[لامارا]

الجزء الرابع ..الفصل الثاني


في الريااض ..
بملكة خلود
لبست الفستان اللي لبسته في زواج بنت عمتها
طالع شكلها جنااااااااااااااان
طبعا ماحد جاء لانهم سوو حفله عاديه
بس نصار وامه وخواته طبعا هو الوحيد ولد وعنده ثلآث خوات
هم .. العنود متزوجه وعندها ثلاث بنات وحامل
الجوهره توأم نصار
الهنوف اصغرهم بعمر وجدان(18)
دخل نواف وبيده كتاب علشان خلود توقع
وجدان حق اختها / يلا سمي بسم الله وقعي
خلود واهي ترتجف / بسم لله ووقعت
وتعاالت الزغاريد
وجدان بمرح / الف لصلاة والسلام عليك ياحبيب الله يامحمد كللللللوش
وجدان تضم اختها / الف الف مبروووووك ياعيني ووالله وكبرتي بتخليني الحالي.. وقامت تصيح
خلود تمسح دموع اختها / يادوبه لا تصحين والله بصيح معاك
وجدان مسحت دموعها / لا تصيحين الحين يخترب ميك آب وتذبحني ام طلال
خلود / ههههههههه عيب عليك
جات ام طلال وضمت بنتها / مبروك يابنتي الله يووفقك ويسعدك بحيااتك
خلود باست راس امها / الله يباارك فيك
وفـــــي وسط المجلس الصغير
الجوهره / شدعوه اللي يشوفنا بنسرقها
الهنوف / بس بفارقونها لازم يحزنون عليها
الجوهره / اكرميني بسكوتك
طق الباب طلال يعلن دخوله اهو مع نصار
الجوهره / اووف مدري ليش يدخل
الهنوف زهقت من اختها راحت جلست جنب وجدان
وجدان اخترعت / بسم الله
الهنوف بنعومه ضحكت / اسفه مو قصدي
وجدان / لا عادي انا اللي اسفه
اكتفت الهنوف ببتسامه واهي تناظر زوجة اخوها
دخل نصار وطلال معاه
نــصـآر
طويل وجسسمه ريااضي له عضلات يعني ضخم بقووه
ينخااف منه اللي يشووفه يقول ان يسوي تمارين بس الاصل هو جسمه كذا
عكس خلود بكل شيء ناعمه وبيضه وهو مو اسمر بس فيه سموره
تقدم اشوي وسلم على خلود وطبعا خلود منزله راسها رفعها وباس جبينها وقف جنبها
جاء طلال وسلم عليهها / مبروووك مبروووك خوخه
خلود بحيااء / الله يباارك فيك
طلال / تزوجتي قبلي اجل ههههههههه شكلي بنعس
ومن هنـــــــآك نظرتين لك يـآطــلال
نظــرة حب ونـظره لآ يعلمها أحد ..
طلال حق نصار / دير بالك عليها تراها غاليه علينا
نصار / خلود بعيوني
تقدمت ام نصار وسلمت على ولدها وعلى بنت ولدها ووصتهم على بعض
وبعدها العنود وثم الجوهره وثم الهنوف ..

في الدمــــــــــآإم
في بيت العود الكل موجود ماعدا ترف مستحيه تطلع
صبا / احس مسخناااها لازم نروح المدرسه
ميثا / هههههههه في ذي صدقتي صار لنا اسبوع مارحنا
بشاير/ انا ودي انقل مدرسه ثانيه
الكل شهق / شنووووو ليه
بشاير قامت تصيح / نص الابلات يقلون جيبي امك يعني انا شسووي اطلعها من المقبره اقولها قومي
مشاعل / ماعليك منها الحيوانه ان قالت كذا مره ثانيه سطرتها
صبا بحزن / حتى انا قالو لي جيبي امك وخليت اختي نجلاء(ام خالد ) تروح
مشاعل / ايي خلاص انا بقول لمي تروح
بشاير تمسح دموعها / اخاف تقولي ابي امك
جنا / ياربي حيل مصعبتها خلاص انا البس عباااه واروح لها
بشاير / هههههههههههه يعني امي
جنا / ايي اصير امك بس اهم شيء ماتطلعين
صبا / بعدين ليه تتحسسين عاتي هذا انا امي متوفيه ولا شفتها وترف يعني عادي
بشاير / بس انا غير عنكم
مشاعل / لييه غير مافي فرق
بشاير / انا امي توفت بسببي يعني غير
مشاعل عصبت / كم مره قلت لك لا تحملين مسؤلية وفاتها الله كتب لها تموت
صبا / مشاعل خلاص
مشاعل عصبت وطلعت فوق
صبا بهدوء / بيشو حياتي من قال انتي السبب في وفاتها الله كتب لها تموت خلاص عاد
بشاير واهي تصيح / الله كتب لها كذا بس بنظر المجتمع انا السبب انا
جنا / وليه انتي السبب انتي كنتي صغيره ومالك ذنب
بشاير ولا كلمه
جنا / خلاص بيشو قومي ارتاحي فووق
بشاير / ومشاعل
صبا / انا اكلمها بس روحي فوق انتي ارتااحي ولا تفكرين ماحد السبب بموت امه

في فرنسا
فيصل وفهد يتمشون بالحديقه
فيصل / وناسه ترف بتفرررح حيل
فهد / منو هذي ترف
فيصل / ايووه صح مالحقت عليك هي
فهد / طيب قولي قصتها
فيصل / ههههههه اي قصه ترف اختي
فهد فتح عيونه / من جدك؟
فيصل / ايووه من جدي عمرها 18 ومررررحه وجاو بنات جدد بعد
فهد جلس / لا هذي يبي لها شجرة عائله
فيصل / ههههههههههههههههههههههههه ههههه حلوه شجرة عائله لا عادي شيء بسيط جاو
فهد / اهم شيء جاو ماراحو ؟
فيصل / شلون مافهمت
فهد / يعني لا سمح لله مافي احد توفى اذا قلت جدي وجدتي توفوو فهذي انا حاس من زمان
فيصل بقلبه (بلاك ماتدري ان نص العايله راحت غير جدي )
فهد / وش فيك سكت؟
فيصل / هههههههه اي جدي وجدتي ماتو
فهد بحزن / يلا الله يرحمه تنميت اشوفهم
فيصل بقلبه ( الله يعيييييين بيتجدد حزن امي وابوي من جديد )
فهد بمرح / قولي يلا منو البنات الجدد وبعدين مافي اولاد ؟
فيصل / تصدق لا كلهم بنات في اولاد اشوي
فهد / ههههههههههه اذكر كنا بس اولاد واسيل الوحيده البنت
فيصل اي الحين غير البنات صارو يمكن اكثر
فهد / طيب منو قول؟
فيصل / عمي عبد الرحمن جاب ساره ويارا
فهد / حلو حلو يارا عجبني هالاسم
فيصل / ههههه لاتحطها في بالك عاد
فهد / لا لا تخاف علي ماحط احد هههههه بس يلا كمل لي
فيصل / عمي عمر جاب ميثا وجنا توأم ونجود
فهد / الله الله توأم خلاص وحده لي وحده لك شرايك ههههه
فيصل / هههههههه بتخليني اكمل ولا
فهد / كمل كمل
فيصل / عمي ابراهيم بو محمد جاب نادر و بشاير
فهد / حلو يعني في ولد واحد نادر
فيصل / ايي هذا عمره 20 يهبل هالولد
فهد / خلاص عرفني عليه
فيصل يكمل /وعمتي نجلاء جابت يوسف ومشاعل
فهد / يوسف ؟ وال اذكر من زمان خالد يبي اخو اسمه يوسف والله وتحقق مناه
فيصل / هههههههه اي
فهد / ايوه وكمل ؟
فيصل / وبس امي جابت ترف وجدتي جابت صبا وتوفت
فهد / يعني عندي عمه اسمها صبا ؟
فيصل / يس
فهد / ووووووع
فيصل / وش فيك
فهد / كم عمرها ؟
فيصل / كلهم 18 بشاير ومشاعل وميثا وجنا وساره وترف وصبا
فهد / ماشاء الله متفقين ؟
فيصل وهو يوقف / والله مدري قوم نروح حق وليد
فهد /وليد ذكرتني مسكين والله نسيته
فيصل / فهد علمني كيف رحت فرنسا وش صار لك قولي بالتفصيل ..
فهد / آآه يآفيصل وش أقول وش أحكي عشرين سنه بغربه عايش وحيد وحيد ولآ أحد معآي إلى ماتعرفت على وليد
وصآإر لي الأخو والصديق مآقصر معاي مع ان هو نفس حآلتي
فيصل / كيف عشت حياتك ؟
فهد / من اول مارحت امريكا جلست فيها سنوات وكان عندي فلوس وعلى طول رحت فرنسا خايف ان ابوي يوصل لي هنا
وخلصت فلوسي وبدت معانتي كنت ادور قطعة خبز في الأرض علشان اكلها كنت أنام في الشارع بين هالبراد
حتى ماعندي ملابس البسها حتى تعرفت على وليد وداني شقته وتعلمت في شقته الرسم الرسم اللي كنت
تحبه صرت مثلك أموت فيه كل ماذكرتكم رحت ارسم اعبر عن حزني بالرسمات عشت حياه مأسـآه ماعتقد احد عاشها
الغربه صعبه صعبه ياخوي ..

بعد يومــآآن
في الصباح بالمدرسه يوم السبتْ..
عندهم بريك ســـآره تمشي الحالها
وجات لها وحده / السلام
لفت ساره عليها من غير ماترد السلام
البنت / ردي السسلام طيب
ساره تتأفف / وعليكم السلام خير ؟
البنت / ممكن نتعرف ؟
ساره / لا .. ومشت عنها من غير اهتمام
ملت من بنات مدرستها من انقلبت ايمو وكل البنات يلاحقونها
عند البنات جالسين
ميثا / ياويلي على سووسو وش فيها كذا انقبلت علينا
بشاير / ايوه لاحظتها دايم الحالها واذا جلست معانا ماتتكلم
ترف / لله يعين يمكن متضاايقه ولا شيء خلوها على راحتها
ترررررررررررررررررر <~~ يعني الجرس رن
مشاعل / اوف الحصه خمسه وربعين دقيقه والبريك بس عشر دقايق
جنا / الله يعيني يلا بسرعه ودوني فوق
صبا / طالع بس من يتأمر علينا لا تخلينا نورطك الحين
جنا / هههههههه خلاص اسفه بس يلا ودوني فوق قبل لا تبدا الحصه بكره بشيل الجبس وافتك
ميثا / ياليت اليوم
جنا / بل اجل لو اكون معووقه ماراح تتحملوني
مشاعل / وجع بسم الله عليك
ترف تطل من فوق / وااااي صبا الابله جات
صبا / خرعتيني طيب وجات يعني
ترف / تدرين منو علينا
صبا / منو ؟
ترف / ابلة العربي الحماره مااحبها والله بتطردنا نسيتي قالت اخر مرره
صبا / يؤؤ يلا قومو نروح

في المطار فهد كان يودع وليد صاحب عمرره ورفيق دربه اللي مستحيل ينسااه
لو لا الله ثم وليد لا فهد عاش في جحيم
ودعه بحراره ودموعه ماتوقفت مو مصدق ان بفارق أغلى الناس على قلبه
بس هذا الدنيا ..
رجعو الكل من فرنسا وطبعا ماحد يدري ان فهد معاهم رجعو الصباح والكل نايم
وصلو بيت العود علشان فيصل وفهد واسيل ينزلون
فهد / مو هذا بيت اهلي العود
اسيل / إيوه
فهد / ليش هنا
فيصل بدون مايطالعه / ادخل طيب ولا تسأل عن شيء
فهد ببتسامه / طيب
بو محمد / ان شاء الله العصر بنجي نتجمع
فهد لازال مبتسم مو مصدق ان هو بين اهله
دخلو البيت
فهد / وين امي وابوي موجدين ؟
اسيل / اجلس فهد
جلس فهد وجلس فيصل جنبه
فيصل / فهد
فهد / لبيه
فيصل ماعرف يقوله ان ابوه وامه متوفين فقال / امي وابوي رايحين شهر العسل
فهد / ههههه من جدك ؟
فيصل / اي الحين قوم ننام نرتاح
فهد / طيب وبيتنا ليش مانروح هناك
فيصل / قلت لك امي وابوي مسافرين وقال ابوي جلسو هنا
فهد / ايوه فهمت طيب وين انام ؟
اسيل / روح غرفة صبا
فهد بضحكه / عمتي ؟
اسيل / هههههههه ايوه
فهد / لا اخاف تدخل وتخترع انتي نامي غرفتها وانا بغرفتك
اسيل / طيب
فيصل / على فكره ترى سلطان موجود هنا
فهد / وينه خلني اشوفه
فيصل / وين هو نايم الحين مايقعد الا العصر
فهد / يلا اجل انام وارتاح بعدين بصحييه

في الرياض ..
وجدان تضم اختها / خلود لا تنسيني
خلود / يعني وين بروح انا علشان مانساك
وجدان تصيح / بتسافرين
خلود / كلها شهر وبرجع
وجدان / والله كأنها مليوون سنه ياادوبه
خلود / يلا هناك نصار ينتظرني
باست اختها وراحت مع زوجها نصار
نصار مبتسم / اول مره تركبين الطياره صح ..؟
خلود بخجل / اي
مسك يدها وجلس جنبها وركب لها الحزام
ومن اول مابدت الطياره تمشي على خلود شهقت
نصار / لا تخافين عادي
خلود من الخوف مسكت يد نصار بقوه / لا تتركني الله يخليك
نصار ببتسامه / ماراح اتركك .... ومسك يدها بقوه

في الظهر ..
رجعو صبا وترف من المدرسه
ترف بصدمه / صبا مو هذي شنطة اسيل
صبا تطالع الشنطه / مدري انا شعرفني
ترف / ليكوون جااااااااااااااو
صبا / تخيييييلي وناااسه
ترف بقلبها ( لا مايصير يجووون مايصير وفهد ليه يتركوونه ليكون مات ياااااربي )
صبا / قومي قومي ندخل عليهم
ترف / شكلهم نايمين تعبانين
صبا / معليه تيتي الله يخليك قوومي
ترف / يلا قوومي
دخلو وهم ماسكين ماي ودخلو غرفة اسيل اللي فهد كان فيها
صبا اخترعت / بسم الله منو هذا
ترف / ههههههه فيصل اخوي
صبا / ليه نايم هنا
ترف / مدري يمكن علشان المكيف اقوى قومي نكب عليه ماي
صبا بوناسه كبت الماي عليه
فهد اخترع وقام بهدوء مسح الماي
صبا ضمته / فصوووووولي مشتااقه لك ليه ماقلتو انكم بترجعون
فهد مو عارف شسوي وخصوصا ان مايدري منو هذي شك انها ياترف ياصبا
ترف حق صبا / وخري خليني اضمه ذبحتي اخوي
ابتسم فهد حق ترف ( اكيد هذي ترف يحليلها تشبه اسيل )
صبا بعدت عنه
وترف على طول ضمته وهو ضمها
صبا / يعني عيني عينك يضم ترف وانا لا
بعد فهد ترف واخذ صبا وضمها / ولا يهمك اضمك
صبا بعدت عنه / ليه صوتك متغير
ترف بششك واضح / انت مين ؟
صبا / ههههههههههه حلوه ترف انت مين
فهد / اي صح انا مين ليه ضمتوني من قال انا فيصل
صبا برجفه / ايشششششش انت منو وليش قاعد هنا وشتبي وليه تشبه فيصل
ترف على طول قامت تصيح وضمته بقووه
صبا بخوف / ترف ترف ياغبيه هذا مو فيصل قومي قووومي
وعلى طول نحاشت ونادت سلطان / سلطان الحق
سلطان / شنو ..؟
صبا / في واحد بغرفة اسيل حسبناه فيصل وضميته واخر شيء يقول انا مو فيصل والحين هو قاعد يضم ترف
سلطان على طول عصب/ مجنوووونه كيف تضمييينه على طول يعني ماتدرين ان فيصل مو هنا
صبا تصيح وتصرخ / انا وش دراني يشبه فيصل كثير كثير
صحى فيصل من صراخهم / وش فيكم
لفت صبا عليه يوم شافته فيصل على طول تخبت عند سلطان / شلون ؟
فيصل / شفيك صبا
سلطان / اووه فيصل جيتو من متى ؟
راح فيصل يسلم على سلطان / من الصباح
صبا ماقدرت تتحمل وطاحت غشيانه
سلطان / صبا صبااا شفييك قومي
فيصل بقلبه ( ليكون شافت اخوي فهد ههههههه )
سلطان ينادي ع الخدامه تجيب ماي حق صبا


يتبع