[فيتامين سي]

البارت ال٢٠


قسم الشرطه

عواس يحدر : السلام عليك ي المعرس ، شحالك
سالم : ههه جب ، شحالك انت
عواس : دوك ها الورقه
سالم : ورقة شو !
عواس : التحليل ، طلعت سليم وما فيك شي ، يالله خبرنيه شقايل ترقد عندها ي المكار هااا ؟!
سالم متفاجأ : لا تتمصخر !! عيل والله اروحي ماعرف ، هب مصدق ! كيف رقدت ؟ اكيد كنت تعبان حيل وما حسّيت بعمري
عواس يناظره بطرف عينه : لاه ! زين زين هههه ، شحال بنتك احسن ؟
سالم : والله سرت وحصلتها راقده هههه
عواس : علامك تضحك ! ضحكنا وياك
سالم : لا بس معرس يديد لاه ( ويغمزله ) هههه
عواس : اوووه شعلييييك ههههههه
الشرطي يحدر : سيدي ، فيه واحد طالب انه يشوفك وما يبا يرمس مع حد غيرك
سالم : زين خله ايي !
ابراهيم : هلوو
عواس : هذا انت هههه ، تعال
سالم : برهوم ! خير عسى ما شر !! الاهل بخير ؟؟
برهوم : هيه كلنا بخير بلاك خفت ههه ، ييت بس اقدم اوراقي عندكم ، سمعت انكم تاخذون مال الخدمه الوطنيه
عواس : هيه صدقت ، عطني اوراقك ، شو حاب تشرب
سالم : خوفتني ي ريال ، ييبله بس ماي عسب مره ثانيه ما يسوي فيني جي هههه

،،،،

بيت بو وديمه

وديمه تقوم من الرقاد : اشتقت لهالفراش هههه ( وتمسك فونها ) غريبه هزاع ما اتصل ولا وتسبلي ! خل اتصلبه ، ليش ما يرد ! شكله فديته من التعب للحين راقد ههه ، خل اتصل ف الشغالة تييبلي الريوق ، ميته يوع
ام وديمه تحدر عليها : للحين نايمه
وديمه : قمت يمه
ام وديمه : يالله خذي دوش سريع بنطلع
وديمه : نطلع وين !
ام وديمه : بنروح المول ناخذ لنا فساتين ، مسويه حفله اليوم والكل بيجي
وديمه : وشو المناسبه ! تدرين ماحب حفلاتكم يمه كلها حريم كبار وملل
ام وديمه : لازم مناسبة يعني ! وبعد انتي من كبرتي محد شافج والكل يسألني عنج وما راح تكون ممله ، لانه بيجون صديقاتج ، يالله لا نتأخر ، ورانا صالون بعد
وديمه بضيق : طيب

،،،،،

بيت بو حمد

مهروه : هاك حمد فونك مشكور
حمد : العفو ، ها اتصلتي ف ربيعتج ؟
مهروه : لا خلاص غيرت رايي ، ادري حرمتك تغار
حصه تبتسم غصب : لا عادي خذي راحتج
حمد : ههه انزين انا رصيدي يمكن ثلاث ، من اظهر بخذلج رصيد وبطرشلج اوك
مهروه : اوك مشكور ي احلى اخ ( وتسير فوق وتقفل الباب ) واخيرا خذت رقمه ، ما يسوى عليه غيّره من هذيج المره ، خل اتصلبه ويارب يرد ،،،،، الو هزاع ! شحالك ، انا ، انا ... انا مهره بنت عمك ، خيبه ! سكّر الفون ، مالت والله ، الغلط مني متصله فيك ، بس وين بتروح مني ، مصيرك انت اللي بتي حقي ومذلول بعد
مريوم : مهروه بطلي الباب ليش قافلته بعد
مهروه تبطل الباب : الواحد يعني ما ياخذ راحته ف حجرته افف
مريوم : خيبه بلاج جيه مستويه ملبق ، اميه تباج تعالي

مهروه تقعد : ها اميه شو تبين
ام حمد : ي اللي ما تستحين ع ويهج ، جيه ترمسين امج ! صدق ماشي مذهب
مهروه : اميه خلاص عاد اروحي مضايقه
ام حمد : أفا ليش اميه بلاج ! ما عاش اللي يضيّقج
مهروه : تصدقين خذيت رقم هزاع من فون حمد وأول ما اتصلتبه سكّر ف ويهي !
ام حمد تمسك من اذونها : تستاهلي ، وانتي ي الحماره ها مذهب تسوينه
مهروه : آي اميه هديني خلاص ، وبعد لين متى بنتم جيه ، لازم نتعرف ع بعض اكثر
ام حمد : ي الخبله خليه هو يركض وراج هب انتي

،،،،،

بيت ام عبود

ام عبود : صح النوم ، داخلين ع العصر احينه وانت بعدك راقد
عبود : ولا كان ودي أقوم بس هزاعوه اتصلبي
ام عبود : عيل بقوم احطلك الغدا
عبود : لا اميه هزاع برع يتريانيه ، يالله فداعة الله
ام عبود : ربي يحفظكم
عبود يظهر ويركب ويايه ويلتفت ورى : عيل حمود وين
انا أسوق وبكل ضيق : ما اتصلتبه
عبود يناظرنيه : شفيك !!
انا بقهر وحزن : تخيل يدي يباني أعرس الشهر الياي
عبود : هاه !! من صدقك انت ولا تتمصخر ! كيف ومن قريب متوفي الولد
انا : يتحروني بشرد ههه ولاه والقهر حضرتها متصله فيني اليوم
عبود : امنو ! خطيبتك !!!
انا اضربها ع صدره : لا تقول خطيبتي
عبود : آخ عورتني ، انزين شو ذنبي تحط حرتك فيني ، وليش متصله شو تبا بعد ، والله انها قوية عين
انا اضرب السكان : حسّيت ، الله ينتقم منها بس ، انا ما اتخيل كيف بكون وياها ف مكان واحد
عبود : مسكينه ودوم ، شو بيصير فيها لو عرفت ،
انا : وهذا اللي احاتيه انا ، اخاف ما ترضى تاخذنيه عقب ، والله بتخبل
عبود : اقولك ، خلنا نسير بيتهم يالله
انا مستغرب : الحين !
عبود : هيه الحين ، يالله بسرعه

،،،،،

بيت عمي المرحوم

سالم : حياك برهوم احدر ، بسير أبدل ملابسي وبرجع ، مره خذ راحتك
برهوم : ما تقصر
موزوه تظهر من المطبخ وهي شاله صحن فراوله وبدون شيله وأول ما تشوف برهوم تشهق وتنخش ورا الستاره : انت كيف تحدر هنا بليا هود ولا هدا ها ، ما تستحي ولا ما تعرف للسنع
برهوم يتفاجأ فيها وينزل عيونه : سامحيني بس اخوج قالي احدر ، تعالي اظهري انا منزل عيوني ولا بعطيج ظهري احسن ، اظهري يالله
موزوه تظهر تركض ويطيح عنها الصحن وينكسر وتصارخ : آآآه
برهوم يسير لها : سلمتي ، انتي بخير ؟؟ شششت ريولج كلها دم
موزوه : آخ شكلي انجرحت
برهوم يفصخ غترته ويربط ريولها وهو منزل عيونه : ان شاء الله جرح بسيط لا تخافين
موزوه تناظره وف خاطرها : علني افداك ولد عمي
برهوم اتي عينه ف عينها : اول مره اعرف انه عيونها حلوه
سالم يحدر : شو مستوي ! بلاج موزوه ؟؟ انتي بخير ؟! قومي بوديج العياده يالله
برهوم يقوم وينزل عيونه : لا تحاتي جرح بسيط بس شكله فيها دم وايد هههه
موزوه : ها ها ها سخيف
سالم : عيب يالله شو هالرمسه ، ويالله دشي داخل اشوف
سعود يحدر : السلام عليكم ، اوه برهوم هنا ، يالله حيه ، خشمك ، شحالك ؟
برهوم : بخير وسهاله ، ترا شسمه سرت اقدم اوراقي عند سالم ويابني هنا
سالم : هيه والله خوفني من شفته ، تحريت الاهل فيهم شي ههههه

،،،،،

المول

ام وديمه تعصب عليها : شلون يعني ! ها خامس محل وللحين ما اشتريتي شي
وديمه : انزين ماما ما عجبني شي ، شواخي !!!
شواخه تسلم عليها : هلا والله بالحلوين ، شحالج والحمدلله ع السلامه
شموه : ودوم الدووبه شحالج ، وحشتيني ، قلت خلاص بتاخذج الكويت عنا
وديمه : لا شدعوه ههه ما استغنى عن بلادي ، ويت بسير لاميه وبرجع طيب ،،،،، ماما بروح معاهم اختار فستان عشان يساعدوني اوك
ام وديمه : يالله احسن ومن تخلصين تعالي الصالون فوق
وديمه : طيب ،،،، والله مستانسه وايد اني شفتكم ، خلاص عيل اليوم عازمتنكم ع الحفله ف بيتنا
شواخه : الله كشخه ، انا موافقه
شموه : لا والله ! ع كيفج شو ، لازم نخبر اميه قبل ، وبعد حفلة شو ! شو المناسبه ؟
وديمه : يالله عاد شموه تعالو ، ماماه مسويه حفله بس جي ، اتصلي ف خالوه يالله وخبريها عسب تشترون ويايه فساتين بالمره
شواخه : الله وفساتين بعد !!!!
شموه : جب شواخه ، ودوم بلاج ! ترا شايفين خير نحن الحمدلله
وديمه : والله ما قصدت شي شموتي لا تزعلين بس قلت بفرحكم ويايه
شموه : هب زعلانه والله بس خلي بيزاتج حقج يمكن ينقصج شي ولا شي
وديمه : هههه لا تحاتين باباه حاطلي نص مليون ف البنك ، وشوفي اللي يمشي ورانا ، هذا بدي قارد مالي بعد ههههه ف لا تحاتين
شواخه تشهق : نص مليوووون !!! وبدي قارد بعد ؟؟؟ ليش ابوج شو يشتغل ؟؟؟
شموه تنازع شواخه : ايييه اذكري الله عن تحسدينهم
وديمه : ههههه عادي ( ويرن فونها ) لحظه عن اذنكم ، الو هلا مشاري ، شنو !!! انت ف البلاد ؟؟؟؟

،،،،،

بيت عمي بو حمد

برهوم : اقرب الميلس ونا بزقر مريوم وبي
سالم : اوك بس بسرعه ها ، وراي شغل
مريوم تحدر : وشو من الشغل ان شاء الله
سالم : بسم الله ! ههههه
مريوم : لا والله شايف يني شو
سالم : فديت اللي عصبو ههههه ( ويسير لها ويبوس ايدينها ) اشتقتلج
مريوم : هيه باين ، من خلص العزا ما شفتك
سالم : شسوي مشاغل الدوام وجي ، انزين احينه يدي قال عرسنا وعرس هزاع نفس اليوم ، انتي موافقه ؟
مريوم : هيه عادي وأحسن عسب نوفر بس احاتي الخياط مدريبه بيلحق يخلص كل مخوراتي ولا لا
سالم : حتى لو ما خلصهن كلهن عادي بشتريلج اللي تبينه عقب العرس ، بس خبريني متى تبين تسيرين تشوفين غرفة النوم
مريوم تستحي : ماعرف ، خل حصوه تختار ويايه
حصه تحدر : ها اسمع اسمي
سالم : ما طرينا المليون هههه
حصه : يسلام يعني المليون اهم مني شو هههه
مريوم : طبعا لا ، اممم عادي تسيرين ويايه اختار غرفة النوم
حصه : عيوني لج ، ادري ذوقي حلو وجي عني هههه

،،،،،

ف موتري

انا : وصلينا العشا الحمدلله ، يالله وينها للحين ما اتصلت
عبود : انزين اصبر تراها قالت انها ف الصالون وجي ، تعرف انه رضيعاتك بيسيرون الحفله بعد
انا متفاجيء : صدق !! اخاف تضايقهن امها ، من الله هب طايقتنا
عبود : هههه لا تحاتي دام ودوم وياهن ، يالله اصبر بتصل ابها ،،،،،، هلا بالحب ديالي هههه الحمدلله وانتي شحالج وشحال الكشخه ههههه ، ف البيت صح ؟ صدق زحمه ! مسرع توه مأذن ولا الحريم خيفانات يخلص عنهن الاكل هههههههه ، مالت ع الاتيكيت انا بس ، ماشي احلى من ضرب الكفوف ههههه ، انزين يالله انا ف الطريق ومن أوصل بتصلبج ، بس تمام ، يالله سلام ،، ها مستعد تخبرها
انا بضيق : آخ بس ، ان شاء الله
( طول الطريق لبيتها ونا قلبي يدق بقو وخايف ، ماعرف كيف بخبرها ، كيف بقولها اني بتزوج عقب شهر ! شو بيكون موقفها ؟! يارب ساعدني ، ووصلنا واتصلبها عبود ونزلت لنا ، كانت مثل القمر وهي لابسه ذاك الفستان الأسود المنفوش شوي مع حزام احمر ع الخصر وكم طويل دانتيل ، ولمعة القلب ع رقبتها وشعرها الكيرلي ، كانت قمه ف الجمال )
عبود يغطي عيونه بايدي : اييييه انتي كيف طالعه جي ؟ وين عبايتج ها
وديمه : انت تعرف اني ما ألبس
عبود : هزاعوه عطنا ظهرك اشوف ( ويحط ايده ع كتفها ) اعرف انه انتي وامج هب متحجبين ما قلت شي بس ع الأقل لما تلبسين جي غطي عمرج ، لاني أغار عليج ، وبعد ي عمري انتي ، ترا الحجاب زينه للبنت و ...
وديمه تقاطعه : ان شاء الله ي اخوي بس الحين ما عندي ف قول شو تبون عسب ما أتأخر ع ماماتي والضيوف
شموه اتي مع شواخه ويتفاجئون فيني : هزاع !
عبود يلتفت ورا وكان اول مره يشوف شموه من عقب السفر اللي كانت لابسه عبايه مفتوحه وفستان نيلي مخصر ع جسمها وبكل لهفه وشوق : شمه !
انا أوقف جدام شموه وأربع ايديني وارفع حاجب واحد : احم
عبود : هههه يعني وحده بوحده
ألف صوب شموه : غطي شعرج زين عن أصفعج ( وألف صوبه ) خوز من دربي يالله هههه
وديمه تناظرنيه وتبتسم : شكلي حلو ؟!
انا : قمر ، ابا اقولج شي ( وخبرتها بالظلم اللي انظلمت به ، خبرتها كيف اجبروني أملج عليها ، وانه عرسي عقب شهر ) ودوم قولي شي لا اتمين ساكته
مشاري يحدر البيت واتفاجأ به : ها شو يايبنه بعد !
عبود : مشاري !
ودوم تسير وتمسك ايدينه والدموع ف عينها : هيه مشاري خطيبي

،
،

ان شاء الله يعيبكم والسموحه ع التأخير

^^