[فيتامين سي]

===================

: لا عاد ... لا تقولها ...!

غمض عيونه واتكا على ايده ...

قام بسرعه وراح على الشركة...

شاف ان الشركة خسرت ثلاثه ارباع اللي عندها بالبورصة

حمد مسك التلفون بسرعه ودق على حسام ..

حمد : حسام .. بسرعه تجي على الشركة ...

حسام : واللييييييل .. يعني ما استمتع مثلاً ؟؟؟

حمد : تعال وانت ساكت ...
حسام : انقلع لا تنتظرني .. وقفل بوجهه ..
==================

بالبيت .. جاء حمد وكان مرهق تماماً جلس بالصاله ..

بسمة : يمه من وين بنشتري فساتين ...؟

حمد طالع فيها وقال : وش حقه ؟؟

بسمه : ما دريت ... عمتي انخطبت .. ووافقوا واليوم ملكت ..

حمد : !!!!!!!!!!!!!!

ام حمد : والله .. ايش رايك نقدم طلبيه من براا ..

رهف : ايه والله فكرة ..

حمد : وش طلبيه ما طلبيه ... عندكم فلوس انتوا ووجيهكم .. ؟

بسمه : نعم ! ... وانت وش فايدتك ما تصرف علينا ..! ووين الفلوس اللي تدر علينا من الشركة والعماير ..

حمد : للأسف .. انا جيت هنا الا بخبركم بشئ ما يسركم ...

ام حمد : وشو يمه ؟؟

حمد : العماير اللي تتكلمون عنها .. عرضتها للبيع ...

كلهم : نعم .... .

حمد : الشركة خسرت خسارة فااااادحه ... وقدامنا شيئين يا نبيع الشركة او العماير ...

رهف : كلللللل العماير ..!

حمد : كلللللللها ...

روان : شفت انك دلخ وما تعرف تدير الاموال ..

حمد : قومي بس لا اطيح فيكي ضرب على غرفتك بسرعه ..

روان :افففففف .. وقامت ..

جات وسن وجلست ..

حمد يخاطب وسن : قالت لك امي عن الخطوبه ...

وسن : اي خطوبه ؟؟؟

حمد : الخطوبة ... والا نسيتي ..
ما خطبتك انا ..

وسن : انت!!!!! ..

حمد : وش فيك استغربتي .. ان شاء الله اذا رجعت الشركة والارباح مثل ما كانت نتزوج ...

وسن طالعت بحقد وسكتت ...

================

في الاستراحه .. حمد جالس مع الشباب ... جاه اتصال من رقم غريب ..

حسام : والليل مع الازعاجات ...

ماجد : هات خلني اوريهم ...

حسام : خذ ..

جاء صوت ناعم من ورى السماعه ..

: الووو ..

ماجد : ...........

: حسام .. رد علي الله يخليك .. حسام ... انا اثير ..

ماجد : ........................

وسكر السماعه بسرعه ...

حسام : وش فيك اختبصت ...؟

ماجد : هااه .. لا سلامتك .. بس اتسمع بسواليفهم .. شكلهم شلة بنات ..

حسام : اهااا ,,, اوك ..

==================

: اهنيكي يا عمتي ( المراهقه ) على الحب الناجح ..

ام ماجد : مراد . . عاد عن الغلط احترم عمتك ...

مراد : هه ... وانتي عارفه ايش سوت ؟؟

ام ماجد : مو لازم اعرف . . فكنا زين ...

منيرة ارتبكت وقالت : و و انا ووش سـ سـويت ؟؟؟

مراد : امممممم .. افضحك قدام الجماعه ...؟

منيرة : .................

مراد : تعالي تعالي .. ابي بكلمة راس . .

منيرة : عن اذنكم ...

وطلعت ورى مراد ...

دخلت غرفته وسكرت الباب ...

مراد : ما اتوقعتك يا ( منيرة ) كذا . .

منيرة : وتقول منيرة بعد ... يا حسافه التربيه يا مراد ..

مراد نزلت دموع غصب وقال : شب ولا كلمة .. يرضيك تطيحين روسنا بالتراب ..

منيرة : ايه وانا شسويت ..؟

مراد : يوم رحتي للكوفي انتي والزفت علي ... ايش تسمينه .؟

منيرة : انتهينا يا مراد ... الرجال خطبني وسكر الموضوع ...

مراد : لا ما اسكره ...

منيرة دفت مراد على ورى وطلعت ..

مراد ضرب الدولاب بإيده ..

وجلس على السرير ..
==================
مرت الايام والاوضاع الماديه من اسواء لأسوء ..

ام حمد : هاا شسويت .. عسى قدرت ترجع المبلغ ..

حمد : افففف .. يمه كيف ارده ما تقولين لي ؟؟

بسمه " هي عاد لا ترفع صوتك على امي ..

حذف حمد المفتاح على بسمه ..

بسمه : ما تبطل عادتك القبيحه .. كل شوي تحذف المفتاح .. والله ما تاخذه .. حمد تجاهلها وقال : يمه .. الشئ اللي اتوقعه نبيع ذا البيت ..

رهف : يا سلااااااااااام .. وهو على كيفك ؟؟؟

حمد طالع فيها بنص عين وقال : لا على كيفك ... لا تتدخلين لو سمحتي ما نبي بزران هنا ...

كمل طريقه وطلع فوق .. لقى باب غرفة وسن مفتوح .. دخل .. وتذكر الاوراق اللي تثبت ان فيه شركة مجمده ارصدتها لأبو وسن ..

فتش بالادراج لقى الأوراق ... حس انها تفتحت عليه .. قال بنفسه : الحين انا راح ادير هذي الشركات لوسن .. اخذ الاوراق وطلع ...

==================

: طيب .. شااطرة .. هذا حرف ايش ..؟

ريماس : ميم ..

وسن : ما شاء الله شااطرة رموس حبي .. طيب هذا ..

ريماس : عين ..

وسن : خلاص اجل اليوم بشتري لك جائزة .. قولي لي وش تبين ؟؟؟

ريماس : ابي سيارة ..

وسن : سيارة !! وااو خلاص من عيوني .. طلعت معاها للحديقه وقعدت تمرجحها .. قعدت تقول بنفسها : ليه ما اتزوج حمد على الاقل عشان هذي البنت .. هو كذا والا كذا انا تحت رحمته .. يالله انا بين نارين ... يا رب ساعدني ..

================

حمد راح للمحكمه وجاب اوراق تخليه يصير وكيل عام لاموال وسن ..

اول ما دخلت من باب الحديقة
شاف وسن موقفه قدامه ..

وسن : بتتزوجني ...؟

حمد : اكيد ..

وسن : ايش رايك نعجل ...

حمد استغرب وقال : ليه تحبيني ..

وسن حمر وجهها وقالت بخجل : ما ادري .. بس السبب الاقوى عشان ريماس ..

حمد هز راسه وابتسم وراح ..

وسن :ليتني ما سويت كذاا انا ايش فيني ... ااااااه بس ..

===================

سكر الباب وراه بقوة .. خافت اثير وطالعت فيه .. وقالت : ايش عندك ... ؟؟

ماجد : لا بريئة ما تدرين .. رفع صوته ومسكها مع شعرها وقال:
ويوم تدقين على حسام وش تسمينه ..

اثير دفت ايد ماجد بقوة وصاحت : فــــــكــــــني يــــــا حـــــقير ..

ماجد مسك جوالها وطلع الشريحه وقال : وياني وياك ادري انك طلعتي جواال جديد ومن اليوم ورايح ما فيه جامعه ولا لاب توب وحتى الايفون باخذه ..

اثير وهي تبكي : مو بكيفك والله لاعلم ابوي

ماجد تراجع لورى وقال : وان علمته عن مكالمتك لحسام وش بيسوي ؟؟

اثير : ما تقدر تثبت ..

ماجد : شوفي الشريحه عندي واي وقت انا بعلم ابوي .. يعني خليكي حذره واياني واياك تقولين لابوي ان اخذت منك الاجهزة . . ساااااامعه ؟

اثير جلست على مكتبها تبكي ..

ماجد طلع وسكر الباب بقوة ...

==================

: عمممممممممممممتي شوفي شوفي .. ايش رايك تخيطين فستان زي هذا ..

منيرة : وي يا بنيتي .. هذا فستان للشابات مو لي ... شوفي الشيب كسا راسي ..

فتون : عاد لا تقولين كذااا ...
بسوي لك اففففخم زواج وبخليه باكبر قاعه
منيرة ضحكت وقالت : يا زين الزواجات لما تكون بسطح البيت تراا ما فيه ازين منها ..

فتون : كح كح تفكيرك قديييييم .. واي يا عمتي بتفضحينا ...

منيرة : انا بسوي عرس عايدي وبقاعه صغيره .. وبلبس لبس محتشم .. وانتهينا .. احسن شئ ان الواحد يختصر ..

فتون : يالله . . اروح احسن ..

منيرة : انتظري .. سوي ذا كله بعرسك ..

فتون : وانا من وين اجيب عريش ان شاء الله ..؟

منيرة غمزت لها وقالت : تقدم لك واحد .. يهبل .. يجنن .. كل وحده تتمناه ..

فتون : صدددددددق .. منهوووو ..

منيرة : انا فهمتها بالتلميح .. خليهم يصرحون واقول لك ..

فتون : عمتي خلاص لا تحمسيني زيااده ... قوووووووووولي ..

منيرة : بعدين بعدين ..

ابو ماجد حط الجريده وقال : حرام عليك يا منيرة ... قولي للبنت لا يطق فيها عرق ..

منيرة : ههههههههههههههه

فتون : واااي ابوي شفت كيف ..

===================

بسمه : حسااااااااااااااام ...

حسام : هلا ..

بسمه : ليه ما تشوف لي واحد من اصدقاك يجي يخطبني ..

حسام عدل جلسته وقال : انتي هانس من يبيك . .؟

رمت بسمه المخده عليه وقعد يضحك ضحكة مستفزة ..

ام حمد :خلاص يمه .. عيب عليكم تراا ازعجتوني ..

حسام : احم احم ,,, يممه ... دريت ان حمد خطب وسن مووو . ..؟

ام حمد : ايه ...

حسام : طيب ليه ما تخلين الزواج مختصر وتزوجيني معاه ...

ام حمد : صدق يا وليدي الساعه المباركه ... طـ

حسام : خلاص انا قررت وحطيتها ببالي ...

ام حمد : منهي ... ؟

حسام يسوي انه خجول وقال بصوت خافت : فتون ..
بسمه قلبها نغزها وتذكرت اثير ... قد صارحتها بحبها لحسام ..

رهف : وااااو ونااااسه ... اجل بتتزوج فتون .. . الحين بخبرها .. مسكت التلفوون

ام حمد : بنت استحي على وجهك .. محد خطبها لما الحين انتظري بتصل على امها وي ... اعووذوو بالله ..

دخلت روان ووسن وجلسوا جمب بعض .. ~
وسن : حمد لي يوم ما شفته ...

رهف : لهدرجه تحبينه ؟؟؟؟

روان : ايه يحق لها خطيبها ..

حسام بقلبه : اخخخ بس يا فتون .. متى اشوف القدر يجمعنا ببيت واحد ..

===================
بعد ما مشت 3 اسابيع .. حمد سافر لنيويورك وعدل اوضاع الشركة هناك طبعاً السلف اخذه من فلوس وسن .. رجع للسعوديه وهو مبسوط ..

حمد دلخ وباس راس امه ..

ام حمد : وحشتنا يا وليدي ..

رهف : عسى بس رجعت العماير..

حمد : وهذا اللي حارق اعصابك ..لا ما رجعت وما بترجع .. حياة الترف اللي اول بتقل .. يعني الحين ما عاد عندنا الا شركة وحده ...

رهف : اففف .. دريت عن موعد زواج عمتي ..

حمد : ايه صح متى .؟؟

رهف : بعد 4 ايام ..

حمد : عسى بس خلصتوا .. ؟

رهف : من زماااااااااااااااااان ..

حمد : زين .. يالله اشوفكم ..
=================

جاء موعد الزواج الكل مبسوط .. الزواج كان هادي بالمرة .. وكان فيه تجار كبار من معارف علي ..

حمد كان واقف قدام القاعه .. وكان طاير بفكرة بعيد يتصور كيف بيكون زواجه ..

: يووووووه انت ...

انتبه حمد وطالع لقي " رنا "

حمد ابتسم وقال : اهلين ..

رنا : تتذكرني لما الحين ؟؟

حمد : اكيد ومين ينساكي ؟؟

رنا ابتسمت وقالت : انا بدخل باي ..

حمد : باي ..

دخلت القاعه وكانت لابسه فستان موف قصير وبسيط مرة .. سوت كيرلي وحطت مرطب ومشت زي الملكه ..

الناس كلهم مستغربين كيف هيه واثقه وتمشي كنها ملكة ..

الحريم بين بعض : وااي شايفه حالها ودي اروح واضربها ضرب اخليها تعرف قدرها ..

جلست رنا عند طاولة البنات وهي ما تعرف الا فتون واثير ..
رنا : هاي ...

بسمه ورهف : هايات ..

وسن تطالعها بتعجب وما ردت ...

رهف : نعم خير وش تبين ؟؟

رنا : ايش سويت عشان تكلميني كذا ؟؟

رهف : ههههههههههه .. انتي قليله حياة روحي روحي على طاولة البزارين هناك ..

وسن : رهف وش فيكي على البنت ترا ما سوت شئ ..

رهف تبي تعاندها كتت العصير على ثوبها .. رنا : يا قليله الادب ما تشوفين ؟؟

رهف : يووووه سوري ..

بسمة : رهف وش تحسين فيه .؟

رنا مسكت صحن الحلويات ورمت بوجه رهف .. المعازيم كلهم طالعوا برهف ...
و مشيت بسرعه وراحت عند غرفة العروسة ..
فتون : يؤيؤيؤيؤ . .

وجات اثير تشيل الحلويات من وجه رهف ...

رهف بقهر : هين اوريها ..

بسمه : انتي اللي بدأتي ..

وسن : خلونا من ذا الموضووع

الا فتون مبروووك العريس ..

فتون : وااي قلبتوا راسي مين هوه العريس ؟؟؟ خلاص حيرتوني

بسمه : لا لسى ما قلنا لها ..

فتون : قولوا خلاص حمستووني ..

رهف : حسام يبيك لك ...

اثير اختفت الابتسامه ...

فتون : مــــــن جد ... !وطالعت بأثير وكملت : بـ بـس ..

واثير نظراتها تتحول لنظرات حقد ..

فتون :اااااااا. ....


وسن :انجنت البنت مي مستوعبه انه خطبها ..

: هههههههههههههههههه

جات صديقة بسمه اسمها رابعه ..
كانت تدرس طب .. وجات سلمت عليهم وقالت : ممكن اجلس ..

بسمه : ايه اكيد تفضلي ...

اثير قامت بسرعه .. طالعت رابعه فيها بإستغراب .. بسمه ابتسمت باحراج وقالت : هههه لا ما عليكي بس تو صار شئ ازعجها ..

بدأ الدق والاصوات ما عاد تنسمع ... اثير عند المغاسل تبكي .. الماكياج لطخ وجهها ..

جات فتون وراها بسرعه

فتون : اثير ....

اثير صفعت فتون كف ..

اثير :شب .. .ما ابي اسمع منك شئ ساااامعه ... ااااااااه .. دخلت الحمام - وانتوا بكرامه - وسكرت الباب ..

فتون طالعتها ومشيت ..

==================

بغرفه العروس ..

رنا تبكي .. وتسوي انها مسكينه ..

منيرة : حسبي الله عليها .. حسابها عندي ولا يهمك يا بنيتي ..

رنا : ماما شفتي كيف ... اهئ اهئ ..

دقت منيرة على رهف وقالت بصوت حازم : تعالي هنا اشوف ...

رهف : طيب وش فيك علي .. ثواني .. قامت

رابعه تتأمل بسمه ..

رابعه : بسمه ..

بسمه : هلا ...

رابعه : مدري كيف بأبدا معاكي الموضوع ..؟

بسمه : قولي عايدي ...

رابعه : انا حبيت اخطب لأخوي وما شفت وحده انسب منك .. بس ..

بسمه : ايش ...

رابعه : انتي عارفه ضروف اخوي كيف ..

بسمه : لا ...

رابعه : يعني هوه موظف بسيط .. و

بسمه : انا اشتري الرجال ما يهم وظيفته ...


رابعه : طيب ممكن رقم الوالده ..

بسمه : ********

رابعه : مشكورة ...

وسن راحت تشوف الكهوجيات ايش مسوين .. دخلت المطبخ وقاعده تفتش ..
سمعت صوت رجال جايين

طالع ورى لقت حمد مصدوم ومعاه زملائة ..

حمد : .............

وسن : وقفت وهي مصدومه مي عارفه تروح يمين او يسار ..

كانت لابسه فستان قصير وعريان والظهر مكشوف .. حست بإحراج وانها احرجت حمد معاها ..

طلعوا الرجال بسرعه .. ووسن رجعت على القاعه وقلبها يدق ...

عند حمد ..

صديقة فراس : واااو شفت كيف حلوة ... مين سعيد الحظ اللي بيتزوجها ...

محمد : لو اعرف مين ابوها بخطبها ..

حمد بعصبيه : لا عاد طيحتوا الميانه ..!


محمد : وش فيك عصبت ..

حمد : انتهينا ..

محمد :بس ..

: قللللت انتهينا ..

===================

راحت رهف لعمتها ...

منيرة : ما تقولين هذي الحركات متى بتتركينها ؟؟

رهف : وش سويت ..

منيرة ضمت رنا وقالت : هذي بنتي ما ارضى احد يغلط عليها .. تعالي بوسيها اشوف ...

رهف : لا والله ...

منيرة : يالله ...

رهف جات باست رنا وقالت : اسفه ..

رنا ابتسمت وانتهت السالفه ..

=================

جاء وقت الزفة ...

دخل علي ومشي مع منيرة في الزفة على موسيقى هادية .. كانوا فوق الكوشه ... جات رنا وباست ابوها وعلمته بالسالفه .. علي طالع لمنيرة بنظرة حب ...

شوي تغيرت الاغنيه وشغلوا دق رقصت رنا وخوات علي على الاغنيه .. الكل كان مبسوط ما عاد وسن ... لانها اتفقت مع جانيت انها تقابلها الساعه 3 والحين الوقت جاء ...

طلعت وسن من القاعه بكل هدوء ما خلت احد يحس فيها ... ركبت مع تاكسي وقالت له : وديني على شقق الـ &&&

التاكسي : اوكي مدام ...

وصلت الشقة ودقت الباب .. فتحت لها جانيت وكانت لابسه لبس مشغلع .. وشافت الاضواء الخافته والموسيقى الصاخبه والرجال والبنات مع بعض.. وسن خافت ورجعت على ورى جاء واحد مسكها و ..................

=================

راحت ريماس تبكي عند ام حمد

قالت : ماما وسن مي موجوده ..

ام حمد :وشوو .. وين راحت يعني ..

خلي كرستي تدورها ...

ريماس : دوبها دورت عليها .. وما لقتها اهئ ..

ام حمد قامت وراحت تدور وسن ..

دقت عليها ما ترد ...

ريماس طلعت لقاعه الرجال .. وراحت تدور ابوها .. لقت حمد جالس مع محمد وفراس ..

فراس : يالبووو .. حمد شوف بنتك

حمد ابتسم وناداها ..

حمد : ايش فيكي تبكين ؟؟ لا تراا بزعل

ريماس : بابا وسن مي موجوده ...

حمد : يعني ووين تروح مثلاً دوروها زين ..

ريماس هزت راسها وقالت :لا . . حتى جدتي دورتها وبسمه ورهف وكرستي كلنا ما لقيناها ..

حمد كشر وواعتذر من اصدقاه ..

وطلع بسرعه ....

======================


مع محبتي * لأجلك *

انا قررت اخلص لكم الرواية بسرعه عشان بأبدأ بروايه جديده افكارها غير عن باقي الروايات .. لاني لاحظت ان الروايات باشياء كثيرة تتشابه وللأسف ما لاحظت الا بعد ما نزلت روايتي ...

رأيكم ...