[فيتامين سي]

البارت ال٢١


بيتنا

اميه تبوس راسي وتيلس صوبي : عشاني ي اميه ، شو بيقولون عنا الناس ، كيف ما تحدر القاعه !! هب حلوه تخلي العروس جي
انا أغطي أذوني : خلاااااص اميه خلاااااص مابا اسمع طاريها ، اصلا كيف أوقف وياها !! واتصور وياها ! كيف ألمس ايدينها والله هب طايقنها والله ( واحط راسي ع صدرها وأصيح حيل ، ضاع عمريه وضاعت مني ودوم وضاع كل شي ، كل شي )
اميه : خلاص حبيبي لا تصيح ، حسبي الله ونعم الوكيل
ابويه يحدر ويعصب عليه : يالس تصيح شرات الحريم ي اللي ما تستحي ع ويهك ، قم الناس يتريون يبون يزفونك للقاعه ، زفك يني قول آمين ( ويظهر )
( انا اقوم واغسل ويهي وأغير ملابسي وأميه تعطرني وادخني ، وأركب الموتر وتركب ويايه اميه وابويه ومنصور ، حسّيت اني ساير للموت والقاعه قبري ، وما رضيت أتصور معاها اروحنا ، وما قصينا حتى الكيكه ، كانت كلما تحاول تمسك ايديني انا ابعدها ، كنت جامد مثل الصنم ، كنت اشوف الدنيا ظلام ف ظلام ،،،، وفجأه ابتسم ، تخيلت انه حبيبة قلبي اللي يمي بفستانها الأبيض وشعرها الطويل وعيونها العسليه ، تخيلتها تناظرنيه بدلعها وجمالها و ....
شموه : هزاع
واصحى من حلمي الوردي وانصدم بالواقع من يديد : هاه !
شموه : يالله قوم بيزفونكم

بيت عمي بو حمد

ام حمد : غربلاته من ولد ، يحمد ربه زوجناه لبنتنا وهو ما يشتغل ، قلبي عليج ي بنتي
حمد : بلاج اميه معصبه !
ام حمد : تخيل ما رضى يتصور وياها ولا حتى يقصون الكيكه ! الحريم كلو ويهي ، حسبي الله عليه
بو حمد : ليش ما اتصلتيبي ! كنت بعرف كيف أأدبه الهرم
حصه تنزل من فوق : حمد تعال شوف عيالك ، هب راضين يرقدون ، خبلوبي
حمد : حصوه شحقه ما اتصلتيبي يوم شفتي هزاعوه يسوي ف اختيه جيه
حصه : ليش شو سوى !!
ام حمد تعصب عليها : هيه استغبي انتي بعد ، الله يعين شو بيسوي فيها اليوم ، والله انها كاسره خاطريه ، ما يكفي انها بيزفونها للبيت هب لفندق ، عنبوه شو هالبخل اللي فيهم
بو حمد : وبعد للبيت ! لا هالشي ما ينسكت عنه ، اتصل اشوف ف عمك خل ارمسه
حصه : عميه خلاص ما يحتاي والبيت والله أستر
حمد : عيل ما قلتي جيه يوم زفيناج للفندق ، ولا حلال لج وحرام على اختيه ؟!

،،،،،

بيت عمي المرحوم

شواخه : والله اني مستحيه ، ي ليتني ما طاوعت شورج
موزوه : لا والله ! عيل انا دوم آبات عندكم ، شفيها لو رقدتي عندي ف يوم
سعود يدق الباب : هود هود
شواخه يدق قلبها بقو وتوقف : اوييييه !! انا بنخش ف الحمام اوك ، استحي يشوفني جي بالمكياج
موزوه : طاعو الخبله ، انثبري ف مكانج يالله ، تراه خطيبج خلاص ( وتبطل الباب ) ها خير شو تبا
سعود : خوزي عن دربي ، ياي اشوف خطيبتي انا ( ويسير صوب شواخه اللي كانت مستحيه ومنزله راسها ويمد ايده ) شحالج بنت عمي ، ما شاء الله شو هالجمال ، انزين سلمي ع الاقل ، تعبت ونا ماد ايدي ههه
شواخه تمد ايدينها ويمسكها لها بقو : انا ، انا بخير
سعود : فديت هاليدين ، انزين رفعي راسج بشوفج زين ( ويرفع لها راسها ويبوس خدودها ) احبج شواختي
( شواخه تنحرج وتدخل تكرمون الحمام )
موزوه : غربلاتك ي سعود ، شو سويت فيها ، يالله برع من غير مطرود ،،،، حووو انا ارمسك
سعود حاط ايده ع قلبه ومبتسم : آه ي قلبي ، فديتها والله ، ياخي متى نحن بعد بنتزوج
ام سالم تحدر عليهم : خلها تخلص مدرسه انت قبل ، تعال بتخبرك انت اشتريت عشا للمعاريس ؟
سعود : هيه اميه لا تحاتي ورتبت لهم الغرفة ع كيف كيفج ، خبرت الفندق يزينونها لهم بورد احمر وشموع وحركات
موزوه : الله كشخه ، اوييييه نسيت شواخه ، يالله اظهر سعود ، البنت من متى حابسه عمرها ف الحمام
ام سالم : ويديه ! وليش حابسه عمرها بعد ؟!!
سعود : مستحيه اميه ههههه

،،،،

الكويت

ودوم تصيح حيل : اليوم عرسه ي منى اليوم عرسه ااااه
منى تحضنها : خلاص دودو عشاني
ودوم تنزل دموعها بحرقه : خ خ خ خذوووووه مني وما اتهنيت به آه ي هزاع رحت مني
منى : انا ابي اعرف انتي ليش رجعتي هنيه ، مفروض تتمسكين فيه لانه يحبج انتي
ودوم تناظرها وتصارخ : وشو الفايده فهممممميني ااااه راح مني الغالي خلااااص وماماه مستحيل تخليني آخذه ، انا ،، انا اللي مستحيل آخذه ع عديله انا ، كرامتي ما تسمحلي أبد اااااه أبد
منى : خلاص حبيبتي اهدي
يدة وديمه تحدر : يمه منى خليني معاها شوي
ودوم تركض لها واطيح ف حضنها : يمااااه ااااه
يدة وديمه : مو خابرتج ضعيفه شذي ي يمه ، وين دودو القوية اللي خشمها دوم مرفوع ومحد يكسرها
ودوم : ماتت ي يمه مااااتت ( ويرن فونها للمره العاشره ) شو تبي عبود خلاص افهم مابي ارمسك ، انت تذكرنيه فيه وبكل شي يخصه ااااه لا تتصلبي مابيك خلني اروحي
عبود : ي قلب اخوج خلاص عشاني ، سمعي سيري غسلي ويهج وتعالي السكايب مشتاق اشوفج انزين ؟ وبعد شاري شي ابا اوريج إياه
ودوم : ....
عبود : هب مشتاقة لاخوج الوحيد ؟!

،،،،،

بيت ميثه

ميثه : اخيرا ييتي
ميمي : هيه هههه ، العرس كان وايد حلو ماماه ( وتحضن امها ) بس انتي احلى من عموه مريم
ميثه بغرور : اكيد انا احلى فديتني ، ولا هاي مريوموه شعرفها ف اللبس والكشخه ، بس قومي من فوقي افف ، عطيني فوني يالله خل اتصلبه
ميمي : بس كيف ؟ اليوم عرسه
ميثه : عطيني فكيني يالله ، والله ما اخليها تتهنى بنت اللذين
ميمي : اميه حرام ، عموه مريم طيبه
ميثه : بتنجبين ولا كيف ، يالله سيري فصخي فستانج وانخمدي ،،،،، طع ! سكّر ف ويهي ، انزين ي سلوم انا اراويك

،،،،،

بيتنا

ابويه : السموحه ي حميد بس الولد ما طاع ، بس لا تحاتي بيسيرون باجر دبي وبيباتون أسبوع ، ان شاء الله وبسفرهم ع حسابي بعد ، انزين شسوي ي اخويه ، ان شاء الله ، ربي يحفظك ، فداعة الله ، زين جي ! عيبج اللي سواه ولدج ، فشلنيه جدام اخويه ، حسبي الله عليه من ولد
يدوه تعصب عليه : عبدالله لا تتحسب عليه ، يكفيه اللي فيه
اميه : رمسيه عموه وبعد كيف نغصبه ع شي ما يباه
ابويه : ها كله بسبب دلعج له ، لو غادي ريال جان ما سوى جيه
انا ونا نازل من فوق : انا ريال ي ابويه وانت مربني احسن تربيه ، ويشهد عليه ربي ( وتنزل دموعي ) من فوق سابع سما اني بري من السالفه اللي اتهمتوني ابها ، والله عالي بسماه اني ما بحدر عليها ليوم الدين ( وأظهر برع عنهم )
ابويه : تعال انت وين ساير !!! شو بيقولون عنا الناس ( ابويه يقعد ويحط ايدينه ع راسه ) حسبي الله ونعم الوكيل
اميه : شفت انه بري ما صدقتوه ولا حتى سمعتوه ، حليلك ي ولدي
يدوه : شمه ، سيري زقري لي مهره
شموه تستانس : ان شاء الله يدوه
وتنزل مهروه وتسير ليدوه تصيح : يدوووه شفتي ولدهم شو سوى فيني اااه ( وتناظر ابويه ) يرضيك عمي الشي اللي يستويبي ، ما يكفي ما تهنيت بعرسي
يدي يسمع الحشره ويظهر من حجرته : بلاكم شو مستوي ، ليش كل هالصراخ والحشرة
يدوه : شموه سيري ييبي المصحف من حجرتيه
شموه : ان شاء الله يدوه ( وتركض لحجرتها وترجع بسرعه ) تفضلي الغاليه
يدوه : تعالي ي مهره احلفي انه هزاع سوى فيج هذيج السوات
الكل تم يناظر مهروه اللي كانت مصدومه : ها !! لا .. ما بحلف ها قرآن هب لعبان اي وقت نحلف به !
يدي : شو مستوي عويش بلاكم ع البنيه ووينه هزاع ؟!
يدوه : اصبر بو راشد ، يالله حلفي ي بنتي ي مهره
مهروه تصيح : لا ما بحلف ما بحلف
ابويه : ليش خيفانه تحلفين دامج صادقه ، يالله احلفي ما بتخسرين شي
شموه تناظرها بدون نفس : هيه من شو خيفانه هااا
مهروه تصيح حيل : لاني كذابه ،، كذابه اااه

،،،،،

ف الفندق

مريوم : امنو ها اللي كل شوي يتصل ؟!
سالم يقفل فونه : ماشي حبيبي ها ربعي يستهبلون عليه هههه ، خلاص قفلت الفون ( ويسير صوبها ) فديت جمالج ي عمري ، آخ واخيرا جمعنا مكان واحد واروحنا
مريوم تستحي : هههه هيه الحمدلله
سالم يبوس خدها : احبج مريومتي ، تعالي بنتعشا قبل يبرد الاكل ، غيري الفستان ولبسي لج شي مريح ، بترياج ف الصاله
مريوم تستغرب من تصرفه : ان شاء الله ! ( ويرن فونها ) ميمي !
سالم : ميمي !! عطيني الفون ، يمكن فيها شي لاني قافل فوني
مريوم بضيق : تفضل
سالم : ها باباه ، الو ! ، عن اذنج ( ويظهر الصاله ) انتي ليش متصله هاه ، ما تعرفين اليوم عرسي ولا تبين تخربين علي
ميثه تصيح بدلع : بموت من بطني حبيبي وايد يعورنيه وما عندي حد يوديني العياده ، بموت سلومي والله
سالم : استغفر الله العظيم ، خلاص سكري انا بتصرف ،،،،، الو عواس ، خلك مني احينه وسير لميثه البيت وشلها العياده ما عليك أمر ، شدرانيه فيها بعد ، يالله باي
مريوم : ميثه ي سالم !!!


،،،،،،،،

بيت ام عبود

ام عبود تبطل الباب : هزاع ! علامك اميه !! شي مستوي ؟؟
انا أحضنها وأصيح : ......
ام عبود : تعال حبيبي احدر ، لا حول ولا قوة الا بالله ، شو سووبك ! الله يسامحهم ، سير اميه عند عبود داخل
واحدر حجرته ويتفاجأ فيني : هزاعوه !! ( ويخوز السماعه من اذونه ويقوم يحضني ) تعال ايلس ، عسى ما شر !! شو مستوي ! ليش ياي ف يوم عرسك هنا ؟؟؟ اهلك بخير ، هزاع رد عليه !
( أيلس ع سريره واتي عيني ع لابه واتفاجأ بوديمه اللي من شهر ماعرف عنها شي أبد ، حسيتها غير ، كانت مضعفه وويهها شاحب وخدودها اختفت ، وتتفاجأ هي فيني ، وكيف اني ف ليلة عرسي هب ف البيت ، كنا نناظر بعض ونحن مصدومين ، انا بضعفها وهي بوجودي هنا )
عبود يضربنيه خفيف ع خدي : انت بخير ، هاك الماي اشرب
انا : هاه ! ( وارجع اناظر وديمه اللي كانت بعد تناظرنيه ، حسّيت الروح ردت لي عقب شوفتها )
عبود يناظرنيه ويضحك : هاك السماعه رمسها ، بخليكم ع راحتكم ( ويظهر ويسكر الباب )
ويلست ألمس الشاشه وهي بعد حطت ايدينها ، آه ي ليت هالاحساس صدق ، ي ليتها قربي الحين )

،
،

السموحه ع التأخير ^^