[لامارا]

جزء(18)


ووصلوا مطار فينا > عاصمة النمسا وهم حاجزين ف فندق هيلتون بلازاا وطبعن من التعب كل واحد سار شقته ووطوا روسهم ورقدوا

في الامارات الفليل الساعه ( 00 : 12 )
كلهم ساروا مطار دبي
كلهم ساروا ويا خالد وهو اللي وصلهم( بوخالد + ام خالد + فطامي + مانع + حمدان )
اما فسياره فارس ربيع قوم هزاع ( هزاع + سعيد + راشد )
وف سياره خالد
صاح تلفون فطامي
ساره : هلا والله ملايين
فطامي : هلا بج زود علنيه افداج
ساره : وشحالج ؟؟
فطامي : بخير وسهاله وشحالج انتي ؟؟
ساره: حاليه تسرج بس بتوله عليج دبوووه
فطامي : والله وانا اكثر
ساره : وين انتوا
فطامي : في الدرب
ساره : عطيني خالوه خليني ارمسهااا فديتهااا
فطامي : هذي اميه ............ اميه سارووه ربيعتيه بترمسج
ام خالد : فديتهااا عطينيه ارمسهااا
ساره : مرحبااا الساع خالوه
ام خالد : مرحب باجي وشحالج بنيتيه ؟؟؟
ساره : تسرج الحال وشحالكم ؟؟انتو ربكم الا بخير ؟؟؟
ام خالد : بخير وسهاله تتخبر عنكم العافيه
ساره : تروحون وتردون بالسلامه خالوه
ام خالد : الله يسلمج من كل عوق ما تامرينا بحايه مناك ؟؟؟
ساره : ابدن غير سلامتكم
ام خالد : الله يسلمج ولا يهينج عيل يلا هذي فطامي عندج
فطامي : اقول ساروه برمسج ف المطار هنا صدعه ما سمع حسج
ساره : اوكي فديتج سلمي على بوج
فطامي : حتى ابويه ما خليتيه فحاله شرايج ترمسينه
ساره : ههههههههههه لالا عيب وسلمي على اخوانج كلهم
فطامي : هيه خلاص يوصل مع السلامه ..... ابويه تسلم عليك ربيعتيه
بو خالد : مني هذي ؟؟
فطامي : ربيعتيه ساروه .. وتسلم عليكم كلكم , حمدان ما تحيدهاا اللي ذاك اليوم يت ويانا ووصلناهل بيتهم ؟
حمدان : اهاا هيه
فطامي : يلا مليت متى بنوصل اوووفف حشى
خالد : حشى يالصدعه محد يرمس غيرج عنبو والله الله يعينهم عليج وع صدعتج زين يوم ما سرت وياكم
فطامي : زين يوم ما سرت ويانا فديته هزاع يكفي وويوفي
خالد : خيبه في الويه
فطامي : خالد فديتك احبك تدري
خالد: ادري اكيد والرمسة الي تقولينها من ورا قلبج
فطامي تبتسم : زين عيل يوم تدري اندبليه رصيد عيل
خالد: ثرج للرصيد هب اليه انا هالرمسه يلا يلا ماشي
فطامي: انا اقول ان شيخكم حمدان محد غيره فديت اخووويه انا حمدان والله احبك
حمدان: كم تبين هب لازم تقردينينيه
فطامي: فديت الي فاهمنيه ياربيه أي شي من عندك حلووو بس طبعن هب اقل عن 50 ههههه
حمدان: اوك بس اذاا بتوعدينيه انج بتصخين طول الدرب الين ما نوصل
مانع: اطرشلهاا ولا طرشليه لا والله انا بعد اباا
فطامي: انته من ترمس اصلن وياراسك غير عبوود
مانع: عبوود فعينج حشااا حتى ربيعي ماسلم منج
فطامي: جب جب ولا تكثر رمسة حشاا كم يغاار هالصبي ههههههه
بوخالد": ونته شبلاك على ختك تتياحد وياهاا
فطامي بدلع :ابوويه طالع ولدك منوع ماعرف ليش يبغظنيه
بوخالد: عاد كله ولا فطامي الغاليه محد يروم يصك شعره من راسهاا دام اني حي
مانع عصب بس ما يروم يرمس عقب رمسة ابووه >>> مسكين حالهloo0o0o0o0lZ
ام خالد: هيه قوها علينااا فديته مانع ما نطق بكلمة غير هذي ام لسانين
فطامي: ههههههه حرام عليج اميه والله انيه رزين
ام خالد: هيه امحق رزانه فيج
وعقب وصلوا المطار وكان هزاع وسعيد وراشد وفارس موجودين هناك توايهوا الشباب وسعيد سار يسلم على ام خالد الي كانت فطامي طبعن واقفه حذالها
ام خالد: وينك انته امرة مقاطعناا
سعيد: والله مغشوول خالتيه السمووحه منج
ام خالد: حتى ذاك اليوم هلك يو صوبنا ونته ما ريناك وياهم
سعيد: هيه كنت ميهوود ذاك اليوم والله
ام خالد: هيه سلامتك الغالي وعيل شحال عربك وتواليك ربهم الا بخير؟
سعيد: والله كلهو بخير ونعمه
فطامي فخاطرهااا:هذا بعد ويانا والله قفطه ما انسى ذاك اليوم
سعيد فخاطره : ياويل حاليه والله
( فطامي كانت متغشيه في المطار بس سعيد عرفهاا لان محد غيرهاا بنيه وياهم )
خلاف ساروا قاعه الانتظار عقب ما توادعوا ويا خالد
فطامي يلست ترمس ساره
حمدان: ايييييييييه انتي بسج سوالف الحين بطير الطياره
فطامي : كيفيه بعدهم
حمدان: حشى من الصبح ترمسين فالتلفون بسج
فطامي : انت تغار لان محد دقلك ؟!
حمدان: والله الحمدالله رمست كل ربعيه بس هب شراتج ابطي وياهم
فطامي: انزين حشى .... يلا ساروه فديتج هذا الصدعه اللي عنديه تامرينيه بحايه ؟
ساره: منوو؟
فطامي: حمدان حد غيره
ساره: اها انزين هيه اباا منج أي شي تاخذينه حق عمرج خذي منه اثنين
فطامي: وياراسج بدال ما تقوليه سلامتج
ساره: اوكي سلامتج وشوفتج وبقاج في الدنيا
فطامي: سلامي علييييييييييج يلا مع السلامه فديت خشمج
ساره: بحفظ الرحمن
وعقب ركبوا الطياره وطارت بهم
وفي النمسااا الصبح كلهم نشواا والريم وشواخي تلبسن وتكشخن وسارت تحت في الرسبشن يترين قوم فطامي( لانهم حاجزين كلهم فنفس الفندق)
شواخي: والله تولهنا ع مويز
الريم: هيه والله فديتهم لهم وحشه
شواخي: اممم انزين متى بيوصلوون قوم فطامي بطوا وايد فخاطريه اشوفهاا وتعرف عليهااا اخت القلب ههههههههههه
الريم: هههههههههههههههه الله ينطب عدوووج تدرين عاد فديتها شراتج خبيل ههههههههه
شواخي: اوووووووووووه عجيب والله عيل شكليه بطبج وبرووح عندهاا ههههه
الريم: وياراسج اهووون عليج تخلينيه
شواخي: لا ابدن ما تهونين يهوون الي يهينج علنيه افداج وفداا غمازاتج
الريم: هههههههههههه تتفداج العافيه والله
شواخي: اتخبرج هزاع القلب ما بيي وياهم؟
الريم: لا مابيي هزري لانه بيسافر ويا ربعه المانياا احسن بعد
شواخي: اهاا اشووفج زعلانه
الريم: فعينج زعلانه والله مستانسه وايد يكفي بس انه فطامي بتي وانا ادري من زمان هب الحين ان هزاع ما بيي وياهم
شواخي: تخيلي تتفاجئيين انه ايي وياهم
الريم: لالا مستحيييييييل فطامي ماقالت اليه
شواخي: انزين شفيج معرقه ههههههه لو يا ويياهم شو بيستوي يعني
الريم: وين معرقه وشحقه بعد صدق انج خبيل ما بيستوي شي خلاص غيري السالفه
شواخي: ههههههه عصبت وهذا الي ابااه انا هههههههه
الريم: حرام عليج انتي ليش تحبين تنرفزينيه
شواخي: خلاص خلاص يا الدلووعة اسميج ما تقهرين حايه سمعي بعد عليج هالبيتين البارحه كاتبتنهن
الريم: تقوول الشاعره شواخي
شواخي: حبي ...
وثاني قاطعهاا : هاا شو تسون؟
شواخي: بسم الله حشاا انته ف كل بقعه نشوفك خلنيه اكمل البتين عن الصدعه
ثاني: لا حوول وانا شو يايبنيه هني انزين يلا عدي علينا فكيناا والله ادري انهن مصخره هالبيتين بس يلا ماعليه
شواخي: صخ وبس هب لك انته اعدهن حق عرب عيونهم سوود ووساع هب فصووص احم احم
حبي لك اشوفه شي قليل ونظرات عينك ترجعلي الحنين
انته بس وحدك ابي لي خليل لا تبتعد عني وتزيد فيه الونين
باقي حبك معي وماله بديل ما اقدر انسى حبك ولو مرت سنين
والسلوومة

الريم + ثاني : صح لساانج
شواخي: صح بدنكم
ثاني: حق منو هاا اعترفي؟
شواخي: تدري عاده حق هذاا الي هنااك في الرسبشن هههههههههه
ثاني: وياراسج ماعليه بيوصل حق السيافي ان شااء الله
شواخي: تراك ذليتنيه خبره ربك يحس بعد
ثاني: يحس فشوو؟
شواخي: هااا ما يحس فشي خلاص اقطع الموضووع وفارج واجلب ويهك وعطنا مقفاك
ثاني: قدهاا؟
شواخي: وقدووود
عقب دق تلفون ثاني وكان ابووه متصل عشاان يباه فحايه
ثاني: حظج انه ابوويه الي دااق بنشووف خلاف
شواخي: هيه صح ترا يقولوون الشرده نص المريله
ثاني: صخي صخي وياهالويه
الريم: حشااا انتو لازم كل يوم تتياحدوون ماترتاحوون
وسار ثاني فوق
شواخي : اوووف ملينااا لو ثاني هني يمكن يخوز الملل ............... اقولج طالعي هذا؟؟!
الريم : منووو؟؟!
شواخي: صدي يسارج شكله عربي هب اجنبي
الريم لفت وابتسم لهاا: خيييييبه تخيب العدووو شو هذا صدقينيه هذا مواطن
شواخي: هزرج؟؟؟ شكله تبين الصدق ما حد غيرهم مقلع هههه
وخطف عدالهن ويرمس بالتلفون اماراتي
الريم: سمعي الرمسه صدقينيه هذاا اماراتي بدوي بعد هههههه
شواخي: هيه والله
الريم: فطااااااااااااااااااااااا ااااااااااااااااااااااااا ااامي فديتج وسارت ولوت عليهاااااااا وسلمت ع ام خالد
ام خالد: وشحالج الريم وشحال عربج ربج وربهم الا بخير؟
الريم: بخيييييير وسهاله خالوووه ما يشكون باس ومن جداكم ربكم ما آنستواا تعب في الطياره؟
ام خالد: الا تعب يا بووج هالطياره يامعتيه تكسرت
فطامي: اوووب يالريم كل هالكشخه اليه اناا
الريم: افاااعليييييييج اكيد لج وهي صح نسيت اعرفكن ع بعض فطامي هذي شواخي بنت عمتيه الي دووم اخبرج عنها
فطامي: يا مرحبااا الساااااااااع بالشيووخ والله
شواخي: مرحب باااااااااااااجي ولا هان علنيه افداج
ودخل هزاع الرسبشن ! ! وهو لابس بنطلوون رمادي وقميص اصفر فاتح ولابس نظارة ولابس كاب وشوي شعره طالع من ورااا وحاط سماعه البلوتوث فاذنه ويرمس ويضحك وتقويمه لونه اسود >>>> يعني شكله عنيييييييييف ^^
الريم فجت عيووونهاا من شاافت هزاع وفخاطرهاا: لالا ما صدق شكليه اتخيل والااتوهم هذاااا هزاع ؟؟؟ شيايبنه هني وشقايل فطامي ما خبرتنيه ع الاقل يكون عنديه علم انه ياي ياااااااااويل حاليه عليه صدق انه عذااب كم بعيش عقب شوفته ولقيااه
وفطامي انتبهت على الريم وشوي بتنقع من الضحك هي بالعاني ما خبرتها عسب تتفاجئ وتنصدم
والا عاده حال هزاع من شااف الريم وهووو مستانس الا مشتقق من الوناسه وحس ان سعادة هالكون كلهاا بايده فهذي اللحظه لحظة شوفت ريم العين والريم طبعن هب متغشية وهب لابسه عباااه لوووووووووولز بس سكااارف وطبعن لبس
وشواخي بعد عرفت انه هذاا هزاع الي تحبه الريم لانها قبل شافته في الصوره وفخاطرهاا: يالبيييييييييه هب رحامه عليه والله انه احلى عن الصوورة بالف مرة ما تنلام البنيه >الريم يوم طاحت في هواه
هزاع: مرحبااا السااااااااع ........... اميه يلسي يلسي ع الكراسي لين ما خلص وارتب والين ما يشلون القشاار فووق في الشقه
ام خالد: تسلم فديتك علنيه لا خليت منك انت وخوانك الروحن ركبيه متعوقات من هذي الطياره انا بيلس هنا عن تنسونيه وتخليونيه
هزاع وهو يطالع الريم: افااا اميه حد ينسى الغالي ينسى عمره ينسى الورد بعد شمه ينسى رووحه الا كله ولا يفكر بمجرد التفكير ينسى غاليه >>>> الريم فهمت انه هزاع يقصدها برمسته لانه يطلعهاا بس ما بينت له أي مشاعر بالعكس كانت عادي طاف ولا كانهاا تحبه
ام خالد: يعلنيه ما ذووق حزنك فديت خشمك والله
هزاع: امييييييين ولا حزنج ولا حزن الغالين يلسي اميه انا بسير عنج وسار هزاع يعابل بالقشار ويرتب وياخذ مفاتيح الشقه لانهم هم اوريدي حاجزين من قبل وسعيد ويااه كان اما بو خالد وحمدان وراشد طايحين سوالف ويتمصخروون هع هع
الريم: خالتيه تعالي عندنا فووق شعنه تيلسين هني وابوويه محد الحين ظاهر هو وعميه ( بوزايد وبوسيف وثاني وزايد وهزاع ظاهرين)
ام خالد: اسميه راي حي اخير عن هنا وبعد بالمرة اسلم على امج تولهنا ع رمستها ويلستها ويانا......... ولديه هزاع
هزاع: يالبيييييييييه
ام خالد: لبيت حاااي ان شااء الله اناا بسير عند ام زايد فشقتهم تيمل خلاف تعال اليه الشقه
هزاع : زين تسوين بس كم رقم شقتهم عسب ادلهاا ؟ >>> هو استانس عشان يعرف بعد مرة وحده كم رقم شقة قوم الريم هههههههه
ام خالد: مادري ولديه بتخبر بنتيه الريم....... الريم كم رقم شقتكم؟
الريم: شقتناا ؟ هي تفشلت لانهاا جدام هزاع بترمس هع رقمهاا (_ _ _)
هزاع فخاطره: فديت هالحس ياربيه لا خليييييت منه ولا من راعيه ... خلاص اميه انتي سيري ويا البنيات فوق وخلاف انا بزقرج
وسارت ام خالد ويا البنات الشقه وشافت ام زايد وسلمت عليهاا وتموا يسولوفون
فطامي: شرايكن نظهر طشونه؟
شواخي: يلا فوووووقه
وظهرن يتمشن في الفندق ويلعبن باللفت لووووووول عبالهن مووول هع هع
وهن يتمشن يسمعن صدعه: >> مهير تعاااال ابا اسير وياك
مهير : وين تسير ويايه يلا ماشي دش داخل
شواخي: هذا الغبي الي شفناه مساعه
الريم: هيه هوو
فطامي: سلامي على اسمه فذمتيه انه طرر
وخطف مهير عدالهن وابتسم: السلام عليكم
كلهن : وعليك السلام والرحمه
وعقب ردن مرة ثانيه عسب يركبن اللفت ويسيرن الشقه وهن يترين اللفت فتح وكان مهير
مهير: امي عني فداش مافيه اشله خليه فالشقه ني بظهر ويا ربيعي الساع ...... اووووف صبر ايووب ع بلوااه انزين الحين بيي صوبش
وهن ركبن اللفت
شواخي: هههههههههه بيبطي جان يبا يكون شرات صبر ايووب اقولكن هذاا من شباب العين والا بوظبي متاكده محد غيرهم مقلع ههههههههههههه
الريم: حوووه كله ولا شباب العين ولا بوظبي لا تيبين طاريهم ابد
وتموا صدعه الين ما وصلن الشقه >>>>> طبعن كلهن صخن لانه هزاع كان واقف عند الشقه
فطامي: شبلاك هزاع واقف هني؟ هاا اعترف قول منو تترياا؟
هزاع : ههههه لا فديت خشمج ارقب اميه تظهر عشان تروح شقتناا وترقد طشونه
فطامي : وينها شقتنااا خلنيه انا بعد بسير اوطي راسيه والله تعبانه وابا ارقد
هزاع: على ايدج اليمين رقمها - - -
وطبعن الريم وشواخي ما طاعن الا انهن يوصلن فطامي الشقه وخلاف ردن وطبعن الحريم ما يشبعن من السوالف لو انهن ميهودات هع ودخلن شواخي والريم >>> وراهاا
هزاع: الريم؟؟
الريم: لبييييييه
هزاع: ياويل حاليه لبيتي حايه وانا معاج ان شااء الله بس فديت خشمج لو ماعليج امر زقري اميه
الريم طالعته بنظره وسارت عنه وزقرت ام خالد وهزاع حاله ما تسر من شافته الريم بذيج النظره وحس بغصه فقلبه: ليش جذي الريم طالعتنيه آآآآآآآآه يا ريم ارحم من هويته لا تستوي قاسي ومملوح
وسار وصل امه الشقه وهو سار عند قوم سعيد هو بييلس عندهم وطبعن رقدواا من التعب
اما بو زايد وعياله وبو سيف وعياله بعد وشواخي ومايد وساره طبعن ظهروا ساحة استيفنز وهي جريبه من الفندق وفيها المقاهي والمحلات التجارية والمطاعم تموا يحوطوون هناك ويستكشفوون البقعه واكيد يصوروون اهم شي وكانوا وايدين عرب فهذي السااحه وخليجيين خاصه
الريم: اووف طالعي البقعه احلى عن ويهج ههههههههه
شواخي: فقتج ياربيه من متى كل هالدفاشه فيج
الريم: متعلمتنها منج اكيد
شواخي: طالعي جان ريتي هب هذا الغبي الي ويانا في الفندق شسمه اممممم المهم نسيته حشااا فكل بقعه سرنالها نشوفه فويهنااا جاده الا يلاحقناا
الريم: هههههههههه اسميج سوالف وشعنه يلاحقناا مسكين شرات ما نحوط هو بعد يحوط
شواخي: بس بس خلينا نيلس ونطلبلناا كابتشينوو ع حسابج متصووعة والله عليه
الريم: افااعليج من عيووونيه
شواخي: فديييييت هالعيون لا خلا منهن ياربيه يلا يلا يلس صكي الدعنه
وطلبن كا بتشينوو >>> اسميهن بطرانات كلهم يالسين ويا بعض الا هن يالسات يحووطن ويتصورن ويا الاجانب
شواخي: ايييييه ريمووه اقولج شو كان يباج هزاعوووه يوم زقرج مساعه
الريم": متى؟ وشو هزاعووه فعينج هب اصغر عيالج
شواخي: حوووه لا تمين تستهبلين عليه هب عليه هالحركات كاشفتنهن
الريم: لا بس زقرنيه عشاان ازقر امه
شواخي: اممم شو قالج ادري شي قالج لانج يوم زقرتي امه كنتي شوي معصبه اناا متاكده شي قالج قولي قولي الريم: اسميج الا تحبين العلوم
شواخي: احب هالسوالف قولي
الريم: اممم عادي ماقال شي مهم بس يوم زقرنيه قلت لبيه وقال ياويل حاليه لبيتي حايه وانا معاج
شواخي: اووووووووووووووووووووه انزين ونتي شو رديتي؟
الريم: شرايج يعني عصبت عليه سكت عنه وعطيته مقفايه
شواخي: هيه جذي ابااج بس تبين الصدق اول ما شفته ريماني صدق صدق انه غرااام احلى بوايد عن الصوورة
الريم: يس يس ادري
وخلاف الفليل ردواا الفندق كلهم وكان جدامهم هزاع وسعيد وراشد
بوزايد: مرحباااااااااااا الساااااااع بو حمدان وشحالك ياربك الا بخير؟
هزاع: مرحب باجي والله ولا هان ..... وتوايهوااا والله كلنا بخير وسهاله وشالحال من صوبك؟
بوزايد: تسرك الحال ولا تضرك
هزاع: عيل هاا من وين ضاوين؟
بوزايد: والله الا هنا في هالبقعه سرنا صوب ساحه استيفنز حذال الفندق امرة
هزاع: هيه وشو غاويه؟
بوزايد: هيه والله تبا الصدق باجر كلنا بنسير لهااا شرايكم الشباب؟
كلهم: تم
بوزايد: يلا عيل اترخص عنكم مع السلامه
وسارواا الشقه
وهزاع وسعيد وراشد ساروا صوب الساحه ويلسوا هناك وراشد سار يصوور لووووول
سعيد: طالع بو سنيده اسميه الا فايق هالريال .... اونه بيحط الصور في المنتدى اقوولك هب صاحي
هزاع: خله خله يستانس حليله بو سنيده
سعيد: شبلاك هزاع هب عايبنيه شكلك لا يكون صار شي يديد؟
هزاع: ماشي يديد غير الجديم الي دوم نجلبه وعفنا شوفته وطاريه
سعيد: اممممم انته رمستها؟
هزاع: اقوولك خلاص احسها عايفتنيه ياريال
سعيد: لالا ما ظن دوم البنات كذيه يتغلن هههههه
هزاع: تعرف والله من دريت انهم وياناا في السفره هذي قلت لازم استسمح منها واخليها ترضا عليه عسب من نرد البلاد اخطبهاا من ابووها بس اتمنى انها تبين لو بنظره انها سامحتنيه مابغي شي غير
سعيد: لا ان شااء الله بتشووف عليه انها بتسامحك وان شااء الله بتكون من نصيبك
وخلاف ردوا الفندق واليوم الثاني العصر كلهم اتفقوا انهم يسيرون الساحه ويا بعض
شواخي: شو انتي مينوونه بتمين هني لاحقه عليهن الصوور
الريم: بعدين بلحقكن هناك هب من بعدها الساحه ع الفندق
شواخي: لا والله انتي شو عبالج بلادج امن وامان هذي دار غرب والله ليشلونج عاده هم الروحهم ما يحبون العرب وايد
الريم: انزين من اخلص بتصل على حد وبسير وياه
شواخي: اوك خلاص عراحتج واقوولج يوم بتنزلين الصور ع الابتووب لا تنسين تيبين الكيمراا اهم شي عشاان نتصور رباعه انا ونتي وفطامي
الريم: افااا عليج بعد هي عشان المنتدى لازم نصوور صور كشخه
شواخي: اوك نرقبج هااا
وكلهم ظهرواا حتى قوم فطامي ( كلهم رباعه ساروااا)
وتيمعوافي السااحه وهزاع تم يدور الريم من بين البنات ما شافهاا استغرب عقب زقر فطامي اخته وقالتله انها في الفندق بعدهاااا وانها بتي خلاف عاده هوو ما حب انها تي الروحها الفندق فساار صوب الشقة وتم يفكر شو يسووي ... امممم شسوي امممم ليش ما استغل هالفرصه واتصللهاا واستسمح منها ربهاا تسامحنيه ... وتصل هزاع الريم طبعن ما شلته وتم يدق وثالث مرة شلته الريم بس ما رمست
هزاع: هلا الريم وشحالج ,,,, اممممم اوك هب لازم تردين عليه بس الي اطلبه الريم والي طلبته وايد منج واحس انيه انذليت وانا اطلبه لكن كل شي يهون عشاانج دخيييييييلج الريم سامحينيه والله هب قصديه االعب عليج
الريم:..........
هزاع: الشيمة الريم تردييييييين عليه لو بكلمة وحده بس ليش تعذبينيه ليش انتي قاسيه جذاا ما كنت ادري انه الحب قاسي جذي والله يا الريم انيه احبج وندمان ما تتخيلين شقايل ندمت ع الي سويته الريم يهوون عليج الحب الي كنتي تحسينه صوبيه الريييييييم انتي يعني ما تحبينيه الحين ؟؟؟؟؟؟؟؟؟؟؟؟؟؟؟؟؟؟؟؟؟؟
الريم:.........>>>>>>> وهي كانت تصيح وحطت التلفون ع الاب توب وشغلت اغنية عيظه المنهالي <<<< مالك عذر

وهزاع يسمع

مالك عذر لو تعتذر ما عذرناك يكفي رجا لا ترتجي من يجافيك
ان كانت الفردوس في كف يمناك القلب صار ابعد من قلوب اياديك
قلبي مع قلبن يحبه وذكراك لا يوم مرتني ولا مر طاريــك>> دمعت عينه
لو تهذي بصوتك تراا ما سمعناك خل الصداا من عقب صوتي يسليك
رغم الندم لو تندم الدهر بنساك وعلى عما سود الليالي بخليك
انسى ودادن بالمحبه عطيناك واللي مضى واللي انقضى بس يكفيك
مات الغلا في خافقي من جفيناك حتى المشاعر ترفض اليوم ترثيك>>> حس عمره خلاص بيمووت وهو يسمع الاغنية وعيونه انترسن دمووع
لالا تقول الحب قاسي وبكاك لك قلب اقسى من حجر من يبكيك
لك كنت اعظم حلم ساطع بدنياك لا تظن تنجب لك بمثله لياليك

وسكرت الريم امرة واما هزاع تم فايده وحاطنه ع اذنه وعيونه غرقانات دموع ودخل سعيد ربيعه
سعيد: انته هنا وانا يالس ادورك شو تسوي يلا خلنا نسير عندهم في الساحه
هزاع:.........
سعيد:؟؟؟ شبلاك هزاع وسار وقف جدامه ........معقوووله هزاع يصيح شبلاك رب ما شر حد صار له شي احيدهو كلهو بخير وسهاله
هزاع لوى على سعيد وهو يصيح
سعيد: والله لتخبرنيه هزاع شفيك انتانته عمرك ما صحت كذيه
هزاع: ليش ليش يا سعيد ليش تعذبنيه انا والله احبهااا والله والله
سعيد: يعني انته تصيح ع وحده من متى يا هزاع ونته الي تقوول هب ريال الي يصيح ع بنيه لا ما اصدق انك انته هزاع الي جداميه هو نفسه الي قال هالرمسه
هزاع: والله ما كنت ادري لين ذقت الحب وعذاابه
سعيد: خلاص هزاع الي ما يباااك لا تصيح تبغيه شو مابقاا غيرها ف البلاد والله انك عورت قلبيه عمريه ما تخيلت انيه اشووفك تصيح كذيه والا تكون حالتك كذا
هزاع : آآآآآآآآآآآآآه يا سعيد ليته قلبيه بايديه جان نزعته من اقصااه بس انته تدري انه القلب هب بايد الانسان وما اقدر اتحكم بمنو يحب وبمنو يكره
سعيد: ايلس هزاع بييب لك مئ ..... وسار سعيد ويابله ماي
هزاع: شسوي يا سعيد؟
سعيد: انساها وخلها تولي عساهااا ما تتوفق يوم خلت حالتك كذيه
هزاع: جان تعزنيه سعيد لا تدعي عليهااا لانك انته يوم تدعي عليهااا كانك تدعي عليه
سعيد: بعد والله انته عقلك هب فراسك صدقنيه
هزاع: صح الحين عقليه ما يتحكم فيه الا قلبيه هو يتحكم بمشاعريه وبالي اقووله
سعيد: انا بسير وبرد وان شااء الله اشووف حالتك احسن عن الحين
وظهر سعيد والريم بعد كانت ظاهره سعيد شافهاا وتم يطالعها باحتقااار
الريم استغربت من نظرات سعيد وليش جذيه يطالعهااا هي ما سوت له أي شي
سعيد: انتي شو ماعندج قلب ماتحسين وساااار عنهاا
الريم:؟؟؟؟؟؟؟؟؟ هذا ليش جذا يرمسنيه منو يكون شسالفه اممممم يمكن هزاع خبره شي امممم والا هزاع فيه شي لالا شسوي ياربيه ونزلت الرسبشن وكان ثاني وشواخي هناك لانها هي دقت الهم عشان يووون عندها
وساروا كلهم ساحه استيفنز ويلسواا الريم وشواخي وفطامي ويا بعض
الريم : امممم فطامي انا خبرت شواخي الي صار بينيه وبين هزاع اخووج
فطامي: صدق ؟؟؟؟
شواخي: هيه صدق شبلاج منصدمه عادي فديتج
فطامي: اهااا بس والله يالريم انه هزاع الحين يحبج
الريم: ........ اممم انزين بخبركن سالفه توها استوت وما اعرف اذا الي سويته صح والا لا
شواخي: شو شوو شو استوى؟
الريم: امممم هو دق عليه تلفوون
فطامي: صدق فذمتج وشقايل يدقلج وانا كم مرة قلتله ما يدق
الريم: والله ليش اجذب عليج دقليه كم مرة ما رديت عليه وخلاف شليته وتم يقول انااسف وهب قصديه بس اباج تسامحينيه هب شي ثاني
شواخي: انزين وخلاف شو سويتي قلتيله مسموح
الريم: امممم لالالا << وتمت تصيح
شواخي: عيل شوووو سويتي؟
فطامي: فديتج الريم لا تصيحين خلاص برايهاالسالفه سكريهاا
الريم: حطيتله اغنية مالك عذر
فطامي:.................؟؟؟
شواخي: اووووووووف صدق عاد هذي الاغنية كلماتها قويه من الخاطر شقايل حطيتيهاا ما صدق
الريم: والله ماعرفت شسوي حسيت انه هالاغنية تنااسب الرمسة الي قالهااا
فطامي: انزين خلاص فديت خشمج برايه محد قاله يدق عليج
الريم: وتعرفين شو استوى يوم اباا انزل من الرسبشن ربيع هزاع طالعينه بنظره وقال انتي ما عندج قلب ما تحسين
فطامي: من من ربعه؟
الريم: هذا لي دووم وياه ماعرف شسمه
فطامي: سعيد اكيد وهو منو يكون يقولج هالرمسه يعني انا الي اخت هزاع ما ييت وقلتلج جي هو باي حق ايي ويقوولج عادي الريم انتي ما سويتي شي غلط وانا شراتج لو استواليه هالموقف الا يمكن اسوي اكثر عن الي سويتيه
الريم تنهدت
شواخي: حووووووووه بسكم من هالسوالف حب وغراام الريم اييييييييه انتي سويتي جذيه ومقتنعه وخلاص لا تمين تفكرين بشو سويتي وبشوو ما سويتي يعني لو فكرتي بتردين الزمن ورا لا اكيد وهي فطامي اخته ما قالت لج انج سويتي شي غلط ليش تلومين بعمرج بس خلاص يكفي خلينا نسير نتمشاا نحن هزري ياييين نسوولف ونستانس هب غير صح والا لا
الريم: خلاص اوك فديتج سيري استانسي
شواخي: عيل والله ما انش دامج بتيلسين هني يلا بسج نشي وتمت تقرقطهاا
الريم: هههههههه بس اييييييييه وياراسج انزين خلاص بسير ويااكم حشاااسميج ملغووثه ههههههه
شواخي: لالالا ما يطيع زينج محد غير ثاني ملغووث وينه والله وحشتنيه سوالفه
فطامي: منو ثااني؟
الريم: ولد عميه الي خبرتج عنه
شواخي: العاشق الهيمان ههههههه
فطامي: هيه ذكرته وينه فخاطريه اشوووفه والله من تخبرينيه عنه ارووف بحاله اسميج معوقتنه الريال
الريم : يوم بشووفه برويج ايااه
وتمن يتمش الريم: هذووه فطامي الي لابس بنطلون ابيض وقميص اسود
فطامي: صدق حليووو ما تخيلته جذيه
الريم: هاااا عيل شو تخيلتيه
فطامي: ماعرف بس تعرفين من شكله يبين انه خايس
الريم: شفتي عاد يبين انه من الصيع ههههههههههه
شواخي: حوووه لا تغلطون على ولد خاليه
الريم: بس بس لا تضحكينيه اونج دافعين عنه ونتي الروحج تسبينه فويهه
شواخي: انزين سبنه فويهه ولا ترمسن من وراااه لحظه بروح شوي عنده بغايضه هو الحين هب رايم ايي هني اونه يستحي من فطامي بس من ووين ياه الادب فجاة مادري سبحان الله
الريم: هيه والله صدقج ريحنا من الصدعه
في شقة قوم هزاع
سعيد: شوو بعدك يا ريال انساا خلاص شو بتم كذا
هزاع: والله يا سعيد احبهاا تعرف شو يعني احبهاا يوم بتعرف هالاحسااس بعدين ما بتقوول هالرمسه الي الساع تقولها
سعيد: ومنو قالك انيه ما احب يا هزاع بس بقوولك شي كرامتيه تكون اهم من الحب
هزاع : اكيد وانا ما نزلت كرامتيه يا سعيد بس كنت استسمح منهاا وانا الي كنت الغلطاان
سعيد: اوكي ما قلت شي استسمحت منها مرة مرتين وبعدين ما طاعت تسامحك وبتم كذيه الين متى ونته تترشاها عسب تسامحك
هزاع: لين ما تسامحنيه
سعيد: انزين بس خلاص خلناا نطلع نحن يايين نستانس
هزاع: يلا اوكي
ظهروا من الفندق وهم يمشوون
سعيد: اممممممم هزاع وديه اخبرك شي بس اخاف من ردة فعلك
هزاع: شووو خبرنيه عادي
سعيد: امممم والله اخاافك تزعل منيه
هزاع: ازعل من الدنياا كلها ولا ازعل من خويي ارمس افاا عليك
سعيد: اوعدنيه قبل
هزاع: اوعدك
سعيد: تشووف يوم انا طلعت من الشقه شفتهااا جداميه
هزاع: شفت منووو؟
سعيد: شفت الي مزعلتنك
هزاع: اهاااا صدق وكيف كان شكلهاا
سعيد: ما انتبهت بس انا قلتلهاا وانا محرق منهاا انتي ماتحسين وماعندج قلب
هزاع: فذمتك؟؟؟؟؟؟
سعيد: هيه والله ماعرف شقايل قلتلها كذا
هزاع: شو قالتلك هي؟
سعيد: ولا شي ما نطقت بكلمة بس انا سرت عنها امرة من قلتلها الرمسه
هزاع: اهااا يلا انزين عازمنك ع كابتشينوو الا صح انشدك وين رشوود ماريته
سعيد: اوووووه رشوود نساانااا وسار فيا اخووك حمدان هههههههههه
هزاع: يحيه والله
ويلسوا سعيد وهزاع ع الطاوله يشربون كابتشينوو
راشد: اييييييييييه ودز سعيد من ورااا
انجب على سعيد الكابتشينوو : حووووو شفيك انته كبيت عليه الكابتشينوو اسميك الا مطيوور
راشد: انزين حشاا كلت فوادي
هزاع: قالولي انه بو سنيده زعلان منا ابد مايي عندنا
راشد: لا والله ابدن هب زعلان بس ايلس ويا حمدان اخووك هيه صح نسيت اعرفكم هذااا مهيررر ويانا في الفندق
هزاع: مرحبا السااااع مهير
مهير: مرحب باقي
حمدان: هزاع هذا ربيعيه من العين متعرف عليه في الجات
هزاع: والله زين وطلع فنفس بقعتناا
حمدان: شفت الصدف
سعيد: يلسوا يلسووا وشله واقفين
ويلسوا كلهم
حمدان: اقوول مهير ما ضويت ع وحده من النمسا احيدك ما تصبر بلا البنات
مهير: اسميك الا فضيحه
حمدان: عادي عادي فديت خشمك ترا كلهم شرات طينتك الا انا فديتنيه بعيد عنكم
هزاع: اوووه مهير انت كم عمرك؟
مهير: الحين 19 هالشهر بكمل 20
هزاع: ويييييه بعدك صغير
مهير : بس ماعليك ذيب ما يهاب الذيابه
هزاع: انته من العين مهير؟
مهير: هيه نعم من العين فديتها وفديت ريحتها مب هذي البقعه الله يخسهاا
هزاع: آآآآآآآآآآآه ياويل حاليه ع العين والي سكنهااا
حمدان: منو سكنهاا هاا ؟ جكيناك يا بو حمدان
راشد: انا قايل هزاع الا متصوب بوحده مناك قول قول عبر عن مشاعرك
سعيد يطالع هزاع ويغمز له : لا متصوب ورايح فيها بو الشباب
مهير : منو الي ما خذ قلبك هاا من الهير اكيد
هزاع: لا هب الهير قلبي خذاه لي ساكن العييين غرن جميل ومرهف سلوب فتان بالنظرات يسبي فايج على الخفرات حبوب
حمدان: ايه حوو حو صبر صبر احيدها دبي شبلاك غيرت
هزاع: اغيرهااا من الهوى الي حل بي
مهير: صح هزاع فذمتي صدقت العين العين فديتها هههههههههه
سعيد: صخوا عنه ياخي الريال متصوب الا متخشع تخشيع

عند قوم الريم وهن يتمشن
شواخي: ايييييييه يوعانه والله ميته يووع
فطامي: انتي دووم يوعانه تونا شاربين كابتشينوو
الريم: افاا علييييج شواخي عازمتنج على ماكدونالز
شواخي: لا تقصين عليه غير بيتزا هتت ماشي يلايلا عليييييج الحسااب فطامي لا تستحين طلبي الي تبينه ابدن لا تخلين شي فخاطرج
الريم: هههههههههههههههه اسميج الا مفقرتنيه

هزاع شاف الريم جدامه: واصبحت لا ميت ولا حي يوم التقيبه اذووب واذووب منه العذووبه صافي المي من بلسمن بو ريج معذوب
راشد: يا ريال شبلاك انته نحن وين ونته وين
سعيد لف وراا فهم ان هزاع شاف الريم : لا حووول الله يعينك يااخي شبلاك انته بسك ياخي خلاص
هزاع : لي من بدا وتبسم شوي اخضع كسيرن له ومغلوب محلى جنابه يوم يلفي حلون حسين وصدق غرشوب


يلسن الريم وشواخي وفطامي
فطامي: شفتي منو الي كان جدامناا؟
الريم: منو ؟؟
شواخي: انا شفته ونتي خراطه اونج ما شفتيه
الريم: فذمتيه ما شفته ومنو هو اصلن؟
فطامي: اها احسن ماشفتيه ههههههه
شواخي: اذا شافته اصلن بتباغم وما بتسكت هههههههههه
الريم: هيه خلاص فهمت حشااا اسميكن ملغوثاات تيمعتن عليه


مهير: ني بغي ايوول
هزاع: تصدق حتى انااا والله فخاطريه ايوول على هذي الاغنية الحييييين
مهير : امممم من وين نييب هالاغنيه
حمدان: افااا عليييييييكم كل االاغاني فتلفوونيه
هزاع: وشوو تترياا شغلهاا خلنا نرتبش ياخي
وشغلهااا وتم هزاع ومهير مرتبشين ويبسوون بدون سلاح طبعن ولا عصاا بس حركات فالايد وتيبيس
وكلهم تموا يطالعونهم حتى الاجانب مستغربين منهم لوووووول
ومهير نش ويلس جدام هزاع وتموا يبسون رباعه هم الاثنين بس < رايحين فيها هههههههههههه


شواخي: الله الله عجيب الصراحه اباا اسير ايبس عندهم
الريم: هيدي هيدي طشونه شبلاج ينيتي انتي
فطامي: شرايج شواخي نسير عندهم هههههههههههه
الريم: ايييييه يلا ابووويه دق عليه بنسير الفندق لانه باجر بنسير الملاهي
شواخي: لالالا نبا نتم الصراحه الحين عجيب
الريم: والله كيفج المهم انا بسير اوك هذووه ابويه فديت خشمه
فطامي: انا ابويه واميه بعدهم يالسين يوم بيوون بيي وياهم شواخي بتمين عنديه
شواخي: عيل اكيد بتم ما بخليج الروحج شرات بعض الناس
الريم: لا تمين تقولين بعض الناس تعبانه انا ابا اسير ارتاح
فطامي: تعبت من شافت عرب
الريم: هيه صح ياالتلميحات اسمينيه ما عينت خير من خبرتكن ههههههه
شواخي: تحملي الي ياج لازم شوي نسوي اكشن ههههه
الريم: يلا اشووفكن خلاف
فطامي: الريم تلفوونج فيه اغاني وثيمات ؟
الريم: هيه فيه تبينه؟
فطامي: هيه اباااه لانه شواخي تلفونها فاضي
شواخي: ماعنديه مووونه احط اغاني وماعرف شوو شله كل هذاا تره بس حق الرمسه فيه هب شي ثاني
الريم: هيه صح حق البلوتوثات هههههههههه
شواخي: اووووووه ذكرتينيه ما شفت اليوم منو فاج بلوتوثه
الريم: فجي يلا
شواخي: طالعي كلهم عرررب فهالبقعه
الريم: اشوووف؟
فطامي: هزاع فاج بلوتوثه؟
شواخي: شو بلوتووثه ؟
فطامي: تعرفون الشباب كان قبل حاط رقمه بس في الطياره غيرته وحطيت عقيد الغيد
شواخي: اوووه خطير النك هيه فاجنه عاد واحد من الامارات ومايفجه مستحيل
الريم: انزين يلا مع السلامه
ورجعت الريم الفندق مع ابووها واامها واخوانهاا
ثاني اتصل ع شواخي : الوووو انتوا وينكم؟
شواخي: انته وينك مالك حس
ثاني: ليش تولهتي عليه
شواخي: وعثره جان تولهت عليك بس من زمان ما ضاربتك
ثاني: المهم اقوولج وين الريم ما شفتهااا؟
شواخي: مسكين حالك يالعاشق الهيمان سارت الفندق
ثاني: فذمتج؟ اووه شو هالحظ
شواخي: ليش؟
ثاني: ما يخصج بس تولهت عليهاا ما شفتها اليوم
شواخي: يالجذووب وين ما شفتهاا ترانيه اناوياك يوم نييبهامن الفندق
ثاني: انزين هذاك غير يلايلا جلبي ويهج
شواخي: اوووف منك باي
والفليل ردوا كلهم الا الشباب هزاع وربعه
وفطامي وشواخي سارن ودقن الباب ع شقة قوم الريم بس محد فتح
فطامي: ايه ما يبووونج شكلهم
شواخي: هاي الريم تسوي فيه حركة نذاله
فطامي: يلا باتي عندنا
شواخي: بتبطين وايد جان ببات عندكم خلاص بسير عند اخوويه مايد سارووه للو انيه بخرب هههههههه
وسارت شواخي شقة قوم مايد
كلهم كانوا راقدين الا الريم كانت يالسه ع الاب وحاطه السماعات فاذنها يعني ما سمعت الدق ع الباب
الريم: اووووه الساعه كم الحين حشااا غريبه وايد بطوااا معقووله لالا ما اظن شكلهم دقوا ومحد فج الباب بسير اشووف ....... حشاا كلهم رقوود عيل اكيد دقوا ومحد فجلهن وشواخي وين ؟ بسير اطالع وظهرت الريم من الشقه وسارت صوب شقة قوم فطامي ودقت الباب
فنفس الوقت كان هزاع وربعه يايين ودخلوا الشقه مالتهم وحمدان بعد كان ياي
الريم تقفطت
حمدان: السلام عليكم
الريم: وعليك السلام ممكن تزقر فطامي شوي؟
حمدان: من عيونيه
الريم : تسلم
فطامي: انتي وييييينج راقده مسودة الويه
الريم: لا والله هب راقده بس حاطه السماعات فاذونيه وما سمعت دق الباب وكلهم رقوود الي عنديه ... بس وين شواخي؟
فطامي: سارت عند اخووها مايد
الريم: صدق بسير لها عيل
فطامي: لا برايها شكلها رقدت الحين ويت بييب تلفوونج
هزاع ظهر لانه كان يبا يسير صوب اهله
فطامي: اندووج التلفون وسيري رقدي اشووفج باجر
الريم: اووك فديتج مع السلامه ..... وهي تمشي هزاع كان جدامهاا
هزاع: مرحبا السااااااااااع اشووف الممر منور
الريم:......... ما ردت عليه وخطفت
هزاع يودها من ايدهاااا
الريم: فج ايديه مالك حق تيودهااا
هزاع: واذا ما فجيتها بتصارخين صارخي عادي ما بودرج الين ما ارمسج
الريم نزلت راسهاا
هزاع: والحين شو قلتي بتسامحينيه والا ؟
الريم: نزلت دمعت عينهاا : لا ما بسامحك
هزاع: انزين رفعي راسج ولا توخينه وقولي
الريم: انته الحين شو تبا منيه الي بينا هزري انتهاا وما اظن بيعوود
هزاع: صدق انتها بالنسبه لج ؟ انا ما انتها ولا عمره بينتهي لانيه احبج يالريم تعرفين شو يعني هالكلمة
الريم: عطنيه الخاتمه؟
هزاع: دخيلج ساميحينيه دخيل اهلج وغلات غاليج عندج اوك انا غلطت والا نسان يغلط
الريم: هزاع بطل ايديه اذاا حد شافنيه وياك جذي شو بيقولوون ( وكانت هي تحاول تفجها بس دوم الريال اقوى عن البنيه)
هزاع: محد بيشوفنا بس انتي ساميحنيه والله يسامح ونتي ما تبين تسامحينيه؟
سعيد كان ظاهر من الشقه وانتبه على هزاع وهو ماسك ايد الريم
الريم: اوك خلاص مسموح وغيره يلا فج ايديه
هزاع: ابا من خاطرج هب الا ورااه اهوون عليييييج جذي تعاملينيه والله عمريه ما ترجيت بنيه وبعد عمريه ما تخيلت انيه اترجاا بنت
الريم :..........
هزاع: لا تمين جذاا ساكته قولي أي شي
الريم : نزلت دمعت عيونهاااا
هزاع: آآآآآآآه دخيلج لا تصيحين ما ارووم اشووف دمووعج خلاص سيري وانا ااااسف وحطي فبالج لو ما كنتي من نصيبيه عمريه ما باااخذ غيرج ولا بيحل ففواديه وفقلبيه انساان سواج ...... وبطل ايدهاا
وسارت الريم عنه
وتم هزاع واقف
سعيد: هااا شوو استوااا؟
هزاع: ولا شي خلاص
سعيد: ونته شقايل تيود ايدها هزاع شبلاك ؟ انته ترضاا حد يود ايد اختك؟
هزاع: لالالا اكييييييد
سعيد: انزين عيل شله يودت ايدهااا
هزاع: غصبن عنيه والله احبهااااا
سعيد: حتى لو تحبهاااا هذااا هب تصرف تسويه انك تيود ايدهاا
هزاع: خلاص يا سعيد لا تزيد المواجع يكفي الي فيه
سعيد: لا بس لازم تعرف ان الي سويته غلط تخيل انته انه ابووها شاافك ونته ماسك ايدها شو بيكون موقفه وهو يعزك ومامننك؟
هزاع: ما فكرت بهالشي قلبيه يتحكم فيه هب اناا
سعيد: لا يا هزاع خل عقلك الي يتحكم هب قلبك لو خليت القلب الي يتحكم بيسوي بلاوي ومصااايب فكر مرة ثانيه بالي تسويه
هزاع: ان شاااء الله
اما الريم فكانت حالتهااا حاله من شافت هزاع وتمت تصيح وما رقدت ابد الين اليوم الثاني لصبح تلبست وتكشخت لانهم كلهم بيسيرون الملاهي
بوزايد: فدييييييتج الريم ناشه الغاليه
الريم: هيه ابوويه
بوزايد: وشبلاهن عيوونج ؟
الريم: ما رقدت زين
بوزايد: هيه عيل وين خوانج ربج ما نشووا بعد؟
الريم:لالا نشوا بس باجي هزاع الحين بسير اسبحه ونوووف فديتها
بوزايد: وين شواخي عيل غريبه هب هياج؟
الريم: هيه تراها البارحه بطت وانتوا رقدتواا وانا ما سمعت دق الباب سارت عند قوم مايد
بوزايد: هيه زين
ام زايد: الريم فديت خشمج سيري لبسي نووفتي
الريم: يا سلام عليج اميه وشله انا ما دلعينيه ريمانتي
ام زايد: جييييه تبين الدلع كله لج يكفيج ابووج بزنج بزا ما ريته عند حد
الريم: واايه فديت حمد ياربيه
بو زايد: من حقيه ابزيها لا خليت منها ومن ويههاا ياربي
ام زايد: طالعوا انتوا بس
الريم: ليش تغارين اميه هههههههه
ام زايد: ماعنديه مووونه اغااار
بوزايد: لا ماعليييييج تغااار ههههههه
ام زايد: انته ظك هنا خلنيه البس هزاع شيخكم فذمتيه
الريم: فديييييييت اسمه ياربيه طبعن ذووووقي هالاسم
ام زايد: لو سميناه منصوور هب اخير
بوزايد: لالا احلى هزاع دام شيخة الحريم مختارتنه
ام زايد: انت وياهاا ليش تحبووون تعاكسوونيه في الراي
الريم: هوايتنا اميه هههههههه
بوزايد: الكل له فن وهوايه وانا هوايتيه اعاندج يام زايد
الريم: اميه ترا يقوولج هذااا من الحب
بوزايد: هيه صح من الحب
ام زايد: هيه زين يوم هذاا حبكم جذااا مابااه حشااا عنبوووك من حب يوم يسوي جذيه
الريم: فديتج مريوووم علنيه لا خلييييت منهاااا
بوزايد: هيه والله فديتها ههههههه
الريم: احم احم يلايلا بجلب ويهيه تعال هزاع فديتك خلنا نسير عن يقولوون عرب انه عذال
ام زايد: اسميج الا فاصخه الحيااا سيري لبسي نووف وشليهااا وياج وين ما بتسيرين
الريم: اوكي ابا اسير عند شواخي فشقة مايد وساروووه
لبست الريم نووف وسارت هي وهزاع اخوها ونووف شقة مايد وشاافت شواخي هب متلبسة ويالسه لان ثيابها كلهن فشقة قوم الريم
شواخي: نذلوووووه شو سويتي الباااارحه اووونج راقده والا تحبين تتناذلين ويايه
الريم: ويييييييييه فديتج شعنه معصبه وتواقعينيه يعله صبااح خير والله عيل ما سمعتج يوم دقين الباب لانيه حاطه السماعات فاذوونيه ويوم سرت اتخبر فطامي عنج قالت لا تسيريلها اكيد رقدت
شواخي: هيه برقد عيل بتريا الشيخه الين ما تي وتتشرف وتزقرنيه
الريم: يلا انزين انقفضي وسيري تلبسي الحين بنسير
شواخي: ونتي شبلاهن عيوونج بسم الله حشااا تقوول وحده شاربه شي البارحه
الريم: ههههههههه شاربه ويسكي
شواخي: ايييييييييه بس حوووه صدق انج رايحه فيهاا يلا يلا بسير انا اتكشخ
الريم: عيل وين مايد وسارروووه؟
شواخي؟: شدرانيه فيهم من البارحه من فجوليه الباب ما شفتهم شكلهم تحت في الرسبشن


يتبع.....