. أمل /عمي خرب السر محمد معنا
محمد / انتي نامي الحين لين نوصل
امل جلست لا ابي اتنفس الهواء
العم سعود نزلي عبايتك محد يمك
أمل /عمي
العم سعود/ ياروح عمك انتي. تدللي
أمل /بترجعني للمستشفى
العم سعود /لا. خلاص بتروحين للبيت
ولاتبين نسافر فرنسا
أمل /لا لا مابي فرنسا وراي جامعة مايمدي
ورجعت تمددت ونامت
محمد/ وش معنا فرنسا قلت لها
العم سعود/ كانت تبغى تسافر مع صديقاتها وانا مارضيت
وكل البنات يحبون فرنسا
محمد/اخاف تتعب علينا
العم سعود / لاان شاءالله بتكون بخير لاتخاف
سوالف طول الطريق
وصحت امل على صوت عمها يقول فيها قصيده
أمل /كل ذا انا
العم سعود / صح النوم. ايه كلها لعيونك
ماراح ازوجكك الا شاعر على شان يقول فيك قصايد
محمد/ ههههههه
هذا عمي علي مضبط القعده
ووالله وجو خيال
نزلت تركض لعمها علي
العم علي /الحمدلله على سلامتك وطلعنا اليوم لعيونك
والقمر كامل قمر في السماء وقمر معي
أمل / استحي ترى
العم سعود/
شاعرك أوصاف وجهك عنّته
يذكر عيونك ويذكركيف كانت
خالق الله حور عين بجنته
غير فالجنه خلق فالارض أنتِ
العم علي /صح لسانك
أمل /خلاص استحي كذا
العم علي /
خلاص. سعود. اقصد فيني
محمد/ههههههههه
جلسوا سوالف. وامل تضحك ثم صارت تشيل قصيده عمها
وجابوا العشاء. وتعشت. وعطاها محمد ادويتها
ولفها ببطانيها وجلسها جنبه
أمل / اختنقت منها
محمد /بتبردين الجو بارد ولبسك خفيف
سوالف وامل نامت
وناموا بعد الفجر
صلوا وجلس محمد يجهز للقهوة
العم سعود /جالس وعلي اخوه يسولفون
امل / جالسه ثم قامت ورمت نفسها على الرمال
محمد /امل امل
العم علي / خلها تلعب
محمد /لا تعبانه اخاف عليها
شالها وجلسها
أمل /بارد يجنن
العم سعود /خلاص المره الجايه العبي اليوم لا على شان تعبانه
أمل / ان شاءالله
محمد / سوى لهم جمري وسوى حليب. وجهز الفطور
العم سعود /علي. تعالوا الفطور
العم علي / جايين
أمل /محمد تصدق ما معي جزمات ههههههههه
شوف رجلي
محمد / جرحتي نفسك
أمل/ هههههههه عادي
عمي علي يقول على شان تصيرين راعية بر
محمد/ ههههههه خلاص ختم عليك عمي
افطروا ورجعوا للبيت
امل نايمه طول الطريق
محمد /عمي. شوف وجهها انا امس كانت خايف عليها مره
العم سعود /امل ماتطيق المستشفى تمرض بزياده اذا تركناها
اهم شيء تاكل زين وترتاح وماعليها باس