[فيتامين سي]

تبـــــــع ..

..

آلنار لا زالتَ تحرق قلبَ سآلم على اللي سوته فيه سديم ,
فتحَ آلباب بهدوء وطاحت عيونها بعيونهَ ,
كآنت ردةة فعله غريبهَ جداَ وكان الهدوء اللي يسبق العاصفهَ ,
سديم نزلت دموعها : لا تضرب انت اول من بدا ..
سآلم بنبره حاده جداَ اشر على فمه باصبعه بمعنى اص ولا كلمهَ ,
بلعت ريقهاآ وتقدمت له بهدوء : سآلم اسمعني االلى تسويه فيني غلط .. وردة فعلي بالمطعم صحيح كآنت قويه لكن هالشيء لا ارادي
سآلم طنش كل شيء قالته وقآل : عماني اتفقوا يطلعون لمزرعة عمي طرآد .. فتجهزي عشآن نروح هناك ..
مدت اصابعها ومسحت دموعهاآ هزت راسها بمعنى الرضىَ , وابتعدت بهدوء اخذت جوالها ودقت على ديم بسرعهَ ,
بعد 3 ثواني ردت ديم بهدوء : هلا
سديم : بتطلعون للمزرعه ؟
ديم بفرحه باينه من صوتها : ايه ياقلبي بنطلع
سديم : يمكن اغير جو شوي وآرتاح لاني بصراحه مليت من هالعيشهَ ,
ديم : طيبَ



.........



في آلقصرَ ..


مشآري : وش عندكَم على طلعة المزرعه ؟
طرآد : لان عندي مفاجأه لكم ..
متعب : اوهوه ياعيال في مفاجأه اجل ,
نآيف : وش بيطلع امانه من عمي طراد لا ترجون منه رجاء
طراد : اسكت ياورعَ واستح على وجهك وشوف انت مين تكلم ..
نايف : خلونا واقعيين يعني وش بيكون عندك ياعم
طراد :صدقني بتندمم على كلمتك لما تعرف وش هي المفاجأه ..
الوليد : خلاص قولوا للجميعَ .. يتجهزون راح نجلس هناك يمكن اربعة ايام اقل شيء ,
مبارك : أي انا واهلي كلنا خالصين ننتظر المغرب بس يجي ..
ذيب : خلاص دامكم ملزمين اجل اقوم اعطي بناتي خبر , يتجهزون ..
فايز : خلونا ننام في القصر ونجيكم بالمزرعه الصباح لاني صراحه ماحب انام في مكان غير الملحق ..
الوليد : أي تعودتوا على عش الطيور اللي تنامون فيه ..
فهيد : لان المزرعه برد
متعب : انا معاك يا فايز برجع انام بالملحق ان شاء آللهَ ,
الوليد : اللي يبي يرجع يرجع كيفهَ ,



,,,,,,,,,,,,,,,,,,,,,,,,,,,,,,,,


آلمغربَ ,

استغربت انه طول بزيآده هالمره في الشركه ,
كآنت متربعه وخالد بحضنها وتمشط شعرههَ .. بعد دقايق اتصل عزام على جوالها .. حذفت المشط وردت بسرعه ..
فاتن : آلو ..
عزام : اخبارك
فاتن : الحمدلله وانت ؟
عزام : بخير الحمدللهَ طمنيني عن خالد كيفه
فاتن : تمام ..
عزام : يلا تجهزي بجي اخذك انتي وخالد نبي نطلع لمزرعةة عمي طراد
فاتن سكتت لحظات .. وعرف وش سبب صمتها
عزام سكت للحظات ثم قآل ,
: لا تخافين من شيء دام سهام هناآك ..
فاتن ابتسمت بحزن : ان شاء الله ..
عزام : اخذي ملابس لي وجيبي شماغي الجديده وثوبي ولا تنسين ترا بنطول هناك جيبي اللي يكفيك انتي وخالد .
فاتن : ان شاء الله ..
عزام : نص ساعه وجاي
قآمت بسرعه وهي تتأفف .. وبصوتها العالي : ناقصه الحين .. ملاك وامها وخواتها واميره وشهد
تأففت مره ثانيه وكتفت يدينها بععصبيه ثم اخذت نفس ورفعت شعرها عن وجهه .. وتوجهت لدولاب ..
طلعت ملابس عزام كلها وحطتها بشنطه .. هي وملابسها كلها ,
وطلعت ملابس خالد , دخلت الحمام .. " الله يكرمكم "
تروشتَ بشكل سريع .. وطلعت ,
توجهت للمرايه وهي تناظر بعيونها وجها كلله ..
همست بقهر : تحملي كل اللي يجيك وصيري صبوره .. حركات البكي والدموع اللي مالها داعي خليها بعدينَ ,
تنهدت وهي تحس انها مو مرتاحه ابداَ ,
وانها ماراح ترتاح اذا راحت هناك .. وان بيجي اللي يأذيهاآ , ويقهرها سواء ملاك او غيرها من البنات ..
نزلت المنشفه وصارت تنشف شعرها بشككل عشوائي ..
حذفتها بعصبيه على السريرَ , وغرست اصابعها في شعرها وهي تسوي مساج تريح تفكيرهاآ .. وخوفها المستمر من اللي راح يصيرَ ,
دخلت غرفة التبديل ولبست بنطلون للخصر لونه بني فاتحَ , وتي شيرت ذهبي , رفعت شعرها بشكل جميل , وسوت مكياج خفيف , وقفت تناظر بالمرايه وهي تاخذ نفس وتحاول تهدي نفسها .. وتهدي اعصابها المتوتره ,
غمضت عيونها : واذا اصلاً من ملاك ؟
فتحت عيونها ولفت وهي تمشي بعصبيه وكان ملاك قدامها وتكلمها : شوفي ياملاك .. ؟
سكتت شويات : لا لا لازم اقولها بعصبيه اكثر ,
لفت لزاويه وهي تقول بنبره حاده وتأشر بصبعها على الزاويه بعصبيه وكان قدامها ملاك : شوفي يا ملاك .. ترا دايم اسكت لك وانتي تجين تحارشين وانا اسكت
..
غمضت عيونها : لا لا مو كذا .. لازم اقولها بهدوء عشان ما تقول اني معصبه ولا انها نرفزتني
قالتها بنبره هاديه : شوفي يا ملاك ترا الاحظ انك تبين تنرفزيني باي حركه
.. سمعت صوت ضحكَ من وراها وكان عالي جداً ,
فتحت فمها وسعت عيونها قبل لا تلف ..
عزام : من تكلمين انتي ؟
عضت على شفايفها واستدارت له بهدوء وهي عاضه شفايفها وعاقده حاجبها من الخجل .. وتقول في داخلها مسرع جا هذا ؟
كانت نظرات عزام كلها استغراب .. واسنانه كلها باينه من كثر ماهو يضحك من قلب ,
بلعت ريقها ..
عزام : بسم الله عليك .
ناظر بزاويه ثم ناظر فيها : وين ملاك ؟
فاتن بغضب : خلاص عاد لا تقعد تتطنز ما سمح لك ترا
مسح على دقنه وهو يحاول يكتم الضحكه .. لف وجهه عنها يحاول يمسك ضحكته ولكن لف وشاف وجها وانفجر ضحك قدامها ..
تنهدت : مادري بس اجمع كلام عشان اذا جت ملاك ذا السوسه اقوله لها
ناظر فيها وهو لازال يضحك .. ويستغفر من الضحك
كملت بعصبيه : دايم تجرحني بكلام وكانها مرتبته بس انا وش اسوي ؟ وقتها ي ابكي ي اسكت وابلع لساني
كتف يدينه وقف يناظر فيها وهي تتكلم بعصبيه
كملت .. : واذا رجعت البيت قلت ياليتني قلت وياليتني قلت
كانت تتكلم بسرعه وباين القهر في عيونها ,,
بلل شفايفه وابتسم على جنب وهو يناظر في عيونها لحتى هدت وحست في نظراته ,
اخذت نفس ونزلت راسها : انجنيت صح ؟
رفع راسه لسقف وغمض عيونه وحط يده على قلبه ثم رجع يناظر فيها : اه ي قلبي منك
فاتن عقدت حواجبها : اقصد عشاني اتكلم مع نفسي
مد يدينه وسحب يدينها وضمها لصدره ..
همس بصوت قصير : اوعدك لتكون روحتك هناك مافيها لا حزن ولا ضيق واوعدك ان ملاك مو جايتك وان جتك وقتها ماراح تعدي الليله ع خير ..
فاتن غمضت عيونها ..
عزام : انتي هناك بتكونين مع سهام . وراح تستانسين بس ابي منك تسمعين كلامي
ابتعدت عنه ولكنه مسك يدينها وصار يتكلم وهو يناظر بعيونها ..
: ابيك ماتردين على أي كلمه تطلع من ملاك .. مهما كانتَ , هذا اذا تكلمت معاك لاني ماراح اسمح لها .. لكن ماقدر امنعها طول الوقت واذا صار وجتك .. حاولي ماتردين عليها وتحقرينها وبكذا راح ترتاحين صدقيني ..
فاتن تنهدت ونزلت عيونها ,
رفع راسها وابتسم بهدوء وقآل : اساسا اغلب وقتك بيكون معاي ,
ابتسمت بخجل : طيب
لف على خالد ,, وشاله منن الارض ,
: يلا البسي عباتك بنروحَ ,
توجهت لعباتها وتحس انها ارتاحت من كلامه , لبستها واخذت الشنطه ونزلوا ,,
اول ماطلعت بالحديقه , كانت تلاحظ نظراته لها الغريبه ,,
لما قربوا للباب لاحظت ثلاث ارانب جنب الباب
فكت الشنطه وشهقت : عزااااااااااام ارانب
ابتسم : ادري
ناظرت فيه بصدمه : كيف ؟
عزام : انا جايبهم لك ..
ركضت بسرعه للارانب والفرحه ماتشيلها : مو مصدقه
ضحكت من الفرح وهو كان يراقب نظراتها
قرب عزام خالد من الارانب .. وضحك خالد وهو يقول : دادا
لفت فاتن وابتسمت ..
عزام اشر على ارنب لونه اسود .. : هذا اسمه رايسي
ابتسمت : يعني مانسيت اساميهم ..
عزام : ابد
فاتن : اخذهم معي
تقلصت ابتسامته : لا وين تاخذينهم ..
فاتن : اجل كيف اخليهم هنا كيف ياكلون بنطول هناك
عزام : لا تخافين انا موصي عامل راح يجي بين كل فتره حتى الاجدل هنا ويبي له اهتمام ..
فاتن ناظرت فيهم : صح ,
عزام قام وشال خالد على كتفه : يلا مشينا ..


.............................





في مزرعةة طرآد "

كآنت كبيره جداَ جدا وشكلها كان يفتح النفسَ ,
فيها غرف كثير ,
اول ارض .. كلها اشجار وعشبَ طبيعيَ ونوافير تملا المكانَ , وطاولات بنص كلها شموع .. وبجنبها نافوره كبيرهَ , تتغير الوانها بين الاخضر والابيض ,
.. بالوسط ممر طويل جدا جدا .. وكآن كله لمبات طويله لونها اصفرَ , ولون رخام الممر اللي بوسط المزرعه .. كآن بني مع ابيض ,, الممر كان يودي لاماكن كثير منها , مشب كله قزاز ومن برا ينشاف اللي داخله لان جدرانه عباره عن قزاز .. فخم جدا من داخل وكان كبير ,
ورا المشب العريض .. كآن مسبح جدا جدا جدا كبير , مهما تمشي ماراح تنهيه وماخذ ربع مساحة المزرعه , في وسط المويه ’ نوافير راقصه , وبالوان كثيره ..
وايضا بالمويه سفينه صغيره جدا لزينه كانت تمشي على حسب امواج المويه ,
وايضا فيه احجار داخل المويه وكانت باينه لزينه ,
المزرعه مهما تكلمت عن جمالها وفخامتها مو منتهيه ..
كلهم تجمعوا في المشب الكبير ,
وكآنت فرحةة نايف ماتنوصف بدبابات اللي جايبها له عمه طراد .. وكانت اكثر من 40 دباب في اخر المزرعه ..
وكانت الارض كلها تراب ناعم , وجبال كبيره للشخاص المحترفين بدباب ..
نايف : الله متحمس متى اروح اركب الدباباتَ ,
الوليد بغضب : شكلك ماتفهم يانايف .؟
متعب : يايبه حنا بعد العشاء ان شاء الله كلنا بنروح نلعب ودامه بيلعب معنا وقدام عيونا اكيدد ماراح يصير فيه شي ان شاء الله ..
الوليد تنهد : لا تخليني احلف عليك ماتركبه ..
طمر نايف لابوه وهو يحب يدينه بشكل مستمر وسريع لحتى سحبها ابوه بغضب : بس بس
نايف : الله يخليك لا تدعي خلاص بلعب قدامكم وبس ..
تنهد الوليد : وخر عني طيب
, دخل عزام وبصوته الجهوري : السلام عليكم َ
رد السلام الجميع ..
وبدت التساؤلات عن الحال والاحوال ,


..

كآنوا متجمعين على طاوله وسط الاشجار والنوافير اللي تشرح الصددر ..
الطاوله كان يملاها الشوكلا .. والحلا بانواعه والفطاير .. والعصائر , والقهوه التركيه والعربيه .. والموكا , وانواعهَ ,
كلهم يحوطون هالطاوله الفخمهَ ,
لطيفه : م شاء الله المزرعه حيل اعجبتنيَ
سلطانه : أي واللهَ انا جايه من العصر وفريتها فر والى لان في اشيا م شفتها ..
ديم : حتى انا .. تعبت وانا احاول اخلصها م شاء الله جدا كبيرهه عرف يبني عمي طراد ..
نوره : بس واللهَ اللي عجبني انو مافي خيولهم ذي اللي ذبحتنيَ ,
خلال حديثهم المستمر ,, دخلت فاتن , اللي كانت ترجف خوف , بالويل طلعت منها كلمةةَ
: السلام عليكم
لحظةة صمت , .. وبعد ثواني بدت ترحب فيها لطيفه بكل حراره .. وايضاَ سهام اللي وقفت وهي تصرخ وتمد يدها لخلود اللي بين يديها ,
اما البقيه فكانوا يناظرون فيها من فوق الى تحت ..
لطيفه قصددها بهالاستقبال انها تقهر عفاف وملاك وتبرد حرتها ..
بدت تمشي بهدوء لحتى جلست بجنب سهام على الطاولهَ , بدت الرسميه والصمتَ , ولا فيه صوت غير اصوات العصيرات والاكواب والملاعق والشوك وهم ياكلونَ ,
كانت تلاحظ نظرات ملاك اللي موجهه لها بحده , ولكن كانت تحاول تتجنبها باي طريقه كآنتَ ’
منار بهدوء : اخبارك فاتن ,
فاتن ببتسامه : الحمدلله تمام انتي اخبارك ,
منار : تمام م علي ..
لطيفه : وشلون عزام يا فاتن .. وليدي م شفته صار لي ايام وينه فيه ..
فاتن : مادري بس اكيد انه موجود بالمزرعه .
لطيفه : أي ي عمري اذا واجهتيه خليه يجيني ابي اسلم عليه ,
فاتن : ان شاء الله خالتي ..
روان : وش رايك بالمزرعه ..
فاتن كانت منبهره من المزرعه رغم انها م شافت شي الى الان سوا البدايه ..
: جدا جميله م شاء الله , مسكن السعاده يارب
سهآم .. جتها رساله , وكانت من عزام كانت : تعالي لي عند البوابه الاخيره
نزلت الملعقه اللي بيدها وناظرت في فاتن , اللي لفت عليها بسرعه ,.
سهام : بروح
فاتن : وين ؟
سهام : شويات واجي
فاتن م كان ودها تخليها سهام ابدا ولكن ابتسمت واخذت خالد بجظنها ,
راحت سهام .. وضلت تمشي في الممر الطويل , بعد
20 دقيقه .. وصلت للبوابه .. وشافت عزام مدخل يدينه بجيوبه ويناظر فيها .. لحتى وقفت قدامه ,
سهام : شفيك ..
عزام : فاتن عندكم ؟
سهام : ايه ليه ؟
عزام : ابيك يا سهام تنتبهين لها من ملاك ومن غيرها ..
تنهدت : لا تخاف عليها كثير يا عزام ..
عزام رفع حاجب : مابي يضيق صدرها ابد .. كل همي تحاولين تغيرين مزاجها وتسعدينها في كل دقيقه هي موجوده هنا ,
سهام : من عيوني
عزام : ما اوصيك يا سهام ..
سهام : ابشر ولا يهمكَ "
عزام ابتسم براحه , ولف عنهآ ورآح
..

كآنت روآن سرحآنه وتفكيره كله بزواجها اللي باقي عنه ثلاث ايام فقط وتلاحظظ ان م في احد مهتم وخايف كثرهاآ ,
والغريب انهم ما يطرونه ولا حطوا له أي اعتبار والشيء كآن مخوف روآن حيلَ ..
لاحظت منآر سرحان روان رفعت يدها وصارت ترفعها وتنزلها لما انتبهت روان
روان : همم
منار : شفيك سرحانه
نزلت راسها وتنهدت : انتي اكيد مو ناسيه ان زواجي بعد ثلاث ايام
ابتسمت منار : خلاص جاسم تخرج ويقولون انه بيوصل بكره ان شاء الله وش اللي موترك
زواجك عائلي وبيننا وراح يكون بالقصر بعدَ ,
روان : ليه محد مهتم .. حتى امي وخواتي
منار : يالله ممنك ياروان لا تفكرين واجدَ كيف مح مهتم اكيد ان الجميع مهتمَ , بس انتي توسوسين وبكرا بتشوفين كيف الناس متحمسه وتحبك
روان تنهدت : ماني متقبله شيءَ
منار : مثل ؟
روان : طريقة الزواج
تأففت : وهذا وحنا ي روان نحاول ننسيك الموضوع الله يهديك ..
روان نزلت راسها : م ادري شقولَ ,
منار : روآن لا تتحسسين من هالموضوع كثير ودام جاسم ماجاك ليش خايفه هالكثر ترا حركته محد يسويها
روان : الله لا يلومهَ كنت قاصره وابتلش فيني
منار : تذكرين لما طلعتي بوجهه لما جا لسعوديه , ؟ مو مصدق انه انتي وطاير من الفرحه
روان : كان ماخذ فكره عني اني عربجيه وبويه صح
منار : ايه لكن صدمتيه بالعكسَ ,
ابتسمت بخجل ونزلت راسهآ ..


..........

آلساعه 12:34ص ,


بعد العشاء جلسوا دآخل بالمجلسَ .. لحتى قاموا وككل وحدههَ رآحت لغرفتهاآ َ
خآلد كآن نايم واخذته لطيفه من بين يدين فاتن من دون كلامَ ورآحت
لفت على سهام بستغراب .. وتساؤل
سهام ابتسمت : شفيك خليه ينام عندها اليوم
فاتن هزت راسها بالرضىَ ,
سهام امسكت يدها وطلعت معها برآ وصاروا يمشونَ ,
سهام : ايوه وش اخبارك وش مسويه ..
فاتن كتفت يدينها وتنهدت : ولا شيء جديد
سهام : ايه وكيف عزآم معاكَ ,
فاتن لفت عليها : كل شيء طبيعي
سكتت لحظات ثم قالت ..
: عيونه كلها ندمَ وقاعده احاول م اتذكر الماضي عشان م اقسى عليه .. اللي افكر فيه الحين بس اني احب عزام اليوم مو عزام امس ..
سهام : هذا افضل شيء ي فاتنَ , طيب خلينا من عزام وقولي لي شريتي فستان لزواج بعد بكرهَ ,
فاتن : عندي فساتين م يحتاج اشتريَ هه من بعد ماكنت اخذ فساتين حنان صار دولابي بيتكسر من الفساتين
سهام : حنان ؟
فاتن : ماتتصورين قد ايش اشتقت لهذي البنتَ ,
سهام : ليه وين راحت
فاتن : بقولك قصتها ,
سهام : اوك
فاتن : حنان من صغري وانا اعرفها من طلعت في هالدنيا .. درست معها البتدائي كله لكن ابوي فصلني من الدراسه .. بسبب الفلوس وهي كملت ما شاء الله لحتى وصلت الجامعه بس م عمر غيرها شي لا صديقاتها اللي بالمدرسه ولا احد قدر يغيرها علي .. وفي حياتها ما نقصتني في شيء .. وتجيب لي كل شي معها , وتذاكر معي رغم اني ماعرف شيء
سهام بحزن : ياقلبي
فاتن ككملت بضيق : هي اللي وقفت معي لما ........
حاولت تغير الموضوع سهام بسرعه : ايوه وتزوجت هي ولا كيف ؟
فاتن تنهدت : تزوجت .. بس قبل لا تتزوج كانت رافضه فكرة الزواج كلها
سهام بستغراب : والسبب ؟
فاتن : لان امها مطلقه واختها مطلقه ودايم كانوا الناس يتشمتون فيهم .. وكانت عندهم جارتهم ماخلتهم بحالهمَ , دايم تذكرهم بطلاق لحتى حنان كرهت الزواج بسبب خايفه تطلق وتصير نفس اختها وامهاَ ,
سهام : استغفر الله وش هالعالم المعاقه فكرياَ ؟
فاتن : ومره خطبها واحد اسمه عقاب
سهام : ايوه
فاتن : وبعد محاولات من اخوها واهلها وافقت وهو كان شرطه انها تروح معاه بالخارج لحتى يتخرج .. ويرجعون لسعوديه
سهام : وراحت . ؟
فاتن : ايه .. حبته حيل وهو حبها وماخلا عليها قاصر ولا خلت عليه شيء , كان مدلعها ومدللها .. وكان يروح ويدرس ويرجع للبيتَ وهذي حياته وهي كانت تنتظر تخرجه على نار ععشان
يرجعون لسعوديه لكن لاحظت في الفتره الاخيره
تغير بشكل كبير
حنان وسعت عيونها : ايوه ..
فاتن : تعرف على وحده بالجامعه وحبهها وحبته
حنان شهقت : ايوه .. طيب هي اجنبيه ؟
فاتن : مع الاسف سعوديه
حنان : تدرس برا
فاتن : ايه
حنان : ايوه
فاتن ": المهم كانت تستغرب تصرفاته لكن كان يتعذر بضغط الدراسه عليه .. وهي كانت صابره
لحتى جاء وقت تخرجه .. وكانت فرحانه وماتنوصف فرحتها راح تتخلص من دراسته اللي مسببه لها ازمه بحياتها لانه يتعب منها وتاخذ الوقت منها ,, وغير كذا راح ترجع لسعوديه
حنان : ايوه
فاتن : ويوم رجع من الجامعه وتخرج كانت فرحانه حيل لكن صدمها بموضوع البنت اللي يحبها
شهقت : حسبي الله
فاتن : وقالها انا راح اطلقك لاني ابيها ..
سهام حطت يدها على فمها بحزن : االله لا يوفقه
فاتن : قعدت تترجاه انه م يطلقها لو يتزوج البنت وتبقى تخدمهم بس عشان كلام الناس
لكن هو قال م اقدر اهلها م يرضون بزوجه الثانيه .. وهي شرطها طلاق الاولى
سهام : وطلقها .؟
فاتن تنهدت : مع الاسف ايه طلقها .. ورجعوا لسعوديه .. لكن ربك رد كيده في نحره
سهام : كيف
فاتن : لما طلقها راح يخطب البنت اللي حبها من ابوها بس قال ابوها ان البنت لولد خالها مدري عمها اللي يكون بس يستاهل
سهام : آحسسسسسسسسسسسسسسسن
فاتن : وربي وفقها هي وتزوجت هي واختها اللي مطلقه قبلها خوان
حنان : الحمدلله يارب الحمدلله ربي وفقها
فاتن : ايه وكان حلمها اساسا تتزوج مع افراح من كانوا صغار ..
سهام تنهدت : عورتي قلبي بهالسالفه .. والحقير عساه م يلقى اللي ترضى فيه
فاتن : لا تدعين عليه .
سهام : يلا م عليه قومي خلينا نتمشىَ
فاتن : العيال ناموا ولا ؟
سهام : عماني اكيد ينامون بدري اما العيال ماتوقع
فاتن : اجل اتوقع انهم ماناموا .

......................


كانوا جالسين وكالعاده نايف يتسيمج عليهم
نواف : انا راسي بينفجر من سماجته
متعب : ههههههههههههههههههههههههه ه امانه خلوه يكمل
نايف مسوي معصب : علموني تبوني اكمل نكت ولالا ..
تركي : كمل كمل نسمعك .
نايف حط يده على كتف عزام بحماس : اسمعوا هذي والله تضحك
فايز : أي يلا نسمع
نايف : في واحد ملقوف شاف الناس متجمعه على حادث ولا قدر يشوف ممنهم قعد يصارخ ويقول ابوي ابوي عشان الناس توخر عنه ولما الناس وخرت عنه مصدومين طلع المصدوم حمار ..
الجميع : ههههههههههههههههههههههههه ههههههههههههه
فارس : تضحكون على سماجة ورع
نايف : ليه وين بتروح ؟
فارس ببتسامه : بروح انام
فهيد : دايم دايم وانت نايم
فارس عشان يقهر فهيد : للأمانه انا مالوم النوم اذا ماشبع من عيوني انا من يمل من عيوني ؟
نايف : الله يخليك اسكت لا يسمعك النوم ثم يطير من عيونك يسهرك ثمان ايام ..
تقلصت ابتسامة فارس وتعالت صوت ضحك العيال ..
فارس : انت الحين بدال ماتقعد تضحك العالم على سماجه ورا ماتروح تنام اصرف لك ..
نايف : بنام بنام متضايق وبتوسد الضيقه
متعب : الله كمل يا شنب
نايف : بنام متألم وخاطري مكسور
عزام : شاعر مادرينا "؟
نايف : افا عليك صرت انافسك
عزام : يلا كمل
^هذي القصيده قصيدة عزام وهو سارقها ويقول انها له قدام العيال والجميع مايدري وعزام ساكت مايبي يحرجه ..
نايف : بقولها من جديد واسمعوا
فايز : يلا
نايف : بنام متضايق وبتوسد الضيقه
بنام متألم وخاطري مكسور
بنام والدمعه على الجفن تعيقه
بنام وقلبي من الضيق مقهور
الجميع يكرر وراه : مقهور
نايف : ليه البكى ماينسمع حزة شهيقه ؟
وليه الجروح احيان م تلقى جبور ..
سكت للحظات وهو يتذكر الباقي
كمل عزام بصوت جهوري :
وليه احب ؟ رغم ان الحب ماطيقه
نايف : وليه الزمن بالحب واقف ولا يدور
عزام : عز الله اني مانسيتك دقيقه
نايف : وبكيت من حبك والدمع معذور
عزام : خطاي حبيتك وحبي حقيقه
نايف : وزرعت لك بالقلب نبته ودنثور
عزام : واسقيتها من الدم ليجف ريقه
نايف : وعطرتها بالحب وبالمسك معطور
عزام : وخطاك ماتدري بأية طريقه
نايف : ولا تدري ان القلب بيديك مأسور
عزام : لو تشتعل بالقلب نيران وحريقه
نايف : ماتنطفي هالنار لو صبت بحور
عزام : قلبي من الحزن صوتك يعيقه
نايف : مأجور يا قلبي مأجور مأجور
عزام : أواه من حباً سبب لي ضيقه
نايف : حتى وقف نبضاً من الاه مأمور
عزام : بنام وخل روحي لروحك عشيقه
نايف : عساك ماتدري ولا انت مشكور

الجميع : آلله آلله اكيد كلمات عزام
عزام : لا نايف
نايف : يوه عاد ماخليتني اهايط ياعزام
ضحك : يلا عاد بتنام صددق
نايف : يلا بروح انام عشان اللعب بدبابات بكره ان شاء الله
عزام : هالكلام قوله لابوي ..
قام االجميع .. اللي راح ينام والي ركب سيارته وراح لستراحة اخوياه واللي رجع للقصر واللي راح لغرف المزرعه ونام .. بقى بالمشب مشاري وسالم وعزام ..
مشاري كان على جواله وسالم من يوم كانوا يسولفون معطيهم ظهره ونايم ..
كآن مشاري يناظر بسقف وفيه شيء مضايقه وهالشيء بان لعزام ..
عزام : مشاري
لف مشاري من سرحانه وقال : هلا ..
عزام رفع جواله بمعنى رد بالواتس لان سالم موجود
فتح مشاري على رسآلة عزام
: ؟
عزام : وش فيك " فيس مستغرب"
مشاري : والله اني مادري
عزام : لا فيك شيء بس علمني وشهو ؟
مشآري : اميره " قلب مكسور "
عزام : عسى ينقطع طاريها
مشاري : ابي اقهرها بس مادري شلون
عزام : شلون يعني تقهرها ؟
مشآري : مادري
عزام : ي مشاري اقطعها قبل تقطعك اللي يبيعك لا تشتري قربه بعده غنيمه واغتنمها
مشاري : بتزوج ششهد
عزام بستغراب : اختها ؟
مشاري : ايه
عزام : اشوف ان شهد افضل ولا عمري سمعت عنها شي شين والله حق ..
مشاري : يصير خير اجل
عزام : انا بروح اجل ,
مشاري /: انا بعد برجع للقصر
عزام : منت نايم هنا
مشاري : ما ارتاح
عزام :احس عمي طراد بيزعل كل العيال رجعوا محد جالس هنا غيري انا واخواني
مشاري /: م عليه بجي من صباح الله خير هو نايم مايدري من جلس ومن راح
عزام : طيب ..
سكر المحادثه وقامم وطلع ضل يمشي لحتى شاف سهام جالسهَ
وقف قدامها بهدوء : وش فيك
ناظرت فيه : اكلم صديقتي ليه ؟
عزام : وين فاتن وخالد
سهام /: فاتن وديتها لغرفه ترتاح فيها وخالد مع امي
ابتسم بستغراب : مع امي ؟
سهام : ايه اخذته وراحت تنام
ضحك : طيب .. وين الغرفه اللي فيها فاتن ؟
سهام اشرت من بعيد : هناك
عزام ابتسم : طيبَ .
..
كانت جالسه على السرير وتناظر بالارض وساكته
انفتح الباب ودخل عزام بهدوء وسكر الباب
ابتسمت له وبعدها نزلت راسها باحراج ابتسم من ابتسامتها وقرب وجلس جنبها
: ارحبي
ابتسمت باحراج اكثر : وش يردون ؟
عزام : يسكتون
ضلوا ساكتين , والاحراج يملى فاتن وهو يناظر فيها وساكت ..
مد يده وحطها ورا رقبتها وسحبها على كتفه ,
حطت راسها على صدره وشبكت اصابع يدينها ببعض ,
عزام : قاعد انتظر مفاجأه عمي
رفعت راسها وناظرت فيه : مفاجأه ايش ؟
ناظر بعيونها : ماددري هو يقول عندي لكم مفاجأهَ ,
ابتسمت : خلاص انتظرها اذا متحمس لها
ابتسم على جنب : ننام ؟
فاتن : مافيني نوم
عزام : لازم لان عمي من الصبح بيقومنا
فاتن : نفسي اروح لابوي صراحهَ ,
عزام : بعد زواج جاسم راح اوديك اوعدك
فاتن : اكيد ؟
عزام : اكيدين
فاتن : طيب انت نام وانا شويات وانام
مسك يدها قبل لا تقوم وهز راسه بمعنى لا
فاتن : وش ؟
عزام : يعني بتنامين معي
فاتن : طيب بنام بس نام قبلي
عزام : تضحكين علي انتي ولا كيف ؟
فاتن : لا م اضحك شويات وانام والله
عزام : وش بتسوين طيب
فاتن رجعت وجلست جنبه وقالت بخوف : بنتظر خالد
عزام : لا ياقلبي دامه عند امي لا تخافين انا فرحان صراحه انه عند امي وابوي نايم
فاتن : كيف بقدر انام انا ؟
عزام : بتقدرين ان شاء الله تعالي واعلمك
انسدحت على السرير وانسدح جنبها . ورفع البطانيه : تعالي
فاتن : لا خلني كذا ازين
تنهد وقرب بسرعه هو وحط راسه عند صدرها وحوط يدينه وراها وغمض
فتحت فمها من الصدمه ثم ابتسمت وغمضت عيونها بقوه وهي تحس بالخجل ,
ضل ساكت وجهه حاطه برقبتها .. ولا تحس غير بأنفاسه
حطت يدها على راسه وغمضت عيونها .. ونآمت ......