[فيتامين سي]

الحلقة الواحدة والعشرون


أتجهت الي مكتب جدها فوجدته مفتوحاً
تنحنحت وهي تدخل
فنظر لها الشخص نظرات واثقة
نظرت لها بدهشة قائلة : استاذ "مراد" !
"مراد" بجدية : ازيك يا آنسة "قمر" .. اخبارك ايه دلؤتي
تجهالت سؤاله ثم قالت بتساءل : حضرتك بتعمل ايه هنا
نظر له بدهشة قائلا : هو ده الترحيب بتاعك يعني
"قمر" بجدية : انا اسفة .. بس قصــ ..
قاطعها قائلا بجدية : انا عارف اني غلطان عشان مقولتلكيش قبليها انى جى .. بس اتصلت بيكي امبارح مردتيش .. فمحبتش ازعجك
اومات برأسها قائلة بجدية : كنت نايمة ومسمعتهوش
"مراد" بجدية : ولا يهمك .. انا جتلك النهاردة عشان حابب اتكلم معاكي في موضوع
نظرت له بإهتمام وقبل ان يتحدث سألته قائلة : طيب انا ممكن الاول اسالك سؤال
أومأ رأسه بصمت
فأكملت قائلة : حضرتك الي دفعت فتورة المستشفى مش كده
"مراد" بتساؤل : بتسألي ليه .. الموضوع ده عدى عليه فترة مش لازم نفتحه تاني
"قمر" بتصميم : بس انا بالنسبة ليا الموضوع لازم يتفتح تاني
"مراد" بتجاهل : المهم نتكلم الاول فى موضوعي
"قمر" بعناد : مش حنتكلم في اي موضوع غير لما تجاوب عي سؤالي
"مراد" بعناد مماثل : وانا مش حجاوب .. خلينا نتكلم بقي
تنهدت "قمر" قائلة : طيب برحتك .. انا خلصت شغلي وموريش حاجة
صمتوا قليل حتي قطع "مراد" هذا الصمت قائلا بعصبية : مانا مش فاضي بقي لشغل العيال ده .. انا عايز اخلص ورايا شغل
"قمر" ببرود : مانا قولت لحضرتك .. جاوب على سؤالي الاول
"مراد" بعصبية : حتستفادي ايه فهميني
"قمر" ببرود : حستفاد اني حعرف اجابة سؤالي
ضرب "مراد" المكتب الذي امامه بقبضته قائلا بغضب : انتي مصرة تعصبيني ليه
"قمر" بجدية : حضرتك الي مصر تعصب نفسك .. فيها ايه لما تقولي يا اه يا لاء مش حتخسر حاجة
تنهد "مراد" بغضب قائلا : ايوة انا .. ارتحتي كده
"قمر" بتساؤل : وعملت كده ليه
"مراد" ببرود : انتي قولتي اجاوب علي سؤال واحد واديني جاوبت .. ممكن بقي متفتحيش مليون سؤال تاني وتشوفي انا جي اتكلم معاكي في ايه
"قمر" : اتفضل .. موضوع ايه ده بقي
"مراد" بجدية : انا جاي النهاردة عشان .. اطلب ايدك
"قمر" بإستغراب : تطلب ايدي ؟ .. وحتطلبها من مين .. ثم اردفت بسخرية : جي تطلب ايدي مني
"مراد" ببرود : اذا كان عاجب
"قمر" بجدية : انا اعرف ان الاصول بتقول ان الي يجي يطلب ايد واحدة لازم يبقي معاه اهله .. ويطلبها من اهلها مش يطلب ايدها من نفسها
"مراد" بجدية : انا مش محتاج حد يعلمني الاصول لاني بفهم فيها كويس .. بس انا شايف اني مش عيل صغير لسه عشان امي و ابويا يسحبوني من ايدي ويروحوا معايا للبنت الي حتقدملها .. وبالنسبة بقي لي انى المفروض اطلب ايدك من اهلك .. فانا قبل ما اجي هنا كنت مكلم والدك وقالي ان الموضوع يخصك انتي .. فجيت عشان اكلمك .. فهمتي
"قمر" بجدية : ايوة فهمت .. بس برضو كان المفروض انك تجيب حد معاك .. حتي لو كان اخوك
"مراد" بسخرية : معلش المرة الجاية .. ثم أردف بجدية : عموما حسيبك اسبوع تفكري وبعدين يبقي تقوليلي ردك
"قمر" بإستغراب : اسبوع ! .. ده جواز علي فكرة
"مراد" بإستغراب : طيب منا عارف انه جواز فيها ايه يعني
"قمر" بتوضيح : قصدي يعني اني لازم اقعد شهر او شهرين كده عشان افكر
"مراد" بدهشة : شهر او شهرين ! ليه .. ده انا فى الشهر او الشهرين دول اكون اتجوزت واحدة تانية اصلا
"قمر" ببرود : طيب ماتروح تتجوز الواحدة التانية ديه من الاول وخلاص .. على الاقل مضيعش وقتك
"مراد" بإبتسامته الجاذبة : منا لو كنت لقيت واحدة احسن منك كنت زماني اتجوزتها .. بس للاسف مفيش
وضعت "قمر" وجهها في الارض بعد ان انصبغت وجنتيها باللون الاحمر من الخجل
ظلت صامتة فأكمل "مراد" قائلاً : عموما انا حكرمك وحسيبك اسبوعين تفكري .. تقريبا كتير اوى
"قمر" بخفوت : لاء مش كتير
"مراد" بجدية : مش كتير لو انتى واحدة متعرفنيش .. بس انتي تعرفيني كويس .. لانك فضلتي فترة طويلة الديزينر بتاعتي ايام الشركة القديمة .. يعني اكيد عرفتي صفاتي او حتي نص صفاتي في الفترة ديه .. فالاسبوعين وقت كويس اوي عشان تقدري تفكري فيهم
"قمر" بإقتناع : طيب ردي حيوصل لحضرتك بعد الاسبوعين دول ان شاء الله
"مراد" بجدية : ماشي وانا مستنيكي .. عن إذنك بقي عشان أتأخرت
ثم هب واقفا وهو يقول : اشوف وشك بخير .. السلام عليكم
انصرف وتركها وهي تشعر بفرحة كبيرة
فطالاما أُعجبت بأخلاقه وحُسن تربيته
ولكنها لن تتسرع بس ستظل تُفكر حتي تنتهي المدة التى اعطاها لها "مراد" حتي تكون مقتنعة برآيها التي ستخبر "مراد" به
***
" يعني ايه الى انت بتقول ده .. انت ازاى تعمل حاجة زى ديه من غير ماتقولي "
-------