[لامارا]

. ريم /ههههههههههههه والله خوفتيني رجعت وجابت القهوة وجلست مع نورة ومحمد يتقهوون
تركي /خاله وش قلتي ترانا نخطب رسمي
ريم / تتكلمون صدق انتم
أمل /شايفتنا نلعب جد ابي جنان لتركي
تركي /نزل من السرير وسلم على راس خالته. وش قلتي ياخاله شوفيني مزيون وموظف وعندي بيت لو تبين اترك الخرج واسكن عندك بالرياض ماعندي مشكله
ريم / نورة وش رايك انتِ
نورة / ماراح القى لولدي احسن من بنتك
ريم /وزوجتك ياحظي
تركي / ترضى ترضى ماهي راضيه بيت اهلها ووورقتها تاصلها
طفشت منها
محمد /الزواج مو لعبة طفشت منها
تركي /لا لا. بس لي سنة متزوج طقت سبدي منها اقول يمين تمشي شمال غير كل يوم وهي عند اهلها وامي وامي خلها عند امها احسن اصلا لو لا ابوي كان مطلقها من زمان
أمل/ريم ماقلتي رايك
ريم / اول شيء الراي عند جنان ثاني شيء ابوها وعمي بعد لهم راي مو علي كيفي اقرر
محمد /وانتِ رايك الخاص
ريم / انا طبعا موافقه وين بلاقي لبنت ولد زي المقرود ذا وتمعد خدودة
تركي /دام خالتي موافقه اجل تجهزوا لزواجي
ريم /مو على كيفك مافيه زواج لين تخلص ثانوي وبعد ها. الله يسهل لك
تركي /نتحمل لين تخلص
عبدالمجيد / هههههه مبروك يالدب مبروك يمه انتي وخالتي
وسلم عليهم وعلى خاله
تركي /شال خالته
محمد /خبل انت نزل اختي ماتشوف الدم والمغذي
تركي /من فرحتي نسيت
عبدالمجيد /اسمع انا عندي شرط لك ولخالتي
ريم /وش عندك
عبدالمجيد / اول مولود اذا بنت يسمونها امل على خالتي. واذا ولد يسمونه علي
تركي / على خالتي موافق بس عليك ليه سلامات
طلع مع اخوه وخالهم وهم يضحكو
هند /وش عندكم
نورة /خطبة
هند/ههههههه لا جد علميني
خلود/ نورة وش السالفة
مها / ريم
ريم /وش قلنا خطبه
تركي خطب جنان بنتي
مها/ ههههههه لا تمزحون احد يخطب بالمستشفى
أمل /يس انا اللي خاطبتها له وريم موافقه ونورة بعد
باقي العروس ونايف وعمي سعود
خلود/ ماني مصدقه تمزحون انتم
نورة /لا والله مانمزح
خلود /الف مبروك يانورة انتي وريم والله يتمم على خير لو ماني بالمستشفى كان عطيتكم صغروطه
ريم /لافكينا
مها /تبون الجد. انا فرحان ماكنت راضيه بزوجه من من بنت عمته
نورة /عاد انا اللي راضيه رايحه اخطبها له بالغصب. ابوه يبغاها.
هند/هههههه كلنا ماكنا تبغاها بس الحمدلله
خلود/اذا على نايف اخوي موافق مني انا
باقي ابوي
ريم /نورة وزوجك عاد
نورة /ماعليك منه المهم كم تبين مهر بنتك
ريم /خليها للرجال احسن وانا مابي من تركي شيء
أمل /لا والله ياريم مو على كيفك باطلع المهر من تركي
تراه لعاب
هند /هههههههه اهم شيء امل متحمسه للسالفه وتغير جوها الله يبارك بذا الخطبه اللي طلعتك من جوك
ريم /مره
بعد المغرب طلعت ريم ونوره وعيالها
وجاتهم مزنه معها بناتها نوال ومناير وفيصل وخالد وبندر
دخلوا عندها
ريما / مانبي نزعجها
عبير /وش شايفتنا بزران نزعجها
ريم / مشينا ياحبكم للكلام الزايد
نوف / من جد
جلسوا بالضيافة وسوالف مع هند وخلود ومها
طلعت مزنه ومرت تسلم على خواتها قبل تمشيء
هند /اعرفكم ذي ام هادي ام امل
ريما /كيف يعني
ضربتها ريم على كتفها
وسلمت وورجعت لريما بعدين نفهمك
مشوا ودخلو البنات
سلمو عليها وسوالف
ريم /واووووواو يجننن وشالته
الهنوف /يجنن عطيني
ريم /لا انا اخذته اول
الهنوف /امل بليز ابيه
نوف / استحوا على وجيكم الحين انتم مو
جايين تزورونها ولا جايين تاخذون هداياها
ريم /مابي الا ذا
الهنوف /لا امل انا ابغاه
أمل /لا انتي ولا هي هذا حقي
ريما/تستاهلون فشلتونا
ريم /ذا يجنن واول مره اشوف زيه
أمل /مافيه ذا عمي شاريه لي واسمي مكتوب عليه
الهنوف /صح شوف مكتوب لف امل
ريم /طيب وانا
أمل / طيب بقول لعمي ولا محمد يشترون لكم دباديب
عبير وانا وانا بعد ابغى واحد يتكلم ويقول اسمي زيك حقكك
ريما/ مبزرة انتم
ريم /يس مستحيل اكبر على الدباديب لو يصير ايش
نوف/المشكله غرفتك مليانه وين بتحطين الجديد
ريم /ماعليك فيه معي بسريري
سوالف لين الساعة عشرة وطلعوا
امل نامت ماعاد حست
دخل عليها عمها علي وعمها سعود
العم سعود /نامت
هند /تعبت اليوم وسولفت معهم
محمد / ذي الاغراض اللي طلبتي ياهند
هند / محمد. امل تبغى دباديب زي حقها لصديقاتها نامت كانت تبغى تقول لك
محمد / طيب مو مشكله اتصل على المحل وبيجهزونها. بس وش الاسماء
ارسليها لي وطلابتها اومر
العم علي / تبغين شيء ياهند
هند /سلامتك ياعمي
ترى عبدالله ورحاب اخذوا لامل ورقة اجازة على شان الجامعة
وريما اتصلت على العميدة وقلوا خلاص بعد شهر تداوم
محمد /زين انا نسيت جامعتها
العم سعود/اول مرة يطلع من عبدالله منفعه
هههههههه
محمد /لاوالله ياعمي المره ماقصر
وطلعوا
الصبح
هدوء امل نايمه صحت اكلت شوي وعطوها الادوية ورجعت نامت
هند بعد نامت
محمد بن سعود /من فاقت أمل مازارها
عاد مقرر يعترف لها عن حبه واذا وافقت قال لابوه
وشاري لها هديه
محمد بن عبدالله / ارسل محمد باغراض امل
محمدبن سعود/ مشعل ابيك تجي معي
مشعل /صملت تعترف اخيرا ياخي وش لك بالحسي ذا
قول لابوك واخطبها وخلصنا
محمد/لا ابي اعرف رايها اول ابي اقول اني احبك
مشعل /طيب انا انتظرك ونشوف وش اخرتها
محمد/اخذ مشعل وعلى المستشفى تقريبا الساعة عشرة ونصف الصبح
دخلوا
محمد /اول ابيك تشيل معي ذولي
مشعل /لايكون بنروح قسم الاطفال حنا والالعاب. ذي
محمد /لا ذي مرسله محمد لاموله
مشعل/ وانت بتتزوج طفله
محمد/امش وانت ساكت
شالوا الدباديب رجع مشعل راح يجيب الموكا اللي طلبة محمد ومحمد رجع للسيارة يجيب هديتة وبعدل شماغة ورشت عطر ودخل
مشعل /الله الله يعني يعني كل ذا على شان الحبيبه
محمد/ دعواتك
مشعل /الله يوفقك يالغالي وافرح فيك انت وهي
محمد/
جاهله ...
ماتعرف وش كثر أحبها
ساهيه ..
ماتدري اني ضايع في بحر عشقها

اتصل على جوال أمل
أمل نايمة
هند / بسم الله الرحمن الرحيم يارب سترك وش اللي صاير
سمعت صوت دورية.
رجع الصوت ثاني مره
طلت مع الشباك تحت مافيه شيء كل شيء طبيعي وين صوت الدورية ذي
الا تشوف نور جوال امل اخذته مكتوت الازعاج
هند/من الزعاج ذا ههههههه
الو
محمدبن سعود / الحمدلله على سلامتك ياقلبي
هند/ الله يسلمك هذا انت يمحمد وانا اقول من الازعاج ذا
محمد. بن سعود/ هلابام عبدالله اسف احسبك امل
صباح الخير كيفك
هند/صباح النور بخير الحمدلله
محمد بن سعود/ عسى ماازعجتك
هند /لا مافيه ازعاج بس الاسم الازعاج ونغمة دورية قلت من ذا
محمد/ سكت شوي مصدوم انا يامل ازعاج وصوت وحاطة لي نغمة دورية
مسك نفسه. ابو عبدالله مرسلني بالاغراض
هند /ايه تذكرتها
محمد/طيب انا بعد شوي بجيبها لكم. وسكر
محمد حاول يمسك نفسه وكنه ماسمع شيء رجع يرتب كلامه وطلع فوق
هند / امل ماتستحين ليه كذا
امل /وش سويت وهي تفتح عيونها بثقل
هند /اجل محمد مسميه الازعاج. هذا ووهو يحبك
أمل /وانا اكرهه
هند/ وش تكرهينه محمد يموت فيك مو يحبك بس
أمل / حبته القراده ان شاء الله وانا مااطيقه مااحبه.
هند / وش الكلام ذا انا ومحمد بس نتظر يخطبك وحنا موافقين
من تلاقين احسن من محمد يحبك واخلاق
أمل /لا والله. لو مايبقى غير محمد بالدنيا ماراح تزوجة تفهمين انا مااطيقه
اكرههه اكرهه مااحبه. تقولين بتزوجه اموت احسن لي ولا اتزوجة
محمد /سمع الكلام للي كان على سمعه زي السكاكين اللي تقطع في قلبه
كان معه كيس الهدية والكاس ومعه كيس ثاني فيه اغراض نزل الكيس ومشى
هند / سمعت الكيس وطلعت الا الاغراض عند الباب عرفت ان محمد كان هنا وسمع الكلام
هند / ارتحتي الحين. يوم سمع كلامك اللي يسم
أمل / غصب احبه يعني على شانكم
هند / ماتستاهلين محمد اصلا اتصلت عليه ولايرد
محمد / طلع والنار تحرق بقلبه لا انا احلم كل ذا تكرهني
لا لا يامل انا احبك انتي ليه تكرهيني
ليه يامل كل الحقد والكره لي بقلبك. ليه يأمل
طلع من الباب الامشعل ينتظره
محمد مشينا
مشعل كان مشغول بجواله وانتبه لمحمد الا الولد مو اللي راح منه قبل شوي دموعة تنزل واقف
اخذه منه المفتاح وركب وركبه معها
مشعل /وش فيك علمني
محمد /مشعل الله يخليك بسرعة اطلع من هنا
مشعل ماحب يجادله وهو بذ الوضع
مشعل وش صار علمني تبني اطلعك من الرياض كلها ابشر ولايردنا الا البحر
محمد /انا مخنوق
مشعل /انتبه لكوب الموكا اللي بيده والهدية عرف ان السالفه عند الحبيه واخذ الكاس وصاريشرب وعلى طريق الشرقيه
بعد ساعة
مشعل /وبعدين ياخي علمني. وش فيك تكلم ولا والله بنزلك هنا
محمد/مشعل تخيل امل تكرهني. تفضل الموت ولا اتزوجها
ورجع الوجع لقلبه وهو يتذكر كلامها
الموت عندي ولا اتزوجة
مشعل / وطيب خير ياطير البنات وش كثرهن ماوقفت على بنت عمك
محمد/ بس انا احبها انا مابي الا امل مابي البنات كلهم
مشعل /اللي خلقها خلق غيرها وبعدين تبي الجد مغرورة بنت عمك
شايفه نفسها بالحيل
محمد/يحق لها الغرور
مشعل /وتدافع عنها بعد
محمد/ذي بنت عمي قبل تكون حبيبتي تفهم والله ماتجي ماطاها ذي بنت عبدالله ..مهيب اي بنت
مشعل /طيب فهمنا
عم الصمت
بعد ساعة
مشعل / اصلا. انت
محمد/بالله فكني
مشعل /لا ماراح اخليك. اسمع الهرج اللي مو احبها ومدري وش
انت من حبيبتها قلت لها كلام حلو
محمد/للحق لا دايم اهاوشها
مشعل / عمرك دلعتها ولا بينت لها حبك
محمد/بعد لا
مشعل / اجل صاجني ليه. ماالوم البنت لا كلام زين لا شيء وش تحبك عليه. خلاص رسخ في ذهنها. انك الشخص اللي دايم ناشب لها
محمد/بحزن تعرف وش مسميتني بجوالها
مشعل /نشبه ههههههه
محمد/لا الازعاج والنغمة دورية
مشعل /ههههههههه تستاهل ومسوي فيها الحبيب اول شيء تعلم الحب بعيدين روح اعترف لها ومدري وش اقول ترى مامعي فلوس وحنا بالشرقيه وش العلم
محمد / اقول ارجع للرياض بس مامعي الا ميتين ترجعنا للرياض
مشعل / هههههههههه. جوعان انا. غدني ياخي
محمد /انا ماني مشتهي شيء تسوق ولا سقت انا
مشعل /طيب وقف عند المحطه نعبني وناخذ شيء من البقاله ولابعد ممنوع
محمد /طيب
طول الطريق ومحمد يفكر بكلام مشعل.
صدق دايم يهاوشها دايم يضحك عليها ولا يفشلها.
دايم يخليها تعصب ويقهرها
محمد/ مشعل اصحى
مشعل /وش فيك خلني انام وصلنا للرياض
محمد /وجع لا
مشعل / وجعين وش فيك اجل
محمد /طيب انا احبها. والله ابغاها افهمني
مشعل /عدل اسلوبك ياخي. وبعدين لاتنط دايم بوجها اثقل
خلها تمشي وراك مو انت اللي تمشي وراها
محمد/مقدر مااشوفها
مشعل / ياربيه مقدر مااشوفها اثقل يارجال وش الكلام ذا
اسمع كلامي وراح تصير خاتم باصبعك
محمد/ بس هي عنيدة ماضنيت تلين
مشعل /هين كلهم سوى بنات ماتحب اللي يركض وراها
محمد/نمشي معك ونشوف اخرتها
مشعل /اخرتها زواج وخير ان شاءالله
اقول مالها خوات تخطب لي منهم
محمد/لا اصغر وحدة هي اخر العنقود فديتها
مشعل / البنت لحسه عقلك كانها عاد مزيونه
هانت الموت ان كانت على شين النفس شينه
محمد /الا شيخة البنات
نرجع للمستشفى
هند / بعد ماهاوشتها امل صارت تبكي وزعلت ولاعاد تكلمت بشيء
العصر خواتها جو وهي نايمه
تصحى تصلي تنام. بعد العشاء.
العم سعود / محمد جلست عندها ساعة ماتحركت وعارف انها مو نايمه بس زعلانه
جرب انت شوف وش مزعلها
انا طالع
محمد /ههههههه بنتك زعوله احسبها نايمه
العم سعود/ههههههه لاماهي نايمه زعلانه اسئل هند وش مزعلها. ولاتنسون ممنوع تزعل ولاتتضايق اذا طلبت تطلعها من المستشفى طلعها يومين ونرجعها
محمد/ان شاءالله بطلع اشوفها
محمد /السلام عليكم ماصحت اموله
ريم /لا
محمد /جلست جنبها وصار يسولف لها وهي ماتحركت متغطيه بالمفرش
محمد /طيب امولتي اليوم نايمة وماشفت العيون الحلوه
من بتنام عندها
ريم /انا
رحاب/ لا روحي ارتاحي انا بنام عندها
محمد / رحاب اجلسي عندها احسن
الباقين كل وحدة على بيتها وانتي يامها. وش عندك مارحتي بيتك
مها/هههههههه. عيالي كل واحد يدبر نفسه وقلت لخالد وقال روحي عند خواتك وبعدين هذاني ماسكه راكان ولمار يعني مني منفعه
محمد /طيب اخلو ابي اميرتي لحالها بالعربي
خواته ضحكوا
رحاب /وانا وين اروح
محمد/انزلي جيبي لي قهوة فرنسيه
طلعوا من الغرفة
محمد/ سحب المفرش وشالها
فديت الزعلانه انا.
امل /نزلني
محمد / جلسها على الجلسه. وجلس جنبها
رفع راسها وابعد شعرها عن وجها وحطه ورى اذانها
محمد /من مزعل حبيبتة اخوها
أمل /ولا احد
محمد/وش مضايقك
أمل /ولاشيء
محمد/طيب بصدق
أمل /قامت وسحبه المغذي ورجعت لسريرها
محمد /تبغين اطلعك من المستشفى
أمل /لا
وتغطت ونامت
محمد/ قام وشال الدبدوب وحطه معها على السرير وباسها وطلع الا رحاب جايه
محمد/حاولي تعرفين وش مزعلها
اسمعي قولي لكل خواتي ممنوع احد يزعلها ممنوع احد يضايقها
ذا كلام الدكتور فهمتوا. ولا ترى باخذها عندي في البيت
رحاب /لا خلاص وش فيك امسك
محمد/اخذ قهوته وطلع من المستشفى
وعلى بيت هند
شروق /يمة خالي بالمجلس يبغاك
هند/غريبه. جيبي القهوة بسرعة
شروق /طيب جاهزه بجيبها الحين
هند /روحي ذاكري خلي شادن تجيبها
راحت لمحمد
محمد /هند وش فيها امل
هند/ مافيها شيء
جت شادن وحطت القهوة سلمت وطلعت
محمد/هند علميني بسرعة قبل اعصب
هند/قالت كل اللي صار
محمد/وليه تهاوشينها الحب مو غصب
وبعيدين يمكن محمد مايبغاها صدق وحنا اللي نتوهم
هند/ وش نتوهم باين بالوالد
محمد/لو يبغاها قال لعمي وخطبها ولا قال لي ولا لخلود
لمحت له انا. وارسلت له خلود وماقال شيء
لوه يبغاها تحرك
هند/ يمكن استعجلنا
محمد/ اسمعي ترى ممنوع تزعل ولاتتضايق نفسيتها مهمه
وذا كلام الدكتور وانا مابي احد يزعلها سوى كانت مريضه ولا طيبه
وبعد حتى لو غلطانه انا بس اللي اهاوشها امل ماتحمل. افهمو
البنت حساسة
هند /طيب خلاص ماصارت
محمد / الحكي ذا مابيه يطلع حتى لخواتي
يبغاها يجي غير كذا ماعندي
وطلع
وراح للبيت
خلود /من جى محمد وباين معصب
واخر شيء دخل الغرفة ويحاول ينام
خلود /دخلت عليه
خلود /وش مضايقك
محمد/ولاشيء
خلود/امل فيها شيء
محمد/لامافيها شيء بالعكس الدكتور يقول بعد اسبوع خروج
ويمكن اقل
خلود/اجل وش فيك قول
محمد/ الحين يوم ارسلتك لاخوك وش قال
خلود/تقصد محمد
محمد /ايه هو
خلود /ماقالي شيء ظل ساكت ولا اعترف بشيء محمد مستحيل يتكلم واذا عنده اسرار بيقولها لافنان
محمد/ وانتي ورى ماسالتي افنان
خلود/ مستحيل تعلمني قالك شيء
محمد /لا الظاهر اني كنت غلطان
خلود/منت غلطان بس يمكن مايبيغى يتكلم فيه الا لما يخلص جامعة. محمد مستحيل يتزوج قبل يخلص وويحصل وظيفه
محمد / يمكن بس انا توقعت يبغاها صرت اخليه دايم ياخذها ويجيبها
خلود/هههههههه طيب نام الحين وراك دوام وخلها تجي من نفسها انا نفسك ابغها له وترى خواتي بعد. وقالوا له بس الولد محيرني
محمد/هذا دليل انه مايبغاها
تدرين ان ام صالح خاطبتها لولدها
خلود /منهي
محمد /فلوه اخت عمتي حصة هذا اصغر عيالها نسيت حتى اسمه. تعلمني هدى
انا ماني راضي وعارف امل ماراح توافق
خلود/ مني انا ماراح توافق اصلا هي مابعد شافت ولا وحدة من خالاتها تبيها تتزوج منهم
انا اتوقع والعلم عند الله انها بتتزوج من برى العايله احساس
محمد/ خلود عندك شيء جديد
خلود /لا مافيه جديد بعدين امل كل تفكيرها بذ الجامعة ماخذه عقلها
محمد./اخذي ولدك خلوني انام
المستشفى
رحاب /اموله لازم تتعشين
أمل /مابغى
رحاب /ولماذا
أمل /لاتطلعين العربي على راسي خليه عندك بالمدرسة
رحاب /افا فديت المعصبه انا
وش عندك يادلوعة اخوك
أمل /ماني دلوعة ماني دلوعة
وتخبت تحت المفرش
وصارت تبكي
رحاب /سكتت عنها وجلست تتبابع التلفزيون
ثم راحت وطلعت الايسكريم من الثلاجة
رحاب / امل دامك ماتبغينه انا باكله على الفلم
أمل /اكليه اصلا ماابغى
رحاب /طيب فيه تشيز كيك ليمون تبغينه ولا اكله بعد
أمل /انتي تتابعين فلم ولا تاكلين
رحاب / الفلم حلو تتابعين معي لسى في البدايه
أمل / امريكي ولا وش
رحاب /ايه امريكي يس اوف لا حرام
رفعت راسها وصارت تتفرج
رحاب / قامت بهدوا عدلت جلسها وحطت لها مخده زيادة
وعدلت الشاشه يمها
أمل / ايه انا كنت ابغاه لي فتره
رحاب /ايه شوفي شوفي امسكي
وعطتها تاكل وهي منسجمه مع الفلم
صورتها فيديو وارسلته لمحمد لاتخاف اكلت وتتابع الفلم
محمد /ارسل. اذا نامت اكتبي لي
رحاب / انت نام ماراح تنام الحين
محمد/اوكي بجيكم الصبح
كملت الفلم ونامت
الصبح
محمد/صباح الخير
رحاب /صباح النور
محمد /ماصحت
رحاب /لانايمه جى الدكتور من شوي وكشف وراح ولاصحت ولاشيء
ههههههههههه
محمد/وانا جايب فطور
افطر محمد مع رحاب وطلع
جلست رحاب / على جوالها تسولف مع خواتها لين الظهر
رحاب/اخير صحيتي
أمل /لا صاحيه من زمان وانتي مو يمي
رحاب/ يالله منتي بزر الحين بتاخذين شاور بعدين تغيرين صديقاتتك بيجون يتغدون معك
امل / طيب بس يدي تالمني من المغذي ذا خليهم يغررونه شوفي يدي صارت الوان
رحاب / طيب الحين تجي النيرس تشيله
ساعدتها رحاب واخذت شاور. صلت ومشطت شعرها
ورفعته من قدام فيونكه.
أمل /مو كنها فيونكات بناتك
رحاب /الا هههههههههههه لقيتها بشنطتي
أمل /فيها دبدوب
رحاب /واذا دبدوب
أمل /ماني بزرة ورمتها
رحاب /ياربيه دقيقه معي وحده ثانيه
بقول لمها تشتري لك العصر خلاص حقات كبار
ورفعت شعرها شوفي الحين عاجبك ولا لا
أمل / لا ذي زينه
رحاب /ههههههههه والله اختي تحفه
رحاب /عمي سعود يسلم عليك اتصل وكنتي نايمه
وعمي علي بعد
أمل /الله يسلمهم متى بطلع من هنا. ماصارت
رحاب / مافيه طلعه لين يقول لك الدكتور
امل /طيب اجلسي عندي انتِ
رحاب / طيب ماراح ارجع للبيت اصلا انا مرتاحة اجازه من البيت والدوام
تبين الجد. انا مليت وبترك المدرسة
أمل /احسن لك
رحاب / ههههههههه نفس كلام عبدالله
أمل / تاخروا البنات
رحاب /لسى الوقت. عادي الا الباب
ريما /السلام عليكم
رحاب وامل /وعليكم السلام
الهنوف/ حنا اسفين تاخرنا. عليكم
بس فيه ناس هي السبب
عبير /اسفه اموله تاخرت
ترى العجوز الشمطاء تسال عنك
قلنا لها انك بالهوس بتل قلت اووماي قارد
أمل /ههههههههههههههه
الهنوف / بجيبها لك خابرتك مشتاقه لها
أمل /لا لا
نوف / واحلوينا وتمعط خدودها
أمل /اي اي. يعورني
نوف / بس قصتك. مغيرتك والله. وسحبت الفيونكه وحطتها بشعرها
أمل /رجعيها فيونكتي
نوف /لا صارت حقتي انزلي اخذيها ايه ترى عبير اللي مختاره الغداء
سوالف وضحك. ونسوا انهم بمستشفى
أمل / يوه
ريم /والله. هيفاء صارت الوان الوان وجههها
والهنوف ماحلت
انا تخيلي تخلي بس
انا ونوف الوحيدين اللي جبنا علامة كامله
ريما /. من الفلاحة
نوف /انا يوم قريت الاسئله. اقول العجوز وش فيها
يوم خلصت حليت رجعت تاكدت من المستوى والقسم
ريما /انا جلست اتفرج على الورقه ماني مصدقه
أمل /الحمدلله اني هنا
الهنوف / انا حليت يعني. وجنبي هيفاء
البنت تقلب الورقة اخر شيء قالت مدام انا مستوى ثالث وذي مستوى اول
ليتها ماقالتها
وتنطلق العجوز عليها
تسب وهيفاء من القهر ترد عليها
عبير /ههههههه تعرفين الهنود اذا تهاوشوا
انا مت ضحك هوشه امريكيه معتبره
بس هيفاء اكلتها حرمان
أمل / ياقلبي راحت فيها
ريما / تقول ماعلي منها وباخذ. الماده ولاني محوله.
انا سمعت نورة تقول انها اخر سنة لها بالسعودية. يعني
تقدر ترجعها هيفاء السنة الجايه. بس راح عليها التميز
وهذا اللي قاهرها
أمل / وهي ليه تجيب معلومات قديمة
نوف / هههههههه يختي. الا تسوون مشكله على شاني جبت كامله فكونا
الهنوف / نوف بالله كيف حليتي
نوف /مثل الناس كنت حافظتها تري
ريما /اشك بوضعك انتي وريم
ريم تراها ممتازه بس عليها مسكات
انتي ماتبغين الحقوق اصلا
نوف / تراكم ازعجتوني ماني قايله لكم كيف جبتها
أمل / هههههههه انا عرفت
ريما / امل قولي
عبير /اموله تكفين تكفين قولي
نوف /امل يويلك ترى جود تسلم عليك وتقول الحمدلله على سلامتك
ولو كانت بالرياض بتجي تزورك
وجدتي لولوة تسلم عليك
الهنوف /تهديد واضح
أمل /انا بنت ابوي محد يهددني وانتم اغبياء
مفروض عرفتوا
ريما /مافيه الاهو سلطان.
عبير /بس هو مو علوم سياسيه
وجوالها اصلا معي بشنطتي. كنت اتفرج على موديل ودخلت الشمطاء وحطيه بشنطتي
نوف /طلعت براءه
المهم. ترانا طولنا والبنت لازم ترتاح
ريما /ماراح نخليك الا لين نعرف
أمل /بنات الدباديب وصلت
ريم / وينها
رحاب / بغرفة الضيافة
الهنوف /اموله مشكوره كثير وطلعت مع رحاب
ريم /قسم مافيه زيك. مشكوره وشكرا لمحمد بعد
أمل /لاتشبكين ياريم
عبير /شكرا اموله باستها وراحت مسرعة
طلعوا البنات
رحاب /صديقاتك عسل ماشاءالله عليهم
أمل /مره
رحاب / نوف وريما وربي كل شوي يتصلون ويسالون
بصلي ثم اخذك تصلين
بعد الصلاة جا الدكتور.
أمل /دكتور بليز ابغى اطلع
الدكتور فهد./ لازم نتاكد ان الدم كويس وبعدين لسى مرهقه
أمل /انا بخير بطلع بالبيت وارتاح واكل زين بس طلعوني
العم سعود/كيف شفتها يدكتور
الدكتور /الحمدلله احسن بس لازم نخليها عندنا كم يوم نتابع لها
أمل /طيب انا يدي تالمني من المغذي صارت الوان النيرس حطتها هنا وشوف
الدكتور /لاخلاص تشيلها لك دام سبت انتفاخ بس لازم تاكلين ولا رجعناها لك
وطلع
العم سعود/ سمعتي الظاهر لازم تاكلين
جلس عمها. يقصد فيها ونامت ماحست
ومن العصر لين الساعة عشره وهي نايمة
فتحت عيونها الا سوالف
أمل حنا في مستشفى
محمد /نعرف
أمل/فيه مريضه عندكم
رحاب /والمريضه نايمه وش نسوي.
أمل /يعني هدوء
محمد/هههههههه انزلي تقهوي معنا
أمل كم الساعة
هند /عشرة ونصف
نزلت أمل / من السرير وداخت شالها محمد قبل تطيح بالارض
محمد /بسم الله عليك
أمل/ راسي
رحاب / لاتبكين لانك نمتي كثير ناخذ لك شاور وتكونين بخير
مسكتها رحاب ونزلتها من سريرها ودخلت معها لدورة المياه ححمتها ولبستها وطلعت
وجا محمد وشالها الا ماعاد حست فيهم
رحاب /محمد روح قول للدكتور يجي امل من شوي رجعت دم
محمد /نازل لك اطلبي النيرس تجي
شوي الا الدكتور والممرضات وطلع محمد وخواتها
رجعوا المغذي والدم لها
وطلع الدكتور
محمد /دكتور وش صاير
الدكتور عدنان/لا عادي. لاتخاف الوضع. طبيعي
اذا رجعت دم مره ثانيه يكون هنا الخوف بس انا اشوفها طبيعيه
وعلى العموم اخذنا لها تحاليل هي محتاجة بناء من جديد.
محمد/ كيف يعني
الدكتور عدنان / ياخوي المريضه فقدت كثير من المعادن والفيتامينات الاساسيه ومحتاجة لها الحين الجسم ضعف. وعنده ردت فعل من عملية البناء الجديدة
مع الوقت راح تتحسن ان شاءالله
ومشى
محمد /والله مافهمت شيء
هند/ولا انا
هند /انا برجع للبيت
محمد /انا بجلس هنا

دخل مع رحاب لها
وهي نايمه وكلموا سوالف
قبل الفجر
رحاب / صحت
محمد / صباح الخير ياقمر
كيفك الحين
أمل /بخير الحمد لله
محمد / مسك يديها البارده وصار يقرا قران ورفع صوته
عاد محمد صوته بالقران ماشاء الله جميل
وصار يرقيها
خلص مع اذان الفجر
محمد / خليها تصلي وحاولي تخلينها تقرا قران شوي
رحاب /ان شاءالله
وطلع
صلت امل وجلست تقرا قران
ثم صارت تسولف مع رحاب
رحاب /اموله نامي الله يخليك انا ماعاد اقدر افتح عيوني
أمل /نامي انا ماني نعسانه
رحاب /طيب اذا تبغين شيء صحيني
أمل جلست تقلب بالقنوات ملت ورجعت تنام
بعد الظهر
رحاب / شوي تنام وشوي تصحى وامل جوها ماش
رحاب /اموله. ليه مااكلتي حتى لو رجعتي لازم تاكلين
أمل / مابي قلت لك ماابغاه واكلتيني غصب ماني جوعانه
رحاب / طيب ليه متضايقه
امل /مدري بس ابي اطلع من هنا
رحاب /طيب لاتبكين
عبدالله /ممكن ادخل
رحاب /تعال
عبدالله بن سعود /
السلام عليكم امل كيفك اليوم
رحاب امل وعليكم السلام
عبدالله / وش فيها
رحاب/جوها غيوم
عبدالله /امل جايب لك زوار
وطلع ورجع لما فتح الباب دخلوا يركضون
رحاب /اصبرا انا اشيلك مافيه بوسه لماما
عبدالله / امل هذولا ازعجونا عليك
خلود /السلام عليكم
رحاب /جبتهم بوقتهم
أمل /من شافتهم وهي تضحك وتغير المود حقها
وهم يسولفون وذا وس اسسمه ولحنا وثاره وثعود
ومن الكذب والتالف من الثنائي
خلود / ليتنا جبناهم من زمان
عبدالله /انا تحت اذا بغيتوا شيء
رحاب /ليش ماجبتو لمار
خلود /لا خلها مع احلام على شان تزعج المرضى بالصراخ
رحاب /هههههههههع
جلست خلود / ورحاب سوالف امل مو معهم عيالها على قولتها
ما تركوا بالغرفة شيء ماحاسوه اخر شيء هجوم على دبدوبها
لانه يتكلم عاد هشام يركض ثم يطيح عليه والدب يتكلم وعاجبتهم الحركه
أمل /لا لا كل شيء الا ذا
رحاب / شالته وحطته عندها على سريرها
خلود / امل /ارتاحي لازم اطلعهم
شالتهم ونزلت فيهم وعطتهم عبدالله وهم يبكون
محمد / اكيد ماتركوارشييء ماعفسوه
خلود. كنك تشوف اللي قهر امل دبدوبها.
عبدالله /محمد صاحي انت شاري لها دب. تراها كبيره.
محمد /مو انا انا بس رحت جبته من المحل وجيت. ابوك اللي شاريه لها
وماادراك عمي علي شاري لها ببغاء ومشعل ولدك نتف ريشه لو يدري عمي علي والله ماتسلم انت وولدك
وامل تراها كل يوم تنتظر تطلع على طيرها
خلود /صح نسيته
عبدالله صرف نفسك قبل تطلع امل
عبدالله/ وش عاد بكره اطلع سوق الحمام واجيب اثنين مو واحد بعد
محمد/ههههههه الطير اللي نتفه ولدك بخمسين الف.
عبدالله /ولو انه صقر الحين
خلود /انا ماالي دخل
جب لها واحد قبل عمي علي مايعرف وبعد عيالك عنه ماتخلون لها شيء
عبدالله/الحين وقفت على عيالي
خلود /يس. بنتك ضيعت السلحفات حقتها وزعلت عليها. وشريت لها ارنوب وعيالك ماخلوه. وش انتم ياخي
محمد / ارحم اختي منكم صراحة ماالومها يوم طاحت علينا
خلود /عاد تزيد مع محمد
محمد / ان شريت لها ايسكري ماتتركونه. وشريت لها درج بغرفتها ماتركتوه
عبدالله / اقول عندكم بعد شيء انت وزوجتكم بقول لها
خلود /وش تقول
عبدالله / عيالي. يخربون وعيالك ياخلود مايسوون شيء
امشيء وامل تحكم. عيالي ولا عيالك
خلود / وين المقاريد نسيناهم
محمد /شوفيهم قدامك
خلود / يقلبي مو صاحين ادفع انت وهو الورد مالي دخل
طبعا هشام والجوهرة دخلو محل الورد عاد ماتركو ورد ماسحبوها ولده ململ
يبغون وورده لامل والبابع مافهم عليهم
راح عبدالله شالهم ومحمد دفع
خلود /هههههههههه
عبدالله /فيهم خير يبغون ورد لامل
خلود /ياقلبي انا
طلع محمد يضحك
رحاب / عسى دوم ياخوي
محمد / امل فيه ناس بتشتري لك ورد
وطلعت. بالفين. ريال على الورد
رحاب /ياربيه منهم
محمد / عبدالله شالهم وهم معلقين ولدلامل
رحاب /هههههه فديتهم.
محمد /مدري متى بيتكلمون زين
رحاب /مدري احسهم ماخذينها عناد حتى بالروضه مايتكلمون مع احد
محمد /المشكله من شافهم يقولون توؤام
أمل /عمي ماجى اليوم
محمد /عمي مسافر لجدة عنده شغله وبيرجع
ومن شوي متصل علي يسال عنك
أمل /طيب ابي احاكيه
رحاب اخذت جوالها واتصلت على عمها سعود
وعطته امل وحاكته
وسكرت ورجعت نامت
محمد /الظاهر اني بطلعها من هنا
يمكن تتغير نفسيتها
رحاب / اليوم مره ماش جوها
محمد /بكره ان شاءالله بطلب من الدكتور
لو اطلعها على مسوليتي
رحاب/اول خذ راي عمي
محمد /من شوي قلت له وقال اهم شيء نفسيتها وقال
ا اذا تحسنت صحتها بيسافر فيها
دام عندها اجازه من الجامعة
رحاب /سفر لا ماراح تتحمل
اذا وقفت تدوخ
محمد/ الله يكتب اللي فيه الخير
يالله تصبحون على خير
ان احتجتي شيء. اتصلي
رحاب / ان شاءالله انتبه لنفسك
اليوم الثاني
امل /ماتحركت بس هادية
رحاب / اموله تبين تجلسين
أمل /أمل لا مرتاحة كذا
رحاب / من صحيتي لاتتكلمين ولا ولاشيء هادية
أمل /تعبانه احس نفسي مخنوقه ابغى عمي سعود
رحاب /طيب يمكن يجي العصر اشربي مويه
واهدي /سمت عليها وشربتها وجلست عجنبها تقرا عليها ونامت
المغرب
العم سعود / كيفها
رحاب /تعبانه
العم سعود /غيري ملابسها انا نازل للدكتور وبطلعها
رحاب /عمي كيف نطلعها وهي تعبانه كذا
العم سعود / لو تركتها هنا بتمرض بزيادة
غيري ملابسها لين ارجع
غيرت ملابسها و جابته عبايتها وجلست
العم سعود/ صحت
رحاب / لاصاحيه ولا نايمه
العم سعود /لبسها عبايتها وشالها
امل /حست بعمها وعرفت عطره صارت تبكي
عمها سعود / افا ليه حبيبه عمها تبكي.
شوفي وين حنا
ورفعت راسها الاهي خارج المستشفى
امل /اخير
العم سعود/ لاتبكين عمك علي ينتظرنا بالمكان اللي انتي خابرته
وضحكت امل
محمد / جاي يركض معه الادويه
العم سعود /نيمها بالسيارة ووساعده محمد
محمد / وين
العم سعود. / تروح معنا
محمد /اكيد
وطلعوا