[لامارا]

\\

+[.. الجزء الرابعـ عشر.. ]+


+[..دخيلك ابعـد عيونك عني وشل نظراتك.. ]+
+[.. يكفيني عذاب ولا تزيدني بحركاتك.. ]+

سمعت منصور يقوول : ابووي ..
خالي علي : لبييه الغالي ..
منصور : لبييت في منى الغاالي ... ترى حسسن اخووي نص سااعه وبيكوون عندناا ...
ماكمل جملته الا وحسسن مبطل البااب .. وكلهم وقفوا يسلموون علييه ويتحمدوون له ع السلااامه وخالووه منى يوم شافته ماافجتته بالسااهل خخخخ.. انا يوم رفعت رااسي اشوووفه بلعت ريجي .. هو هذا بوعلي اللي كان عندي في مكتب سعييد ..مدير قسمناا في ادارتنا في بوظبي .. اللي مدح شغلي يماااا يرروع ... لييش اترووع شوو سوويت له .. بس شكله مابيعرفني لاني في دواام متنقبه ...
عقب سلامهم كلهم ..اشرت عليينا يزووي اول شي سااره عقب اناا : هااي ساره محمد سيف وهاي الريم محمد سيف بنات خالووه؟؟
طااحت سيده عيينه في عييني حسييته انصدم من طاري اسمي اكييد عرفني ..: شحالكن بنات خالتيه ؟؟
انا ماردييت ساره بس اللي ردت : بخيير ربي يعافييك ومن صووبك ..
رد على سااره وعيينه بعدهاا ماشلهاا عني : يسررج حالي بنت خالووه ..وانتي الريم شحالج وشحالج سعيييد...
كلهم صدواا صووبي مستغربيين منوو سعييد ..قلت له بنبهرره كلها احتقاار: بخيير وسهاله .. بس انا سحبت اورااقي من زماااااااااااان ..يمكن من ثالث اسبووع ..
رد علي بغلااسه : افاا ليييش ..
ببروود قلت له : ماعيبني الدواام ...
كلهم انصدمووا كييف حسن يعرفني .. فسألناا خالي حمد كييف تعرفوون بعض ..قاله احسسن : ترااني اشتغل في دائرة(...........) ومدير قسم العلاقاات فيها ...واكوون انا المشررف على قسم العلاقاات اللي تابع لنا في العييين ... فسررت هنااك عند ربيعي سعيد بن فاهم ..هو مدير القسم هنااك ..كانت الريم تتدرب عنده .. ماشا الله شغلهاا ماعلييه كلاام .. قرييت مره اسمهاا في توقيع الريم محمد سيف ..
شكييت انهاا بنت خالتيه لاني اعررف ابووهم والاسم هب غريب علي ..
ردييت علييه انا : الدنياا صغييره ..
اماايه : هيه والله صدقتي ...
رفعت رااسي صووب منصوور لقيته يطالعني وسااكت وجنه حااس بالتوتر اللي من بيناا .. مع اني ماحتكييت بحسن ولا رمسته حتى يوم يا عندناا المكتب ماارمستته ابد ..بس اسلووبه هوو يقهرر ...
نش خالي من مكاان : خلااص عيل نحن نستأذن ..
خالي علي : توو الناااس ..
خالي حمد : ورانا دوام والعياال يبالهم يتزهبوون حق المدررسه ..
اماايه : شي فخااطركم ..
اليمييع : سلاامتج ..
سرنا نييب اغرااضنا اللي مجهزيينهاا من الباارحه في الحجرر ... يوم انا نازله من دري شفت خالي حمد ومنصور يرمسوون بعض ع صووب وخالي يووم شافني نازله ضحك ومنصور رفع رااسه صووبي ابتسم ورد نزل رااسه ... بلااهم هاييل الاثنينه .. ليكوون منصوور يشتكي لخالي حمد عني يوم قلت له فقتتك وفقت ويهك .. خخخخخخخخخخخ عاادي خله يقووله الا خالي حمد خخخخخخ ... سلمت ع بنات خالتييه وخذيت رقم لطاافي وحسن قاعد يطالعني ..اففففففففف منه احسسه كريه ... يووم وصلت صوب باب الصاله صدييت ع حسن لقييته يطالع والباقيين اللي في صاله هب منتبهيين ..سوويت له ماالت وشردت " يعني رفعت اييدي من بعييد ع ويهه"خخخخخخخخخخخ كرييه اوونه يطالع ... ركبت السيااره لقييت سارووه تصيييح ..سألتهاا : بلاااج ؟؟
من بيين شهقاتهاا : حرااام ابااهم .. ماريد ارد العييين ..
ركب خالي حمد سياره هو وامايه وخليفه وسيف قاعديين ورى ساكتيين شكلهم يبون يرقدوون ... صد خالي حمد صووب ساره اللي تصييح : بلااج ساروونه ..
: اوونها تباااهم ماتبى ترد العيين ..
ابتسمت اماايه: تراهم بيوون عندج يووم الخمييس ..
بطلت سارره عيوونها : صـــــــــــــــــدق !!
ضحك خالي حمد ع شكلها : ههههههههههههههههههه هيه والله ..
تمت سارووه متشققه .. اما انا تمييت سااكته وماعلقت ..لانه هالحسسسن ضاايقني ماعرف لييش جي يرمسني باسلووب استفزازي ... اصلا انا اوول مره شفته في المكتب ماارتحت له ..بعد يظهرر لي ولد خالتي اففففففف شهالحااله ...
قاطع تفكيري خالي حمد : اقوولج الريم ..
:امرر خالي ..
تم يطالعني من الجامه اللي قداامه : شي عررب رمسواا عنج ...
عااد ساره الملقووفه : اكيييييد منصوروووه ...
ضحك خاالي حمد : ههههههههههههههههه لييش يعني منصوور ...
ساره : لان حسن اليووم بعده وااصل وماوحاله يتعرف على الريم ..
قلت لها بغييييييض : ولا ابااه يتعررف علي الكرييه ..
استغربت اماايه من ردت فعلي : لييييييش بلاه ولد اختي ..
ردييت بغييض : مارتحت له احسسه لووتي ...
خالي حمد نقع من الضحك : ههههههههههههههههههههههههه هههه ..
سكت عنهم وانا في بالي شي وااحد ..معقوووله منصوور يبااااااني ؟؟؟ صح انه عجييييب بس ماتوقعت انه يبااااني ؟؟ احس ان سالفة يبااني الا رمسسسه ولا اذا يبااني صدق كان بيتقدم رسمي .. اففففففففففففففف اصلا انا شو ابااه ولييش افكر فييه ...
تقربت سارووه تصاصرني : طيحتي ولد خالتج منصور ؟؟
: سكتتتتتتي اتخييل اخذه ..
: طبعا مابتاخذيينه دام هالخديه بن فاهم في خااطرج ..
: ماالقيييييييييت .. اصلا نسيته خلاص "تكذب"
ابتسمت لي : عيل بتوافقيين ع منصور ...
: اصلا اشدرااج ان هو اللي رمس عني ؟؟؟
: خالي حمد قاال ؟؟
: لا ماقاال يوم بيقول منصور يباج ذييج الساعه رمسي ...
: ولو كان يبااج بتوافقيين ...
: يوم بيتقدم بفكرر في الموضوع ...
سكتت عني سااره ولا رمست حتى انا مارمست ولا نطقت بحررف ..اليين ماوصلنا العيين ... كل وااحد دخل حجررته يرتااح من دررب .. طبعا سيفووه وخلووف ساروا بيت خالي حمييد يرقدوون هناك ..

مر يوميين ع ردتنا من بووظبي وسارووه مشتطه ع سووق .. تزهب اغراضهاا حق المدرسه .. اما انا مرتااحه لادوام ولا مدررسه ..صح اني بمل في البييت
بس خالي حمييد قال يوم تبيين تتوظفيين بوظفج .. زيين بعد برتااح عقب بداوم ..
اوووه تليفوون يررن "الشيبه يتصل بك" : الوووو هلا باباتي ...
تم يضحك ابووي :ههههههههههه وبعديييين ويهالدلع ..
بووزت : ولا ادلعك توووووووووووبه ...
: ههههههههههههههههههههههههه اقوولج يالدلووعه انا بمر علييكم عقب صلاة المغرب ..
: حياااك يالشيييييييييييبه ..
: انا شيبه ..
: ههههههههههههههههههههههههه هههه واحلى شيبه ..
: خلااص عيل تامريني ع شي ..
: هييه ابى باسكن ..
: من عيووني ..فداعت الله ..
: ربي الحافظ ..
ربعت صوب حجرة سارووه .. لقيتها فارشه اغرااضهاا اللي شرتهن في الارض جنها بتسيير المدرسه بااجر : اييييييييييه شوهالوووووصخ ..
طالعتني بغييض : الحيين اغرااضي اليديده وووووصخ ..
ضحكت عليييها : هههههههههههههههههه لالا صرااحه حلوه هالمقلمه وهالشنطه طرررر ..
قالت بدلع : ادررررررررررري ..
: ماالت عليييج ..
انسدحت ع شبريتهاا .. وتقربت مني : بااقي كم يوم وقوم الياازيه عندناا ..
: هههههههههههههه حليلهن بنات خالووه واايد طيباات ..
: هيه والله .. والله حتى عياالهم طررررررر ..
: فدييت ضااعن صغيرووني ..
طالعتني بغييض : لالا انا اقصد الكباار ..
: شتبيينهم الكبار ..ماتستحييين ..
طالعتني بمكرر : اوونج عااد ياحرم منصوور ..
: جبب جبب اونه حرم منصور"تمييت اقلدها " ع كيفج هوو ادبسيين الرياال فييه..
: والله يالريم صدقييني يبااج ... حتى الياازيه تقوولي انه يوم نقعد كله يطالعج ..
: يطالعني عاادي بنت خالته ..
: اففففففففففف منج .. عمررج مابتفهميين ..
قلت لها بغييض : ولا ابى افهم .. وع فكرره ابووي بيينا عقب المغرب ...
ابتسمت : والله وناااااااااااااسه ..
: اووونج ماحيدج مييته ع ابووج ..
حسييتهاا انقهررت مني كانت شووي بدمع : هذا ابووي يالكلبه مااسمح لج جي تقوولييين ..بس انا ذيج الفتره كنت زعلاانه منه ..
: اهااا زين زين .. صدقييني ابووي واايد طيب ولازم نحن نكسب رضااه ..
: أي نوو ذاات ... وعليا حرمة خالي علومهاا
ضحكت ع طاري عليا : ههههههههههههههههههه مغلق تليفونهاا ..
: هههههههههههههههه حركتاات هااي بعد ..
: الاا من الخااطر .. متى بيحددون كل شي رسمي ..
: انا سمعت اماايه تقوول يوم الخميس بسيروون ويا خالي علي ريل خالووه ..
: وان شا الله عيال خالوه بيوون ..
طالعتني بغييض : اكييييييييييييييد كلهم ..
: اففففففففففففففففففف هالحسن مابلعه ..
: بصرااحه ماكلمني ولا كلمته بس شكله سوااالف ..
: امحقققق ..

ظهررت من حجررتهاا .. وانا افكرر بهالحسسسن .. والله صدق مااقص علييكم ماارتحت له موووووول ... حسيييته يوم يكلمني يستفززني ؟؟ ابى اعررف لييش جي ويااي ؟؟يمكن يعررف عن بن فااهم ..اممممممم يمكن لييش لا ...اففففففف براايه يزوول اصلا انا ماسوويت شي غلط ..

وع المغرب باباتي وصل وياب لناا بااسكن خخخخخخخ .. بس يا رووحه بدوون نايف ونوف ... كنا قاعدييييين كلنا ويا ابووي في الميلس نسولف ..
ابوي : هاا ساروووه شدي حيلج هالسنه نبى نسببه ترفع الرااس ؟؟
اشررت سارووه ع عيونهاا : من عيووني يا الغالي ..
وعقب طبطب ع جتف سيف : وانت بو هنااد شد حيلك ..
: ان شا الله الغاالي ..
تم ابووي ويانا اليين مااذن العشا سار هو وسيف يصلوون عقب رد البيت سلم عليينا وظهرر .... اما انا وساره عقب ماظهر ابووي بطلنا dvd وتمينا سهرانات على فلم the lord of the rings .. وماشاء الفلم 3 اجزااء ووايد طوويل ..تميناا نطاالعه اليييين الساعه 6 الصبح ...



: ريموووه قوومي يالله ..
دزييتهاا ورديت اللحاف ع ويهي ..: ابى ارقد يالله ظهرررررري ..
سحبت عني اللحااف .. انا هني صدق عصبببببببت : شوو عندج انتي ماتستحيين ابى ارقد .."يوم شفت اللي قداامي قفططت من الخاطر "انتن متى ييتن ..
تمن يضحكن سااره ولطوف واليازيه : ههههههههههههههه ...
قفطه من الخااااااطر : متى ييتن ...
ابتسمت لطووف : قبل نص سااعه .. يينا مارمنا نتريا اليين يوم الخمييس قلناا حق منصوور اييبناا ..
الياازيه : افااا الباارحه كنتن سهراناات ع الفلم وماترييتناا ..
: خخخخخخخخخخ يالله ظهررن من حجررتي بتسببح وبييكن .."صديت صوب ساره " وانتي دوااج عقب ..
ضحكت ساروه : هههههههههههههههههه والله هن احتشررن يبننج تنشيين ..
: انززززززززين يالله بررع ..
دزتني لطوف : بعد ترووغناا .. ماعليييه الرييم دوااج عقب ..
ظهرن عني وانا صدق متقفططه منهن ..شفت الساعه لقييتها 4 ..خييييييييييبه طافتني صلاة الظهر مالت علي وع ويهي .. كل من هالفلم اللي مسهرتني علييه سارووه .. دخلت الحمام تسبحت وصلييت عقب لبست جلاابيه مخصره من فووق ضيقه ومن تحت وااسعه لوونهاا وردي فاتح ومن الاطرااف وردي غاامج مايل للبنفسجي ..
تكحلت وحطييت غلووس وردي وبلاشر وردي .. حطييت الوقايه ع رااسي وظهرت من الحجرره .. سرت اربع صووب المطبخ كلييت شووي لاني يوعاانه وعقب سرت صوبهم الميللس : السلااااااام عليكم
اليمييع :وعليكم السلاام
لقييت امايه ومنصور واليازيه رووحهم في الميلس فقعدت عدال امايه وصديت : شحالك ولد خالتي ..
من دخلت وهو يطاالع ولا نزل عيينه مني : والله مانشكي البااس ومن صوبج ..
ابتسمت له : يسرك الحاال ..
اماايه : صبي لولد خالتج قهووه ..
صبييت له فينياان ويوم ييت بمده له شفت يزووي تسووي حركاات من ورى اخووها مافهمت علييها شو تقول ...مدلي منصور اديينه عسب ياخذ مني الفنيان ..انا حاولت انه اديني ماتلمس ادينه ..: تفضل ..
شل عني الفنيان بدوون لمس خخخخخخخ : داام فضلج الغاليه ...
يزوي تاشر علي وتقول حق اخوها بدلع : هااي راغتني من حجرتهاا ..
اوووويه قفطه ..ماعلييه يزووي انا بداوويج ..سمعت اماايه تقوول : امفف علييج ريمااني .. لييش ترووغيينهاا من الحجرره ..
صديت صوب منصور لقييته يطالعني ويبتسم ..اااااه انا الحيين شو اقوول والله قفططه .. ومنصور قداامي ..هااي يزووي يبالهاا ضرب ... توني ياايه بنطق ..الا ساره ولطووف حادراات عليينا الميلس ..فغييرت سيده سالفه : ووين سررتن ؟؟
ضحكت لطووف : سررت اشووف بيتكم ..
ابتسمت لهاا : عيبج ..
ساره بخبالها المعتااد : اكيييييييد بعيبهاا البييت غصبن عنهاا وبذاات حجرتي عيبهاا ذووقي ..
ضحكت لطووف : البيت عيبني وبصراااحه احلى شي حجرة الرريم ..
الياازيه : هي حتى انا جي اقوول عيبتني حجرة الريم ..
حطت ساره اديينهاا ع خصرها : لا والله ..يعني حجرتي ما عيبتكن ..عيل ولا تدخلنهاا ..
تمييت اضحك علييهن : هههههههههههههههههههههه ..انا حجررتي لونها كلاسيكي يفتح نفس ..هب انتي ويالوردي ماالج ..
اماايه : افاااااا يابناات اختي .. وانا حجررتي ماعيبتكن ..
نقعناا من الضحك علييها .. قالت لها لطووف : السموحه خالووه الحجره هب حلووه كثر ريحتهاا ..
ضحك منصوور : اكييييييييد ريحتهاا ريحة عياايز ..
بوزت اماايه : انا الحيين عيووز ..اذا انا عيووز عيل امك شوو ؟؟
قام منصور من مكان وتقرب من اماايه وحبهاا ع رااسهاا ولوى عليها .. كاااان واايد قرريييب مني بما اني قااعده عداال اماايه .. قربه مني اربكني ولا رييحت عطررررر تخببل غمضت عيووني لثواني يوم بطلتهن لطااحت سيده عيني بعيينه وسيده نزلت رااسي .. شفت قووم لطيفه وساره ويزووي يسوون حركاات .. الله يساامحهن اكيييييييد شاافني وشافن نظرااتي لمنصوور ..لاني غبييه محد قاالي اطاالعه .. قمت شلييت عمرري وظهرت من الميلس وسررت صووب المطبخ اعدل بالفوااله .. صديت صووب باب المطبخ لقييتهن واقفاات ... اول وحده بدت لطووف : شعلييييييييييييييه ياللي ماتحشموون تتبادلوون النظارات قداام امج ..
سارووه : بعد متكششششخه حقه "وتحرك حياتها(حواجبها) "
يزووي : اسميييييييييييه متخششع اخوووي "تقربت مني وزختني من رقبتي " قوولي شو سوويتي باخووي ولا اذبحج قوولي ..
انا نقعت من الضحك : هههههههههههههههههههه بلااكن تخبلتن منصوور بس ولد خالتيه عاادي ..
لطووف : اووووووووووونج عااد ...
اليازيه : قوولي كيف سحررتي اخووي .. 24 ساعه يهااذي بسمج ..
هني اناا قفطت مارمت ارمس .. هاييل شكلهن ناوياات علي هن واخووهن ..
اااه الله يعيينك ياقلبي على منصوور .. يسد سعيييد بعد منصوور يي ..
ضربتني يزووي ع كتفي : حووو وين سررحتي ..
لطووف بمكرر : اكيييييييييييد بمنصوور ..
ساره : ياوييييل حالي اناا ..
عصببببت منهن : بس عيييييييييب عليكن .. تخيلي حد يسمعكن ..
لطووف : عااااادي نرمس عن اخووي وريل بنت خالتي ..
ضحكت علييهن : هههههههههههههههههه لييش تبن تدبسني برياال بالغصب يمكن مايبااني ..
طالعن لطوف واليازيه بعض وعقب لطوف رمست : الرياااااااال متخشع ..
قلت لهن بغييض : عيييييييب علييكن اخووكن حشييم اكبر عن جي ...
ساره : عند الحببب غييييييير ...
عصببت منهن : جبببببببببب انززين ماتستحن انتن ..الحيين بسيير اخبرره ..
ظهرت من المطبخ وسرت صوب المييلس لقييت منصوور قاعد برووحه : وين اماايه ؟؟
: سارت وبتررد عقب ..
تمييت سااكته اطالعه وهو يطالعني .. حسيييت شكلي غلط اليين مادخلت يزووي وقالت له بصووت عالي : مااقالت لك الرريم ..
استغرب منصوور : شو ماقالت لي ..
طالعتني يزووي : اقووله ولا من لساانج احلى ...
يالله انا شوو سوويت هااي تبى توديني بدااهيه .. يالفضيييييييحه منصور شو بيقوول عني .. يماا لحقيني بنت اختج بتفضحني ..شلييت بعمرري وظهرت من المييلس ... سمعت جرس البيت يدق .. ربعت ابطل الباب الصغيرووني ..شهقت اول مابطلت البااب : ســــــــــــــــالم