[لامارا]

يتبع

نهيان فخاطره يعرف عن منو يرمسون
موزة: والله انكن سوالف حشى بللتن الريال كله مئ
شواخي: خليه هو يتحداناا وانا عنيه ماحد يتحدانيه
موزة: نحن تدرين ما نقدر نسوي سوالف والا نسوولف عند عيال عمنا والا عيال خوالنااا
شواخي: صدق لا نحن الحمدالله عادي وايد وياهم واحس ثاني شرات خووويه مايد
الريم: وانا بعد كلهم اعتبرهم اخوانيه انزين مويز انتوا ما ترمسون وتسوون سوالف ويا خوكم نهيان؟
موزة: قبل هيه بس من توفت بنت عميه لالالا
الريم: امممممم شرايج انزين تسوين فيه حركه الحين عشان يرد شرات قبل ويذكر ذيج الايام؟
موزة: ياليت والله بس شووو؟
شواخي: افااا عليييييييييج عنديه شي بنطرش له بغير بلوتوثيه قبل
شو اسم بلوتوثه هو؟

موزة : اظن العاشق الحزين لو ما غيره اوكي بس شووو بطرشيله؟
شواخي: شوفي>>>>>>>>>> ( برويك شي خطير اجلب تلفونك قبل جلبته متاكد قول والله اذا ما جلبته لا تكمل اوكي جلبته برويك انت حمار وغبي تجلب تلفونك )
موزة: ههههههههههههههههههههه عجيب الصراحه بس شو بتسمين بلوتوثج؟
شواخي: استقبل يالشيخ
موزة: اوكي

نهيان شاف شي وجان يستقبله وجلب تلفووونه وعقب نقع من الضحك
ثاني: منو مطرشلك؟
نهيان:شوف جان ريت اونه انا غبي وحمار
ثاني: شسم اللبلوتوث؟
نهياان: استقبل يالشيخ
ثاني: اهاااا ولف صوب قوم الريم وشافهن يضحكن
ثاني: سووولك هههههههههههههههه مسكين حالك
نهيان: منوو؟
ثاني: عرررب الله يهديهم
نهيان:والله ما خليه فحاله الي طرشليه بطرشله وكتب ملاحظه
وطرش( عرفت انته منووو غبي ليش تستقبل)
واكيد شواخي استقبلته >>> فضوووول
ويوم وصل البلووتووث انسمع صوت ولف نهيان وشاف شواخي ماسكه تلفونها واستانس
شواخي صدت صوووبه وتضحك
موزة: ههههههههههههههه عجيب والله احلى يوم فحياتيه
الريم: مسكين حالج اشووف ويهج من القفطه لا زوين هب احمر وايد ترا ويهج لوووح
شواخي: والله اخوووج طلع حويذج
موزة: شعبالج عيل متحيذق وطالع على اخته
وخلاف كلهم قروروا يسيرون ويا بعض وساروا صوب starbucks ( ستار بوكس) وتموا يالسين فيه وتقهويووا وخلاف ساروا مطعم ايطالي mollino وطلبوا بيتزاا وعقب كلهم ردوا الفندق

وف شقة قوم نهيان
نهيان: منو الي طرشليه بلوتوث؟
موزة: انااا
نهيان: لا تجذبين اعرف انها الي تشبه ......
موزة: هيه هي وليش ما تطري اسمهاا يا نهيان
نهيان: اهااا انزين اتخبرج وليش هي سوت هالحركه يعني؟
موزة: بس جذي اناا قلتلهاااا
نهيان: اهاااا
واليوم الي عقب سارواا مووول اسمه BALLEXERT وتموا هناك طول اليوم وهبطوا السينمااا وتعشواا وساروا الفندق
واليوم الي عقبه اتفقواا انهم يسيرون كلهم رباعه >>> قوم نهيان وهله
وساروا ركبوا السفينه تقريبن الساعه 5 وهذي السفينه تلف على بحيرة جنيف
البنات يالسات رباعه ع صوب
شواخي: الريم طالبتنج طلبه ولا تردينيه؟
الريم: عرفت بس هب هني تخيلي حد يسمع
شواخي: امرة عرفتي ماشاااء االله عليج متبيصره طلبتج ماشي يلا وماحد بيسمعج ولو سمعوج عادي نحن فبلاد غرب ما يفهموون
الريم: والي ويانا غرب بعد؟
شواخي: ما بيسمعون هم هب هني بعيد عنا
موزة: يلا الريم والا لان نحن هياكم ما بتشلين
الريم: افااا عليييييييييج يا مويز من عيونيه ااشلللكم امممممم خلونيه افكر شو اشل

وتمت تشل

خذيت الي تباه مني وصلت لآخر اهدافـــــــك
خلاص وخذت مصلحتك وقلت ان الحشا عافك
لي عوف يعوف لو يكره لمعلومك ترا احســـن
انا ما اندم على مثلك واقول الحظ لا شافــــك
عطيتك كل ما املك عطيتك قلبي وعقلـــــي
وغطيتك بتفكيري من ماطـــــــاك لكتــــــافك
بعد كل هذا يا الظالم تجافيــــــني وتتــــــغير
وترمي الحبل ع القارب وتكشف خلوة اصدافك
بنيت امال بوجودك وعشـــــــت احلام محلاها
ولكن الزمن عيا يرسينــــــي ع اسيافـــــــك
واشوا اني عرفتك زين وبانت تالي جذباتــــك
وبانت للخساره فيك وانا استاهلت انصـــافك
ولكنك نسيت اني نهر يجري ولا يوقـــــــــف
مع الايام انا اقدر انسى حتى اوصـــــــــافك
راح تعود لي مكسور وراح تعود لي مكسور
وغيرك شاري(ن) ودي ولما تجيلي راح امنع
واقوول يا هيييييييييييييييييييييي ترا طافـــك
وراح تشوفني شي غير وراح تموت من الحسره
وانا ذاك الزمن بضحك واشوف القهر بطرافك

شواخي: سلامييييييييييييييييييي عليج على هذي الشله الطر هيه والله صدقتي واقووول يا هيييي ترا طافك
كلهم: صح لساااانج
الريم: صح بدنكن
شواخي: فذمتيه انها طرر الشله هذي
موزة: حلوووو يوم يقول راح تعود لي مكسور وغيرك شارين ودي ولما تجيلي راح امنع واقول يا هي ترا طافك
الريم: هيه والله صدق سيف المزروووعي
ثاني سمعهااا يوم تشل >>>>> كانت اول مرة يسمع الريم تشل وذاااب الريال من سمعهااا
وطرشلهاا مسج( الله الله علييييج يالريم وتقولين ما بغيك تسمع حسيه والله انج غرام وصوتج مافيه حيله)
الريم من قرت المسج شافت شواخي : شفتي وتقولين ماحد بيسمعج وكلهم عنجلييز هذوووه ثاني سمعنيه وانا اشل يا الفضيحه
شواخي: برايه هذا الملغووووث تحريته حد غيره يوم الا ثاني برايه
الريم: فعينج يعني هب ريال هو وياراسج
شواخي: خلاص انزين يعني بتردين الزمن اسميج حشره
الريم: لو انتي مستويلج هذا الموقف شو بتسوين؟
شواخي: بالعكس انا لو صوتيه طر كل وقت بتم اغني وانطرب ولا بسكت امرة وبسمع الغريب والجريب حسيه شو يزوووي احسن عنيه
كلهم: ههههههههههههههههههههههههه ههه
شواخي: صدق شبلاكن تضحكن والله لو حسيه حلوو جان نشرته في النت والا في التلفونات وبغدي مشهورة لو انهم ما بيعرفون منو راعية هالحس
الريم: زين عيل يوم حسج هب طررر انزين يلا اطربينا فخاطريه ارتبش
شواخي: شو تبين يعني ام علايه دقني ودقني يلا هش مناك ماشي
الريم: لالالالا حشى ما يطيع زينج ما طريت هالااغاني ميحد حربي حمد من هذيلا الي حسهم غاوي
شواخي: لالا منقودد
الريم: الحين ها توج تقولين عادي
شواخي: عادي لو حسيه حلوو بس بهالحس ما اقدر اخافهم يعفدون في البحر الي هنا موجودين
الريم: هههههههههههههه عيل صخي بسج عن الهذربان الزايد
شواخي: اقولج مليتكن ترانيه يلا انا شوي بسير اتحوط في السفينه واطالع الجو اخير عن مجابل ويهكن عفتكن
الريم: امررررررة كاش في الويه افاا يا بنت عمتيه
شواخي: انتي تدريبيه ما احب ادور والف الدوار اختصر الطريج واعفد اخير
الريم: خوفيه الا تنجلبين يوم من الايام
شواخي: اااا فاااا عليج لا ما بنجلب واذاا نجلبت بطلب الفزعه من خوان شما وخواتهااا
موزة: فخاطريه اعرف شواخي انتي عن شو ترمسين والله عباليه سياره وشارع
شواخي: شدرانيه فبنت خاليه الا تخربط وانا سرت ويااهااا اسايرهاا خفتها تزعل
الريم: هيه هيه صح ما دري منو الي يخربط من الصبح سيري شربي شي خليه يصحيج طشونه
شواخي: هيه بسير اطلب ليه كابتشينو واذا تبن تراكن دلنه
موزة: هههههههههههههههههه حشى يالزط عزمينا انزين
شواخي: شوفي انا وحده ماعنديه بيزات واذاا تبين تسوين خير فيه حطيليه رصيد والله احتاي
موزة: افاا علييييييييج
شواخي: ما تقصرين اسميج راعية واجب وفزعة هب الي عدالج >>> الريم
الريم: شو ما عنديه مونه اصرف عليج
شواخي: لا حوووول انا اباا اعرف شي واحد ليش تغارين منيه؟
الريم: انا اغاار ومنج انتي والله اخاف الحين تنجلب فينا السفينه ونغرق عقب ذي الرمسه
شواخي: فديت خشمج والله يلا يلا بسير عنكن على سطح السفينه ربكن يكون عنديه احساس في الطبيعه
الريم: حلوة هذي احساس في الطبيعه
شواخي: هيه ترا عرب قايليليه انه ما فيه احساس فشي ولا يخصنيه ابهاا
الريم: عيل روحي حسيبهاا
وسارت شواخي وخذت لهااا كابتشينوا وتمت واقفه ع طرف السفينه وتطالع البحيره وكان شكل البحيره طررررر
نهيان بعد كان واقف تقريبن جريب منها بس لا هي تعرف ولا هو يعرف والاثنين سرحانين ويطالعون البحيره
ونهيان حاط ايدينه على راسه وشكله شوي حزين وتم يدندن ويا الشله الي مشغلنها فتلفونه

كم ذبحني الشوق يالغالــــــي
وكم دمع العين هليــــــته
اظلمت عني لاهي(ن) سالي
لا وقلبك يعني صديـــــته
شوف حالي كيف يا حالـــــي
كالقلم بين يديك بريــــته
ما كفى قلبي وانا مالــــــــي
والله اني الزاد مليــــته
وكنت سعد الحظ والفالـــــي
وقسمتي والي تمنيته
القدر عالي وبالعـــــــــــالي
وحبكم فالزين حطيته
وكنت احلامي وآمالـــــــي
وللاسف يا حب اغليته
غركم منطوق عذاليـــــــي
او عنادي ونته ما شيته
وكيف ترجع يا هوى بالـــي
ونته قصر الهوى هديته
وذاك بامر الرازق الوالــــي
الواحد المعبود جليتــه

وشواخي تسمع الشله وياه ورافت بحال نهيان
وعقب شغل شله غيرهااا

البارحه ياني خبرهااا ودمعي على الخدين ســال
قالوا ترا وقف عمرها يا حسرتي وويا ضيجت البال
اقفوا وقفى عمرها ولحفوها بقطعة الشـــــــــال
واتركوها في قبرها وذروا عليها ابالرمـــــــــــــال
راحوا وكلن في ذكرهاا غابت تراها من الخـــــيال
ياليت خذني دهرها قبلهاا ولا شفت هالحــــــــال
لكن هذا هو قدرها مكتوب ماله من مجـــــــــــال
راحت وعيني من اثرها تبكي على طيب الفــــال
وادعي عسى ربي في حشرهاا يدخلها جنات الدلال
جنات تحلى بخضرهاا فيها احلى المنـــــــــــــال
والبارحه ياني خبرها ودمعي على الخدين سال
قالوا ترا وقف عمرهاا ياحسرتي ويا ضيجت البال

شواخي انقبض قلبهاا من سمعت حتى انهاا دمعت وهي تفكر انه هو بالعاني مشغل هذي الشله وانه يذكر بنت عمه وصدت صوووبه وهو انتبه حق حد يشوفه ورفع ايده من ويه وشواخي حطت عينها فعينه وهو لف عنهااا امرة من شاف انها شواخي الي حذاله
كانت حالته حاله وعيووونه حمرررررر >>>> وعيونه مدمعات
شواخي ما عرفت وين تشل بعمرهااا حست بحاله ورافت به بس ما بيدها أي شي تسويه وتمت فخاطرها تقول : ليش انا اشبهها لو هب اناا جان ما ذكرهااا والله عور قلبيه معقوله حد يحب ويوفي حق الي يحبها شراته كنت ما اصدق انه في حد وفي ومستحييييل يخون لين عيونيه شافته الحين تيقنت ان في حد يحب صدق ومن قلبه

نهيان فخاطره: آآآآآآآآه كل ما حاولت انساااج القاا شي يذكرني بج اكثر واكثر والله ما اقدر اعيش بلاج احس الكون صغر فعيونيه عقب فرقاج وماعادت الدنيا كل همي ......... ليش الي عدالي كانت شيخه ليش؟؟؟ ما كنت ابغيها تشوف دمعت عيونيه ليتهاا ما شافت دمووع العين ........ وعقب سار يتمشى بعيد وشواخي تطالعه : يا حزنيه عليه والله مسكين حاله ما كنت اتوقعه جذي الله يعينه

الريم: بووووووووووو
شواخي: حشااا زيغتينيه
الريم: الي ماخذ عقلج
موزة: امرة شكلهااا ما حست بناا ونحن من الصبح حذالهاا
شواخي: صدق من الصبح انتواا هني
الريم: لا تونا يايين شو تسوين شو هذاا بعدج ما شربتي الكابتشينو مالج حشااا
شواخي: اووووووووه صح نسيته ما شربته استوا بااارد
موزة: فايدج ونسيتيه شكلج ابدن هب هني
شواخي: هيه الصراحه كنت افكر
الريم: زين والله طالعوااا البقعه هني طررر الصراحه
موزة: تشوفين هذي السفينه الحين بتروووح فرنسااا
الريم وشواخي: شوووو
موزة : والله بتشوفين المناظر هناك بس ما بننزل بنرد
الريم: الله الصراحه طررر عيل
وعقب الساعه 10 ردوا الفندق وكانوا تعبانين لكن مستانسين وايد
ومرن الايام وكل يوم يظهرون بس طبعن هب ويا قوم نهيان >> كل واحد يسير الروحه)
وما بقااا الا اربع ايام وبيسيرون التشيك اما قوم نهيان كانوا بيتمون بعد يومين تقريبن زياده عنهم
وكانت وايد العلاقه بين نيهان وثاني ودوم يظهرون ويا بعض ونهيان خبره عن سالفة بنت عمه ( الي مالج عليهاا)
وحتى علاقة ام زايد وام سيف غدت وايد ويا ام نهيان ودوم عندهم في الشقه ويتقهوين رباعه وحتى البنات
فمرة بوزايد قرر انه كلهم يسيرون رباعه الحديقة المائيه لانه ما بقا شي الا اربع ايام وما بيظهرون ويا بعض خلاف
فكلهم تزهبوااا وتلبسواا ويتريون الباص( كانوا يركبون فيه رباعه بس الشباب جدام والبنات والحريم ورا) وكان ربشة صدق ف الباص وثاني سار وحط اغنية حربي سلبت الروح
نهيان: اسميك يا ثاني ييت ع العوق عاده الحين وين العصااا نباا نيوول
ثاني : افاااا عليييييك ما يحتاي العصاا بعد يول بلاهااا يابس يلا عاشوووو تحت تحت وتمواا يبسووون وهم فالكرسي
عقب ثاني سار صوب البنات وتم يسوي حركات وياشر ع الريم
الريم تفشلت لانه قوم موزة وكلهم عندهااا

سلبت الروح يا ذا الروح وش الي باقي مني معذبني
وانا المجروح ووين اروح ونت الي سبب جرحــــي
وهجر وفراق ما ينطــــــــــاق دخيلك منك قربــنــي
انا اهواك وتمناك وكل شي منك يعجـــــــــــــبنـــني
وانا بروحي كثر نوحي وكثر الصــــد يتعبــــنــــــي
نظر عيني يكفيني لذيـــــــــــذ النووم تسلبـــــــــني

وعقب وصلواا المدينة المائية AQUA PARK
شواخي: الله تجنن شرات الي في دبي وايلد وادي WILD WADI
الريم: لا بس هذي احلى
موزة: دوووم الي براا يكووونن احلى
وتموا يلعبووون ومستانسين شواخي سارت شوي بعيد عنهم كانت ادور زايد لانه الريم طلبت منهاااا عشان كلهم يلعبون رباعه وهب كل واحد الروحه وهي تمشي شافت نهيان يالس الروحه وابدن ماحد عنده وتمت تطالعه وشي كان يسوي وهي مستغربه منه شو هذا شو يسوي
عقب انتبهت عليه انه يالس يوسم عمره ماسك السجين فايده والولاعه( يحرق السجين وخلاف يوسم ايده ) شواخي يوم انتبهت ع الي يسويه راحت عنده وهي معصبه وبدون ما تحس بعمرهااا سحبت السجين والولاعه من ايده وهو تم يطالعهاا ومستغرب منها وع جراتهااا
شواخي: انته شوو مينووون ما تحس هيه صح ما فيك احساس ولا مشاعر والله اول شي قلت هذا مسكين حاله ومتعذب بس هب لهذي الدرجه تقوم تحرق عمرك وتكتب حرف سخيف فايدك والله الميانين ما سوووهاا انته شو عبالك هذاا حب الي تسويه والله لو بنت عمك حيه ما رضت انك تسوي جذي فعمرك وبقووولك شي انته عبالك انك تحبهااا اكثر عن امك ما حبت ابووك تخسي وخاس ينبك فكر بامك الي ضحت بعمرهاا عشان تربيكم وتشوفكم احسن الناس وصبرت عقب وفاة ابووك وما عرست بس عشاانكم هذاا يزاهاا ويزا معروفهااا وثانين هي ما عندهاا ولد عود غيرك يكون لها سند وبعد فكر بخواتك الي ما عندهن حد غيرك عقب وفاة ابوهن ويعتبرنك الاب والاخ الحنون عليهن بس انته لا اخ ولا اب بالنسبه الهن والله ارووف بحالهن يوم يقولن اتمنى نهيان يرد شرات قبل ويسولف وياناا ونته ما تحس ابدن اصلن احسك عدييييييم احساااس وفرت الولاعه والسجين تحت تبا تكمل كمل بعد حط بترول فعمرك واحترق بعد ما يخصنيه فيك وسارت عنه وهي صدق معصبه وبعدين حست بعمرهااا
شواخي فخاطرهاا: شو سويت انا وليش رمسته انا ماليه حق ارمسه لا انيه اخته ولا حتى اقربله ليش سويت جذي حتى لو شفته يولع فعمره لازم ما ادخل فيه والله ندمانه صدق انيه غبيه وانا المينوونه هب هوو هو بعد مستغرب منيه
اما نهيان بعد تم يفكر: صدقهااا والله خوانيه اميه محتايين اليه الحين اكثر عن قبل ويبن سند يسندهن واناا وايد اهملتهم بس فكرت بعمري والي يحزني وبمووت بنت عميه انا لازم احاول انساها حتى لو ما قدرت لازم احاول ع الاقل اتناسااها عشاانهم وبحاول ارد نهيان الي قبل ثلاث سنوات
الريم: وييييييين سرتي زايد يا عندنا ولعبناا ونتي مختفيه
شواخي: لا بس سرت هناك ادوره وما شفته ويحيكم يوم لعبتوا
الريم: فذمتيه شي فيج؟ قولي؟
شواخي: مافيه شي ريماني خلاص سكتي عنيه شوي معصبه
الريم: ما صدق اول مرة اشووفج معصبه جي
شواخي: وان شااء الله ما تشوفينيه بعد مرة ثانيه
الريم: خلاص فديتج هدي عمرج
شواخي: اوكي فديت خشمج
وعقب فليل كلهم تيمعوا لانهم بيردون الفندق وطبعن شي طبيعي انه نهيان وشواخي يتجابلون
شواخي نزلت راسهاا متقفطه من الي سوته اما نهيان كان عادي بالعكس كان يضحك وياا ثاني ويسولفون وعقب ردوا الفندق وشواخي بعد تفكر بالموقف الي صار حتى نهيان بعد يفكر برمسة شواخي واستانس وايد ع رمستهااا
وعقب يومين كان اخر يوم بيتمون فيه في سويسرا عقب بيسيرون التشيك
شواخي: رفجى علييييييييييييييكن قولن تم
كلهن : تم( كل البنات كانن يالسات تحت في الفندق الريم موزة العنود سلامه روضة ميثة )
الريم: انزين على شوو؟
شواخي: خلنا نسير النافوورة محلاتهااا نطالعها من بعيد ولا نسير صوبهاا
الريم: رواحنا انزين ؟
شواخي: افاا عليج انا المحرم ههههههههههه
الريم: هيه دام انج انتي ويانا ما بيستويلنا شي
موزة: انا بقول حق نهيان قبل اخافه يعصب
شواخي: وايد ترا عاطين ويه حق خوانكم سووا شراتيه ماعليه من مايد ولا شي
الريم: ليش اصلن هو موجوود
شواخي: انزين عشان جي ماخذه راحتيه يلا انزين مويز سيري شاوريه وتعالي واذا ماطاع قوليليه وبجهز القب ههههههههه
موزة: عيل بقووله وافق احسنلك ههههههههه
وسارت موزة ونهيان بالعكس عادي وافق ماقال شي لانه النافورة هب بعيده وايد عنهم وهم وايد بنات
وعقب كلهن سارن النافوورة وتمن يتصورن عندهااا كان المنظر وايد حلوو رهييييييييب
الريم: حشااا هذي ساره بنت عميه امرة ما نشوفها استوينا وما تيلس عندنا شرات قبل لا تعرس كله من مايد قلنا تحبه عاده هب لهذي الدرجه
شواخي: حدج حدج كله ولا خويه ميووود فديت خشمه هو اصلن ما يخليهاا تيلس عند حد دوم الا ظاهرين عنا رواحهم ما يبون حد يخرب عليهم حليلهم روما نسيين
الريم: هههههههههههههههههههه احلى رومانسيه ما تخيلج شواخي يوم تعرسين احسج عديمة الرومانسيه
شواخي: اييييييييييييييه كانج وايد خذتي عليه شكلج تبين ترابعينيه
الريم: الله ينطب عدوووج ههههههههه شو ارابعج بعد
شواخي: شدرانيه فيج سألي عمرج انا اسايرج الا ونتي مخرفه اسميج حشاا عيوز
الريم: هيه صح صح انا العيوز الحين والا تسايرينيه خرااطه اسميج
شواخي: صخي شوي خلينا نعرف اخبار مويز وشو مسوين؟
موزة: ما قلتلكو والله انيه مستانسه واااااااااايد
شواخي: عساا ربيه يدييمها هذي الوناسه بس ليش؟
موزة: تغير يا شواخي نهيان وايد استوا يسولف هيانااا رد شرات قبل نهيان الي قبل ثلاث سنوات
شواخي: صدق فذمتج؟
موزة: والله حتى اميه وايد مستانسه وكلنا حسيناه تغير من يوم ردينا من الحديقة المائيه
شواخي: عساااه دوووم ياربيه بهذي الحال وياكم
موزة: امييييييييين
وعقب ردوا الفندق واليوم الثاني كلهم ازهبوا بيروحون مطار جنيف عشان يسيرون التشيك
كلهم تحت الا نهيان
شواخي: اوووووووووه نسيت الكافي الي خذته
الريم: انتي دومج الا تنسين سيري ييبي بسرعه عن تلقينه مهفووف عنج
شواخي: لالا تقولين وراحت بسرعه فووق وركبت اللفت وراحت ويابت الكافي وسارت صوب اللفت
نهيان: الشيخة؟
شواخي سمعت حس هب غريب عليهاا ولفت : عووونك؟ >>> انصدمت انه نهيان يزقرهاا
نهيان: والله ماعرف شو اقولج شيخه بس صدق رمستج اليه ذاك اليوم استانست عليهااا وايد
شواخي: والله السموووحه منك الشيخ هب قصدي كان بدوون ما حس قلتلك ايها
نهيان: بالحل افاا عليج بالعكس اول مرة حد يقوليه هذي الرمسة كلهم كانوا يخافون ع مشاعري واحساسي اول حد يقوليه هذي الرمسة والصراحه انصدمت انج انتي الي قلتيها اليه بس مشكووورة وايد حسيت انيه تغيرت عقب رمستج
شواخي: اهااا لا عادي افاا عليك نحن في لخدمه
نهيان: هههههههه الحين بتروحون التشيك؟
شواخي: هيه ان شاااء الله يلا في داعت الرحمن
نهيان: شيخه؟
شواخي استغربت اول مرة يزقرها باسمهاا : هاا شو تبغي؟
نهيان: عندج رقم موزة اختيه؟
شواخي: وشولك انته من الحايه عنديه رقمهاا والا ما عنديه؟
نهيان: ههههههههه لا بس عشاان امممم
شواخي: عشاان شووو؟ لا تكثر رمسة ويايه مع السلامه وهي داخل اللفت قبل لا يسكر
نهيان: تروحين وتردين بالسلامه
ونزلت وهو بعد نزل عقبهاا امرة وتموا يسلموون ع بعض ويتوادعوون وخلاف ساروااا
في الامارات

ام خالد: اقوول فطامي جهزي مونتج ترا ما بقا شي عن السفر؟
فطامي: من زمان مخلصه اناا
ام خالد:ما بقاا ترا الا خمس ايام
خالد نازل من فوق ومستعيل شكله: اميه انا بسير الدختر عوشه بتربي الحين
ام خالد: لا تقووول صدق انزين خلنيه البس عباتيه وانهيي وياك
خالد: بسرعه اميه اترياج في الموتر
وسارت ام خالد ويا خالد الدختر وعوشة ربت ويابت صبي
خالد: البشاره اميه عوووشة ربت ويابت عبدالله الصغير
ام خالد: مبرووك ولديه يتربى بعزكم ياربيه والله وكبرتونيه غديت يده
خالد: واحلى يده فذمتيه
ام خالد: فديتك والله علنيه ما ذووق حزنك
خالد: اميييييين ولا حزنج ياربيه
وتموا كلهم مستانسين ع البيبي وعوشة تمت فبيتهم الين ما يسافرون وخلاف بتسير بيت اهلهاا
ام خالد: متى بشووف عيال هزاع
هزاع: جرييييييييييب اميه وشبلاج مستعيله هذا حفيدج تهني فيه الين ما عرس
خالد: شكله حمدان بيعرس قبلك انته
هزاع: يعرس هذي الدرب وشوليه انااا لا ابا عرس ولا طاريه
فطامي: هب عليه انااا ما تبا العرس
هزاع: صخي انتي رمست عاده فطامي انتي يمكن تعرسين قبليه
فطامي: يخسي اعرررررس شووو ينيت بعدنيه صغيره
ام خالد: وجيه بعدج صغيره شو بعدج تمصين يمعج
كلهم : ههههههههههههههههههههههههه هه
خالد: تراا اميه انا هب مساافر وياكم ما قدر اخلي عوشة الروحها
عوشة: شو بعد بتخلينيه الروحيه ماعليه شر سير استانس انته
خالد: لالا ما يطيع زينج ما بسافر انا
ام خالد: وهزاع؟
هزاع: لالالا انا ما بساافر وياكم انا محدد ويا الربع عقب كم يوم بنسافر المانياا حد يسافر ويا الصدعه
ام خالد : عيل منو بيساافر وياناا؟
بوخالد: لالا ما شي سفر دام هذي حالتكم هونا عن السفر
فطامي عصبت : شوو لا والله وانا مستانسه ومجهزة اغراضيه وتقولون الحين ما شي سفر ما حبكم وسارت عنهم فوق حجرتهاا وتمت تصيح هي فخاطرها هذي السفره وخص انها بتكوون ويا قوم الريم
ام خالد: فديتها فطامي فخاطرها هذي السيره بس مالهاا نصيب
هزاع تم يفكر بفطامي وطبعن فطامي ما تهون عليه ودووم وياهااا
هزاع: خلاص اميه انا بساافر وياكم بس قبل بشاور الربع وان شااء الله نلقاا تذاكر حق النمساا
وظهر هزاع صوب سعيد وربعه وخبرهم انه ما بيسافر
سعيد: عيل خلنا دهديه نسير نطالع اذا شي تذاكر
راشد: اقوووول تراني وياكم انا عن تنسووني
هزاع: على ذا الخشم ولا يهمك يا بو سنيده
راشد: تسلم ادريبك ما تقصر يا بو حمدان الا هذا اللحف الي عندك بو عسكوور
سعيد: ههههههههه الحين انا استويت زطي افااا ما هقيتهاا منك يا بو سنيده
هزاع: خلونا نسير نطالع
وعقب لقواا تذكرة وحده بس هب محجوزة
راشد: اوووف شوو هاذا الحظ الي عليه
هزاع: يلا ماعليه يا بو سنيده والله لو هب الاهل جان عطيتك تذكرتيه ما تغلى عليك
راشد: تسلم والله يا هزاع
وتوهم بيسيرون وانه حد يقولوهم شي تذكرة بس في الفيرست كلاس ( الدرجة الاولى) حد هون عن سفرته
سعيد: هاا يا بو سنيده شعليك بعد درجة اولى غلبتنااا
هزاع: هيه والله زين بعد يوم لقينا لك تذكره عسب تخاوينا عيل فذمتيه السفره بلاك ما تسوا طشه ابدن
راشد: هيه ادري ما تستغنون عني امرة
هزاع: لا تصدق عمرك اسوولف وياك
وعقب هزاع سار البيت>> حجرة فطامي ولقاها تصيح ومتلحفة بس هب راقده
هزاع: شبلاها شيخة البنات تصيح وزعلانه
فطامي: ما حبكم سير ويا ربعك خلهم ينفعونك
هزاع: افااااا يعني انا ياينج وما تبغينيه
فطامي: والله كان اليه خاطر بهذي السفرةومستانسه وايد
هزاع: انزين كملي وناستج وشعنه بعد زعلانه
فطامي يلست: انت شو تطنزبيه سير ول
هزاع: هدي هدي فديتج والي يقولج ان السفره ما هونا عنها وبنسيرهاا
فطامي: صدق هزاع؟
هزاع: هيه والله خلاص انا بسير وياكم
فطامي لوت عليه : فديتك يا هزاع ماحد حاس فيه الا انته ....... وعقب ودرته لحظه اقووول اونك عشاانيه
هزاع: فذمتيه عشاانج ما تهون عليه دمعتج الغاليه عسبت السفر
فطامي: عن الخريط ادري هب عشانيه
هزاع: والله عشانج انتي الغاليه ومنو غيرج يعني
فطامي: يعني فذمتك هب عشان الريم؟
هزاع: وشو يخصها الريم فسالفه هذي؟
فطامي: اونك ما تدري؟
هزاع: ادري شو شفيج فطامي رب ما شر لا يكون بس الفرحه بعدها ماثره فيج؟
فطامي: يعني انته ماتدري انه بنتلاقاا ويا قوم الريم ف النمساا؟
هزاع: شووووو فذمتج؟
فطامي: والله العظيم عشان جي انا ابغي اسير
هزاع: هم الحين فالتشيك وشقايل؟
فطامي: هيه انزين عقب بيروحون النمساا ونحن بنسير هناك وبنشوفهم
هزاع: يالله فديييييييييييييتج يا فطامي على هذا الخبر الله يبغينيه اشوفهااا
فطامي: هيه شفت عاده
هزاع: وليش ما تخبرونيه من زمان جان هونت السيره ويا الربع
فطامي: حشى ما يسوا عليك هذا الحب الي تحبهاا
هزاع: يلا يلا اوكي انا بسير ارتب عمريه وااجهز مونتيه واغراضيه

^_^