[لامارا]

طقت الباب مافيه اجابة
فتحت الباب
الا امل بسريرها ويدها طايحه من السرير
وجها صاير ازرق
رحاب / صاحت وصارت ترجف. وتصيح امل امل امل ماترد مسكت يدها مافيه نبض
صارت تبكي ماتدري وش تسوي
مسكت التلفون واتصلت على محمد
رحاب / محمد الحق علي امل امل بتروح منا ماتتنفس
محمد طاح التلفون من يده وطلع يركض
خلود / مست التلفون شافت الرقم اخذت عباتها وطلعت تركض ومعها عبدالله وسعود تركته عند اخوانه ويتصل بالاسعاف
محمد طلع يركض الا رحاب منهارة
الشغاله طلعت تركض لعبدالله. ونزل يركض تقول ماما امل فيه موت
محمد / امل اصحي رشوها مويه ماتحس
شالها ودموعة تنزل هاذي الغالية
لا يامل لاتروحين وتخلين أخوك
لايامل خلك قويه على شان اخواك لاتروحين وتتركيني من لي غيرك يامل
امل فنحي عيونك لاتنامين
عبدالله نزل الامحمد شايلها ودموعة تنزل وعبدالله ولدك بعد يبكي
عبدالله /محمد اذكر الله
واخذ امل منه لان باين محمد منهار
شالها عبدالله بن سعود الا الاسعاف جاي
بسرعة سووى الازم ووطلع معها محمد وعبدالله
وعبدالله ولد محمد اخذ امه وعمته رحاب اللي منهارة وطلعوا وراهم
اول مادخلوا الطورى وبعد الكشوفات الاولية طلبوا لها دم
ودخلوها العناية المركزه
رحاب عطوها مهدي وجلست معها خلود
بعد اربع ساعات
عبدالله / خلودكيفها
خلود /هدت ونايمه امل كيفها
عبدالله /الاطباء يقولون احسن
خلود /وش فيها
عبدالله /فقر دم شديد ماحصلو فيها. دم. وبعد تعب وارهاق شديد
وكانت حرارتها عاليه. انا برجع لمحمد
خلود اجلس عند زوجتك بروح اشوف محمد ياقلبي والله. بغى يروح فيها
عبدالله /من جد محمد منهار وداخل عندها بالعناية. ماقدرنا نطلعه بس الدكتور. سعودي وتفهم الوضع وتركوه جنبها
خلود /راحت وشافتها ورجعت
رحاب /صحت.واخذها عبدالله هي وخلود للبيت لان جلستهم مالها داعي
وقال لهم عبدالله لا احد يقول على شان العم سعود لو عرف وش بيصير فيه لين. تصحى ويقولون له
بعد العصر
العناية المركزة
أمل فتحت عيونها الا محمد جالس ماسك يديها ويقرا قران
أمل. /بصوت ضعيف محمد
محمد/ ياعيون محمد وروحة وضمها يبكي
جوا الاطباء وتحاليل وكشوفات ثم وسووى لها اشعة للمخ ومقطعيه ومحمد وعبدالله معها
الدكتور فهد/ الحمدلله. الحرارة مااثرت عليها تبغى وقت حتى تستعيد عافيتها لازم راحة تامة. ووالاكل معهم وولاحين محتاجة دم الحين طلعوها بغرفة خاصة اليوم منوع الزيارة بكره اذا تسمح الحالة. راح نفتح لها الزيارة
محمد /مقدر اتركها يادكتور
عبدالله / محمد. انت مانمت من امس امل لازم تشوفك بخير يامحمد وش فيك كذا
طلعوا من المستشفى ورجعوا للبيت
رحاب تبكي ليه خليتوها
عبدالله /اذكري الله امل بخير والحمدلله وطلعت بغرفة عادية
بس للحين تحت المنوم ولاراح تحس باحد يمكن. يخلونها يومين على شان ترتاح وتنام زين
خلود /تبكي
عبدالله /انتي وهي والله ان شفت وحدة تبكي لاتلوم الانفسها على الاقل على شان محمد
وطلع وراح لبيته
رحاب / صح محمد تعبان
جلست رحاب وخلود عنده لين نام ونزلو تحت
جتهم هند تبكي لانها راحت للبيت وقالت لها الشغاله. والحمدلله ان امها حصة ماهي موجودة بجدة عند دلال
خلود /هند اذكري الله والله عبدالله من شوي طمنا
هند / وش يطمن قلبي. وتقولون ممنوع عنها الزيارة لوها طيبه مامنعوا
رحاب / هند ادعي لها مو تبكين وبعدين محمد تعبان مانبي نزيدة
قالوا لهند اللي صارت ورجعت تبكي ورجعت بيتها
رحاب /عبدالله وين بتروح
عبدالله /وش فيك بروح للمستشفى طالبين دم
ومحمد نايم وواتصلت بمحمد اخوي ورائد وبنروح للمستشفى
رحاب /برح معاك طلبتك
عبدالله /الا اجلسي بالبيت ولاطحتي علي هناك
برجع واجيكم في بيت محمد واقولك كل شيء بس اهدي
طلع عبدالله وعلى المستشفى
وامل / فصيلتها مو اي فصيلة لازم o +
تبرع لها نايف وعبدالله
طمنهم الدكتور ورجعوا للبيت
ريم /حاسن ان نايف فيه شيء وبعيونه حكي وماش كل ماقلت بروح لخواتي قال لا ولاتتصليت احد
واذا اتصلت بالبيت محد يرد
ريم /نايف تبغى عشاء
نايف /ماني مشتهي شيء
ريم / نايف وش اللي صاير لا تخبي علي شيء عمي فيه شيء وصارت تبكي
نايف /لا ابوي مافيه شيء عند عمي. علي عند النياق عندهم رجال
ريم /اجل وش اللي مخبيه علي
نايف /امل تعبانه وبالمستشفى
ريم /صارت تبكي واختي واختي
نايف /اهدي اهدي
البنت احسن من امس والحمدلله
ريم /خذني لها ابي اشوفها يانايف خذني لها
نايف وين اخذك لها مافيه. زيارة الحين
وريم منهاره تبكي
نايف/ريم. اهدي انا شايل هم ابوي. تجين انتي
ريم / طيب وش فيها ليه بالمستشفى
وين محمد
نايف /محمد تعبان
ريم /لما قال لها نايف محمد تعبان. ماعاد قدرت زاد بكها طفش نايف واخذها لبيت محمد
عبدالله /محمد. الحمد لله هي احس وش فيك
محمد / عبدالله ذي امل. والله لو يصير لها شيء اموت وراها
عبدالله /اذكر الله البنت بخير والدكتور طمنا عليها وش فيك اهدى
خلود /محمد الله يخليك اهدى
عبدالله بن محمد/ يابوي عمتي تبغاك قوي على شانها اذا انت بتنهار اجل وشلون بنقول لجدي
رحاب /محمد لازم تاكل
الا ريم ونايف جايين
دخلت رحاب داخل للصالة
ريم /شافت اخوها زاد بكيها
نايف / ياربيه ريم ريم محمد بخير وش فيك
سحبها من يدين اخوها وطلعها من المجلس
وهي تبكي وش قلت لك بالبيت خلك قويه على شان محمد
خلود / ريم ريم اهدي محمد طيب مافيه شيء. لاتزيدين الوضع
ريم / خلود من لي غيره ياخلود
محمد /طلع وضم اخته
محمد / ريم انا طيب مافيني شيء اهدي
ريم / الله يطول لنا بعمرك ويخليك لنا يارب
دخلو داخل بالعكس جيت ريم فيقت محمد من صدمة بامل واكل وسولف
محمد /عبدالله روح انت نام من امس وانت صاحي انا بروح لامل
نايف / وانا بروح معه انت روح نام
عبدالله /طيب بس ابوي رائد يقول انه فاقدها ويقول فيها شيء
محمد /بكره ان شاءالله بنقول له وان شاءالله امل بتكون بخير
محمد طلع مع نايف للمستشفى وعبدالله بن محمد وصل عمته لبيتها
محمد /اول شيء راح للدكتور وتطمن عليها ودخل عليها الا هي نايمة
وجلس عندها ☹
بعد الظهر صحت
محمد /بسم الله عليك الحمدلله على سلامتك
أمل /محمد
محمد /ياروحة تدللي
أمل /ابغى موية
محمد /اسقاها ماء ورجعت نامت
العصر
محمد/امل نايمه اللي بدخل تبكي من الحين لا تبكي سلموا عليها واطلعوا انا نازل بشوف عمي
خلود / هند انتي ورحاب البنت بخير لاتبكون
هند /بمسك نفسي الخبله ذي مدري عنها
دخلو/هند من شافتها وهي سيل دموع
سحبتها خلود /هاذي اللي بتمسك نفسها
جلست معها لين هدت
رحاب /مسكت نفسها عندها
أمل / ابغى موية
رحاب /بسم الله عليك فداك الكون بعد ماشربت ماء
أمل /من متى وانا هنا وين محمد يارحاب
رحاب /لك يومين ارتاحي محمد تحت تبغينه
أمل /تبكي ابغى عمي سعود ابغى عمي سعود
الا عمها داخل
ياروح عمك انتِ
العم سعود / كان احسن واحد فيهم يوم قال له نايف وعبدالله.
استودعها الله ودعاء لها وذكر الله بس يوم شافها نزلت دموعة رحاب كانت ماسكه نفسها يوم شافت عمها حاضن امل ويبكي. ماعاد قدر وطلعت عند خلود وهند وبكت لين داخت
ريم بعدوهدى ومها ونورة دخلو الا عمهم عندها ومحمد اقف يمسح دموعه رجعوا يبكون. ودخلو عند الباقي وكملو مسرحية البكاء
عبدالله وسعود /طفشوا من كثر مايبكون
سعود/عماتي قالبينها حزن طقت سبدي
دخل عليهم وهو معصب وهاوش وهاوش
خلود /سعود
سعود/يمه خليني. الحين بدال البكي المفروض تصدقوا لها. تدعون لها البكى ذا وش يفيدها لو بيفيدهابكيت انا اول واحد
رحاب /ضمته خلاص ماراح ابكي ياسعود
وطلعت معه
نورة /والله صدق ماراح يفيدها بكاناعليها طلعت هي وهدى وتصدقوا لها ورجعوا
هدت أمل وظل عمها حاضنها لين نامت
العم سعود / محمد روح ارتاح ياولدي
محمد / بس
العم سعود /لاتخاف وحدة من البنات بتجلس عندها روح ارتاح
طلع محمد وترك عمها عندها وجا العم علي وجلسوا معها ودخلو خواتها
طلعوا جلست عندها رحاب والباقين طلعوا
طول الوقت نايمه تصحى وترجع تنام
وكل شوي حاطين لها دم
محمد/اتصل وقالت له رحاب نايمه
ريما /كل مره تتصل جوالها مسكر خافت ولها يومين ماداوات خافت عليها
ريما /الو نوفه. كيفك
نوف /هلا ريوم بخير الحمدلله
ريما /اقول مااتصلت عليك امل
نوف /لاوالله اتصلت وجوالاتها كلها مغلقه غريبه ماداومت
ريما /طيب ماتعرفين احد من خواتها ولامعك رقم خايفه كانت تعبانه
نوف /لا ماعندي لهم ارقام خوفتيني صح كانت مره تعبانه اصلا من بداية الدارسة وهي ماهي معانا. وش نسوي
ريما/ مااعرف اخاف صاير بالبنت شيء
نوف /اسمعي كذا ساعة. واتصل عليك
نوف /الو حبيبي
سلطان /ياعيونه امري خلصتي جامعة
نوف /لي ساعتين بالبيت اسمع
سلطان /امري وش بغيتي
نوف /امل. صديقتي وصارت تبكي
سلطان /فهميني وش فيها صديقتك
نوف / اخاف صاير بالبنت شيء لهاا يومين ماداومت وجوالاتها مسكره وانا خايفه كانت تعبانه وش نسوي
سلطان /اهدي الحين انتِ سالتوا اهلها
نوف /نااعرف ارقامهم
سلطان /طيب انا بسال لك بالمستشفيات
نوف /يوم سمعت مسشفى وهي ترجع تبكي
سلطان /اهدي ان شاءالله البنت مافيها شيء بس لازم نسال
ارسلي لي اسمها الكامل وراح اجيب لك وش فيها
نوف. فعلا ارسلت لسلطان اسم امل وكلها ساعة الاهم جايب المستشفى والغرفة
نوف /الو ريوم بسرعة تعالي عندي. امل بالمستشفى وهي تبكي
ريما / جايتك انا بسرعة
ريما /طلعت مسرعة على بيت نوف الا نوف تنتظرها واخذتها وطلعوا للمستشفى
ريما /فهميني.
نوف /سلطان قال لي انها بالمستشفى يقول انها بخير لاتخافين بس ماقال لي وش فيها
ريما /طيب دام سلطان قال انها بخير لاتبكين ماجبنا ورد
نوف / صح نسينا بطلب. المحل يرسل ولا بعدين مدري مدري
ريما / كانت تعبانه وعندها حراره رفضت اخذها للمستشفى او اطلب الدكتور لها
نوف /وليه ماقلتي لي
ريما /ماتوقعت انها بتكون مريضة كذا هذا شيء مكتوب مايفيد الكلام الحين
نوف /صح ماعاد يفيد
دخلو المستشفى وشرو ورد من اللي عند المستشفى وسالوا عن الغرفة
كانت رحاب جالسه بالممر ومعها ريم وهند وسارة
وامل عندها عمها سعود وعمها علي ومحمد اخوها
ريما /السلام عليكم ممكن وين غرفة أمل عبدالله
هند / هذي الغرفة الله يحيكم تفضلو هنا. جنب غرفها حاجزين غرفة للزوار بس سارة حسنا نفسها مكتومه وطلعوا برى
ريما / ممكن ندخل لها
انا ريما بنت عبدالرحمن. وذي نوف بنت مشعل صديقاتها خفنا عليها
كانت تعبانه. ولها يومين ماداومت
نوف /وهي تمسح دووعها. سئلنا وعرفنا انها هنا وجينا
رحاب الله يحيكم الحمدلله صارت احسن
ريم / ياهلا فيكم. امل عندها زورا وكانت نايمه راح اشوف اذا صحت
نوف/لاتصحينها
رحاب /لاماعليك بتفرح لما تشوفكم اتصلت على محمد
رحاب /محمد أمل صحت
محمد /لا نايمه وعمي علي يقرا لها قران تبغين شيء
رحاب /لا بس صديقاتها هنا يبغون يشرفونها
محمد /اعتذري منهم. نايمه كانت تبكي ونامت
رحاب /طيب
رحاب /امل نايمه
ريما / اهم شيء تكون بخير نرجع لها وقت ثاني
رحاب /لا اول لازم نضيفكم وبعدين تقدروون ترحون
قامت وصب القهوه وجابت الضيافة الا دلال جاية معها نورة
هند/نسينا نعرفكم انا هند وذي نورة اختي الكبيرة واللي جنبها ريم وذي سارة واللي جنبك دلال.
رحاب/ وانا رحاب
نوف /انا ضيعت الاسامي هههههه. بس انتم زيها ماشاءالله حبوبات مره نشوفكم بكره ان شاءالله والحمدلله على سلامتها
العم سعود / الحين احسن بس لو تخلي البكي عنها
محمد /المشكله تعبانه وطلعوني
طلعوا من عندها
سارة /انا بجلس عندها. رحوا للبيت ارتاحوا
نورة /انتي من جيتي من جدة ومانمتي
انا ماوراي شيء ارتاحي وبجلس عندها
سارة / ماراح انام لارحت خلني عندها احسن
جلست سارة والباقين رجعوا
صحت الصبح ولاتكلمت ولا شيء
العصر محمد/كيفك اليوم لا الدكتور اليوم يقول بطله بس ليه ماتاكلين
أمل /مابي ماني مشتهيه شيء
طلعوني من هنا واكل اكره المستشفى
محمد /لاتبكين انتِ تعبانه
أمل /محمد الله يخليك طلعني
محمد /شالها وسارة سحبت المغذي معها وجلسها على الكرسي
ماراح اطلعك لين الدكتور يقول
أمل /مابي مابي انا بخير مافيني شيء طلعوني
وصارت تبكي جو خواتها وامها حصة وهي بس طلعوني
محمد /شالها ورجعها سريرها حتى مافكته وظل جالس معها
تترجاه
محمد / هند اتصلي بعمي خليه يجي انا ان ظلت كذا بطلعها
سارة /تترجى فيها وهند بس نفس الشيء
محمد /خلوني معها لحالي
طلعوا وجلس يقرا قران هدت ولاعاد بكت
عبدالله / كيفها اليوم
رحاب /احسن بكثير واليوم ماحطوا لها دم بس مااكلت شيء على المغذي
عبدالله / الحمدلله وين عمتي ارجها للبيت
رحاب /لا امي راحت مع عبدالمحسن
عبدالله / هذا ابوي جاء
رحاب /لان امل تبكي تبغى تطلع من المستشفى
عبدالله / مافيه طلعه هي تعبانه
اقول ترانا نسينا جامعتها وخابره اختك تحبها
رحاب / ايه صح خلها بكره نشوف وش نسوي. محمد مشغول معها
عبدالله /انا فاضي بروح للدكتور وبكره روحي انتِ للجامعة بالورقة
مو كل شيء على محمد
رحاب/ياقلبي عليه مهتم منها وضايق صدرة
روح اجل جيبها
دخل العم سعود/السلام عليكم
محمد/وعليكم السلام
قرب لها وسلم عليها لا اليوم دلوعة عمها بخير
أمل /عمي ابغى اطلع من هنا
طيب لاتبكين ومسح دموعها
العم سعود /خلود ماجبتي لها اكل
خلود / الا جبت شوربة لها وفطاير اللي تحبها
بس مااكلت شيء
العم سعود /حطي انا باكل معها محمد تعال
جاه محمد وتكلم معه وطلع
العم سعود /محمد
محمد/سم تامر بشيء ثاني
العم سعود / خذ هند معك
محمد / ان شاء الله ماراح نتاخر
وطلع
خلود جهزت الاكل واشر لها ابوها وطلعت
العم سعود / انا ماتغديت ولا راح اكل الا اذا اكلتي
أمل /بس ماني مشتهيه
العم. سعود /واذا على شاني انا
امل /اخذت الملعقه وصارت تشرب من الشروبه
عمها سعود /اخذ الملعقه واكلها باقي الصحن غصب
أمل /خلاص مقدر اكل اكثر
العم سعود / طيب بس بعد شوي ترجعين تاكلين
أمل /ابغى عصير
العم سعود / وش نوعه
امل /مدري
العم سعود / يابكاشه وحضنها اعرف على شان ماتاكلين بس. بتاكلين غصب
اتصل بعبدالله. وقال خلهم يجيبون لها عصير
عبدالله / طلب يجبون لها جابو ا لها خمس انواع ولاشربت ولا واحد
عبدالله / تبين نجيب لك من برى
أمل /مابي مابي وصارت تبكي طلعوني طلع عبدالله ودخل العم علي
العم علي /افا من مزعل الغاليه لايكون عبدالله مزعلك
امل /ابي اطلع من هنا طلعوني
العم علي / هههههههههه مافيه طلعه شوفي وش جايب لك
أمل بزر وقفت بكي وتناظر
عمها سعود /يضحك
أمل /وش
عمها علي /عاد ممنوع يدخلونه للمستشفى وارسلته للبيت
أمل / ابي اعرف
عمها علي /ضمها ببغاء يتكلم ويقول وين امل ان ماطيروه عيال خواتك
امل /ابي اشوفه طلعوني اشوفه
العم سعود /ليتك ماقلت لها
العم علي / وش دراني انها بتعاند وتبغى تطلع
العم سعود/ مامنك فايدة
قام وجلس جنبها
ورجعت تبكي
العم سعود / امل تراك صايره اوم دميعه وش البكاء ذا كله ورني عيونك
رفعت راسها
شوفي عيونك صايره حمرا
لاعاد تبكين ان بكيتي ماراح اطلعك
أمل /اكره المستشفى مااحبه
العم. علي /امل محد يحبه يابوك تحملي الله يعطيك الصحة والعافية
طلع
العم سعود. /عدلها على سريرها وجا الدكتور ورجعوا الدم لها وشوي ونامت ماعاد حست وجلس عمها يقرا قران عليها
محمد / انا جيت وجبت الاغراض
ابيك شوي برى
طلع العم سعود معه وش عندك
محمد / لاتعصب الله يخليك
العم سعود /قول تراني مصدع. من كثر مابكت الله يهديها
محمد /فيصل دايم يتواصل معي وعرف انها تعبانه وهو يبغى يشوفها ومعه امه بس
العم سعود / هي نايمه الحين وماراح تحس فيهم
محمد / يشوفونها عادي شوي مايضر
العم سعود /ماعليه انا بنزل اشوف الدكتور. لا طلعوا قول لي. جبت الدب للي قلت لك
محمد /والفستان بعد وايسكريم بعد
العم سعود/زين ومشى
دخل فيصل وامه ماحست فيهم نايمه
مزنه /من شافتها وهي ضمتها تبكي
محمد /ياخاله الله يخليك والله نايمه مافيها شيء
الحين الحمدلله احسن بس هي اذا حطوا لها الدم تنام
لاتخافين
فيصل /سمى عليها واخذ امه وطلع
اتصلت نوف على هند
وقالت انها نايمه تطمنت عليها قالت بنزوها بكره اجل
رجع لها عمها ومحمد وهند وخلود
جالسين سوالف الا يوم صحت
هند / بسم الله عليك
أمل / وين عمي
عمها / انا هنا عندك وقم وجلس جنبها
أمل /انا خايفه
عمها سعود /افا ليه خايفه بسم الله عليك انا عندك
امل / مدري شفت حلم وخفت
محمد / لايقلبي مافيه شيء لاتخافين جاب لها ماء
وشربت وعدلها وجلست
العم سعود / شوفي وش جايب لك
جابه محمد لها
أمل /يوه كبير مره
العم سعود /ههههههه اكبر منك فديت الضحكة
محمد / بحطه جنبك وش رايك
امل / ابيه ينام معي وتغير جوها كله
العم سعود/ لو اني داري جبته من زمان
ابي تاكلين زين على شان الدكتوريكتب لك خروج
انا بطلع تبين شيء شوفي فيه ايسكريم اللي تحبين ان مااكلتي زين ماراح يعطونك
وبعد شوفي الفستان
أمل /الله لايحرمني منك ابد
محمد / تروحين معي ولا لا
خلود /لا بجلس هنا
هند / روحي راكان بيبكي
خلود /عنده خواته وعمته رحاب ماعليه بجلس معك عندها
العم سعود / حمموها وقصو شعرها لانه تعبتها
هند / بس
العم سعود / قصية. والله يعطيها العافيه وبيرجع بس كذا متعبها
خلود /ان شاء الله كل اللي تامر فيه بيصير
طلع محمد وعمه
وحمموها وقصو شعرها لين كتوفها
امل /اخيرا.
عمها يبغى كل شيء يغير نفسيتها عارف دايم نفسها تقصه
وبعد بالمسشفى متعبها
خلود / طالعه قمر يالله اكلي عشاءك على شان نجيب لك ايسكريم
تعشت وحضنت دبدوبها ونامت
هند / نامت بدون ماتقول شيء ولا تطلب ايسكريم
خلود /اهم شيء اليوم اكلت الحمدلله. وشوفي حتى وجهها احسن بعد الاكل
لازم نجيب لها بكره مكرونه لانها ماتحب اكل المستشفى
هند / عنيده حيل عمي يعاملها زي الاطفال.
خلود / وهي طفله يهند شوفيها كيف نايمه متى كيف بتتزوج وبتعيش ببيت لحالها
هند وخلود دموعهم نزلت
هند / بشرط عليه مليون شرط اهم شيء ما تتعبت
خلود / ويجيب لها خدم بنتنا ماتشتغل
هند /ههههههههه ويسكنها بقصر ويدلعها
خلود /ههههههههههه
هند / من جد انهبلنا. مدري وش بسوي اذا تزوجت
أمل /نامي بقوم اصلي
هند نامت
وخلود/صلت الوتر ودعت لها
حتى دعت يارب ازرق امل زوج حنون وطيب ويموت فيها
ثم صارت تقرا قران لها
أمل /خلود وين عمي
خلود /بسم الله عليك. ابوي راح للبيت تبغين شيء
أمل / لا
خلود / أمل اشربي موية
أمل شربت وظلت صاحيه لين اذن الفجر
ساعدتها خلود وتوضت وصلت وجلست
خلود / تحسين بألم
أمل /لا أبغى عصير
خلود / طيب بجيب لك
راحت وجاب لها عصير فروالة فرش
شربت ونامت
وخلود نامت وجلست هند عندها
بعد ساعتين صارت ترجع وتصيح من الم بمعدتها
خلود /وش صاير
هند/ مااعرف
معدتها وترجع والدكتور بيجي الحين
جا الدكتور وطلعت هند وخلود
شوي الا الدكتور طالع
الدكتور فهد / اخر شيء اكلته ايش
خلود / طلبت عصير فرواله
الدكتور فهد / هي الحين نامت عطيناها مهدي ومسكنات ومضاد للحساسية
ارجوا مااحد يعطيها اي شيء فيه ستوبري نهائي
والحين بليز خلوها ترتاح
هند /بس يادكتور ماهي اول مره تشرب عصير فرواله
الدكتور / يمكن انتم ملاحظتوا انها عندها حساسيه منه يمكن كانت الاعراض خفيفه
بس الحين جسمها ضعيف ماتحمل. ومشى
رجعوا لها وهم يفكرون
خلود / هند حنا ماانتبهنا لها. مو دايم تشتكي من معدتها
هند / الا صح بس حنا توقعنا انها لما تقلق وتخاف
خلود / لازم ننتبه لها اكثر
العصر
محمد / كيف أميرتي اليوم
أمل /بخير الحمدلله
جلس معها بس جوها ماش باين مالها حيل وماتكلمت كثير ونامت
محمد / هند وش فيها ماش اليوم
هند /تعبت الصبح علينا
محمد /وليه مااتصلتي علي
خلود /اهدى اهدى امل طلع عندها حساسية من الفرواله وهي طلبت عصير فرواله وعطيتها ماكنا نعرف انها بتتعب صارت ترجع والم بمعدها. والحين صارت احسن
محمد/بسم الله عليك ماتشوفين شر يالغاليه
رحاب /السلام عليكم.
الكل وعليكم السلام
سلمت وراحت عند امل
رحاب / محمد وش فيك اتركها بتخنقها
محمد/ امل اصحي كلميني لاتنامين
رحاب / وش فيها علموني
خلود / لاتخافين مافيها شيء مسكتها وطلعت وقالت لها
رحاب / الحمدلله طيب اخذي هند وارجعوا للبيت. ريم بتجي الحين ومها بعد
خلود / انتبهي لها لايكون راكان تعبك
رحاب / ليت مافيه الا ركان
ماجنني غير هشوم وجوجو الله يصلحهم يبغون امل جننوني
خلود /بنجيبهم لها بس لين تتحسن صحتها شوي
وطلعت ورحاب رجعت
رحاب /هند روحي للبيت ارتاحي خلود تنتظرك
محمد خلها تنام دامها نايمه خلها شوي وتصحى
محمد / ابيها تصحى تكلمني مسك يدها وقربها لخدة حست وفتحت عيونها
محمد / فديت العيون الحلوه تحسين بالم
أمل /لا وين عمي
محمد / بعد شوي بيجي ابي لاصحى يشوفك صاحيه لاتنامين
أمل / وين ملابسي مابي ذي
رحاب / طيب لاتبكين
ريم / معها بناتها
السلام عليكم كيف اميرتنا اليوم
محمد / وعليكم السلام جيتي بوقتك.
ريم /امرني
محمد / تبكي. تبغى تغير ملابسها ساعدي رحاب
نايف معك
ريم /جايه مع سعود ولدي اهدى وش فيك كذا تبكي خلك قوي على شانها
محمد /طيب انا تحت
طلع وغيروا لها ملابسها ولبسوها بجامة
رحاب / شوفي ريم جايبه لك مكرونه اللي تحبين ابي تاكلين
قبل يجي عمي على شان يشوفك قويه
مابي يجي يشوفك تعبانه
وترى نوف وريما يسلمون عليك وبيجون بعد المغرب يشوفونك
أمل / طيب ابي قهوه
جومانه. /خاله اصب لها
رحاب /لا / شيلو القهوة للضيافة
امل / اكلت شوي وقال خلاص مابي
ريم / بس انتي يادوب اكلتي على شاني بس ذي
أمل /شبعت خلاص
ريم /بس ذي وخلاص
أمل /طيب
اكلت راحت راحت وجابت لها كاس فيه قهوه ورجعت
رحاب / تبغين قهوة
أمل / لا مابي اذا جا عمي شربت معه ابغى مويه
رحاب / بتهبل فيني اختك
ريم / اسمعي انا بنام عندها انتي وخلود كل وحده بس تمسك بزرانها يكفي
رحاب /هههههههه طيب
جلست شوي ورجعت تنام
جوهم بنات عمها سعود وزوجات عمها بس امل نايمه
ماحست فيهم وزوجات عمهم علي نفس الوضع
جت نورة ومعها خوات زوجها ثنتين ونايمه ماحست فيهم بعد المغرب
جاتهم جارت خلود سبيعيه وسلمت عليهم تعرفهم من زمان وراحت
ثم دخل عمها سعود عليها
صار يقرا قران ثم صحت
أمل / لاتروح وتخليني انا اخاف
العم سعود / بسم الله عليك انا عندك مارحت
جو البنات ريما ونوف والهنوف وريم وعبير
وجلسوا بالضيافة
رحاب / اعتذر بس عمي سعود عندها داخل وهي رافضه يتركها
نوف / رحاب امل فيها شيء اخاف انها ا تعبانه مره
ريم / لا الحمد لله بخير بس بنتنا دلوعه شوي
انا رايحة لها
دخلت الا هي لاهي نايمه و لا صاحية
ريم /امل صديقاتك يبغون يشوفونك
العم سعود / خليهم يدخلون
انا بنزل لمحمد تحت
أمل /عمي
العم سعود /ماني رايح بجلس عند محمد لين يخلصون وارجع اقولك قصيده
طلع ونزل للدكتور ومعه محمد
العم سعود / يادكتور البنت مدري وضعها مو عاجبني. تخاف
الدكتور فهد / يابونايف لا تخاف الحمد لله انها جت على الخوف. مااثرت فيها الحراره بشيء ثاني اول ماجتنا حالك بنتكم كانت حررتها عاليه غير الصغف الجسدي والارهاق وترى لو تشوف تحاليليها ماراح تقول لي كذا
محمد بس يادكتور
الدكتور فهد /قاطعه لاتخاف اعرف حاله موقته بتظل معها فتره لاتخافون عليها تبغى بس راحة ونظام غذائيه ونفسيه عاليه وبترجع لطبيعتها ان شاءالله
حاولو انها ماتتضايق انا اشوفها دلوعه كثير لانها متعبه الممرضات معها يليت ترتاح شهر بالبيت وانا قلت لاخ عبدالله امس ممنوع تروح للجامعة. وكتبت كل ذا بالتقرير الطبي يليت ماترهق نفسها
محمد /ان شاء الله
طلعوا
محمد / مستحيل امل تجلس شهر بالبيت
العم سعود / بنخليها غصب زين عبدالله ذكر جامعتها
ريما / الحمدلله على سلامتك كذا تسوين فينا
أمل /الله يسلمك
نوف/الحمدلله على السلامه راح الشر ان شاءالله. ياقلبي اشتقت لك حيل
وجت ريم ليه كذا تخوفينا عليك وصارت تبكي
أمل /انا كويسه
عبير / ياربيه جلد وعظم اموله الله ى يعطيك الصحة والعافية واشوف دبه.
امل /حرام ههههههه وصارت تضحك
الهنوف / الحمدلله على سلامتك اللهم امين بس مااتخيل شكلك دبه ابد
نوف /شايفه أمل تعبانه حيل ماحبت تطول
نوفه /حنا نستاذن وبنجيك وقت ثاني سلمو وطلعو
ريم /ياقلبي تعبانه مره
الهنوف /من جد سولفت وتضحك وهي حيل تعبانه
ريم / نامي وارتاحي
أمل /ريم وين عمي
ريم /تحت لاتخافين انا معك سمت عليها وحطت يدها على راسها وصارت
تردد سورة الفاتحة وآية الكرسي ونامت امل
اتصلت على محمد
محمد / طيب حنا جايين
العم سعود /نامت
ريم /نايمه سالت عنك قبل تنام
جلس جنبها وصار يقرا عليها قران
محمد/اخاف جايتها روعه
العم سعود/ مااعرف
ريم / لا ان شاء الله
طلع محمد وعمه
وريم ونامت عندها
صحت سولف معها
ريم /فديت اللي تضحك
اسمعي رحاب من شوي متصل تقول وش مشتهيه
اجيب لها
امل /ولاشيء
ريم / لازم تاكلين
أمل / مابي شيء ماني جوعانه
وين دبدوبي
ريم /قريب بجيبه لك راحت وجابه وحضنه أمل ونامت
العصر
جت خلود ورحاب وهند ومها
جلسوا سوالف
هند /وين محمد
خلود /مااعرف انا جايه مع عبدالله ورحاب
نورة /السلام عليكم
الكل وعليكم السلام
نورة كيفها اليوم
ريم /الحمدلله احسن بس اكثر شيء نايمه صحت قبل العصر شوي ورجعت نامت
نورة /الحمدلله وين كنا وين صرنا
/عبدالمجيد وتركي
السلام عليكم
الكل وعليكم السلام
سلموا على خالاتهم
خلود /كيفكم ياشباب
عبدالمجيد/ بخير الحمد لله كيفك وكيف خالي
خلود بخير الحمدلله
ماشفتوه معكم
تركي /لا يمه هاذي الاغراض خالتي صاحية ولانايمه
ريم /نايمه بس تدخلون لها يمكن تصحى
نورة / مجود /امسك صحوها وخلوها تاكل
عبدالمجيد / وان رفضت
هند /تصرفوا
تركي /خاله. تحطينا بوجهه المدفع عارفة خالتي عنيدة
هند / ههههههه روحوا وروني شطارتكم
طلعوا ودخلو لها الا هي صاحية سلموا وجلسوا عندها
تركي / خالة كيفك الحين
أمل /الحمد لله بس عندي صداع
عبدالمجيد / تبغين نقول للدكتور
أمل /لا لا
صاروا يسولفون لها
تركي /خاله وش رايك اخطفك واخذك معي عندي بالبيت ولا من شاف ولا من درى
أمل / هههههه وليه تخطفني
تركي / ابد ابيك توسعين صدري وتسولفين علي
أمل / سلامات وين زوجتك شينت الحلايا
تركي /ههههههههههه قويه وراك ماهي عاجبتك
أمل /لا وش رايك اخطب لك وحدة ثانيه
تركي / موافق بس اول شيء تقومين لنا بالسلامة
ثم اطبي لي مو وحدة بعد ثنتين
عبدالمجيد /لا منت صاحي
تركي /لي اربع وش دخلك ياخي جاب الاكل وصار ياكل خالته ويسولف
وامل /تعانده ثم اقلبوا على عبدالمجيد
عبدالمجيد /انت وخالتك منتهين
محمد /السلام عليكم
الكل وعليكم السلام
عبدالمجيد وتركي سلموا على خالهم ومحمد توجه لامل
محمد/كيفك اليوم
أمل /بخير الحمدلله محمد تعال تغدا معانا انا وتركي
محمد / وش غداكم ان اعجبني ولا ماتغديت
عبدالمجيد/ طبخ الوالده لايفوتك
محمد / دامه طبخ نورة قوم انت مناك
تركي / وراك علي ياخالي
عبدالمجيد /علم خاله بخطط تركي. وأمل
محمد/ههههههههههه طيب من العروس
امل /جنان بنت ريم اختي
تركي /تهقين خالتي توافق تزوجي دقيقه بخلي الوالدة تجي
عبدالمجيد /خبل انت
تركي /ترانا نتكلم جد مانمزح تبي نخطب لك بعد ماعندنا شيء
محمد / الو نورة تعالي ابيك
نورة / دقيقه بس
جت نورة /السلام عليكم
محمد / وعليكم السلام تعالي الحقي على ولدك
نورة / اي واحد
تركي. / يمة ابي تخطبين لي بنت خالتي ريم جنان
نورة / فيك شيء
عبدالمجيد /يمه ولدك انهبل وخالتي أمل اللي كبرت براسه السالفه وهي اللي اختارت البنت
نورة / تركي
تركي / والله والله انا ابغى صدق شوفي خالتي
أمل / نورة. ان ماخطبتي له. بخطب له انا. هات جوالك اتصل بخالتك ريم وعطينها
محمد /انا مالي دخل
نورة /وانا بعد ماخطبت لك الاولى بخطب لك الثانيه
تركي /ماعليك ياست الكل وباس راسها
نورة / هي معجبها الوضع لانها مو عاجبتها زوجة تركي
بس لان ابوه اللي مزوجة ماتبي مشاكل
أمل / ريم. ممكن تجين عندنا شوي
ريم / وش السالفه. تحسين بشيء
أمل /لا ابغاك بموضوع
ريم / طيب جايه انا
سكرت
هند /وش السالفه
ريم / مااعرف تقول تبغاني بموضوع ومتصله من جوال تركي
أمل /محمد انتم وش تقولون بالخطبه ولا اسوي زي المسلسلات المصرية
عبدالمجيد /لا وش ذا ضاعت سلوم القبايل
محمد /تصرفي انتِ ولد اخت انا ونورة مالها دخل
جلس جنب نورة وهم يضحكون
دخلت ريم
السلام عليكم
الكل وعليكم السلام
ريم /اموله وش فيك
أمل /لاتخافين عدلت نفسها ريم تعالي عنا مقدر انزل من ذولي
ريم /ارتاحي انتِ هذاني جيت
عبدالمجيد /ماسك نفسه
أمل /يام سعود أنا جايتك اخطب بنتك جنان. لولدنا المزيون ذا