[لامارا]

.البارت الثامن
الى النجاح
•
•
•
•
تصدق هالمدى معذور...
اذا ضاق الفضاءلأجلك
يبي له من بسمتك نور
لأجل يضوى ا لصبح وصلك ..؟


امل /محمد بيشو زعلانه وماترد علي
محمد/ادري ياقلبي انتي لاتتضايقين نامي عندك امتحان مابي سهر
امل /مابي خايف خايفه وصارت تبكي
محمد/لايابعد قلبي انتي لاتخافين انتي مذكره
امل /ايوه
محمد /اجل لاتخافين سمي ونامي وان شاء الله بكرة بتحلين وش مخوفك
امل /اخاف مااجيب كامل وعدت عمي اجيب امتياز
محمد/هههههههههه مانبي امتياز انجحي بس. يالله اميرتي لازم تنام على سريرك ياحلوه. بسرعة
امل/طيب الله لايحرمني منك ياحلى اخ بالدنيا كلها
محمد/ولا منك ياروح وقلب اخوك. سمي واقري اذكارك وسليب
سكرت امل وحاولت تنام ماقدرت فتحت النور ورجعت للكتاب تقرا ولاحست ونامت على كتابها
الفجر
كل جوالاتها ترن
امل /الو هنود صحيت
طيب
لالا ماله داعي تجين وراك مدرسة
ان شاء الله. وسكرت
اخذت شاور وصلت وجلست تقرا اذكارها
ثم رتبت اغراضها ولبست ونزلت
دلال/ صباح الخير. يالله بسرعة ابي تاكلين
امل /صباح النور متى جيتي
دلال /قبل الفجر
امل /مالي نفس مابي اكل شيء
دلال/لازم تاكلين وراك اختبار مايصير تروحين جوعانه
امل /مابي مابي
امي حصة صاحية
دلال /ايوه روحي
امل /مشت ورهف بنت دلال متعلقه برجلها ومالها نفس تلعب معها
دخلت سلمت ورجعت طلعت
لبست عبايتها.
دلال /لسى بدري
امل/بس زحمة وبعيد
ولبست عبايتها وطلعت
الامحمد واقف عند الباب وكان يكلم بالجوال سكر وسلم عليها
امل/صباح الخير
محمد/صباح الناس الحلوه تاخرنا ياقمر
اتصلت هند على محمد
محمد صباح الخير يام عبدالله
ايوه هذاهي قدامي
طيب
لاتخافين روحي لدوامك
ماراح يصير الا الخير وروحي انتي
طيب
امل /اكيد هند
محمد/ههههههه يس خايفه عليك
معك فلوس
أمل /معي والله
ركبت بالسيارة
محمد /طلعي محفظتك اشوف
امل /شوف والله معي
محمد /زين هذي دلال
حنا اليوم حالة استنفار
هلا
طيب
ماعليك
ليه
مايمدي الحين طيب
لا طلعت من الحارة مايمدي ارجع
طيب ماعليك انا اتصرف وسكر
محمد مسك يد امل الا هي بارده
ليه مااكلتي
أمل/والله مالي نفس
محمد /بنزل اجيب لك شيء تاكلينه
شيء خفيف طيب
أمل /لا لا مابي لو اكلت برجعه مابي بليز
محمد /خلاص شوي وتبكين
ابي لاخلصتي تاكلين وعد
امل /مدري على حسب حلي
جلست هاديه حاولت تذاكر شوي وتحس خلاص بتبكي
محمد /اموله سكري كتابك واستغفري احسن وحنا قريبين من الجامعة
فعلا جلست تستغفر وهدت شوي
محمد /مسك يديها لاتخافين. اهدي وسمي واذكري الله لاتخافين انا انتظرك هنا لين تخلصين ماراح اروح مكان منتي لحالك اوكي. لاتقرين كل الاسئله حلي واحد واحد وامسكي قلمي معك اخاف يوقف القلم اللي معك
امل /لازم قلم مخصص
مسح محمد الدمعه من عينها وباسها على حبيتها وسمي عليها ونزلت اشرت له ودخلت.
نزلت عبايتها وتوجهت للمكان اللي يتجلسون فيه البنات
الا نوف جالسه
أمل /صباح الخير غريبه نوف جايه بدري
نوف /صباح النور لاني مواصله ومانمت خايفه خايفه وعندي الم ببطني
جلسوا سوالف الا ريما جايه
وجلسوا تعليقات على نوف
نوف /جد ترى ماني رايقه الله يعدي المادة ذي على خير لانها اصعب مادة
الهنوف /شوفي ريم بسرعة
ريم /جايه من بعيد تغني
ريما /اكيد انجنت
ريم / Good morning
Are you okay
عبير /لاريم فاصله نهائي
ريم/ Je suis de bonne humeur
نوف / Reem تtes-vous d'accord
ريم/ je vais bien
عبير/ يليل أبو الفرنسي خلاص
ريما /بنات خلاص الوقت بدا
بسرعة راحوا للقاعة
كل وحده جلست مكانها
امل /موت خايف وترجف وصارت تدعي بكل الادعية اللي حافظتها
وجابوا الاوراق
حتى من الخوف ماكتبت اسمها فتحت اول صفحة شافت اول سوال حافظته كان هشوم عندها ولون الصفحة بالالوان فتذكرها حرف حرف
حلته بسرعة وراح الخوف منها وبدت تحل سوال سوال
محمد /برى خايف وكل شوي وحده من خواته متصله
محمد /سارة والله العظيم طفشتوني بسكر جوالي
سارة /جت براسي
محمد/ ايه والله انا خايف اكثر منكم هي وعدتني اول ماتطلع تكتب لي
وباقي ساعة كامله بسكر جوالي وانام اكتبي بقروبكن طفشتنوني
سارة /طيب لاتزعل ووالله اخايفه عليها ودلال تقول مااكلت شي ء
ورحاب تقول من البارح وعندها الم بمعدتها مدري خايفه
محمد/مافيها الاالعافيه بس امل تخاف اول يوم. عارفتها وان شاءالله تحل كويس الله يعدي المادة ذي تقول اصعب مادة وخايفه منها
سارة /يارب يسهل عليها اختبارها طيب نام انت.
سكر محمد جواله حاول ينام ماش خايف نزل وجلس يسولف مع رجال جالسين
خلص الاختبار
عبير /مره صعب صعب العجوز الشمطاء الامريكيه ذي ودي اذبحها
نوف /مره تجيب شيء دقيق ضاع راسي مدري وين مطلعتها سوت قانون دولي من راسها
الهنوف / اسئلتها دقيقه وتقلدها
ريما /هاي كيف الامتحان
عبير /صعب
ريما /لاحلو جد فيه اشياء كثير توقعتها ماجابتها
نوف /وين اموله
ريما /اشوفها مع هيفاء وشكل هيفاء جايبه العيد مدري.
عبير / الرسوب كثير من عندي اشوف فيه بنات يبكون والله صعب
الهنوف /من ماشفت
عبير/الا انا ونوف شفنا اول ماطلعنا
امل /هياات وهي معها جوالها مسكره من محمد تطمنه
ريما/كيف اختبارك
أمل /مره حلو. شفتي اللي قلت لك بالمحاضرات الثلاث الاخيره جابته
ريما /من جد تصدقين ماكنت ناويه اذاكره
امل /هشوم بعد قلبي لونها كلها الوان يقول شجره
ريما /ههههههههه
امل /وانتم حليتوا
عبير /اخيرا تذكرتونا حلينا بس الله يستر
صعب
امل /انا بطلع محمد ينتظرني وميته تعب اشوفكم بكره
نوف/وانا مواصله ابي انام واصحى اذاكر ظلم يحطون مواد صعبه ورى بعض
ريما /يبغون يشوفون القدرات
وتفرقوا لان الكل تعبان
محمد/ حليتي زين
امل / الحمدلله. حليت ان شاءالله كامله
محمد/الحمدلله وصارت تسولف له
محمد ترى خواتي ازعجوني وانا اعصابي متوتره والله ودي ادخل واقول وين اختي
امل / هههههههههه
محمد / ارتاحي ونامي زين ثم واهم شي تاكلين زين ناحفه الايام ذي ترى
امل /ان شاءالله
محمد / وقف السيارة يبغى يشتري لها شي تاكله الاهي نامت ولاعاد حست من التعب
محمد/بسم الله عليك ياقلبي على التعبانه والله كنها طفله بالابتدائي باسها على جبيتها وعدلها ومشى
اتصل بدلال الاهي نايمه ولاترد
اتصل برحاب وهي مداومه مو بالبيت
محمد/ الو
خلود/ وينك بشر من اليوم اتصل يامسكر يامشغول
محمد/هههههه من خواتي كل وشوي متصله أذني اوجعتني من الاتصالات
خلود/ خلصت امل
محمد/خلصت وحلت الحمدلله. وهاذي معي ونامت ماحست بنفسها
خلود/ياقلبي عليها والله البارح مااكلت ومعدتها تعورها انا ورحاب
حاولنا نعطيها شي ياترجع ولامابي
محمد/ اسمعي انا قريب من البيت روحي لبيت عمتي ابي لاجيت الا انتي هناك مابي اصحيها ابي تغيرين ملابسهاً وسوي لها كمادات احس عندها حراره ترى دلال عندك نايمه صحيها وسووى لها شي تاكله وان ما اكلت اتصلي علي.
خلود /ان شاءالله
وماني جاي على الغداء معزوم
خلود /طيب
خلود /غيرت ملابسها وجهزت عيالها وعلى البيت الثاني
محمد /دخل وهو شايلها وطلعها فوق
محمد/ اذا مانزلت حرارتها ودوها للمستشفى غصب
خلود /لاتخاف روح انت.
محمد /بسم الله عليك باسها وطلع
خلود /غيرت ملابسها وجلست تسوي لها كمادات
رحاب /شافت مكالمات محمد ولما عرفت جت مسرعة وعلى اللبيت
رحاب/بسم الله عليها وش فيها
خلود/وش فيك عندها حراره وهي نايمه ماتدري عن نفسها نزلت الحراره شوي وش فيك انتي اهدي
رحاب. والله ماكنت ابي اداوم بس محمد قال روحي
خلود/ واذا جلستي وش بتسوين اذكري الله البنت مافيها شيء. بس تعبت روحي ارتاحي انا عندها
رحاب /ودلال وين وش فايده انها جايه عندها
خلود/ نايمه
رحاب /. مامنها فايده ابد وانا بجلس عندها وانتبه لها
خلود /ههههههههه. روحي ارتاحي. لاتزعجينها خليها تنام وراها بكره امتحان
رحاب / طيب بغير ملابسي واسوي الغداء
خلود /لاتسوين شيء انا طلبت الغداء بعد ساعة بيوصل.
رحاب /الله لايحرمني منك بروح اصحي اللي نايمه قاهرتني
خلود /سكري الباب على شان هشوم وجوجو مايزعونها
رحاب/ طلعت البزران كلهم فوق مع الشغاله ابي هدوء تنام
خلود /ازين شيء
نزلت الحراره وجلست خلود تقراء قران لها
دلال /خلود ارتاحي انا بكمل قرايه
خلود / طيب امسكي
امل /تحركت
دلال تاشر لخلود
امل / تتكلم ولايعرفون وش تقول شوي انجليزي وشوي عربي بس عرفوا انها موادها اللي تدرسها
دلال /ياقلبي من الخوف تحلم فيهم
عدلتها دلال وسكرت عليها وطلعت مع خلود
رحاب /ليه خليتوها
دلال /خفنا نكمل قرايه تصحى العصر نصحيها
تغدوا وسوالف.
ماحسوا الا امل نازله تناظرهم بنصف عين ماتدرين. ليل نهار
رحاب /بسم الله عليك امل امل
دلال /اخاف نايمه. قامت ومسكتها من يدها وجلستها
دلال /امل امل اصحي
امل /حنا اي وقت
خلود/ ثنتين ونصف
امل /مايمدي اذاكر
ورجعت نامت على دلال
رحاب /هي صاحية ولا تحلم ولا وش فيها. اتصلي على محمد
خلود /وش فيك اهدي
خلود /قامت وجلست عندها الاهي نايمه
وصارت تضحك
مافيها شيء نايمه
دلال/. صراحة المره بزياده خوفها ماعمرها سوت كذا وحنا اول يوم شوفي كيف اجل اخر يوم وش بتسوي
رحاب /هي قالت اصعب المواد الاسبوع ذا وخايفه والله هي دايم تذاكر بس
ليه تخاف كل ذا
شوي الاهي صحت
تبكي
امل انا جوعانه وتبكي
رحاب /ههههه هاذا اللي ماياكل يومين.
دلال / امشي اخذي شور تصحين شوي
خلود / وحنا بنجهز لها الاكل
مسكتها دلال واخذتها لغرفتها
اخذت امل شاور ونزلت الاهي مصحصحه ومروقه اكلت شوي وقال خلاص شبعت وطلعت لغرفتها تذاكر
بعد المغرب
محمد / اكلت
رحاب / مو كثير
محمد/ انا ارسلت سعود يجيب لها ايسكريم وبيتزا بطلع لها وبتعشى معها وانتم اطلبوا اللي تبغون
رحاب / طيب بخلي عبدالله يطلب
خلود/الله على اخوي
رحاب /وش فيك وصارت تعاند خلود ومحمد طلع لامل
دخل محمد لما دخل وانصدم من منظرها
امل /غرقانه تذاكر لدرجة ماحست على الباب
محمد/بسم لله الرحمن الرحيم امل فيك شي ء
أمل /رافعه رجولها فوق واقفه على يدينها والكتاب رافعته على دب
لما دخل محمد وكلمها انهلبت وطاحت
امل /اي اي
محمد /مشى مسرع لها وشالها يوجعك شيء
امل /لا فيك شيء انت انا اذاكر
محمد /انتي خوفتيني احد يذاكر كذا
امل /ههههههههههه انا
محمد/وانا اقول احلام بنتي من جايه عليه
امل/على عمتها
محمد/ كيفك الحين
امل /تمام التمام
محمد/ كويس كيف المادة بكره
امل /مو صعبة مره بس مره دقيقه لازم حفظ
محمد/سكري الكتاب الحين وقت راحة
امل /امممم بس الكتاب كبير
محمد/بعد العشاء كمليه صار يسولف معها
سعود/ عمة ممكن ادخل
امل/حياك
دخل الا الثنائي معه هشوم وجوجو وعلى حضن امل
محمد/ليه بعض الناس معك
سعود/ماقدرت اهرب منهم مترصدين لي واصلا انا حاسب حسابهم فتح لهم علبة البطاطس وجلسوا ياكلون
محمد/ اموله وهاذي البيتزا اللي تحبين لازم تاكلين
امل /اذا بتاكلون معي باكل لحالي مايجي لها طعم
سعود/اكيد بناكل جلس. جنب عمته
ويقرا من كتابها
سعود/يبه ترى عمتي ريم معصبه
محمد/ليه
سعود/اتصلت علي وقلت رايح اجيب بيتزا وكرشتني قالت تاكلون وانا من العصر اطبخ. ومن بياكل العشاء ههههههههه
محمد/ هههههه انا معزوم عند جدك
سعود/وانا عندي اختبار طاحت براسك ياعمة
امل /ريم بتعصب
محمد/لازم تتعشين لاجت ريم الحين حنا المغرب ومتى بتجيب العشاء بتكونين جعتي محتاجة طاقة
سعود/عمة وش رايك ادخل حقوق شكله حلو
امل /بقوة بس لازم تجيب نسبه حلوه
سعود/عبدالله محفر الكتب يبغى هندسة
محمد/احسن منك
سعود/وانا بدخل حقوق ولا قانون ولاعلوم سياسيه
محمد/ههههههههههه مااتوقع
امل /لاتحطم الوالد
محمد /يالله اكلي كله والمشاغبين باخذهم معي سعود عندك يكفي
امل /بوسة يالله وركض على حضنها
شالهم محمد وطلع
جلس سعود يسولف على عمته لين اذان العشاء وطلع صلت امل العشاء وكملت مذاكره لين 10 ونصف
الا الباب
امل فتحت الباب
مشعل /عمة تقول تنزلين تتعسين معنا ولا نطلع لك عساء
امل /هههههههه لا بنزل اتعسى معكم فدين العساء انا شالته ونزلت
وسوالف واكلت بس ورق عنب وشوي مكرونه على شان ريم ماتهاوشها وطلعت
كملت مذاكره
امل /يوه الساعة 3وباقي 100 صفحة ماحفظتها ابي ابكي اخذت شاور وتنشطت ورجعت تقرا لين اذن الفجر صلت وقرت اذكارها ورجعت تقرا
ثم لبست ملابسها ونزلت بسرعة
الا ماجد نايم بالصالة ودلال جهزت الفطور
امل /صباح الخير وش جايبه ذا هنا
دلال / صباح النور جاي بعد الصلاة على شان يروح معك للجامعة مانقدر نخليك لحالك مع السواق
امل / غريبين الحين اذا بطلع للسوق اروح معه لحالي
والجامعة لا
دلال /لما تطلعين لحالك المكان قريب واذا بتروحين بعيد دايم معك احد والجامعة بعيده بسرعة اكلي لاتتاخرين
مجود اصحى الفطور
ماجد/اصلا محد ينام عند عيالك
جننوني. والله ياخاله ودي ارميهم على الجدار
دلال /لاوالله
ماجد /ياصباح الناس الحلوه فديت خالتي بس الاموره
امل /بطل بكش يابو لسان تعال لانتاخر
افطروا بسرعة وطلعوا
وماجد فال امها يغني ولاشال له شيله وامل تهاوشه تبغى تراجع
بالجامعة. تراجع مع ريما
عبير وريم يهاوشون على سوال ثم دخلوا القاعة
بعد الاختبار
ريما /نوف حليتي
نوف /جميل
عبير /غريبه
نوف/اصلا انا اذاكر مو زيك. يالله يسو بنام
ريما وانا بعد مصدعة حيل وامل بعد طلعت وريم والهنوف وعبير جلسوا سوالف ثم طلعوا يفطرون ويتمشون
رجعت للبيت صلت الظهر ونومة ماصحت الا قبل المغرب
مرت ايام الاختبارات على خير واليوم اخر يوم
بعد الاختبار
نوف /اخير خلصنا مابغينا
ريما /مره احس لي سنة اختبارات
عبير / نوف على الاقل خسيتي
نوف /مره عشره كيلو ههههههعهههع
الهنوف / وش بتسوون لاتقولون بتنامون اليوم لازم نطلع كل عقد الاختبارات
امل /من جد. انا عازمتكم في البلورة قو
طلعوا سوالف
وعلى الفيصلة سوالف وجابوا الفطور وضحك ثم نزلوا للسوق تمشوا لين الظهر
دخلو صلوا بالمصلى
الهنوف /وش خطتكم
ريما /انا بروح لجدتي لولوة من فترة عنها
نوف. /بروح معك
ريم /والله من زمان ماراحنا لنا والله مشتاقه لذيك الحلويات مشينا بنات جعت من ذكرتها هههههههههههههه
عبير /والله من جد مشينا
امل / وانا بطلع للبيت
نوف /مافيه جدتي طالبتك اصلا تبغى تشوفك
ريما/ من كثر ماتكلمنا عنك ههههههههه قو الى بيت جدة
راحوا كلهم لبيت الجدة لولوة
دخلو البنات ونزلوا عباياتهم امل حاول تتاخر بتعديل مكياجها وورشت عطر ومشت
الجلسه لونها ازرق مع ذهبي والورد بكل مكان معطي الجلسه راحة
شافت ريما جالسه وجنبها نوف وجنبهم وحده وعرفت انها الجدة وجنبها الهنوف ثم ريم وعبير
بكراسي منفردة
ريما /تعالي هنا
جدة اعرفك ذي امولة
امل /مستحيه مره
الجدة بتقوم تسلم عليها
أمل/والله ماتقومين وسلمت على راسها بكل ادب ورسميه ونزلت وباست يديها وكيفك ياجدة ان شاء الله بخير
انا اأمل
الجدة لولوة /ماشاءالله. بخير ياقلبي صراحة ماعطوك حقك تعالي جنبي قامت الهنوف وجلست امل مكانها
الجدة /اخيراً شفناك انا من زمان ودي اشوفك داخله قلبي والحين بزيادة تراك اغلى من الثنتين ذولي
ريما /جدة سلامات سحبتي علينا
ريم /كفو ياجدة
نوف /جدة كيف شفتي امولة
الجدة لولوة/ بسم الله ماشاءالله ادب ونعومه وجمال
امل /استحي ترى
باستها الجدة على جبينها. وسوالف
ريم / افا ياجدة وين الحلويات شبعت من ذا العصير
الجدة لولوة /مافيه حلويات الغداء واللي ماتاكل صحنها مافيه حلا
ريما / جدة ظلم
وتوجهوا صالة ثم غرفة الطعام
ريم /لا لا مو كل ذا ياجدة
الهنوف /جدة اليوم مسوية لنا خطة
الجدة لولوة /اكيد اعجبك انا شوفي وجيكم مصفره من الاكل الفاسد اللي تاكلونه
عبير /بس ياجدة اليوم زايدة الكميه
الجدة /اقول اجلسي واكلي وتراني طالبه حلويات مخصوصه عاد اللي ماتاكل صحنها مالها شيء
أمل /تر كلها صحن خضار وصحن سلطه
ريما /مااحبها
اكلوا البنات بالغصب وضحك على ريما اللي زادت لها جدتها صحن زيادة
ريما/تكفين الله يخليك مااحب السبانج الله يخليك ماأبغى
ريما /عندها فقر دم ولاتاكل خضار فيزيد عندها الوجع وجدتها دايم تسوي فيها كذا على شان تاكل
بعد الغداء سوالف وصلوا العصر ورجعوا على الحلويات والقهوة
عبير /خطيره ياجدة والله عادي اتحمل. خضار
نوف/جدة بنام عندك
الجدة لولوة /ريما وين دانه ماهي عوايدها من زمان عنها
ريما /مااعرف عندها امتحانات اكيد مشغوله
نوف /انقلب مزاجها
امل /شافت كيف نوف تغير مزاجها
ريما /بتصل عليها الحين لاتهتمين. وراحت
الجدة لولوة /تضرب راس نوف وانتي متى بتصيرين عاقلة زي دانة
نوف/انا وش زيني وش فيها زود ذا الدانة
الجدة لولوة / ناعمة وعاقلة
نوف /وانا ياجدة ولد عندك انا ناعمة وعاقله ولاكل شيء ريما ودانة
زعلت وطلعت للحديقة
ريما /جدة تقول تعبانه شوي وبتزورك ان شاءالله بكره بعد المغرب تامرين شيء
أمل /جدة استاذن
الهنوف /خليها بتبكي وترجع
امل /لابروح لها
ريما /تلاقينها متخبيه ورى شجرة الورد
بالزاويه وقولي لها عبدالعزيز مسافر جدة ماراح يجي
طلعت أمل /معها علبة موية ومناديل وفعلا بالمكان اللي قالت ريما جالسه ضامه نفسها تبكي
امل /نوفه لاتبكين وش فيك
نوف/تشرب مويه مافيني شيء
أمل /كيف مافيك شيء وانتي تبكين
نوف/امل خلاص مافيني شيء
امل / ريما تقول ان عبدالعزيز مسافر جدة ماراح يجي
ريم والهنوف جو
ريم /متى تبطلين الغيرة ذي طنشي
الهنوف/والله مايستاهل دمعة منك اصحي
وجدة لولوة تبغاك
جلسوا البنات ونوف وقفت دموعها
ريم /متربعة تقطف ورد وتكتب اسمها على العشب
نوفه ليه غيرتي رايك ماعاد بتسافرين معنا باريس
نوف/ غصب عني مو بكيفي الوالد يقول لازم احضر حفل تخرج سلطان
الهنوف /والله حركات وتخرج سلطان. من يصدق بس يانوفه حنا مخططين من زمان لذا السفرة
نوف/قلت لك امر من الوالد
قاموا البنات الهنوف مسكت نوف عدت شعرها
اسمعي ريما عازمتنا بكره قي المزرعة واكيد اكيد بتعزم بنات عمها وبتجي العلة دانه الله يخليك طنشيها
ريم /مابي تستفزك فهمتي
نوف /احاول
أمل /وش السالفة
ريم /ريما عازمتنا كلنا بالمزرعه حقتهم وطبعا ريما بتعزم بنات عمها كلهم واكيد العلة دانه اول الحاضررين
أمل /مافهمت شيء بس سكتت
ورجعوا للبيت
الجدة اخذت نوف وراحت تبغها لحالها
والبنات جالسين
أمل /انا تاخرت كثير
ريم /انا بعد ابي اطلع انام بس لازم نسلم على الجدة
ريما / طيب وراحت ورجعت
ريما / اموله تقدرين تروحين
ريم /اموله مشينا بوصلك بطريقي
وصلتها ريم ومشت
دخلت امل الاخواتها بالصاله مجتمعين
هند ورحاب ودلال وريم ونورة وخلود زوجة محمد
أمل /حركات مجتمعين
هند /وين طالعة من الصبح وكم الساعة الحين
نزلت عبايتها وجلست تتقهوى معهم
امل /متصله بمحمد وبعمي وماخذه اذن
خلود\ وين رحتي
امل / بعد الامتحان. طلعنا للبلورة عزمت البنات على الفطور
نورة /كفو اختي
أمل /بعدها فرينا بالسوق وصلينا وطلعنا لبيت جدة ريما ونوف وطلعت من عندها وجيتكم بس
رحاب / شوفي وجهك مرهقه روحي نامي
ومحمد /يقول الرحلة بكرة الفجر
أمل /اي رحلة
ريم /وش فيك. جدة ترى بشاير مزعجتنا.
امل /يوه مارتبت شيء ومعزومة بكره على بارتي
متى بتجهز
خلود/نامي وجهزي اغراضك وروحي لحفلتك عادي
امل /ريما عازمتنا بالمزرعة من قبل العصر لازم اروح فيه خيل وكذا العصر. والليل البارتي مايمدي اسوي شيء ياراسي وطلعت تحوس باغراضها
هند/ياربيه طفله متى متى تكبر. دلال روحي ساعديها اكيد حايسه الغرفة
دلال /بنتي نايمه على رجولي
رحاب /عذرك دايما جاهز انا طالعة لها
ريم وانا معك
فتحوا الباب الا الغرفة ماتشوفين الارض من الملابس. والحوسه وامل نايمه بين كل ذا ماعاد حست بنفسها
رحاب /ياقلبي عليها
ريم / بنحاول نصحيها لسريرها
امل /ماحست فيهم ولاقدوا يصحونها رتبوا الملابس ونزلت رحاب
رحاب /امل نايمه بالارض رتبنا الغرفة بس ماقدرنا نصحيها
طلعت خلود وهند
هند /فديت اللي نايمه
خلود/مانقدر نشيلها
هند /اتصلي بمحمد يجي يشيلها
خلود/محمد وكل الشباب معها طالعين للثمامة
ريم /رحاب. خلي عبدالله ينزل يشيلها وانتم مالقتيوا تحملون الامع بعض
خلود/ ياربيه طاحت بروسنا يارحاب
رحاب /الله يصبرني انزلوا
رحاب /الو ابو مشعل نمت
عبدالله /وعيالك يخلون احد ينام
رحاب / ابي تنزل ابيك بشغله
عبدالله /وش عندك
رحاب / عبود تعال
عبدالله /اوك نازل ياقلبه
نزل عبدالله ودخل
عبدالله /وش عندك
خلود/ نبغى تشيل امل وتحطها بسريرها
عبدالله /ممامنك انتي وهي فايدة
خلود/تكلم عن زوجتك فقط
عبدالله /لاوالله هين ان ماقلت لمحمد
طلع الاهي بالارض شالها وحطها بسريرها غطتها رحاب
عبدالله /الحين من كبرها ماشلتوها والله كنها بزر. بس تتدلعون
رحاب /عبدالله
عبدالله امشي وين عيالك
رحاب /طاحت براسي
خلود/تضحك وتغمز لها منك لزوجك مالي دخل
طلعت رحاب وعيالها
و نوره راحت من زمان
ماباقي الا هند وريم ودلال
وخلود
سوالف
ريم /اقول وش رايكم نسوي لها حلويات وكذا وتاخذها معها مو حلو تروح من العصر ومامعها شيء
هند /ماهي شينه
خلود/ اول قرروا وش بنسوي ثم ندخل المطبخ
حطوا خطه للعمل
ودخلت خلود وهند وريم
للمطبخ ودلال مع البنات جلسوا عند البزران
بعد الظهر
دلال /اموله اصحي متى بتجهزين
امل /كم الساعة
دلال /ثنتين بسرعة
امل /قامت تركض اخذت شاور بسرعة
وصلت ولبست تيور قصيرمشجر وبلوزه وردي فاتح وجهزت لها ملابس تاخذها معها بنطلون جنز وواحد ثاني اسود وبلوزتين وفستان وباقي الاغراض استشورت شعرها وورسمت عيونها وروج وبلشر ولبست عبايتها ورجعت لبست صندلها. ونزلت تركض
ريم / صباح الظهر تو الناس
امل /ماحسيت بنفسي والله
رحاب /صلي محمد جاي بالطريق بسرعة
صلت العصر ولبست عبايتها وطلعت بالحوش وعندها البزران اللي يغني واللي يسولف رجعت نست جوالها
خلود /امسكي اكليها بالطريق انتي مااكلتي شيء
محمد بن سعود /دخل واخذ الاغراض وحطها بالسيارة وطلع ينتظرها
وجت مسرعة وطلعت الامحمد بوجههها
امل /وش جايبك
محمد/مشتاق لها. لها ثلاث اسابيع
محمد/محمد اخوك قال ابي تاخذها
امل /وانا هونت ماعاد ابي اروح للبنات
محمد / اقول امشي اخلصي تراني وراي الف شغله ماوراي الا انتي
استحي على وجهك وش ذا اللبس اللي لبسته
طبعا العبايه مفتوحه ورجولها باينه والتنورة قصيره
امل /مالك دخل فيني مابي اروح معك
مسكت جوالها بتتصل بمحمد لقته كاتب لها روحي مع محمد انا عندي شغل ولاتعاندين ويويلك ان اتصلتي
عارف اخته
امل / ساكته واقفه
محمد/ هيه انتي اخلصي
طلعت امل معه وهي معصبه
رمت عليه العلبة الي معها
محمد /ياسلام وش ذا
امل /خلود عطتنياها لي
محمد/خلاص صارت لي. انا اخوها ولا تفكر فيني وصار ياكل من الفطاير ثم عطاها محاضره عند ملابسها.
امل /بقهر مالك دخل في ملابسي ومو لازم تعجبك وواللبس اللي مو عاجبك عمي اللي هو ابوك شاريه لي. ف اسكت
محمد/اصلا ماخربك الا ابوي. اللي مخليك على كيفك انا ماعلي من ابوي ومحمد
واذا هم راضين بملابسك انا ماني راضي
امل / ومن انت اصلا حتى ترضي عمرك مارضيت لا انت ابوي ولا اخوي ولا زوجي ولا عمي فا اسكت ولا تتدخل
محمد/لا والله الا لي دخل
انزلي يالله ماعاد ابي اوصلك
امل /ابركها من ساعة ونزلت ونست شنطتها هي متوقعه انه يضحك عليها
بس لما نزلت مشى وخلها صارت تبكي وقفت على جنب وضمت نفسها تبكي ومحمد طبعا وقف بعيد يراقبها خلها خمس دقايق ورجع بس هي من الخوف والبكي ماحست فيه انه وقف
محمد / ماجت وهي بمكانها تبكي نزل وقرب منها
محمد/امل امل
رفعت راسها. الا تشوفه قدامها من الخوف ضمته
محمد/ مو مستوعب انها بحضنه جلست شوي وهي بحضنه تبكي وتشاهق
محمد /فاق. من صدمته مسكها ودخلها بالسيارة
كان معه مويه
عطاها مويه ورمى علبة المناديل
محمد/حرك السيارة وهي تبكي طبعا بكاها قطع قلبه وده يضمها ويهديها
محمد /خلاص فقعتي راسي تستاهلين
امل / اكرهك مااحبك شرير والله اعلم عمي
محمد / تبين اتصل عليه وتقولين له ابشري واتصل على ابوه
محمد/الو السلام عليكم
العم سعود/
وعليكم السلام وينك لي ساعة ادورك
محمد/انا بطريق الخرج
العم سعود/وش موديك هناك
محمد/معي امل بوديها معزومة عند صديقاتها ومحمد قال لي
العم سعود / طبعا المكالمه تسمعها امل لانه حاط مكبر
اسمع انتبه لبنت عمك ولاتتحرك لين تتطمن عليها فهمت تراك المسؤول عنها
محمد / بس هي تقول مالي دخل
العم سعود / محمد ماعليك منها انتبه لها خلها بعيونك وسكر
محمد/واغلى من عيوني بعد
محمد /سمعتي الظاهر اسكتي ومسحي دموعك ويويلك ان شفتك لبسها زي كذا.
امل / مالك دخل وعمي بقوله وماعلي منك وانت اخر من يتدخل فيني
الاجوالها
امل /هلا ريوم
لا مافيني شيء
لاقريب جايه
لا والله مافيه شيء بس احد يجي مع بعض الناس ولايتعكر مزاجه
لا
طيب
محمد/يغني مشكلني
امل /اسكت خلني اسمع البنت من زين صوتك
محمد /مابي سيارتي وبكيفي
لا مو حلو
ريما تراك سمجتيها
وصلنا حنا قدام البوابه خلاص
طيب. خمس دقايق واجي احط حرتي فيك قال صوته حلو قالت
طيب
محمد/سلمي عليها والله انها ذوق. دخلو من البوابه ولين وصلوا للفله ونزلت ونزل محمد ينزل الاغراض ومشى
محمدبن سعود/ الويالنسيب وصلتها وهذاني طالع من المزرعة
محمدبن عبدالله / مشكور وماتقصر. اتعبك معي كثير
محمد بن سعود/محمد. تراني مهاوشها عند ملابسها. اذا انت وابوي راضين تطلع كذا وتشترون لها انا مو راضي عيب تطلع بذا الملابس والله لو علي ماتطلع الا بملابس طويله ترى دلعكم ذا لها مايفيدها
محمد بن عبدالله /اعرف بس
محمد بن سعود/وش بسه اجل طالعه معي بتيور قصير والعباية مفتوحة تراك مدلعها وابوي بكلمه شي ماينسكت عليه
محمد بن عبدالله /تبي الجد. انا موعاجبني ملابسها بس مابي تبغى شيء ومااجيبه لها وانا وعمي اللي نطلب ملابسها من برى واعرف اننا مفسدينها بدلعنا
محمد بن سعود/ ماشاءالله انا ماعندي دلع
محمد/عجبه غيرت ولد عمه وتاكد من حبه لها بس المشكله ماتكلم ولاصرح
محمد بن عبدالله / هههههه مقدر عليها يامحمد مابي تبغى شيء وما اجيبه لها انا وهند وعمي مدلعينها ومانبي تتضايق ابد ولا ابي اشوف الدمعه بعيونها
محمد بن سعود / هين انا اربيها اجل تقول من انت حتى تتكلم بملابسي
محمدد بن عبدالله / هههههههه. محمد انا بكلمها وامسحها بوجهي
المزرعة
ريما /وش فيك ليه باكيه. حكت لها السالفه
ريما / هههههههههه مهبوله يحبك ياهبله لا ونظراته لك وانتي نازله
امل /حبته القراده والله ماعاد بقى الاحمود الزفت يحبني
ريما: اهدي اهدي مايصلح تدخلين للبنات كذا وطلعت معها فوق وعدلت مكياجها ونزلت سوالف وضحك وقهوه
ريما :اموله من جد. ماله داعي متعبه نفسك بكل ذا
امل / وش به
ريما / بالحلويات ذي كلها
امل / تصدقين ماادري اكيد خواتي مسوينها
وانا اقول ذا شغل يشبه شغل خواتي والصياني
ههههههههههه
ريما /اللي ماخذ عقلك
الهنوف /صدق منتهيه اموله. تمشوا ثم غيروا ملابسهم وعلى الخيل وامل تلعب مع خيول صغيره واذن المغرب ورجعوا صلو
الا الخيل جاهزه
ريما / هيه اموله شوفي المهر الابيض ذا لك بسرعة شوفي البنات سبقونا
نوف /اخلصي ابي اسبق ريم
امل /والله مااعرف ماعمري ركبت خيل
نوف /بلااستهبال ونزلت هي وربما وطلعوها على المهر بالغصب
امل /صدق ماتركب خيل وهم يحسبونها زي سالفة المسبح
امل /لا لا تخلوني ريما لاتفكينه انا خايفه والله اناخايفه
شوفيه يحرك اذانيه يمه انا خايفه
ريما /تستهبلين وضربت المهر ومشى ولحقتها مع نوف
امل /نوف نوفه بليز خليه يوقف شوفيه اسرع
المهر حاس انها خايف وخاف هو بعد واسرع فيها وطاحت
الهنوف /لاوالله صدق ماتعرف
وجو يركضون وشالوها
ريما /طلبت الدكتور وجاي بالطريق
نوف /اخاف انكسرت ولاشيء
ريم /لا ان شاءالله شوفيها صحت
امل امل امل
فتحت عيونها.
امل /قلت لكم مااعرف اي ياراسي
ريما /لاتتحركين اخاف فيك كسر
امل /مافيني الا العافيه بعدو عني
لا ونوف تستعرض.
نوف/ماكنت ادري انك ماتركبين خيل
امل /اخاف منها
ريما /والصغار
امل /الصغار ماتخوف بس ذوليك كبار وصاروا يضحكون عليها وجا الدكتور وكشف وفعلا مافيها شيء
جلسوا سوالف لين العشاء ثم تفرقوا يستعدون للحفله
ريم وعبير بغرفة
وريما بغرفتها
والهنوف لحالها بغرفة
وامل بغرفة ونوفه بغرفة جنب غرفة امل
لبست امل فستان اسود نعوم حيل وسوت مكياجها وخلصت تلبست الطقم الانوف جاية
أمل /وش ذا الزين حركات ماعرفتك جلسوا سوالف
الهنوف / الضيوف وصلو وانتم سوالف
نزلوا تحت
أمل وريم ونوف والهنوف وعبير سوالف وريما مشغوله بضيوفها
كل شوي جاي ناس جديده
شوي جت بنت طويله وعود حيل
سمرا عيونها عسلية وشعرها قصير فستانها أخضر طويل وعاري من الظهر ولبسه نظارات سلمت على ريما وجلست سوالف ثم جت يم البنات والضحكات سابقتهم
ريما/هاذي أمل
... ياهلاوالله سمعت عنك من ريما تشرفنا
أمل /لي اكثر امل ماتعرفها بس قالت اكيد من العايلة