[فيتامين سي]

(عناد قلبي)


(البارت الثالث عشر)




(تكمله عند فيصل)



إخاف الليل من دونك
واحس أني معاك بخير
وأنا لوتدري وش فيني
قسم بالله .....ماتبعد


(للأمانة منقول)



(الحين وش يسوي بيعرف وش صار ماله إلا يروح على بيتهم بس فرضاً راح أذا شاف أبو أنين وش بيقوله سكت وهو محتار خلاص ماراح يروح لأنه لوراح بيصير مشاكل هو في غنى عنها غير ملابسه ببجامة وانسدح عسرير وتنهد وباله مشغول بين ابو انين ورعد وانين وو اووف
وبعدين شوي شوي تسلل النوم لعيونه ونام ).



__________________________________________#
|\|\|\|\|\|\|\|\|\|\|\|\|\|\|\|\|\|\|\|\|\|
__________________________________________#




(عند عبدالعزيز)

شد الركايب واطلق الشوف قدام
وابشر بقلبٍ مايخون الصداقة

ياصاحبي ماني من اللي ليا هام
قفل حسابات الخوي والرفاقة


(الشاعر/هلال الصلفيج)






(كان جالس يدفع الحساب بعد مادفعه التفت ومالقى سيف رجع شعره بخوف ورى والتفت يمين ويسار وطلع من المطعم يركض بس بعد ماشاف سيف قال بتوتر):يرب وين راح اذا صارله شي مابسامح نفسي (رجع دخل المطعم وسأل النادل)لوسمحت فيه طفل صغير كان هنا لابس بلوزه خضرا وشورت ابيض شفته (هز النادل راسه بنفي غمض عيونه بقهر وصار يدوره بالمطعم لما لمحة ركض له وهو مو مصدق شاف شاب شايله ويضحك معه وهو يمدله ايس كريم التفت سيف وقال بفرحة ):خالي انا هنا (ولوح بيده).
(شاله عبدالعزيز وضمة بخوف):يدب كذا تخوفني عليك وين رحت (وضربه عراسه).
(تكلم الشاب):احم مرحبا أخوي (ومد يده عشان يسلم على عبدالعزيز).
(نزل سيف وصافحة):ياهلا ولله ،،من جد مشكور بس وين لقيته؟.
(ابتسم وقال):العفو ماسويت شي هو كان عند باب المطعم يقولي خالي راح وخلاني وخذيته معي واشتريت له عسكريم(وناظر سيف وضحك).
(تنهد عبدالعزيز وقال):الله يهديك يسيف انا كنت ادفع الحساب ليش رحت؟.
(قال سيف وهو معصب):انت خبل طالعت يمين طالعت يسار مالقيتك لاتكذب.
(ضحك الشاب وعبدالعزيز):مايصير تقول كذا لخالك (وقال لعبدالعزيز)وش اسمك.
(قال عبدالعزيز ببتسامة):عبدالعزيز الخالد.
(قال بصدمه):عزَيِيز ماغيره؟.
(استغرب عبدالعزيز وقال):عفواً تعرفني؟.
(قال الشاب وهو فرحان):انا ناصر نويصر خويك بالمتوسط ماتذكرني؟.
(غمض عيونه ورجع فتحهم):نويصر انت نصور مو مصدق .
(ضمه ناصر وقال):يااااه من زمان ماشفتك ياني مشتاق لك.
(قال عبدالعزيز وهو يبعد عنه):ولله أنا أكثر أخبارك وش مسوي مامسوي .
(قال عبدالعزيز):أمش معي خلنا نروح لكوفي بس اول بوصل سيف لامه.
(هز راسه ناصر وطلعوا من المطعم).




___________________________________________#
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
------------------------------------------------------------#


(نروح لمرام شوي)




اسوي المعروف من طيب ذاتي
ماهمني منهو جحد .....مافعلته
رفيق الطيب عطيته حياتي
ولا الردي لاحام حولي سفهته

(منقول)





(كانت واقفة بالمطبخ وتسوي حلا بارد وليزي كيك دخلت ام عبدالرحمن المطبخ وقالت بستنكار):وش ذا ها.
(شوق وهي تصب الشوكولا على الحلا):ذا حلا ،،جده بتجيني صديقتي.
(قالت بعصبية):لاصادقتي الزين قلي امين ،،وش هالفسق (واشرت عالحلا)وللله لونها حوت يالله ويالله عصير ومكسرات كثير عليها.
(قالت مرام بترجي):جده يرحم والديك لاتفضحيني مثل المره الماضيه الله يوفقك.
(ردت وكلام مرام ماعجبها):نعم؟، مراموا يمعفنه هالكلام لي ذا وجهي اذا خليتس ترتاحين معها.
(ضرت رجلها بالارض بقهر بينما طلعت ام عبدالرحمن من المطبخ بتجاه غرفة نانا وطفت الباب وهي تسمع صوت نانا تبكي)
(نانا ببكى):وشو يبي.
(أم عبدالرحمن بلعانة):ابي لبوتاً تلبي بحلقتس أطلعي يالله .
(قالت بصراخ):مايبي ااااااااه.
(قالت بعصبيه):وجعا يعلهم يطلعون روحتس كل هذا عشان خانوا هخكيري ابو شعرن مزيت .
(قالت بقهر):مافي يطلع انا هبي خان وهو يهب انا.
(قالت وهي خلاص أنقهرت):عزااا فوق شينك قوات عينك أنا اوريك (وسكتت شوي وقالت)طيب تبين نزفك له وتعرسين؟.
(نانا بستغراب):وشو زفه!.
(قالت وهي تبتسم):يعني امباركين عرس الاثنين.
(قالت بفرحة):قولي ولله ماما.
(زفرت وهي مولعة):ولله يالي ماتعرفين الله اطلعي خلصيني .
(طلعت نانا بسرعة وام عبدالرحمن مسكتها من شوشتها ):جلي ماتبين تطلعين ويوم طريت العرس طلعتي






__________________________________________#

=================================

~~~~~~~~~~~~~~~~~~~~~~~~~~~~~~~~~#



(عند أنين)



ضايقوها واخنقوا مبسم خجلها
عاتبوها واستمرت تبتسم..


(منقول)







(صحت على صوت أجهزه فتحت عيونها ولاهي بغرفة بيضة قالت بتعب):انا وين؟.
(جتها شوق بسرعة وهي تداري عبرتها ):الحمدلله عسلامتك حبيبتي انتي بالمستشفى.
(أنين بستغراب):ليه(وبعد ماتذكرت)ايه ابوي وينه (وابعدت الشرشف عنها وجت عشان تشيل المغذي بس منعتها شوق).
(قالت وهي تمهد للموضوع):انين حبيبتي انتي مؤمنة وقوية صح؟.
(قالت بخوف):تكلمي وش فيه ابوي وينه؟.
(قالت بحزن):ابوك يطلبك الحل يا انين حاولوا الدكاترة عشان يرجعون بنبضة بس عجزوا أدعيله برحمة هو محتاج دع...
(قاطعتها بصراخ):أشش أنتي تكذبين كذابة ابوي مامات مامات وينه بشوفه(وشالت المغذي وسال دمها قوه من المغذي ).
(حضنتها شوق وقالت):اهدي انين تكفين طلبتك يدك تنزف وكبست عزر عشان يجون الممرضات ويعطونها مهدأ.

(دفتها أنين وقال بهستيريا):ابعدي وش سويتوا بابوي (وبكت)وين وديتوه رجعوه لي مالي غيره هو سندي هو امي ابوي اختي اخوي (وقالت بهمس)وكل شي كل شي (وركضت عالباب وفتحته وطلعت وشوق لحقتها).
(كان واقف عالباب ويسمع صراخها تنهد بهم وفجأة انفتح الباب وشاف حورية موبنت شعرها الطويل إلي مغطيها سواده إلي يجنن بياضها عيونها السود المدمعه انفها الاحمر شفايفها الحمر ماهتمت له وطلعت تركض ،،وهو ركض وراها مسكها وهي تحاول تبعده وتقول):ابعد عني ليش رجعت اكرهك اكرهك اكرهك.
(ضمها وهو يمسح شعرها):أنين أهدي انا هنا اش.
(ضربت صدره وهي تقول):ليش انا وش سويت ولله حرام لما جيت راح ابوي تعبت تعبت موقادرة اتحمل (وجثت على ركبها)كل ما أحب شخص يروح من بقالي ماظلي احد ابي اموت وارتاح كرهت الحياة كرهتها اااااه يبه ارجع ارجع رعد تكفى رجعه بشوفه بقوله لاتخليني.
(ضمها اكثر وقلبه يعتصر الم عليها):بعيد الشر عنك لاتقولين هالكلام هذا قضاء وقدر مالازم تستسلمين .