[نورا العبدالله]

-

اووه يا تميمه
انتي شريرة، شريرة تعرفين كيف تعذبينا معاك ثم ترضينٓا بفصل طووويل وجميل زيك^^
على كثر ما احترقت اعصابي بإنتظار الفصل هذا، على كثر ما انا راضية فيه،

الفصل كان تحفه
صح انفجعت بسرعة احداث اختطاف راجح لسوار، بس برافو لان ممكن انفجر لو طول حوار راجح المقزز في الفصل ذا، نرفزني كيف يبرر لنفسه، نبي في الفصل القادم لحظة دمويه تخصه، اجلديه ياتميمه اجلديه

تيماء وقاصي
مافهمت قاصي، ما قدرت القى له مبرر على اللي سواه بتيماء، يستاهل اللي بيجيه من تيماء،
بس كل مافكرت باللي مرو فيه احس كفايه الم لهم الاثنين،
موقف تيماء مع الطالب
حبيت، حسيت ان تيماء بخير

علاقة قاصي وزوجته ذيك "اسمها عيا يربط بمخي" مافهمتها، افهم قاصي وحاجته لعمرو، لكن مافهمت علاقته معها، يعني بجانب الشهامه بالموضوع، كان في انانيه من جهة قاصي، والانانيه هذي سبب ألم تيماء حبيبة قلبي

ليث وشيطان ابليس ام السحر
ان شاء الله ما تطول في الروايه، شخصية مو بس كريهه، لا تنرفز القارئ، المهم اجلديها بعد يا تميمه

لقاء ليث بسوار
ياخي هالانسان كمية الهوى اللي يشيله لسوار يحزن،
الشخصية اللي ودي اعطيها حنان، مره يحزني،
فوق ما انه متحمل شيطان ابليس، مبتلي بعشق مؤلم

الحاج انكسر ظهرة من عياله، الله يصبر ويجبر قلبه بس


تميمه يا تميمه،
ما اعتقد في شيء اقوله ويعبر عني،
كل الناس اللي حولي ازعجتهم من كثر ما اتكلم عنك،
انتي جميلة، وعندك شيء مرة جميل لا تتركينه ابد،
روحك حلوه، وقاعدة تنقلين لنا هالحلاوة بين سطور روايتك،
انا اتذوق هالشيء بكل سطر اقراه، واستشعره بكل حوار،
شكراً انك تشاركينا هالشيء،
وتعطينا منه شوي << طماعه فيك وباللي تقدمينه مالي دخل

شكراً عزيزتي
نورا العبدالله