دخلت عليهم شيخه وهي ترحب في فهد000هلا بالغالي ولد الغالي
قام فهد وحب راسها0000هلا فيج ياعمه الله يخليج لي
شيخه000وخليك لنا والله لو ماانت رضت تودينا ولا قعدنا محد ودنا
فهد000افا عليج ياعمه انتي تامرين امر
تكلم عبيد 000يعني حنا مامنه فايده يشيخووو ماتغيرتي والله هههههههههههه
شيخه 000انت الخير والبركه انت وهادي عنكم مانستغنى صح يما
الجدهـ000اي والله مالي غناتن عنكم كلكم عيالي
دخلت الورد عليهم وشايله بيدينها صنية فيها ترامس الجاي والقهوه
الورد000السلام عليكم
الكل رد الا فهد وعليكم السلام
كانت تمشي بخطوات مرتجفه ماتدري شنو مشاعرها اتجاه فهد تكره ولا تستلطفه ولا تحبه
شيخه000حطيهم وذلفي غرفتج والبسي عبايتج نبي نروح
الورد000ان شاء الله ومشت غرفتها وفي قلبها قهر
عبيد000شيخه وين تبي تروحون
شيخه000نبي نروح السوق ناخذلنا فساتين حق الحفله
عبيد000اي حفله وشنو المناسبه
شيخه000شفيك ناسي يعبيد حفلة رجوعك لنا بالسلامه
عبيد000حاجزين قاعه ولا في البيت تبي تسونها
الجدهـ000في بيت اخوك نبي نسويها الحفله
دخل عبيد يده في جيبه وطلع 2000 ريال وقال لشيخه عطيهم الورد بس لا تقولين مني
شيخه 000ان شاء الله بس اذا ماعندك انا عندي اعطيها
عبيد000لا عطيها هذول عندي خير
فهد000عمه يلا ترى تاخرنا على مانمر هديل في البيت
شيخه000يلا ابي البس عبايتي واجي
عبيد000انا بطلع يما تبين شي
الجدهـ000سلامتك يمه الله يحفظك
طلع عبيد من البيت ورد فهد وكلم جدته منو البنت الي تبيني اربيها على ايدي
الجدهـ000والله انها تصلحلك ومطيعه وقصيرة لسان
فهد000الجده تراك شفقتيني منهي قولي
الجدهـ000شرايك في الورد
فهدتكلم وهو مصدوووم000الورد الا تهبا مااخذها
الجدهـ000وليه ماتخذها ابيك تادبها تعذبها تشفي غلي اللي فيني
فهد000ومالقيتي الا انا وانتي تدرين اني ابي شوق
الجدهـ000شوق بتاخذها عصب عليها بس طلبتك ياولد هادي لا تردني ارحم دميعاتي
فهد000قدرج على عيني وراسي بس اسمحيلي
فز من مكانه وقال لجدته ماقدر اخذها وقولي لشيخه انطرها بر ه طلع بره البيت بسرعه الا الورد بوجهه قالها
بصوت عالي الله ياخذ اليوم اللي جيتي فيه
الورد 000وانا شسويتلك بعد
فهد000انتي مصيبه وانا ببتلي فيها الله ياخذ هالوجه وهو رايح السياره قالها لحقيني لحقج موتج قولي امين
الورد000استغفر الله العلي العظيم انا مااطلع لين تطلع عمتي شيخه
شيخه000عمت عينج الا لين ننعمت كم مره اقولج لا تناديني عمه انا بريه منج
طلعت شيخه وناديه والورد وصعدو السياره مع فهد كانت شيخه جالسه جدام ورها الورد ويم الورد ناديه مرو على
هديل البيت اتصل فهد على هديل وقالها اطلعيلي
هديل000اوووكي انا طالعه الحين
كلمها مشعل000وين رايحه هيييه
هديل000وين بروح يعني فهد وعمتي شيخه ينطروني برااا
مشعل000 بس انتي وعمتي شيخه وفهد
هديل0000اقووول مالي خلق فهد يزفني تعال وشف منو معنا
مشعل000انا اصلن بطلع اسلم على عمتي وقوم انت يالدلخ سلم عليها
حمد000انا دلخ ابي احترمك عشان انت اخوي الكبير
مشعل 000اقوووول يلا فز
ام فهد000مشعل شوي شوي على اخر العنقود
مشعل 000انا المظلوم بينهم واحد بكرج والثاني اخر عنقودج وانا وسطج هههههههههههه
ام فهد000يكفي ان غلاتك بقلبي مايوصفها احد
قرب من امه وحب ايدها الله يخليج لي ولا يحرمني منج
كانت لا هيه تخيط ملابس جيرنها اللي يجون يخيطون عندها بمبلغ ضعيف عشان تعين نفسها وامها واختها سمعت
اسمعت صوت الباب يطق لبسة لثمها وراحت صوب الباب
نوره000منووو
ابوهابس0000افتي انا ابو هابس
نوره000امر شبغيت مايصير افتحلك الباب وحنا حريم بروحنا
ابو هابس000افتحي يالحلوه انتي اي وحده فيهم
نوره000ابو هابس احشم حالك حتى قد احفادك شنووو تبي
ابوهابس000انا طالبكم بالحلال والللي تبونه حاظر
نوره000مانبي منك الا انك تتركنا وان ماخلينا لبلغ عليك الشرطه
ابو هابس0000اقول ياحلوه بلغي امك وقولي لها متى تسددون دينكم ولا باخذ بيتكم وعندكم اسبووووع وتسلمون المبلغ
نوره000الله لا يوفقك ظاااالم تدري انا ماعندنا مافي قلبك رحمه
ابو هابس 000انا عطيتكم الحل بس انتو ماتبون
نوره000انت بدال ماتزوج عيالك ولا احفادك جاي تتزوج انت
ابو هابس000موشغلك وصلي الكلام لمك ياحلوه مع السلامه
نوره000الله لا يسلم فيك ولا عظمه
دخلت البيت وهي تصيح لامها
نوره000يمااا يمااا
ام نوره000شفيك تصايحين يانوره
نوره000ذبحني ابو هابس يقول ان ماسددتو الفلوس بعد اسبوع يبي ياخذ البيت
ام نوره000الله يسامحك يابو نوره رحت وخليتنا بهالورطه
نوير000الله ياخذ الشايب العايب وعععع انا تزوج هذا وع وع
نوره000اي والله وع مرتين
ام نوره000انتو توعوعون شوفولنا صرفه
نوير000يما لا زم نروح لعمي لازم نروحله ويساعدنا
ام نوره000لا لا بعد هالعمر نروح لعمج هو مايبي يعرفنا قالها لبوج
نوره000يما لازم نرجع الاهل لبعضهم وعمي مالنا غنات عنه نبي نعرفه نبي نعرف اهلنااا
ام نوره000وشلون نروح الرياض والله مامعنى شي وخوالج على قد حالهم منو يبي يسعدنا
نوير000يما نبيع العفش وناخذ باقي فلوس الملابس اللي خيطنها ونستلف من ام سليم ماتقصر
ام نوره000انتي عارفه شتقولين وين نبي نسكن لا زم نعرف بيت عمج وينهم
نوير000اللي يسال مايضيع وعمي معروف وتاجر
نوره000اي يما عمي معروف مانبي يذلنا ابو هابس كفايه ذل
ام نوره000وانتو تدرون عن عمكم اذا يبي يحميكم يمكن يطلع العن من ابو هابس
نوره 000يماااا خلينا نجرب تكفين يما
نوير 000الله يخليج يما ملينا من عيشتنا على حيات ابونا ويوم مات حنا في عيشة ذل
ام نوره000خلوني افكر واحسبها
نوره000ترى ماعندنا الا اسبوووع ولا بننقط بالشارع
راحت نوره تكمل خياط الملابس اما امها راحت حق جرتها ام سليم تبي تشوف اذا تسلفها كم فلس لزوم السفر
اما نوير راحت تسوى اكل لمها واختها والله يالاكل خبز وجب
--------------------------------------------------------------------------------------------------------------------
اتصلت عليه تلفون مره مرتين ثلاث وهو مطنشها اما رابع مره رد عليها
نايف000انتي ماعندج كرامه انا مابيييييج تفهمين ماااابيج
عبير000ولييييه يانايف انا شسويت مااقصرت معاك في شي طلباتك اوامر
نااايف0000لاااااااا انتي مقصره معاي ماجبتلي ولد وانا ابي ولد
عبير000انت تدري اني مااقدر اجيب وليه بعد هالسنين تذكرت الولد
ناايف 000الحين حنيت على الولد ابببيه
عبير000ليه تطلقني ليه ماتزوجت علي ليه نفيتني من حياتك
ناااايف000زوجتي اللي ابي اخذهااا ماتبي معها شريجه ويلا تعالي شيلي زبالتك
عبير000الحين صارت زبالتي والله ينااايف لو انك تبي ترجعلي انسى اني ارجعلك من باعني ابي ابيعه ونفيه
نايف000هههههههههه انطريني ان جيت اخذك انا باخذ تاج راسك واللي تسواك
عبير000ماراح تلقى احد مثلي وذكرك يانايف
نايف000اقووووول اذلفي وسكر التلفون في وجها وصاار يضحكك بجنون قال ارجعلها لو تموت ماراح ارجعها
باخذ عمتها وتاج راسها
اما هي سكرت التلفون وستسلمت لدموعها اللي حرقت خدودها ليه ينايف بعتني من عشانه ضيعتني وضيعت بناتك
انا اللي كنت تحلف براسي اااااااااااه يازمن ااااااااااااه