[فيتامين سي]

البارت ال٢٣

،
،

بيت عمي المرحوم

ام سالم : والله اني هب مصدقه اللي يالسه تقولينه ي فطيم !! جني ف حلم ! معقوله كل ها يطلع من مهروه ! ما تنلام دام هذيج امها ، ياما تعذبت بنتي وياها حليلها ، خليها على الله ، ههههه ع قولتج ، يالله زين الغاليه ، الحمدلله طلع الحق ، لا بعدهن البنات رقود ، ما ظنتي ينشن الا ع صلاة الظهر هههه ، مسموحه الغاليه ، فداعة الله
سعود : ها اميه امنو ترمسين من صباح الله خير ( ويبوس راسها )
ام سالم : انت اللي غريبه واعي من وقت واليوم السبت
سعود : والله مواصل اميه هههه
ام سالم : شو هالمنكر اليديد بعد ؟! ردينا ع ايام المراهقة شو
سعود : شسوي اميه والقلب ف بيتنا يعلنيه فداها ، اميه رمسي امها عسب نملج ع الاقل ،، والله هب صبران عنها ، ترا خلاص ما باقي الا كم شهر وبتخلص دراسه
شواخه اتي وتبوس راس ام سالم : السلام عليج خالوه ( تناظر سعود ) شحالك سعيد
ام سالم : سمعو المكر ، متفقين ثنيناتكم ع المواصل صح هههه
سعود : اميه أحرجتي البنيه هههه بعد شفيها ، يوعانين وما رمنا نرقد ، صح شواخي ( ويغمز لها )
شواخه بحيا : بسير اسويلك ريوق
ام سالم تقوم : لا اميه يلسي انتي ضيفتنا ، بسير اسويلكم بلاليط وبيض
سعود : يلسي حبيبتي بخبرج شي ، انا رمست اميه عسب ترمس امج ونملج احين وعقب الامتحانات نعرس ع طول ، شرايج ؟
شواخه : امم اللي يريحك
سعود : فديت اللي تبا راحتي ، تعرفين انج احلى بدون مكياج وهالخرابيط ، احبج جي ع طبيعتج ، اكيد عيالي بيظهرون غاوين ، ي ويل حالي انا بس هههه
شواخه تستحي : هههه

،،،،،،

ف المستشفى

الدكتوره : عندك التهابات ، لازم تشربي ميه كتير ، وما تخليج جوزك ينام معاكي اليومين دول لحد ما يخف
ميثه تناظر عواس وتضحك بخبث : اصلو ما بينامج معايا خالص ي دكتوره
الدكتوره تنصدم وتنازع عواس : حد يسيب الجمال دا كولوه ! دا انت ما عندكش لا زمه ولا ضمير ، أمال ازاي ح تجيبلك عيال هاه !!
عواس يناظر ميثه : ما عليه ي مسودة الويه دواج عقب ، دكتوره خلاص عطينا العلاج خل نسير ، الصبح طلع ابا أرقد
ميثه بدلع : شفيك انزين ، توه المغذي مخلص ( وتقوم ) آخ
الدكتوره : ما تساعد مراتك الله ! رجاله آخر زمن ، انا ح كتبلك ع دوا وخديه بانتظام لحد ما بتروح عنك ، وبعدها تقدري تنامي معاه وتجيبي ولد صغنون وحلو زي امه هههه لاني حديكي منشطات تساعدك ( وتغمز لها ) ههههاااي
عواس : خير ان شاء الله
ميثه : ههه ، انزين ساعدني انزل
عواس يطنشها : بترياج ف الموتر
وتركب ميثه الموتر : انزين خلاص فكينا من صياحج الحين يايه ، ياربيه ي ميمي والصرصور شو بيسويلج يعني بيذبحج ؟ يالله بس عاد سكري افف باي
عواس : توج مريضه وحالتج حاله واحين تصارخين ع المسكينه ، عنبوه شو من الأمهات انتي ، كيف سالم متحملنج
ميثه تحط ريل ع ريل : والله فديته غير عن كل البشر وفاهمنيه عدل وانت ليش جي محتر ، تبا حرمه سير تزوج
عواس : ههههههه استغفر الله ، ي ليت لو تكرمينا بسكوتج لين نوصل ( ويرن فونه ويناظر ميثه عسب يقهرها ) اووه هلاااا بالمعرس شحالك ، ها طمني سبع ولا ضبع ههههههه ، شو مقومنك ! لو انا ما بنش لين الظهر ، ام ميمي ! مدري والله سلوم ، انا ترييتها برع لين خلصت ، لا توني نزلتها البيت ، بس تمام ، لا شكر على واجب ، سلام
ميثه تضربه ع كتفه وبدلع : ليش ما عطيتني ارمسه فديته
عواس : احسن ، حمدي ربج ما خبرته عن مصاختج ودلعج ( يالله نزلي وصلنا )
ميثه بدلع : اي دلع ! ترا جي طبيعتي والله ، مشكور فديتك تعبتك ويايه ، امواح ع خدك ي عسل ههه

،،،،،

بيت ام عبود

انا أوقف منصدم واناظره وهب قادر انطق بكلمه ، منصدم من صديق عمري وأخويه وتوأمي ، انزين ليش !! : .......
عبود : شو تتريا ! يالله برع
حسّيت حتى ريولي هب قادره تشلني وثقيله خطواتي ونا ساير صوب الباب واحط ايدي ع كتفه : ما ألومك ي اخوي ( وأسير عنه )
عبود يحضني من ورا : تعال ي الحزين اتمصخر وياك هههههههه
انا ألف صوبه وأضربه ضرب : هاي سوات تسويها فيني ي الحمار
عبود : آخ خلاص والله خلاص ههههههه
حمود قماري يحدر : ايه شو تسويبه ، هزاعوه هده ، شفيكم !!!
انا بعصبيه : والله لو هب حمود جان زدتك بس ما عليه
عبود : ههههه آخ انزين خلاص هههه
حمود قماري : متيمعين الحبايب ولا تعزمون ها
انا : نحن للحين هب راقدين انزين ، شو يايبنك انت بعد
حمود قماري : خيبه ع الطرده !!! ياريت بعد البيت بيتك ، خوز يالله مناك ، انا برقد وياكم لاني اروحي مواصل ، عبود سير ييبلي لحاف ودوشك
وتحدر ام عبود : ما طلبت شي ي ولدي ، عبود شفيه ويهك احمر !
انا أخذ عنها الدوشك واللحاف : ليش تعبتي عمرج خالوه ، جان زقرتيني بشلهن عنج
عبود : هيه الحين بتسوي عمرك الطيب هاه ، اميه هزاعوه الدوب هو اللي ضربنيه وخلا ويهي شرات الطماطه
ام عبود : ههههه دواك
قماري : قال ابيك عون صارلي فرعون
الكل : هههههههه
بو وديمه : ان شاء الله دوم الوناسه
انا وعبود ننصدم به ونناظر بعض : .....
ام عبود : هلا والله تو ما نور البيت ، يعني ياتك الكويتية ونسيتنا
بو وديمه يبوس راسها : ما عاش اللي ينساج ي الغاليه
حمود قماري : عاش عمي ههههه

،،،،

بيت عمي بو حمد


حصه تقوم من الرقاد وتشوف حمد يالس : حمد ! متى رجعتو من بيت عمي ! وشحقه ما وعيتني
حمد بضيق : كملي رقادج ي حصه
حصه تيلس : شفيك حبيبي ! شو صار ف بيت عمي خبرنيه ، شفيه يدي ؟
حمد : صار سواد ويه ، حسبي الله عليها مهروه

ف حجرة عمي ،،،

ام حمد : خلاص ي حميد صار اللي صار ، أرقد وارتاح لا تعور قلبك
بو حمد : والله اني مفتشل من ابويه ، آخ بس ، وين بودي ويهي منه
برهوم يدق الباب ويحدر : السلام عليكم ( ويبوس راس امه وابوه ) يالله اميه انا بترخص
ام حمد : على وين اميه ؟
برهوم : عندي مقابله ف الشرطه ادعيلي
بو حمد : تعال ي ابويه بعطيك بيزات ، هات بوكي من الكبت
برهوم : ان شاء الله
ام حمد تقوم : ونا بنزل اسويلك ريوق خفيف ، لا تظهر جي باليوع
برهوم : اميه الا بتخبرج ، موزه بنت عمي المرحوم محيّره لحد ؟
بو حمد يبتسم : ليش الغالي حاط عينك ع البنيه ؟
ام حمد : لا اميه والله ما سمعت ، عن يكون تباها بعد ، تكفينا حصوه
برهوم : انزين وحرمة اخويه ما يعيبها شي اميه ، وعيال المرحوم كلهم ع العين والراس ، يكفي انه بسبت سالم انا عندي مقابله اليوم
بو حمد : خليه دام يباها
ام حمد : لا يعني لا ، انا بخطبله بنت اختيه احسن
برهوم بضيق : يالله ابويه فداعة الله

،،،،،

بيتنا

ابويه : ممكن ترتاحين شوي
اميه : كيف ارتاح وولدي ماعرف وين دياره ، اتصلبه ما يرد ، حسبي الله ونعم الوكيل بس
ابويه : وين بيكون يعني ، اكيد عند عبود ، تعالي خلينا نرقد ، اروحه راسي مصدع هب متعود ع المواصل
منصور يحدر وينخش تحت اللحاف : اميه بطني
اميه : ههه وانت كل يوم بطنك
ابويه : آخ من هالولد ، ما يخلينا نرتاح هههه

حجرة البنات ،،،

شموه : هب ناويه تفصخين فستان العرس ؟!
مهروه تمسح دموعها وتقوم : .....
شموه : لحظه بساعدج بس خلنا نسير حجرتج احسن لانه شهوده راقده ، تعالي يالله
مهروه تدخل الحجره : ليش جي مستويه طيبه فجأه معاي
شموه تسكر الباب : صح نحن معصبين ومضايقين ع اللي سويتيه ف هزاع بس قلوبنا الحمدلله طيبه ( وتفتح لها الفستان من ورا وتشوف ظهرها احمر من الضرب ) يعورج ظهرج ؟؟؟
مهروه : عادي استاهل ( وتصيح )
شموه : انزين بدلي ونا بنزل تحت بييبلج ثلج وبي اوك
مهروه تمسك ايدينها : شموه انا آسفه
شموه تحضنها : حصل خير بنت عمي

،،،،،،

ف الطياره

وديمه : يارب دعاء المسافر مستجاب ، يارب انا احبه ف اجمعني معاه بالحلال ويسر لنا هالشي وبارك لنا فيه يارب برضى والدينا ، وارزقنا يارب بولد يشبهه يارب يارب يارب ، آه سامحني باباه ( وتدمع عيونها )
منى : انتي بخير ؟
وديمه : ايه ، اصلا طايره من الوناسه والحمدلله انه مشاري ما يدري عنا ههههه
منى : ايه والله يمه طلعت خطيرة لما غطت علينا ههههه
وديمه : ههههههه ايه ، تدرين خايفه شوي مدري شنو بيصير ، حتى احنا مسافرين ومدري اذا هم بيلحقونا او لا
منى : لا تخافين دام عبود اخوج وحتى عمي بيتفهم الا خالتي الله يهديها هههه
وديمه : ايه والله هههه ، يالله خلينا ننام ورانا ساعات لين نوصل ( وتفتح فونها وتناظر صورتي ) ناطرتك ي قلب ودوم لا تتأخر علي

،،،،،

الفندق

مريوم تنتبه وتلاحظ سالم هب صوبها ، تسير تكرمون الحمام وتاخذ لها دوش وتظهر وتلبس دريس سمبل لونه بنفسجي قصير فوق الركبه مع حمالات وتحط مكياج وتتعطر وتسير له : صباح الحب حياتي ( وتبوس خده )
سالم يحضنها : فديت هالجمال والريحه الحلوه ، عيل ليش نشيتي جان ارتحتي شوي
مريوم : كيف اتم وحبيبي هب ع الفراش
سالم : فديت مريومتي والله ، انزين تبين نتريق هنا ولا نظهر برع
مريوم : لا خلنا اليوم هنا احسن وباجر نظهر عشان شسمه .... ( وتستحي )
سالم يبوسها : ههههه اوك حبيبي ( ويرن فونه ) ها باباه ! انا شو قلت امس ؟! ما قلت لا تزعجين باباه لانه معرس .. ليش هي ما خذتج وياها ؟! خلاص باباه لا تصيحين ، انا رمست عميه عيسى والحين راجعين ، ان شاء الله باباتي ، احبج ، باي
مريوم تضايق : استغفر الله شو هالأم ! شو من القلب عندها و ....
سالم يبوس شفاتها : اشش ، احبج ي احلى مريومه ف الكون كله
مريوم تستحي : تعرف تسكتني ههههه

،،،،،

بيتنا

يدوه : علي وين ساير ! ما وحاك ترقد ؟!
يدي : بسير لعبدالله بخليه يتصل ف هزاعوه ، لازم الحين يرد البيت ( وفجأه يغمى عليه )

،
،


ان شاء الله يعيبكم متابعيني ^^