[لامارا]

. البارت الحادي عشر
لنصل للقمة
•
•
•
•
خلني في ظلك أكون
ولاتداريني أبد
لاتراعيني تمون
أكتفي بقربك وعد..!

وبدات الجامعة وأمل ضاغطه بموادها
ومرت شهرين أمل مو عاجبه الوضع ابد
الانقسام اللي بالشله. ريما لحالها وريم شوي معهم وشوي تروح لريما
على شان فيصل
أمل /اليوم جدولها بتخلص نفس البنات
خلصت
أمل / ريما ممكن توصليني معك
ريما / اكيد وش رايك نتغداء سوى
أمل /مصدعة مالي بأزعاج المطعم
ريما /لا بنتغداء عندنا بالبيت امشي بس
طلعوا وعلى البيت اول تغدوا ثم طلعوا فوق
أمل /ريوم وبعدين يعني
ريما /بأيش
أمل /موضوع نوف تراك قاهرتني ليه تدخلين صدقتنا بالسالفة
ريما /أمول والله قهرتني ليه تتزوج وتترك أخوي
أمل/ بعقلك أنتئ ريوم أصحي
اول شيء عبدالعزيز ما يحبها
ريما/الايموت فيها
أمل/: دامه يحبها ليه خاطب دانه بالله جاوبي وملك عليها نوف ماهي لعبة عنده
ريوم انتي شايفه نوف كانت تموت فيه وهو للي مطنشها الحين يوم تزوجت تجون تتقولون نبغاها
وتبين الصدق انتي السبب
ريما /تبكي مالي دخل
أمل /نسينا ريوم بس خلينا من الماضي خلي نوف بحالها والله يسعدها مع سلطان والله انها تستاهله
ريما/ جد أمل انا كنت زي العميان شكرن أموله
أمل /يالله قومي غسلي وجهك خلينا نزور نوف في بيتها.
راحت ريما وأمل جلست تتفرج على ساعات لريما ملت وجلست على كتالوج أزياء
ريما /خلصت
أمل /أخير مابغيتي نسيت اتصل عليها
اخذت جوالها واتصلت على نوف
أمل /الو نوفه
نوفه /هلا أموله وينك كنت ابغاك بالجامعة وطلعتي ماشفتك
أمل /هههههههه اسمعي. عندك شيء بعد المغرب اقصد مرتبطه مع احد
نوف /لا تعالي الله يحيك
أمل /اوكي ساعة وانا عندك وترى معي ضيفه
نوف / الله يحييك انتي وياها
نوف توقعت من خوات امل
طلعت أمل مع ريما وبعد اتصلت على عمها لاننها بتتاخر
نوف /وقفت بالاستقبال برى الا امل جايه مع ريما
رحبت فيهم
أمل / تعالي ياضيفتي ههههههه
ريما /نوفه انا اسفه والله احبك واحب اخوي
نوف /لا خلاص اللي صار صار
أمل/ ممكن تقبلين الهديه البسيطه مني انا وبعض الناس
نوف /كل ذا وتقولين بسيطه اخذتوا المحل كله
ريما /ههههههههه لاباقي فيه
أمل /انا عجبتني اغراض وريما عجبتها اغراض
فا اخذناها واعطونا هدايا هههههههه
ريما /نصيحه. اذا بتروحين للسوق اخذي أمل معك ماتطلع من المحل الا بهديه. ذوق انا ماعمري عطوني. والله
تخيلي المحل ذا داخلته مليون مره مافكر يوم يعطيني لو كاس
نوف /هههههههههه
دخلو وكملوا سوالف
امل /انا استاذن خلو احد يوصلني
نوف /مافيه لين تتعشين وبعدين امشي
أمل /اسمعي ان عمي رفض ماعلي منك
اتصلت بعمها وقال دامك عند نوف خلاص بس لاتطولين تعشي وارجعي
ريما /ايه الاخبار
أمل /وافق. بس خلي عشاك بدري
نوف /تتشرط بعد. طيب والبنات بعد بيجون كلهم
ريما / نوف تبغاك بسالفة
أمل /هذاني جلست هاتي سالفتك
نوف /عمتي مضاوي. تبغاك لولدها عبدالرحمن
شافتك بزواجي وعجبتيها المهم قالت لي
وتبغى تشوف رايك على شان يجون لعمك يخطبونك رسمي
عبدالرحمن ولد ماعليه كلام وبعد طيار اخر له سنه
وش قلتي
أمل /طبعا لا
نوف /ليه لا اصبري وجابت جوالها وطلعت صورته لها شوفي هذا عبدالرحمن
أمل /نوف ياقلبي افهميني
الله يسعده مع اللي يختارها أنا مو يم الزواج الحين. ابي اخلص جامعتي اول
نوف / طيب ناجل الخطبه لين تتخرجين اعرف عمتي ماعندها مشكله
أمل/ياربيه نوف ماابغى اتزوج الا وين صور زواجك ماشفناها. لاتصرفيني
نوف/ماصرفت طيب بعد الصلاة راح يشغلون العرض
صلوا العشاء وجلسوا يتفرجون وتعليقات وانضموا لهم البنات
جابو طقم الماس مره جميل
نوف / أمل من جد شكرا لك ولعمامك على الهديه حتى الوالدة عجبته الهديه حيل
أمل /وش هديته
نوف / عمك علي وعمك سعود مرسلين لي ذي لابوي سيف مذهب مدري له قصه نسيتها المهمم وابوي حيل عجبته
ريما /حركات وش السالفه أموله
أمل /والله مااعرف شيء لاتناظروني كذا
ريم / نوف اجل انتي علمينا
نوف / انا اخذت موعد مع ابوي بطلب من امل لعمامها
امل /ذي اعرفها لان عمي سعود زعل مني لاني ماقلت له
يوم اهديتني مسدسك اصلا نسيت اسئل عمي ليه بيروح
نوف / ابد عمك وعمك الثاني زارو ابوي واهدوا له السيف والطقم لي على شان انا اهديتك بس مدري ماعرف وش دخل ذي بذي
أمل /وانا زي الاطرش بالزفة
الهنوف /ماشاءالله. يانوف طقم فخم مره تتهنين فيه
أمل /هذولا عمامي جعلني فدا ماطاهم
سوالف ثم حطوا العشاء
عبير /وش النظام نوفه العشاء بدري
ريم / شكلها تصرفنا قبل يجي سلطان
الهنوف / ههههههه اكيد. ماتشوفيها يوم اتصل
حطوا العشاء
نوف / حرام والله اصلا العشاء بدري على شان أمل بتمشيءً
أمل /يمه منكم انا اللي قايله ياتخلي العشاء بدري ولامشيت
ريم / وانتِ يامل ليه تعززين لها لايكون فيه شيء منا منا
ريما / لاجد العشاء بدري على شانها
امل /انا ماني فاضيه زيكم واري أختبار بكره اكلو وانتم ساكتين
الهنوف / الا تعالي هنا. وش عندك ضاغطه موادك
أمل /مدري بس ابي اخلص بدري
نوف /وش مطيرك
أمل/ كذا مزاج.
تعشوا. وأمل طلعت وعلى بيت عمها سعود
أمل /مساء الخير يالغالي
العم سعود /مساء النور ياقلب عمك
امل / عمي نمت
العم سعود/لا. تبغين شيء تدللي
أمل / انا عند الباب
العم سعود/ تعالي انا بالمجلس رائد برسله يفتح لك الباب
امل /اوكي جايتك
فتح رائد الباب. ودخل
امل / كيفك ريود
رائد /بخير الحمدلله
انتبهي لاتطيحين بس. راحت تركض للمجلس
أمل /انا جيت
وعلى حضن عمها الله لايحرمني منك ابد ابد ابد
وباست راسه ويدينه ورجعت مره ثانين وباست راسه ويدينه
عمها سعود /وش فيك امل
أمل / وش اقول وانا رافعه راسي. بعمامي والله كل البنات.
انهبلوا عند الطقم
العم سعود / هههههه فديت قلبك انتي مبسوطه الحين
أمل /ياعساني فداكم. وش اقول وش اخلي
رائد جاب القهوة
أمل /عمي انا عندي امتحان ولا. كملت السالفه. بروح لعمي علي قبل ينام
العم سعود /ههههههههه رائد خذ بنت عمك لعمك علي. لاتروحين مع السواق
امل /اممممم بس
رائد /اخلصي امشي
العم سعود/ احترم بنت عمك
وطلعت وعلى بيت عمها علي
لقته عند رجال وطلع لها بالحديقه
امل /الله لايحرمني منك ابد ابد ابد
العم علي /وش فيك عسى ماشر
امل / عمي وش اقول رفعتوا راسي والله البنات انهبلوا على الطقم
العم علي / اعجبك انا تراني اعرف لشغلاتكم يالحريم. وان شاء الله لك طقم احلى منه يوم زواجك
أمل /مابي دامكم معي مايحتاج الالماس.
شالها عمها وانتِ اغلى من اللالماس وكل شيء يرخص لك
مهند /واقف يتفرج ومحمد ولد عمه
محمد / هههههه عمي اعظم من ابوي مدري وش اخر الدلع ذا
مهند /وأمل تستاهل
أمل سلمت على عمها وبتطلع الا تشوف الاثنين واقفين
امل /خير وش عندكم انتهى العرض ترى سامجين سامجين
وطلعت
محمد /شريره هههههههه
اليوم الثاني /
الجامعة
أمل عندها ساعة فاضيه وجالسه تقرا
الا البنات جايين ومعهم فطور ويضحكون
أمل /يالله صباح خير
الهنوف /اموله هيات فاتك البارح الهبال
ريم / نوف مو صاحية خربها سلطان
نوف /حرام
ريما /الا انتم مجانين
عبير /. نوعاً ما
أمل / وش السالفه
ريم /انا اعلمك وجلست جنبها
لما طلعتي انتي
جلسنا. حنا نسولف
أمل /وبعدين
ريم / شوي الا تقول ماعندكم نيه تذاكرون
قلنا لا
عبير /ملقوفه. قالت عارفين تبغين تصرفينا قبل
يجي سلطان
أمل /ايه وبعدين ههههههههههههه
نوف / انشدك عن جبتهن غدت يم باريس ههههههههههه
ريما /جت الفالحة الهنوف وقالت
اصلا لو سلطان شافكم ترك الرياض كلها وهج
هههههههههههه
امل / عبير كيف جبهتك ههههههههه
ريم /يانوف ضحكت ضحك. والله من كثر ماضحكنا نوفه طاحت من الكرسي
وانا للحين اضحك
أمل /عبير خلي القافة عنك ياربيه ترى بيجيك يوم والله مانخليك
مرت الايام بسرعة أمل /بس كل حياتها مذاكره لاتاكل زين ولا تنام زين
والاختبارات قريبه حتى محمد فقد الهواش معها طول ماهي في السيارة يانايمه ياتلعب بجوالها ياتقرا بكتاب
البنات هجوم على امل
الهنوف /فقدناك حرام اللي تسوينه بنفسك كذا
عبير / من جد شوفي نفسك كيف صايره
ريما /اموله جد حرام تضغطين نفسك كذا
أمل /انا مرتاحة كذا. الا قولو وين بتقضون الاجازة
الهنوف /امل. وش رايك تسافرين معي
اسمعي تعالي بس بالجواز لاتجببنين شيء
أمل /وين
الهنوف /المالديف. اسبوع ونرجع
أمل / اذا عمي وافق بسافر معك
عبير /اخذيني معك
الهنوف/انتِ لا اشوف وجهك توبه اخذك معي بسفرة
ريما /انا بروح جدة
نوف /انا بالرياض
ريم /وانا صرفوني معكم
الهنوف /هههههههه تعالي معي رحمتك
ريم /ماانحرم منك هنوفه
بعد يومين
أمل / رايح جمعة عمامها ودخلت تسلم عليهم
أمل /بعد السلام وكذا
عمي ممكن اسافر مع الهنوف صديقتي للمالديف
العم سعود/ لا
أمل /ليش حتى ريم بتجي معانا وريما تقول اذا انا بسافر معهم بتجي
العم سعود / أمل سفر لحالك مع البنات مافيه اذا براسك سفر برى محمد ياخذك ولا انا ولا عمك علي غير كذا مافيه ولافيه نقاش
وين تبين تسافرين وانا احجز لك
أمل /لا مابي خلاص مابي اسافر وزعلت وسلمت وطلعت
محمد/غريبه عمي قال لها لا
العم سعود /اخاف عليها يامحمد امل بزر للحين
العم علي / بتزعل يومين وترضى وبتجي وبتقول غير
الكلام ذا
محمد /توقعت صراحة انك بتخليها تسافر
عمه سعود مارد عليه
جت الامتحانات وامل بزيادة صارت تطلع زعل السفرة بالمذاكرة
وماخصلت امتحانات الا مجننه برحاب وريم لاتاكل ولاتنام واحيانا تبكي
وبشاير اول ماخلصت وهي عند خالتها وزي كل اجازه طلعات وعزايم بس أمل ماش ماهي معهم حتى عمها سعود ارسلها تسلم على امها مزنه بالمزاحميه ورجعت ولاتغير شيء
بدت الجامعة من جديد
ولهم اسبوعين
ريما / اموله فيك شيء
أمل / لا بس تعبانه شوي اصلا خلصت وبطلع انام. وبكون بخير
ريما / انتِ من رجعنا وانتي تعبانه باخذك للمستشفى
أمل /لا لا مااحبه
ريما / اخذتها وطلعوا بالسيارة
بطلب لك دكتور يجي للبيت
أمل /لاتكبرين السالفه وش فيك بس ارهاق لاتخافين
ريما / مسكت يد أمل اللي حست انها تسرح كثير مو معها الا هي
مولعه حرارة خافت.
وصلوا للبيت مسكتها وفتحت لها الباب
ريما /وين غرفتك
اشرت لها وهي ماتقدر حتى تمشي
جت الشغاله ومسكت مع ريما من الجهة الثانيه وطلعوها غرفتها
ريما /لازم اخذك للمستشفى يامل
أمل /بنام وبكون كويسه. لاصحيت بتصل عليك
اسمعي ترى الاسبوع ذا العزيمه عندي
ريما /اي عزيمه انتِ نامي وارتاحي
طلعت ريما المشكله ماشفت احد من خواتها
رجعت للبيت
أمل ارتاحت شوي وغيرت ملابسها ورجعت. نامت
يومين بغرفتها
هند ورحاب كل ماسالوا الشغاله ماما امل يذاكر
ولا نايمه
واذا سالوها اكلت تقول فيه اكل
رحاب /عبدالله قلبي موجعني على امل مدري
عبدالله /ياربيه. تراها كبرت مو طفله
تراكم مره مدلعينها مو زين لها
رحاب/ ياخي حس البنت غير
ونزلت ودموعها بعيونها
دخلت وعلى غرفة امل