[فيتامين سي]

تبـــــــــــــــــــــــ ــــــــع ..


,,,,,,,,,,,,,,,,,,,,,,,,,,,,,,,,,,,,,,,,,


صرخ الوليد صرخة هزت المستشفى كله
: لاأأأأأأأأأأأأأأ لاآآآآآآآآآآآآآآآآآآآآآآآ
غمض عزام وهو يسمع صرخة ابوه اهتز كل شي في عزام نزلت دمعة عزام وارتجفت يده وصار ينزل على الارض شوي شوي لحتى جلس على ركبه .. اخذ شماغه وغطى فيها وجهه وصار يبكي بكل ما يعنيه الألم ..
..
في قسم الجراحه ..
دخل مصدوم : ياعيال من يعرف عزام الوليد آل .... ؟
مشآري ناظر فيه : هذا ولد عمي ؟
جراح : تو طلعوا اخوه من العمليات يقولون فيه نزيف داخلي وتوفى قبل شوي
صــــــــــــــــــــــــ ـــدمــــــــــــــــــــ ـــــــــــــه
مشاري وقف بصدمه : هاه ؟ انت وش تقول ؟
جراح : اسمه نايف الوليد ..
طلعوا الدكاتره يمشون ورا مشاري اللي صار يركض في الممرات وهو مو مصدق اللي يصير لحتى وصل
وشاف الممرضات يشيلون الوليد على السريرَ .. وعزام منحني على الارض ويبكيَ ..
مسك اطراف السرير : عمي عمي ..
الدكتور مسك مشاري بيده وخره : عمك بس انخفض ضغطه روح لعزام ..
ضل مشاري واقف يناظر بعزام كيف كان يهتز جسمه من البكي ويكتم انفاسه مايبي احد يشوفه
نزلت دمعة مشاري بعدم قوه وصار يمشي بخطوات هاديه انحنى بهدوء عند عزام ومسك كتفه وهو يردد
: لا حول ولا قوة الا بالله
لا حول ولا قوة الا بالله
الاخيره قالهاا وسمع بعدهاا شهقة عزام اللي بككت كل الموجودين ..


,,,,,,,,,,,,,,,,,,,,,,,,,,,,,,,,,,,,,,,,,,,,,



فتحت آلبآب والفرحهَ ما تشيلها حست ان روحها رجعت لها بعدَ .. ايام من الاشتيآق للمزرعه .. وعمتهآ وابوها وحتى الحيوآنآت الموجودهَ نزلت خآلد وخلته يمشي قدآمهآ لحتى دخلت المزرعه سمعت صوت المغسلهَ .. تقدمت وشافت ابوها يوضي لصلاهَ ..
قربت منه : مساء الخير يبهَ
لف عليها ببتسامه وترحيب حار جداَ : هلا هلا بأم خالد ..
باست راسه ويدينه : شلونك عساك بخير ,
مخلد : الحمدلله بأفضل حال نحمد آلله ونشكره انتي قولي لي وشلونك وشلون رجآلك وشلون اهله وابوه وجماعته كلهم ..
فاتن : وآلله كلهم بخير .. اهم شي انت وامي شلونكم ..
مخلد : الحمدلله كلنا بخير وهذا انا طآلع للمسجد وبعد صلاة العصر ابي اجي ان شاء الله اذا مو رايحه
فاتن : لا يبه ماني رايحه لا اليوم ولا بكرهَ , بجلس
مخلد عقد حاجبه وهو يعدل اكمام ثوبه : عسى ماشر لا يكون صاير بينك وبينه شي ..
ابتسمت : لا والله ماصار ولا شي بس هو قالي اجلسي عندهم اذا مشتاقه لهم .. وانا من زمان عنكم والله
مخلد : طيب وهو ليه ماجاا معاك ؟
فاتن : عنده شغل وراح لشركه .. وبيجي بكرا ياخذني ان شاء الله ..
نزل وشال خالد وضمه قوه : هلا هلا هلا بابوي واهلي كلبوهم هلا ..
دخلت نوره وشهقت من الفرحه : فاتن يامرحبا ومسهلا تو مانور البيت ..
فاتن نزلت شنطتها بالارض بفرحه بشوفة عمتها وقربت وضمتهاا حيل وباست راسها ويدينه : يمه شلونكك
نوره : الحمدلله يامي بخير انتي شلونك
فاتن : والله الحمدلله على ماتحبين وبافضل حال ..
تقدمت نوره واخذت خالد من بين يدين مخلد : ياكثر ماشتقت له يافاتن لا عاد تطولون علينا كذا ..
فاتن : وش اسوي والله يومين كلهم واحنا بالمزرعه مع اهل عزام .. م فضينا الا بعد زواج ولد عمه ..
مخلد : يلا اجل انا بروح للمسجد انتم لا تقعدون تسولفون عند المغاسل اجلسوا وسولفو وانا اذا جيت تعلموني اخباركم ..
رآح .. وفاتن وعمتها طلعوا برا للمزرعه وجلسوا على الفرشه اللي قبل شوي كانوا جالسين فيها مخلد ونوره .. كان فيها شاي وقهوه وتمر رطب وصحن بقل وصحينيه ..
فاتن وهي تشم ريحةة الزرع مع المويه : آلله اشتقت لهذي الريحه ..
نوره : علميني يامي وشلونك وشلون اهله معاك ..
فاتن اخذت نفس : كلهم بخير بس يايمه اشتقت لحنان اختفت هالبنت ولا ادري وش صار معها ولا حتى صارت تكلمني
نوره : ايه امها جتني قبل امس وحالتها ماتسر
فاتن شهقت : عمتي ام عبدالعزيز
نوره : ايه
فاتن : وليه عسى ماشر عسى مو صاير شي لحنان وافراح ؟
نوره : لا تقول ان همها عبدالعزيز
فاتن : وش فيه ؟
نوره : ماعاد يرد على اتصالاتهم من يوم سافر ودورو عليها بكل مكان مالقوه حتى مافيه شهادة وفاه ولا شي يدل ان صاير له شي
فاتن شهقت : اعوذ بالله وين راح ؟
نوره : تقول انه صار يرسل من ارقام غير معروفه بانه بخير وخلاص
فاتن اخذت نفس : طيب حلو معناتها ان الولد مافيه شي
نوره : ليش يخلي امه ؟ وش الحركه الي سواها بعدين حنان وافراح انقلوا مع ازواجهم لدمام وامهم بقت لحالها
فاتن : ليش وبيتهم اللي بالرياض وش صار عليه ؟
نوره : باعوه ولا ادري وش الاسباب المهم انهم انقلوا وتقول بناتي مارضو يخلوني الا لما انا قلت لهم يروحون
فاتن : طيب هي الحين بالبيت لحالها
نوره : معها ولدها الصغير اللي اصغر من عبدالعزيز وخدامه بس
فاتن : الله يعينها .. خلاص اجل بكرا بروح ازورها وبحاول اكلم حنان واسال عن اخبارها
نوره : اتوقع بكرا بتكون حنان عندهم او يمكن الحين عندها لانها قالت حنان قايله لي انها راح تجيني كل جمعه
فاتن : أي ضروري اتكلم مع حنان لاني احس قطعت عنها حيل ولا صرت ادري عنهاآ ..
نوره : يلام اعليه انتي طمنيني وش صار معك وكيف معاملتهم معاك ؟ وش اخر الاخبار
فاتن : الحمدلله الامور تحسنت بكثير ودام اهله تقبلوني ماعاد يهم الباقي لا عماته ولا عمانه ولا عيالهم
نوره |: أي هذولي ماعليك منهم حتى الشيطانه ذيك اللي ماتنتسمى
فاتن : ملاك ؟
نوره : قطع طاري ..
فاتن : الى لان ماخلت حركاتها بس صدقيني ورا هالبنت شي عظيم الله اعلم وشهو ؟
نوره : مثل ايش ؟
فاتن : سمعتها تتكلم بالجوال مع وحده وكان كلامها غريب ولا يطمن ولا فهمته زين ..
نوره : وش قالت ؟
فاتن : تقول وقفيه لا يروح ويقول كل شي لا يروح ويعترف لعزام ومن هالكلام
نوره : اوووف
فاتن : وقالت لو اعطيه كل اموالي اهم شي ما يتكلم ..
نوره : الله يستر عليك منهاا انتبهي وحاولي ماتحتكين فيها واجد
فاتن : انا ماتكلم معها حيل بس هي الى الان في راسها عزام
نوره : الله ياخذ هالاشكال اللي ماتخاف الله لا في نفسها ولا في اللي حولها
فاتن : هي قلبها اسود الله اعلم وش اخرتها
نوره : انتي لا يطلع منك غلط تتحملين ذنبه اللي ابيك تسوينه انك تبتعدين عنها وعن طريقهاا
فاتن : وهذا اللي انا احاول اسويه ..
نوره : متى بتمشين ؟
فاتن : بجلس لبكرا ..
نوره : اوف لا يامي روحي لبيتك وزوجك اهم شي تطمنتي علينا
فاتن : لا يايمه لا تخافين هو قالي خليك لانه مشغول بشركة ابوه لانه رجع اشتغل فيهاا
نوره : وليش مانزل يسلم على ابوك ؟
فاتن : مادري يمكن توقع انه بالمسجد كالعاده يعني ..
نوره : يمكن ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,,


وصل الخبر عائلة آل ....
وكآن الحزن في كل زاويه بالبيتَ .. ضيق ودموع وهم وحزن , رآحت فاكهة البيت .. كوميدي البيتَ .. اللي خلا لهم اثر جميل في كل هالبيت ..
كآن انسان طيب صادق صافي النيه .. يحب يسعد الجميع ويحب يوقف مع الحق .. على صغر سنه على كبر عقله وعلى كثر مايحزن الا ان بحياتهم ماشافوا هالشي بعيونه ودايم يعطيهم طاقه ايجابيه ويسحب منهم الطاقه السلبيه ..
يحب يبين انه الشخص المرح .. واللي يضحكهم في كل مجلس .. دائما لوجوده جو جميل .. يكفي عن وجود الجميعَ .. له فقده عظيمه رغم قلة الساعات اللي غاب فيها الا انهم حسوا بأنها شهور .. مو مصدقين ولا مستوعبين ان البيت هذا راح يكون بدون نآيف الوليد ..
هالصدمه كآنت كبيره على منآر لدرجه غير طبيعيه ..
منآر " بتفكير"
مآكنت اتوقع بيوم من الايام ان لك حب في قلبي ليه اكتشفته متأخر . ليتني تأسفت منه قبل يروح وقلت له اني احبه وابيه يسآمحنيَ .. كيف صآر ورآح كذا .. ليش تو حسيتت انه شي مهم بحياتي ومستحيل اني استغني عنه ..
يآرب ياذا الجلال والأكرآم يالله ياحي ياقيوم انك ترحمه برحمتك الواسعه وتلهمنا الصبر والسلوان في فراق اغلى من في هذي الدنيآ ...
صحيح ان هالشي مكتوب ومهما بكينا وتألمنا ماراح نرجع اللي رآح .. الا انه شديد الوجع شديد القسوه والالم ..
ولكن آلله سبحانه وتعالى مثل ماهو قادر على اخذ الروح اللتي خلقها قادر على انه يصبرنا ويعطينا القوه على النسيان ..
فهذي هي الحياه .. يوما حلوه ويموما مره .. احيانا تكون قاسيه واحيانا تكون جميله .. احيانا تأخذ منا شخص واحيانا تعطينا شخص ..
الموت هو كأس سيشرب منه جميع الخلق وسيمر هذا الكأس على كل انسان خلق بدنيا طيرا ..
فـ يارب ان تحسن خاتمتنا وتجعلنا من التوابين الصالحين الذين لا خوف عليهم ولا هم يحزنون ..
..
مسحت دمعتهاآ وهي تناظر بصورته على الجوال ..
قربت مشآعل ومسحت على شعرها ..
: خلاص يامنار هذا شي مكتوب ادعي له برحمه ..
منار ضمة مشاعل وهي تشهق : ابي اشوفه لو مره بس ابي اعتذر له عن كل مره جرحته فيهاا تكفون ردوه تكفــــــــــــــــــون ..
مريم : تعوذي من ابليس .. الله كاتب هالشي وكلنا بنموت هذي هي سنة الحياه .. اذكريه بالخير وقولي الله يسامحه وانتهى ..
منار : اه ياربي آآآآآآآآآآآه ...
..
وكآن في الدور السفلي من القصر بعد .. بكاء ونحيب وتنهايد واهات .. ولكن للأسف مااراح ترجع هالدموع نآيف مهما صار ..
مسحت سهام دموعها وهي تحاول تركز بشاشة الجوالَ ولكن دموعها مشوشه على الشاشه وعجزت تركز بالارقام .. اتصلت بعزام اكثر من مره .. ولكن جواله مقفل ..
لانها عارفه ان الشخص اللي راح يتأثر اكثر شي هو عزام لانه يحب نآيف حيل ومن كان صغير وهو كان له اخو وابو وعم وخال ..
مآكان عندها حل ثاني غير انهاا تتصل بفاتن ..


,,,,,,,,,,,,,,,,,,,,,,,,,,,,,,,,,,,,,,,


بستغرآب : اوف سهام ؟ وش عندها
نوره : غريبه ..
ردت : هلا سهام
بصوت مبحوح بآين فيه الحزن : عزام عندك .؟
عقدت حاجبها : لا قبل ساعتين نزلني عند اهلي وراح ليش عسى ماشر وش فيه صوتك ..
بعبره مخنوقه : نآيف توفى ..
شهقت وحطت يدها على فمها: شنــــــــــــــو
حطت نوره يدها على صدرها بخوف : اللهم اجعله خير ..
فاتن : متى وكيف ؟
سهام : تكفين يافاتن شوفي لي عزام وين انا حاسه انه منهار الحين تكفينَ ..
فاتن : طيب ياسهام لا تبكين قدر الله وماشاء فعل ..
سكرت الخط وهي تردد بحزن : لا حول ولا قوة الا بالله ..
نوره : وش فيه يابنت شلعتي قلبي
فاتن : نآيف اخو عزام توفى
نوره : اعوذ بالله الله يرحمه ويسكنه الجنه .. الله يصبر اهله يارب الله يصبرهم
قامت : يمه انا ضروري ارجع للبيت ..
نوره : ليش يامي بتروحين وتبكين هناك وتتأزم نفسيتك خليك هنا
فاتن : لا يمه ضروري ادور على عزام انتي انتبهي على خالد ..
نوره : طيب انتبهي على نفسك .
فاتن وهي تمشي متوجه لشارع اتصلت على عزام ولكن مقفل .. وقفت تاكسي وركبت .. وتوجهت للبيت على طول ,


,,,,,,,,,,,,,,,,,,,,,,,,,,,,,,,,,,,,,,,,,,,,,,,


هدوء عم المكآن .. صمت كبير جدا , مجرد صوت شهقات مكتومه , واهات مؤلمه ..
مبارك : الله يرحمه ويسكنه فسيح جناته والله يعوضك ياخوي ياتاج راسي ..
باس راس الوليد اللي كان يناظر بالارض بصدمهَ ..
طراد اكثر شي بكاه هو صمت الوليد .. اللي خلفه ألم لا يوصف ..
متعب قرب بهدوء وجلس عند رجلين ابوه وهو يقبل يدينه : تكفى يبه هونها وتهون ..
الوليد لف على اخوانه : متأكدين انه مات ؟
لفوا بصدمه وبدو يبكون من الكلمه اللي قالها بأمل حياة نايف .. ضمه متعب وهو يبكي بألم : تكفى خلاص ربي بيعوضنا عن غيابه .. تحمل وبتعدي ..
انفتح باب المجلس ودخل مخلد والصدمه باينه على وجهه
: السلام عليكم ورحمة الله وبركاته
الجميع : عليكم السلام ..
مخلد عرف وفاة نآيف بعد الحديث اللي دار في المسجد بين اشخاص كثير ..
قرب بهدوء لحتى طاح عند الوليد وصار يبكي هو يواه وهو ضامه ..
مخلد : آلله يرحمه الله يرحمه
الوليد بنحيب : راح ولدي راح ..
مخلد : لاتقول كذا مايصير هالكلام هذا قضاء وقدر بس قول الحمدلله
الوليد بصوت باكي : الحمدلله ..
مشآري افتقد عزام حيل ودق عليه كثير ولكن لا حياة لمن تنادي لف على تركي : ماشفت عزام ؟
تركي هز راسه وكانه عارف كيف بتكون حالته ..

,,,,,,,,,,,,,,,,,,,,,,,,,,,,,,,,,,,,,,,,


فتحت باب البيت وبدت تمشي بخطوآت خوفَ .. قربت لباب الصاله وفتحت الباب بهدوء ..
اول ما انفتح الباب طاحت عينها على عزام وهو جالس على الدرج ومنزل راسه بالارض ويدينه على وجهه ..
كآن شكله محزن جداَ حس بوجودها ولكن ما تغير نهائياَ ..
سكرت الباب بهدوء وطآحت دمعتهاآ وهي تمشي متوجهه لدرج ...
من دون مايرفع رآسه قال بصوت مبحوح تقطع من البكي : لا تجين
ارجعت خطوتين لورآ ثم جلست على اخر الدرج .. بلعت ريقها ومسحت دمعتها حزن على شكله ومنظره اللي يبكي الحجر ..
ضل يمسح وجهه ويرجع ينزل راسه وهو سآكت من دون أي كلمه تطلع منهَ ..
حست انه مايبيها تشوفه وهو يبكيَ .. لفت عنه وعطته ظهره .. واول ماشافها عطته ظهره قام من الدرج وصعد فوق ..
لفت عليه وشافته يرقى للغرفه .. ودخل وسكر الباب عليه ,
صعدت ورآه وصارت تطق الباب بهدوءَ , ولكن م كان يرد عرفت انه يتروشَ .. لان صوت المويه عالي ..
تنهدت بضيق وهي تتذكر ملامح نايف .. سبحان الله كل ماتذكرت صورته تتذكر صورته وهو يضحك بحياته ماطلع بصوره عابسه .. ابتسمت : الله يرحمك ياجمل روح ..
انفتح الباب بعد ربع ساعه من الانتظار , وعلى طول دخلت .. شافته يمشي لحتى جلس على السرير وصار يلبس جزماته الله يكرمكم .. ومن دون أي كلمه ..
فاتن جلست جنبه : احسن الله عزاكم ..
من دون مايرفع عينه لها هز راسه بالرضى وقعد يسكر كبك ثوبه ..
فاتن تبيه يتكلم او يناظر فيها ولكن م قدرت .. لانه مايبيها تشوف عيونه وهو يبكي او تسمع صوته المتقطع ,
فاتن : وين بتروح ؟
عزام ماقدر يرد عليها لان العبره خانقته رفع كتوفه بمعنى مادري ..
طلع من الغرفه وتوجه للمكتب وسكر عليه .. غمضت عيونها وهي مصدومه من المنظر اللي اول مره تشوف فيه عزام ..
جاه اتصال وكان من سهام .. ردت
: هلالا ..
سهام : ها اتصلتي على عزام
فاتن : انا عنده بالبيت
سهام : ها وشلونه ؟
فاتن تنهدت : مع الاسف حاله ماييسر
سهام بدت تبكي : طيب افتحي الباب راح اجي ..
فاتن : طيب ..
سكرت الجوال وقامت وصارت تمشي قدام باب المكتب .. قعدت تناظر بالباب وهو مسكر ..
ماتدري وشلون تواسيه , او تاخذ همه منه لان الحاله اللي هو فيها حيل تبكي خصوصا اذا كان من شخص ثقيل ولا عمره بكا او انهز وفجأه تشوفه بحاله انهياريه ..
بعد تقريبا 16 دقيقه .. شافت سهام وهي ترقى الدرج .. والدموع تملا وجهأ .. فاتن هزت راسها واشرت على الباب بعيونها .. بمعنى انه هنا ..
سهام هزت راسها بالرضى وفتحت الباب ..
اول مافتحت الباب فاتن اسرقت النظر وناظرت فيه وهو جالس على الكرسي ومنزل راسه .. ويحرك القلم بيدهَ رفع عينه اول ما انفتح الباب وكانت حمرآ
سهام بكت وهي تمشي متوجهه له .. قام من غير تردد وحضنها بقوه وبدا يبكي معها بصوت قصير ..
ماتحملت فاتن تشوف هالمنظر اكثر .. سكرت الباب عليهم ورآحت للغرفهَ .. وبدت تبكي ,
..
سهآم بصوت باكي : ليه تخلونه يرجع لهدبابات ليه ..
ضل ساكت وحاضنها بصمت ..
سهام : يآرب ترحمه يآرب ..
ابتعد عنها خطوتين ..ومسح دموعه باطراف ثوبه وهو يقول : ابوي شلونه ؟
سهام : مو بخير ابدا ولا احد بالعايله بخير ..
عزام : طيب خليك مع فاتن واذا بتروحين وصليها لبيت ابوها وانا بروح لهم ..
سهام مسحت على صدره : لا تبكيهم اكثر ..
هز راسه بالرضى واخذ مفاتحيه من الطاوله وطلع .. قبل لا ينزل ناظر بفاتن كيف تناظر فيه بحزن من عند باب الغرفه وعيونها تدمع .. وسع يدينه بمعنى تعالي ..
قربت بهدوء لحتى حطت راسها على صدره .. ضمها بحنان
: لا تبكين ..
ابتعدت عنه بهدوء وهزت راسها بالرضى ابتسم ابتسامة مكسوره .. ونزل ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,


دخل البيتَ وهو يلف السبحه على يدهَ ويغنيَ
وسعت عيونها سديم وهي تبكي ومستغربه من راحة باله العجيبه ..
سديم : سالم ..
لف عليها : هلا
سديم : الولد متوفي وانت تغني وش هالبرود ..
ضحك : توفى يعني وش اسوي له مثلا ؟
سديم : ماني مصدقه
سالم : لا صدقي وش اسوي يعني واحد توفى ابكي عليه ؟
كتف يدينه : طيب يلا نقول اني قعدت اتبكبك نفسك وش بيصير بيرجع ويقول ها هذا انا جيت ؟
سديم غمضت عيونها تحاول تتمالك نفسها همست بصوت قصير : استغفرالله
سالم : اساسا هالورع ماستفدنا منه غير السماجه .. اذكري لي فائده وحده طلعت منه
سديم صرخت : ســـــــــــــــــــــآلم
لما صرخت رفع حاجبه ولف عليها بغضب قرب منها ومسك كتفها بقوه : عيدي الصرخه ؟
سديم : ربي لا تؤاخذنا بما فعل السفهاء منا
سالم فكها وهو يضحك : كملي كملي بكي ولا تنسين تقوميني على الساعه 5 ..
حست ان الدنيا تدور فيها .. مو مصدقه ان سالم شخص سيء الى هذي الدرجه .. ماقدرت تشكي لاحد منه حتى توأمها ماتقدر تصارحها بالجحيم اللي هي تعيش فيه لانها تعرف كيف ديم بتلومها ..
تنهدت وهي تمسح دموعهاا فتحت المصحف وصارت تقرا بخشوع ,


,,,,,,,,,,,,,,,,,,,,,,,,,,,,,,,,,,,,,,,,,,,,,,,



كآن جآلس معاهم .. وناظر في جوآلهَ وكآنت رساله من رنا
: طلقني ..
ارسل لها رساله بقهر : والله ما اطلقك وسوي اللي تسوين ..
بعد دقايق ردت بغضب : بتعيش مع وحده ماتحبك ؟
نواف : ولد عمي توفى والحين انا ماني فاضي لك خفي علي شوي يرحم لي والديك ..
بعد رسالته هذي ضلت فتره مارسلت وعقبها ارسلت
: الله يرحمه ..
دخل عزام عليهم والجميع ناظر فيه
: السلام عليكم
الجميع : عليكم السلام ..
وجه عزام ماكان باين انه باكي او متأثر وهالشي هو اللي تصنعه عزام .. قرب من ابوه وباس راسه
: احسن الله عزاك
هز راسه بالرضى وسكت ..
من كان يمشي والجميع يناظر فيه لحتى جلس بجنب اخوه متعب اللي كانن يبكي ويمسح دموعه بطرف شماغه ..
عزام بصوت قصير : خلاص يامتعب صار اللي صار ادع له برحمه ودموعك ذي مو نافعته ولا يبي منك غير الدعاء ..
لف عليه وناظره بنظره غضب ورجع نزل راسه بدون رد ..
قعد يتقهوا عزام .. ويسولف مع عمه مباركَ .. والجميع ساكتَ ..
متعب : حتى في وفاة اخوك ياعزام مانزلت لك دمعه
لف عزام على متعب بستغراب وسكتَ ..
متعب : ترا هذي مو رجاله اذا انت تشوفها قوه وسطر ..
الجميع : استهدي بالله يامتعب
طراد : مو كلام هذا تقوله لاخوك ..
تنهد عزام ونزل راسه بصمت .. ومتعب كمل كلامه بحده
: كيف يكون بارد الى هذي الدرجه ولا يحزن ولا يهتم ولا يبكي ..
عزام : عمر البكاء مارجع اللي نحبه يامتعب ولا عمر دموع ابوي وامي رجعت جداني ..
متعب : انت عديم احساس وعندك الدمعه عيب مع ان الرسول تعوذ من العين اللي ماتدمع
عزام اخذ نفس وطنش كلام متعب وصار يكمل حديثه مع عمهَ . قام متعب بغضبَ وطلع من المجلسَ لانه شاف ابوه مايتحمل جدال أي احد ..
قام عزام ورا متعب وقفه قبل لا يطلع : متعب
لف عليه : نعم ؟
عزام : انت ماتددري انا وش احس فيه ولا يجوز انك تحكم علي بالطاغي او عديم الاحساس
متعب : الا عديم احساس والدليل انك مختفي طول اليوم عشان دمعتك ماتنشاف ولما نشفت جيت
عزام : ماراح ابكي عندك عشان ابين لك مدى حزني على اخوي اللي انت ادرى بمحبته في قلبي
متعب : كل هذا مايهمني
عطاه ظهره وطلع من القصر كامل .. شاف مشاري متوجه له مشاري : احسن الله عزاك والله يرحمه ويصبركم
عزام : قدر الله وماشاء فعل ..
مشاري : شلونك الحين تحس نفسك افضل ؟
عزام : الحمدلله
مشاري : لا تشره على متعب في هاللحظه والحال يبي يفضي غضبه وحزنه في أي شخص
عزام : لا يمكن اشره عليه وانا مازعلت منه ولا من اسلوبه
مشاري : يلا تعال نرجعَ دآخل ...

,,,,,,,,,,,,,,,,,,,,,,,,,,,,,,,

فتح الباب وشافها على سجادتها تستغفر ..
ناظرت فيه لما دخل .. نزلت شرشف الصلاه وابتسمت : شلونك
تركي : بخير ..
قامت وطوت سجآتها قربت منه وصارت تمسح على ظهره : تبي تنام عشان ترتاح ..
تركي : ماني مستوعب يامشاعل ..
مشاعل : اللي صار صار والحمدلله على كل حآل شي مكتوب ولا لك يد فيه ولا لاي احد يد فيه ..
تركي : صحيح ..
مشاعل : ادع له ان الله يرحمه وهذا كل شي .
تركي تنهد : الله يرحمه ويصبر ابوي وعزام وامي هم اكثر ثلاثه تأثروا .. مع ان هالشي مابان على وجه عزام
مشاعل : يلا ماعليه اهم شي انهم بخير ولا صار في احد منهم شي وبعدين هذي طبيعة اخوك عزام مايحب يبين لاحد حزنه ولا همه .. حتى اقرب خوي له ,
تركي : صح ..
لف يناظر بالغرفه : وين طارق ؟
مشاعل : نام في المجلس بعد ما اكل وقال قوميني لا جا بابا .. هو بعد حزن على نايف حيل وقال انه شخص طيب ليته ما مات ..
تركي : لا لا تقومينه انا ساسا تعبان وابي انام ..
مشاعل : طيب نام افضل لك ..
تركي : ايه ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,

بعد مرور أسبوعيـــــــــــــــــــ ــنَ ..

يآ سيد ابياتي يآ المترف الزين ..
آسمع كلاميَ وافهمه يَ غنآتي
انت الوحيد اللي ملا هذي العين ..
وما غيرك انسانن يسمى حياتي ..
,,,,,,,,,,,,,,,,,,,,,,,,,,,,,,

بدا يخف أللم البكي والنحيبَ .. وابتدا الم الذكرى فقط ..
عزام : يمه ابوي اخذ علاجه اليوم ؟
لطيفه : أي الحمدلله صار ياخذه زين .. والحين راح لشركه وقالي خلي عزام يجيني هناك ضروري ..
عزام : اساسا انا رايح له الحين بس حبيت اجي اتطمن على خواتي وعليك ..
لطيفه : الله يعين وانا امك والله يصبرنا على فرقى الغاليَ
مايبي يرجع يبكي امه : ماشتقتي لخالد ؟
لطيفه : والله انها كانت على لساني .. ابيك تجيبه لي يايمه اشتقت له ..
سهام : أي والله حتى انا كنت بقولك تخليه يجي ..
عزام : ان شاء الله بعد الشركه امر فاتن واخليها تمر تجلس عندكم بأذن آلله ..
لطيفه : الله يحييها يارب وهذي الساعه المباركهَ ..
عزام : ما فيه اخبار عن المعاريس ؟
سهام : مادروا ..
عزام : اوف لا عاد .. لييه ؟
سهام : محد عنده الجرأه يقولهم بعدين توهم بشهر العسل انا من رايي لا يوصلهم خبر ..
عزام : صحيح .. لا تقولون لهم عشان حتى مايجون بسرعه وتخرب فرحتهم ..
سهام : أي عمي حرص على الجميع انهم مايقولون لا لروان ولا لجآسمَ ..
عزام : افضل ..
قام : يلا انا استأذنكم عندي شغل ..
لطيفه : الله يستر عليك ولا تسرع ياوليدي ..
عزام اشر على خشمه : على ذا الخشم ..

,,,,,,,,,,,,,,,,,,,,,,,,,,,,,,,,,,,,,,,,,,,,,,

في مآليزيآا ..

روآن بخجل : لا تقعد تذكرني بالماضيَ ..
جاسم وهو ميت ضحك : ابي افهم وش كنتي تحسين فيه وانتي بس تلعبين مع العيال لعنبو دارك كل هالانوثه والجمال وماضيك كذا ..
روان بغضب : اننن ننن
جاسم ضحك : بس عاد الصدق والله انك بطله .. عليك حركات لا تعقل ..
روآن : وش سويت بعد ؟
جاسم : وش كنتي تسوين بسيارتي ؟
روان تلعثمت وحست الارض قلبت عليهاا : جاسم خلصنااآ ..
جاسم فطس ضحك : والله ما انسى عيونك بالمرايه ..
روان ضحكت بخجل : كنت ملقوفه شوي ..
جاسم : معقوله هاللقافه ؟ وش كنتي تسوين في سيارتي هذا الشي اللي محيرني ..
روآن : كنت انا ونايف وفهد ندور على نوته مع نواف
جاسم : ايوه ؟
روان : بعدين ماكانت سيارتك سيارة نواف
جاسم : أي بس كنت راكبها ..
روان : افف ليته مو انت وكان نواف اصرف لي من اطنازه علي الحين
جاسم : توك ماجاك شي وبعلم عيالي كلهم عن انجازات امهم في الاختباء المكشوف
روان : أي تعال ي القاطف .. انت من كنت تكلم لما قعدت تقول ياروحي وياعمري ومن هالكلام ؟
جاسم بضحك : اول شي مايقولوون يالقاطف يقولون يالقافط . .ثاني شي كنت اكلم ملاك اختي ..
روان : وش يثبت لي ؟
جاسم : مافي شي يثبت بس واللله كانت هي .
روان : المهم لا تقعد تذكرني بهالمواضيع وانا توني عروس ..
جاسم : أي لانك تخجلين منها ..
روان : لانها تخجل ..
جاسم : بس والله وش سر تغيرك ؟ يعني زنتي حيل قبل ماتنبلعين
لفت عليه بغضب : مادري اخذها سبه ولا مدحه ؟
جاسم : والله قبل ولد وش صار لك
روان : عقلت ..
جاسم : قبل كنتي رايد مو روان والله كنتي ارجل مني
روان : اوف جاسم خلصنااا عاد ..
جاسم : مشكلتك ماعندك شي تمسكينه علي .. المهم انا بدق على اخواني واسالهم وش اخبارهم وكذا وبقولهم اننا بنجلس شهر ثاني هنا ..
روان : يمكن مايوافق عمي ..
جاسم : يمكن بس نجرب ..
قام وراح بعيد عنها وصار يكلم ابوهه .. ثواني الا رجع
: وافق
روان : صدق ؟
جاسم : غريبه صح ..
روان : لا يمكن قالوا معاريس وخليهم يستانسون وكذا
جاسم : يمكنَ ..

,,,,,,,,,,,,,,,,,,,,,,,,,,,,,,,,,,,,,,,,,,,,

وصل لشركهَ .. واول ماجلس على مكتبه وصله رساله من رقم .. غريب
: السلام عليكم
رد عزام بعدم اهتمام : وعليكم السلام
...: معاك سعود ..
صــــــــــــــــــــــــ ــــــــــــــــــــدمـــ ـــــــــــــــــــــــــ ـــه
عزام : اها الخفي ؟
سعود : اسمعني اخ عزام لنهايه تكفى ..
عزام : نعم واختصر لاني كذا ولا كذا واصل لك باذن الله وراح اخليك تتكلم .. بس دامك جيتني وفرت علي البحث ,
سعود : انا بجي اقولك كل اللي عندي يمكن ماتقدر تلحق عليَ ,
عزام : وش المعنى من كلامك ؟
سعود : انا في الايام الاخيره اتضح ان معاي مرض قاتل ولي ايام معدوده وراح اروح من هالدنيا ولا ابي منك غير انك تسامحني وتخلي زوجتك تسامحني ..
عزام : انا عارف انك ماتعرف زوجتي وانها ماخانتني بس من مديرك ؟ اللي شاريك بفلوسه الرخيصه ؟
سعود : ملاك ذيب آل ......
صــــــــــــــــــــــــ ـــــــــــــدمــــــــــ ـــــــــــــــــــــــــ ـــه
ضغط على جواله بقهر : ماراح انصدم .. ولكن باي حق ؟ وش المغزا ؟
سعود : التفريق بينك وبين زوجتك .. والوسيط اللي كان بيني وبينها عبير فلاح ال.......
عزام : هه ... جميل اثنيناتهم حثاله ,
سعود : اتهمت زوجتك اول شي بانها اجهضت نوره وثانيا بالخيانه ..
صــــــــــــــــــــــــ ــــــــــدمـــــــــــــ ـــــــــــــــــــــــــ ــه
عزام : شنـــــو ؟ تجهيض ؟
سعود : انا اللي جبت لها الحبوب وسلمتها عبير بمبلغ وقدرهَ .. وبعددها بدت لعبة الخيانهَ
سكر جواله وحط يدينه على رآسهَ مو مصدق اللي قاعد يقوله هالشخصَ .. وشلون يقول هالكلام وشلون ... وكيف بيصدق انها اجهضت اخته عشانه .. شي لا يعقل ,
ارسل سعود : تكفى ياعزام سامحوني قبل اموتَ واطلب من زوجتك تسامحنيَ .. تكفونَ ,

اخذ جواله وقام بغضب وطلع .. شاف متعب ينناديه ولكن م رد عليه.. ركب سيارته .. ورفع جواله واتصل على سآلم
سالم بستغراب : اهلا اهلا ؟ ولد عمي عزام الوليد ال... يدق علي والله شي غريب ..
عزام بحده : سالم ..
سالم : من طلعت الرقم ماعمرك اتصلت علي ياقلبي ,
عزام بحده اكثر: سآلم ..
سآلم : هلا
عزام : دق على خوانك كلهم وخلهم يجوني بالقصر ابيهم بموضوع مهم جدا ..
حد على اسنانه بغضب : والأهم وجود عمي ..





"" انتهى البارت ""