[لامارا]

الريم: اهاا يلا اوكي انا بسير عند قوم عميه
شواخي: ماشااء الله علييج الا تتمشين شو عبالج كرنيش
الريم: يس يس بحووط خوانيه فديتهم
شواخي: هزاع تعال ويايه فديييييت خشمك ياربيه
الريم: احم احم لالا تتفدين اخوويه يستحي
شواخي: يا خي ليته ع قديه ما خليته فحاله هههههههههه
الريم: الحمدالله والشكر زين يوم انه هب ع قدج والا اسميه ما عين خير
شواخي: هزاع فديتك طالع شو تقوول ريموه ختك انته تحبنيه والا تحب الريم اكيد تحبنيه صح؟
هزاع: لا ما حبج احب الريم
الريم: وووووووووو مسكين حالج يلا لقطي ويهج حشا خيستيه تراب ههههههههه
شواخي: ماعلييه هزاعي بروييييييك بعدين بتي بتقوول شواخي عطينيه حلاوة والله ما عطيك وياراسك فديت هالويه يلا يلا باي
الريم: والله انج حفله سكري انزين الباب بتخلينه مفتوح
شواخي: اكيد بسكره يلا جلبي ويهج وقبضي الباب
الريم: اسميج عووفه بسير بكرامتيه سي يوو
وسارت الريم عند قوم عمها احمد وسلمت عليهم ويلست
الريم: سلامي انتي هني حشاا معسكره اسميج انا حتى ما اشووفج
سلامه: فديت رويض محد عنديه غيرها شسوي يعني
الريم: وين ميثووه عيل ما شفتهااا
روضه: تتلبس شكلهاا
ثاني: يا مرحباااا ملاييييييييين فذمتيه ولا يسدن منوووووورة الشقه والله
الريم: مرحب بااجي منووورة باهلهاا
ام سيف : ثاني فديتك شو بعده مايا البااص
ثاني: لالا بعده توه الناس
الريم: عيل انا يلا اترخص بس حبيت اسلم عليكم
ثاني: ويييييييييييين يالسيييييين
الريم: لا بسير
ثاني: اوك بوصلج
الريم: هب لازم هزاع نووف بتموون والا بتووون ويايه؟
نووف : انا بتم هني
هزاع: لا انا بيي وياج الريم
الريم: فديتك يوم تنطق اسميه ياربيه يلا حبيبي
ثاني: يحظه والله ليتنيه انا الي تقوليله هالرمسه
الريم: بتبطي اسمييييييك وايد ههههههههههه
ثاني: ليش؟
الريم: يلا انا بسير مع السلامه عميه و خالتيه
وظهرت الريم وثاني يا وياهاا << يدور أي شي عسبة يكون وياها لووووووول
ثاني: الريم تولهت عليييييج وايد
الريم: تتوله عليك العافيه
ثاني:
الريم: هزاااااااااااااااع تعاااااااااال ( كن يربع صووب اللفت >> صدعه اليهال لووول )
هزاع كان ظاهر من الشقه وانتبه حد يزقره: لبييييييه؟
الريم تقفطت ماعرفت شو ترد
ثاني سار عند هزاع اخوو الريم
هزاع خطف حذال الريم لانه ساير صوب شقة اهله : ليت انا الي كنتي تزقرينه
هزاع>> اخو الريم: ماباااا اباا العب ماحبك انته >>> يرمس ثاني
ثاني: تعالي شووفي اخووج هب طايع ايي
هزاع سار صوب هزاع خوو الريم : بتي ويايه؟ باخذ لك حلاوة
هزاع >> اخوو الريم: هيه
هزاع: بشله شوي وبييبه خلاف
ثاني: اوكي
الريم: لالالا تعال بخبر اميه عليييك
هزاع فخاطره: ياربيه شوو هالحااااال ليش جذي تعاملنيه شو يعني غياااض هذاا
هزاع << اخو الريم: ماباااا
الريم: خلاص اوك سير بعدين لا تي تربع عنديه
هزاع خو الريم ساار ويا هزاع
ثاني: شبلاج معصبه انزين؟
الريم: هب معصبه خلاص بس
ودخلوا الشقه
ام زايد: وين نوف وهزاع عيل؟
الريم: نوف عند قوم عميه وهزاع عند هزاع خو فطامي
ام زايد: ولد ام خالد؟
الريم: هيه
ام زايد: هيه حليله ريال طيب وحشيم
ثاني: منووو هذاا ؟
ام زايد: هذاا ولد ييرانااا
ثاني : اهاااا زين والله
شواخي: اووب الريم شبلاج ماده البووز حشاا لاصق تحت ههههههههههههه
الريم: سكتي عنيه شواخي ماليه بارض والله
شواخي: شفيج فديتج حشااا اول مرة اشوفج جي معصبه لا يكون بس عرب يالسين هني معصبيبج والله لرووغهم الحين
ثاني: لا لا فديت خشمج ما اقدر ازعلهاا بس ماعرف شبلاها معصبه توهاا بخير الا من شلو هزاع
شواخي: منو شله؟
ثاني: ولد ييرانهم اسمه هزاع جان سمعتي به
شواخي: هههههههههههههههههههه عشااان جي
ثاني: ليش؟؟؟؟؟؟؟؟؟
الريم: خلاص انتوا شفيكم حشاااااا يلا يلا متى بيي البااص مليت
شواخي: بعدين اليه رمسة وياااج
الريم: اوكيك
ثاني: شي عندكن انتي وياهاا ماتبون تخبرونا فيه
شواخي: شو هاللقافه بس انته شو يخصك سر بينيه وبينها فديت خشمهااا تعالي نظهر وخبرينيه
ثاني: انزين انا الي بظهر تمن
الريم: انا اصلن ابا اظهر والله عايفه البقعه يلا شواخي خلينا نسير الرسبشن
وظهرن الريم وشواخي ويلسن في الرسبشن
شواخي: شفيج فديتج؟
الريم: ماشي بس معصبه جذي
شواخي: شي قالج؟
الريم: لا عادي بس كنت ازقر هزاع اخووويه وهو عباله ازقره
شواخي: هههههههه انزين شو قال
الريم: ماشي قال لبيه وعقب طاف وقاليه ليتج كنتي تزقرينيه سخيييييييييف
شواخي: وعند ثاني كل هالسالفه
الريم: لالا ثاني كان عند هزاع اخوويه شوي بعيد ماسمع
شواخي:انزين ليش معصبه
الريم: معصبه لانيه تفشلت تخيلي اقوول حق هزاع اخووويه تعال لا تسير وياه بخبر اميه وقال لا مااباا اونه يبا يسير ويااه صدق قهررر
شواخي: ونتي ليش ما تبينه يسير وياه عادي
الريم: بس جذي ماباه يسير ويااه
شواخي: يعني غيااااض
الريم: هيه
ف شقة قوم هزاع
سعيد: فديت هالصبي ياربيه وفديت عيونه ولد من هذا؟
هزاع: منو تتوقع؟
سعيد: شكله الا ولد حمد بن هناد والا؟
هزاع: علييييك نووور هذاا السمي فديته وفديت ويهه
سعيد: لا تقوول بعد اسمه هزاع
هزاع: هيه والله
سعيد: تصدق يشبه ابووه
هزاع: هيه ويشبه القلب بعد فديته
سعيد: قول كذيه هب من شي تحبه خله خله عنديه بسير فياااه
هزاع: يلا نسير الكوفي
سعيد: يلا بس وين بو سنيده
هزاع لحظه بدقله
راشد: انتوا وييينكم حشاا ماتقروون
هزاع: اسميك ولد حلال الحين ياي كنت اتصلبك
راشد: ليش وين تبون تسرحون؟
سعيد: ابد بس بنسير الكوفي الين ما نسير الملاهي
راشد: وااااااااااايه فديته ولد منو هذاا؟
هزاع: ولد حمد بن هناد
راشد: حبيبي شسمك انته؟
هزاع>> خو الريم: هزاع
راشد: عاشت الاسامي حشااا الي اسمهم هزاع كلهم طرر خلاص انا بسير اغير اسمي
هزاع وسعيد: ههههههههههههههههه
وساروا تحت وهزاع خو الريم وياهم
راشد: مرحبا الساع مهير انته هني
مهير: مرحب باقي هيه هنا ما نهيت بقعه
هزاع: بتخاوينا مهير؟
مهير: وين بتسرحون؟
هزاع: ابد صوب الكوفي
مهير انزين تموا هنا وبنطلب اخير عن الكوفي شرايكم؟
راشد: اسميه راي حي
سعيد: يلا انزين يلسواا

شواخي: الريم شفتي منووو وراج؟
الريم: منووو؟
شواخي: صدي وشوفي
الريم صدت ورااا والي كان مجابلنها مهير وابتسم الهااا
الريم: وليش ما تقوليليه يعني لازم تخلينيه الف

مهير: يعلش الطااااعوووون مرحمش
راشد: مني هذي؟
مهير : هذي الي قدامناا عاطتناا مقفاهاا
هزاع صد يساره وعصب لانه عرف انه مهير يقصد الريم وقاام من الطاوله: اسمحوليه تعال هزاع
مهير: شفيه هزاع حرق؟
هزاع شل هزاع اخوو الريم صوبهاااا
هزاع: شلي اخوووج وسيري فوووق
الريم: انته شو يخصك؟
هزاع: بس قلتلج سيري فوووق وسار عنهااا صوب ربعه وهني مهير فهم انه هذي البنيه تقرب حق هزاع وتقفط من عمره هع
شواخي: يلا تعالي خلينا نسير
الريم: والله ما اسير منو هو اصلن
شواخي: انا بسير انتي كيفج شوفي كان معصب ريماني يمكن عشاان هني ربعه وما يباج تكونين هني
الريم: اوكي سيري كيفج وانا بتم حتى لو ماعنديه حااايه
شواخي: اسميج تحبيييين العناااد من وين يايبتنه
الريم: من حماده فديته>>> ابووها لوووووول
شواخي: ههههههه حشاااا استوى زلمة انزين انا بسير مااباا مشاكل وكيفج انتي
الريم: تيك كيييييير ماي ديييير وصح اقوولج لو شفتي فطامي فدربج زقريهااا خليها تي هني اوك
شواخي: اوك غناتيه باي
الريم تمت زاخه تلفوونها فايدهااا وتلعب
هزاع يشوفهاا وهو معصب منهااا ليش تحب تعانده : ليش تحب تكسر رمستيه هذي البنيه حشااا هب عناااد فيهااا الله يعيين والله
ثاني نزل الرسبشن وشاف الريم يالسه الروحها ومحد وياها: ليش يالسه الروحج هني؟
الريم: كيفيه مزاج شولك خص انته؟
ثاني: اوووب انزين هدي شبلاج عليه شي سويت اناا غلطت عليييييج؟
الريم: لالا ما غلطت اصلن ترووم انته تغلط عليه تهبي
ثاني: ترااهاا قويه لو حد غيرج قالهاا برويه بس انتي ما تهوونين عليه فديت خشمج والله ......اقدر ايلس عندج
الريم: لا لا
ثاني : افااا واهون عليييج اتم واقف
الريم: وليش توقف سير ويلس مكان غير
ثاني: خلاص عراحتج .............. الريم؟
االريم: عووونك؟
ثاني :نار شوقي جنة سنيني المتيم في الهوى راعه ااااه ويلي يوم تجفيني خنقتن من عقرب الساعه
الريم: صح لسااانك
ثاني: حراام علييييييج ليش انتي جذي حشااا ماعندج قلب
الريم عصبت: شو ماعنديه قلب شو قالوولكم جمااد بليااا احساااس حتى الجماد اذاا فريته بيتكسر كيف قلب الانساان بس يكفي حشرتونيه قلبيه ماات خلاص واندفن فقبررره هب عيشة هذي وتمت تصيح وسارت
اما ثاني متصنم ا ول مرة يشووف الريم جذي وتصيح وهزاع انتبه الهااا
هزاع: شوي اسمحووليه وسار صوب اللفت وراح الطاابق مالهم وتم يتلفت يمين ويساار يدور الريم بس ماشافهاا شاف فطامي
فطامي: شو تدوور جكييييتك؟
هزاع: شفتي وين سارت الريم؟
فطامي: لالا شو مستوي؟
هزاع: ولا شي سيري انتي داخل شو تسوين تتمشين هني؟
فطامي: كنت يايه صوب الرسبشن قالوليه الريم تحت
هزاع: لا محد يلا دشي داخل اشووف
وسارت فطامي ودخلت الشقه
وهزاع دق ع اللفت مرة ثانيه عشان ينزل تحت ويوم فج اللفت هزاع انصدم انه الريم في اللفت
وتووهااا بتظهر من اللفت ويوود ايدهاااا وسكر اللفت
الريم: فج ايديه
هزاع: اوك لا تعصبين بس شفيج معصبه اليوم منيه؟
الريم: هب معصبه شو تباا؟
هزاع: ليش عيل تعاندينيه كل ما قلت كلمة؟
الريم: كيفيه ما يخصك انته منو تكووون اصلن؟
هزاع: انااكوون انسان يحبج ويمووت فيييج
الريم:,............
هزاع: ومنووو هذاااا الي كنتي وياه؟
الريم: ما يخصك ما يحق لك تسال
هزاع: انتي صدق ما تحبينيه؟
الريم: هيه ما احبك غصب يعني
هزاع: جذاابه
الريم: اوك جذابه
هزاع: خلاص سيري الشقه انزين
الريم: اسير وين مابا ما يخصك انته
هزاع: ياربيه عهذي البنيه انتي ناويه تذبحينيه؟
الريم: شو خلص الشغل اذبحك وفج اللفت وظهرت الريم عنه
(هم كانوا نازلين تحت بس خلاف هزاع دق ع الطابق الي فيه شقتهم )
وسارت شقتهم وهي فخاطرها: ليش انا قلت جذي وليش اصلن انا معصبه اوووف شو هذااا
شواخي: وييييين فطامي عنج؟
الريم: شدرانيه ما شفتها ابدن اليوم
شواخي: كييف وانا شفتهاا مساعه وقلتلهااالريم تتريااج تحت وقالت بتنزل لج
الريم: صدق لا ما شفتهاا طوووول يمكن راحت وما شافتني لاني عقب ييت هني
شواخي: وشو الي غير رايج توج معانده وموقفة راسج
الريم: ثاني يا تحت وعصبيه وما حبيت اتم
شواخي: اهاااا مسكين حال الثاني والله يحبج
الريم: اوووف منه خلاص عفت حبه كل يوم يقوليه واناا اقووله ما احبك ما يفهم ما يحس
شواخي: هدي هدي شبلاج محرجة انتي؟
الريم: والله مضايجه يا شواخي
شواخي: من شو فديتج كل هذاا لانه ويانا في الفندق؟
الريم: ماعرف والله ماعرف
شواخي: ريلاكس فديت خشمج ولا تعصبين ولاشي برايه طبيه عنج
الريم: والله انيه طابتنه وما اعطيه ويه بسسسسسس
شواخي: بس شو ؟؟؟
الريم: آآآآآآآآآآآه ما شي خلاص سكري السالفه وان شااء الله ما بعصب
شواخي: عيل الا تخبرينيه شو السالفه انتي بعدج تفكرين فيه؟
الريم: اممممم ماعرف
شواخي: هيه صح ؟ انزين هو شي قالج ؟ غيييييير يوم التلفون؟
الريم: لا لا ما قال شي ابد
شواخي: اهاااا زين عباليه بعد والله لو رمسج مرة ثانيه لهد عليه وبقووله بنات الناس هب لعبه وانته ما ترضا على ختك فطامي شقايل ترضااها ع بنات الناس لو تباهاا تراك تدل دروازتهم
الريم: اووب كل هذااا بتقوولينه
شواخي: هيه والله لقووله ولا اخاااف من اطوول شنب
الريم: اسميج ما فيج حيله
زايد: اييييييه الريم وشواخي كلهم تحت ونتن متفيزرات هني يلا انقفضن
الريم: اووووه صح يلايلا شلي قشاارج وخرابيطج
شواخي: فعينج خرابيط يييبي شريط ميحد والا شي خلينا نرتبش في الباااص
وسااارن كلهن تحت وركبن الباااص
( الشبااااب ساروااا كلهم ويا بعض >> هزاع + سعيد + راشد + حمدان + مانع + ثاني وبعد ساار وياهم مهير الروحهم هب ويا الباص بس بيتلاقون هناك لانه في البااص بنات )
ووصلوااا ملاهي البراتر وتجنن وايد وعودة
وكلهم نزلوااا وتموا يلعبووون ما خلوا لعبة ما لعبوووهااا طبعن هب كلهم ويا بعض الشباب هزاع وراشد وسعيد ومهير وحمدان رواحهم وعقب ساروااا ويلسواا ف مطعم والريم وشواخي وفطامي وميثه وسلامه وروضه ويا بعض وصدفه انهن بعد كانن سايرات المطعم نفسه ويلسن هنااك وطلبن
مهير: ويش فيك حمدان صخيت عنا؟
حمدان: لا ولا شي بسني هذربان وايد هذربت
مهير: يا ني تولهت على الشات والا شرايك ؟
حمدان: هيه والله تولهناا ع سوالف الشباب هناك
مهير: وني تولهت ع القلب هناك
هزاع: شو هذاا اونكم تحبوون من الجات ما عندكم موونه هذا هب حب الا خرابيط
مهير: وليش ني عيبهااا والله
سعيد: انتوا يهال بعدكوو ما تعرفوون يوم بتكبروون بتشوفوون ان هذاا هب حب الا خرابيط استناا وبتشوف يا مهير الحب ف العرس هب الجات الشيخ
راشد: وشفيه الجات خييييير؟
سعيد: لا يكون انته تحب مناك؟
راشد: لالالا بس اتعرف مناك
هزاع: طالعوا انتوا انزين ما نطري تتعرف نطري تحب من الجات
راشد: شو خلصن البنات في البقعه عسب احب من الجات يهبي ويخسن بعد
مهير: لانك ما يربت حب الشات لو يربته ما كنت بتقول كذي
سعيد: الله يغنينا عنه وعن بلاويه
هزاع: لو حبيت صدق من الجات يعني بتخطبها البنيه يهبي صح والا لا ؟
مهير: اكيد ما بخطبها اصلن ني ويش بقول حق اهلي عنها
هزاع: وثانين اصلن انته شعرفك اذاا هي زينه والا شينه ربك تكووون خايسه
مهير: وذاا انته متوثق منها؟
هزاع: حتى ولو هااا حمدان اشوووفك ساكت ما علقت لا يكون انته بعد تحب حد من الجات هذا مالكم ؟
حمدان: لالا حشااا انا اصلن لو بحب من الواقع وبتكون جداميه هب من ورا شاشه احبهااا شعرفني فيهاا
مهير: ويييييييش تقوول لا تخلني افضحك ههههههههههه
راشد: جكووووه الريال من وراانا هااا منو هي تعيسة الحظ
حمدان: يهبن والله بنات الجاات ما يسون ظفر الي افكر فيهااا
هزاع: لالالا ما صدق انته تقول هالرمسه منو هي الي ضوت راس حمدان بن عبدالله اسميها مافيهاا حيله
حمدان: ما يخصك فيهااا
هزاع: ليت للحب قاضي جان قاضيته وسجنته وحطيته وسط قلبي ووسط الاعمااق مؤبد للابد وماله مفر من كياني ومن خافي الوجدان
سعيد: ابداااع فذمتيه هالحب وما يسوي
راشد: الله يعين من حب اسميه ما عين خير بو حمدان حتى فكره ضااع منه وقلبه امتلكه خليله
هزاع: الا امتلكه وبس
مهير : اسميك ذكرتني باغنية ميحد يا مليكن ملكني في حرووف اربعه
هزاع: ع العوووووووق هيه والله صدق انه امتلكني ف حرووف اربعه
راشد: حوووووووه بلاكم انتواا حشااا الله ياخذ الحب وطاريه جان سوا بكم جذاااا
سعيد: ماحد سلم من الحب وعذااابه
راشد: حتى انته يا بو عسكووور وانا قلت انته العاقل فيهم
سعيد: لا والله انا فياهو قنصنيه الحب شرات قنص الحباارى
مهير: الهوى ما يوم بي رافي قاسي ولا يردعه خوفي ذقت منه انواع واصنافي من عذاب وجرح مرغوفي
كلهم: مرغوووفي
راشد: والله تراني ضقت منكم يلا يلا بسير عند الشواب اخير عن مجابلكم حشااا ما عندكم غير هالسوالف
هزاع: تعال يا ريال عين خييييير خلاص محد بيرمس انته ارمس اشووف
وتمواا يسولفوون الشباب وهزاع ماسك تلفوونه وفكر يفج البلوتوثاات ويوم فجهن لقاا وايد بلوتوثات عربيه واجنبيه وشااف بلوتوث شيخة الحريم وعرف انه الريم فاجه بلوتوثها( هي قبل كانت قايلتله انه اسم بلوتوثهااا شيخة الحريم ) وغير اسم بلوتوثه >>> والله احبج
وندبلهااا ( طرشلها) اغنية ميحد حمد

كل يوم الشوق لك عندي يزيد
ونت في راحات عني ما تسال
باتقرب لك يلو تبعد بعيد
او تذير او تستوي شروات لال
عارفنه فيك هالطبع العنيد
يالحبيب يلوق لك هذا الدلال
من اجل عيناك يالخل المجيد
بالصبر باسير لك في طول بال
ما بطرش لك رسايل بالبريد
غير بالهاتف ببادر بالاتصال
انته راس المال اليه والخريد
والحياه والروح لي بعده محال
يا مناة النفس يالريم العجيد
يا سفر البلاد يا نبع الجمال

الريم استغربت من اسم البلوتوث واستقبلته ويوم سمعت الاغنية شكت انه هزاع الي طرشلهاا الاغنية وصدت صووبه وتم يبتسم الهاا وهني تاكدت انه هوو
فطامي: من عند منو البلوتووث ها اعترفي؟
الريم: هب من عند حد انا حاطه هالاغنية
فطامي: امممممم صدقتج بعدين خبرينيه اوك ههههههه
الريم: حشاااا اسميج ام علووم انتي والي حذالج ههههه
الريم فكرت شو اطرشله وتمت ادور اغنية عسب اطرشها له
وهزاع يوم شااف اسم بلوتوث الريم استاانس من الخااطر ويوم استقبله وسمع الاغنية نش عنهم

لا تنتظر ارجع اليك لا تفتكر ببكي عليك
بعت المحبه يا شريك ولي بعتني ماني شاريك
انته وصلك اصبح محال خليتني والبعد طال
اكثرت همي بك وسال والدمع من عيني يبيك
وين الوفا يا هل الضمير وحنا الذي كنا نغير
في دربن موحش لك اسير اسرتني من بين ايديك
الاول اراضي لو خطيت انوح لو انك جفيت
واليوم من غدرك بكيت بالصد والهجر اكتفيت
هذي النهايه ما ابيك والله والله مابيك
لا تفتكر ببكي عليك ولا تنتظر ارجع اليك

وتم هزاع مهموووم من سمع هالاغنية ما توقع انها طرشله جذي وخص انه حس انهاا بعدها تحبه
سعيد سار صووب هزاع
سعيد: شبلاك هزاع رب ماشر؟ شبلاك محززون وضايق بك البال؟
هزاع سمعه شو الريم طرشتله
سعيد: امممممم انته بعدك وراهاا
هزاع: والله ما اقدر يا سعيد القلب غصبن عنيه
سعيد: اممممم شوف عنديه لك شله طرررر اندبلها ايهاا وشوووف
هزاع: اووك طرشها اشوووف
وعقب هزاع طرش حق الريم هالشله
واول ما سمعت الريم الشله دمعت عيونها لانها وايد تعيبها هالشله

مانسينا لو تناسينا يا الغلا في يوم حبينااا
يوم كنا بسمة حلوة قلب واحد من يساوينا
تذكرين حروف كلماتي يوم كنتي اروع ابياتي
يوم قلتي قول وحياتي غير موتي يفرق ايدينا
تذكرين وكم وعدتيني وكم حلفتي ما تناسيني
بس يالي صار هنتيني واستمعتي لعذلهم فيناا
ويا حساافة ما مضى والله ويا حسافة هالغلا كله
ليت قلبي ليت ما توله وليتنااا في يوم ما اغليناا
ويا الغلا وان كان لي خاطر عند وعدي لك انا حاضر
لو يضيق بك الفضا تامر قلبي الوافي لك رهينه
ما ابيعك ذا عهد مني لو يخيب احساسي وضني
هب شرا غيري ترا فني يوم اجف في عام تجفينااا
وما نسيناا لو تناسينا يالغلا في يوم حبينا
يوم كنا بسمة حلوة قلب واحد من يساوينااا

ونشت عنهن فطامي وشواخي استغربن منهااا بس خلنها ع راحتها لانه اكيد خلاف بتخبرهن شو استوى وساارت شوي بعيد ويلست ع الكرسي الي عند الحشيش شوي مكان مخشووش محد هناك تقريبن وتمت تسمعهاااا وهزاع اول ما شافها نشت راح وراهاااا وهي كانت موخيه راسها وتصيح

وهزاع يلس جدامهااا بس هي ما انتبهت لانها موخيه راسهااا وحست انه حد عندها يالس ورفعت راسهااا وكانن عيونهاا غرقانات دموووع هزاع اول ما شااف الريم بهالحاله تيبس مكااانه
والريم اول ما اشافت هزاع وخت راسها مرة ثانيه وتمت تصيح
هزاع: فدييييييييييييييييييتج الريم لا تصيحين والله انيه احس بمووت يوم اشووف دمعتج ع خدج وخص اذاا انا السبب بنزولهاااا
الريم بعدها تصيح
هزاع: يعلنيه المووت يوم انيه نزلت هالدمعة الغاليه والله ااااااااااسف يالريم
الريم رفعت راسهااا : لا تقوول جذي دخييييييلك
هزاع تم يدور ف مخبااه كلنكس وما لقى ودور ف المخبا الثاني وبعد ما لقى
فمسح دموعها بايده : فدييتج الريم والله السمووحه منج جان غثيتج وخليت عيوونج الحلوة تنزل دمعتهاا
الريم وهي تصيح: مسموووح والله مسموووح
هزاع: صدق الريم سامحتينيه ؟
الريم: ما اقدر ما اساامحك
هزاع: صدق لالا ما صدق قرصينيه عشان اصدق انا فحلم والا فعلم واخييييييرن سامحتينيه آآآآآآآآآآآه يالريم والله انيه احبببببج
الريم استحت و نزلت راسهاا
هزاع: فدييييييييييييت الي يستحوون ياربيه ليتنيه الدمعه لي ع خدج تدرين انيه اغاار منهاااا خلاص فديتج نشي ومسحي دمووعج والا تبينيه اناامسحهن؟
الريم ضحكت : ههههههههه
هزاع: ياااااااااااااااااااااااا ااااااويل حاليه كم بعييييييييش ياااا نااس خلاص رووفي بحاليه دخيييييييييلج
الريم:...........
هزاع: خلاص سيري كملي اكلج فديت خشمج ونشت الريم عنه وهي حست شوي وقلبها بيطلع من مكاانه بعدها هب مستوعبه الي صاار بينها وبين هزاع وحست عمرهاا شوي وبطير من الفرحه وردت عندهن وهي مستانسه بس هزاع بطا شوي عسب محد يفكر انه كان وياهااا
شواخي: اوووه اووووه شبلاه ويهج تغير ؟
الريم: ولا شي عادي ما تغير ولاشي شراته
فطامي: لا والله كنتي مفوووله علينا والحين متشققه
الريم: امممم لا عادي بس سرت شوي تمشيت ورديت حسيت براحه
شواخي: راحه شووو؟
الريم: راحه نفسيه بعد شوو
فطامي: احم احم هيه صح بس شواخي خليهااا البنيه ماتبا تقوولنااا
شواخي: اونه غصبن عنها بتخبرنيه
الريم: شفيكن انتن مشتطاااات حشااا بتعرفن خلاف بس عاده
وهزاع يا عند ربعه وطبعن هو مستاانس اكثر عن الريم هو ما صدق انها اخيرن سامحته
سعيد: شووو استوى بشر اشووفك مستانس؟
هزاع: كل خيييييير علنيه افداك ياربي
سعيد: اقوول مبرووك ؟
هزاع: هيه قوووول فديتك ما تشوفنيه مستانس الا بطير من الوناسه
راشد: شفيكم انته ويااه ؟
سعيد يطالع هزاع ويضحك: لالا مافينا الا كل خير سلامتك
راشد: بو حمدان
هزاع: لبيييييييييه
راشد: لبيت ف منى ان شاااء الله بس طالبنك ولا تردني وقوول تم
هزاع: تم الساااااع
راشد: اباك تشل شله بصووتك الغاااوي
هزاع: عليه رفجى ما شل غير ويااك
راشد: لالا ما يطيع زينك حسي هب زوين وغاوي
هزاع: عيل رفجه انيه ما بشل الا ويايه حد
حمدان: عرب هنا يالسين ويانا حسهم غااوي
سعيد: من ؟ مهير هااا عيل راافقيبك العرب الا تشل وانافياهو ابغيك تشل
مهير: فالكم طيب ما طلبتوا الساع
كلهم: فالك مايخيب
مهير: ويش من الشلات تبغينا نشل هزاع؟
هزاع: امممم ما ادري قول انته وبشووف لو انا حافظنهاا
مهير: شرايك محلى العطر ونفحة العود تعرفهاا
هزاع: افاا وكيف ماعرفهاا يلا ابدا انته


محلى العطر ونفحة العود هيمان انا فيكم هياماا
هيجت قلبن كاتم عهوود وافضيت لك كل الكلاما
عذبتني بالفعل مقصود معذور يا حلو الوشامااا
وتم يعيد هزاع
قلبك شكا ضجت رعود وانا شكيت حكم العداما
والسبب بو خصر مجلوود يكسيه شعرن كالضلاماا
ليت الزمان الاولي يعود بدمن حياتي في غرامااا


ونفس الشي هزاع يعيدهاا
وطبعن البنات يسمعن وتخبلن ع الصووت حتى انه سجلنه لوووووول
وفي الامارات وفي العين بالتحديد الساعه 11 فليل
سالم كان في سيارته وخطف ع بيت حمد بن هناد وتم واقف هناك وشغل هالاغنية >> ميحد حمد لقيت الدار

لقيت الدار من بعـد الحبايـب خليـه باكيـه وبهـا عجـايـب
وقفت ابها وانا حيـران ساعـة ودمع العين من موقي صبايـب
الا يـــادار بالله خـبـرنــي بسالك عن رجوع محـب غايـب
تقول الدار بعـدك غادرونـي وخلونـي لعـيـات الهبـايـب
وسافر من تـود وحـال دونـه بحر وبرور واخطـار ومصايـب
رجعت ابحسرتي واهموم صدري وتقلانـي مـن العبـره لهايـب
الله يالله لاتقطـع رجـا الــذي يسالك عن رجوع محـب غايـب
عسى المحبوب يرجـع بالسلامـه بحفظ منك مـا تصيبـه نوايـب
محـب مالـك عقلـي وروحـي وفي حبه رخيص العمر ذايـب
يحلي بلولـو البحريـن صـدره وحنا العين حطه في الروايـب

وتم ضارب فكر فالريم : متى يالريم بترجعييين وبتكوونين من نصيبي والله ما اقدر اعيش بلاج خلاص اول ما يردون من النمساا ما بترياا امرة بخطبها من ابوووهااا عنبوووه الحب يوم سوا ابيه جذااا؟ ليش انا ما اسير الحين ارمس ابوويه بالسالفه ع الاقل اعطيهم علم وعشان بعد اول ما يردون يخطبونها اليه

وصدق انه سااار سالم في الميلس عند ابوووه الي كان يالس ويطالع التلفزيون سلم عليه وباسه ع راسه ويلس عداله

سالم: والمعووونه
بو سالم: الله يعينك ع طاعته
سالم: ابووويه بغيتك فحايه
بو سالم: عوونك يا بوغنيم
سالم: عانك الرحمن بس انا اباا اعرس
بوسالم: اسميه راي حي بنت منوو حد فبالك؟ والا اخلي امك تدورلك؟
سالم: لا موجووده الي ابغيها وتعرفونها وتعرفون اهلهاا بعد
بوسالم: مني هي؟ العاااش بنت عمك؟
سالم: لالا بويه هب العاااش
بوسالم: عيل مني هي وبتلقى احسن عن العاااش بنت عمك
سالم: ونعم فيها العاش بنيه ماعليها رمسه بس انا ابغي وحده غيرهاا الريم بنت حمد بن هناد بنت عمتيه
بوسالم: ونعم وسبعة انعاام فذمتي هيه الريم ماشااء الله عليهاااا ان شاااء الله من ايون امرة بنخطبهااا ا وهزري ان اهلها وهي ما بيقولولن طشه بالمباارك ولدي ارمس امك والا انته بترمسها؟
سالم: الله يبارك لك لالا انا برمسها الحين اخاف انها تحط فخاطرها اني ما خبرتهااا انااا
بوسالم: عيل سير بتلقاهاا هزري ف الحجرة
سالم: اوك تامر بحايه ابووويه؟
بوسالم: ابدن غير سلامتك
سالم: الله يسلمك وظهر عن ابوووه وسار صووب الحجرة وطبعن لازم يخطف ع الصاله
سالم: حمووده وين امايه؟
حمووده: خير شو تباها
سالم: ياللقافه وينها هي؟
حموده: في الحجرة ليش شو تباهاا ابا اعرف خبرني قبل ههههههه
سالم: مالج حايه انتي بعرفين خلاف
وسار سالم صوب حجرة امه
سالم: هاا امايه راقده؟
ام سالم: لالا تعال فديتك
سالم: امايه بغيت اشاورج فحايه؟
ام سالم: وشو هي؟
سالم: ابا اعرس
ام سالم: بالمبارك هذي الساعه المباركه بس مني هي ومن بنته؟ والا ادورلك انا
سالم: لالا موجوده هي الريم بنت عمتيه
ام سالم: ونعم والله يازين واخير ما اخترت ماشااء الله عليها الريم كلهم يبوونهاا
سالم: انزين يوم بيردون امايه اباج تخطبينهااا اخاف حد يسبقني بهااا
ام سالم: لالا تحاتي بيلقوون شراتك ماشااء الله عليك يا سالم ريال ونعم فيك وحشيم خلاص انا لو تبا بعد برمسهم الحين
سالم: لالا خليهم الحين يستانسون ويوم بيردون رمسيهم
ام سالم: يصير خيييير وثرك انته من زمان تترياهاا
سالم: هيه والله وشدراج امايه؟
ام سالم: دريت لانك ما تطري حد ويوم توك طريت قلت الريم الي توها مخلصه ثانويه
سالم: ماشااء الله عليج متبيصره امايه
ام سالم: والله واخيرن حد من عياليه بيعرس ولا بعد ولديه العود من متى وانا اتريا هاليوم وتمت تصيح
سالم: وشحقه هالصياح امايه
ام سالم: والله من الفرحه اصيح ابا اشووف عيالك قبل لا امووت
سالم: بعد عمرن طويل امايه ان شاااء الله بتشوفين عيالي وعيال عيالي بعد ههههه
ام سالم: ان شاااء الله رمست ابووك؟
سالم: هيه رمسته وعقب ظهر سالم من الحجرة وطبعن حموده متحرقصه تبا تعرف شسالفه
حموده: شوووشووو السالفه خبرني؟
سالم: ما يخصج وييييين فطيم؟
حموده: فطيم ومايه والله السالفه فيها انا شاكه فشي بس ماعرف ااذا هو والا لا
سالم: شو هو ؟
حموده: تخص الريم صح
سالم: وهاا تراج عرفتي مايحتاي ارمس بعد ويوم وقت الي بيصير بتعرفين بكل شي شعنه مستعيله وماكله قرصج ني
حموده: لازم هب انته اخوويه والريم فديتها بنت عمتيه لازم اعرف كل شي
سالم: بس ياويلج ان يبتيلها الطاري الحين يوم بيردوون
حموده تاشر على عيونها: من عيوني الحوله
سالم: هههههههههه ادري انزين انج حووله
حموده: بسيرالحين اتجهز حق العرس ههههههه
سالم: حشااا بعده تووه الناااس وعقب راح سالم عند فطيم
حموده تمت تفكر وخص برمسة الريم يوم خبرتها انها تحب واحد في البر: منو هذااا الي تحبه لا يمكن الا جذي تقووول

وفي النمساااا

خلاف كلهم ردوا الفندق واليوم الثاني ظهروا الساعه 9 الصبح وساروا قصر الشنبرون وتموا يحوطون وبرا القصر كانت شي حديقة وطبعن لازم يصورووون فيهاا لانه شكلها حلوو
شواخي: فطامي وياراسج كبري الصوورة خليني اشووف عدل هذا الشيبه شكله غبي
الريم: هههههههههه حشاااا حتى الشيبه ما خليتيه فحاله 000( الريم وفطامي عندهن كيمرة فيديوو وماشاااء الله عليهن بدال ما يصورن يكبرن الصوورة بس جذي ويطنزن لووووول)
فطامي: ايييييييه شوفن هذااا يجنن
الريم + شواخي: اشووووف
فطامي: ليتنيه ما زقرتكن ما خليتنيه اشووفه عدل
الريم: نذلوووه اقوولج هذاا ربيع هزاع سعيد
فطامي: شووو لالالا واحد ثاني شكلكن حركتن الكيمرة وياراسكن
شواخي: عليناا لالا بعد هب شين والله عندج ذووق بس عيب ربيع اخوووج
فطامي: والله حرام عليييييج لا فهمتينيه غلط ما قصدته هو ذاك اشقر الي كنت ابا ارويكن اياه
الريم: هيه صدقناااج هههههه
فطامي: حتى لو قلت انه حلوو كيفيه شو لج من الحايه انتي عادي ربيع اخووويه هههههههه
شواخي: ماعليه وينه هزاع بسير اخبره عليييج منقوود اننننننف عليج
فطامي: شو الي بيصكتكن انتن عنبووه ما تصدقن تستوي حركه والا اقووول الريم شو الي استوا البارحه ما خبرتيناا
الريم: هاا لا تغيرين السالفه انتي خبرينا ليش تصورين سعيد ربيع هزاع
شواخي: لالالا الريم يلا خبرينا سالفتج؟
الريم: بسسس عاده ما صار شي
ويا عندهن واحد اجنبي ويا حرمته وطلبواانهم يصوروون وياهم
شواخي: لالالا منقوود شو نصور وياكم ما يطيع زينكم
الريم: هههههههههههههههههههههه غربلات عدووج وهم شدراهم انا عادي بصوور ابا اكون مشهوورة ههههه
فطامي: انا بعد جي الريم اخير عنااا
شواخي: وابووووووويه عليكن اسميكن ماتستحن بخبر عليكن مسودات الويه
الريم: شواخي خلاص تعالي صوري لا تخلين عمرج شريفة مكه هههههههههه
شواخي: هههههههههه وياراسج انتن تصورن وانا بصوركن بعد وياهم
وعقب ما تصورن
حمدان اتصل على فطامي
حمدان: وينج انتي ؟
فطامي: هني انته شو تباا؟
حمدان: ابغي الكيمرة طشووونه
فطامي: اممممم انزين بس انته ويين وثاني شي شو بتصووور؟
حمدان: بتصوور انا والربع وهزاع الي قاليه
فطامي: عندكم فلم فاضي ؟
حمدان: لا ماعندي انتي عندج؟
فطامي: امم لا لحظه ........... ريماني عندج فلم فيديو فاضي؟
الريم: ويت بشووف فالشنطه ......... هذوووه يفداج الفلم وراعيته
فطامي: تسلمييييين غناتيه ........ اوك وينك انته بييبها لك الحين
حمدان: نحن الحين تونا في الحديقه
فطامي: الحين بيييكم وفطامي وهي سايرة شاافت سعيد الي كان ماسك التلفون فايده ويرمس : وشحالج انتي حياتي؟ >>>> طبعن هو ما انتبه حق فطامي يوم خطفت حذاله وتمت فطامي مستغربه منه :حتى وهم في السفر يغازلون؟؟ .,.... هو صد ورااا وانتبه انه الي خطفت حذاله فطامي وتم متقفط لانه اكيد سمعته وهو يرمس وحده وخلاف امرة سكر عن الي يرمسهااا وساار صوب الربع
فطامي كانت واقفه تتريا حمدان اييها لانها مستحيييل تسير عندهم
فطامي: اوووف هذاا متى بيي حشااا بطا عليه
سعيد انتبه ان فطامي تتريا حد وشاف الكيمرة فايدها وعرف انها يايه عشان تعطيهااا حد من خوانهاا وسار عند حمدان وقاله
فطامي: حشااا ما بغييت اتي من الصبح واقفه هني
حمدان: والله ما انتبهت الا سعيد خبرنيه الساع
فطامي: سعيد؟؟؟ وشو يخصه
حمدان: شو شو يخصه يزااه انه يا وخبرنيه ليت ما خبرنيه وتميتي خايسه في الشمس هههههه
فطامي: انته قد الي قلته؟
حمدان: قدهاا وقدوووووووود
فطامي: اوك يلايلا في داعة الله
حمدان تم يزاعق : اييييييييه تعالي ييبي الكيمرة ماحد يسوولف ويااج حشااا ........وفطامي خاطفه ولا همها الي يقووله حمدان وخلاف حمدان سار عند ربعه
حمدان: هزاع سير يا خي عند ختك هب طايعه تعطينيه الكيمرة
هزاع: عيل شو يايه توهاتسوي هب تعطيك الكيمرة؟
حمدان: هيه بس انا عصبتبهااا عشان جي ههههههه
هزاع: اهااا زين تسوي فيك ختيه طالعه عليه عنيده ههههههههههههه انا بسير عندها اكيييييد ما بتردنيه
حمدان: هيه اكيد ماتحب حد غيييرك
هزاع: فديتنيه كلهم يحبووونيه تعرف ليش انته؟
حمدان: سمعووا ليش؟
هزاع: لانيه طيب وبسرعه انحب ويكفي انيه مخاوي شما
سعيد: وانا اشهد فذمتيه انك خوي شماا
حمدان: انزين لا تكبروون راسه الروحه خشمه فووق بعد تزيدوونه
راشد: انته شبلاك على شيخك هزاع من حقه ياخي ضاوي نص بنات بوظبي ما تبا يتبيطر علينا ههههههههه
حمدان: يخسي يكون شيخيه
هزاع: بس بس ماحد شيخ على حد انا مواطن وعنديه جواز هههههههه
راشد: صدق عندك جواز ياحظك تقدر تسويليه واسطه هههههههه
هزاع: بشوووف لك ماعليه يصير خير شو تبا من الجوازات تبا عادي والا دوبلماسي
راشد: لالا مابا اكوون بطران عادي شروات العامه لونه كحلي ههههه
هزاع: ماشااء الله عليييييك متواضع هههههههههه
سعيد: اقووول انته فيااه ما تبوون تظهرون من هني كلهم ظهروا الا انتواا
هزاع: اوووه وبعدنا ما صووورنا تريونيه ثواني بييب الكيمرة
وسار عند قوم فطامي
هزاع: فطوووم
فطامي: فعينك اونه فطووم
هزاع: انزين لا تزعلين فاطمه
فطامي عصبت: شو اونك تستهبل لا ترمسنيه الين ما تزقر اسميه صح
هزاع: انزين اسمج فاطمه وف الجواز اسمج فاطمه هذااا اسمج لصحيح
فطامي: اوووووووهووووو انا ما احب الي يستهبلوون عليه
هزاع: انزين فطامي تعالي ابااج طشوونه بس
فطامي: امر شو تبا؟
هزاع: مايامر عليج عدوو بس هدي شبلاج محرجه؟
فطامي: مافيه شي تبا الكيمرة؟
هزاع: هيه اممممممم وشو من الافلام فيه؟
فطامي: ما فيه شي فلم فاضي تونيه حطيته لكم
هزاع: اهاااا امممم وليش فاضي ما صورتي؟
فطامي: اممم هب عليه هالحركات عييييييييب شو ما تستحي انته
هزاع: حشااا انزين هدي وسلمي ع الي عندج
فطامي: على منو هههههههه
هزاع: فاهمتنيه ما يحتاي اقوولج
فطامي: ما بسلم كيفيه
هزاع: لا حووول بتذلينيه يعني اوك انا بسير اسلم عليييييها ما يحتاي
فطامي: اييييييييييه انته تسويها الروحها هي معصبه منك الحين بتسير ترمسها بعد لا والله خلاص يبلغ سلامك
هزاع: معصبه منيه وليش؟
فطامي: نسيت الي سويته فيهااا من قبل
هزاع: فدييييييييييييييتها ياربيه لا هب معصبه منيه ما تدرين انها رضت عليه؟
فطامي: فذمتك؟
هزاع: مادري تخبريهاا يلا يلا مع السلامه
فطامي: الريم عرب توهم عنديه يسلمون علييييييج
الريم: اهاا الله يسلمج ويسلمهم
فطامي: امممممم تعالي شسالفه؟ شو اليديد؟
الريم: ماشي غير الجديم مغبر
فطامي: جذاااااابه هب عليه يلا خبرينيه شو استوى بينج وبينه وصدق سامحتييييييه؟
الريم: ليش شو قالج هو؟
فطامي: قال رضت عليه الريم
شواخي: من وراانا يعني هالسوالف وليش ماتخبرينا وشو استوا بينج وبينه وكيف قلتيله مسموح ومتى رمستيه ومتى شفتيه
الريم: خيييييييييييييييييييييييي ييييييييييييييييييييييييي به كل هذا لازم اقووولكن عنه لالا ما بقوول شي السمووحه هذا شي يخصنيه انا بس وما يخص حد غيييييييير
فطامي: المهم انج سامحتييييه والله فذمتيه يالريم انه يحبج هزاع الحييييييين وصدق ويوم بنرد امرة بيخطبج وبتشووفين
الريم: ادري
شواخي:ة اييييييييه بس عن ترمسينه خلاص قلتيله مسموح وانتهت السالفه عن ترمسينه مرة ثانيه والله لقنصج ان دريت انج ترمسينه
فطامي: اناا بعد اقوول شرات شواخي لا ترمسينه بس هو كان يبغي يعرف انج مسامحتنه وبسسسسس
الريم: ان شااااء الله
وعقب ردوا الساعه 7 تقريبن الفندق فقروروا كلهم ينزلوون ساحة استيفنز ويتعشوون هناك
والبنات كلهن فطاوله والشباب رواحهم والحرمات رواهم بعد
هزاع ماخازت عينه عن الريم وكله يطالعهااا وثاني انتبه على هزاع وهو يطالعهااا وهو معصب
هزاع فج بلوتوثه وطرش حق الريم>>>>

قم علم الصبح ويش البارحه قلنا
خله يقول لعواذلنا تصافينااااااااا
حتى يعرفوون يوم انا تزاعلناا
كله عشان يقهرهم تراضيناااااااا
حنا شربنا الغلا حتى تمايلنااااا
من نشوة الحب تدفعنا خطاوينا
نكسب تعاطف هل الحب بتعاملنااا
وهروج حسادنا ما اثرت فيناااااا

الريم اكيييييد انها استقبلته وتمت تسمعهاا وعقب طرشتله
وطبعن كل هذاا جدام نظر ثاني لانه هو لاحظ الحركات الي بين هزاع والريم
وطرشتله

فديت صوتك فديتك شفتك عشقتك هويتك
ياليت تدري ياليتك غلاك يا كبر قدره
القلب سلم لك امره في حالتي انته ادرى
يالي حنانك وطيبك تنحط ع الجرح يبرا
شفاف يا نور عيني حبوب وقلبك يبيني
زهرة شبابي وسنيني تفداك الفين مرة

بس ما كان شي الاانه من بينهم بلوتوثااات
فطامي: اممم انا شاكه فعرب شواخي احم احم
شواخي: تبين الصدق انااا بعد من الصبح نحن نسوولف وهم هب ويانااا
فطامي: ما ينلامووون فدييييييتج تراا عرب عدالهم ههههههههه
شواخي: ليتهم يدرووون انا نرمس عنهم ابدن ماشي احساااس احسااسهم كلهن ويا لعرب
فطامي: هيه والله صدقج
الريم: بسسس بسسس انتي وياااها ادري بتلميحاتكن حشاا يالسين فطاوله وحده وترمسن عنيه
سلامه: شسالفه انتن الثلاث والله عندكن شي
شواخي: اذاا تكلم الكبار سكت الصغااار وسكروا حلجهم وخيطوووه بخيط وابره
كلهم: ههههههههههههههههههههههههه ههه
الريم: اتخبرج من وين تضوين بهالامثاااااال عجيبه لالا مافيج حيله
شواخي: توه النااااااااس من زمان انا مافيه حييييله فديتنيه
سلامه: والله محد ييلس عندكن انتن حشاااا
رووضه: لا والله بلاهن اليسله هب شي
الريم: بس سلامي رمست شيختج لج رمسه عقبهااا
ميثه: امممممم جنيه فهمت منو تقصدن بالعرررب
شواخي: اوووه اوووه طلعت حويذق البنيه منو منو بشري ربج يكون جوابج صح بعطيج درجه ههههههه
ميثه: ما يحتاي اقوووله
روضه: ميثووه يالخديه انا فاهمه انج تقصدين ثنووي فذمتج يعني الريم فجأه بتحبه فكري بعقل
ميثه: محد غيييييرج خديه يالسباله والله انج غبيه انتي منو رمسج اصلن
الريم: اييييييييييه انتي وايااها بس حشمن شعندكن لا ميثه ارتاحي الغاليه ما نقصد حد لا ثاني ولا غيره سوالف بس يسون عليه
ميثه: وليش يعني ما تحبييييين ثاني شفيه شو ناقصنه ريل والا ايد؟
الريم: ونعم فيه ولد عميه ماعليه رمسه بس ما احبه وهب لازم احبه غصب الشيخه
ميثه: انزين خلاص حشاااا كلكن عليه
وصلت بيانات من عقيد الغيد <<<< هزاع >> وطبعن الريم استقبلته
وهني ميثه انتبهت لانها يالسه عدال الريم

ودي انزل من فوادك وادنوا منه واساله
وين يا نبع المحبه عن اماني الواردين
انا ونتي يا غناتي صرنا كل المساله
ان سالتي وما سالتي صرنا احنا العاشقين
شاغليني بنظرة تشفي المشاعر بالوله
واجذبيني بعوالم تسحر القلب الحزين

ميثه: منو الي طرشلج هالاغنيه الريم؟
الريم: شوو هذي امممم من عند فطامي؟
ميثه: لا والله جذبي ع وحده غيريه
الريم: انتي تحاكمينيه شووو؟
ميثه: انزين ليش ما تقولين من عند منووو ؟
الريم انتبهت ان شواخي ماسكه تلفونهاا بعد: من عند شواخي يعني من عند منو
ميثه: صدق شواخي توج طرشتي حق الريم بلوتووث اغنية حربي شاغليني؟
شواخي صدت صوب الريم والريم غمزت الهااا : هيه انا طرشتلها ليش تبينهاا؟
ميثه: لا ماباهااا اصلن ما عنديه تلفون شو هالذكاااء
شواخي: ذكيه غصبن عنج يا الخايسه
ميثه: خااس ينبج منو تتحرين عمرج انتي؟
شواخي: شيختج وتاج راسج يالفقمه
ميثه: محد غييييييرج غبيه والله
شواخي: جب جب لقطي ويهج لا ايي الحين اخيسه تراب
ميثه: تخسيييييين والله لو خذج سيف اخوويه بيكون غبي وصلن سيف اخووويه ما يبااج ولا يدانييييج
شواخي: خاس ويهج بالتراب برايه لا يدانيينيه ربيه يحبنيه
ميثه: لا والله انا بعد بقووله لا يفكر فيج ولا ياخذج لانج ما تستاهلييييينه هو وين ونتي وين
شواخي: ليش هو بشووو زايد عنيه ؟
ميثه: فكل شي احسن عنج عقل ورزانه هب انتي الله يهديج
شواخي: اميييييييييييين ويهدييييج قبلي تبين الصدق الله يعينهم اهلج علييييج يوم كانوا يقولوليه كنت اقوول مسكينه طيبه بس الحين عرفت ليش ما يحبووونج هههههههههه
ميثه معصبه: جب يالسخييييييييييييييييفه
شواخي: بس بس يالياهل ههههههههه ما احب ارمس يهال
روضه: شو انتي ما تستحيييين ميثووه ترمسين الي اكبر عنج جي؟
ميثه: انتي شو يخصج ومنو رمسج وهذي يمكن تكون عوده بس ناقصه عقل
الريم: حدج حدج انتي شو ناقصه عقل يعني انتي الي فيج عقل برمستج هذي سيري بوويه وتعلمي الرمسه ويا الكبار خلاف تعالي هب مني والدرب يايه تغلطين ع خلق الله وترمسينهم منو انتي شو تتحسبين عمرج
ميثه: شيختكم كلكم
شواخي: تخسسسيييييييييين والله يوم انتي شيختنا
الريم: انا احيد المشيخه هب لج ولغيرج والمشيخه طوليه بعمرج بالمعاني قبل لا تكون بالمنصب وبقوولج يوم انج انتي شيخه شقايل منزله مستواج ويالسه ويا المواطينين زين منج يدل ع التواضع وهيه صح بغينا اشياا يالشيخه لو تروومين تسوينهن النااا سكري الجامعه والمدارس والا خففي من الكتب
ميثه عصبت لانها فهمت ان الريم نقمتهااا ونشت وسارت عند امها
شواخي: اشكر فنج الريييييييم الصراحه انتي تمين ساكته وفجاءة تقولين رمسه تهز القلب والله مافييييج حيله
فطامي: لا ماعلييييج الساكت ناقد
الريم: لا بس الصراحه رمستها نرفزتنيه من الصبح كلنا ساكتين وهي تغلط ماقلنا شي ياهل وترمس بس زودتها وايد
فطامي: هيه والله
شواخي تمت ساكته لانه حز فخاطرهاا رمسة ميثه يوم قالت انه سيف ما يدانيج ولا يباج وانه عاقل ورزين: ليش انا شو فيه هو صدق ما يبانيه بس ليش ما يرمس من قبل ليش؟ انا اشووف رمسة ميثه صح ما يبانيه لانه عمره ما بين اليه أي شي عمره ما حسسنيه انه يبانيه دوم مطنشنيه
الريم: شواخي فديتج شبلاج حاطه فخاطرج من رمسة هذي الياهل؟
شواخي: ولا شي عادي عادي
الريم: شواخي تعالي شوي اباج اسمحولنا شوي فطامي اوك؟
فطامي: خذي راحتج فديت خشمج
الريم وشواخي سارن يتمشن
الريم: هاا شواخي شفيج عيل رفجة غالي عندج تقولييين؟
شواخي: مافيه شي الريم
الريم: ورفجة سيف ؟
شواخي: سيف ؟؟؟ ليته يحس فينيه شوي بس هو شكله ما يبانيه الريم صدق شرات ما قالت ميثه وهي اخته وتدري بمشاعره
الريم: وانا كم مرة قلتلج ان سيف رزين وحشيم يعني مستحيل بيبين لج أي شي بس بتشوفين بيي وبيخطبج
شواخي: بس ليش ما رمس عبنوو الحييييين انا في التقنيه هب ياهل وتونيه مخلصه ثانويه
الريم: اممممم يمكن بعده يمكن يكون نفسه شواخي انتي فكري زين
شواخي: لا تميييييين تطلعيله اعذاار هو ما يبغينيه ولا يحبنيه حتى
الريم: امممممم لا فديتج يمكن يحبج بس ما يروم يرمس عند حد
شواخي: لالا انا متاكده حتى يوم يدق ما ينشد عنيه وعن احواليه هذاا حب يسموونه الريم مستحيييييل
الريم: ونتي شدراج ان ما يسال عنج؟
شواخي: بسسسسس اعرف انااا لانهم بيقولوليه لو هو ينشد عنيه
الريم: شوفي فديت خشمج هو يوم مستحيل بيسلم عليج الروحج وبيخصج بالسلام يعني ما بيقوول سلموا ع شواخي بيقول عادي عشان ما يبين حق حد
شواخي: لا والله يبين شووو واصلن كلهم يعرفون انا احنا محيريييين حق بعض يعني لو قال ماحد بيلومه وبيقوله شي والا انا غلطانه
الريم: لا والله هب غلطانه بس يمكن هو يستحي
شواخي: يستحي ليش شو انا الي عاقه الحيااا يعني؟؟؟؟؟؟؟؟؟؟؟؟
الريم: محشووومه فديت خشمج بس اناا اقوول لا تمين تستعيلين عليه تريي شوي وبتشوفين انه بيي يخطبج من نرد البلاد
شواخي: الله يسمع منج والله يا الريم انيه احبه ونتي تدرين وانا ما احب ابين مشاعريه عنده لانه هب حلوة البنيه تعق عمرهاع الريال ونتي ادرى
الريم: واناا معاااااااج فهالشي وانا الي ما بخليج تبينين مشاعرج له ولا عليييييج من رمسة يهالوووه فديت خشمج وطبيها ميثه عنج ياما انا عقت عليه رمسات وصخييييت عنهاا تراهاا ياهل وعقلها صغيييير وما تفكر بالرمسه الي تقولها حتى روضه يمكن تكون اكبر عنهاااا فالعقل
شواخي : بسسسسسسس والله قهرتنيه الريم ما تدرين شو حسيت لحظتهااا حتى انتي لاحظتي انيه مارمت ارد عليها هب عسبت شي بس لانها قالت ذاك الشي عن سيف وانه ما يبغينيه
الريم: هيه ادري غناتيه وانا عشان جذي ييت امشي وياج لانيه عرفت انج حطيتي فخاطرج من رمستهاا وخلاص يلا خلينا نرد عند قوم فطامي
شواخي: يلا وتسلميييين فديتج الريم والله محد فاهمنيه غيرج
الريم: افاا علييييييج انا فالخدمه وتعالي كل يووم ههههههههه
شواخي: مالت علييييييج ههههه
الريم: غصووون الينه ياربيه
شواخي: انا وياااااج ان شاااء الله
الريم: امييييين كلناا هيه جذي ابااج خروووووش
شواخي: اقوول طالعي ثاني بلاه جي يطالعج شكله معصب؟
الريم: برايه انا شو سوييييت ثرنيه طبيه عنج ياكثر ما يعصب هووو ماعنده سالفه
شواخي: عقوولتج ماعنده سالفه
وعقب ردواا الفندق
ثاني: الريييييم شوي لا تدخلييين ابا ارمسج؟
الريم: هلا ثاني امرنيه؟
ثاني: مايامر عليييييييج عدووو ولا ظالم ......... اباااا ارمسج فموضووع مهم وااااايد
الريم: اووووك يلا اسمعك قول الي عندك؟
ثاني: وليش جذي ترمسينيه؟
الريم: ارمس بالرمسه الي تعيبنيه انته شو يخصك
ثاني: صح انا ما يخصنيه بس يخص منوو هزاع؟
الريم فجت عيونها: هااا شووو تقول انته اصلن صدق انك مينوون وشفيه هزاع اخووويه
ثاني: هزاع اخوووج صح هب عليه اناا هالرمسه الي ذاك اليوم معصبه منه والي اليوم تبتسميله
الريم: انته مخرف شوووو شو يخصه هزاع؟
ثاني: فهمتي منوو اقصد أي هزاع زين زين
الريم: ثاني انا هب فاهمه انته شتقصد؟
ثاني: انتي شو عبالج انا ماعرف طشه حبيبيي انا اعرف كل شي يدوور حواليه بس بقوولج وبفهمج شي انتي مستحييييييل تكونين لحد غييييري انا باخذج يعني باخذج وبتشوفييييين عقب السفر بيي بيتكم وبخطبج والا الحين شرايج؟
الريم: تخسي الا انته تاخذنيه اونه لو بقييييييت اخر ريال في العالم ما خذتك شوووو مينووونه قالولك
ثاني عصب: يخسي .... من صدقج تقولين هالرمسه؟ ونتي قدهاا؟
الريم: هيه تخسي وانا قدها وقدوووود
وسارت عنه داخل الشقه وامااا ثاااااااني معصب بالقووووو من الريم
ومرن كم يوم وكل يوم يظهروون ومرة ما ظهرووا مكااان فالريم كانت راقده في الشقه وكلهم تحت هي ما طاعت تنزل كملت رقادهاا وعقب الساعه 6 نشت وتلبست لانها بتسير عندهم فساحه استيفنز ولبست السكارف وتوها بطلت الباب مال الشقه والا انه ثاني فويهها
الريم: نعم شو تبا محد هني في الشقه غيريه والحين انا بظهر ؟
ثاني دزهااا : ادري انه محد عندج عشان جذي يييت
الريم: اييييييييييه انته مينوووون دزنيه
ثاني: هيه مينووووون فحبج
الريم نشت تبا تظهر وثاني يودهااا من ذراعهاااا : مالج ظهره اليييين ما اخذ الي ابااه منج
الريم: شو تبااا يلا فكنيه عنبووها هب حاله هذي
ثاني: وليش مستعيله؟ اممم انتي بعدج مصره انج ما تبين تاخذينيه؟
الريم: هيه بعدنيه مصره يلا بطلنيه
ثاني: شرايج لو قلتلج انج بتاخذينيه غصب وانتي الي بتوافقيييييين
الريم: لا والله يخسي لا انا ولا ابووويه بنطيييييع وبنوافق عليك
ثاني: ومنو قال انج ما بطيعين ولا بتوافقيييين
الريم: انا اقووول شي غييييره تبااا؟
ثاني: امممممم اوك بنشووووف عقب اذاا بتوافقين عليه والا لا وصدقينيه ما بتاخذين غيريه
وثاني كان يباااا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

.................................................. ..............................


تتوقعون سالم بيخطب الريم من يردون من السفر؟

وهزاااع شو بيسوي وهل هو بيسبق سالم وبيخطبهاا؟

وسيف بيرمس هله عشان شواخي والا؟

ثاني شو كان يبغي من الريم؟ وكيف بيخلي الريم توافق عليه غصب؟


وهذا الباااااااااارت ان شااااااااااء الله يعيبكم وتستانسوون عليه


وارقب ردوووودكم الغاااااااااويه على هذا الباااااااارت