[لامارا]

الجزء ( 19 )




الريم : سير ول يا خي
ثاني عصب :الريــــــــم ...... ويودها من زنودها
الريم عصبت : أيـــــــــــــــــــه يالخايس شو انت مينون
ثاني : هيه هيه مينون
وكــــــــان ثاني يبـــاا يغتصب الريم ....... والريم تصيح وتصارخ وضفورهااا شوي كاانن طوال وشمخته على ويههه بس بعد ماشي فايدة والريم شافت عدالهااا مزهريه ويودتهاا بيدهاا بـــــــــس
طاااااااااااحت تحت وتمت تصيح وانتبهت ع تلفونهاا عدالهااا وجااااااااان تضربه بقووو ع راسه
ثاني : آآآآآخ ...... وفجهاا ثاني والريم تمت تربع وتصيح وفجت باب الشقه وظهرت
وهي ميته من الصياح ودعمت هزاع بس خطفت عنه
هزاع لحقهاا ويودهاا : الريم شبلاج الشيـــمه تخبرينيه
الريم : ............ وتصيح وهي منزله راسهاا
هزاع : الشيــمه الريم ورفجى تقولين ان سويت لج شي ضايقج ؟؟!!!
الريم وهي تصيح : لا لا خلاص ما قدر ما قدر اقول
هزاع : ورفجتيه وجان تحبينيه تقولين شبلاج ؟؟
الريم تصيح :ثانــــــــــي ولد عميه وتمت تصيح
هزاع زاغ : بلاه شي فيه شي استواله ؟؟؟
الريم : لا مابلاه شي انا اللي بلانيه الله ياخذه ولا يوفجه الله يلعنه <<<< وهي تصيح
هزاع عـصـب : الريم . شي سواااااااالج ؟؟؟ اذا ما بتخبرينيه انا بتخبرين منوو؟؟؟
الريم : هزااع ثاني حاول حاول وصاحت
هزاع : الريم لا تحرقين قلبيه اكثر من ما هو محروق شو اللي حاوله ؟؟؟
الريم : حااااااااول يغتصبنيه هزاااااااااع وتمت تصيح
هزاع عصب الا ولع جبريت من قالتله جذي : وينه الجلب ؟؟؟
الريم : ف شقتنااا
هزاع وهو معصب سار صوبه وطبعن ثاني كان يالس يغسل ويهه في الحمام واول ما ظهر شاف هزاع فويهه
هزاع يوده من فانيلته وشوي وبيخنقه وضربه وعطاه بوكس فويهه : يالجلب والله الجلب اوفى عنك واخير اسمع ياللوث ..
ثاني قطع رمسته : أيــــــــه انت حشم من تكون
هزاع : ان شفتك تقرب منها تراا اللي سويته بيوصل عند ابوهاا وانت تعرف شو اللي بيصير خلاف
ثاني صخ من طرااا هزاع بو الريم فهم انه هزاع عرف السالفه
هزاع : تفووووو عليك وعلى شيفتك وعلى شيفت من يرابعك يا اللي انجس من الجلب ........... وبطله وظهر من الشقه
وشاف الريم واقفه مكانهاا ما تحركت وتصيح
هزاع : الريم فديتج لا تصيحين انا رمسته والله والله ان يا بس صوبج والا رمسج والا قالج كلمه خبرينيه اليه تصرف ثاني ويااه
الريم : هزاااااااع دخيلك لا تخبر ابويه عن هالسالفه
هزاع : لا تحاتين هذا شي بينيه وبينج ومحد بيدري عنه الا اذا يا صوبج هني صدق بخبر ابوج وهو بيعرف يتصرف وياا هاللوث
الريم :تسلم والله هزاع بلاك ما عرف شو كنت بسوي
هزاع : شووو بعد هذي تسلم ما اباا اسمعها منج مره ثانيه وانتي بتكونين من نصيبي حرمتيه ان شاءالله وما ارضى حد يلمس شعره من شعر راسج والحين يلا بس مسحي دموعج من هالعيون حلوة
الريم : ان شاء الله ... وخطفت عنه
هزاع : بعد تفكرين تروحين الروحج .... حووووووه تعالي هههه والا اقول سيري انا بي وراج
الريم لفت صوبه وابتسمت
هزاع : يااااااااويل حاليه ... لي من بداا وتبسم شوي اخضع كسيرن وله ومغلوب فديتج انا وفديت ضحكتج وفديت هالغمازات اللي ع خدودج
الريم استحت الا ذااااااااااابت
هزاع : ريماااااااااااني
الريم : هلا
هزاع : فديت هالمنطوق ... امممم سيري انتي تحت بييب شي وبي بس عن تسيرين الروحج والله بصفعج هههههههههه
الريم :هههههه اوك ..وسارت
هزاع: الريم
الريم : هاااااا
هزاع : ههههه شو عصبتي منيه احبــــــــج
الريم ابتسمت وركبت اللفت
وهزاع سار شقتهم وونزل وجاف الريم يالسه تترياه
هزاع :اممممم تبين لبان
الريم : اممممممم اوكي
هزاع :انزين ما تبين اللي فحلجيه ترااا زاد حلاهاا عقبيه
الريم سوت حركه فويهااا انهااا جزت ولاعت جبدهااا
هزاع : ههههه اصلن انا ما بعطيج انتي تمنين هههههه
الريم ولا حفلته خطفت عنه
هزاع : لا حووووول على هذي البنيه ما بتتغير ابدن
الريم تمشي وهو وراها لان محد عندهااا بيسير وياهااا ساحه استيفنز بس ما كان حذالهاا وراهااا عادي ما يبين انهاا وياه
وتم هزاع يشللهاا وطبعن هي جدامه امره يعني سمعته


جفني جفاا نوم اليالي متصوبن والقلب ممحون
يضويني طيفه في خيالي واسري مع الاشواق مطعون
كل ما ظوا ليلي طرا لي غرن جميل وباهي الــــــــلون
ياللي هدب عينه ظلالي ينزع فوداي بحد مسنون
ناعمن عوده وميالي هايف وانا في الخصر مفتون
دوم يتغلا وهو غالي مرخص لي عينك المزيـــــــون
بصبر ولو بي الصبر طالي وكل صعب لزينه يهون
يلومني لي من الهواا خالي ما ذاق قلبه هم وشجــون
ومادراا باشواقي وحالي و من الشوق يا ما تتعب جفون
مشتاق له والشوق قتالي خلن غلاته مثل العيون
جفني جفاا نوم اليالي متصوبن والقلب ممحون

ووصلوا ساحه استيفنز
شواخي : أيـه انتي وينج؟؟؟ وكيف يايه الروحج ؟؟؟!!!
الريم: اول شي انا هني وثاني شي هب يايه اروحيه
فطامي : وياا منو يايه ؟؟؟؟
الريم : هيااا هزاع
شواخي شهقت : والخيبه شو ما تستحين وثاني تراه محد وهزريه في الفندق ليش ما ييتي وياه
الريم : لا تطريليه هذا السبال وبقولج انا هب يايه هيا هزاع بس ما حب انه يخلينيه الروحيه وكان ورايه بس
فطامي : ليش شو استوا بينج وبين ثاني ؟؟؟
شواخي : شو سوابج هذا الغبي بعد صدعج احبج وما عرف شو اروحه كان معصب ويددورج ويوم خبرته انج في الفندق قال بسير اييبهاا
الريم: ليته ما ياا ولا شفت رقعه ويههه هالهرم
شواخي : ايه شو استوااا صدق السالفه فيها ان عشان جي معصبه وهب يايه وياه ويايه مع حبيب القلب
الريم : والله انه ثاني ما يسواا ثرااااااااااه <<< هزاع
فطامي : احم احم نحن هنااا خلاص بقوله
الريم : عادي لانه هذا الصدق
شواخي : هدي اعصابج الريم حشاا اسميه ثاني ملغوث وياا راسه بعدين برمسه
الريم : فارقته يا ربيه ولا ترمسينه ولا شياته
شواخي : كنت الحين بدقله بس خلاص ع راحتج ... والا ايه ريماني على طاري التلفون وين تلفونج من الصبح اندق عليج وكله مغلق
الريم تذكرت تلفونهااا وتذكرت انه تكسر: اوووه نسيت اقولكن تلفونيه طاح وتكسر
شواخي : حشاا شو كسره
الريم : ما دري بس هذا التلفون ما ينفع بسرعه يتكسر
فطامي : الله يالدنياا الحين صار ما ينفع
الريم : فدوى عن راسيه
وخلاف ردوا الفندق ........ وكان ثاني ف الرسبشن
الريم شافته باحتقار وخطفت عنه
شواخي : انت وينك يالملغوث اونك بتيب الريم ولا يبتهااا وعقب شهقت : شو ها الشموخ اللي فويهك حشاا قطوه شامختنك
ثاني : انتي ما يخصج وسار عنهاا
شواخي ترمس فطامي : شبلاهم هذيلا هب طبيعيين شو مستوي ؟؟؟؟!!!!!!!!!!
فطامي : والله ما يندرااا بهم ؟؟!
شواخي : انا بعرف السالفه من عند الريم
فطامي: اوكي فديتج اشوووفج باجر

اما ثاني كان يالس فشقتهم وبالتحديد فحجرته ويفكر: انا ليش سويت جذي الحين شو بيستوي بينيه وبين الريم اكيد بتبغضنيه الروحها كانت ما دانينية وايد بس عقب الحين شكلها خلاص عافيفتنيه صدق انا ليش سويت هالشي وهذي بنت عميه بعد صدق انيه مينوووون وشسوي الحين وكيف ارقع الموضووع واحله وارد الريم شرات قبل والله ماعرف ويدق تلفونه
حمود: مرحباا الساع
ثاني: مرحب باجي هلا حمووود وشحااااااالك وشحال العرب الي عندك؟
حمود: والله كلهم بخير وسهاله ومن صوووبك؟
ثاني: تسرك الحال الا انا الحين فاردى حال
حمود: افاا يا بو الشباب شعنه
ثاني: لا تتخبر يا حمود المهم اخبار الدار من عقبيه وشوو الشقه اسمع صدعه عندكم
حمود : والله ربشة والشباب مخترشييييييين من الخاطر
ثاني: يحظكم فخاطريه الحين ايي عندكم
حمود: انزين ليش ما تسير الديسكوو تراه عندكم مكودات
ثاني: ياشينه والله ما عيبنيه غييييير عن البلاد والله
حمود: يا شين الدار من عقبك يا ثاني الله بلاك الشقه مب شي
ثاني: تسلم والله يا بو جاسم
حمود: الا بغيت اخبرك ثاني تحييييييد النوير
ثاني: أي وحده ؟
حمود: افا نسيتها الي اممم عاد تذكرها ياخي كنت دووم وياهاا وتقوول عنها احلى وحدة من البنات
ثاني: هيه تذكرتهااااا شفيها؟ بس احيد بعد انها خلاص هب عندكم الحين غيرت مكانها
حمود: هيه بس البارحه يت عندناا وتخبرت عنك قلتلهاانك مسافر قالت اباه فسالفه مهمه وعطيتها رقمك وانته رمسهاا شووف شو تبغيك وطمنيه اوكي؟
ثاني:اهااا خلاص اوكي بس ليتك ما عطيتها رقميه ما فيه ع الصدعه والله الحين الروحيه مضاايق
حمود: ما بدق اليوم اظن انته شووف شو تبااا هذي بعد
ثاني: اوكي الشيخ وتسلم ع الاتصال وسلم ع الربع
حمود: يبلغ باي

وعقب كلهم رقدوا الا الريم وشواخي

شواخي: الريم شبلاج شعنه معصبه من ثاني شو قالج او شسوالج
الريم: ولا شي بس انا من امبوونيه ما احبه ونتي تدرييييين
شواخي: لا ما ادري الا تونيه والله صح احيدج ما تحبينه يوم قولج أي شي بس هب انج تبغضينه جذي وتسبيه هالسب
الريم: آآآآآآآآآآآآآه يا شواخي والله انيه ابغضه ومن خاطريه بعد ولو كنتي فمكانيه بتسوين اكثر بعد
شواخي: انا اعرف انج ما بتبغضينه مني والدرب بسسسسس شو السبب ليش بغضتيه فجاءة؟
الريم وتمت تصييييح : خلاص شواخي والله ما اقدرررر اخبر حد سكري الموضوووع وهذي سالفه لو اخبرج عنهاا يمكن انتي بتتصرفين فشي انا ما احبه خلاص خلي السالفه مستوورة ومحد يدريبها اخير وثاني يعرف انه ما يقدر ايي صووبيه ولا يرمسنيه من عقب هاليوم وهالسالفه
شواخي فجت عيونها: اوووف اووووف كل هذااا عيل اسميهاالسالفه خطييره خلاص اوك ع راحتج فديتج بس اهم شي نتي ما تصيحين وبرايه ثاني يولي ولت حياته يوم نزل هالدمووع الغاليه من عيوونج
الريم لوت على شواخي : تسلميييييين والله شواخي والله ليتج تكوونين اختيه
شواخي: فديت خشمج ترانيه انا ختج ومتى ما حتيتي اليه ما يردج الا لسانج
الريم: هيه والله وانا اشهد انج ختيه واكثر بعد
شواخي: اييييه بس عن هالخرابيط ما احب هالمواقف ترانيه بصيح خلينا نرقد ولا تفكرين فاي شي وباجر بنسرح ما ادري ويييييين يلا بس رقاد والا تبغينيه اقرا لج قصه
الريم:هههههههه اوكي بس تبين قصه انتي انا مسيفه قصص ف الاب اقريهن لو تبين
شواخي: يا النطع انا اقووولج انتي هب اناا لو راده عليه لو بس ترمسين برقد ما يحتاي اقرا قصص
الريم": هههههههه والله انج سوالف يلا انزين رقدي بس عن هالهذربان
شواخي: هيه الحين انا الي اهذرب هب جنه انتي من الصبح تصيح وتهذرب يلا تصبحين على خير
الريم: ونتي من هل الخيييير

اما فشقة هزاع وربعه
سعيد: شبلاك هزاع لين الحين ما رقدت؟
هزاع: هااا لا ما فيه رقاد رد ارقد انته
سعيد: افااا شعنه ما فيك رقاد رب ما شر فديت خشمك؟
هزاع: ما من شر بسس اتذكر موقف صارليه اليوم
سعيد: ليش شي صار فيا القلب؟
هزاع: آآآآآآآآآآه يالقلب كان بينهدم والله بس الحمدالله حصل خيييير
سعيد: صددددددق افاااا وشعنه وشو الي صار تراك حرقصتنيه؟
هزاع: لا تشغل بالك بهالسوالف رد ارقد؟
سعيد: بسسسسس خبرنيه زعلت منك بعد ؟
هزاع: لالالا ابد ماصار بينيه وبينها الا كل خيييييير بالعكس استانست اليوم وايد حتى اني رمستهاا ووصلتها الساحه وشليتلها شله
سعيد: لا والله يحيكو ببسسسسسسس عاد مصختها ششهذاا خلاص لا ترمسها مرة ثانيه نته وين عايش
هزاع: عااايش فبحر حبهااا
سعيد: لا انته صدق متخشع تخشييييييييييع
هزاع: واكثر بعد ياخي متى بنرد البلاد عشان اخطبها والله ما اقدر اصبر صبررررررت وااااااايد انا من متى احبها ولين الحين ما خذتهااا
سعيد: ان شااء الله عقب كم يوم بنرد واخطبها امرة
هزاع: هيه اكييييييييد بس خلنا نستريح من السفر والاسبوع الي عقبه بخطبهاا ما بتريا أي شي بعد عنبوووه من حب يوم خلانيه جذي متخشع
سعيد: انته تقريبن من كم سنه تحبها؟
هزاع: ماعرف والله بس اتوقع من سنه ونص
سعيد: الله يوفقكو وتكون من نصييييبك
هزاع: امييييييييييييييييييييييي ن
سعيد: تدري حتى نه انا افكر من ارد البلاد اخطب الي احبهااا والي شلت عقليه
هزاع: صدق شرايك يكون عرسيه ويا عرسك
سعيد: والله شي طيب
هزاع: بسسسس ما خبرتنيه بنت منو هذي شو من الجبايل؟
سعيد: بتعرف وشله مستعيل
هزاع: انته كييييييف تصبر بلاهاا وثاني شي انا احسك عادي ما تحبها وايد حتى انك ما حاولت تبين الهاا
سعيد: من قالك ما احبها اصلن انا من شفتها وانا رقاد الكرى محروووم منه
هزاع: لا والله صدق شو هي تقربلك يعني؟
سعيد: لا ما تقربليه بس هي اخت غالي ومستحيل اضرها واضره فحايه
هزاع: اهاا والله يحيهاا الي ضوت راسك
والصبح ساروا مدينة سالزبيرج الا راشد وبو خالد وثاني ماساروا ومايد وسارة ما يسيرون وياهم رواحهم يسيرون وكان الجو روعه ويجنن وطبيعة هالمدييييينه وايد حلوة وساروا مركز المدينة وتموا يتمشون هناك وزحمه وايد وطبعن هناك محلات ومقاهي ويلسوا في مقهى من التعب عسب ياكلون شي ويشربون
فطامي: ايييييه اقووولكم انا بسير اخذ اليه كافي وبرد
الريم: وين بتهظلين تعالي بنسير وياج عقب
فطامي: وين عقب يلا الحين انا بسير حد يبا شي؟
شواخي: هيه ييبيليه وياج
ام خالد: عن تغيبين حاسبي زين
فطامي: لا الا هذووه المحل الي مجابلنا
ام خالد : عن تبطيييييين يلا سيري وانقفضي الحين بيي اخووج هزاع وبنسير
فطامي: هيه ادري
وسارت فطامي المحل الي يبيعون فيه كافي >> شوكولاة وكان مجابلنهم وخلاف ماعيبها وسارت محل ابعد عنه وكان زحمه واااااايد وخذت الهاا كافي وتمت تدور الكوفي الي كانوا يالسين فيه بس ما دلته من الزحمه ووصلوا الرياييل كلهم
بوزايد: يلا جان بتظهرون
ام زايد: بعدها بنت عبدالله مايت نهيت تييب كافي لين الحين ما وصلت
بوزايد: صدق وشقايل تخلونها تسير الروحها وسط هالزحمه؟
وهزاع من صووب ينشد امه عن فطامي
هزاع: اميه وين فطامي؟
ام خالد: سارت هالمحل الي جدامنا لين الحين ما يت
هزاع: الحين بسير اطالعها هالبنيه ما بتخووز عن الكافي
هزاع سار المحل الي مجابلنهم بس ما شافهااا وتم يدور عدال المحلات وبعد ما شافهاا وما حب يقوول حق امه عشان ما تم تحاتيهااا
سعيد: شبلاك هزاع
هزاع: اختيه ما لقيتهاا كانت سايرة هالمحل ومحد الحين والله ماعرف وين سارت الله يستر
سعيد عرف انه يقصد فطامي : صدق وين سارت وكيف مخلينها تسير الروحها فهالمكان الزحمه
هزاع: ماعرف بسير ادورهاا
سعيد: اوك انا بعد بدورها فياك انته سير من هنا وانا من هناك وتصلبيه اذا ريتها اوكي
هزاع: اوكي ونته بعد
وساروا كل واحد يدور ع فطامي وبعديين سعيد انتبه على وحده واقفه وتطالع المحلات
سعيد سار صوبهااا وعرف انها فطامي
فطامي اول ما شافت سعيد استانست لانها اخيرن شافت حد يعرفه وهي كانت شوي وبتصيح من الخوووف
فطامي: ويييييين قوم اميه؟
سعيد: زين يوم شفتج تعالي من هنا بس لحظه بتصل على هزاع عسب ما يدورج
مرحباا الساااااع هزاع
هزاع: هاا بشر لقيتها؟
سعيد: هيه هي فيايه الحين خلاص الحين بنييكو
هزاع: اوكي اترياكم
فطامي فخاطرها: حليله والله انه طيب صدق يوم هزاع يقول انه مخاوي شما
سعيد: امممم اباا ادخل هالمحل طشونه تبين كافي؟
فطامي: لا ما يحتاي عنديه
سعيد: اوكي تعالي دخلي عسب ما تضيعين مرة ثانيه
فطامي: اوكيك
ودخلت فطامي ويا السعيد المحل
سعيد: اممم تقدرين تختاريليه كافي اباه حق وحدة
فطامي فخاطرها: صدق انكم مغازلجيييين حشااا والله ما يستحي يقوليه بعد اباه حق وحدة في الويه
وليش ما تتنقالها انته شو يعني تراه الا كافي
سعيد ابتسم : لا انواع الكافي بسس ماعرف ذووقكن انتن البنات غير بعد لو سمحتي يعني؟
فطامي: خلاص اوكي ..... وتمت فطامي تنقي وحطه فبوكس وحاسبوا وظهروا من المحل وكله طبعن ساكتين لانه بس سعيد هب مصدق انه يمشي ويا فطامي هاللحظه وفطامي قلبها يدق صح انهم يعرفون سعيد بس من طبع البنيه انها تستحي وبعدين قبل لا يوصلون الكوفي
سعيد: يودي هذااا حقج
فطامي استغربت منه توه يقوول حق وحدة والحين يعطيها اياه : شوو لا انا ما اخذ كافي من عند أي حد
سعيد: ليش وانا ماخذنه حقج
فطامي : لاوالله ايييه انا اخت ربيعك
سعيد: والله انه معزتج وغلاتج من غلاته عشان خاطر هزاع تشلينه اعتبريه اممممم ماعرف الي بتعتبرينه

فطامي: ما باخذه عطاه حد من الي ترابعهن اخير
سعيد: الي ارابعهن هب احسن عنج شيختيه خلاص ع راحتج مع انيه والله ما قصدت الا كل خير يوم عطيتج ايااه وهب قصدي الشين الي تفكرين فيه لانج اخت غالي واعز ربعيه ومستحيييييل اخووونه فيا اخته والسموحه منج وصلنا الكوفي هذا دشيه هناك اهلج
فطامي حست انهاا فهمته غلط: اممم انزين خلاص ييبه ما بردك وتسلم لو انيه الين الحي ماعرف ليش تعطينيه اياه اصلن انا ماعرفك
سعيد استانس : بعدييييين بتعرفييييين ليش هب الحين وسار عنها وهي دشت فويهها مليون استفهام شو الي بعدين بعرفه والله غريب هالانسان
ام خالد: ويييينج انتي وين نهيتي عنبووه هب كافي هذاا شو ضويتي راسج بهالكافي تمينا نحاتيج مسودة الويه محد يخليج تسيرين بريحاتج
فطامي: فديييييتج اميه والله ما دليتكم وين الا عقب
ام خالد: شو ما دليتينا؟
هزاع : ايييييه تعالي انتي
فطامي : الله يستر الحين بلقاليه هزبه محترمه
هزاع: لا تخبرين اميه عن شي لانها ماتدري وانتي كيف تسيرين الروحج فها البقعه الزحمه تخيلي حد شلج يالخايسه صدق محد يسير ويا البنات اسميكن صدعه ولازم تسون اشيااا وتعورن راسنا
فطامي: حشاا شبلاك تهد عليه خلاص انزين حصل خييير
هزاع: تستاهلييين اكثر لو الحين سعيد ربيعيه ما لقاج والاانا ما شفتج شبتسوييين ساعتهااا
فطامي: لا تم جذي تلموبيه ما يسوى عليه هالكافي خلاص التوبه اسير الروحيه
هزاع:اشووف البوكس الي فايدج ابا منه عقب هالحواطه وانا ادور عليج
فطامي: ما بعطييك توك تهزبنيه والحين تبا الكافي
هزاع: ييبي يلا هب من فلووسج ترااه
فطامي زاغت فخاطرها : يعني هو يعرف انه الكافي هذا من عند ربيعه سعيد والله انه جريء هالانسان كيف يخبر هزاع انه عطانيه كافي .......... ونته شدراك انه هب من فلووسيه؟
هزاع: لانه اكيييد من الفلوس الي عطيتج ايااهن الصبح شو نسيتي وياراسج يلا عطينيه
فطامي تنفتست بصووت عالي : انزين
هزاع: ايييه نتي شفيج هب فطامي الي اعرفها
فطامي: لا ولا شي انا فطامي يعني لابسه قناع شرات ويهاا ويا راسك اقوووول بسير عند الريم بس شبعت من مجبالتك
هزاع: ويا هالراس شو شبعتي من من مجابلتيه اصلن انتي ودج طوول الوقت اتم ويااج
فطامي: تراك وايد مصدق عمرك؟
هزاع: من حقيه هب انا هزاع بن عبدالله رماح ال...... تعرفييين فطامي ليتنيه مكانج
فطامي: ليش يعني؟
هزاع: عشان اتم عدها طوول الوقت ولا اخوووز
فطامي: حشا اسميها بتعاف حياتهاا
هزاع: ايييييه هب جنج وايد خذتي عليه تبيييين ترابعينيه انتي؟
فطامي: هههههههههههه والله انك خقاق منو انته عسب ارابعك ماعنديه موونه
هزاع: يكفييييييج انه شيييخ بوظبي يرمسج ويا ويهج يلا فارجي
فطامي: شوفوا الخقه انتوا مالت علييييييك اونه شيييخ خقاق حشاا من وين يايب هالخقه؟ محد فعايلتنا خقاق غيرك
هزاع: هالخقه وارثنها من عند يديه الله يرحمه وثاني شي من حقيه اكوون خقاق ياخي شفيج انتي تغارين ومضايقه
فطامي: اقوول انته ما بتشبع رمسه الحين العرب بيظهرون ونته ما خلصت
وبعدين كلهم ظهروااا من الكوفي
وعقب تموا يحوطون ف المدينه وتموا عند النهر وايد حلوو وعجيييب ويقسم المدينه نصين وهالمدينه بطبعها رومانسيه وايد بسبب المناظر الطبيعيه الي فيها
سعيد: والله فاته بو سنيده ماياا فيانا هالمدينه الغاويه
هزاع: هيه والله صدقت بسس تدري هالمدينه ما تنفع حق سيرة اهل وحشرة
سعيد: هيه والله صدقت خلاص انا يوم بعرس بيي هنا هههه شرايك؟
هزاع: هيه والله صدقك وصاح تلفون هزاع .. الووو
هزاع: مرحبا السااااع
....... : مرحباا ملاييييييين فذمتيه ولا يسدن
هزاع: ؟؟ منو انتي ماعرفتج؟
.......: افا بعد ما عرفتنيه والله زعلت منك
هزاع: واناشدرانيه فيج الشيخه بتقولين منو والا اسكر فويهج؟
...... : خلاص بقووولك بس لا تفكر بتفكير ثاني عنيه
هزاع: اوكي ما بفكر يلا قولي منو؟
...... : انا علايه
هزاع: أي علايه؟
علايه : ليش كم وحده تعرف اسمهاا علايه يعني؟
هزاع: هيه بنت خاليه
علايه: هيه زين يوم تذكرتنيه
هزاع: ليش متصله شي تبين؟
علايه: بس حبيت اسلم عليك وع الاهل
هزاع : يعني ما تعرفيين تتصلين على تلفون فطامي والا اميه ؟
علايه: ليش انته جذي تعاملنيه والله يا هزاع انا احـــــبك متى بتحس؟
هزاع: علايه سلمتي اظن ونحن الحين هب فالبلاد وثالث شي انا ما بحبج ولا بفكر وهذا هب الحب الي تسمينه بس اعجاب بيزول مع الايام ورابع شي انتي حق فطامي ما تدقين تدقين عليه ليش شو الي بينج وبينيه وخامس شي والاهم انا احب وحدة وتعرفينها اظن ويوم برد البلاد بخطبها وسادس شي مع السلامه
علايه: لحظه لحظه هزاع
هزاع: امرينيه شي غير
علايه: منو هي الي تحبهاا حرام عليك والله يوم خذت وضحى انيه شوي وكنت بموووت والحين بعد بتاخذ غيرهااا ليش ليش يعني وهي تصيح
هزاع: ويت انتي عبالج يوم بترمسينيه بتكبرين فعينيه بالعكس بينزل كرتج ولا حتى بتطرين عباليه لانه هالتصرف ما يعجبنيه اوكي وانا يوم باخذ وحده باخذههااا ما بشاورج والا بشاور غيرج فهمتي باي وسكر عنهااا
سعيد: مني هذي؟
هزاع: بنت خاليه ياريال والله انها مصدعتنيه اونها تحبنيه وماعرف شو تقول
سعيد: الله يعينك صدق تعرف انا بعد شرات حالتك اهليه كانا حاطين ف بالهم بنت عميه الي فبدع زايد وهي اونهاتبغينيه تحبنيه بس انا ما طعت اخذهااا
هزاع:ليش هي بنت عمك؟
سعيد : انته شو عبالك بسوي شراتك بنت عميه باخذها خلاص لا يا ريال انا ماباخذ الا وحده فراسيه ونته تعرفها
هزاع: اعرفها شقايل بعد؟
سعيد: بعدييين بتعرف منو
هزاع: يصير خييير


شواخي: الريم تعرفييييين ثاني ابدن ما شفته من البارحه وتخبرت خالتيه وبعد ما شافته اونه ظهر من البارحه الين اليوم ما يدرون عنه ولا حد شافه ابدن
الريم: نفاده ياربيه فكه من ويهه اذا اصلن له ويه يجابلنيه عقب الي كان بيسويه
فطامي: شو مستوي الريم؟
شواخي: لا تتخبرينها ما بتخبرج كم حايلتها البارحه تخبرنيه ولا طاعت بس تدرين الريم والله احاتيه انتي تتخيلين محد شافه من البارحه وفبلاد غرب وين سار يعني
الريم: ريال ماعلييج منه ما ينخاف عليه وهو يخوف ما ينخاف والا شرايج فطامي
فطامي: هيه صح هو ريال بيدبر عمره شو بيستويله يعني
شواخي: ماعرف والله بس تدرين خالتيه ام سيف تحاتيه صدق
الريم: احم احم انتي تحاتينه والا تحاتين العلوم والاخبار عن السيافي ههههههههه اعترفي جكيتج دبوه ههه
شواخي: هههههههه وياراسج لا والله احاتيه بعد وصح بعد محد غيره يخبرنيه علوم سيف
فطامي: قولي جي ههههههههه هب له حق العلوم اثره
شواخي: حرام علييييكن والله قلبيه حنووون احاتيهم كلهم فديتنيه
الريم: هههههههههههههه شوفي مصدقه عمرهاا هذي اونه قلبها حنون
فطامي: هيه صدق انزين قلبها حنوون شواخي يعلنيه افداها
شواخي: تتفداج العافيه هذي الناس هب انتي
الريم: خلاص انزين سووري بس ما اعرف اجامل
شواخي : هيه انزين اخير يوم ما تعرفين تجاملين بس بعده قلبيه حنووون
الريم: الا اتخبرج فطامي من عند منو بوكس الكافي هااا اعترفي
فطامي: شوو بعد من عند منو انا الي ماخذتنه ليش ؟
الريم: انزين شبلاج اسوولف شعنه جي جادة انتي ههههههه
فطامي: ها هههههههه لا عادي والله
شواخي: اقوولج انا بسير عند الحرمات طشونه وبييكن اوك
الريم: عن تبطييين ترانيه مااصبر بلاج
شواخي: ادري انزين
الريم: خقاااقه ههههههههه وسارت شواخي عنهن
فطامي: ريموووه بخبرج شي بس ما عرف كيييييف وماعرف الي سويته صح والا غلط ابا رايج وابا عرف بعد ليش جذي صار
الريم: قولي فدييييتج
فطامي: انتي تخبرتينيه من عند منو هالكافي وقلتلج انيه انا الي شارتنه
الريم: هيه
فطامي: تبين الصدق لا هب انا الي شارتنه
الريم: منوو عيل ؟
فطامي: سعيد ربيع هزاع
الريم: صددددددددق وليش يعطيج وكيف ومتى اصلن عطاج؟
فطامي: هيدي عليه حشااا بخبرج تعرفين يوم انا سرت اخذليه كافي ترانيه ضعت في المحلات وما دليتكم وين
الريم: انزين
فطامي: هزاع وسعيد تموا يدوروون عليه ولقانيه سعيد وجان ايي ويااه بس قبل وقفنيه عند محل كافي وقاليه نقيليه اباه حق وحده نقيتله وخلاف قبل لا ادش قاليه هذا حقج انا اول شي ماطعت بس خلاف شليته
الريم: صدمتينيه والله هو ربيع هزاع وجي وليش انتي خذتيه
فطامي: انا قلتله شرات ما قلتي انا اخت هزاع وهو ربيعك وجذي قال غلاتج من غلاته عقب قال خلاص هب لازم تشلينه ما بغيج تفهمينيه غلط غمضنيه والله وجان اشله
الريم: ليش يعني يعطيييييج والله غريبه؟
فطامي: تعرفيين قاليه شي غريب اونه بعديين بتعرفيييين ليش انا عطيتج
الريم: اممم صدق يمكن الي فباليه صح
فطامي: وشو فبالج؟
الريم: يمكن يبغي يخطبج ياذكيه عيل شو يباا يعطيج ونتي اخت اغلى ربعه
فطامي: هاا لالا ما اظن
الريم: بشوووف صدقينيه
فطامي: المهم انا مابغيج تيبين هالسالفه عند حد اوك
الريم: افاا علييييج منو بخبر يعني
شواخي: انتن يالسات توسوولفن حشا عبرن السوالف تعالن نتصوور والله كشخة البقعه هني العيايز غلبنكن ويالسات يتصورن ونتن متفيزرات هنا
الريم: هيه والله صدقج يلا خلينا نتصوور
فطامي: اوووف شو هذا كيمرتيه عند هزاع خووويه
الريم: انزين عادي بكيمرتيه شو يعني بنسخلج الفلم لو تبينه خلاف
فطامي: اوكي


سعيد : ايه شو تصووور انته والله ذكرتنيه برشوود حليله دووم ماسك هالكيمرة ويالس يصوور ههههههه له وحشه والله بلاه السيرة ما تسوا
هزاع: هيه والله تعال ندقله نطفربه شوي
سعيد: انا بدقله .......... يا مرحبااا الساااااع
راشد: مرحبتييييين كباااار والله هاا علووم؟
سعيد: والله ياريال فاتك كشخه عجيبه هالبقعه
هزاع : وياراسك والله طافك نص عمرك >>>>> حاطين سبيكر
راشد: صدق ايييييه لا تمون تغايضووني اعرف ان كشخه خلاص
سعيد: انزين اتخبرك انته وين الحين ؟
راشد: يالس ويا الربع مهير وربعه وابووك بعد يالس وياناا
هزاع: علووومه الشيبه ؟
راشد: والله بخييييير يسوولف يالس
هزاع: هيه يحيه شيبتيه والله
سعيد: نخلييييك عيل بو سنيده وسلم ع الي عندك
راشد: يبلغ الساااااع مع السلامه
سعيد: بحفظ الرحمن
هزاع : تعال بو عسكور خلنيه اصوورك
سعيد: لا والله وليش تبغي تصورنيه بعديين هالفلم بترويه اي حد ادريبك انااا
هزاع: عيل شو عبالك بعطيك ايااه وياراسك يلا وقف جدام النهر اشووف وطلع ضرووسك الحلوات هههههههه
سعيد: احلى عن ضروووسك يالكلب يلا ما بصوور فياك
هزاع: هههههههههه محد غيرك جلب بعد بلووسي هههههه انزين لا تصوور بصوور انا الروحيه
سعيد: امممم بتروي من هذا الفلم؟
هزاع: اممم الي فبيتنا بسسس
سعيد: اهاااا والفلم الي صورنا فيه وايد فالشقه وغيره
هزاع: لالا هذاك بخليه الكم بس ما برويه حد من بيتنا
سعيد: هيه ابرك
وهزاع وهو يصوور طاحت عينه على الريم وهي تتتصور وفطامي تصوورهاا : فديتج والله يالريم متى برد البلاد عنبووووه من حب
سعيد: شعندك تهاذي؟
هزاع: ولا شي بس ياخي مليييييت كم باقي بنرد البلاد؟
سعيد: خيبه من حب يوم سوالك كذيه باقي ثلاث ايام واو اربع اصبر
هزاع: صبرت وايد بس ماعليه الا اربع ايااام ........ بسير ارمسهاااا
سعيد: انته هب صاحي تعاااااااال والله انك مينووون
هزاع: شسوي والله يوم اشووفها ما اقدر ارمسها
سعيد: وين حمدان اخوووك؟
هزاع: ما ادريبه والله
بوزايد: هاا هزاع وسعيد انتوا هنا؟
هزاع + سعيد: هيه والله هنا يالسين
بو زايد: محلاتها هالبقعه والله بس الحين بنسير الينوووب
هزاع: وين بعد؟
بو زايد: ماعرف المرشد يقوول مساعه عن منطقه ينووب سالزبيرج هزري اسمها التنماركت
سعيد: يا حيهو والله يلا عيل خلونا نسير
هزاع: بو زايد وين حمدان ؟ ما ريناه؟
بوزايد: هيانا حمدان يالس
سعيد: هيه تونا ننشد عنه
وعقب ر كبوا الباص (( طبعن هالمرة كلهم سايرين رباعه ف باص واحد بس الريااييل جدام والحرمات وراا يعني كل واحد الروحه وسعيد ام خالد وكلهم يعرفونه جنه من العايله وهم بعد يعرفون هله ودوم وياهم ))
ووصلوا منطقه التنماركت وهي قريه وايد حلوة وكله حشيش وشير ولوونها اخضر ويبال الصراحه طبيعه ولا اروع وفيها نهر هب وايد عوود والبيوت عبارة عن اكواخ
شواخي: الله والله انهاا طررررررررر انا بعيش هني خلاص خلونيه
الريم : هههههههههه انا بعد وياااج
روضه: اقووولكن تلعبن ويانا كرووووك الي ينخش
فطامي: هيه اوكي بنلعب شو ورانا
وعقب تموا يعدووون وطلع دوور فطامي هي الي دورهم وتمت تعد الين 50 وكلهم ساروا وانخشوا من بين الشير والحشيش
والريم وهي منخشه ورا الشيرة حست انه حد وراهاااا : اييييه لا حد ينخش ويايه هني
هزاع: وليش يعني ؟
الريم انصدمت من الصوت جان تلف وراهاا : هزاع !!!!!
هزاع : عيووون هزاع وقلبه ورووحه وحياته ودنياه كلهاا
الريم: ....................
هزاع: وليش منخشه هني شو تسوين؟
الريم ابتسمت : يالسين نلعب شي تبا؟
هزاع: صدق شو من الالعاب تلعبون ابا العب وياااااج
الريم: بتبطي وايد يلا سير خلنيه انخش زين لحد يشووفنيه وبعد دور فطامي ختك الحين
هزاع يودها من ايدهااا ويرها صووب شيرة عووده
الريم: اييييييييييييه انته شو تتحرا عمرك فج ايديه ما تستحي
هزاع : هههههههههه شو انتي مبرمجينج على هذي الجمله واصلن انا ما اسحتي شسوي فاصخ الحيا ههههههههه
الريم: وانا شو يخصنيه يعني ياخي شفيك انته؟
هزاع: انا الي فيه احبج
الريم نزلت راسها ويهها غدا ولا اشارة المروووور هع هع
هزاع": امممممم اريامي شعنه منزله راسج رفعيه ابا اشووف عيوونج الحلوة
الريم: .............. >>>>>>>>> لا تعليق لوووووول
هزاع: يعني ما تبين ترفعينه اممم اوكي ...... وهو رفع راسهاااا والريم تيبست وتمنت لارض تبلعهااا ولا يستويلها هالموقف
هزاع: فديييت عيوونج ياربيه والله انهن غرااااااااام
الريم: ايييييه هزاع ياخي والله عيب يلا انا بسير
هزاع: هههههههههههههههههههه فديت خشمج والله شو تستحييين غناتيه؟
الريم: لا والله صدق ما تنعطى ويه تخيل حد يشووفك هيايه
هزاع: عادي ترانيه بخطبج اول ما ارد من السفر
الريم استحت : انزين يلا بغير مكانيه شكلهاا فطامي ما لقتنيه
هزاع: اوكي حياتي
وحمدان كان يتمشى فنفس البقعه الي فيها هزاع والريم وشافهم ويا بعض وفج عيووونه منصدم ما توقع انه يوم من الايام الانسانه الي هو يفكر فيهاا وانعجب فيهاا اخووه بعد يفكر فيهاا
حمدان : معقووله اخووويه هزاع يحب الريم والي دوم يطريهااا لا ما اصدق لازم اساله اناا بسير صووبه
وصدق انه سار حمدان عند هزاع اخوووه
حمدان: هزاع بغيتك فسالفه شوي
هزاع: عووونك
حمدان: عانك ربي بس بغيت انشدك وابغيك تجاوبنيه بصراحه
هزاع: اسال وان الله قدرنيه بجاوب صدق ولا بجذب
حمدان: شي بينك وبين الريم بنت حمد ؟
هزاع فج عيونه : هااا ليش هالسؤال يعني ؟
حمدان: قلت لا تجذب انا شفتك وياااها تونيه
هزاع: اهاا هيه انا احبهااا ومن زمان بعد وان شاااء الله يوم برد البلاد بخطبها من هلهاا
حمدان: اهااا ان شاااء الله بس هزاع هب حلوة انك ترمسها والروحكم تخيل هب انا الي شفتكم ابوها او ابوويه شو بيكون موقفها هي موقفك جدامهم؟
هزاع: ادري حمدان وسعيد دوم يقوليه شرات رمستك بس ماعرف غصبن عنيه خلاص ان شااء الله ما برمسها مرة ثانيه بحاول ازخ عمريه
حمدان: هب الا تحاول زخ عمرك ياخي شو انته ما تستحي
هزاع : هههههههههههههههههههههههه شبلاكم انتوا ع المستحى اليوم خلاص ان شااء الله يديه حمدان
حمدان سار عن هزاع: ما اصدق ان البنيه الوحيده الي انعجبت فيها هزاع اخوويه يحبهااا ومن زمان بعد
زين يوم عرفت قبل لا اخرب من بينهم

يا عين كفي وافهمي الحظ مقسوم .......... قسمه من المولي يبري براها
لابد في الاوقات تنصفج لو يووم .......... وتشفي جروحج قطرة من دواها
اداويها روحي من غير مفهووم........... لو كان بشرب حنظل البر ماهاا
لذيذ على جبدي خافي ومكتوم ............ تصفي ولو تدلخ علي صفاهااااا
عسى الله يا عيني لج الحظ مقسوم ....... مع احباب واصحاب يجر بخطاها
هذاك وين النفس ترتاح يا قوم .......... قوم من الضيفان يردوا ثناهاااااا


.................................................. .................................................. ...............

في ساحة استيفنز ثاني كان يالس الروحه في الكوفي صاح تلفوونه
......... : الوووو
ثاني: هلا والله
........: شحالك ثاني؟
ثاني: بخيير ونعمه منوو ماعرفتج؟
......... : انا النوير تذكرتني ؟
ثاني: اها مرحباا الساااع النوير شحالج شو مسويه؟
النوير: بخيييييير بس ابغي اكلمك فموضووع
ثاني: هيه ادري خبرنيه حمود عنج وانج تبغينيه فموضووع قولي شعندج؟
النوير: اممممم الحين بقوولك ليش مستعيل
ثاني : لا عادي هب مستعيل متى ما تبين تقولين قولي ع راحتج الشيخه بس تدرين تولهنا عليج من زمان ما ويهتي صوب الشقه
النوير: هيه غيرت الشقه يدفعون اكثر
ثاني: هيه قولي جذي
ونوير قالتله السالفه الي تبا تقولها وسكرت وثاني تم متصنم وهب مصدق الي يسمعه
: شو اسوي الحيييييين سالفه من صووب وهذي بعد لا حوووول شسوي وين اودي ويهيه الله يستر صدق

ااااااااااااااااااااااااا اااه مــــــــــــــــــــــــ ـــــــــن همـــــــــــــــــــن ضوااااااااااااااااااااااا اااااااااااااااااااااني:0 0015:

وعقب يومين ردواا كلهم من سالزبيرج وصلوا فيناا وما بقا الا يومين وبيردون البلاد وهاليوم تموا السين في الفندق وطبعن اكيد بيسيرون ساحة استيفنز لانها عدالهم ما قدروا يظهرون مكان لانهم تعبانين
ام سيف: ويييينك ثاني ولديه شعنه ماييت وياناا والله تميت احاتيك الغالي
ثاني: هني اميه والله ما ظهرت بقعه ماكان اليه خاطر
ام سيف: وشوو هذا الي فويهك منو شامخنك وشو هالضرب الي ع ويهك ويا منو مضارب؟
ثاني: لا اميه هب ويا حد طايح بس
روضه: انزين من وين يا الشمخ من الطيحه بعد لا تجذب منو ضاربنك اعترف؟
ثاني: يخسي والله وهذا الشمخ من الموس يوم كنت احلق لحيتيه
روضه: وين ما اشووفها محلقه ليش الجذب
ثاني: انتي جب لا ترمسينيه وايد الروحه الي فينيه مكفينيه ومابغي عوار راس اكثر خلاص ياخي بسسسس تعبت وظهر وهو معصب من الشقه
ام سيف: انتي شقايل جذي ترمسين اخووج ما تشوفينه مضايج وماله بارض يرمس حد حتى انا امه ما يرمسنيه شرات الناس
روضه: اسفه اميه والله ما كنت ادري انه معصب بس كنت اسوي وياه سوالف
وثاني حالته حالة وصدق مضاااااااااايق من الخاطر ما يعرف يفكر فسالفه الريم والي كان بيسويه فيها وكيف بيرمسها ويتاسف ع الي سسواه والا سالفه النوير الي ظهرت هذي فجاءة بعد وتم يمشي وهو ما يدري وين يسير حتى انه من البارحه هب راقد ولا غضت عينه

يوم كلن ذاهل وغافي بت انا اضرب بالكفوفي
من جروحن مالها مشافي غزرت في قلبي ويوفي
كم اعاني عوق واتلافي عايشن في هم وحسوفي
صابر ولا بين الخافي وحاملن حملي على كتوفي

.................................................. .................................................. ...................
اليوم الاخييييير قرروا انهم يظهرون مكان وقالهم المرشد انهم بيسيرون يبال الالب لانه هناك ثلج عسب يلبسون ملابس ثجيله ودافيه عن البرد وطبعن كلهم استانسوا عشان الثلج
وفطامي سارت عند الريم وشواخي ف الشقه
فطامي: اييييه يلا خلنا ننزل تحت
الريم +شواخي : يلا اوكي ....... وعقب نزلن تحت وهزاع كان ياي صوبهن
هزاع : مرحبا السااااع
كلهن : مرحب باجي
هزاع: الريم وين ابووج؟
شواخي مستغربه من جرأة هزاع عدالهن كلهن يرمس الريم
الريم: فوووق ف الشقه بعده
هزاع: اهاا اوكي وسار هزاع فوق ودق باب الشقه وطلع بو زايد
وتوايهوا وسلموا ع بعض
هزاع: بو زايد شرايك انا والربع اتفقنا نيوول عند الثلح ونلبس كنادير سود هاا شرايك تعزم وياناا؟
بو زايد: سلامي علييييييكم يالبيييييييييييييه تم الساااااع بس لحظه انا هب يايب هيايه كندورة سودة بس بيضه وحق اخر يوم
هزاع: امممممم اقياسك احسه شرات بو عسكوور بييبلك كندووورة من كناديره
بو زايد: ماشااء الله عاملين حسابكم بعد
هزاع: هيه نحن مفكرين فيها قبل لانه مسوينها يوم كنا سايرين بريطانياا رباعه
بو زايد: اهاا والله زين تدري انا ما جد يلت فبلاد غرب
هزاع: بتشووف الصدعه خلاف بس الحين بسير احطلك الكندورة عندك سفره حمرا والا؟
بوزايد: بعد لا والله بيضاا بس وهي ما عنديه لا عصا ايول بها ولا شي
هزاع: افاا عليييييك كل شي يايبينه الكلاشنات والعصي بعد هب مقصرين هههههههههههه
بوزايد: يالبيييييه عليكم خلاص ان شاااء الله حطوا مونتكم وانا زاهب
عقب تجهزوا الشباب وحطوا الكلاشنات والكنادير وكل شي حتى المسجل والسي دي ما خلوا شي لووووووووول
وثاني بعد كان بيسير وياهم غصبن عنه لانه ابووه هزبه وقاله لازم اتي ويانا عسب انه هم يايبينه عوون هب فرعوون يمكن يحتايوونه فحايه والا شي بسس ماكان له خاطر فالسيرة بكبرها وخص انه الريم ما تقنااه(باغضتنه وماتحبه) وبعد انه يفكر فسالفه النوير وشو الي بيسويه وياهاا عقب الخبر الي سمعه وبس الحين فباله يرد البلاد عسب يتاكد من الخبر هذاا اذااهو صدق والا لا
وركبوا الباص وصدق كان صدعه من الخاطر خص ورااا >>>>>>> البنات لووووول
شواخي: الريم ما لاحظتي شي؟
الريم: شو الي الاحظه؟
شواخي: ثاني غييير هب الاولي حتى انه ما رمسنيه ابدن
الريم: لانه ماله ويه يجابلنيه بس
شواخي: اوكي يمكن بس انا قبل شوي ما كنت وياج وكنت الروحيه وعنده يالسه بس امرة ما نطق بكلمة وشكله سرحان ويفكرفشي هامنه
الريم: اممم يمكن يفكر انه الي سواه غلط
شواخي: ماعرف والله بس اشفق عليه هذاا هب ثاني غيييير حتى لو تشوفين عيوونه والله منتفخات والا صح اتخبرج الريم شسالفه الشموخ الي ع ويهه والضربات وتلفونج متكسر الله انا شاكه فشي الصراحه
الريم: لا تمين تقولين اشيااء ما بقوولج أي شي لانيه اخافه يطيح من عينج ان قلتلج وبتبغضينه اكثر عنيه
شواخي: خلاص ع راحتج فديتج بس والله انا ما انشدج الا لانج تهمينيه
الريم: تسلمين شواخي والله بس خلاص لانه السالفه ما تنطرا وما تشرف وسواد ويه بعد عشان جذي ما بخبرج فيها
فطامي: انتن بعدكن على هالسالفه والله ما عندكن موونه ,,,,,,, هيه صح ما خبرتكن تعرفن انه الشباب بيولوون في الثلج
الريم: فذمتج؟
فطامي: هيه والله حتى ابووج الريم
الريم: سلامي على ابوويه فديته
فطامي": خلاص ياخي والله انامعجبه فابووج باخذه هههههههه الحين امج بتصفعنيه
الريم: حدج عاده ابوويه ما يحب ولا يشووف غير مريم بنت سلطان فديتها تنقاها من زد البنات كلهن
فطامي: يا سلام ليتنيه مريم والله هههههههه
شواخي: هيه والله صدقها فطامي ماشااء الله ع خاليه دووم اقووله انته غرشووب بوظبي والعين كلهن
فطامي: لا حدج غرشوب بوظبي هزاع اخوويه هههههههههههههه
شواخي؟: وانا اشهد خلاص خاليه حمد غرشوووب العين وخصصصص فلي هزاع هههههههه
الريم : هب جنه انا بنته ونتن يالسات تتغزلن ف ماي فاذر حشمن شوي حشاا وهذي حرمته يالسه عندكن بعد هههههههههههههههه
شواخي: ما تسمع امج عادي
الريم: ما تسمع هاا الحين بخبرها ولا يهمج اميه طالعي يتغزلوون فريلج
ام زايد: شو بعد ريلج هذاا ابووج يالي ما تستحيييين
الريم: اميه انزين خلاص يتغزلن فابوويه واحس انا هذا الاهم هب يوم قلت ريلج
ام زايد: لا ما يتغزلن فيه شو يبنه
الريم: شوفي اميه تغاار على حمد فديته هههههههههه
ام زايد: يا مسودة الويه هذي الي بتجلطنيه الحين شو انتي ما تحشمين جدام الحرمات تطرين هالسوالف
الريم: هههههههههههههههههههه فديت مريم يوم تعصب ....... ايه فخاطريه اسير جدام عند ابوويه ابا ارمس وياه
شواخي:عيني خير جدام كل الرياييل والشباب وين بتعفدين فنصهم
الريم: عادي تراه ابوويه جدام بسير الوي عليه
فطامي: حتى انا بسير وياج ريمووه بوايه ابوويه ما وايهته اليوم
شواخي: عن هالحركات ويا ويهكن ادريبج الريم تبين تشوفين عرب هناك بس فطامي شو لج من الحايه هناك ها جكيتج؟
الريم: ههههههههههههههه عنلاتج عادي مابغي اشووف حد بس اوبويه حمادي فديت خشمه وفطامي منو تبين تشوفين ها قولي لا يكون هههههه
فطامي: ويا راسج لا ما يكون مابغي اشوووف حد بقر هنا وبصك الدعنه ما يسوى عليه اسوولف لازم تعلقن
الريم: عصبت بنت عبدالله وهذاا الي ابغيه انااا
فطامي: مالت علييييييج ياربيه
الريم: غصوون الينه ياربيه
شواخي + فطامي: وياج
الريم: منو عزمكن انا الي قلت هههههه
فطامي: شفيج الريم شاده حيلج اليوم هاا شو ماكله لا يكون فووول
الريم: هيه شدراج ترا ييرانااا مصريييييين ههههههههه الله يقلع بليسج فوول ف النمسا عاده تونيه ادري
فطامي: ما ادريبج والله والا عرب قالوولج شي هاا قولي عادي تراه
الريم: ما يخصج موتي فغيضج
شواخي: انتن ما عندكن سالفه مملات تراكن انا بسير عند خالتيه ام سيف
الريم: ههههههههههههههههه هيه سيري نشدي عن السيافي وطمنينيه عنه
شواخي: فاهمتنيه ماشااء الله حويذق
الريم: ما يحتاي اكووون حويذق عسب افهمها

شواخي سارت ويلست عدال
ام سيف: مرحبا الساع بخطيبة ولديه والله
شواخي تشققت: مرحب باجي شحالج خالتيه ؟
ام سيف : بخيييير بس تدرين لا تقولين خالتيه الحين انا عمتج بغدي
شواخي: ولا يهمج عمتيه على ذا الخشم
ام سيف: فديت خشمج ياربيه ......... وفجاءة والا انه يدق تلفون ام سيف
سيف: مرحباااااااا الساااااااااااع براعييييين نمساا
ام سيف: مرحب بااااااااااجي ولا هااااان فديتك والله
سيف: شحالج يعلنيه ما خلا منج؟
ام سيف: والله بخيييييييير وسهاله لا تنشدنيه ومن جداك ياربك بخييييير الغالي؟
سيف: بخيييييير ونعمه ما نشكي غيير فرقاكم والله
ام سيف: يعلك بزوود وبيوود والا علوم الهوووش والبووش وياك؟
سيف: رقييييص والله البووش والهوش ينشدن عنج الغاليه ههههههه
ام سيف: وظبيه بعدهاا ما ربت ؟ >>>>>>>> ظبيه ناقه هع
سيف: هيه ولدت حليلهاا ويابلتج بكرة سبووق ههههههههه
ام سيف: يحيها والله عيل الغالي هذي شواخي حذاليه رمسهاا وسلم عليهاا
سيف فخاطره : شو هذااميه ليش تحبين توهقينيه لحوووووول وانا من امتى ارمس شواخي
شواخي شرات حالة سيف لانهاا ولا مرة رمسته وبعد كانت تتمنى هو الي رمس وقال ابغي ارمس شواخي هب امه تقووله
سيف: مرحباالساع شواخي شحالج؟ ربج بخييييير؟
شواخي: مرحب لا هان والله بخيير تنشد عنك العافيه ومن صوووبك؟
سيف: بخيييييير وسهاله
شواخي: دوووم ياربيه وكل يووم
سيف: يميع ياربيه
شواخي: ما تامرنيه بحايه من هني يا بو هناد؟
سيف: ابدن غير سلامتكم وشوفتكم بخير وعافيه
شواخي: تسلم والله
سيف: يلا عيل سلمي عليهم كلهم الريم والي حذالج وثاني بعد من يومين هب مرمسنه ماعرف شبلاه
شواخي: سلامن يبلغ ان شااء الله مع السلامه
سيف: درب السهاله ياربيه
شواخي شوي وبطير من الفرحه بس كانت تتمنى سيف يقولها كلمة تبرد خاطرها بس فكرت انه سيف من النوع الي يستحي وايد ومايعرف يرمس بنات وهي عذرته
شواخي: الريم يسلم عليييييج سيف
الريم: صددددددددق الله يسلمج ويسلمه ويسلم غاليه ومغليه وكيييييف شو رمستيه انتي خبرينيه بالتفاصيل من طأأطأ للسلام عليكم عقوولتهم
شواخي: حشاا اسميج ملغووثه ما بقوولج
الريم: يلا عاد خبرينيه ويارسج
شواخي: خلاص رفت بحالج مااستوااي شي عادي شحالج شواخي بخير وانته شحالك ومن هذا بس واخر شي قال سلمي ع الريم والي حذالج وثاني وبس هذا الي صار
الريم: بسسسسس وكيف هو قال يبغي يرمسج والا شو؟
شواخي: لا خالتيه قالتله
الريم: اهااا اقوول انا من متى سيف بيطلب هالشي بتبطييييين وايد هههههههههه
شواخي: فعينج ببطي جرييييييييييب ان شااء الله
الريم: منو الي كان يقوول ويقوول والحين جرييييييب زين والله
شواخي: جب يلا فطامي شعنه صاخه فمنو سرحانه لا يكون فيه ههههههه
فطامي: لا سرحانه فالشير
الريم: أي شير يالجذوووب
شواخي: الريم هي سرحانه فيج وتتحراج شيره جدامها بهالي لابسته تقوول حشيش
الريم: يالله يالنحاسه ما طحت الا ع لسانج متى بنوصل عبنووه من يبل حشاا ما يسوا علينا
شواخي: ليش حد يرج من شعرج وسحبج الباص وقالج تعالي غصب انتي تبين ومستانسه بعد
الريم: ما يسوا عليه الي قلته خلاص يا بوويه سحبتها جملتيه بعدنا مستانسين نبا نيلس ف الباص ان شاااء الله ما نوصل
شواخي: فال الله ولا فالج حشاا شو تبينا نتم فالباص طول عمرنا الحين بنوصل
فطامي: والله انكن صدعه ناقر ونقيره
وعقب كم ساعه وصلوا يبال الالب وك
وكل ما رقوا اكثر يزيد البرد وكان ثلج وايد وصدق برد من الخاطر والشبيبه كل واحد وسار يبدل ثيابه ولبسواا كلهم كنادير سوود وسفر حمر وكاشخييين اخر كشخه وشكلهم طرررر
الريم: فطامي وين هزاع ما اشووفه من بين الشبيبه؟
فطامي: مادريبه بس هذا ربيعه سعيد
الريم: تدرين شكله رهيييييييييييب ربيعه بالكندووورة
بو زايد: ها شرايج الريم فيه؟
الريم: مافييييييك حيله صكتت الشبيبه كلهم والله
بوزايد: اعجبج عيل شو تتحرين
زايد: وانا محد مدحنيه
الريم: بس ليش ما لبست سوودة شكلك غلط من بينهم
زايد: شسوي محد ع قديه عشان يعطينيه كندورة سودة يلا عادي المهم ايوول بكندورة هب بنطلوون
الريم: هيه والله لا بس اكيد انته بتصكتهم بيوالتك
فطامي تطالع سعيد الي كان يطالعها وما شل عيونه عنهاا ويبتسم الها وفخاطرها: ياويل حاليه عليك اسميك غرام بالكندورة السودة والغتره الحمرا الحمدانيه
الريم: اييييييه فطامي شوفي شوفي منو جدامج يا ويييييييييييييل حاليه كم بعيييييييييش يعلنيه افداااااااااه
فطامي: ايييييييه يالخبيل شفيج ينيتي والله لو تسمعج شواخي الا تقنصج
الريم: بس جب جب خلينيه اشووفه زين
وهزاع صدق شكله عذاب لابس كندورة سودة وسفره حمرا حمدانيه ونظارة شمسيه سوده وتقويمه اسود وشعره اسود طالع من السفرة شوي باختصار عذاااب يعني ما تنلام البنيه ههههههههههههه
فطامي: لا ابووج احلى الريم
الريم: اكيد احلاهم حمد بن هناد وحد يقدر علييه فديت خشمه
وصدق كان احلى واحد فيهم حمد ابوو الريم شكله طررررر من الخاطر
وشغلوا اغنية شارك الغي في سما دبي >>> ميدان 2
وتموا ييولوووون ومخترشيييين من الخاطر وغييير الحركات والاجانب يالسييييين يصوروونهم مستغربين منهم هع
وعقب الريم سارت عند المسجل وقفت الاغنية وكلهم صدو صوبها شو تسوي هذي ليش تخرب لووووول وحطت سي دي ثاني اغنية
وحش ريم (ن) وكلها اخطاري في جماله الناس محتارة
صورته احلى من اشعاري بس احاول وصف مقداره وهذي الاغنية ربشه بالقووووووووو واول ما سمعوها الشبيبه خلاص هني صدق ارتبشوواا من الخاطر بعد هزاع سار صوب البنات وتم يبس عدالهن ويسوي حركات >>>>> بس يبين انه ياي حق الريم ههههههههههه
والدخاخيييين تطلع من ثاني معصب بالقو وهو هب قادر يرمس ويقول أي شي لان هزاع مهددنه لو رمسها بس وقالها كلمه بيوصل الي سواه لبووها وهو متروع لانه عمه يموت ف الريم وما بيرضا اكيد حد يسويلها شي كيف لو كان هالحد ولد اخووه وغير انه بعد ثاني يفكر بالنوير وسالفتهااا >> الله يستر بس
وعقب ما شلوا الدنيا شل في اليبال ردوا لفندق وصدق يمكن هذي احلى ظهرة ظهروها كان عجيييييييب وما بقا الا باجر وبطيربهم الطيارة الامارات دار زايد الله يرحمه
وعقب ما ردوا الساعه 8
الريم: اييييه فخاطريه ايوول شو ها ليتنيه ولد جان يلت وياهم
فطامي: شرايج الريم فووقه؟
شواخي: ايه وين تبن انتن ينيتن؟
فطامي: يالخبيل لا بنيول رواحنا فشقه اممممم بندور شقه مافيها حد
شواخي: شقه قوم مايد محد هناك وعنديه المفتاح والا شرايكن بفكرة جهنميه
فطامي والريم : شو قولي يا راعية الافكار الغاويه
شواخي بخبث: شرايكن نيوول ف ساحه استيفنز ونتلثم ومحد بيعرفنااا وعرررض وبنشتهر وكلهم بيصورونا وخص هناك زحمه وعرررب ونتن تدرن عاد بيحطونا في النت وغير التلفونات ومحد بيعرف انا نحن شرايكن بالفكره العبقريه
الريم : شرات ويهج وانا اقوول شي عندهااا يلا امحق فكره فذمتيه اتخيل الا يحشون ريولنا حش
شواخي: خيبه انزين قولي شكرا ع الفكرة الغاويه هب هذا الرد
فطامي: هههههههه تسلمين وانا معاج خلاص بخاويج ساحه استيفنز
شواخي: بعد هذا الي قااصر تبين تفضحيناا هههههههههههههه مشكله اليهال يوم يصدقون شي
فطامي: هههههههههههههههه ليش تحبين تفشلين انتي وانا فديتينه اسايرج وجذي خلاص مرة ثانيه ما بسايرج فطشه
شواخي: انزين يلا خلونا نسير وين قوم سلامي ورويض؟
الريم: الحين بزقرهن بعد بييب سفره ابوويه
فطامي: ليش؟
الريم: احم حركات شدراج انتي
فطامي بخبث: لا تيبين سفره ابووج هذووه هزاع بييب سفرته
الريم: لا والله شو بيقوول لا تيبينها ولا شياته بتتصفعين والله
وسارت فطامي عند هزاع
الريم: ايييييييه تعالي حوووووه ......... هذي الي بتفشلنيه
هزاع: شفيهااا اريامي تزاعق؟
فطامي: اريامي اوين حشم ياخي انا ختك هني
هزاع: شعندج انتي؟
فطامي: اممم اباا سفرتك؟
هزاع: شتبينها ما بعطيج
فطامي: صدق خلاص عيل كانت الريم تبغيهاا
هزاع: فذمتج الريم تبغيها تفداها الغتره وراعيها بعد
فطامي: الحين تفداهاا خلاص بقولهاا ما طاع ما يبغي يعطيج وسارت عنه
هزاع : تعالي يالغبيه حوووووووه
فطامي ولا ردت عليه
وسار صووب الريم وفطامي وشواخي
هزاع وعق السفره جدامهن ومدها حق الريم
الريم فقلبها :آآآآآآآآآآآآآآآآآآآآه يا محلاة شعره وليش يمد هالسفره حقيه شكلها الا فطامي قالتله انيه ابغيهاا برويها هالجذووب
الريم: منو قالك انيه ابغيهااا؟
هزاع: تردينيه واناا ماد ايديه لج؟
الريم شلتهاا عنه
وسار عنها
شواخي فاجه حلجهاا مستغربه من جرأة هزاع : شو هذا وين عايش قلنا انه نحن ف النمساا بس منقوود
الريم: هههههههههههه بعدج ماعرفتيه زين ما يستحي عادي
فطامي: اخوويه جريء وايد شو نسويبه يعني الله يهديه
الريم: انتي اييييييه تعالي وليش تقوليه انيه ابغي سفرته وياراسج والله قفطينيه والحين ماليه ويه اجابله مسودة الويه
فطامي: ههههههههههههههههه انا كنت بييبها بس بعدين سويت حركه نذاله ههههههه
الريم: مالت علييييج انتي وحركتج

وثاني ظهر من شقتهم وشاف الريم وطبعن الريم مسوتله طاف ولا حفلته
شواخي: ثاني؟
ثاني: عووونج شواخي؟
شواخي: عانك الرحمن بس سيف يسلم عليك ويحاتيك يقول من زمان ما رمسك
ثاني: الله يسلمه بس ماليه خاطر ارمس حد الحين مضايق شوي والسموحه منج الحين بظهر
شواخي: وين بتسير فهالليل وباجر بنسرح البلاد من غبشة يعني هبابك توطي راسك
ثاني: الله يعين يا شواخي خليها عى الله وسار عنهااا
وشواخي لحقته : ثاني شفيك والله انك هب الاولي؟
ثاني : مافيه شي شواخي وتسلمين لانج تنشدين عن حاليه والله فييج الخير
شواخي فاجه عيونها لالا هب ثاني هذا انسااااااااان غير وين ثاني الي دووم ياحدهااا وما يخليها فحالها
وسار ثاني عنهااا وشواخي واقفه ومنصدمه من اسلوب ثاني الا تغير صدق 180 درجه عن قبل

وثاني تم يتمشى فالشارع ويفكر ويحاتي ردة البلاد وشو بيسوي

%%%%طرف عيني ما هتنى براحه درب يبكي نفس محزووونه
والجسم جد قلت املاحه عوق صابه معود امبووونه%%%%%

شواخي: اقوولكن انا بدش داخل خلاص اشووفكن باجر
فطامي: شفيها شواخي؟
الريم: ما دري بس شكلها تحاتي ثاني الخام
فطامي: تدرين صدق بس شكله غير والله الروحيه اشفق عليه
الريم عصبت : اوهووو ليش انتن ما تحسن وتحسسونيه انيه انا الغلطانه فحقه هب هوو والله لو تدرووون عنه جان ما اشفقتوا عليه ولا رفتوا بحاله هالسبال
الريم ما كانت تدري انه ثاني يفكر ويحاتي سالفه اكبر عن السالفه الي سواهااا
والصبح كلهم ازهبواا ويالسييين فالرسبشن وثاني بس يا الصبح وشل قشاره ويلس وياهم بس كله ساكت وسرحان وعيوونه حمر لانه من يومين تقريبن هب راقد ولا عينه عرفت لذيذ النوم
ام سيف: يالله يا ثاني شبلاهن عيوونك فديتك رب ماشر؟
ثاني: ما من شر يا اميه ولا تحاتين شي
ام سيف: لالا انته هب ثاني الاولي انا حاسه شي فيك قلبيه شفووق عليك وحاسه انه عندك شي ما تبغي تقوله
ثاني: هيه والله اميه عنديه سالفه والله يعين عليهاا
ام سيف: شو هي الغالي خبرنيه لو ما خبرتنيه بتخبر منو؟
ثاني لوى على امه : فديييييييتج الغاليه يعلنيه ماذوووووق حزنج والله احس انيه ظالمنكم ويايه ليته الله ياخذنيه عسب كلكم ترتاحون منيه
ام سيف تمت تصيح لانه تقريبن اول مرة ثاني يلوي عليهااا وتحس انه محتاينها فهاللحظه
ثاني: خلاص اميه لا تصيحين ومابيحصل الا كل خيييير واذا صار العكس بنتحر عسب تترتاحون منيه ولا تفكرون بسوالفيه ومغامراتيه بعد
ام سيف: لو ما نفكر بولدنا بمنو نفكر ولا تقول هالرمسه بعد
توهن الريم وشواخي يايات صوب الحرمات وام سيف شوي يالسه بعيد عنهن وثاني اول ما شاف الريم حس انه ماله ويه يجابلها وانه ظلمها بالي كان بيسويه
ثاني : الحين بسير اميه عنج يلسي ويا البنات
وطبعن كانوا كل الشباب لابسين كنادير والبنات عبي لانهم بيردون البلاد ومطار دبي
والريم يوم شافت ثاني لاوي على امه حست انه صدق ثاني تغير لانها تعرف انه ثاني ما يخصه لا فامه ولا فابوه ولافحد اصلن وهني صدق الريم شفقت عليه
ويت الريم ويلست عند ام سيف وشافتها تصيح
الريم: شبلاج خالتيه رب ماشر ؟
ام سيف: ولا شي فديت خشمج بس مستهمه على ثاني هب الاولي
الريم:.......... لا تستهمين ولا شياته مافيه الا كل خيييييير وهذووه تراه ينقز على كراع
ام سيف: والله يا الريم حاسه انه فيه شي وكبير بعد بس ما يبغي يخبر حد فيه عشان ما نستهم عليه واانا ام واحساسيه ما يغلط جدا عياليه
الريم فخاطرها : معقووله بعده ثاني يفكر بالي كان بيسويه بس هو كان حاس انه هب غلطان وعادي الا من يوم ردينا من ذيج المدينه وهو غيير وايد بعد الله يستر بعد شو مسويه الا شو مستوي!!!!!!
وعقب كلهم ركبوااا الباص وفي المطار كلهم يالسين
الريم سارت تاخذلهاا حلاوة وهزاع يوم شافهاا سار وراهاا وهو محل صغير فالمطار يبيعون فيه حلاوة وكوافي واشياء بعد
هزاع: اممممم اريامي
الريم: الريم لو سمحت هب عكيفك تغير اسميه
هزاع: ههههههههه يالله يالغياض انزين وليش ما تبين تعطينيه سفرتيه؟
الريم: ليش تباها انته؟
هزاع: هيه ابااها بس
الريم: منو قال بعطيك اياها ولا تحلم
هزاع : هههههههههه كنت بقوول بس تفداج وما تغلى عليج السفرة وراعيها حشاا بس انتي لازم تقطعين رمستيه وتغايضين
الريم: اوكي انا بسير
هزاع: خيييييييييه شفيج انتي عليه ماعليه بنشووف يوم بخطبج شو بتقولين
الريم صدت صوبه وابتسمت وهي كانت تدفع الحساب
هزاع: الريم
الريم: هلا
هزاع: احبج
الريم: ..............
هزاع: متى بتقوليليه اياها والله اترياهااا فخاطريه بس تنطقيبهاا قوليها وريحي فواديه
الريم ما سوتله سالفه ولا حتى ردت عليه خذت الكافي وظهرت
هزاع: هذي بتعذبنيه شكلهاا للحوووول ع البنات يحبن يتغلن وايد
وسار صوب سعيد وراشد
هزاع: متى هذي بتنطقها فديتها ياربيه تحب تعذب البني ادم ما خلت شي فيه صاحي خشعتنيه تخشيع
راشد: ايييييييه حوووه منو تطري وياراسك اسميك هب صاحي شو شارب انته؟
هزاع: شارب الا سكران من حبهاا
سعيد تم يضحك عليه هههههههههههههه
راشد: مني هي عاده؟
هزاع: ريمن بدويه العين سكنها ووسط قلبيه حلت
سعيد: خله خله يا بو سنيده لا تنشده بيعدلك قصيد وما بيخلص انا يوم يرمسنيه كذيه اطبه اعرف ما بيسكت
وعقب ف الطيارة
شواخي: الريم وفطامي انتن يلسن هنا انا بسير عند ام سيف
الريم: والله انج حركات سيري سيري يا رووح سيف
شواخي: ليتنيه والله رووح سيف لازم ايلس عند عمتيه
الريم: هيه صح عمتج سيري عندها والله الروحيه مستهمه عليهاا تحاتي ثاني وهو ولا همه
شواخي: انتي لا تمين جذي تقولين ما تدرين بشو هو يفكر وشو الي فخاطره
الريم: انزين سووري انا الروحيه افكر شو فيه هو
فطامي: ريماني انا بيلس عند الدريشه ما يخصنيه
الريم: كم مرة انا قاليه بيلس عند الدريشه
فطامي: ما بخوووز والله ما يخصنيه من سبق لبق
الريم: اووف حشا يالعووفه خلاص بيلس حذالج شسوي
والريم وفطامي يطنزن ع الاجانب الي جدامهم
والا انه يشوفن هزاع وسعيد يايين صوبهن
الريم وفطامي فاجات حلوجهن وين يبوون هذيلا
ويلسواا فالكرسي الي وراهم لوووووووووول
وطبعن يوم يلسواالريم وفطامي صخن ولا رمسن الا بالحركات والا شارات هع هع
سعيد: والقوووم متى بطير بنا هذي الطياره من لصبح نستناا
هزاع: هذاا بو سنيده متخبل على شيبتيه وما يبغي يفارقه حتى ف الطياره يالس وياه
سعيد: ههههههههه حليله بو سنيده لقاله الي شرواه
هزاع: عاده الحين ما بيسلم حد من طنازتهم ولسانهم الله يعينه الي بيطيح فلسانهم
سعيد: الله يعينهو
وعقب طارت الطياارة
سعيد: طالبنك هزاع تشل شلة اه من قلب والله يوم اسمعها تذكر عرب
هزاع بخبث : منو هالعرب هااا؟
سعيد: اخت غالي
وفطامي متيبسه والريم وفطامي ولا حتى نطقن برمسه
هزاع تم يشل
آآآآآآآآه من قلب ن غدا حبه جنوووني
وآآآآآآه من خل ن على بالي طرا
لي سطا في الروح وتملك شجوني
من صدووده يا ملا دمعي جرا
فالمحبه يا عرب لا تعذلوني
لانه حبه في فوادي قد سرا
سعيد: صح لسااانك وصوتك لا حرمتنا منه
هزاع: صح بدنك الغالي

الريم: فطامي انا بسير بييب شي وبيي
فطامي: وين بتسيرين انتي حشاا
الريم: امممم بييب قصه تبين تقرين عند شواخي مكودات الا تقرا منهن
فطامي: خلاص اوكي اتريااج عن تبطين
الريم: من عيووونيه

هزاع: فديييييييت عيووونج
الريم ما عطته ويه وسارت عنه ويابت قصص من عند شواخي
هزاع: سعيد فخاطريه اقرا شي تعرف ملان
سعيد: من وين اييبلك هههههههههههههههه
الريم : فطامي تبين تقرين أي قصه حياتي؟
فطامي: أي شي من عندج حلووو
الريم: ادري ههههههههههههههه
فطامي: والله انج خقاقه هاتي هذي الي فايديج
الريم: لا ما بعطيج انا الي اباها
فطامي: واتحراج بتقولين تفداج مالت عليييييييج
الريم: مالت عليه غصوون الينه نقي هني بسير عند هزااااااع
فطامي : شووووووووو؟
الريم: هههههههههههه لا تفهمين غلط هزاع اخوويه فديت خشمه
فطامي: درب السهاله

وتمت الريم يالسه عند اخووها هزاع الين ما وصلوا مطار دبي وعقب كان في المطار سيف والدريول وخالد وبعد ربيع قوم هزاع عبيد وسالم وفطيم اخته

سيف اول ما شاف سالم توايه وياه وحس سيف انه البنيه الي ويا سالم فطيم لانه يعرف كل خواته ويعرف انهن صغار وما يتنقبن الا هذي فتوقع انها فطيم واستانس لانه شافها وعقب كلهم حدروا وسلموا ع بعض
والا حالة سالم من شاف الريم اتشقق الا تشقق شوي
وشواخي : آآآآآآآه يا ويل حاليه هذاا سيف هني والله تولهت ع شووفته
الريم: ثقلي شوي عنلاتج وين تبين تقولين هالرمسه
سالم : شحالج عمتيه؟
ام زايد: والله بخييييير وسهاله وشحالك انته وشحال عربك مناك وتوالك؟
سالم: بخيييير ونعمه نووورت البلاد بوصووولكم الحمدالله ع سلامتكم
ام زايد: منورة بهلها الغالي
سالم: شحالج الريم ربج بخييير؟
الريم: بنشكر الله ههههههه ومن صووبك؟
سالم: هههههههه يحيج والله انا الحمدالله ما شكي غير فرقاكم
فطيم: ريماني شو السفر تعالي خبريني؟
الريم: لالا ما بخبرج عشان تين بيتنا ادريبج انتي لو خبرتج الحين ما بتويهين صوبنا ابد
فطيم: هههههههههه خلاص اوك يوم بيييكم
وعقب كلهم ساروا بيتهم وقوم حمد بن هناد ساروا بيتهم الي فالعين
واليوم الثاني طبعن كلهم يوا يسلمووون عليهم
حموده: وين تلفوونج ريماني اشووفج شاله هذا الغش
الريم: شسوي من الحايه شالتنه هذا الاغبر تلفونيه تكسر هناك بس البطاقه سلمت هههههه
حموده: يلا الحمدالله على سلامتها البطاقه ههههه
والريم نزلت تحت تسلم وحموده تمت فوق ووصل مسج حق الريم
ورقم هب مسيف اسمه ( كل ما قلت احبك تهرب مني لا يكون انا باكستاني وانته كافلني اسمع حبيبي هذا الخبر مني انته من نصيبي حتى لو سفرتني انا احبك وما اظن انك هندي ما فهمتني كيف بتكون هندي ونته كافلني )
حموده اول ما قرت المسج نقعت من الضحك ويوم يت الريم
حموده : منو هذا الي مطرشلج المسج والله انه طررر ويضحك ههههههه
الريم شافت المسج وقرته : ماعرف من عند منو شكله مغلط >>> تجذب عرفت انه من عند هزاع
حموده: اهاااا انزين يلا خلينا نحدر تحت الحين بيي سالم بيشلناا
الريم: يلا اوكي
ونزلن وكان سالم يالس في الصاله
الريم: مرحبا الساااااع
كلهم: مرحب باجي
وتموا يالسين ويسولفون
سالم: ها عمتيه شو اوروبا غاويه؟
ام زايد: يالله يا هي غاويه وبس الا الزين كله هناك
سالم: وين احلى بقعه سرتولهااا عسب اسيرلها؟
الريم: ماشي فذمتيه عقب النمسا انصحك تسيرلها
سالم: ان شاااااء الله تروحلهاا ويا حرمتك
سالم يطالع الريم: ان شاااء الله دام انها حلوة النمساا
ام زايد: يلا عشاا قربوا حياكم
سالم: لا مشكورين نحن بنروح الحين
الريم: افااا شو العشا موطااي تموا ونته شله مستعيل شو وراك من الحايه خاري تراه الشارع ما بيشرد
سالم: ههههههههه ولا يهمج خلاص بقصر الدوب وياكم الين الساعه 10 بس شو من العشاا؟
ام زايد: طالبين من المطعم من واجبكم
سالم: وانا قلت الحين بنذووق طباخ الريم اثره من المطعم
الريم: هيه صح انا الي سويته هههههههههه
ام زايد: عاده ما قلت الا الريم جادها تدل درب المطبخ يحيهاا
سالم: افاا عيل يقولون عرب ان اكلج غاوي والكيك مالج وايد حلو
ام زايد: جان الا الحلويات ماشي غيره
الريم: لا والله شو تبغينيه اسوي يعني هريس وثريد
سالم : هيه تعلمي وسوي لقيمات وجباب
الريم: خل حرمتك تسويلك يوم بتعرس
سالم: ههههههههههه ان شاااااء الله بخليها بس حز فخاطره انها هي ما تعرف انه يقصدها ويبغي ياخذهاا
وعقب العشااا الريم شاله حلاوة وكيك عسب يحلوون
سالم: الريم شو من الحلاوة؟
الريم: باتشي بس هب انا الي مسوتنه
حموده: منو قال انتي بتسوين شي الروحج عيازة
الريم: عاد هب عيازة حرام عليج
ام زايد: الا عيازة حشا ما تنشين الا العصر هب رقاد هذا عبرتيه
سالم: صدق عاده الله يعينه الي بياخذج
الريم تقفطت : شو الله يعينه الي بياخذنيه لازم يحب ايده ويه وقفاا
سالم: شعنه خقاقه بعد
الريم: لازم هب بنت حمد بن هناد
سالم: ونعم يا بنت حمد
ام زايد: لا تنشدهم عن الخقه تراهااا مخلفه عليهم وما يت الا من عقبهم
وتموا يسولفوون وعقب ظهروااا بيركبون السيارة
الريم: سالم؟
سالم: عووونج
الريم: عانك ربك عندك اغنية ميحد اليديده بالهداوه؟
سالم: لا والله عدني ما خذته والله لو ادريبج تبغينه جان خذته
الريم: تسلم وما تقصر يا ولد خاليه حتى هذي الاغنية غاويه
وعقب ساروااا
سلامه عصبت من الريم
سلامه : شفتيها اميه هذي الريم ما تستحي
الريم: انا شو سويت حشااا؟
سلامه : ماعرف ترمسينه جنه اخوووج
الريم: هيه اعتبره شرات اخوويه وثاني شي انا كلهم جي ارمسهم
ام زايد: شو اخووج يمكن يباج وياخذج
الريم: لا والله
ام زايد: شو لا والله لو خطبج والله ونعم لج الفخر
الريم: ونعم فيه بس ما حس جداه باي شي غير انه اخوويه
سلامه: والله انتي ما تستحيييين
الريم : خليت المستحى لج ترانيه فارتنه
بو زايد توه ياي من الميالس الي خاري : شبلاكن تتواجعن؟
الريم: طالع بنتك تقول انيه ما استحي
سلامه: ابوويه ما شفتها يوم ترمس سالم جنه اخووها
الريم: ابوويه عادي والله بس هي مكبره الموضووع
بو زايد: ايهااااااا كله ولا الريم ليش شي قالت غلط والا غثته بالرمسه؟
سلامه: لا بس وايد جريئه
الريم: فديتنيه طالعه على ابويه جريئه
بو زايد: هيه صدقهاا وهذا بس الي عندج
ام زايد: هيه انت قوهاا علينا بدلعك الهااا
الريم لوت ع بوهاا : فديت حمد والله محد يسوااه
ام زايد : عيل تقول حمد عند سالم ؟!!
بو زايد : فديت بنيتي صدق انج الريم شيخه الحريم
الريم : هذا هو اللي يفهم

ومرن ثلاث ايام
ومره فطامي اتصلت على الريم
فطامي : الريم بقولج
الريم : قولي
فطامي : تدرين ان هزاع بيكلم اميه وابويه عسب ايون ويخطبونج
الريم : .............
فطامي : من قدج بتين بيتنااا
الريم : عاده بس ترانيه استحي
فطامي : ياويليه ع اللي يستحون
.........................
وعقب يومين

وفبوظبي في الكرنيش سعيد وهزاع وقفواا وهم ف السياره
سعيد : هزاع بغيت ارمسك فموضوع بس مستحي
هزاع : افااا ارمس ولا عليك
سعيد: بغيت اخطب ختك ؟
هزاع: منو ختيه فطامي؟
سعيد: هيه ليش عندك غيرها؟
هزاع : لا ما عنديه
سعيد: لو ما عندك مانع يعني
هزاع: مانع يا حظها هي يوم ضوت راسك
سعيد: تسلم بس بغيتك تاخذ رايهاا قبل عسب اطرش هليه صووبكو يخطبونها
هزاع: اوكي ولا يهمك

والفليل هزاع سار صووب حجرة فطامي دق الباب بس ما فجته كانت راقده وقال بيرمسها وقت ثاني
واليوم الثاني العصر كلهم يالسين ف الصاله
اتصلت ام سالم على ام زايد عقب التراحيب
ام زايد: لالا اكييييييد سالم ما يتخير ريال والنعم فيه والريم ما بتلقى شراته
الريم طالعت امها شو مستوي منو الي داق اصلن ؟
سكرت ام زايد
بو زايد: منو داق؟
ام زايد: ام سالم تبا الريم حق سالم تريدنا نرد عليهاا قبل لا يخطبوون رسمي
الريم مصدوومه مع انها كانت تعرف انه سالم يباها بس كانت تتوقع هزاع يخطبها قبل
بو زايد: لالا سالم ونعم فيه ريال رزين وحشيم شرايج يالريم؟
ام زايد: البنات مالهن راي شرايها بعد بتلقى شرات سالم ريال ونعم رحيم وكل البنات يتمننه
بو زايد: ها الريم موافقه؟
الريم ربعت فوووق وتمت تصيييييييييح


.................................................. ............................................


شرايكم ؟؟؟ شو توقعاتكم ف هذا البارت ؟؟؟

شسالفة ثااااني منو هذي النوير وشو تبغي ثاني.؟

وليش ثاني مضايق من هالسالفه؟

سيف بيخطب شواخي والا فطيم ؟

فطامي بتوافق على سعيد والا؟

شو الي بيستوي حق الريم بتم خطبتها سال ويا الريم وشو بيكون موقف هزاع ؟

ان شاااااااااااء الله يكون البارت عيبكم

وارقب ردووودكم الغاويه