[لامارا]

الباااااااااااااااااارت( 16)


ثاني: زايد الشيخ يلس مكاني طشونه وانا بيلس مكانك
زايد: خلاص اوكي ( لان زايد في النص ع اليسار وجريب من كرسي الريم وشواخي)
وتم ثاني يالس يرقب الريم ...... وعقب دقايق ين الريم وشواخي وثاني يالس يطالعها ومعصب
شواخي: شوبلاه ثاني؟
الريم: ما ادري به
شواخي: شوي وبيذبحج
الريم: ما سويت شي برايه
ثاني: الريم شو هذا ( ماسك الرساله فيده )
الريم فجت عيونها مصدومه
ثاني: اكيد ما لج ويه تردين
الريم: اصلن انت مالك حق تنبش بغراضيه
ثاني: انا اللي ليه الحق والحين بتجاوبينيه والا شو
الريم: والا شو يعني شو بتسوي
ثاني: بتوصل هذي الرساله عند ابوج يلا خبرينيه منو هذا ولا بعد عاشق الريم
الريم: هذي ربيعتيه
ثاني: لا والله ربيعتج بتكتب لج جذيه لا وبعد عاشق الريم
الريم: هذي بويه وشواخي تعرفهاا
شواخي تتطالع المشهد: هيه اعرفها هب هذي البويه اللي تحبج
الريم: هيه
ثاني: اقول انتي وياها هب عليه انا ونتي يا الريم بعدين بتفاهم وياج خلينا نوصل سويسرا خلاف ليه رمسه معاج
الريم: انزين هات الرساله
ثاني: يعني وايد تهمج الرساله والا راعيها
الريم: الاثنين وانت ما يخصك يلا هاتها
ثاني: لا تحلمين انيه اعطيج الرساله
الريم : لا والله غصبن عنك بتيبها <<<<<< مقواها
ثاني : بنشوف
الريم: اوكي خلنا نوصل بالسلامه خلاف ليه رمسه وياك
ثاني : اوكي .... وراح يلس عند نهيان وزايد رد مكانه
وثاني معصب بالقو وماسك ف ايده الرساله
نهيان: ثاني شبلاك رب ماشر الشيخ؟
ثاني: لا بس مضيج طشوونه انصدمت بشخص احبه وغالي عنديه
نهيان: الله يعينك وامرة شل التفكير عنك وخل الشخص يولي ولا تضيج على حد ما يستاهل
ثاني: بس مشكلتيه ما اروم ما افكر فيه احبه موووووت
نهيان:.......... ودمعت عيووونه
ثاني: انته الي شبلاك نهيان
نهيان: ولا شي بس طرا عبالي شخص غالي واااايد
ثاني: والله الحب عذاااااااااااب انصحك يا نهيان لو بعدك ما حبيت لا تحب ولا تفكر في الحب
نهيان: ياليت والله بس المشكله حبيت ورااح الحب هذا ومستحيل يعود
ثاني: الله يعينك والله
نهيان: ويعين اليميع وهذا القدر وما نقدر نسوي شي الا الصبر ع المكتوب
ثاني: هيه والله صدقت
نرد عند الريم وشواخي
الريم تفكر شو بيسوي ثاني بالرساله .... وتمت متروعه انه يخبر ابوهااا لانه يسويهاا
شواخي: الريم ممكن تجاوبينيه بصراحه
الريم: اعرف شواخي شو تبغين تسالينيه وهو ان ليش انا قلت الي كاتبه الرساله ربيعتيه وانج تعرفينهاا وانتي اصلن ما تعرفين شو السالفه
شواخي: هيه ممكن تقولينليه
الريم: بقولج اوكي امممممممم والله ماعرف شقايل اقولج
شواخي: اناا بسالج اول منو هذا عاشق الريم؟
الريم: هذااا امممممم الصراااحه واحد
شواخي انصدمت : شو تقولين الريم شو واحد؟
الريم: هذا واحد حذال بيتنا الي فبوظبي ويحبنيه اونه والصرااحه انااا احبه بس خلاص انتهى الي بينيه وبينه هو اونه الحين يحاول يردنيه وانيه اسامحه بس ما اعطيه ويه
شواخي: الريم شو الي صار بينج وبينه لا يكون غلطي فشي
الريم تنهدت: آآآآآآآآآآآه يا شواخي غلطت وندمت ع غلطتيه واااااااايد
شواخي: الريم شو الي صار بينج وبينه
الريم: الصراحه بقولج بس اخاف تاخذين فكره عنيه
قولي الريم اذاا ما قلتي ليه انااا لمنووو بتقولين يعني؟
الريم: خلاص بخبرج بس والله محد يعرف بالسالفه الا هو واخته ونتي الحين
شواخي: ليش اخته تدري وعادي
الريم: شواخي تذكرين مرة ترقدت في الدختر وكان فيه انهيار
شواخي: هيه اذكر
الريم: تدرين منو سبب الانهيار الي يانيه
شواخي: لا تقولين هو؟
الريم: الا هو ومحد غيره
شواخي: الريم اهم شي عنديه سمعتج ونتي بعد لازم يكون هذا اهم شي عندج
الريم: ادري يا شواخي وبقولج الغلطه الي سويتهااا انا رمسته في التلفون
شواخي فجت عيونها : ش هالرمسه الريم
الريم: ما رمسته الا ثلاث مرات بس كان من بينا مسجات
شواخي: ما ابغي الومبج الريم بس هذي الثقه الي عطوج اهلج اياهاا والتلفون واخر شي ترمسين واحد
الريم: والله ادري يا شواخي.......
وتمت تصيح .. بس غصبن عنيه اناا احبه وامووووت فيه
شواخي: ولوو الريم لو يحبج يدل باب بيتكم
الريم: آآآآآآآآه لا تذكرينيه شواخي صح انيه انا احبه بس الي بينا انتهى من زمان
شواخي: وعلى شو يعتذر لا يكون سواا لج غلطه ثانيه
الريم: لا تفكرين بشي ثاني هو قبل كان يلعب عليه
شواخي: يعلنيه اذوووق حزنه ياربيه
الريم: شواخي جانج تعزينيه لا تدعين عليه
شواخي: لا والله وبعدج تحبينه انتي شو ما عندج احساس
الريم: فقدت احساسيه من فقدته
شواخي: الريم خلاص لازم تنسينه عشان الي يحبونج وفكري مرة ثانيه بالشي الي بتسوينه
الريم: اكيييييييد بحاول انسااه وتبت وان شاااء الله ما بعيدهاا
شواخي:انزين أي شي يذكرج فيه لازم تحرقينه يعني شراات هذي الرساله
الريم: لا احرق روحيه قبل لا احرقهن
شواخي:ليش شي غير الرساله
الريم: اممم لا
شاخي: اعرفج يوم تجذبين قولي شو عندج غيره
الريم: بصراحه عنديه صورته وانا اللي شالتنها من حجرته
شواخي: يا سلامي عليج لازم تحرقينها
الريم: ليش تبين تحرقينيه
شواخي: الريم انا ما قلت انتي الصوره فديتج
الريم : يعل قلبيه الحرق قبل لا افكر احرقها اردها بيتهم ولا انيه احرقها
شواخي:انزين رديها
الريم : مستحيييييييييييييل
شواخي: ليش بعد مستحيل
الريم: بصراحه انا كاتبه شي وراها واخاف اردها ويعرف انيه بعدنيه افكر فيه واحبه
شواخي: انزين عطينيه اياها وانا اللي بحرقها
الريم: اسمحيليه شواخي
شواخي: انزين خلاص الريم مسحي دموعج والله ما يستاهل الهرم مسحيهن اخاف حد يشوفج
الريم: شواخي هذا اللي قلته بينيه وبينج
شواخي تاشر على عيونها : من عيونيه وانا اقدر اقول حق حد سرج فبير فديت خشمج
ثاني انتبه ع الريم يوم كانت تمسح دموعها و فخاطره : هذي هب بنيه فذمتيه ولازم اعرف منو هذا
عقب وصلو مطار سويسرا وثاني كله يطالع الريم وهو معصب منها والريم طاف بس كانت تفكر بالرساله ........ والريم وهي تمشي طاح حرفها اللي معلقتنه على ايدها اليسار ........ وانتبه نهيان ان طاح شي من عند الريم ...... والريم كانت واقفه عند ابوها و شاف شواخي اروحها نهيان سار صوبها
نهيان : الشيخه
شواخي: عونك
نهيان : عانج الرحمن هذا مالكم ؟!
شواخي : هيه من وين يبته ؟
نهيان : شفته طاح عن خويتج
شواخي: هيه مشكور الشيخ وعن هالحركات
نهيان ابتسملها: أي حركات
شواخي: بس لا تطولها وهي قصيره وقلنالك مشكور ...... وراحت عنه وسارت صوب الريم وعطتها اياه
نهيان يطالع شواخي ويضحك وفخاطره : شو هالاسلوب اسميها ما عندها اسلوب بس شكلهاااا آآآآآآآه منه
وروحوا الفندق على طول كل واحد دخل شقته كانوا تعبانين من الخاطر وكانوا حاجزين 3 شقق
شقه : ( ابو سيف – ام سيف – ميثه – ثاني – روضه)
شقه : ( مايد – ساره )
شقه : (بوزايد – ام زايد – الريم – سلامه – زايد – نوف – هزاع – شواخي )
سلامه ونوف والريم شواخي فحجره ....... سلامه و نوف راقدات
شواخي : الريم عاده عساه اللي تحبينه يرزا وحليو
الريم : الا حليو وبس وان شاء الله باجربراويج صورته
شواخي: وليش يايبتنها وياج
الريم: اكيـــــــــــــــــد
شواخي: زين والله اسميج بتنسينه>>> تنقمها
الريم: اكييييييد ما بقدر انساه
شواخي: يلا انزين خلينا نرقد ويصير خير الين باجر ......... ورقدوا
واللي نش الصبح واللي نش الظهر
الظهر
الريم وشواخي نشوا الظهر وتغدوووا وكلهم قامو يرتبون الشنط
الريم : شواخي تعالي براويج
شواخي: شوو!
الريم: الصوره
شواخي: هيه هيه يلا ............ وروحت شواخي عند الريم
الريم : ها شو رايج
شواخي فجت عيونها : آآآآآآآآآآآآه يا الريم امره ما لومج اسميه انه غرام وطررر الطرررر وانا اقول ليش البنيه متخبله عليه
الريم: ومنو قالج انيه تخبلت ع شكله او صح انيه عيبني شكله لكن اسلوبه هو اللي جذبني
شواخي : سلامي عليييييييييج
وبعدين سمعوا حد يدق الباب
الريم : زايد سير افتح الباب
زايد راح يفتح الباب
ثاني: مرحباا زايد
زايد: مراحب
ثاني: وين الريم
زايد: كلهم داخل
ثاني: كلهم يالسين فالصاله
زايد: لا بس الريم وشواخي وانا ونوف وسلامي وهزاع عندكم
ثاني: هيه عميه وينه
زايد: في الحجره راقد ..... اقرب محد غريب
ثاني: اوكي طلبتك زايد قول تم
زايد: تم السااااع
ثاني: ممكن تخلينا طشونه انا والريم وشواخي اباهن فموضوع
زايد: امممممممم خلاص اوكي
وظهر زايد
الريم: لاحول الله لا كان ياب الغلا
شواخي: انا بقرا عليه جاده يهدن شياطينه
الريم: هيه صدقج قري عليه
ثاني: السلام عليكم
الريم + شواخي: وعليكم السلام
ثاني: شحالكن عقب البارحه
الريم + شواخي:بخير
ثاني: عنبو انزين سالو عن حاليه
الريم: والله نشوف حالك تنقز على كراع
ثاني: لا والله انتي ولا كلمه ولج عين بعد
الريم: شو سالفتك انت يعني ما بتحشم
ثاني: احشم اللي يحشم
الريم: ثاني دش بالموضوع اخير ما فيه اتياحد وياك
ثاني: ليش نحن بعدنا ما تياحدنا
الريم: عنيه انا حاشمتنك
ثاني: انزين يلا قولي منو راعي هذي الرساله ........ وظهر الرساله من مخباه
الريم: قلتلك البارحه ربيعتيه ما تفهم
ثاني: لا ما افهم ما اظن اذا ربيعتج بتصيحين
الريم: ومتى صحت ان شاء الله
ثاني: شفتج ما يحتاي يلا رمسي وشواخي عن الجذب بعد اوكي
شواخي: وليش اجذب يعني
ثاني: حلفي انج تعرفينها وانها ربيعتها
شواخي: لا بحلف و لا شي تبا تصدق صدق واذا ما تبا تصدق بالطقاق
ثاني:شفتي انها هب بنيه اللي كاتبه الرساله
الريم: انزين ما يهمنيه تفكيرك بس عطنيه الرساله
ثاني: ليش تهمج
الريم:تهمنيه وبس ما يخصك
ثاني : يعني تبينها
الريم: هيه اباها
ثاني: تبينها ها ......... وطر الرساله نصين
الريم: لا حرام عليك ... وراحت شلت الرساله وهي مطروره نصين
ثاني: حشى بكتبلج انا
الريم: ليش تهمنيه عسب احتفظ برسالتك
ثاني: يعني اكيد عاشق الريم يهمج
الريم: هيه واقول خل تفكيرك اكبر عن جذيه
ثاني: شوفي هالسالفه بتوصل عند عميه
الريم: انزين وصلها بس تذكر السالفه يوم البر وشكك فسمعتيه
ثاني : .............
الريم: قوله وانا بوصل حق ابويه سالفه البر اوكي وبنشوف منو بيصدق
ثاني: انزين خلاص خلينا نسكر الموضوع وانا احبج لو ما كنت احبج ولا هميتينيه
الريم: انا عادي عنديه منتهي الموضوع من زمان
ثاني: خلاص اوكي السموحه منج اشوفج العصر
وبعيد عن هالاجواء
خلونا نرد الامارات وبالتحديد بوظبي
كلهم يالسين في الصاله يسولفون وهزاع توه نازل من فوق وتوه ناش من الرقاد ومتسبح وشعره فيه ماي وحاط السفرة على جتفه
هزاع: مرحباا الساااع
كلهم: مرحبتين
ام خالد: هااا بعد وين بتضوي
هزاع: فديتج اميه وين بعد عند الربع
ام خالد: انته ابدن ما تصك الدعنه وتقر في البيت كله تهوم الصبح تسرح الشغل وخلاف ترد ترقد حتى عند الغدا ما نشوفك والعصر امرة تقولها وداعة الله وما ترد الا الفير
هزاع: ههههههههههههههههههههههههه هههه خيبه قلتي حيايتيه كلها من اول ماانش الين ما ارقد
بوخالد: صدقها امك حتى العزبه ما تي صوبها والله الا حمدان ينشد فيه الظهر
هزاع: وتولفوا عليه ام خالد وبو خالد وشو الي بيفججنيه عنهم
حمدان: احم احم وجنيه سمعت الا حد يمدحنيه الساع
فطامي: من قدك حمدان مدحوك وذموا غيرك
خالد: من حقهم يذمونه عنبوا محد يشوفه في البيت
فطامي: كله ولا هزاع خويه فديته والله محد يسواه خلوه يهوم ما وراه شغله وعربه محد في الدار شو تبونه يسوي
هزاع: صدقها فطامي لو عربيه هنا جان ما نهيت بقعه
حمدان: ومنو هم عربك عاده
هزاع: عرب عيونهم سود ووساع شروات عيونيه
فطامي: خل عنك فذمتيه ان عيونهم احلى عن عيونك
هزاع: وانا اشهد
خالد: اسميك الا متصوب تصويب هزاع انزين يلا تحرك متى بتخطبهاا هذي العيوز وهذوه الشيبه ان الله قدرهم ما بيقصرون
ام خالد: صدقه اخوك شد عزمك انته ويلا قولنا منو هي وبنت قوم منو وامرة من اليوم انا بسير ارمس هلها جادهم يوافقون
هزاع: وجييييييه جادهم يوافقون هم يحظهم ان ضويت بنتهم
فطامي: خقاق منو قال اصلن عاده والله اذاا خطبتها بتردك
هزاع: ترا هذي هي والا من زمان خاطبنها هب الحين
ام خالد: ومتى انته رمستهم
هزاع: ما رمستهم اميه خلاص اقولج سكروا السالفه حشى الله يقلعهاا من سوالف سوالف العرس مابا اعرس خلاص حرمت
بوخالد: وشله ما تباه العرس جيه بتم عزابي
خالد: صدقنيه هزاع فذمتيه ماحد اخير من بنات عمك والا خالك
هزاع: ترانيه يربت وندمت ونتوا شاهدين
بوخالد: انا ابدن شوريه هب وياك يا خالد يوم انهن من بنات العايله ما نباهن
هزاع: انزين يلا توصون على حايه بسير عند الشبيبه
ام خالد: وين بعد ومنو هم الشبيبه
هزاع: القهوة طال عمرج صدعونيه بالتلفونات والشبيبه تعرفينهم تراج الا بوعسكور وربعه
ام خالد:عيل وينه سعيد وهله ما ويهوا صوبنا من زمان
هزاع: حتى هو يقول شراتج من زمان ما سلمت على خالتيه ام خالد
ام خالد: وييييييييييه فديته سلم عليه وخله يسلم على هله وقوله ان ما ييت تسلم ترانيه بزعل عليه
فطامي: يالله يا اميه تتفدينه وعند ابويه افا افااما هقيتهاا ها بويه عايبنك يعني تفديها حق الغريب
بوخالد: وينه الغريب الا الشيطان
فطامي: اسميها والله الا ماتت الغيره والا لانكم استويتوا شواب خلاص ماشي حب
ام خالد: ييبوليه عسوو خلونيه امرغبهاا اسميها ما تخيل
مانع توه ياي من الحاره : هاا شو عندكم اسمع صدعتكم خاري واصله
فطامي: يا كبرها عند ربك ها شو لعبتوا كورة اليوم
مانع: هيه وشو يخصج انتي؟
فطامي: منو فااز العين والا الوحده
مانع:مالت عليج سخيفه(وياشر بيده )
فطامي:ايييييييييه انته قدهاا وقد هالكلمه احسن لك اسحبهاا لا اسحب كشتك
مانع: كشتيه احلى عن كشتج
بوخالد: ونته متى بتحلق هالكشه الا ورا شعرك
مانع: وليش ما ترمسون هزاع
هزاع شرق لانه كان يشرب قهوة: هزريه انه شعريه هب طول شعرك تقوول كشه وثانين شوف شعريه محلاته هب شعرك
بوخالد: انته ويااه يبالكم مكينه
فطامي: لالالا هزاع ما يحلق شعره اذاحلقه منو اسحي انا
هزاع: هاا ختيه مااروم اردها وثانين انا شعريه ما يتعدا جتوفيه صغير طالعوا مانع تقول شعر بنيات حتى يمكن شعره اطول عن شعر فطامي
فطامي: خيبه صواريخ تونيه اشووف وبطلت شعرهاا هاا طاع شعريه اطول خاف ربك جان هذا اطول عن شعريه
هزاع: من زينه شرات شعر الاندونيسيات ههههههه
فطامي: جب جب عصبت انا محد يعطيكم ويه انته الشباب
هزاع : يجبج احسن عصبي دووم ياربيه يلا انا اترخص وداعة الله
فطامي: عساااك انته الي دووم معصب وما تشوووف العرب
هزاع وهو ظاهر: ان شاااء الله بشوفهم جرييييييييييب غصبن عن العذال
وسار هزاع عند الشبيبه في القهوة
راشد: نورت البقعه خشمك .... وويه
هزاع: منورة بهلهااا.... وايه الربع كلهم
سلطان>>> واحد من الربع: وشحالك هزاع وشحال عربك وتواليك؟
هزاع: امرررررررة بخير وسهاله ما نشكي غير فرقاا الغالي
راشد: ومنو هم الغالين عاده؟
هزاع: عرررب ما تعرفهم وشعنه تتخبر بعد
راشد: هيه لا لا يحيك والله
هزاع: عيل وينه بوعسكور عنكم ما خلانيه ارقد تعال القهوة وتعال القهوة
سلطان: الحين بيي بس راح يقضي شغله
سعيد: مرحبابكو السااع
هزاع: مرحب باجي صدق انك ولد حلال
سعيد: شو ترمسون عنيه بالخير والا؟
سلطان: وهم يقدرون يرمسون عنك الا بالخير
سعيد: ما ادريبهوو ربك بعد
هزاع: هيه يرومووون يرمسون عنك وانا موجود
سعيد: فديت خشمك والله
وتموا يسولفون الين العشاا
سلطان : عرب الله صلاة يلا انقفضوا
هزاع: هيه والله صدقك وانزين خلاف وين بتسرون والا بتمون هنا
سعيد: ما ادريبكوو بتمون هنا والا الشور شوركو
سلطان: وشله انتم هني خلونا نصيد النا غزلان
راشد: وين انزين المرينا
سعيد: خلونا نسير بوظبي مول اخير
راشد: غايته
سعيد: صلاة قبل يلا مرحبابكو
وكلهم ساروا يصلون وخلاف ساروا بوظبي مول
وع الساعه 12 ظهروا وسعيد راح ويا هزاع فسيارته
سعيد: وعلومك بعد يا بوحمدان؟
هزاع: علوم الخير والله نشقح فهذي الدنيا
سعيد: وشحال عربك ؟
هزاع: ماعرف عنهم شي مسافرين الحين
سعيد: هيه يحيهوو والله وما قالولك الشبيبه متى بيسافرون
هزاع: هيه قالوليه عقب اسبوعين تقريبن
سعيد: هيه وما غيروا الراي عن المانيا
هزاع: لالا ما اظن وعقب كم يوم بيقولون حقنا كلناا وعشان بعد التذاكر
سعيد: هيه
هزاع: صح ذكرتنيه الوالده تسلم عليك وواقعتنيه بعد عشانك
سعيد: اوووب رب ما شر شبلاهاا خالتيه
هزاع: محرجه منك اونه ليش ما يخطف صوبنا يسلم
سعيد: افاا عليهااا امرة باكر عندكو
هزاع: وهيه بعد ييب هلك
سعيد: خلاص تم اذا ما كان عندهو شغل كلهو بيون فيايه
هزاع: مرحبابكم الساع والله وان ما سدكم المكان بنحطكم فعيونااا
سعيد: اخاف الا تحطونا فحوشكو
هزاع: افااا عليك خلاص فالزريبه بعد شو تبا
سعيد: اسمينيه ما بضويه بيتكو
هزاع: اسولف وياك ياريال شبلاك صدقت
سعيد: انزين يلا باكر عندنا زام خلنا نرد البيت
هزاع: هيه والله صدقك مافيه ع صدعت عيوزيه يكفي المحاضرة اليوم
سعيد: صدقهاا الا مرتغد وتهوم
هزاع: الي يقول انته امرة ما تظهر من البيت هب جنك شراتيه واخس
سعيد:ع الاقل انا ايلس فيا هليه طشونه هب شراتك دوم بهذي الرنج ومرتغد في الشوارع
هزاع: انزين مسيو سعيد هذي متعلمنها اليوم من عند بو سنيده
سعيد: ما يلوق لك ونته ترمسبها هب رمستك هذي وانا فخاطريه من متى هزاع يعرف انجليزي
هزاع: لازم نعرف لنا كلمتين هب رايحين بلاد غرب و ما نعرف حتى طشه
سعيد: هيه صقد لازم نتعلملنا كلمتين يلا وصلنيه عند موتريه اباا اسري البيت
هزاع: يلا ... وراح وصل سعيد عند سيارته
ووصل البيت ع الساعه 2
وهزاع داش وهو مطرووب
مشغوب منك ومشغلني يالسولعي يا اريش العين
ماحد انا غيرك محني بالخود يا سيد المزايين

فطامي: سلامي عليك كمل كمل
هزاع: اللهم سكنهم بمساكنهم وانتي شو تسوين هنا بعدج
فطامي: شو يعني عادي اجازة اظن
هزاع: هيه يحيج والله يلا سيري المطبخ سويليه عيشة يوعان هب متعشي
فطامي: انزين شو بتعطينيه
هزاع: اممم شو تبين انتي
فطامي: اباك باجر تحوطنيه
هزاع: لالا باجر بيون قوم سعيد وهله
فطامي: اووف هذا ربيعك ما نقا ايي الا باجر
هزاع: اييييه كله ولا بو عسكور عاده طلبي غيره اصلن انا هب فايج لج احوطج
فطامي: اووف منكم من خوان معوفكم خلاص اوكي طلب غيره ابغيك تشل شله
هزاع: هب فايج لج انتي يلا انقفضي
فطامي: ما بييب لك طشه اخدم نفسك بنفسك
هزاع : احسليه اسير المطعم يلا باي
فطامي: اقوولك ابغي همبرقر يوعانه وهب زين يوم بتتعشا ما تيب حق ختك بيضربك تسمم
هزاع: ما بيضربنيه تسمم الا من عينج
فطامي: واقولك ابا وياه بيبسي بعد والا اقول هات ريدبول فخاطريه ايربه لانه عرب ميربينه ويمدحونه
هزاع: لا والله الريدبول هب زين حق البنيات
فطامي: عيل بقول حق العرب انه هب زين
هزاع: ليش الريم تشرب الريدبول
فطامي: هيه مدمنيه عليه بعد
هزاع: ماعليه بنشووف خلاف بيييبلج بيبسي هذا مستواج
وسار عنهااا
........................
بنرد لسويسرااا
الريم: شرايج شواخي نسير تحت في الكوفي الي في الفندق
شواخي: واي نوت يلا اوكي
الريم: لحظه بنشوف حد بيخاوينا
شواخي: منو عاده لا يكون ميثوه ام لسانين
الريم: امممم لا خلاص
هزاع اخوها: الريم انا بسير وياكم
الريم: فديييييتك اناا ولا يهمك انت جدامنا
شواخي: مافينا على صدعت اليهال
الريم: لا هذا الغالي ما اقدر اقوله لا وثانين هذا شبيهيه واخر العنقود
شواخي: انزين يلا
وسارن شواخي والريم وخوها هزاع
وعند اللفت
الريم: شواخي هب هذاا الي كان ويانا في الطيارة
شواخي: هو شيابه هنا عندنا
الريم: شكلهم ساكنين فنفس فندقنا
شواخي: هيه شكلهم
ونهيان ووياه ثنتين وثنين صغار واقفين عند اللفت
والبنتين الي وياااه تمن يطالعن الريم وشواخي ويرمسن بصوت واطي وشكلهن كانن منصدمات
وعقب فتح اللفت
نهيان: تفضلن خواتيه دخلن
( لان اللفت ما يكفيهم كلهم)
الريم: لا افا عليك خويه احدر انته اللفت بنتريا نحن اللفت الثاني
وحده من البنتين ردت: لا افاا عليج ع قولتهم ليديز فيرست
شواخي: امحق شو ليديز فيرست هذي هب عندنا عند الاجانب
نهيان ابتسم لشواخي عيبته رمستهااا: لا ماعليه انا ريال عادي انتن بنات ورواحكن
الريم ترمس شواخي بصوت خفيف: صدقه الريال يلا خلينا نحدر اللفت
شواخي بصوت عالي: هيه صدقج وما يبالها عزيمه دخلت اللفت يلا يلا جداميه
نهيان يطالع شواخي
شواخي مستغربه منه ليش هذا يطالعها وايد شو هالحركات حتى في السفر
وعقب حدرن كلهن تحت
والريم وشواخي عزمن البنات الي وياهن ف اللفت
وهن خوات نهيان
( موزة العودة وعمرها 20 والثانيه العنود وعمرها 17 اما الاولاد الصغار الي وياهم واحد اسمه ضاحي وعمره 13 والثاني خليفه وعمره 6 سنوات)
الريم: هلا موزة ويا منو انتوا يايين؟
موزة: ويا خويه نهيان وخوانيه واميه بس
الريم: اهااا عيل وينه الوالد والا عنده شغل؟
موزة: الوالد عطاج عمره
الريم: الله يرحمه اسمحيليه ختيه ما كنت اعرف
موزة: لا عادي افا عليج
شواخي ساكته لانه نهيان كان يالس مجابلنهاا ع طاوله ثانيه وما خازت عيونه عنهاا وهي تفكر شو سالفته هذااا فخاطرها تعرف: عمريه ما شفت شراته وشرات وقاحته يعني كد شفت شباب بس هب شراته الي ما يخيل >>> فخاطرها قالت هالرمسه طبعن
الريم: من وين انتوا من دار زايد؟
موزة: من العين طال عمرج
الريم: اوووه شراتنا من دار الزين
موزة: انتوا بعد من العين
شواخي: الا هي انا من دار الظبي طوليه بعمرج
موزة: ونعم فينا وفيكم ومرحبابهو الشيوخ
شواخي: وزادتبج تراحيبه يعلنيه افداج
الريم: وشبلاج العنود ساكته ماترمسين ويانا
موزة: هي شوي تستحي يوم بتعرفكن عدل ذيج الساعه بترمس هياكم
الريم: لا تستحين فديتج وحنا شرات خواتج وامرة ان احتيتي حايه ما يردج غير لسانج الغاليه
العنود: تسلمين
شواخي: اقوول فخاطريه اسئلج شي موزاني
موزة: امرينيه شواخي؟
شواخي: ما يامربج عدوو ولا ظالم بس لا تعتبرينه هذا السؤال فيه قلة ادب
موزة: لا خذي راحتج افا عليج
شواخي: هذاا خوج شبلاه جذيه يطالع جنه هب شايف بنيه قبليه
موزة تمت تطالع العنود ونفس الشي العنود
شواخي: شبلاكن لا صدق استغربت من الطيارة الين سويسرا ونظرته غريبه
الريم بصوت واطي: شواخي عيب بس صخي فشلتينا
شواخي: لا عادي لا فشلتج ولا شي شو صدق هو وايد يطالع حتى الحين
موزة امممممم انزين بخبرج شواخي
الصراحه انتي .................................................. ...........


يتبع....