[لامارا]

الحلقه 20


بداية الهدنه

(دخل فارس الى منزله باكرا و كان بوضع غير طبيعى مما لفت نظر امه فوجدته يذهب الى غرفته مباشرا دون تحيتها فتركته برهة من الزمن ثم ذهبت اليه فوجدته جالسا و يخبئ وجهه بكفية فتقول له ( ايه يا حبيبى رجعت بدرى قوى كدة ليه ................ فيه حاجة
فجاوب فارس و لكن ما زال يخئ وجهه بكفيه ( ايوة يا ماما ساعة و نازل تانى
فمسكت امه كفيه و ازاحتهما لتجد فارس و عينه بها دموع فتقول له بحنان ( فارس حبيبى حصل ايه ............. انت بتعيط
فيقف فارس بسرعة و يمسح دموعة و يقول ( لا ابدا يا ماما ........... متدايق شوية ............ متقلقيش لما ابقى مستعد اقولك حقولك بس مش دلوقت يا ماما ..........
يتحرك فارس ليلبس الجاكيت و ياخذ مفاتيح سيارته و يقبل امه من راسها و يقول ( ماما و حياتى مش عايزك تقلقى كله تمام ......... انا رايح المكتب دلوقت ........ سلام
تتابع نهى فارس و هو يخرج و لا تريد ان تحدثه لانها تعلم طبيعة ابنها فهو عندما يتضايق لا يحدث احدا عن ما بداخلة ........ ثم بعد الهدوء ياتى فيفرغ كل ما فى قلبه امام امه لهذا فهى تنتظر و لكن ما يقلقها ان ابنها لا يبكى الا لو الامر خطير ......... هل الامر يتعلق بليالى .......... اكيد و من غيرها الان تستطيع ان تتحكم فى مزاج ابنه سواء بالسلب او الايجاب ..... لا احد

فارس فى سيارته يتصل بعلاء ( ايوة يا علاء ......... ليالى طلعت من عندك ......... طيب تعالالى على المكتب عاوزك ....... بسرعة يا علاء و حياه ابوك
فارس يدخل المكتب مهموم و على وجهه علامات الغضب فتستقبله سالى بنفس الابتسامة التى لقته بها صباحا و لكن سرعان ما ادركت مدى الاختلاف فهو الان يدخل و لا يحدثها او حتى ينظر اليها فتراقبه بعد دخوله و تقول ( سبحان مغير الاحوال ........... هو الصبح بحال و بعد ساعتين بحال ......... لا انا الحق نفسى بدل ما الربع اللى فاضل يضرب ....... تلاقى المضروبة فى قلبها هيا اللى مزعلاه ........ انا عارفة عاجبه فيها ايه ........ ؟؟؟؟
يدخل علاء الى المكتب ايضا مباشرة و لا يحيى سالى فتقول بعد ان يدخل ( هيا المضروبة مزعلة الرجالة كلها كتها ضربة فى معامعها ................
علاء ( فارس ...........عامل ايه
فارس ( اقعد .......... فهمنى باه ايه اللى حصل ؟؟؟ ........... و ايه اللى وصل لليالى عشان دا كله نوصله ........ دا انا متخيل ان المشكلة اللى عندى هيا موافقة ماما .......... و لما اخدها الاقى التانية مقموصة ............ انا مش فاهم ؟؟
علاء ( شوف يا سيدى انت فى حوسة ملهاش ستين لازمة انا من ساعة ما سبتنى و انا بفكر فى اللى حصل ووصلت للنقط دى اولا احب اقولك ان ليالى متعرفش موضوعك مع خالد يبقى انتى مختفى عنها بعد ما ممتك سابتها فى المستشفى و مشيت بدون مبرر واضح ............ و ثانيا خالد الله يسامحة قالها اننا كلنا نعرف موضوعك و من غير ما يقول احنا عرفناه ازاى؟؟؟؟ و السبب ايه ؟؟؟؟؟؟ فاكيد اللى هيا فاهماه انك كنت بتلعب بيها و لما عرفت الموضوع دا فضحتها عند اصحابك اللى هما احنا و رسمت عليها انك متعرفش و برضوا مش معروف السبب ............. يبقى هيا ليها الحق تنفجر فيك بالشكل دا لانها من وجهة نظرها ليها مبررات واضحة
رجع فارس بظهرة و مسك راسه و قال ( يا الهى دى البنت شايفانى شيطان كدة ؟؟؟؟؟ ........... دا مستحيل نخلص من اللفة دى ............. اعمل ايه يا علاء
علاء ( ما انا بفكر من ساعتها ......... بس مش واصل لحاجة لحد دلوقت ..و بعدين قولت اكلمها اقابلها و اكلمها ................
قاطعة فارس بغضب ( دا على اساس انى كيس جوافة ............ اسيبك تقعد معاها لوحدكم و تكلمها ........... و هو انا اخرس ؟؟؟
فنظر اليه علاء نظرة متعجب و قال ( و هو انا حاكل حته منها ...... ؟ اما انت غريب و الله ........ دا انا عايز اصلح
فارس و هو يتكلم بنفس العصبية ( من خلالى انا ............. انا اللى اقول تعمل ايه و تتصرف ازاى مش مع نفسك كدة .........
يقوم فارس من على مكتبه و يتحرك الى الباب و يقول لعلاء ( خليك متابع الشغل زى مانت شغال .......و سيب ليالى عليا انا ......... و لو احتاجتك حكلمك .........
تدخل ليالى الى البيت بهدوء لتجد امها فى المطبخ فتسالها ليالى ( ماما هو بابا فين ؟؟
ماما ( عنده مشوار و قالى اول ما ترجعى تكلمية على طول .........
ليالى و هى تتجه الى غرفتها ( طيب حكلمة حالا ............
ليالى و هى تتصل بوالدها فيرد عليها و تقول ( الو ......... ايوة يا بابا ............. اه انا فى البيت ........... اه خلصت موضوع الشغل وكمان جددت الباسبور و فاضل اتصل بالسفارة عشان يحددو معاد لللمقابلة ............ و انا على بالليل كدة حكلم مازن عشا ن يكون طلع من الشغل اقله على الموضوع .........
تغلق ليالى الهاتف مع ابوها و هى لا تفكر الان غير فى خطوات السفر و الاعداد له و كان فارس ماضى و انتهى فعجبا لكى يا ليالى كيف تستطعين التاقلم بهذا الشكل
......................................
يبقى فارس يمشى بسيارته دون وجهة معروفة فهو يريد ان يفكر و لا يستطيع ترتيب افكارة و لكن يدرك مدى تشابك الامور و تشابك المواضيع حتى وجد نفسة اما بير مسعود فيقول بصوت منخفض ( ياااااااااااااااااه المكان دا شاف ايام ...........بداية حبى .........و بدايه تعبى ................ )
يسرح فارس قليلا فيرى صورة ليالى و هى تنظر اليه و تقول له ( فارس انا زعلانه ............. حتسيبنى زعلانه كدة )
فارس يرد بصوت مسموع و يقول ( سلامتك من الزعل يا قلبى ............... دا انا اموت لو تباتى زعلانه منى انا )
فيشغل فارس سيارته و هو يقول ( ما هو يا تفهمى لوحدك يا اما حكسرلك دماغك ............. و دينى لو مش سمعتينى بالزوق لكون ربطك عشان تسمعينى بالعافية )
اتصل فارس بابو ليالى يستاذنه بان ياتى البيت فقال له انه خارج المنزل حاليا و لكن ليالى بالبيت و معها امها ...و عندما شرح فارس ما حدث و سوء الفهم قال له والد ليالى ( شوف يا فارس انا عارف انك راجل و فعلا انا مصدقك عشان انا سمعت اللى حصل من علاء بس مقلتش لليالى لانى عرفت كمان ان مامتك رافضة فقولت بلاش افتح السيرة دى تانى ادام ليالى ......... بس انا عارف انك حتعرف ترجعها ليك تانى .......... روح يا حبيبى البيت دلوقت و انا حتصل بام ليالى اقولها انك جاى ........ و انا بعد ساعة ان شاء الله حتلاقينى عندك .............. يا ريت تكون كمان خلصت الليلة .................. اصل انت مش فاهم البت عايزة تهج على امريكا !!!!!
فارس ( امريكا ............. طيب مفيش حاجة اقرب .......... يعنى مالها القاهرة دا حتى احلى .................. )
و يضحك فارس و ابو ليالى ثم يستانف فارس الحديث و يقول ( بس يا اونكل لو سمحت متخليش طنط تقول لام دماغ ناشفة انى جاى لتروح على المطار من دلوقت ....................
ابو ليالى ( اه و الله عندك حق فعلا دماغها ناشفة جدا ............. خلاص حنبه على امها متقولهاش حاجة ............. سلام
يقف فارس الى امام عمارة ليالى ثم يقول ( يا انا يا انتى يا ليالى .................
يضرب الجرس فتفتح له ام ليالى الباب .......... فيسلم عليها و يتجه الى غرفة الصالون فيجد ليالى تجلس فى التراس و هى غير منتبهه لوجودة و تحدث السفارة لتحديد موعد المقابلة فيدخل فارس عليها التراس و يشير لها بيده ان تغلق الهاتف و تنتبه له .............. فتدير ليالى ظهرها حتى لا ترتبك فى اعطاء السفارة معلوماتها و تسير بضع خطوات بعيدة عن فارس ............. فيذهب فار اليها و يمسهكا من كتفها و يقتلع الهاتف من يدها و يغلقة و يقول بصوت عالى ( اما ابقى اقول حاجة تتسمع انتى فاهمة .................
فتصرخ ليالى فى وجه فارس ( انت فاكر نفسك ايه ......... و بعدين من اذنك انك تدخل هنا ......... و هات تليفونى
فحاولت ليالى اخذ تليفونها بالقوة و لكنها شعرت ان حركتها شلت بعد ان جمع فارس بين زراعيها و مسكهما بقبضة يده و باليد الاخرى يمسك التليفون و يقول لها بحدة ( و الله يا ليالى لو ما اتلميتى لكون حدفة من البلكونة و انتى عارفة انى اقدر ........... و احب اعرفك ان ابوك نفسة عارف انى انا هنا دلوقت و امك عندها خبر انى جاى ......... و لو مهدتيش ........... حرزعك قلم زى اللى كنتى حتدهولى ........... فهمة و لا )
و يضرب فارس يده فى الهواء فنحدث صوتا فتبادر ليالى بالسكوت و تنتفض فرعا و خوفا
فيربت فارس على خدها و يقول ( جود جيرل ................ خليكى كدة بقا عشان اسيب ايدك
فتشير ليالى اليه براسها انها موافقة على ان تبقى هادئة فيترك فارس يدها و يضع يده على ظهرها لتسير معه الى اقرب كرسى ليتحدثوا و يقول لها فارس ( شوفى يا ليالى انتى متعرفيش حاجة من اللى حصلت من ساعة ما الزفت دا قالك اللى قالهولك لغاية دلوقت وايه ملابسات معرفتنا بالموضوع بتاع سيادتك مع انى مكنتش عايز اضايقك .......... بس واضح انك لازم تعرفى )
و استطرق فارس فى ان يحكى لليالى كل ما حدث من اول ما سافر القاهرة و حتى يومنا الحالى مرورا بما حدث عندما فاتحة خالد بحبة لليالى و طلب خالد من علاء التقصى عن ظروفك و ظروف عائلتك ............. و بررانه فعلا اراد ان لا يعطى امر طلاقها اهمية حتى لا يعيدها للذكريات الاليمة و ان هذا الموضوع فعلا غير مهم بالنسبة له ........... حكى فارس كل شئ ما عدااعتراض امه على هذه الزيجة حتى لا يزرع بينهم مشاعر سلبية و برر انسحاب امه السريع من المستشفى انها تريد ان توصل المعلومة لفارس حتى يسرع فى التصرف ضد خالد
حكى فارس كل شئ الى ليالى و هى صامته تنظر و تستمع اليه بهدوء و ما ان انتهى من حديثة حتى قالت له ( ها خلصت ؟؟؟؟؟
فارس ( اه يا ليالى .......... خلصت و دا كل اللى عندى
ليالى ( و المفروض باه انى اصدق الفيلم دا ؟؟؟؟؟
فارس ( فيلم !!!!!
ليالى و قد بدات الحديث بعصبية ( اه فيلم انت عاوزنى اصدق انك ضربت خالد و اتحبست و كل دا حصل فى العشر ايام اللى فاتو دول ............ و انك مش انت اللى سالت عليا دا خالد عشان كان بيحبنى فبيسال عليا فخبط بقا فى المعلومة دى ............ طيب هيا تعقل انك تسال على واحدة مبتبادلكش نفس المشاعر على الاقل .....؟؟؟؟ طيب بلاش دى ...........و عايز تفهمنى انك انت كراجل بعد ما عرفت ان صحبك بيحبنى قابل على نفسك اك تدخل و ترتبط بيا ........... دا حتى محرجة ........ طيب لما نبقى مع بعض و نشوف خالد مش حتغير و انت عارف انه كان فى يوم من الايام عايز يرتبط بيا ........... بس انت ايه الواد الفت اللى اخدتنى منه ............ ؟ صح و لا لا يا باشمهندس ؟؟؟؟
فارس و هو ينظر الى الارض ليس تاسفا و لكن لمحاولة ضبط الاعصاب فقط فكلام ليالى مستفذ جدا و لا يمكن ان يتحمله رجل و بالذات فارس
يرفع فارس راسة ليجد ليالى واقفه امامة تتكلم بعصبية و تشوح بيدها و قد احمرت اذنيها جدا فقال لها ( طيب اقعدى عشان نتفاهم ..............
ليالى ( لا انا مش قاعدة ............
فارس يحاول ان يجذب ليالى الى الكرسى لتجلس فتقع على الكرسى ثم تقف مرة اخرى و تجذب يدها من يد فارس و تقول بعدم وعى ( اوعى ايدى يا حيوان ...............
فيقف فارس امام ليالى و ما هى ثوانى حتى ارتفعت يده يلتهبط على وجه ليالى و تقع على الارض و يقول ( لما تبقى تتربى ابقى تعالى اتكلمى معايا ...........
ثم يخرج فارس من البيت ليجد ابو ليالى يصعد السلم فيحييه ابو ليالى فيرد علية فارس التحية و لكن بعصبية و لا يقف ليتحدث معه فيتجاوزة و يهبط الدرج جريا ........


&&&&&&&&&