[فيتامين سي]

==================

: يبه .. يبه .. انتظر .. على وين ؟؟؟

ابو نوف : بعدين بعدين ..

نوف : يــــــــــبه .. ايش ذا الدم اللي على ثيابك ؟؟

ابو نوف : ايـ ايـش .. اااا...

نوف بشك : انت ذابح احد ؟؟

ابو نوف جاس تحت رجل نوف وبدأ يبكي مثل الطفل : اااااه يا بنتي .. انا ضعت .. تعرفين يعني ايه ضعت . .

نوف بكت معاه ..: لا تقول كذا يا يبه من لنا بذي الحياة غيرك .. قولي ايش صار. .

ابو نوف : انا للحين مو مستوعب اللي صار .. ما ادري .. بلحظة غضب طعنت ابو حمد وبنته ...

نوف حطت ايدها على فمها ومي عارف ايش تقول ..

شهد : يبه .. انت لازم تهرب .. خلاص روح شوف لك اقرب طيارة .. واروح ... يبه انت غالي علينا ..

يالله روح ..

ابو نوف : ااااه يا شهد ,, انا اروح من الناس بس وين اروح من الله ,,,

يا رب اغفرلي ..

نوف : انت متأكد انهم ماتو ..؟

ابو نوف : لأ .. بس سددت له اكثر من 5 طعنات ..

شهد : يبه روح روح .. خلاص ..

ابو نوف : انتبهوا على نفسكم يا بناتي. . بكلف شخص غالي علي .. بخليه يتطمن عليكم ..

نوف : بس وين بتروح ..

ابو نوف : ما ادري.. ما ادري ..
بس المهم ما اجلس هنا ولا ثانيه .. بأمان الله ..

نوف ضمت شهد وجلست تبكي على حال ابوها ..

شهد : لوما روان الحقيرة ما كان صار اللي صار . .

================
لقي حسام موقف قدام العناية المركزة
: هاااااه ايش صار ؟؟

حسام : ابوي راح على غرفة العمليات .. و روان بذي الغرفة ... الدكتور الحين عندها ..

حمد : لا حول ولا قوة الا بالله ..

طلع الدكتور من غرفة × روان × ..

الدكتور : الحمد لله حالتها استقرت ...
بس تحتاج من يومين الى اربعه ايام عشان ترتاح بالمستشفى ..

حسام سحب الدكتور من روبة وباس خده لا شعورياً .. حمد سحب حسام وقال : استحي على وجهك .. بروح اشوف ابوي ..

راح حمد لغرفة العمليات .. وجاه اتصال من بسمة .. رد : الو .. هلا بسمه ... لا الحمد لله بخير. .. روان حالتها استقرت اما ابوي فهو بغرفه العمليات .... اصصص ... صوتك ارخيه شوي ممكن ..؟ ...... لالا تجون.. ... يا ويلك والله لأحش رجلك ...... يالله يالله باي ..

حمد سند راسه على الجدار وغمض عيونه .. تذكر وسن ... يالله ايش صار عليها الحين .... بروح اودي الواسطة للضابط وبعدين برجع لأبوي ..
====================
: ااااااااه بس ياا قلبي ,, انا مااا عاد احتمل ..

بسمة بصوت مبحوح : يمه تفائلي بالخير تجدينه ..

رهف جالسه على الكنبه بصمت .. وكنها مو مستوعبه اللي حصل .. ريماس تطالعهم ببراءة ..

بسمة : يالله يمه انا طالعه لغرفتي ..

ام حمد ما ترد عليها ...

جات الخدامه وقالت : مام .. فيه مدام فتون ومدام اثير برا في انتظار ايجي ..

بسمه : دخليهم هنا ..

الخدامه : اوكي ..

جوو فتون واثير .. فتون ضمت رهف ... وقالت : بسيطة .. عايدي ..ان شاء الله يقومون بالسلامة ..

بسمه : يالله نطلع فوق .. يمه .. روحي ارتاحي .. حرام تسوين بنفسك كذا ..

=================

طلع الدكتور من غرفة العمليات ..

قال : انت ولده ..؟

حسام : ايه انا ..

الدكتور : والله ما ادري ايش اقول .. ابوك عطاك روحه ..

حسام :....................................
جلس بالارض من الصدمه مو عارف ايش يقول .. اشتعلت نار بقلبه ..اشتعلت نار الانتقام .. قال بكل قهر : والله لتندم يابو نوف انك عرفتني ,,

================

في كوفي #### .. سلطان جالس مع منيرة . .

منيرة : سلطان .. والله خايفة ,,, خلينا نطلع ..

سلطان : تونا يا بنت الناس جلسنا .. وش فيك خايفة . . صدقيني انا بتعرف عليك اكثر وبعدين بخطبك ليه .. وبعدين فيه اشيائ كثيرة لازم اخبرك فيها ..

منيرة : طيب قول ..

سلطان : انا رجل ارمل .. عندي بنت اسمها رنا عمرها 10 سنوات ..

منيرة : انت كنت متزوج ! ..

سلطان: اصبري لي .. قلت لك اني موظف بسيط .. بس انا مو كذا .. كنت بختبر حبك ليه .. واشوف اذا انتي بتصبرين علي لو كنت واحد فقير ..
انا تاجر كبير ومعروف اسمي علي الـ........ كنت ادور على ام لبنتي وما لقيت الا انتي .. انتي الانسب ليه .. وعمرك مقارب لي ..

منيرة : وشوو .. والله ما ادري ايش اقولك .. بس ..

علي: بدون بس .. انا بغيتك انتي . . ومتى تبيني اتقدم لك من اخوك ؟

منيرة : لحظة شوي .. تلفوني يرن ..

الوو ..... هلا فتون .....خبر ضروري! .. ...... لالا بالبيت ........ خلاص خلاص الحين جايه ... ..

علي : عسى ما شر ؟؟

منيرة : والله ما ادري .. بس يبوني ضروري .. يالله وصلني على البيت ..

علي : طيب ..

طلعوا من الكوفي بس ما انتبهوا للعين اللي تراقبهم ..

================
الضابط : ااا .. طيب على امرك ..
الحين تطلع ...

حمد : انتظرها ,,

جابوا وسن وكان شعرها مبهذل والطرحه طايحه على كتفها .. طالعت حمد بنظرة تحدي ..

الضابط : مبروك يا وسن .. الحين بتطلعين ..

وسن : لا .. اااقصد .. ليه ؟؟ انا ارتكبت ذنب كبير. . ليه تطلعوني .. ؟

الضابط : تفضلي ابصمي هنا ...

وسن طالعت بحمد وحمد يطالعها بنظرة استهزاء..

وسن موقفه بمحلها ..

حمد بصوت عالي وفيه شئ من التهجم .. " اظنك سمعتي ايش قالك .. روحي ابصمي ..

وسن راحت مكرهه وبصمت ..

طلعت من عند الضابط وهم بالطريق لبوابه الخروج

حمد " عدلي حجابك ..

وسن : شئ ما يخضك ..

حمد وقف وقعد يطالع فيها ..

وسن مصممه على موقفها معاه ..

وسن بنفسها : والله لأعاندك يا حمد واكرهك الساعه اللي عرفتني فيها ..

حمد قالها : لانك مو متربيه فالحجاب شئ غريب عليكي ..
طلعوا من القسم وراحوا على البيت ..

دخلوا .. وسن وقفت قدام المدخل تحاول تعدل بشكلها ..

جات ريماس ركض وقالت : بابا بسمه اغمى عليها ... حسام يقول جدي مات ...

حمد بصدمه : وشوو

وسن التفت وطالعت بحمد وريماس ..

دخلت عمتهم منيرة .. وهي تصيح

قالت : صدق .. حمد تكلم .. اخوي مات .. ااااااااااااااااااااااه بس .. وجلست تبكي على الأرض ..

حمد طلع ركض لفوق .. ,شاف رهف منسدحه على الكرسي ومعطيته ظهرها .. وام حمد حاط ايدها على عيونها .. وحسام وجهه محمر ومقهور .. راح لغرفه بسمه ودخل شاف بنات عمته .. من الصدمه نسي انه لازم يتغطون عنه .. وهمه بمكانهم محد تحرك ...جلس حمد على السرير ومو مصدق ان هذي اخته .. القوية تنهار بسرعه .. شعرها البني منثر على وجهها الابيض .. عيونها حمرت من كثر الدموع ..

جاء ضمها .. وقالها: اصبري .. كلنا ماشين بذا الطريق. . .

وسن يوم اتأكدت من الخبر .. راحت لغرفتها .. وانهارت تبكي على سريرها .. خافت من المستقبل .. مين بيحميها ,,, ايش بيصير لها ... تعبت من كثر الدموع ونامت ...

==================

اليوم الاول للعزاء الكل ساكت . . رهف على وضعها .. نزلت بسمه وام حمد يستقبلون المعزين .. الكل ساكت .. البيت كله اللي فيه لابسين اسود .. حتى الخدامات لبسو ثياب الحداد..

انفتح الباب .. طالعت بسمه تبي تشوف الداخلين .. الرؤيه مشوشه عندها من كثر الدموع .. لمحت نوف وشهد ... قامت وقالت بصوت مرتجف : بعد اللي سواه ابوكم الخسيس لكم وجه تدخلون .. ااااه بس .. مغسول وجهكم بمرق .. فتحت الباب وكملت : اطلعوا برا .. براااااا ....

طلعت بسمه وهي ماسكه شهد اللي كانت تطقطق بالكعب العالي .. وتتمخطر يمين ويسار .. كانوا باخر زينه .. حاطين ماكياج كااامل .. شهد سوت كيرلي .. ونوف حاطة مناكير وحاطه بف بشعرها .. طلعوا .. وسكرت بسمه الباب بكل قوتها ...

============

بالمستشفى .. روان حطت ايدها على بطنها .. حست بألم فضيع ..ضغت الجرس تنادي الممرضه ..

جات الممرضه . .

روان : الله يخليكي .. ابي مهدء مخدر اي شئ .. اااااه الالم فضييييييع ..

الممرضه : بيضرك ..

روان : طيب وين اهلي.. ابي اشوفهم ..
الممرضه : جاكي اخوكي اليوم الصبح .. بس كنتي نايمه ..

روان تذكرت اللي صار .. وجلست بقوة دمعت عيونها وقالت : طيب ابوي وينه ؟؟؟

الممرضه : بخير ..

روان : طيب بشوفه ..

الممرضه : حالته ما تسمح ..

روان : شكلك تكذبين علي .. انا حاسه ابوي صار فيه شئ ..

الممرضه طلعت بدون ما ترد عليها

خلت الافكار تروح وتحي براس روان . .

====================

في العزا عند الرجال ..

جاء مراد وماجد يعزون .. وقفوا مع حمد عند الباب ...

حسام : حمد ..

حمد : هلا. .

حسام " بتخلي حق ابونا يضيع ..

حمد سكت ..

حسام : انا رايح ابلغ عنه الشرطه ..

حمد " نعن ابوك .. ابوي توه ميت. . حتى ما صلينا عليه رايح تشتكي ..

حسام : انا بروح وانت بكيفك ..

حمد : يعني بتخليني لحالي ..

حسام : مراد وماجد معاك .. انا ماشي ..

طلع حسام من المجلس وهو متوعد ابو نوف ...

راح لقسم الشرطة وحرر الشكوى ..

الضابط : هنا طالع لي بالجاهز انه سافر لليونان ..

حسام : والحل ..؟

الضابط : الحل تبلغ عنه بالانتربول الدولي ..

حسام : وكم ياخذ الوقت ؟؟؟

الضباط : بيطول اكيد ..

حسام : ما تقصر . .

وطلع من القسم .. وراح عند البحر ..

قعد يتأمله .. شاف البحر .. غامض.. غريب ... تذكر اخر مرة راح له ...
تذكر يوم راح للبحر مع ابوه يوم انه صغير. ... تذكر كيف كان يعلمه الغوص .... : الله يرحمك يا يبه ..

كانت عيونه كلها شوق ..

أبـى أشتكيلـك يـا بـحـر مــر شـكـواى
وإن كنـت صـادق ردلــى مــا شكيـتـه
أبـى أشتـكـى هـمـى وحـزنـى وبـلـواى
وإن جـف دمعـى مــن عيـونـك سقيـتـه
أبـى أشتـكـى مــرى وغيـمـى ودنـيـاى
وجرحـى الكبيـر إلـى فـى حياتـى خفيـتـه
ودى أحطـم مــا بـقـى داخــل حـشـاى
ودى أغــرق داخـلـك مـــن هـويـتـه
تعبـت أنـا ابحـث عـن حياتـى ومـرسـاى
ودى أجــازى مــن طعمـنـى وجفـيـتـه
أبـــى أشتـكـيـلـك يــــا بــحــر
ويـــــــــن هـــــــــا دواى
صــمـــتـــك ذبـــحـــنـــى!
لــيـــه عـطــفــك مـحـيـتــه؟!
يـا بحـر ياللـى مــا تـحـرك لنـجـواى
خلى بعيونك جرحى ياللى عنيته

سكت وراح ركب السيارة ..

رجع على البيت وهو كله اسى ..

حمد : وين كنت .. ؟ كل ذا عند الشرطة ؟

حسام : لا رحت شوي اغير جو .. قالوا لي انه هرب لليونان .. .
ولازم ابلغ الانتربول الدولي عشان يقبضون عليه .. والقضيه بتطول ..

حمد : خلاص اتركه .. انا بعفي عنه ..
حسام : وشووووو .. !

حمد: وبناته وين بيروحون .. شايف امهم ميته ومالهم احد بذي الدنيا غيره .. ولا تنسى العفو عند المقدرة ..

حسام تنهد وجلس ...

مراد كان يفكر بعمته .. الافكار توديه وتجيبه ... : مراد .. اسحى من غفلتك .. لو رجال كان وقفتها عند حدها .. حرمه وش كبرها ما استحت على وجهها... اااخ بس وش اسوي ..

===============

انتهت ثلاثة ايام العزا .. والبيت كئيب بدون ابو حمد .. جاء حمد وشاف امه تبكي ..

حمد : يمه صدقيني وجهه يبشر ..

ام حمد : اااخ يا وليدي .. ما ادري ايش اقولك . . روح جيب روان ..

حمد : اف .. راحت عن بالي تماماً
يالله استأذن بروح اشوفها ..

رهف: اذنك معك ..

طالعت ام حمد واستغربت يوم شافت رهف نزلت ..
====================

راح حمد على المستشفى ووقع لروان اوراق الخروج ..

راح لها الغرفه لقي حالتها حاله ..

روان بصوت خافت : ليه ما جيتوني او على الاقل اسمع خبر ابوي منكم مو من احد غريب ..

حمد : صدقيني حبيبتي حالتكي ما تسمح ..

روان جايه بتوقف بس حست رجلها مو شايلتها .. جاء حمد وساعدها .. ووقفت .. لبست عباتها وراحت على البيت .. اول ما دخلت كلهم وقفوا وجو عندها ..

بسمه ضمتها بقوووة وقعدت تبكي ..

ام حمد : الحمد لله على سلامتك يا روحي ..

جات روان واسندت راسها على حضن امها ,,

حمد : بنات .. بكرة تجهزوا الساعه 8 بنروح المحكمه . .

بذي اللحظة دخلت وسن وسلمت على روان وجلست على الكنبه ..

بسمه : ليه ؟؟؟

حمد : عشان اثبت بالاوراق اني ولي امركم ..

بسمه : خلاص طيب ..
================

ببيت ابو ماجد ..

ام ماجد : ابو ماجد .. .

ابو ماجد : هلا ..

ام ماجد : صدق بتكون ولي امر وسن؟؟

ابو ماجد " ايه ليه ..؟

مراد : هه .. ليه كمان .. ارفض ولايتها .. بعد اللي سوته بماجد تبي تكون ولي امرها ..

ابو ماجد " طيب اسمعني ..

مراد : لا اسمع ولا شئ. . شوف يا ابوي . . اعتبر ذا تهديد .. اذا قبلت بولايه وسن .. صدقيني انا وماجد بنفرع عليك ( حجر ) واخلي حتى ولايه اثير وفتون تسقط عنك ..

ابو ماجد : تهددني يا مراد ..
يا خسارة التربيه والله ,,

مراد : هذا اللي عندي ..

ابو ماجد جلس وحس انه بين نارين ..

مراد طالع فيه من طرف عينه وقال : ايش قررت ..؟

ابو ماجد طالع فيه بحقد : وماجد تتوقع يرفع علي حجر ..؟

مراد : ايه انا وهو اتفقنا امس ..

ابو ماجد حس قلبه يوجعه من اللي يسوونه اولاده فيه ..

ابو ماجد : خلاص طيب .. بس صدقوني انا مو راضي عليكم .. ولا راح ارضى حتى بقبري .. ما اقول الا حسبي الله عليكم ..

ام ماجد : يا قليل الادب .. تحجر على ابوك هاه .. اطلع من البيت ,, اطلع ما ابي اضوف وجهك مرة ثانيه ..

مراد : طيب بطلع .. بس خليني ادري انك صرت ولي عليها ..
وانا بكلم حمد الحين .. واوصل له انك ما تبي تكون ولي عليها ..

ابو ماجد طالع في ولده كثير ..

طلع مراد من البيت وكلم حمد ..
مراد : هلا حمد ..

حمد : هلا فيك ..

مراد : متى بتروحون المحكمه .. ؟

حمد :بكرة ان شاء الله .. بس ليه ؟؟

مراد : ايه زين .. ابوي يبي يسقط الولايه عنه .. يعني ما يبي يكون مسؤول عن وسن ..

حمد : شنووو !!

مراد : كذا ابوي قال ..

حمد : يعني كذا تجازونها.. !

مراد : خلاص لا يكثر .. انت يعني بتتولاها .. وبكره بيحضر ابوي عشان يقر بالمحكمه انه مو مسؤول عنها وان الولايه تروح لك ...

حمد : .................

مراد : باي .. وسكر السماعه ..

حمد نزل السماعه عن اذنه ..

وابتسم بخبث . .