.البارت التاسع
تمرد معلن
•
•
•
•
يوقف أحساسي على اطراف يويق
يمكن شعورك يمر ويسمعه
من هنا ل أبعد خطا ل اقصر طريق
تارك قلبي وكل كلي معه ..!
محمد/امل ليه مزعله محمد
امل / ماعاد الي اروح معه بليز
محمد / بس تستاهلين ههههههعههههههه
برد حرتي
امل /قال لك أنا اوريه
محمد/استحي اصغر عيالك هو تراه ولدعمك واكبر منك
أمل /كلها سنة وصاجني فيها
محمد/بس معه حق وبتروحين معه غصب
لما تروحين معه اكون انا متطمن وعمي بعد وخواتي
واسمعي لاوصلنا للمطار ابي تغيرين ملابسك ذي فاهمة
الحمدلله أني انا اللي ماخذك لو محمد مدري وش بيسوي فيك
أمل /ماهمني وماعلي منه ملابسي انا حرة فيها وكل ملابسي اشتريها وعمي راضي عليها وهو اللي يطلب لي ويقول اخذي اللي تبغين
محمد/طيب يا أمول ياعنيدة
نزلوا بالمطار وراحت امل غيرت ملابسها
ملابسها ببنطلون اسود وتي شرت ابيض
وراحت. لمحمد
وطلعوا على الطيارة
ومن اقعلت وهي نايمه
محمد /عارف انها زعلانه يعرف كل حركاتها
بس محمد قال لها شيء هو نفسه ماقدر يقوله
جدة
سارة وعيالها. بالمطار
بشاير اول ماشافتهم وهي تصايح
محمد / اسكتي فضحتينا. ولا ترى بنرجع
بشاير خلاص سكتت
سلمت عليهم وحضن خالتها
سارة /نورت جدة. ياخوي يابعد قلبي والله الله حيه
محمد / الله الله. الحمدلله ذكرتوني بشيء مو كل الترحيب بأمل هههههه
سارة /انت الغالي وراك ماجبت خلود وعيالك
محمد/ خلود/مسويه دوريه معع خواتي. مو فاضين سفرات
صلوا الفجر وطلعوا
طلعوا لفندق انتركونتيننال
افطروا وسوالف ثم طلعوا للبيت
طلعت أمل مع بشاير لغرفتها
بشاير /نورت غرفتي المتواضعة
بك ياحلى خالة بالدنيا
جلسوا سوالف لين 10 الصبح ولاعاد حسوا وناموا
العصر سارة اصحوا ماصار ذا نوم
أمل /صحيت خلاص
سارة سحب بنتها من رجولها
لين صحت
امل /اخذت شاور ولبست وصلت ونزلت
محمد/الظاهر حنا جايين نتمشى مو. نوم
أمل/ طيب
عندي صداع فضيع براسي
سعد /سلامتك ياخالة
جلسوا سوالف لين العشاء ثم طلعوا
بعد الفجر جلسوا على البحر افطروا ثم رجعوا
وكذا لين خلصت الاجازه
ورجعوا للرياض
امل من جت وهي نايمة
هدى /وينها امل من جيت ماشفتها
رحاب /نايمة
لها ثلاث ايام ماطلعت من غرفتها ابد
اليوم الثاني
هند /رحاب كيفها امل
رحاب / نزلت الظهر لامي تقول الشغاله نايمة
هند/ مو عادتها تكفين انزلي لها شوفيها قلبي
ماكلني عليها
رحاب /اوكي نازله الحين لها
رحاب نزلت. وطلعت لها غرفتها
فتحت الباب الا هي نايمه
رحاب / امل امل
قربت منها الا هي مولعه حراره وغرقانه ملابسها كلها موية
رحاب خافت تحركها ماتحس فيها
مسكت الجوال واتصالت بمحمد
رحاب / وهي تبكي
محمد الحق علي امل ماتحس فيني ابد
محمد /افتحي الشباك وشوفي النفس عندها انا جايك الحين اهدي
اهدي لاتطيحن ابلش فيك بعد
سكر منها وطلع يركض
عبدالله ولده اتصل بالاسعاف
وركض مع سعود اخوه وراى ابوه
محمد / طلع يركض الا رحاب تبكي عندها وهي ماتحس باحد
شالها ونزل يركض الا الاسعاف جاي وشالوها طلع معها محمد وعبدالله. اخذ رحاب وطلعوا للمستشفى
عبدالله /رحاب اذكري الله. مو كذا لايرتفع ضغطك. اهدي
محمد / رحاب اهدي حرارتها عاليه ومحد حس فيها بالله وينكم عنها
ورجع عند امل
بعد الفجر نزل حرارتها واستقرت حالتها
عبدالله /رحاب كيفك الحين
رحاب /امل امل
عبدالله /ياربيه. امل بخير ونزلت حرارتها انتي بس اهدي الحين حنا جايبين امل تطيحين علينا وتنويم
محمد/كيفها الحين
عبدالله / الحمدلله بخير الله ستر وماصار نزيف ارتفع ضغطها
محمد/ رحاب اهدي امل بخير وانخفضت حرارتها ونايمه الحين
روحي انتي وعبدالله خلود بتجي عندها. وانتي ارتاحي الله يخليك
جلست خلود عندها
صحت بعد الظهر وهي تبكي طلعوني من المستشفى
خلود /اموله اهدي انتي تعبانه لازم المستشفى
امل تبكي وطلعوني لين العصر
ريم /السلام عليكم كيفها الحين
خلود /وعليكم السلام الحمدلله بخير بس تبكي طلعوني
ريم /لما قال لي محمد انهبلت
خلود/رحاب كيفها
ريم /وش فيها رحاب بعد ولدت
خلود /لا تعبت امس عليهم خافت على امل
ريم / الله يهديها بس وجلست تسولف وجتهم هند وسوالف
ريم /انا بجلس عندها روحي ياخلود ارتاحي
طلعوا وجلست ريم الا العم سعود جاي ومعه ورد ودب
الحمدلله على سلامتك ماتشوفين شر يالغالية
امل /الله يخليك ياعمي طلعني من هنا
العم سعود/ حضنها وهي تبكي لايقلب عمك لاتبكين
وعلى شاني
جلس حاضنها لين نامت وطلع
محمد /ماينفع فيها الا انت ياعمي
العم سعود/ محمد. طلعها من المستشفى ذا ودخلها بخاص ابي تاخذ راحتها
محمد/ان شاء الله اللي تامر فيه
محمد /جحز لها بمستشفى سليمان الحبيب ونقلوها بس امل من صحت تبكي طلعوني
وجننت ريم ومحمد معها
وطلعوها من كثر مابكت
بعد يومين داومت بالجامعة
وتحسنت صحتها بس ماتاكل زين وكل شيء مابي وماتنام زين
ولدت رحاب وجابت بنوته وسموها لمار
ومشغوله بالبزران وهشوم طول اليوم بحضنها
ولما تروح للمزاحمية ماتنام زين وامها مزنه تهاوشها تقول بذاكر بجيب امتياز
عبير /يوم طويل
امل /مره انا طالعة
نوف /اموله ابيك انتظريني
امل / تعالي
نوف / الا تروحين معي للبيت ونسولف مع بعض من بعد الاجازه ماتكلمنا زين ضغط كل يوم امتحانات
وطلعوا بالسيارة
أمل : الا وش السالفة ريم /تقول سحبتي عليهم
نوف / ايه كنت بسافر معهم فرنسا وقلبتها للندن
بس تبين الجد اول كنت زعلانه لاني مارحت معاهم بس و
انبسطت حيل تمنيتك معي
أمل /دوم وناستك ياقلبي انتي
نوف /طلعت جوالها. وفتحت الصور
وصارت تفرجيها على الصور وطلعت جوالها الثاني
نوف ذا من حفل تخرج سلطان. شوفي
امل /ماشاءالله مره جميل تصويرك صح
نوف /اكيد وذا تصوير سعد. اخوي
شوفي
امل / يوه تحمست.
نوف/مره مره جميل
ثم فيديوات ثانيه وهي مع اخوانها تكلم ومعها سلطان وعمها وابوها
ثم صور بالبيت وصور بالبحيره
نزلوا لبيت نوف وكملوا الصور والفيديوات بالشاشات الكبيرة
أمل /مره الاجواء جميله حيل
بنت عمك الصغيرة تجنن ودي اكلها
نوف /مقطعه خدودها انا ههههههههه
دقيقه بوريك بنات عمامي
ذي لنا واختها مضاوي
وذي نورة ونور وذي العنود وشروق وذي سارة والصغيرات ريم وديم
وذي جود
وذي الجوهرة ولنا وانا وصيته ورنا في بيت عمي بعد تخرج سلطان
أمل /ماشاءالله
نوف/مزايين صح. هههههه
أمل /مره ماشاءالله
أمل /نوفه
نوف /امري
أمل /وش سالفة عبدالعزيز
نوف / بقولك عبدالعزيز ولد خالي من صغري وانا أحبه وهو يعرف
لما كنا صغار ياخذني معه وبعد لما نسافر ويكونو معانا ياخذني معه بس ماادري اول اول يحبني الحين يحب دانه ودايم معها ويقهرني فيها
أمل /حللت السالفه >عبدالعزيز يحب نوف بس بعض الرجال ماايحب البنات اللي ميته عليه ومره طايحه عليه فا صار يحط دانه بوجهه نوف على شان نوف تغار
أمل /تبين نصيحتي. يانوف
نوف / أكيد انتي روحي وتصديقين انتِ لي أقرب من البنات رغم اني أعرفهم قبلك بس أنتِ غير ياأمل
أمل /طنشي عبدالعزيز نهائي شوفي اللي يحبك وميت عليك واتركيه
نوف /لا لا يأمل. أنا احب عبدالعزيز
أمل /تبين الجد والله عندك عيال عمام يسوون عبدالعزيز شوفي ذا السلطان
نظراته لك كلها حب الولد باين يحبك وميت فيك
نوف /سلطان
لا مو معقول
امل / اخذت جوال نوف وفتحت لين وصلت مقطع فيديو لنوف مع سلطان وسعد وعبدالعزيز اخوانها بالبحيرة
امل /شوفي ركزي على سلطان وانتي مو هنا
نوف /مو معقول وجهها
صار احمر
مااصدق وين كنت انا
مانتبهت له وربي وانا اقول ليه مصر احضر حفل تخرجة
تصدقين قايل للوالد لازم نوف تحضر
أمل /يالخبله يحبك وانتي تبكين على اللي مايتسمى
طلعت امل وتركت نوف تصارع افكارها
واللي اكد لها كلام أمل لما زارهم سلطان بالبيت بالليل وكلامه لها ونظراته
والايام مشت مافيها جديد وفعلا نوف طنشت عبدالعزيز نهائي
امل مع محمد كل يوم مشاكل وشرى لها عبايه جديدة. واجبرها
تلبسها كل يوم
يوم جامعي طويل
امل /الترم ذا نزلت عشرة كيلو تعبت الحمدلله باقي اسبوعين وتجي الامتحانات ونخلص
ريما /ارحمي نفسك صايره هيكل. وش ذا
اما بعض الناس.
عبير /من تقصدين
ريما /ماقلت شيء انا ههههههههههههههه
ريم /عبيروه بسك أكل عطي اموله شوي من جسمك شوي وتختفي
أمل /مالي نفس ولا تهاوشت معكم بنام سيو
ريما /وبعض الناس ساحبين علينا
نوف /طنشتها ومشت وطلعت ومسكت أمل معهامتحمسة
أموله صدق سلطان يحبني والله تصدقين يحبني اكثر مما اتخيل
أمل / تستاهلين ياقلبي انتي وباستها
نوف /وبعض الناس طنشته نهائي
تصدقين كل يوم يتصل ولا ارد عليه
ويرسل واطنش
أمل / يستاهل اصلا والله مايستاهلك وربي
نوف/جدتي لولوة تسال عنك كثير
أمل/بكره. أن شاءالله ازوها
نوف/صح بكره بنخلص بدري
اليوم الثاني المحاضره بعد الظهر
خلصوا
نوف/يالله اموله والله من قلت لها فرحت كثير
ريما /وين بتروحون
نوف /لجدتي لولوة
تجين معانا
ريما/ اكيد
الهنوف /حنا معزومين عند بعض الناس مانقدر نجي معكم
ريما / من
الهنوف /ريم
طلعت ريم والهنوف وعبير
على المطعم
ونوف وأمل وريما الى بيت الجدة لولوة
وجوها وسوالف معها وتغدوا معها بعد العصر استاذنت نوف وأمل وبيطلعون
وهو عند الباب الداخلي الا عبدالعزيز بوجهم
عبدالعزيز /السلام عليكم
أمل /وعليكم السلام ومشت مسرعة
عبدالعزيز /شاف نوف. مشت مسك يدها
عبدالعزيز/ حتى السلام ماتردين علي ليه وش فيك
نوف /سحبت يدها بقوه
بعد عني ومشت
رجع عبدالعزيز وقف قدامها
عبدالعزيز
نوف انا عبدالعزيز وش فيك اتصل ولا تردين تغغيرين رقمك
على شاني ليه يانوف ليه
نوف /أخ عبدالعزيز بعد عني لو تكرمت ومشت
أمل /بالسيارة خايفه تضعف نوف او يصير شيء مو كويس وتدعي
الا ذي نوف جايه
أمل / بشري
نوف/تصدقين يا أمل اول مره مايوجعني قلبي اول مره اكون قويه اقول الصدق انا ما احبه بس يمكن تعودت عليه من صغري وانا معه اكيد بتعلق فيه
أمل /الحمدلله الله يوفقك وصلت أمل ورجعت للبيت
لما وصلت نوف وغيرت ملابسها عطوها خبر ان سلطان عندهم وجالس تحت مع عبدالعزيز وسعد اخوانها
نزلت تحت لهم
لبسه فستان احمر قصير وصندل اسود ومكياج نعوم وشعرها رافعته ولبست طقم الألماس نعوم
ونزلت
سلمت وجلست
الجلسه كالتالي جنب نوف عبدالعزيز اخوها
مقابل. لنوف سلطان وجنبه تركي اخو نوف
والجهه الثالثه سعد
سوالف. وضحك سعد جاته مكالمة ودخل داخل
سلطان /نوفه
نوف/ امرني
سلطان /انا طلبتك من عمي ترضين تكونين زوجتي حبيبتي
في كلامهم الا عبدالعزيز اخو ريما جاي
عبدالعزيز اخو ريما /سلامات يا لاخت انا ماتدرين علي و تطنشيني وتروحين وانا اكلمك انا
عبدالعزيز بن مشعل /هيه انت وش شايف نفسك الناس تقول السلام عليكم اول
عبدالعزيز اخو ريما /معصب اخر درجه واللي زاده وجود سلطان اللي ماسك يد نوف
عبدالعزيز بن عبدالرحمن / انا اكلم نوف
نوف / مالك كلام معاي
سلطان/وومن سمح لك تكلمها واذا بتكلمها اتحرمها اول مو أصغر عيالك وبعدين ذي خطيبتي ويويلك ان قربت لها
عبدالعزيزبن عبدالرحمن /انصدم صدمت عمره تجمدت كل اطرفه لا مو معقول لا مستيحل نوف تفكر بغيري هي تحبني انا
قرب لنوف اللي واقفه جنب سلطان ومسكها من كتفها انتي لي مو له
انتي لي لحالي
عبدالعزيز بن مشعل /هادي عارف ان نوف بتاخذ حقها اخته اللي مربيها
وتركي نفس الشيء
نوف : انا لسلطان ولد عمي ومابيك وعطته لكمتين بوجهه وثنتين ببطنه
كارتيه يابوي >
تركي /بعد ضربه ودخلت نوف
لابوها داخل
وقالت له اللي سواها عبدالعزيز الا سلطان واخوانها جايين
نوف /سلطان أنا موافقه
سلطان /نوف ابي رايك بدون ضغوط
نوف / وانا مقتنعه بقراري
عبدالعزيز /اخيريانوفه الف مبروك يالغاليه
بعد جو اللاحتفال في بيت نوف
اتصلت على امل
نوف /اموله اموله الحقي علي
أمل /خير وش صاير تاركتك مافيك شيء روعتيني
نوف /قالت لها كل اللي صار
أمل /الف الف مبروك يالغاليه الله يوفقك يارب والله انتي عسل تستاهلين عسول زي سلطان الله يوفقكم بحياتكم ياربيه مااصدق نوفه احلى عروسة
نوف /خلاص استحي اموله
اسمعي ترى الملكه الاسبوع الجاي
أمل / اصلا بجيك بدون كرت ماعلي منك
نوف /انتي اختي حبيبتي
وان شاءالله افرح فيك قريب
أمل /انا مابي اقول سكري ابي انام
نوف/ واذا ابغاك لاخوي تركي
أمل /قلت لم مابي اتزوج تفهمين روحي لسلطانك ابي انام
وسكرت ونامت
وطول الاسبوع امل من الجامعة لبيت نوف يختارون ويحجزون ويطلبون حوسه
امل /طلبت لها فستان من المصمم زهير مراد
وحبت تسوي حركة طلبت من خواتها يدورن لها وحدة تنقش حنا نقوش هنديه
ونقشت يدينها ورجولها اصلا مو بس امل كل البيت بعد
امل/الحين انا معزومة على ملكة انتم وش المناسبة
خلود / مدري بس عجبني
ريم /لا انا بعد معزومة على زواج
شروق /خاله طلبتك اخذيني معك
هند/مافيه لا انتي ولا اي وحدة
بنات نورة سكتو مع بنات ريم لان المخططط كلهم متفقين عليه وهند كاشفه الموضوع
أمل /عيب مااخذ مبزرة معي
خواتي ترى نوفه عازمتكم. من حابة تجي
هند / انا لا
هدى /وانا بعد
رحاب /ودي بس بكره ماعاد يمدي اشتري فستان
خلود /اذا تبغين نشوف لك مصممه ونزيد لها السعر وخلصنا
رحاب /المشكلة مو بالفستان المشكلة باخوك
خلود/ قولي له وشوفي
أمل / معي كرتين الحين بدون اسماء من تبغى تقول لي طالعه بنام
جنان/خاله لين ممنوع نروح
هند/ عيب تروحين انتي حتى ماتعرفينهم
جومانه /بس ياخاله هي صديقة خالتي
ريم /بنت انتي وياها مافيه مافيه.
يالله مشينا للبيت
خلود/من جد وراهم سالفه
تفرقوا وطبعا عبدالله رفض وقال تتركين بنتك
امل / بتصل عليه جهزي فستان
رحاب / امل روحي للمشغل. خلاص مو مهم ان شاء الله
نحضر زواجها.
أمل / ترى زوجك ذا دابل سبدي بالحيل
رحاب / اموله قولي امين
أمل /أمين
رحاب /الله يكتب لك زوج. يموت على الارض اللي تمشين عليها
أمل / ههـهههههههههههههههههه اوما عاد الارض اللي امشي عليها
رحاب /الله على كل شيء قدير يالله روحي
امل راحت للمشغل سوت شعرها على طوله بس تلفيف خفيق لبعض الخصل ومكياجها دائما ناعم رسمو عيونها وزادها جمال وطلعت لبست فستانهاا لاحمر. طويل وعاري من الصدر فيه فتحه طويله والصدر تل ولبست جزمات حمرا وشنطه صغيره لونها ذهبي ونزلت
الامحمد وعياله بالصاله سوالف مع خواته
محمد/ ماشاءالله. الله يحفظك من. حاسد اذا حسد استودعتك الله الذي لاتضيع ودايعه بسم الله عليك
أمل /محمد ماني مزيونه استحي كذا
محمد /قام وضمها واذا اختي مو مزيونه اجل الزين وش وصور معها ووعياله وطلعت معها وراحوا
محمد قبل تنزلين سمي قريتي اذكارك متاكده
أمل /ايوه قريتها
ترى بيكون بنات مزايين كثير غيري
محمد/ وأنا يهمني أختي باسها على راسها
توكلي على الله والله يحفظك من كل شر لاتنسين تشوفين لاخوك عروس كذا حلوه
أمل /وهي نازله سلامات تتزوج على خلود
دخلت وسلمت على ام نوف وهي ماتعرف احد وسئلت عن نوف وطلعت لها
أمل /مبروك مليون مبروك ياغلى عروس بالدنيا ذي هدية بسيطة مني
نوف /الله يبارك فيك يارب وليه هدية وانتي معي تعبتك اصلا معي الله لايحرمني منك ابد
أمل /ولامنك اختي وعروس لازم اشتري لك هديه لاتبكين مو وقته ابي سلطان يشوف الوجه منور
نوف /بس برضوا مالها داعي الهدية وجودك والله يكفي
أمل / لاتسوين لنا سالفه. تراها بسيطه < هدية بسيطة خاتم بسبعين الف وزيادة بعد الخصومات والويل
شوي الا البنات جو وسوالف وتعليقات على نوف وجو بنات عمها وامل دخلت معهم بالجو خصوصا خوات سلطان الجوهرة وجود
ريما /زعلانه ولاحضرت
وجت الزفه ونوف خايفه وأمل تضحك
نوف /هين ياموله. اوريك
أمل / تضحك وتاشر لها بسلطان
ريم /أموله اتركيها لاتبكين علينا. الله يصبرك ياسلطان
جود /حرام نوفه عسل الا يابخت اخوي فيها
وين أيمّم
عنك وجهي وأتنحي به ...!
وأنتِ قبلة قلبي
وأربع جهاتي ..