-١٠-
افلتت منهم شروق و ركضت لغرفة عمرو..و سمعت تلك المكالمة..
عمرو بسخرية :
- انا بحب شروق مين الي قالك كدة .
تسمع صوت همهمة فتاة باكية فيقول :
- بتعيطي ليه دلوقتي..احب مين ديه مجنونة و انا بعالجها و بيدوني مرتب حلو هخلص من عالجها و ارجع و نتجوز .
- طبعا يا حبيبتي بحبك انتي...و لة عمري هحبها..شروق ديه مجنونة .
كان يقف خلفها نجم ينظر بأشمئزاز..
التفتت اليه لينجدها و ينكر اقوال عمرو..
نجم بسخريه :
- شوفتي مبيحبكيش اتوهمتي انه بيحبك و سبتيني عشانه فجأة بقي هو فارس احلامك .
شروق ببكاء :
- لاء لاء امال هو كان بيعاملني كدة ليه هو بيكدب عليها هي .
نجم بحدة :
- انتي عيشتي و اتخيلتي قصة حب مع عمرو و هو مقالكيش حاجة .
- لا بس هو كان موضحلي انه بيحبني .
- عايشة في وهم .
وضعت يدها علي فمها و بكت و هي تبتعد ليأتي نجم بوجهة حنون و يضمها..فتضمه بقوة و تصرخ بشكل هيستيري..
خرج عمرو مسرعاً فيجدها تصرخ...تجمع المتواجدين حولها..
فلم تفعل اي شئ الا الصياح بقهر و هي في شكلها المعتاد..
اقترب منها الكل و هنا تراجعت قدميِ عمرو فقد شعر لوهلة انها قد سمعت المكالمة..
احتضنتها نيسرين و اخذتها لغرفتها..
جلست علي فراشها و قد صمتت لفجأة..
شروق بحدة :
- اطلعي برة .
- مالك يا شروق .
- عايزة ابقي لوحدي اطلعي برا مش عايزة حد منكو معايا .
امسكتها نسرين فدفعتها شروق بعنف لتقع نسرين علي الارض :
- بقولك برااااا .
تدخلت اسماء و بعض الممرضين و استطاعوا امسكها..
امسكت بها احدهم و هدئتها بحقنة مخدر..
كانت تصارعهم و ترفض فكرة الهدوء..
لم يمر اكثر من خمس عشرة ثانية..و ذهبت شروق في غيبوبة قصيرة بسلام..
و مذالت دموع تمر من عينيها رغم نومها..
استطاعت نيسرين القيام و ذهبت اليهم و هي تشعر بألم في الظهر..
نيسرين بتأوة :
- زقتني جامد اوي ضهري بيوجعني..هو ايه الي حصل ما كانت كويسة .
اسماء بضيق و اقتضاب :
- مش عارفة مش عارفة افتحو الكاميرات و خلينا نعرف ايه الي حصل .
ذهب الكل لغرفة كاميرات التجسس..اعادت نصف ساعة لخلف لتجد شروق تسير بخبث ثم تتوقف امام غرفة احد..
بدأت ملامح وجهها بالاعتراض و تحدثت لهواء ليعلل الكل انها تتحدث لنجم لم يمر وقت و،بدأت بالصياح ليتجمع الكل..
احد الاطباء :
- هي اوضة مين ديه .
احد الممرضين :
- ا/عمرو .
اسماء بنبرة امر :
- هاتولي الي كان بيحصل في اوضته لما جت .
فتح المتخصص بـكاميرات التجسس..ليشهق الكل عندما يسمع المكالمة..
ضرب احد الاطباء قبضة يده علي الطاولة لتهتز ما عليها..
- الحيوان دة دمر كل حاجة اربع شهور و قدمت تقدم جامد..اهوة بسببه ممكن يجلها الزفت نجم اكتر .
اسماء بـغضب :
- حسبي الله و نعمة الوكيل اتريه مرضاش يبقي معانا انا استغربت .
- دة مروفود دة .
مر يومين كان الكل ينتشالها من الوحدة بأي طريقة و لكن حدث المتوقع زاد ظهور نجم و قد عادت اليه بأشتياق اكثر..فبدء الاطباء بمصارعته بكل الطرق..و سؤال هل سيفلح احدهم لنقدم خطواط لامام لنري ما سيحدث..
بعد خمس سنوات..
نتجهة مسرعين نحو غرفة شروق في المصحة..
لنجد فتاة جميلة رقيق تجلس علي الفراش و تمسك قطة رماديه و تمرر يدها علي فروتها الناعمة..
ابعدت التقويم المحاصر اسنانها البيضاء..خلعت النظارة و وضعت بدلاً منها "لينسز"..
شعرها الناعم اصبح طويلاً بجمال فكانت تكثر الاهتمام به..لم يعد نجم منذ سنتين تعالجت من حالتها و اصبحت اجتماعيه مع اصدقاء المصحة..
لم تخرج من المصحة بعد فقد اصر الاطباء موكسها لتأكد من علاجها كلياً..
طرق احدهم الباب..فتوافق شروق بدخوله..
دخلت همسة مبتسمة و هي ممسكة بـباقة ورد..
هزت رأسها بضيق..
- والله لو يعرف ان الاوضة بتاعتي اتحولت لجاردين مش هيعمل كدة انا زهقت يا بنتي ايه ده الورد بيبوظ .
همسة بضحك :
- بس يابختك هموت و اعرف مين الي بيبعت .
- اووف انا زهقت الصراحة .
همسة متسائلة :
- امال كنتي بتعملي ايه .
- بذاكر بس زهقت الحقيقة الامتحانات علي الابواب خلاص بس حالياً عاملة اللعب مع فوزي .
همسة بضيق :
- حد يسمي قطة .
قاطعتها شروق مداعبة :
- قط لو سمحتي .
- بقولك ايه فكك من فوزي ده تعالي معايا ننزل تحت .
- مش قادرة .
- اخلصي بقي بلاش كسل .
قامت شروق و حكت فروة شعرها :
- ماشي ياختي هاخد دش الاول .
اخرجت همسة فستاناً لها وردي رقيق..
- بت اللبسي ده حلو جيبتيه و ملبستهوش خالص .
- طب اشطا استني ربعاية و نزلة .
- ماشي ياختي .
اغتسلت و صففت شعرها لترتدي فستانها و حذائها..
نزلت علي الدرج و حذائها يلقي صياحته لاصتدامه بتلك القدمين..
لم تجد احداً موجود و لكن فجأة انفجرت السماء بالعاب نارية و ارتسم اسماها علي السماء ليأتي كل اطباء المصحة مبتسمين بسعادة..
احتضنتها الطبيبة اسماء بقوة و قالت :
- خلاص يا حبيبتي مبروك جالك اذن بالخروج .
شروق بصدمة :
- ايه .
جاء الكل و هنئها و لكن لم يعلم احدهم بأنها ليست سعيدة بتلك الخبر..
فجأة وضعت يدها عينيها و بكت..
- انا مش عايزة امشي من هنا .
- هة ازاي .
تفوهت بها وفاء بتعجب..
فتكمل شروق :
- انتو هنا بقيتو اهلي بجد انا مش فرحانة انا مصدومة مش هنكر انها حاجة حلوة لأي حد غيري بس انا مش عايزة امشي .
بكت بقوة مع اخر جمله ليتجمع الكل و يحتضنها..
وفاء :
- متخفيش احنا اخوات و هنبقي نجيلك علطول .
اكملت وفاء بحماس :
- علفكرة في مفاجأة .
شروق بحزن :
- لو زي ديه مش عاوزة .
همسة :
- تنتنتنااااا .
جاءت والدتها مرتديه بلوزة حمراء و نظارة شمس علي بنطال اسود ضيق..
تمشي بشموخ و تقترب منها باسمة...
ظلت شروق تنظر اليها بوهن..تقترب بخطواط صغيرة لا تصدق تقدم خطوة و تعود خطوتين..
اقترب كلا منهم من الاخر لتمسك نرمين يد طفلتها التي تحولت لـشابة..
وضعت يدها علي خدها و هي مذالت محتفظة بـيدها..
احتضنتها والدتها بقوة لتبادلها شروق العناق شعرت بأشتياق بالفعل عندما تشممت رائحتها..
حبست دموعها بقفل من النزول اما والدتها فظلت تبكي و هي تكرر..
- وحشتيني وحشتيني اوي يا حبيبتي .
لم تتكلم فأكملت نرمين :
- كبرتي و احلويتي يا شروق .
ابتعدت نرمين بسعادة :
- تعالي دة اخواتك مستنينك .
شروق بصدمة :
- اخواتي؟!!
- خلفت تؤام زي القمر البنت نسخة من وليد و الواد شكلي و تصدقي في من ملامحك .
صمتت فقد علمت ان والدتها قد تزوجت في حين وجود شروق في المصحة..
اسماء بتلقائية :
- ممكن ترجعي البيت دلوقتي لو عايزة و لبسك هنبعتو و كل حاجتك .
لم تقدر علي الرفض خوفًا علي مشاعر والدتها..
امسكت بها والدتها من يدها بقوة :
- لا انا ما صدقت قولتولي امبارح انا من ساعتها صاحيه شروق هترجع معايا .
لم تبدي رأي في الموضوع..ودعها الجميع و جذبتها والدتها لتلفت شروق بنظرها الي المصحة ثانيًا فتجد الكل يلوح لها..
همسة بصوت عالٍ :
- استني يا شروق نسيتي فوزي .
تذكرت لفجأة فتركت يد والدتها و امسكت بالقط ظلت تداعبه..شكرت همسة علي تذكرها..
سارت مع والدتها و ركبت في سيارة يقودها سائق..
تذكرت اول ايامها و قبل دخولها تذكرت عمرو جارح مشاعر بدون تدخل..تذكرت مشاغبة وفاء و همسة و نيسرين الممرضث التي تزوجت فتركت العمل كممرضة..
ظلت تسترجع الذكريات حتي اخذها سحر النوم..
***
- اصحي يا حبيبتي يلا وصلنا .
فتحت عينيها لتنظر لـوالدتها قامت بصمت..
و اتجهت نحو بيت كبير سمعت صراخ بعض الاطفال..
- تعالي دة انتي هتحبي ملك و ياسين اوي .
قالتها والدتها بسعادة فأبتسمت مجاملة..
دخلت لبيت لتجد الكثير من الخدم و طفلين يلهوان و لكنهم توقفَ عندما وجدَ شروق..
شروق لـهم باسمة :
- ازيك يا قطاقيط .
ياسين مسرعاً :
- معاكي حاجة حلوة .
- لاء .
ملك مستكملة :
- طب كوكو فراخ .
- لاء بردو .
ياسين :
- طب اللعاب .
- لاء معيش حاجة .
ملك بنفاذ صبر :
- يبقي جيتي ليه .
ياسين :
- ايه الي جابك .
نيرمين بحزم :
- عيب ديه اختكم الكبيرة ..
- خلاص يا ماما .
اقتربت منهم شروق مبتسمة :
- بس معايا فوزي .
اتسعت عينهما بدهشة..فجذبته ملك من اذنه و ضحكت..
داعبها ياسين..فضحكت شروق علي برائتهم...
ملك :
- ينفع نلعب معاه شوية ..
- اه يا حبيبتي انا هروح اريح بقي .
حملها منها ياسين ليبدأ الاثنين بالمشاجرة..
تجاهلتهم و ذهبت لغرفتها..
استلقت علي السرير لدقائق تفكر في الكل..هل ستتأقلم في المعايشة معهم ام سيكون صعباً..لماذا لم تجد وليد زوج والدتها..
داعبت الاسأله عقلها فحركت رأسها يميناً و يسارًا..
دخلت والدتها الغرفة لتقول..
- حبيبتي علفكرة في بيجامات في الدولاب عندك لو هتغيري .
قاطعتها شروق :
- ماما هو فين جوزك .
- في سفرية الايام ديه ..
- سفريه و لة مش عاوز يشوفني .
تنهدت نرمين و غيرت مسار الحديث قائلة بحزم :
- غيري لبسك و تعالي انزلي عشان نأكل .
خرجت و اغلقت الباب خلفها..فزفرت بضيق و هي تمتم :
- بدايه زفت من اولها .
مر اسبوع و عاد وليد لمنزل قابل شروق بجفاء و كأنها كانت معه ليله امس...
شعرت شروق بضيق..فمذالت والدتها بجفاءها المعتاد و قسوتها في بعض الاحيان..
كانت تتجاهل الامر بالجهد في الدراسه..استطاعت في المصحة استكمال دراستها من علي الشبكة العنكبوتيه..
و في يوم استيقظت علي همهمات و بكاء احد الاطفال فتحت شروق عينيها :
- ايه في ايه مالكو بتزنوا علي ودن اهلي ليه .
ياسين ببكاء :
- فوزي مات..احنا قتلناه .
نهضت مسرعة و ركضت بخوف حتي وجدت قطها البرئ مذبوح بسكين...
شروق بصياح :
- انت عملتو ايه .
ملك ببكاء :
- ياسين هو الي قال نجرب .
صفعتها بقوة و جذبت الاخر من اذنه بعنف :
- انتي حيوان متخلف تجرب ايه تقتل حيوان يا حيوان .
فيتدخل وليد..
وليد بعصبية :
- جرا ايه يا شروق هو عشان محدش ليه كلمة علي حضرتك تضربي العيال ده انا اطلع ****** .
صدمت من سبه القذر،و ما جرحها اكثر سكوت والدتها و النظر اليها بحدة...
شروق بعصبية :
- بقولك ايه ما تلم نفسك احسن دة انت راجل قليل الادب بصحيح و دول المفروض يتعاقبوا و لو انت مش قادر هدبحهم زي ما عملو في قطتي .
صفعها بقوة..لتنظر اليه بصدمة فتجد والدتها علي نفس الوضعية..
ركضت الي غرفتها مسرعة و قفزت علي فراشها ظلت تبكي..
حتي شعرت بيد تتحس شعرها بهدوء و تمرر اصابعه بين خصلات شعرها..نظرت الي الفاعل..
لتكف عن البكاء بصدمة و يتعلثم لسانها :
- نجم .
يتبع.....