا لوحديهم ولا ايه اكيد عروستك مستنيه جنابك عشان تخرج معاك روح بقى هاتها
طيب مش هتيجى انت معايا
ههههههههههه اول مره اشوف عريس محتاس كده
ولا محتاس ولا حاجه بس متعصب من اللى حصل بس تحت البيت عندنا
انسى كل حاجه وافتكر انهارده وبس يلا اهى خارجه ... بعد اذنك انا بقى
يسبقه لكى يرى نور ويأخذها لكنه لم يراها بجانب ابنه خالتها
بينما ادهم ذهب الى عروسه التى كانت غاضبه منه لتاخره عليها ساعتين ... غادرت الكوافيره وتبحث بعيناها عليه فا وجدته وتلاقت اعينهم ببعض ركض اليها وامسك كفيها وطبع قبلات حاره عليهم ... اتاخرتى ليه عليا
كنت بجيب الشنطه بتاعه ندى وبشوف لو نسينا حاجه
طيب هاتيها عنك ويلا بينا
ويتجهوا سويا الى سيارته ويقودها ويسرع بها .... ومن الناحيه الاخرى
خلاص بقى فوكى يا ندى
ايه فوكى دى تتأخر عليا ساعتين بحالهم وعاوزنى ابقى بادره ولا ايه
يا حبيبتى منا قلتلك على سبب تاخيرى عليكى
بردو المفروض تعمل اعتبار ليا سبلهم العربيات وتعالى انت
حقك عليا طيب اول واخر مره تحصل
نعم على اساس انى كل يوم هتجوز ولا ايه
خلاص بقى ياندى اهدى والله ما كان قاصدى اهو (ويقبل وجنتيها ) حقك عليا يا عمرى
يصلو الى القاعه لتعلو الاغانى فيها عاليا ... لكنهم تركوهم وراكضوا الى طاوله الحاجه عليه وجلسوا معها
ماشاء الله عليكم قمرات ... الله يحرسكم من العين الليلادى
علا : ايه يا نونه القمر ده ماشاء الله عليكى تجننى
نور : ميرسى يا ابله ... حضرتك اللى عيونك حلوه
على بهمس : مش قلتلك الفستان ده يجنن عليكى
نور : حلو يعنى عليا
على : انتى احلى يا نور عينيا
نور تخجل وامأءت راسها خجلا ثم رفعها بيده : ارفعى وشك يا احلى ما خلق ربى
نور تلاحظ غضب العروسه فتبتسم ... بتضحكى على ايه
على ندى شوف عامله ازاى زعلانه منه عشان اتاخر عليه
على : دلوقتى تهدى خالص هيصالحها اكيد
نور : ممكن طيب اروح اهديها شويه واخليها تفردها
على : طيب تعالى هروح معاكى ... مش معقول تمشى لوحدك وانتى بالجمال ده اخاف بجد عليكى
نور : طيب يلا يا بابا
خلاص بقى يا عمرى
سبنى بقى واسكت خالص انا بقولك اهو
هههههههه يابت اهدى انتى عروسه خلاص ابقى عاتبيه فى شقتكم
لا يا نور اسكتى ده احرجنى ما شفتيش باقى العرايس اللى كانوا فى الكوافير بيقولو ايه عليا
نور : سيبى اللى يقول يقول ... اهو بقى جنبك ابتسمى بقى الليله ليه العمر يا جزمه وانتى كنتى بتحلمى بيها من زمان هتقضيها فى الزعل
ندى بدات تبتسم بسيط ... ايوه كده ابتسم يا قمر
ندى : انتى اللى قمر انهارده ماشاء الله عليكى
نور بتعالى : احم احم قديمه لسه هو قايلهالى ياختى
ندى : ههههههه ربنا يسعد قلبكم
ادهم : يعنى بتضحكى اهو مع نور ومع جوزك قالبه الوش العكر
ندى : بقولك ايه اتلم بقى انا هعيش يومى وعتابى معاك فى البيت
ادهم : هع لو كنتى تقدرى اصلا ... يتقفل علينا باب بس وانتى هتشوفى ادهم العملاق
ندى : على فكره شكلى هرجع فى كلامى وهمشى مع ماما من هنا
ادهم : ههههههههههههههه قديمه ياختى وابقى فرجينى لو عملتيها يا ندى
ندى : هعملها يا ادهم وبالعند فيك هه بس
يعودو الى الطاوله مره اخرى
فيهمس لنور ... انا شوفت واحد صحبى هسلم عليه وجاى
نور : ما تتاخرش طيب
على : ههههههههههههه احنا ما صدقنى بقى
نور : احم احم ... ايه يا مودى القمر ده
على : هههههههههههههههههه غيرى الموضوع غيرى برده مش هسيبك يا بنت نجاه الليله
دقات قلبها تتزايد بقوه ليشعل وجهها باللون الاحمر
مالك يا حبيبتى
نور : ابدا يا ماما بس الجو سخن اوى ... امال فين ابله علا
عليه : واقفه مع خالتك اهى
وتأتى اليهم سيده كبيره بالعمر ... مساء الخير
عليه : مساء النور اهلا وسهلا
السيده تنظر الى نور نظرات غريبه ثم الى الحاجه عليه وتبتسم : ربنا يخليها ليكى يا حاجه
عليه تنظر الى نور : الله يخليكى تعيشى يا حاجه
هههههههههههههه الليله ليلتها ياختى
اسكتى يا علا البت امبارح بقولها يعنى على اليوم ده فزت ووشها جاب الوان الطيف وقال ايه عيب وما تقوليش كده يا ماما وكلام اهبل عبيط
هههههههههههه ياختى كلهم بيقولو كده فى الاول بس قدام الامر هتشوفى حاجات تانيه
بصراحه قلقانه عليها اوى
ما تقلقيش ادهم راجل جدع ومحترم وبيحبها اكيد هيخاف عليها برده
وتاتيهم نور التى كانت فى ازهى حالتها ... بتقولوا ايه يا كتاكيت
بنتكلم على ندى وعريسها .... امال مين اللى قاعده مع ماما دى يا نور
نور : ههههههههههه دى عماله تبص عليا بطريقه فظيعه روحت سبتهم وجيت هنا
علا : هروح اشوفها وجايلكم تانى
نشوى تنظر الى ابنتها وتبكى .... ايه يا خالتو انتى تفرحى تعيطى تزعلى تعيطى
هتوحشنى اوى يا نور ... دى كانت الابتسامه بتاعه البيت والله
ربنا يتمم لها بخير يا خالتو ... دى سنه الحياه ... امال عمو ابراهيم فين
زعلان يا حبيبى اهو هناك مع اصحابه شوفى شكله وهو بيبص ليها
نور تنظر لكنها تنظر الى راجل اخر يأتى اليهم
ما تيجى نرقص
نور : انا ما اعرفش
على : هعلمك
نور : طيب يلا
على : بعد اذنك يا خالتو
نشوى تمسح دموعها : اتفضلوا يا ولاد
يمسك بيدها ويجذبها باحضانه على البسيت ليتراقصوا مع الاغنيه وبجانبهم ندى وادهم
♥اسميه ايه إللي و انا جنبك يا روحي بحس بيه
♥اسميه ايه إللي بحلاوته مدوبني ايه
♥إللي بيجرالي ساعت ما عينيا تيجي في عينيه
♥دا إللي مخليني مفيش ولا مرة سلمت عليه
♥من خوفي لأيدي من شوقي إليه تكسفني و تفضل ماسكه ايديه
على فكره اول مره ارقص مع حد بالشكل ده
بس انا مش اى حد يا نورهان .... انا جوزك
امأءت وجهها لكنه رفعه بيده ... ما تخبيش عيونك عنى تانى
تسرح معه ومع الموسيقى بينما هو كان ومازال ينظر الى عيناها بحب ... نور
تنظر اليه بحب بدون اى كلام
بحبك اوى اوى يا نور
يعنى اكتر من اى حد تانى ويصمت قليل ليجذبها اكثر فى احضانه لكى تستمع الى باقى الاغنيه لتعرف بنفسها هى بالنسبه له ايه
♥بتقولي حب لاء يا حبيبي اكتر
♥بتقولي عشق و الله اغلي و اكتر
♥و حاجه كده ملهاش اسماء
♥اسميه ايه
يمر الوقت سريعا والكل يذهب الى منزله
افتح بقى وربنا هخصمك لو ما فتحتش الباب
ويفتح لها الباب لتخرج وتجرى بفستان زفافها وهى تبكى تضع يدها على مقبض باب الشقه
افتح الباب هات المفتاح بقولك
يا ندى تعالى يا امى اهدى
انا عاوزه اروح عند ماما
وطى صوتك بس الجيران يقولو ايه علينا
ماليش دعوه بيهم ... قفلت عليا باب الاوضه ليه هه
عشان تهدى ... امك تقول ايه عليا لما تلاقى بنتها يوم زفافها مش عاوزه تقعد مع جوزها وعاوزه ترجع معاها
مش هكلمك تانى يا ادهم
ويقترب منها ويربت على كتفيها : طيب اهدى عشان خاطرى مش عاوزك تعيطى
ابعد عنى لو قربت ولا لمستنى هصوت والم عليك الشارع
يالهوى هى حصلت لا ياستى وعلى ايه انا هسبهالك خالص وماشى من قدامك .... يتركها وحيده تجلس على المقعد بينما هو دخل الغرفه ليبدل ملابسه ... انا ايه اللى هببته فى نفسى ده منا كنت مرتاح وميت فل وعشره يخربيت ابو الجواز اووووف
فيه ايه ياماما وخرجتى نور وعلا ليه
اقعد بس عاوزك فى حاجه مهمه
ويجلس بجانبها .... فيه ايه يا لولو مالك
الحاجه عليه يبان عليها الغضب الشديد
ايه يا ماما خضتينى
نور يا على
مالها نور
جالها عريس انهارده فى الفرح
على ينهض وبصوت عالى : ايــــــــــه ... عريــــس
***********
الحاجه عليه يبان عليها الغضب الشديد
ايه يا ماما خضتينى
نور يا على
مالها نور
جالها عريس انهارده فى الفرح
على ينهض وبصوت عالى : ايــــــــــه ... عريــــس
عليه : اه عريس يا على ايه عيب ولا حرام مهى تعتبر مش متجوزه ياابن عليه .... واحده شافتها قاعده جنبى وجت ليا بنتك يا حاجه اموره اوى بنتك ياحاجه مش عارفه ايه انا ابنى مهندس فى الكويت وقرب يجى ونتشرف لو اخدها ليه
يقاطعها ويضع يده على اذنيه : خلاص ياماما خلاص
عليه : لا مش خلاص يا على لازم توضع حد للموضوع ده انت فاهم ولا لا
على : يعنى ايه مش فاهمك يا ماما
عليه : يعنى عاوزها اتجوزها وعيشوا سوا... لو مش عاوزها
ماما قلت خلاص اقولك انا هسبلك الاوضه كلها
وبالفعل يتركه اوكانت مازال تتكلم وهو يغادر الحجره ويجدهم بالصاله ينظرون اليه ثم يتجه نحو حجرته ليغلقها بقوه
نور بطيبه : اول مره اسمعه يزعق كده لماما هو فيه ايه
علا : تعالى نشوف جوه
ايه يا ماما فيه ايه
عليه وكانت بتأخذ الxxxx لكن نور اسرعت اليها واعطت لها كوب المياه ... تنظر اليها الحاجه عليه بحب
نور : مالك يا ماما فيه حاجه
عليه : ابدا ياحبيبتى يلا عشان ننام
علا : ماما انتى قلتلى لعلى
نور تنظر اليهم مستفهما : هو فيه حاجه ولا ايه يا ابله
علا وتوجه كلام الى والدتها : مهو نور لازم تعرف ياماما ... نور انهارده اتقدملك عريس فى الفرح
نور بسخريه : عريس ليا انا
علا : اه يا نور ليكى
نور وتنظر الى دبلتها التى كان التونز يدارى عليها فى اناملها الصغيره : بس انا متجوزه ولابسه دبله كمان اهى
علا : مهو محدش يعرف يانور محدش يعرف
عليه : كفايه بقى ويلا عشان ننام
نور : معلش ياماما هستأذنك هروحله
علا : بلاش يانور هو دلوقتى متعصب لاحسن يتنرفز عليكى ولا حاجه
نور : استحمل ياابله علا استحمله
عليه : روحى يا نور روحى يا بنتى وهديه .... يارب يهديكم لبعض ويجمع ما بينكم فى الخير يارب
تأتى اليه تجده نائم على الارض ... تضع يدها على ذراعيه
ادهم ... ادهم انت نمت
ادهم : عاوزه ايه
ندى تجلس بجواره بفستان زفافها : قوم نام على السرير
ادهم : مش متزفت انا كويس كده
ندى : قوم طيب من على الارض ايه اللى حصل يعنى
نهض وجلس بمقربه منها : ما حصلش حاجه يا ستى انا بفترى على نفسى ....
ندى : خلاص طيب حقك عليا ... ياادهم لازم تعذرنى انا مش متعوده انام بره بيتنا وكمان
يمسك كفيها بحنان : يا حبيبتى مهو ده بقى بيتك خلاص وانا جوزك يعنى الامان يعنى كل حاجه فى حياتك مش ده كلامنا زمان يا ندايا فاكره قبل ما نتخطب كان ايه وعودنا مع بعض كنا بنحلم بايه
ندى : فاكره يا دومه بس براحه عليا شويه خدنى واحده واحده
ادهم : وهو انا اصلا عملتلك حاجه احنا يادوب دخلنا وانتى اتغيرتى وعاوزمه تمشى مع مامتك
ندى : اصلهم هيوحشونى اوى
ادهم يضع يده على وجنتيها بحب : وانا يا ندى هتسبينى لوحدى
ندى : تؤ منا اهو قاعده معاك ومش روحت معاهم
ادهم : ههههههههههه لا كتر خيرك بصراحه ... عجبك كده اليوم اضرب
ندى ينهض لكنها يجذبها من يدها : رايحه فين
ندى : هغير هدومى بقى واكل لانى جعانه اوى
ينهض هو الاخر وينهض بجانبها : جعانه ايه استنى شويه وناكل مع بعض
ندى : لا مهو لو مكلتش دلوقتى الاكل هيبرد ومش بحبه وهو بارد بذات ورق العنب والكوسه
ادهم : ورق عنب ايه وكوسه ايه دلوقتى ياستنى ابقى سخنيهم
ندى : منا بعرفش اخاف يتحرقوا
ادهم : طيب سيبهم دلوقتى وتعالى نتكلم شويه مع بعض
ندى : طيب اخرج على بال ما اغير الفستان
ادهم : واخرج ليه انتى مراتى يعنى عادى
ندى تجذبه بيدها للخارج وهو ما كان عليه الا الضحك
وربنا ما سيبك يا ندى انهارده انشاله اعملك ارجوووووز
انما هى كانت تسند خلف باب الحجره تبتسم ثم تهمس لنفسها : يالهوى الواد ده شكله مش هيجبها لبر اعمل ايه وياك اعمل ايه ويااك اه فكرررررررره .... هع هع هع هنشوف انا ولا انت ياسى دومه
تدق على باب حجرته بخفه
لو سمحتو اتفضلوا نامووووا انا بخيرررررررر
نور : احم طيب ممكن بس اقولك حاجه
على بحده : امشى يانور روحى نامى
نور : عشان خاطرى يا على حاجه واحده وبس
وقبل ما تكمل كلامها كان يفتح لها الباب واتجه نحو جهازه الرياضى
تبتلع ريقها لرهبتها منه وتضع يدها على رقبتها
على : نعم عاوزه تقولى ايه
نور : ممكن بس براحه شويه تهدى روحك
على : نووور مش فايقلك عاوزه ايه
نور: انت زعلان ليه دلوقتى
على بسخريه ويترك الجهاز ويأخذ منشفته : ازعل ازاى ازعل لما اعرف ان مراتى اتقدم لها عريس الليله افرح وازغرط اقولك ايه رايك نرجع تانى الفرح ونشوف الباشا اللى اختارك وعجبتيه
نور تكتم ضحكتها : اصبر بس الاول ... ماما قالتلى انه مش هو اللى شافنى ده مامته وهو مش هنا خالص ده فى الكويت
على يتجه نحوها وبسخريه بحده : والله العريس فى الكويت يا حلاوه والهنام بقى ليه مركزه معاه اوى للدرجادى
نور : انا مش مركزه ولا حاجه انا بس بفهمك مش اكتر وربنا
على ويقترب وهى تبتعد عنه : ياسلام اممممم عادى امه قالت انه هيجى كمان يومين لو تحبى يعنى يتقدملك معنديش مااااانع يا هانم
نور : ومين قالك انى اصلا عاوزه حد يتقدملى انا كويسه كده
على يقف بمقربه منها لانها تقف وتستند الحائط : اه امال عاوزه ايه يا ست نور
نور تبتلع ريقها ووجهها يشع حراره من انفاسه القويه
على بحده وبعلو الصوت : ما تنطقى عاوزه ايه
نور : عاوزك انت مش حد غيرك يا على والله ... وكمان انا مليش ذنب اصلا الست شكلها عاميه ما شفتش دبلتى
على يمسك اناملها ويرى بانها مرتديه التونز مع الدبله
التونز ده يتقلع من الصباع ده ويتحط فى اى صباع تانى كلامى مسموع
نور : حااضر هقلعه بس اهدى واتحرك شويه كده عشان اعدى
يحاوطها بيده على الحائط : تروحى فين يا ماما
نور برهبه : امشى اروح انام مش قلتلى من شويه ولا نسيت يا على
على : ومين قلك انى هسمحلك تمشى وتسبينى يا ست نور
نور : امال ايه هفضل واقفه كده
على : لا مش هتفضلى واقفه كده
نور : طيب وسع بقى
على : حااااااااااضر
ويلتفت عنها لكنه حملها بحب ووضعها على فراشه وبدا يداعبها بيده ويمسك يدها بقوه
على سيب ايدى ياماماااااااا
ولا حد هيقدر يقربلك طول ما انتى تحت ايدى كده يا نونتى
نور بمكر : طب سبنى هقفل الباب وهاجاى تانى
على : هاهااو على مين يا ماما ...
علا : ماما شكله بيضربها
عليه : هههههههه بيضرب مين يا علا نامى الله يهديكى يابنتى
علا : ياعليه ابنك مستفز والبت ضعيفه تروح فيها
عليه : سيبيهم بس انتى ونامى على بيحبها وبيخاف عليها .... كان لازم الكلام ده يحصل من زمان عشان يفوق
هتفضل صاحى ولا ايه يا ابراهيم
لا يا نشوى جاى اهو انام
ايه يا حبيبى بس لازم نفرح ليها وندعلها بالهدايه وراحه البال
ياااارب يا نشوى
طب قوم يلا معايا ووحد الله كده ويلا بينا نصلى ركعتين وندعى ليهم بان ربهم يهدى سرهم ويرزقهم بالذريه الصالحه
هههههههههه طبعا يابنتى انا احلى واحد كان فى فرح اختى
اه لا لسه شويه ... ادعيلى انتى بس ياسهى وربنا يقدم ما فيه الخير
اه طبعا هبعتلك الصور والفيديو كمان ع الواتس بس بكره بقى لانى عاوزه انام للسنه الجايه ... طيب خلاص اول ما اصحى هنزلهملك ع الواتس وابقى عرفينى رايك يا قمرى ... طبعا قمرى وشمسى كمان يا سوسو ... ماشى ياحبى وانتى كمان فى رعايه الله
انتى بتعملى ايه
كانت تحمل الطعام الذى احضرته والدتها لها : هاكل بلاش اكل بقولك جعانه
ادهم يبعد عنها الطعام : طب تعالى نتكلم شويه وبعدين ناكل
لا مهو ما ينفعش يا ادهم نتكلم
ليه بقى حرام الكلام ولا حرام الكلام
ههههه لا مش حرام ولا حاجه
لا اله الا الله يااااااارب .... طيب ما تيجى نصلى ركعتين لله عشان ربنا يباركلنا فى اليوم ده
ندى : هههههههههه منا بقولك مش هينفع خالص وانت اللى مش مصدق
ادهم : تقصدى ايه يعنى
ندى : اصلى يا روحى عندى عذر
ادهم : يعنى ايه عذر ده
ندى : انت غبى اوى ... اقوله ايه ده كمان ... عذر ملهوش معنى تانى
ادهم وقد فهم ومسح بيده شعر راسه بتنهيده وبسخريه : ههههههههههههه كملت شكل حد نق عليا انهارده
ندى تنظر اليه وتكتم الضحك واكملت طعامها ... بينما هو ركض ليتوضأ ويصلى ركعتين لله
فى الصباح المشمس الجميل تخرج من حجرتها لكنها تسمع صوت زقزقه عصافير... تتجه نحو الصوت تجده فى المطبخ فتلاحظ على طاوله المطبخ قفص به عصفورتين شكلهم غايه فى الجمال
ها ايه رايك بالمفاجاه دى
نور من شده فرحتها احتضنته بحب وتعاود النظر الى قفص العصافير .... مش عارفه اقولك ايه ربنا يخليك ليا ولا يحرمنى منك ابدا ابدا ابدا
على : حبيبتى عليها الامر بس وانا عليا السمع والطاعه ... ها هتسميهم ايه
نور بفرحه : سمسم وسمسمه طبعا
على : اشمعنى يعنى سمسم وسمسمه وانتى ايه عرفك بانه واحد وواحده
نور : ياابنى انا بابا كان جايبلى عصفورتين كناريا وكنت مسمياهم كده ... بس راحوا بقو عمتو موتتهم من الجوع
على يضمها بحنان : مش قلنا نبطل تفكير فى اللى فات
نور : مش قادره انسى ياعلى مش قادره غصب عنى
على : طول ما انا معاكى ما تفكيرش غير فيا وفيكى وبس
نور : مش عارفه لو مكنتش فى حياتى كان زمانى حصلى ايه
على : بردوه كنتى هتبقى مرات على حسن هنداوى ... قدرك يابنتى ونصيبك مش بايدك تعملى حاجه
نور بمبداعبه : بس بقى
على : يلا حضرى نفسك عشان هنخرج
نور : بجد
على : بجد يا حبيبتى بس البسى حاجه طويله كده هه
نور : ههههههه حاضر
اتفضلى يا طنط
كنت خدت منى الاكل لازم يعنى ادخل يا ادهم ياابنى
مش ترتاحى وتطمنى على ندى ... ثوانى اندهالك من جوه
نشوى : ماشى ياحبيبى وانا هحطلكم الاكل بالمطبخ
تتجه نحو مطبخ ابنتها تجد الاطباق فوق بعضها البعض غير نظيفه ونص الطعام على الطاوله ومنه على رخامه المطبخ ... يالهوى عليكى يا ندى اعمل ايه بس ياربى معاها ال ست بيت ال
وتقفز من اعلى السرير : ماما بره
ادهم : ايوه بره وعاوزاكى
وتركض اليها بفرحه عارمه لتحضنها وكانت معها بالمطبخ
وحشتينى يا شوشو اووووى
نشوى تنظر اليها وعلى ثيابها : ايه البيجامه دى ... ما لبستيش ليه البيجامات التانيه الخفيفه
ندى : هه .... المهم بس بابا ما جاش معاكى ليه هو وعموره
نشوى تنظر الى خارج المطبخ وترجع لابنتها لتجذبها بشده : فيه ايه ومال ادهم مش بطبعته ايه اللى حصل احكى
ندى : ابدا مفيش حاجه مهو كويس اهو
نشوى : طب والاكل ده ما كلتوش ليه وسبتيه ليه بره التلاجه لحد ما رحته طلعت
ندى : ياماما بقى سيبى كل حاجه وقلوليلى : بابا عامل ايه ما جاش ليه
نشوى : ابوكى لو عرف هايجى يطين عشتك يا بنت نشوى
ندى وترى ما احضرته والدتها فى بعض الاكياس : يوووووه ... بقولك جبتى ايه انهارده
نشوى : اه يانى يامى تعاليلى بنتى هتقضى عليا
كانت معه بداخل السياره وبيتجالو فى شوارع القاهره الكبرى وكانت فى اسعد حاله
ها تحبى تروحى فين
اممممممم بصراحه عاوزه اروح من زمان برج القاهره
ههههههههههه اشمعنى يعنى
عاوزه اشوف القاهره من فوق شكلها ايه
ماشى على البرج فورا
ومن اعلى البرج ترى القاهره باكملها من خلال الميكروسكوب
نور : انتى تعرف سنه كام اتبنى البرج ده
على بصراحه مش فاكر
نور : اتبنى عام 1956و1967 واتصمم بشكل زهره اللوتس المصريه
على : ههههههه ياعم ياعم على التاريخ
نور : اصلى بعشق حاجه اسمها تاريخ .... عارف مين اللى صممه ... المهندس نعوم شبيب
على : اه عارف تعرفى ان ارتفاعه 187 مترا وهو اعلى من الهرم الاكبر
نور تسبقه بالاجابه : اه بحوالى 43 مترا تقريبا صح
على يبتسم لها : صح يا نونتى
نور من قمه ساعاتها كانت بتقفز فرحأ معه الى ان رأت طفل مع ابيه
على ينظر الى ما تنظر اليه : بتبصى على ايه كده
نور : شايف الطفل اللى مع باباه ده انا بحسده (وكان ذو احتياجات خاصه )
على : ليه بتحسديه
نور : لان النبي قال يدخل الجنه أُناس افئدتهم كأفئدة الطير .. من شدة رقتها وطايبتها .. تبكي من اقل شيء .. تضحك من اقل شيء .. تسامح من اقل شيء .. من حقى احسده بقى ولا لا لما يدخل الجنه
يقبل اناملها بحب : صل الله عليه وسلم .... بارك الله فيكى يانور
نور : دول حاجه جميله اووووى ياعلى
ويتفاجىء بصديقه شادى للمره الثانيه على التوالى
شادى : ياااا ده لو متفقين مكناش نشوف بعض بالطريقه دى
على : ازيك يا شادى اخبارك
شادى :الحمدلله يا معلم ... اقدملك سحر خطبيتى واخوها نادر
على : اهلا وسهلا
شادى : ما تيجوا مدام اتقابلنا كده نروح نتغدى فى اى مكان بره
على : معلش يا شادى يوم تانى اصلنا مستعجلين .. وينظر الى نور ويجذبها من يدها ... بعد اذنكم وفرصه سعيده
وبعد ما تركهم : تصدق فعلا على راى اختك مى مغرور اوى
نادى : مين اللى معاه دى يا شادى
شادى : شكلها اخته اول مره اشوفها
نادر : مممم اخته ... اموره اوى وبريئه
شادى : هههههههه انت ناويت ولا ايه ياعم نادر ما العزوبيه كانت عجباك
نادر : بصراحه زهقت بقى ونفسى اجاى هنا واستقر
شادى : ياخويا انوى بس انت ومالكش دعوه
نادر :خلاص شوفلى الموضوع ده يا شادى
شادى : من عينا على طيب وجدع ويتناسب بصراحه
نادر: واخته قمررر الحقيقه
وانهو حديثهم بالضحك واكملو سيرهم
اركبى يلا ... ويفتح لها باب السياره لتصعد بها
وقبل ما يحرك ماتور السياره : ها عاوزه تروحى فين تانى
نور : شكلك مدايق
على : بصراحه ما بحبش حد يشوفك
نور تمسك يده بحب : بس انا معاك هه يعنى تفرق لو وحدى او معاك
على يقبل اناملها : ربنا يخليكى ليا يا نور
نور : ولا يحرمنى منك يا على يارب ... خلاص بقى فك وبطل عصبيتك دى
على : مش بعرف اتحكم فيها انا كده طول عمرى
نور: تعرف ان اصحاب الرسول بيضحكون ويمزحون ولم يكونوا متعصبين او منغلقين كما يظن بعض الناس ..
على بابتسامه : اللهم صل وسلم وزد وبارك على خير خلق الله
نور : عليه افضل الصلاة والسلام ... في يوم سيدنا عبد الله بن عُمر وسيدنا عبد الله بن عياش كانوا خارجين من المسجد فكل واحد منهم رفع ثيابه الي رُكبته وكُل واحد منهم قال للآخر أرني ما عندك وظلوا يسابقون بعضهم في الجري ... شوفت كانوا بساط ازاى مش احنا معقدين ونتعصب من اقل حاجه هه
على : حقك عليا هحاول اسيطر على اعصابى
نور : طيب يلا بينا بقى
وبعد ما انهوا تجاولتهم استقلو اخيرا السياره وكانوا متعبين بشده من كثره ارهاق يومهم ليدق هاتفها
مين ياترى ماما ولا علا
ههههههه لا دى العروسه ... وترفع الاتصال
ازيك يا عروسه
ندى : ازيك ياختى ما كلمتنيش ليه
نور : يابت انتى عروسه اكلمك ازاى يعنى
ندى : طيب :انتو مش جاين ماما برن عليها وما بتردش عليا
نور : ليه فيه ايه
ندى تلتفت ليكون زوجها سمعها : اصلها زعلت منى وشتمتنى الصبح
نور : ههههههههههههه شتمتكك ليه يابنتى هو ايه اللى حصل
ندى : مهو ما حصلش حاجه ... وبهمس ... ضحكت عليه وقلتله انى عندى عذر يمنعه عنى وهو من ساعتها قالب وشه خالص ماما سالتنى قلتلها راحت شتمانى ومشيت
نور لم تقدر ان تكتم الضحك لتطلق ضحاكتها تعلو لكنه حذرها بانها تخف من الضحك ... والله مجنونه يا بنت خالتى حرام عليكى اش حال انك بتحبيه وهو بيحبك
ندى : منا مش عارفه بقى اصلى ما بحبش لوع الدراع بقولك ايه اقفلى لاحسن يجى ويسمعنى هكلمك تانى بيباااى
اغلقت الهاتف ووضعته جانبا واكلمت مشاهدتها للتلفاز لكنها لم تدرى بانه سمع معظم مكالمتها مع ابنه خالتها نور وتواعد لها بالرد
انزلى كده
هنروح فين تانى رجلى وجعتنى
هجبلك حاجه حلوه تعالى بس
ههههههههه لو شكولاته معنديش اى مانع
شكولاته ايه بس تعالى
وادخلها محل لبيع العاب اطفال
ايه يا على انت شايفنى طفله جايبنى هنا
يابت اصبرى عليا بس ... وكان يبحث عن لعبه ما ووجدها بالفعل
ها ايه رايك
نور تمسكها وتبتسم : الله حلوه اوى العروسه دى
على فكره دى بتتكلم وبتمشى وبتقول بابا وماما
نور تحضتنها : جميله اوى
على : هههه عجبتك يا بنوتى
نور : اوى اوى يابابا ربنا يخليك ليا يارب
على : طيب يلا ندفع تمنها ونروح بقى
واول ما استقلوا السياره اندهش لفعلتها لانها قبلته بوجنتيه بحب ثم ادرات وجهها بعيدا عنه ... وهو ادار المقود واسرع بها
يا علا يا علا
ايوه ياماما فيه حاجه
بتعملى ايه عندك بره
ابدا كنت براجع لاحمد دروسه فيه حاجه
اه تعالى اقعدى جنبى
خير ياماما
بقولك ايه ... ايه رايك لو خدنا الشقه بتاعتك لاخوكى على
علا :_________
عليه : ساكته ليه ما تردى عليا ايه رايك
علا: مش عارفه اصلا الشقه بتاعك نجلاء اخته من زمان وكنا وخدنها منها ايجار بسيط
عليه : منا عارفه فكره وقلت عشان ما نبعدش عن بعض ناخدها لعلى هو ونور وانا وانتى نقعد هنا
علا : اللى تشوفيه يا ماما بعد اذنك
عليه : علا انتى لسه بتفكرى فيه
علا : مهو مش بايدى ياماما انساه ده عشره 12 سنه برده مش قليل
عليه : ربنا يصبر قلبك ياحبيبتى وييسرلك امرك
علا : يارب ياماما يااارب
وتخرج لولدها لكى تذاكر معه دروسه لتجلس بجانبه وتشرد فى حياتها مع زوجها السابق ليقاطع شرودها مجىء اخاها ونور
السلام عليكم
علا واحمد : وعليكم السلام ورحمه الله وبركاته ... حمدلله بالسلامه
نور : الله يسلمك : العصافير فين صحيح اكلتيهم يا علا
علا : ههههههههه ايوه ياختى احمد اكلهم وفضل يلعب معاهم وبعدين شكلهم ناموا
على : طيب ما تيجوا نسهر انهارده هيجيبوا فيلم صلاح الدنيا الايوبى
علا : لا اتفرجوا انتو انا يادوب احمد يخلص مذاكره واخده ونخش ننام عندنا مدارس بدرى الصبح
على يا نور جيبتوا يا ولاد
على : لا لسه يا لولو عاوزه حاجه وانا جاى اجبهالك
عليه : ما تبطل يا واد اللماضه دى بقى
على ينظر الى ساعته : امرك مطاع يا حبيبه قلبى ... هروح اكلم الكوتش اشوف فيه تدريب بكره ولا لا
نور تجلس بجانب الحاجه عليه لتريها العروسه
جميله اوى يا حبيبتى يعيش ويجبلك
وتعيشى انتى كمان ياماما ان شاء الله لينا كلنا
ها خدتى العلاج
ايوه خدته الحمدلله
بالشفا ان شاء الله ... هروح اغير بقى عشان اتفرج على فيلم صلاح الدين الايوبى
عليه : طيب ماشى لو عملتو شاى اعمليلى معاكوا
نور : حاضر يا احلى ماما فى الدنيا
يجدها جالسه تشاهد التلفاز وترشف كوب من الشاى الساخن يجلس بجوارها ومعه الهاتف المحمول ليتشات به امامها او بمعنى اصح ( بيغظها ويكدها )
ههههههههههههه والله حاجه غريبه اوى البنات دول
بنات ايه انت بتكلم مين ع الموبايل
دول الفرند بتوعى يا ستى بيباركولى على الجواز
فرند !!! احنا مش اتفقنا مع بعض انك هتمسحهم من فتره
اه بس كنت سايب كذا واحده كده معايا فى الشغل
ليه بقى ان شاء الله
يعنى عشان لو عوزت حاجه احتاجت حاجه منهم يعنى اقولهم
ادهم اقفل الزفت ده
مش قافله يا ندى ... وكمان انتى مدايقه ليه تكونيش غيرانه مثلا
اغير طبعا مش حضرتك جوزى ومن حقى اغير عليك ولا ايه
جوزك .... وهو فين جوزك ده ... جوزك اللى نيمتيه امبارح زعلان منك ولا اللى بدلتى اليوم اللى كان بيحلم بيه معاكى ولا لما كذبتى عليه وقلتلو انك عندك عذر وانتى مكنش عندك حاجه مانعه ليه ردى عليا يا ندى لو مش عاوزانى ليه اتجوزتينى
لا انا عاوزاك وبحبك
فين ده ها ردى عليا فين ... انتى تعرفى ان اللى عملتيه امبارح حرام الملايكه بتلعن الزوجه اللى تمتنع عن معاشرة زوجها
ندى بصدمه : ايه بتلعنهم ... انت متاكد من الكلام ده
والله عندك اللاب بتاعك ادخلى نت وشوفى بنفسك ... ده حديث شريف يا هانم
ندى برهبه وتتجه نحوه : طيب انت كنت زعلان منى غضبان منى يا دومه يا حبيبى
دلوقتى بقيت دومه حبيبك
خلاص طيب حقك عليا انا كنت بهزر معاك ومكنش قصدى خالص كده والله وكنت هعمل اللى انت تقول عليه انهارده
خلاص بقى صافى يالبن يا دومتى
خلاص حليب يااشطه يا نودتى بس تعرفى لو اتكرر
خلاص والله ما هيتكرر تانى انا مليش غيرك يا واد
والله يابت
اممممم
طب ايه
ايه
اقترب منها لكنها احتضنته بقوه وبحب : ما تزعلش منى بقى
ابعد عنها واقترب من شفايفها بحب : وانا عمرى ما اقدر ازعل منك يا عمرى ..... اقترب اكثر ثم بدا بطبع قبلات على وجنتيها ثم انفها ثم اقترب الى شفتيها وطبع قبلات طويله باشتياق ... و قام بحملها وركض بها الى حجره نومهم والقاها على فراشه ووووووو سما تخرج من عندهم عشان عيب الكلام ده يتقال يا سلام!
فى الصباح كان يودى مرانه داخل المستطيل الاخضر وكان معه عدد لا باس به من اصدقائه ... ركض الى المدير الفنى
على عاوز حماس اكتر من كده ابدا التقيسم تانى
على : حاضر ياكابتن ... وقبل ما يذهب اتفاجىء بصديقه شادى استأذن كابتنه وركض اليه
خير يا شادى ما عندكش تمرين ولا ايه
شادى : لا لسه مخلصين كنت عاوزك فى موضوع كده
على : خير
شادى : روح خلص التمرين بتاعك وهتلاقينى فى الكافتيريا اللى قصاد النادى
على يستغرب منه : تمام روح وانا ساعه ان شاء الله وهجيلك
بتقول ايه يا شادى
ايه ياعم مالك اهدى شويه بقولك نادر اخو خطيبتى عاوز يتقدم لاختك
على باستغراب : اختى انا
شادى : ايوه ياابنى اللى كانت معاك عند برج القاهره
على يحاول ان يسيطر على اعصابه : اااااااااااه وحضرته شايفها يومها بقى معايا
شادى : اه وبصراحه عجبته وطلب منى اقعد معاك واحدد يوم نيجى عشان يتقدم رسمى
على وينهض من المقعد ويلتقط هاتفه ومفاتيح سيارته : طيب يا شادى
شادى : رايح فين ما تقعد ونتكلم
على:... عاوز اقولك بصراحه حاجه مهمه قبل ما امشى
شادى : خير ياصاحبى
على : عاوز اعزمك وكنت هجيلك لحد البيت عشان كده
شادى : تعزمنى على ايه
على : على فرحى يا ابو الشوادى
شادى : فرحك انت هتتجوز
على : ان شاء الله اول جمعه الشهر الجاى عارف هتجوز مين
شادى : مين ياترى اللى رقت قلب ابو حسن الخطير وهيتجوزها
على بكل برود : اللى اخو خطيبتك عاوز يخطبها يا عم شادى
***********
جلس بجوارها على فراشها ويسرد لها على ما حدثه صديقه شادى عن ان قريب له يريد يتقدم رسمى لطلب يد نور لكن والدته ما كان عليها الا
ههههههههههههههههههههههه ... وبين الضحك وبعضه كانت بتسعل كثيرا
اشربى مايه وبطلى ضحك بقى ياماما انا بقولك نكته
وهى مازالت تضحك : مش عارفه والله يا على حسيت شكلك وانت متعفرت ومتعصب وبترد عليه
طيب قوليلى بقى اعمل ايه فى اللى هبتته ده
هبتت ايه يعنى مش فاهمه انت قلتله انك فرحك اول جمعه فى الشهر اللى هيهل ان شاء الله فيه ايه غلط الكلام ده
هو ايه اللى فيه غلط بقولك قلته ان فرحى عليها اول جمعه الكلام ده ايه
والله انت اللى تقول مش انا يا على
وتفاجئهم بمجئئها ويحاول ان يغير مجرى حديثهم ... هى علا فينها
الحاجه عليه تنظر اليه وبمكر : منا قلتلك راحت مع نشوى عند
ندى
نور : على كنت عاوزه اروحلها
الحاجه بمكر: اه ياعلى ابقى خدنى انا ونور ونروح نبارك لندى ... الا بصحيح يا نور ندى فى الدور الكام
نور تلاحظ ابتسامتهم لبعض : فى الدور التالت ياماما
عليه تغمزه : طيب يا على خد نور وسبونى بقى شويه
ونور تنظر اليهم بندهاش : فيه ايه ... فيه حاجه يا ماما
عليه : ابدا يا حبيبتى يلا روحو سمعو لبعض سبونى بقى ارتاح شويه
على ينظر الى والدته بصبر : ماشى يلا يا نور تعالى نسمع
نور : ماشى يلا بينا
عليه بعد ما غادور ياااارب يفق عقده لسانك ياعلى ياابنى وافرح بيكم وبعوضكم قبل ما اقابل وجه كريم
احم اقعدى يانور
نور تندهش من تصرفاته : على فيه حاجه حاسه بكده من نظراتك انت وماما
على : هه لا ابدا اقعدى وقلوليلى وصلتى لفين فى الحفظ
نور : كنت عاوزه اقولك حاجه قبل ما اسمعلك
على : خير
ابيه محمود كلمك صح
على : اه كلمنى منا قلتلك الصبح انه عاوزنا انا وانتى نروحلو المنوفيه
نور : طيب قبل ما نروح انا كنت عاوزه اخد رايك فى حاجه
على : خير يانور
انت طبعا عارف الخلافات اللى حصلت على البيت وعلى الارض اللى فى المنوفيه
على : اه طبعا بس محمود قالى انه قدر يتوصل مع الشيخ جابر ان يقدرو نصيبك فى الارض اللى اتباعت
نور : تمام ... انا بقى مش عاوزاهم
على : مش عاوزه ايه .... مش عاوزه حقك وورثك عن باباكى الله يرحمه
نور : لا مش عاوزه حقى فى الارض اللى عمتو باعتها وصرفت فلوسها مش عاوزه ابيه محمود يتكفل بحقى انا متنازله عنه ليهم
على : والله ده حقك وانتى حره فيه
نور : منا عاوزه اخد رايك انا صح ولا تفكيرى غلط
على : بصى هو من جه صح ومن جه غلط لان انتى كده بتوقفى على الطمع والجشع بتاع عمتك وابنها ومراته واللى عملوا معاكى
نور : ياعلى انا عارفه بكل ده ومتنازله مش عاوزه صدقنى حاجه ... وانا معاك مش عاوزه غيرك وبس فى دنيتى .... تغور الفلوس والاراضى اللى ممكن نكره بعض بسببها
على : حبيبتى ربنا ما يجيب كره ان شاء الله بينك وبين اهلك ده حقك والمفروض تقفى وتطالبى بيه
نور : كفايه البيت بتاع بابا ... مش عاوزه غيره بفكر اكتب الورشه كمان لابيه محمود بيع وشرا
على : انتى بتتكلمى بجد يانور
نور : ايوه مش عاوزاها اه من ريحه بابا ... بس اللى متاكده منه ان ابيه محمود هيحافظ عليها اكتر منى ... ولا انت ايه رايك
على : انتى اللى كل يوم بتغلى فى عينى يا نور
نور : طب الحمدلله انك وافقتنى لانى كنت محتاره بصراحه
على : عمرك ما تحتارى وانا معاكى سامعه
نور : سامعه ... سامعه يا حبيبى
على :روح حبيبك يا نور
اما ياما الباب بيخبط انتى فين
محدش هنا ولا ايه بس
حاضر ياللى بتخبط جايه ايه وقفالك ورا الباب
لتفتح باب شقتها وتتفأجىء به لكنها حاولت ان تغلق الباب بقوه لكنها فشلت لانه جذب الباب بقوه اكثر منها .... فركضت بداخل الشقه وهو دخل واغلق الشقه باحكام
ايه يا سيد عاوز ايه
عاوزك انتى يا امل
وانا مش عاوزاك يااخى انت ما بتفهمش
سيد ونبره عاليه لكن بأهتزاز لانه فى الفتره الاخيره اصبح مدمن : بتقوليلى الكلام ده يا امل بعد اللى عملته عشانك انا سرقت امى واديتك الفلوس حتى الدهب بتاعها ادتهولك وكتبتلك نصيبى ونصيبها بيع وشرا دلوقتى جايه تقولى مش عاوزك
كانت تقول الكلام وتبتعد منه ... وهو كان واضح عليه الاهتزاز والادمان
انت جاى ليه دلوقتى عاوزه افهم
عاوز فلوس يا امل
ملكش حاجه عندى انت خدتهم
انا ما خدتش حاجه انتى خدتيهم وهربتى بيهم انا عاوزهم
ابعد عنى ياسيد لاصوت والم عليك الدنيا
تصوتى يا امل ... انتى نسيتى انا مين
انت الشخص الوحيد اللى بالدنيا بكرهو اه بكرهك ياسيد ولو ما طلعتش بره دلوقتى هقتلك ... وجدت مقص على الطاوله امسكته بيدها
ارمى المقص اللى فى ايدك ده ... وروحى هاتيلى فلوس بسرعه يلا
منا بقولك ملكش حاجه عندى ياسيد واخرج بره البيت بقى ...امى واخواتى زمانهم جاين وهيقتلوك
ولا حد يقدر يعملى حاجه عارفه ليه لانى قفلت باب البيت تحت بالقفل والمفاتيح معايا اهى وكمان باب شقتكم قفلتها يعنى من الصعب ان حد يوصلى
وتبدأ بالصراخ لكنه يقترب منها ويضع يده على فمها
اخرسى واسكتى خالص
اممممممم
هرفع ايدى بس لازم تسمعى الكلام فاهمه
وتحرك راسها بالايجاب
تركض بعيدا عنه وتأخذ المقص الذى وقع منها ارضا ابعد عنى ياسيد هقتلك
ادينى فلوس وانا همشى
قلتلك مكلش حاجه عندى
لا ليا يا امل ليا حاجات كتير
وهو بيتكلم معها حاولت تفكر فى شىء لكى تأخذ منه المفاتيح
بقى كده يا سيكا عاوز تموت مولتك
بدا يقرب ويحن لها لما عرت له جزء من صدرها المكشوف
ماانتى اللى بعدتى ومش عاوزه تدينى فلوس عشان اجيب بودره وسجاير
وانا هديك يا سيكا هديك اللى انت عاوزه ... دا انت الحب كله
وتبتسم لنجاح خطتها لانه استسلم وبدا ان يهدا قليلا
طيب ما تيجى جوه فى الاوضه نريح زى زمان يا موله
امل تقترب منه ثم تحاول ان تمد يدها بجيب بنطاله لكنها فشلت لانه امسكها بقوه وبدا يقرب من شفتيها لكنها تحاول ان تفلت منه لكن لم تقدر لانه اقرب من الثور الهايج يحتاج الى مخدره لكى يهدا من ثورته
ابعد عنى يااخى ابعد ريحتك وحشه
مش رحيتى دى كنتى بتحبيبها
بقولك ابعد ياااااناااااااااس الحقوووونى
محدش هيقربلك يا امل الا بعد ما اطفى نارى
وتحاول ان تفلت منه لكنها بتفشل بدل المره الف لكنه جذبها بقوه وقام بضربها لكى تفقد الوعى لكنها غير مستسلمه له وبدا ان ينزع عنها ثيابها وهى ما عليها غير الصراخ الى ان نجحت بان تضع يدها على عنقه بقوه لكى يختنق وبدا ان يبتعد عنها وهى تكاد ان تخنقه بيدها لكنه امسك بالمقص الذى كان على الارض بجانبه ودسه فى احشائها مرات متتاليه الى ان فقدت الوعى ... لكنه حاول ان يهدا ولم يتراجع عن فكره ان يقوم بالتعدى عليها جنسيا
الى ان الجيران والماره واهلها يحاولون ان يفتحو باب المنزل لكنهم لم يقدرو لانه مقفول بقفل كبيره وبداو ان يكثروا ليصعدوا الى امل التى لم يعد لها صوت مره اخرى ... وبالفعل قاموا بتكسير القفل وركضوا مسرعين الى اعلى الشقه وتم كسر الشراع ليدخلوا ويتفاجئوا بان سيد يتعدى عليها جنسيا وهى ملقاء غارقه بدماااائها
قلتلها يا على
ما قدرتش اقولها
ليه ياابنى بس اول الشهر قرب ولازم تعرفها عشان نجهز حالنا بقى
ياماما شويه كده بس وهقولها
خلاص هقولها انا
لالالالا انا اللى عاوزه اقولها بنفسى
طيب ومستنى ايه
لما نيجى من المنوفيه ان شاء الله هقولها
هتسافرو امتى ان شاء الله
بكره ان شاء الله الصبح بدرى عشان نرجع قبل الليل
تروحوا وتيجوا بالسلامه يا حبيبى ... اكلم نجلاء واقولها على الشقه
لما اقولها الاول ياماما واشوفها يمكن ما تحبشى تسكن هنا عشان ما اغصبهاش بس
لا ياحبيبى كده كويس عداك العيب كله الا الغصب كفايه اللى حصلها فى حياتها
اسكتى بقى عشانها جايه اهى
عملت حته كيكه انما ايه هتاكلوا ايديكم كلها وراها
طبعا هناكل ايدينا مش من ايدك يا نور
دوق كده يا على
على ويأخذ منها طبق ويتذوقها : ماشاء الله جميله اوى تسلم ايدك
نور : تسلملى يارب
وانا مليش فيها ولا ايه
لا طبعا ليكى يا ابله علا
حمدلله على السلام يا علا
الله يسلمك ياماما
فين العيال امال
نشوى صمتت تاخدهم احمد شبط فى عمرو وهى شالت ادم وقالتلى سيبه معايا شويه
طيب تعالى اقعدى
ماشى اغسل ايدى بس وجايه عشان اكل من الكيكه اللى ريحيتها جايبه اول العماره دى
على : وانا هروح اوضتى
عليه لنور : نور روحى وراه اجرى
طب والطبق بتاع الكيكه
يابت سيبه واجرى روحيلو يلا
نور : مش عارفه ليه كده حاسه بان فيه حاجه مخبينها عليا يا لولو
هههههههههه طول عمرك ذكيه ياحبيبتى بس هو اللى هيقولك ماليش دعوه انا بقى
اممممممم يبقى استرها يارب عليا
ركضت اليه وجدته يتصفح الفيس على الحاسوب الخاص به
تعالى اقعدى واقفه ليه
بتكلم حد
لا بشوف اخر الاخبار
طيب ... هنسافر امتى ان شاء الله
ويأكل قطعه من الكيك : بكره الصبح زى ما اتفقنا
نور : كويس ... كنت عاوزه اعمل صفحه على الفيس
على ينظر اليها بحده لكنه اغلق الحاسوب واكمل نظره اليها ": ليه
يعنى اشغل وقتى اللى فاضى
امممم تشغلى وقتك اللى فاضى !!!
اوكيه لما اكون فى البيت افتحى حسابى واشغلى وقتك اللى فاضى بيه
بتاعك انت
اه بتاعى انا ايه مش عجبك الفيس بتاعى
لا مش موضوع بس هشوف فيه ايه اكيد كله صفحات رياضيه
ياستى بسيطه ابقى اشوفلك كذا حاجه رومانسيه وثقافيه واتابعهالك ها حاجه تانيه
هو انت ليه مش عاوز يكون ليا صفحه مخصوص ... ندى عندها وجوزها عارف بالصفحه دى
وانا مليش دعوه بحد يانور انا ليا دعوه بيكى انتى وبس .... وانا قلت مفيش صفح غير صفحتى عجبك ولا اقولك مفيش لاب من الاصل
لالالا على ايه صفحتك صفحتك مالها يعنى دى حتى دمها زى العسل
ماشى اتريقى اتريقى
وهو انا اقدر برده يا لولتى اتريق عليكى
بت بطلى دلع لانى خلاص على اخرى
طيب خلاص شايفه فيه حاجه فى عيونك عاوز تقولها بس جواك مش عاوز دلوقتى
هههههههههههههه حلوه جواك مش عاوز دلوقتى دى ... خلاص لما جوايا يوافق ابقى اقولك
هههههههههه طيب وانا معاك للنهايه ياابن حسن
وانا مش عاوز غير كده يابنت عثمان
ويجذبها بجانبه ويفتح مجدداا الحاسوب ويعطيها قطعه من الكيك لكن بفمها ويتصفحوا الفيس سويا
عملتى الفشار يا ندايا
لا لسه بدور على غطا الحله
ويذهب اليها : يالهوى عليكى مهو اكيد يا فالحه كل حله ومعاها غطاها
لا منا مش هعمل فى حللى الجديد يا خويا هعمل فى حله ماما دى
ليه يعنى انتى مش هتستعملى حللك ولا ايه
لا هستعملهم بس مش دلوقتى ليه اوسخهم واوسخ ايدى فى التنضيف
ياسلام ما كده او كده هتغسلى حلل امك
لا يا ظريف امى بتيجى تاخد الحلل كلهم وبتغسلهم عندها
يخربيت فقرك حتى المواعين ما بتعرفيش تغسليهم
لا بعرف بس انا عروسه بذمتك شوفت عروسه وافقه على حوض المواعين وبتغسل
لا بصراحه شوفت اكتر .... عروسه يوم زفافها اللى اى بنت وولد بيحلموا بيه العروسه تكذب على عريسها وتنيمه وهو زعلان منها
يالهوى عليك قلبك اسود انسى بقى
ههههههه لا مش هنسى وهفضل فاكرها لحد ما اكبر واقولها لعيالك عشان يعرفوا ابوهم اتعذب اد ايه مع امهم
بقى كده يا ادهم
ايوه كده يا ندى
طيـــــب خد بقى انت اعمل الفشار وورينى هتعمله ازاى
يلقى الاناء جانبا ويركض خلفها
خدى يابت استنى
لا مش هستنى يا ابو قلب اسود
يابت هتندمى
امشى يا ادهم بقى
طيــــب انتى اللى حكمتى بنفسك ... وحملها وادخلها حجره نومهم وبدا يداعبها الى ان وضعت يدها على عنقه وبدات ان تقبله بحب ورومانسيه وووو اسدالت الستار سما عن هذا الحوار
مرت الليله وياتى اليوم الثانى نجدهم فى ارض كبيره خضراء والهواء العليل يحرك الاشجار التى بها ويحرك ايضا حجابها الى ان جاء اليها على
ايه الجو واخدك عنا
بصراحه يجنن يا على المنظر خلاب
بصراحه اول مره اشوف اراضى بالشكل ده على الحقيقه ... هترجعى فى كلامك
لا طبعا مش هرجع ... بص اهو البيت بتاع ماما اللى بابا كاتبه باسمها
اه ماشاء الله جميل وكبير
ده بقى ان شاء الله هكتبه باسم حسن
حسن مين ياختى
ههههههه وتضع يدها على وجنتيه بحب : حسن على حسن على هندواى يا بابا
بحبك يا نور
ايه ايه قولها تانى
بحبك يانوووور
ممكن مره كمان
قام بحملها ويدور بها حول الارض الخضراء وباعلى صووت
بقولك بحبــــــــك يا نـــــــــــــــــــــور
هههههههههههههههههه نزلنى يا مجنون بقى
مجنون بحبك يا بنت عثمان
|