[فيتامين سي]

(عناد قلبي)





(تكملة البارت الثاني عشر)


من عيون الهم وأطراف الحطام..

كان باقي لي (معزه) لمني!!..

شوفني في غيبتك ماني تمام~~

كل حزن الكون في غيابك ضمني؛؛

ضقت ذرعاً في غيابك والسلام$$

لعنبو حيك غيابك سمني....

(للأمانة منقول)







(يحس الأكسجين خلص من الأرض موقادر يستوعب ):وشوا؟.
(قالت بقهر):رعد مو وقتك البنت قاعده تبكي وتبي تروح مشي ؟.
(هز عبدالعزيز راسه بمعنى وش فيه لانه شاف رعد مصدوم قال رعد وهو يأشر لعبدالعزيز يعني مافي شي):جاي لاتتحركن(وشخط بسرعة جنونية بسيارته ودقات قلبه تتسارع وقف جنب مطعم وقال):انزل بسرعة انت وسيفطلعت عندي شغله ضرورية اذا خلصتها جيتكم.
(عبدالعزيز وهو مستغرب من هشغله الي طلعت هالحين وقلبت مزاجه):شغل؟ موعساس اليوم بندشر ولاهذي دشرتك والله لو أدري ماجيت معك كان ظليت جالس على المرجوحة أبرك(وتكتف بقهر).
(يعرف رعد انه ماراح يسكته غير شي واحد طلع محفظته طلع محفظته وحط فيده 20 الف ريال وقال):كلها لك بس انزل وانتبه لسيف.
(فتح عيونه منصدم بعدها قال بفرحة):أذا تبي لاترجع أبد وسحب سيف وسكر باب السيارة ودخل المطعم .
(غمض عيونه رعد وللحين دقات قلبه تتسارع وش يسوي يروح ويشوفها ولايطنش بس مايقدر اذا راح مايدري وش ممكن يصير ماعنده خيار ولاحل وسط توكل على الله وراح للجامعة ،كلها نص ساعة ووصل شاف شوق ام شنطة بيج هشنطة دوم تشيلها معها لأنها هدية من أبوها لذلك ماتستغني عنها ،، ولا أِرادي تعلقت عيونه فيها ياااه بس كان مبين عليها التوتر وماسكة بد شوق وضاغطة عليها وشوق تكلمها وتناظر ساعتها).

(توه ينتبه انه لازم يتصل عشوق عشان يجن يركبن اتصل عليها وشافها بسرعة ترد ع جوابها):هلا وينك؟.
(أبتسم وقال):هذاني قدامك السيارة الجيب السودا.
(شافها رفعت راسها بلهفة سحبت انين معها وفتحت باب السيارة من ورى لانين وركبتها وهي ركبت قدام ماكانت منتبهه للعيون إلي تراقبها كان كل فكرها محصور بأبوها قالت شوق):رعد وش فيك حرك السيارة !.
(أنصعقت تبي تاخذ نفس موقادرة الأسم إلي سمعته كذب أكيد هي سمعت غلط رفعت نظرها تبي تتأكد اذا خربطت بسمع اكيد ماراح تخربط بنظر ،اكيد هي بحلم بس صدمها الواقع لما التقت عيونها السود بعيونها البنيه نزلت دمعها من عينها مسحتها بظهر يدها عشان لاتتمرد اكثر كذبت الي تشوفه بس إلي اكدلها انه رعد الجرح الي بحاجبه اليمين تعرفه هذا هو رعدها عيونه تعرفهم محد يناظرها بهنظره غيره همست بفتور):رعد!.
(فتح عيونه بصدمه شلون عرفته !!، هي مانسته يعني مانسته مو مصدق قاطعته شوق وهي تلتفت لانين وتقول بستغراب):تعرفينه؟.
(أنتبهت لنفسها وتداركت الموقف وقالت بعبره):لابس أسمه ذكرني بأسم شخص راح ولا ظنتي بيعود شخص الله يسامحة كثر ما أوجع قلبي .
(أعتصر قلبه بوجع منكلامها شقصدها ب"شخص" يعني أنا وش بنسبة لها ليش كذا قالت!!،أكيد فيه أحد أخذ مكاني بقلبها حرك السيارة بسرعة وهو مركز نظره بطريق بس باله مو معه أبد سمع شهقة جاية من ورى رفع نظره لمرات السيارة شافها تناظر الشباك وتحاول تحبس شهقاتها بس على منو يا أنين على رعد تنهد بألم اما شوق قالت تطمنها):انين حبيبتي ان شاءلله ابوك بخير تطمني ياقلبي (ماردت انين الوجع الي فقلبها اكبر من انها ترد ).
(بينما رعد شد قبضته على الستيرن بقهر قالت شوق بسرعة):صح مادليناك وين العمارة.
(رد بهدوء عكس البركان الي داخله ):اعرفها مايحتاج.
(قالت شوق بصدمه ماتقل عن صدمة انين):تعرفه شلون؟.
(وقف السياره جنب العمارة ورأسن نزلت أنين باب السيارة ونزلت تركض ).
(قالت شوق وهي تنزل):بعرف كل شي يرعدوا بس مو هالحين .
(سكرت الباب ولحقت أنين كانت أنين تدور المفاتيح بعد مالقتهم فتحت الباب ودخلت ورمت نقابها وشيلتها تبي تاخذ نفس مو قادره صرخت بفجعة لما شافت أبوها طايح علأرض بصالة ):يبه لااا.
(جلست علارض وفكت ازرار دشداشته وجهه أزرق ابوها مايتحرك هزته بعدم تصديق ):لاتموت لاتموت قوم يبه لاتخليني يبه.
(شهقت شوق لماشافت منظر ابو انين وانين مسكت انين تهديها وقالت):انين خلينا نتصل علاسعاف بسرعة .
(ماردت عليها أنين وبكاها زاد وهي تقول):يبه قوم لاتنام الحين بيأذن الظهر انت مو كل مرة تقول صحيني عصلاة هذاني بصحيك بس انت قوم .
(تقطع قلبها شوق على منظر أنين تذكرت أبوها بكت معها طلعت جوالها واتصلت برعد بسرعة كلها ثواني ورعد داخل كان مبين عليه التوتر والخوف لبست شوق انين شيلتها ؤهي تقول):انين بيجون الاسعاف البسي نقابك.
(قالت بصراخ):ليش ياخذون ابوي مافيه شي هو نايم شوي ويصحى اعرف ابوي مايتركني هو وعدني والله.
(عطتها كف شوق عشان تصحيها من الصدمه):اذكري ربك وش فيك.
(مسك رعد شوق وقال بعصبية):لاتضربينها مو شايفة حالتها.
(فلتت من قبضته شوق وقالت بقهر):البنت مصدومة ولازم نصحيها من صدمتها وش فيك.
(خف بكى انين تدريجياً ولبست نقابها وقالت بصوت مبحوح من كثر البكى):متى بيجي الاسعاف؟.
(صد رعد عشان لايشوف وعيونها بينما شوق قالت):ش(وسمعن صوت الأسعاف نزل بسرعة رعد عشان يدليهم عشقة وكلها ثواني ورعد معه مسعفين 4 وشايلين النقاله نقوله حطوه بنقاله وقاس واحد منهم نبضه وقال بأسف):هذا متوفي.
(وقفت أنين ورجليها تحسهم انشلوا وبدت تغبش الرؤية عندها وشوي شوي تمايلت إلين طاحت بس فيه احد مسكها تسمع صراخهم وهم ينادونها بس راحت لغير عالم ).



بكره بأذن الله بكمل


دمتم بخير

:-*