[لامارا]

تابع الجزء (16)



موزة : شوااخي الصراحه انتي تشبهين حرمه نهياان
شوااخي + الريم : شوووووووووووووووووووو <<<< منصدمااااااااااااات
الريم : ليش هو معرس؟
شواخي : امحق معرس وجي يطاالع لو كان هب معرس
موزه : خلونيه اكمل
الريم : السموحه قاطعناج كملي الشيخه
موزه : نهيان كان مالج و ما باقي على عرسه الا اسبوع و اللي مالج عليها كانت سايره هياااا خوهاااا دبي تيب فستااانهاا و استوالهم حادث بين خط دبي والعين وتوفت هي وخوهاا الله يرحمهم
كلهم : الله يرحمهم
شواااخي حزنت على حال نهيان
موزه : بعد ما قلتلكو هذي اللي مالج عليهااا بنت عميه
الريم : صدق
موزه : هيه والله وكان نهيان يحبهااا الا يحبهااا شويه كان يعشقهااااا ويمووت فيهااا وهو يحبهاا من زمان ويتريااها تخلص ثانويه عشان يخطبهااا بس هذاا القدر
شواخي : الله يرحمهااا يا حزنيه عليهااا والله
موزه: والله يا شواخي من ثلاث سنوات من توفت بنت عميه عمره ما طالع بنيه عمره ما ضحك شرات قبل ونادر يظهر من البيت وانتي اول وحده كذيه يطالعهااا عقب وفاه بنت عميه
شواخي : ........................
الريم : اهااا يعني شواخي تشبه بنت عمج
موزه : هيه كوبي بست بس في الشكل اما الشخصيه امره غير و لا يخصهااا ف بنت عميه الله يرحمهااا كانت هاديه وكله ساكته و تستحي وايد حتى يوم نهيان يقولهاااا شحالج تنزل راسها يعني عكس شواخي تمامن
شواخي : عاده حدج هب لهذي الدرجه ما استحي
موزه : افااا عليج انا ما قلت كذيه بس انتي ما شاء الله عليج جريئه وسوالف وعجيبه وانتي عيبتينيه الصراحه
شواخي : احم احم شوي وبتخقق الحين عقب هالرمسه
الريم فخاطرهاااا : والله ظلمناااه الريال طلع مسكين حاله
هزاااع وخليفه وضاحي كلهم يالسين عند نهيان
الريم : يلا نحن نترخص بنسير فوق
موزه : بعدنااا يالسين
شواخي : تعالي عندنا موزاني انتي والعنود والوالده قربن ما حد في الشقه ابدن
موزه : قريب فديتج تسلمين خليهااا مره ثانيه
الريم : هزاع يلا حبيبي بنسير عند اميه
هزاع كان يالس ياكل حلاوه : لا لا ما بغي
شواخي : شو ما تبغي عكيفك هو والا عكيفك
هزاع : كييفي
شواخي : شوفي الريم اخوج يغايضنيه انا اقولج ماحد بشل يهال وياه بس انتي ما تسمعين منيه
الريم : نحن بنسير انزين بعدين هب تصيح
هزاع : ما بصيح
الريم : شوف فوق عنديه حلاوه وكوافي والعاب ما بعطيك
هزاع : ما بغي عنديه حلاوه
نهيان : خلوه عنديه خلاف بييبه عندكوووو
موزه : صح خليه طشونه خلاف بييبه نهيان شقتكوو
الريم : انزين اوكي هذا رقم الشقه (.......)
نهيان : خلاص اوكي
وسارت الريم وشواخي فوق واول ما فتح اللفت شافن جدامهن ثاني فطلعن من اللفت
ثاني : من وين ضاويات؟
الريم : من تحت من الكوفي
ثاني : وشو تسون رواحكن ؟
الريم : ليش منو انت عشان تدخل فيناا من وين يايات ووين رايحات
ثاني : انتي الا تحبين تغايضينيه وتعاندينيه
شواخي : يلا الريم نسير طااااف فديتج
ثاني : اقووول انتي حشمي اللي جدامج
شواخي : اوك السموحه يلا الريم
ثاني : انتي انجلعي شو تبينهااا الريم اباا اتم وياااها
شواخي : انجلعن ظروسك يا ربيه
ثاني : الريم خلينا نسير الكوفي اباا ايلس ويااج لي رمسه ابغي اقولها لج
الريم : بينيه وبينك ما شي رمسااااااااات
ثاني : انتي ليش جذيه تعاملينيه
الريم : عادي والسموحه لو غثيتك و الحين اترخص بنسير الشقه
ثاني : عراحتج بس حطي فبالج الريم والله والله احبج
وسارن الريم وشواخي الشقه
شواخي : تعرفين والله ارحمه ثاني احسه يموت فيج وانتي امره ما تعطينه ويه
الريم : والله انا اكثر بس ما ابغي اعطيه أمال واحاول ابين له انه ماله مجال ويايه ومستحيل احبه وانتي تعرفين
شواخي : هيه والله لو يعرف اللي اعرفه شو بيسوي احسه بيتينن
الريم : هب لهدرجه عااااااد
شواخي : صدقينيه والله بيتخبل
الريم : انزين خلي هالسالفه عنج شرايج بالي قالته موزه عن نهيان
شواخي : ما توقعت الصراحه صدمنيه والله رحمته من الخاطر انتي تخيلي3 سنوات هب شوي
الريم : هيه والله هب شوي واحسه بعده عايش على ذكراااهاااا
شواخي : الله يعينه
الريم : بس صدق يعني تشبهينهااا
شواخي : يمكن

اما ثاني ظهر خاري يتمشى وفخاطره : آآآآآآآه يا الريم متى بتحسين فيه على الاقل بس تقولين كلمه حلوه اليه

وفي الشقه شواخي يالسه على الاب توب مال الريم بس ما فيه نت طبعن و مشغله اغنيه والريم يالسه تعلمهااا على برنامج الفوتشوب كم حركه ......... وسمعووو دق على الباب راحت الريم تفتح الباب
نهيان : السلام عليج
الريم : وعليك السلام والرحمه ...... هااا هزاع لعبت طابت نفسك
هزاع: هيه لعبت وااايد
شواخي : ريمااااااااااني تعالي ما عرف شو سويت >>> وهي تزاعق
الريم تقفطت
شواخي سارت عند الريم اللي واقفه عند الباب
شواخي : شو ما تسمعينيه ازقرج
نهياان ابتسم لهااا وشواخي تقفطت
الريم : تسلم اخويه
نهيان : الله يسلمج ........ هزاع يوم تباا تلعب تعال عندناا اوكي
هزاع : انزين
شواخي : هيه والله مسكين ماحد عنده خلاص كل ما نبغي نظهر بنخطفه عندكم عشان نرتاح
نهيان يظحك : افااااااا عليكم عادي ويلا الحين السموحه وسلمووو على الاهل
الريم : يبلغ ........ وسكرت البااااب......... شو انتي ما تستحين والله فظحتينيه
شواخي : ثرنيه اناا شو قلت بس قلت بنخطفه عليكم
الريم : حشى عليج ما قلتي طشه الله يهديج
شواخي : ويهدي اليميع انزين المهم تعالي علمينيه شقايل سويتي هالحركه في الفوتشوب
وتمت الريم تفهمهااااا

في شقة قوم نهيان
موزة: سبحان الله يخلق من الشبه اربعيين
العنود: هيه والله وايد تشبهها بس هذي عجيبه سوالف
نهيان تم ساكت ويسمعهن
موزة: تدرين بس الريم ماشاا ءاالله عليهااا صدق جميله من الخاااطر
العنود: هيه والله صدقج وشواخي عجييييييييييبه وصدعه وعليهاا سوالف كشخه
نهيان فخاطره: ياويل حاليه على شيخه والله آآآآآآآه فتحت فيه جرح حاولت اداويه وعييت القاله دواا
ام نهيان: عن من ترمسون انتوا؟
موزة: عن عرب اميه هيانا في سويسراا وفنفس الفندق الي حنا فيه
ام نهيان: ومن هم العرب ذيلا؟
موزة: عرب بعضهو من العين دار الزين وحد من بوظبي
ام نهيان: يحيهو والله زين يوم حد يتعرف على حد في دار الغرب عشان ما نحس بالغربه عندهو
موزة: لا نحنا لازم اميه نعرفج عليهو لانه في وحده تشبه بنت عميه الله يرحمهاا
كلهم : الله يرحمهاا
نهياان اضاايج وظهر من الشقه
ام نهيان: انا كم مرة قلتلج لا تطرين ذي السالفه عند خوووج
موزة : هو عادي بعد شافهااا هذي البنيه الروحه تم منصدم من شافهااا
ام نهيان: الله يعينه ويساعده وينسى ذي السالفه
كلهم: امين


واليوم الثاني كانوا مخططين يسيرون يرقون اليبال والصبح كلهم ناشين ولابسين بس يتريون الباص ايي( هم ماجرين باص عسب انهم وايدين)
سلامه: الريم , شواخي تعالن نسير عند قوم رويض نحشرهم شوي
الريم: مافيه انا اسير شقتهم اخاف اشوف ثاني ويبدا الشريط
شواخي: هيه والله عاده هالشريط ما يخلص وكل يوم نعيده بعد هههههه خلينا نسير عند قوم ميود خويه وساره
الريم: اسميه راي حي ..... وخلاف الريم وشواخي سارن شقة مايد وساره وسلامه عند رويض وتموا يسولفون
ودق تلفون الريم وظهرت عنهم لانه الصوت ما ينسمع وهب واضح >>> مكالمة خارجيه من الدوله
وغير الحشرة الي ف الشقه وراحت صوب الدري ويلست هناك
حموده: شو هاا حلوة سويسراا؟
الريم: حلوة طبيعتهاا بس بعدناا ما شفناها زين
حموده: اها يحيكم والحين وين بتظهرون؟
الريم: بنسير نرقا اليبال
حموده: الله حلووو الصراحه يحظكم
الريم: هيه اول مرة ليتج كنتي ويانا
حموده: يلا اذا انتوا استانستوا ان اكيد بكون مستانسه
الريم: فديتج والله
حموده: سلمي عليهم كلهم ما خص حد منهم
الريم: سلامن يبلغ ونتي بعد ردي السلام على خاليه وخالتيه ويدووه هدايه وفطيم وميمي وسالي كلهم امرة
حموده: وسالم؟
الريم: اكييييييد كلهم امرة سلمي على سالم ولا تزعلين ههههه اسميج حركات
حموده: في داعة الله .......... وسكرت عنهااا



حموده: اقوولكم الريم تسلم عليكم كلكم
سالم فز قلبه من طرت اسم الريم: الله يسلمها ويسلم قلبها ياربي
ام سالم: طمنينا عنهم
حموده: كلهم ما يشكون باس والحين سايرين صوب اليبال
سالم فخاطره: آآآآه يالريم متى بتكونين من نصيبي من ترد من السفر بخطبهااا خلاص ما اقدر اصبر صبرت وايد وما بقى فيه صبر اكثر
سالي: الله يحظهم اباا اروح عندهم
حموده: والله حتى انا تولهت ع الدبووه الريم
فطيم: بس وايد بيبطون الين ما يردون البلاد شهر تقريبن
ام سالم: الله يردهم بالسلامه
سالم: صدق من قال

صبرت وطالت المدة وطول الصبـــــــــــر يشقيني
على الي ما يسن قده حشيم(ن) ما وطى شيني
ملك روحي بالموده وطيب وحسن (ن) وزينــــــي
عليه النفس محتده فلا غيره ملا عينــــــــــــــــي
احسب الوقت واعده سنين(ن) تتبع سنيـــــــــني
تناسا صاحبي عهده ووعد(ن) بيـــــــنه وبينــــــي
انا باقي على وده يالـــــــــــين يروف ويلينـــــــي
انا شوقي وصل حده الا ليتـــــــه يدارينـــــــــــي
والله .. انا باقي على وده يالين يروف ويليــــــني
انا شوقي وصل حده الا ليتـــــــــه يدارينــــــــي

وسوالم




حمووده: سلامي علييييييييييييييييك يا سالم بس حق منو كل هذااا هههههههههههه
فطيم تطالع سالم: اقولك من يردون لازم ترمس ابويه خلاص انته شكلك ما عندك صبر اكثر
ام سالم: ويديه شبلاكم انتوا ما فهمت طشة من رمستكم الي يقصد والي يضحك اسميكم الا شكلتوا
سالي: والله ما يندرا به ولدج امايه شي تحت راسه والله انا شاكه فيهم هالثلاثه حموده وفطيم وسويلم
سالم: سويلم فعينج ونتي شو يخصج شي تحت راسنا والا فوق راسنا آخرتها الا بتدرون كلكم
سالي: انزين يوم اخرتها الا بندري خبرونا الحين
سالم: وين امايه هدايه عنج سيريلها يمكن تباج فحايه
سالي: هيه والله فديتها هي في الحوي قاعده بسير صوبهااا ابركلي عنكم يلا تشااو
ام سالم : انتي ابغي اعرف منوين تظهرين هالرميساات تشاو ومياو حشى ما خليتي شي
كلهم : ههههههههههههههههههه
سالي: امايه انتي ما تدرين بالتطور تشاو بالفرنسي شوفي بنتج ما خلت لغة الا تعلمتها باجر بتسمعيني اهربد بالياباني
حموده: روحي روحي قالت ياباني متعلمتلها كلمة بالفرنسي قالت اعرف اهربد بالفرنسي فذمتج من عند منو متعلمتنها من ربيعاتج
سالي : سكتي سكتي انتي يلا يلا ماحد يعطيج ويه
حموده: مسكين حالج قفطة هههههههههه
ميمي: شبلاكم انتوا كل ما ييت صوبكم القاكم تتياحدون
سالم: ليتكم كلكم والله طالعين على هدووء ميمي ورزانة فطيم
سالي: بعدين الا بتعرفون قيمتي وبتقولون وينهن ايام سالي فديتهاا
حموده: منو قال اصلن مصدقة عمرج
سالي: بسير عند يدوه فديتها قاعده بريحاتها في الحوي
وسارت سالي عند يدتهااا
يدتها هدايه: وين ويهتي عني جيه مخلتني بريحاتي هنا ماحد عندي
سالي: السموحه منج امايه سرت عندهم داخل طشونه اطالع رمستهم
يدتها: وجيه شو تبينهن رمساتهم
سالي: لازم امايه نعرف اخر العلوم
يدتها: اسميج انتي ام العلوم والاخبار وشوو اخر الاخبار عاده عسى طرا شي يديد
سالي: تسلم عليج الريم سلامن لو ينحط فطوي ما سده
يدتها: وايه فديتها الريم بنت حمد الله يسلمها من العوق وشو مسوين ويا هذي بلاد الغرب
سالي: مرتاحين ومستانسين والله
يدتها : هيه والله عساها تدوم عليهم الراحه والوناسه ياربي
سالم: مرحباا الساع امايه هدايه وجيه يالسه خاري عنا
يدتهم هدايه : مرحب باقي يا بو غنيم والله ريت الجو غاوي هنا قلت خليني اصك الدعنه
سالم: هيه ماشااء الله الجووو حلو اليوم
يدتهم: ما تبا قهوة يا بو غنيم
سالم: الا بصبلي ونتي ما تبين امايه
يدتهم: سلمت انا توني شاربه فيه العافيه الغالي
سالم: الله يعافيج
يدتهم: والا انشدك سالم والحين انته كم صك عمرك؟
سالم: والله 25 تقريبن
يدتهم: ماشااء الله جيه العمر يركض ونته بلا حرمه ما يستوي فديتك لازم افرحبك واشوفك معرس وماسك ايد حرمتك قبل لا فاارق الدنياا
سالي: بعيد هالطاري عنج امايه يعل يومي قبل يومج
سالم: بعد عمر(ن) طويل يا امايه
يدتهم: ما بقى من العمر ما مضى ابغي اشوف عيالك يترابعون عدالي
سالم: ان شاااء الله امايه هيدي عليه طشونه
يدتهم: انزين شرايك نخطب لك بنت عمك العاش
سالم: هااا شوووو العاش لالالا امايه
يدتهم: وجيه شبلاها العاش يا زينها من بنيه رزين والغوى تراه مخلف عليهم
سالي: هيه صدقها امايه هدايه ماشااء الله عليها العاش بطرانه وغاويه
سالم: لا امايه ما ابغيهااا وان شاااء الله جريب امايه بخطب ولا يهمج هيدي عليه شهر بس
سالي: اوووب محدد الشهر بعد يعني امرة شكلك من يردون قوم عمتيه من السفر يالله يالصدف
سالم طالع سالي بنظره: شو قصدج يعني؟
سالي: شياك عصبت ما قصدت شي الا اذا انته فبالك شي وفهمتني غلط
سالم: هب عليه اناا سالي انا فاهم تلميحاتج زين وريحي عمرج هي الي فبالج صح ارتحتي الحين
سالي: افااا سالم لالا ما يطيع زينك ماشي فبالي انا امرة
يدتهم: شو الي فبالك وفبالهاا؟
سالم: ولا شي امايه بس هذي سالي الا تدخل فسوالف غيرهاا
يدتهم: هذي سالي ما عندها مونه الا تنشد عن العلوم
سالي: افاا امايه هدايه ارخصتيني اشووف
يدتهم: لا عاده ارخص عمري ولا ارخصج انتي الغاليه وبلاج انا ما شك خيط فابره
سالم: يا سلام شو تبين اكثر بعد
سالي: فديييييييت امايه هدايه والله وسارت ولووت عليهاا
يدتهم: لا خلا ياربي منج


اما ف سويسرا وعقب الريم ما سكرت عن حموده تمت يالسه ع الدري تفكر ب فطامي وشعنه ما دقت عليها وكان فخاطرها تتصل على فطامي عشان تعرف بعد اخبار هزاع وفي نفس الساااع وصلها مسج
(حرام




حرام


تحرمني من الصوت والشوف
وحرام تذبحني بزهرة شبابي
وحرام تقطف وردة الحب بسيوف
وحرام تهجرني وتخلف صوابي
لا تبتعد عني ترا القلب مخطوف
ما بقى الا الجسم داخل ثيابي)

الريم ما صدقت ان المسج من عند هزاع وتمت تقراااه كم مرة واستانست من خاطرها بس ما ردت عليه واول ماقامت من على الدري لفت وكان جدامها ثاني وعيونه فعيونها
ثاني: احس انيه ذبت فعيونج يالريم ... يا ويل قلبيه اناا
الريم: شو مايا الباص ثاني؟
ثاني: وين انا ووين انتي
الريم: انزين يعني ما وصل
ثاني: لا بعده ونتي ليش يالسة الروحج هني؟
الريم: كنت ارمس ب التلفون
ثاني: ومنو ترمسين حد من عربنا في الامارات؟
الريم: هيه حموده
ثاني: اوووف ليتج ما طريتيهاا
الريم: وليش ان شاااء الله
ثاني: المهم اخبارهم؟
الريم: والله تسرك اخبارهم ولا تضرك
ثاني: عساهم دوم عيل وين ام لسانين عنج
الريم: هههههههههه فديتها يمكن فشقة مايد وساره احيدها هناك
ثاني: يعلنيه افدا هالضحكة ياربيه وافداا هالغمازات الي ع خدودج
الريم :...............
ثاني: الريم
الريم: هلا
ثاني: انتي طالعه احلا من القمر اليوم
الريم: ادري انا دومنيه قمر واحلى عنه بعد ههههه
ثاني: عن تصدقين عمرج
الريم: من زمان مصدقه هب الا الحين يلا الحين انا سايره عند شواخي
ثاني: وين فديتج؟
الريم: السموحه منك
ثاني: الريم والله انا احبج وماعرف شقايل اعبرلج عن الي فقلبيه
الريم: تحبك العافيه تسلم
ثاني: انتي ليش جذيه اقولج احبج وما اقدر ارقد الليل منج
الريم: ليش شو سويت انا عشان ما ترقد الليل
ثاني: كل هالصد وماسويتي شي
الريم: شوف ثاني انا اعتبرك اخوو وما احب ارد عليك لانيه ما بغي اعطيك مجال لانيه مستحيييل احبك يا ثاني
ثاني: ليتك تبادلني الشعور من دون صد و لا غروور تخطي وانا اتحملك معذور قلبي دللك بامر الهوا انت الحبيب قريب من قلبي قريب
الريم : السموحه منك ثاني... وسارت عنه
ثاني :لحظه الريم
الريم : امرنيه ثاني
ثاني : انتي تحبين حد غير ؟
الريم : لا
ثاني : عيل ليش تقولين مستحيل تحبينيه شو فيه انا ؟
الريم : ما فيك شي ونعم بن عميه بس انت ادرى بعمرك ليش انا مستحيل احبك
ثاني : انزين لو تغيرت بتفكرين تحبينيه
الريم : يمكن لو انيه اشك
ثاني : بعد تشكين ليش انتي جذيه قلبج قاسي عليه
الريم : هب قاسي بس ما احب اعطيك امل فحبيه عشان تتنسانيه وتبغي الصراحه ثاني عشان اريحك هيه انا احب والسموحه منك باااااي ............. وسارت عنه
وثاني منصدم من رمسه الريم وهو واقف يرقبهااا تمشي وعاطتنه مقفاهااا وسايره صوب شقه قوم مايد
ثاني : كل هالحب اللي فقلبيه واخر شي ما بلقى له حل وين اودي حبيه لج يالريم لازم ينزعون قلبيه من اقصاه عشان انزع حبج والله احس انيه خلاص بموت عقب رمستهااا منو هذا اللي بدته عليه منو تحب معقوله تحب سالم ؟؟!! لا ما اظن بعدنيه افكر انه هو اللي تحبه نفس الشخص اللي كاتب الرساله اللي هو عاشق الريم وهذا هب سالم لانه ما يسويهاااا

وعقب وصل الباص وكلهم ركبوا طبعن الريم وشواخي ورااا وكل الحشره ورااا وتمووو محتشرين ثاني راح ويلس فكرسي جدام الريم ومجابلنهاااا هو كان واقف والريم ترمس شواخي
الريم : شبلاك ثاني شعنه جذي تطالعنيه ؟!!
ثاني : ولاشي بس انيه معجب من معجبينج
شواخي : انزين حشى كلتهااا بعيونك واخاف شي يستويلهاااا
ثاني : لا ان شاء الله واذا ستوالهااا شي بيكون منج
شواخي : منيه انااا لا والله
ثاني : هيه لانج يالسه عدالهااا
الريم : صح شواخي نسيت اقولج حموده تسلم عليج
ثاني : ليتج طريتي الموووت كان اهون عن طاريهااا
شواخي : الله يسلمهااا وليش انت جذيه تقول عنهااا
الريم : خيبه بعدك شايل عليهااا من يوم الطراااق
ثاني : لا نسيته اصلن بس انتي تدرين انيه ما ادانيهاااا ولا تدانينيه
شواخي : طراق شوووو ؟؟؟
الريم : لا ولا شي انتهت السالفه
شواخي : انزين شخبارهم هل العين
الريم : بخير والله ما يشكون باس
شواخي : اقولج ريماني سالم ولد خالج ما خطب حد ؟؟؟؟
الريم : لا ليش لقيتيله حد هههههههههه
شواخي : لا بس هو عود ما شاء الله وبعده ما عرس متى بيعرس
ثاني : هاااا لا يكون بعد انتي ترانيه موجود وبخبر سيف
شواخي : لا لا يروح فكرك بعيد بس انشد عنه وسيف والله بعده ما رمس
ثاني : انزين شو يعني ما رمس المهم معروف انكم حق بعض
شواخي فخاطرهااا : حق بعض متى بيكون صدق ومتى سيف بيرمس والله تعبت وانا اترياه حتى هو امره ما شي تلميح مني مناك
الريم : هااا شواخي وين سرتي
شواخي : وياكم
الريم : اوففف تعبت متى بنوصل
ثاني : من شو تعبتي ؟؟؟
الريم : من الباص اقول انااا برقد طشونه وخلاف وقضونيه
ثاني : انزين وليش تتغشين
الريم : عشان محد يطالعنيه وانا راقده
ثاني : ومنو بيطالعج؟؟؟
شواخي : خلي عنج و ما شي رقاد جيه وانا بتم ويااا منو اهربد
الريم : هربدي ويااا ثاني ما عندج حل غيره
شواخي : تعرفين ان ما نتوالف وياا بعض انا وهو يلا نشي ورمسي عنديه
الريم : من عنونيه
شواخي : فديت عنونج انااا
ثاني : لو انا اللي طالبنج ما بتقولين جذيه
شواخي : ليش تغااار
ثاني : اكييييد اغار لو ما اغار عليهااا على منو اغار اصلن انا اغار من لمس الهبايب وجلاسها واهلهااا والقرايب
شواخي : اووووووب سلامي عليك كل هذااا شعليج الريم يوم ثاني يحبج هالحب
الريم : اكبر طاااااااف ممكن تغيرون السالفه
ثاني: شو اكبر طاااف
الريم : حق رمستكم
شواخي : افااا حتى حق رمستيه
الريم : هيه حتى حق رمستج لانهااا ما هبطت المووود انا شوي بروح عند ابويه وعميه
ثاني : لو انا مضايقنج خلج يالسه انا اللي بسير
الريم : ع راحتك
شواخي : والله انج ..لا يلس ثاني ماعليك من شي
الريم: والله انيه شو؟
شواخي: بعدين بقولج
الريم: الحيييييين؟
ثاني: انا بسير عنكن خذن راحتكن والسموحه منج الريم جان غثيتج بكلمه
ويلس ثاني جدام وماحد كان يالس عنده ويفكر في الريم وليش جي تعامله ومتى بيحن قلبهاا عليه وبتروف بحاله وتبادله الشعور
ثاني فخاطره: شو الي بلانيه بهذا الحب والله انه عذاب الصراحه الحب هب عذاب الا اذا كان المحبوب الي يعذب والله احس بضيجه والي سببو ضيجتيه ولا همهم ولا حسوا ابيه
الريم : يلا قولي شواخي؟
شواخي:: حرام عليج ليش انتي ما ترحمينه وتروفين بحاله
الريم: شو يعني تبغينيه اقوله؟
شواخي: ع الاقل جامليه
الريم: ماعرف اجامل والله يا شواخي انيه اضايج يوم يسوي جذيه لانيه اعرف انيه ما بحبه وانا ابغيه يغض النظر عنيه ولا يفكر فيه
شواخي: هيه والله صدقج جذا اخير له بس والله انا احس فيه لانيه اعيش معاناته
الريم: وشقااايل؟
شواخي: انتي تدرين انيه احب سيف وشوفج هو ابدن ما يدز ليه ويه
الريم: لا ان شاااء الله عليه يوم بنرد من السفر بيرمس هله عشانج
شواخي: الله يسمع منج
الريم: شواخي ما خبرتج
شواخي: شوووو؟
الريم: هزاع طرشليه امسج
شواخي: فذمتج !!!!! شووو مكتوب فيه؟
الريم: هاا قريه
شواخي: ابووووووب شكله صدق يحبج يالريم
الريم: رايج يحبنيه يدل دروازتناا
شواخي: انزين لو هو خطبج بتوافقين عليه جاوبي بصراحه؟
الريم: قبل يمكن بس عقب ما لعب عليه لا والف لا
شواخي: ممكن تقوليليه السبب؟
الريم: هو لعب عليه مرة وشدرانيه انه ما بيلعب عليه مرة ثانيه وخلاف يطلقنيه والله يا شواخي لو انيه احبه بس مستحييييييل اخذه لانه خانيه مرة واكيد الي خان مرة بيخووون ثانيه وثالثه وهو شو عباله انا لعبه كل ما يبانيه ربع صوبيه لا مستحيييييل ما بيخضع له راسيه مرتيييييييييين
شواخي: شفتي عيل شقايل تقولين يدل دروازتكم؟ شكله هو بعد فكر وقال مستحيل توافق عليه اذا هي زعلانه
الريم: مشكلته والله
شواخي: ما اصدق هذي الريم الي كانت حذاليه في الطياره وتقول احبه وماعرف شوو.....
الريم: شواخي والله انيه احااااول اقسي قلبيه عليه عشان ما اتم احبه واقدر انساه
شواخي: بس صدق الريم لو انا مكانج واحبه وتم يطرشليه مسجات بطرشله عن هالحركات تبغينيه تدلهاا دروازتنا
الريم: ههههههههههههههههههههههه اسميج انتي حفله والا جي بتقوليله يحيج والله
شواخي : بس تبين الصدق هو شكله يحبج لو انه قبل كان يلعب وع فكره انا شفت صورته الريم واعتقد ان وايد بنات يتمننه بس هو يباج انتي ويكفي ان اخته فطاامي تعرف واكيد ما بترضاها لج مره ثانيه
الريم : هيه اكيد فديتهااا والله المهم غيري الموضوع
وعقب وصلو اليبال وهب كلهم رقوووا بس اللي فيه هبه يعني بو سيف وام زايد وبوسيف واليهال ما راحوا وياهم
وعقب ما نزلووو
شواخي : والله عجيب فبلادنااا ما نقدر نسوي شي حتى في الالعاب
الريم : هيه والله صدقتي
بوزايد : شو رايكم الحين نسير الموول وتريحون هناك وخلاف نرد الفندق
كلهم : هيه اوكي
وراحووا عقب الموول
كلهم تموا يالسين ياكلوون >>> اليوع ما يرحم هع
الريم وشواخي وسلامه وروضه وميثه يالسين ف طاوله رواحهن
شواخي: الريم فجي بلوتوووثج شوفي عرب شو كاتبين؟
الريم: منو شسالفه؟
شواخي: طالعي البلوتوثات
الريم فجته : هههههههههههه
شواخي: والله انه متعذب الريال حتى البلوتوث ما سلم ههههه >>>> مجنون الريم هع هع
الريم: بطرشله ملاحظه شرايج؟
شواخي: هيه هيه طرشيله هههه
الريم: شو اكتب له؟
شواخي: كتبيله لاحووووول حتى اسميه كاتبنه ع بلوتوثك ههههه
الريم: تعرفين قبل كل شي بغير اسم بلوتوثي وبكتب شي عشان ما يعرف انيه اناا
شواخي: شو بتغيرين اسم بلوتوثج؟
الريم: استقبل يا غبي
شواخي : ههههههههههههههههههههههههه هههههههههههه اسميه ما بيستقبل لا كتبي احبك وامرة بيستقبل
الريم: لالا اخافه يفكر شي ثاني ونتي تعرفينه عاده ما يصدق
شواخي: تراج تقولين ما بيعرف ابلوتوثج
الريم: اخافه يطرشليه ويعرف انيه انا
شواخي : انزين انتي شو بلوتوثج الحين؟
الريم: افاااااا وشقايل ما تعرفينه؟
شواخي: اسولف عندج اعرف انج انتي شيخة الحريم
الريم : يلا يلا غيرته كتبت خليك بعيد!
شواخي: سلامي عليج خلاف انا بحطه هذا عيبنيه يلا يلا كتبيله ملاحظه وطرشيله
الريم: بكتب لف ورا اباا اشووووفك والله شكلك عذاب
شواخي: ايييييييييييييييه منو الي وراااه وياراسج ماحد عربي هناك الا اجانب
الريم: هههههههههههههههههههه وهووو المطلوووب
شواخي: اسميييييج حرجاات بالقووو
الريم: حلوووة حرجات هذي اعجبج > وغمزت لهاا
وطرشتله وهو استقبل وتم حليله يصد وراا ويرد
وشواخي والريم ميتااات من الضحك وعقب طرشله تعيش وتاكل غيرهااا >>> اسم البلوتوث شيخة الحريم
ثاني نقع من الضحك وسار صوبهن : هههههههههههههههه سويتنها انتي وياها هاا ماعليه تنرد ان شاااء الله
شواخي: ههههههههههههه مسكين حالك سوينالك في حلامك تردهااا
الريم: ومنو كنت تتوقع اعترررف ترا جكيناك ههههههههه
ثاني: لالا بس استغربت منو هذا الي مطرش واشووف ماحد عربي كلهم اجانب
الريم: هب علينا الشيخ هههههه
ثاني : انزين انزين ما خليتنيه اتهنى باكليه يلا بسير اكمل
شواخي: اقولج ريماني شرايج نسير نتحوط طشونه في المول الين ما يخلصون حشى هب اكل هذا ما خلصوه لو ذابحيلهم ذبيحه عبرووها
الريم: هههههههههه قولي ماشاااء الله بيغصوون
سلامه غصت : حشى هب عين عليييييييييج
شواخي : ههههههههههههه السموحه كملي ماشاااء الله
الريم : سلامه بحط تلفونيه هني اوكي مافيه اشله ماحد اكيد بيتصل عليه
وسارن الريم وشواخي يتمشن في المول
وسلامه وميثه وروضه نشن وسلامه نست تلفون الريم ع الطاوله
ثاني انتبه ع التلفون موطاي ع الطاوله وسار وشله عشان خلاف يعطيه الريم

في الامارات
هزاع وفطامي يالسين في الصاله عند التلفزون
هزاع: امممممم فطامي ما رمستي الريم؟
فطامي: لالا بعدنيه ما رمسته الا من يومين سايرين
هزاع: اهااا تدرين انيه طرشتلها مسج وما ردت عليه
فطامي: انزين صدقهااا لو انا ما برد عليك
هزاع: اهااا انزين بس ابا اعرف اخبارها وشوو مسويه ربها الا بخييييير ؟
فطامي: انزين انزين يوم برمسها بعدين
هزاع: بعد تقووول بعدين روفي بحاليه والله وحشتنيه واااايد وابا اعرف اذا هي بخير بس
فطامي: اوووووووف تراك صدعتنيه وما خليتنيه اكمل الفلم
هزاع: انزين اقوولج الحين طرشيلها مسج من تلفونج
فطامي: مافيه فووق موطتنه
هزاع: قبل محتشره ويوم خذنالج اياه طبيتيه
فطامي: انزين انتوا الا اليوم ماخذينه ليه يعني ماحد يعرف رقميه
هزاع: انزين يلا نهيي وييبيه وطرشيلهاا
وسارت فطامي ويابت تلفونهاا : شو اكتب يلا
هزاع: حشى شكلج امرة ما ولهتي عليهااا
فطامي: لا فديتها وين ما ولهت عليهااا
هزاع : يلا عيل كتبي المسج
فطامي: اوكي وكتبته وطرشته>>>



نرد لسويسرا وبالتحديد في المول
وصل المسج والتلفون عند ثاني طبعن وتم يفكر يقرا المسج والا لا
ثاني: شكله الا من عند حموده اباا اشووف شو كاتبه لهاا
ومكتوووب في المسج( مرحبا الساع والله تولهت عليج لا خليت منج ياربيه اخباركم ربكم بخير؟ واقوولج عرب عنديه من الصبح حاشرينيه عليج ويسلمون عليج وايد ويقولون وحشتينا و روفي بحالهم هيه صح ترا انا فطامي وهذا رقميه اليديد >> باركيليه واخيرن ههه)

ثاني: امممممم منو هم العرب الي تطريهم وليش ما كتبت منو هم في شك الصراحه ... لالا تروح ثاني بذاك الراي ومافيه بعد تعصب عليه ما صدقت انها رضت يمكن ربيعتهااا
الريم: سلامي وين تلفونيه حبوووبه؟
سلامه حطت ايدها على ثمها: اوووووه نسيته والله الحين بييبه
وراحت عند الطاوله الي كانوا يالسين عليهاا
سلامه : الرييييييييم ما لقيته انتي ما شليتيه؟
الريم: وشقايل ما لقيتيه اصلن انتي ماحد يحط عندج حايه
ثاني توه يا صوبهم: شبلاج الريم معصبه؟
الريم: ولا شي بس هذي الغبيه ما شلت تلفونيه من على الطاوله
ثاني: حرام علييييييج لا تسبينها ولو ع التلفون انا باخذلج غيره وايدد عنه
الريم: والبطاقه الي فيه ربيعاتيه كلهن يعرفن ذاك الرقم وبعضهن هب حافظه ارقامهن ومسيفتنهن في التلفون
ثاني: انزين عادي الي تعرفين ارقامهن تخبريهن عن الي ما تعرفين ارقامهن
الريم: انزين والحين شو الحل شسوي بلا تلفون مافيه صبر الين ما نرد البلاد وخص ان في النمساا قوم بو خالد بيوون عندنا وبنلقاهم هناك
ثاني: عادي خذي تلفونيه او تلفون أي حد ما بيقصروون عنج
الريم: امممم اوكي
ثاني: انزين وشبلاج معصبه ونتي تقولين اوكي
الريم: خلاص خلاص تراكم حشرتونيه
ثاني: انزين شو شعورج الحين معصبه بعدج والا؟
الريم: عااادي>>> وهي تزاعق
ثاني: ههههههههه يبين
شواخي توها يايه من عند قوم مايد خوها: افاا منو زعل شيخة الحريم؟
الريم: شفتي عاده ما يستحووون وضااع تلفونيه
شواخي شهقت : صدق فذمتج وفي ااشياااااااااء وبلاااااااوي اسمينا انفضحنااا
الريم: اووووووووووووووووه صح خيبه شسوي الحين كله من هذي الغبيه والله فضيحه عاده خص الاجانب ما يصدقون ينشرونهن في النت وغيره حسبي الله عليهم
ثاني: >>> اونه معصب ونتوا شو حاطيييييييييين فيه ان شاااء الله
الريم: ما يخصك بس لازم اييبه هاتي شواخي تلفونج بدق
ثاني: هيه هيه دقي فكره زينه ربج يكون حذالنا والا شي
شواخي دقت
ويسمعون صوت التلفووون جرييييييييييب >>>> واغنيه اجنبيه >> مساري
الريم: اييييييييييييييييييييه وايد جرييييييييييب الصووووووووووووووت
ثاني : ههههههههههههههههههههههههه هههههههههههههه والله بموووت من الضحك تعيشين وتاكلين غيرهاا واحد واحد
الريم: غربلات عدووووووك هب حرام علييييييييييك وقفت قلبيه وضربته على ايده
ثاني: أي عورتينيه
سلامه: شفتي ظلمتينيه طلع اخر شي عنده هب حرام علييييييييك
ثاني: سووري بس كنت لازم اردها فيهن
شواخي: هيه والله سويتهااااا بس ماعليه يصير خير
ثاني: هاا الريم شرايج بالمقلب ماليه به اقوا عن مالكم ؟
الريم: الصرااحه هيه بس ماعليه بتشووف بردهاااااا والحين بعدناواحد واحد ونحن الي بنفوز بالقيم
سلامه: انتوا تلعبون وانا الي طيح فوق راسيه
ثاني: هن الي بدن هههههههههه ما يخصنيه انااا هيه صح الريم وصلج مسج نسيت اقولج
الريم: وفجيته ان شاااء الله؟
ثاني: هيه الصراحه فجيته
الريم: وليش تفجه يهمك الي مطرش هب تلفونك هذاااا
ثاني: انزين اسمحيليه هب قصدي بس فضوول كان وانا عباليه عادي من عند حموده
الريم: وليش هو من عند منو؟
ثاني: هب مسيفة انتي الاسم
الريم وقف قلبهاااااااا: هاااااااا شووو وفجته بسرعه وتمت وفخاطرهاا: صدق انا عباله آآآآآآآآه فديته ياربيه
ثاني: شبلاه تغير ويهج اول ما قلتلج هب مسيف والحين تفكرين
الريم: لالا ولا شي عادي
وطرشت لهاا مسج ( مبروووك فديتج ع التلفوون وانا بعد تولهت عليج والله وانا بخير ما شكي غير فرقا الغالي والله وسلمي ع الي عندج وعلى هلج كلهم )

واول ما سمعوااا صوت المسج
هزاع شل التلفون : علنيه فدا هذا الرقم وراعيته
فطامي: ومنو سمحلك تفتح المسج
هزاع: والله انتي ما كنتي مهتمه طرشيلهااا
فطامي: اشووف انزين شو كاتبه فديتها والله ومنووو تطري الغالي هااا
هزاع: اناا اكيييييييد
فطامي: وايد واثق ماشااء الله هب انته حبوووب اكيد غيرك هههههه
هزاع: عادي انزين المهم قالت سلمي ع الي عدالج يعني خصتنيه
فطامي: لا والله وشدراها انك انت الي عنديه
هزاع: اسميج غبيه يعني انتي شو كتبتيلهااا هب كتبتي عرب عنديه ومصدعينيه يسلمون عليج
فطامي: وانزين؟
هزاع: يعني تنفهم انج تقصدينيه بالعرب وتعرف انيه انا الي عندج
فطامي: هيه والله اسمييييييك متحيذق
هزاع: اعجبج عيل شراتج خديه هههههه


^_^