[اسطورة !]

اذا شفت حماس اكثر ممكن اتحمس و انزل البارت اللي بعده بأقرب فرصة..


البـــ[34]ـــارت


ليان: ما اتوقع انها عند بدور ابداً
غلا باستغراب: ليه يعني؟
سونيا: بلا استهبال غلاوي
غلا بجديه: ورب البيت ما استهبل ايشبكم وين اختي؟
ليان: دقو دقو ع بدور
سونيا تدق ع بدور
بدور بصوت مليان نوم: همممم
سونيا: دوبك قايمه ؟
بدور: ايوه يا ازعاج
سونيا: اقول بدور صحصحي معي
بدور: همم ايش تبغي
سونيا: غرام عندكم؟
بدور: من متى عندنا؟
سونيا: انا اسألك صحصحي معي
بدور: مدري دوبني قايمه
سونيا: قومي شوفيها ممكن مع خالتي
بدور: طيب سكري
سونيا سكرت
فاطمة: ايش؟
سونيا: بتشوف ادا مع خالتي ولا لا
فاطمة: شوفو ادا مو عندهم ممكن مع بندر او راحت الشغل
ليان: هيا من زمان ما راحت
سونيا: ممكن راحت عشان تنسي نفسها
غلا: تبا تنسى ايش؟
فاطمة: ما قالت لك؟
غلا سكت شوي " مو انتو اقرب لها ": لا ايشبها؟
فاطمة ناظرت سونيا
سونيا حكت رقبتها بتوتر: غرام بتطلق او ممكن تطلقوا كمان اليوم هيا و بندر
غلا بعدم تصديق: بلا مزح هيا ايشبها مين مزعلها ؟
سونيا ناظرت ليان تلتجأ فيها
ليان: اسمعي غلاوي
غلا لفت عليها
ليان: غرام و بندر بيطلقون
غلا عقدت حواجبها باستغراب و صدمه: من جدكم !!
ليان: والله
غلا: لييييش؟؟ دوبهم مملكين و كانوا زي العسل
ليان: لانو..
فاطمة قاطعتها: ما ينفعون لبعض و خلصنا
غلا: في حاجه مخبيينها عني؟!
فاطمة: لا بس ادا حبت غرام تتكلم كان قالت لك
غلا ناظرت فاطمة بدهشه
سونيا ناظرت فاطمة بحدة: فطوووووم
فاطمة سكتت
غلا تغير الموضوع: اتصلوا ع بدور
سونيا اخذت جوالها من ع الطاولة و دق: دي بدور.. الوو
بدور: هلا
سونيا: ها عندكم ؟
بدور: لا مو عندنا
سونيا: ممكن مع بندر يلا اوك تسلمين
بدور: بندر دوبو جاب اغراض للبيت
سونيا: نعم ؟
بدور: بندر دوبو جاب اغراض للبيت ؟!
سونيا: يعني غرام مو معه ؟
بدور: لا مو معاه بس دقيقه اسأله ــ راحت لبندر ــ بندر
بندر جاء يطلع: نعم؟
بدور: شفت غرام اليوم؟
بندر: لا ليه ؟
بدور: خلاص الله معك
بندر طلع
بدور: بندر ما شافها
سونيا: اوك يلا سلام
بدور: سهى ايش الهرجة ؟
سونيا: غرام من الصباح مو بالبيت ممكن نلاقيها بالشغل
بدور بحزن: عشان بندر صح ؟
سونيا سكتت شوي: مدري
بدور: اوك
سونيا: يلا حبيبتي بعدين اكلمك
بدور سكرت
سونيا: بندر ما شاف غرام اليوم
غلا قامت
ليان: وين؟
غلا: بكلم امي
سونيا وقفت قبال غلا: لالا استني لا تقولين لها حاجه
غلا: طيب بسألها بشكل غير مباشر؟
سونيا: طيب
غلا جت تمشي
سونيا حكت رقبتها: غلا
غلا لفت عليها
سونيا: لا تقولين لها بموضوع الطلاق
غلا: بس لازم يعرفوا
سونيا: اوك بس خلينا نشوف غرام و نتكلم معاها هيا تقولهم احسن
غلا سكتت شوي: طيب

&&& ڤله بو هاني &&&

ام هاني: ع وين ؟
تاج تلبس عبايتها: بروح بيت عمي
ام هاني: بو ياسر؟
تاج: ايوه
ام هاني: انتبهي لك
تاج: طيب
طلعت
دق جوال ام هاني
ام هاني: هلا ماما
غلا: هلا
ام هاني: وصلتي ؟
غلا: ايوه من اول
ام هاني: سلمي لي ع فاطمة و اعتذري لها بالنيابة عني بحاول اجي بالليل
غلا: اوك .. تاج عندك ؟
ام هاني: لا محد عندي
غلا: ولا هاني؟
ام هاني تتصنع الحزن: امك وحيده بالبيت
غلا ابتسمت: وين وحيده زوجات اعمامي كلهم جنبك روحي لهم
ام هاني ضحكت: ان شاء الله
غلا: يلا سلام
ام هاني سكرت منها

&&& ڤله بو ياسر &&&

تاج: خاله رتو فوق؟
ام ياسر: ايوه حبيبتي ممكن نايمه كمان .. من امس ما شفتها
تاج: انا بطلع لها
ام ياسر هزت راسها بالموافقة
طلعت تاج فوق و قابلت بالدرج ثامر
ثامر: كيفك تاج ؟
تاج: كويسه
ثامر: رايحه لرتاج؟
تاج: ايوه
ثامر: من امس ما طلعت حاولو تتصالحوا
تاج ابتسمت
ثامر: سلام
تاج طلعت لجناح رتاج و طقت الباب
رتاج: والله قمت اوف
تاج استمرت تطق الباب
رتاج زفرت بانزعاج و راحت للباب: اكسروا الباب اكسروه ــ فتحت الباب ــ
تاج ناظرتها
رتاج ناظرت تاج بدهشه: بكل قوة عين جايه كمان !!
تاج دخلت وسكرت الباب: رتو اسمعيني يرحم امك
رتاج: سمعت ورب البيت سمعت كللل حاجه من لما قلتي لعهد انكم حتنوموني و تنومون اخويه
تاج تصيح: رتو اسمعيني فهمتي غلط
رتاج تدفها: ايش اللي فهمتو غلط انكم تبغوا تورطون اخويه !!
تاج هزت راسها بالنفي
رتاج: براا
تاج تمسك رتاج من اكتافها: رتو اسمعيني ..
رتاج تقاطعها بصراخ: برااااااااااااااااا ما ابا اسمعك لا انا بنت عمك و لا انتي بنت عمي هيااا برااا لا افضحك دحين
تاج طلعت
رتاج ضربت الباب بقوة و بصراخ: الله ياخدكم
راحت للكنبه و رمت نفسها عليها و سكرت عيونها تتذكر ( دخلت الجناح وهي ماسكه البوب كورن بس وقفت وهي تسمع تاج
تاج: انا حطيت حبه بالكولا حق رتو اول ما تنام بخلي الخدامة تسوي لثامر أي حاجه يشربها و بنومه
عهد: طيب كلهم نامو ايش الفايدة ؟؟
تاج بخبث: الفايدة انو انام عند ثامر و الصباح يحلها الحلال
عهد بصدمه: يلعن ابو المخ اللي يشتغل براسك
تاج ضحكت بخبث
عهد: طيب شوفي الحبه تحركت كويس بكاسها ولا لا
تاج تناظر قلاس رتاج: ايوه دابت كمان بس دي طولت
رتاج تقدمت لهم و بضحكه استغراب: كيف يحلها الحلال !!؟
تاج و عهد وقفوا و ناظروها بصدمه
رتاج عقدت حواجبها: تبغي اخويه يدبّس فيكِ!!!
تاج بخوف: لا ايش دخل
رتاج تضحك: تبغي يقولون عن اخويه ×××××
تاج: لالالا رتو اسمعي
رتاج بصراخ: تخسين انتي وياها تقربوا من اخوووويييه
تاج باندفاع: رتو تعرفي اني احب ثامر
رتاج مسكتها من زندها و تطلعها برا: انقلعيي انتي وحبببك .. اخويه يحب غرام لو تسوي المستحيل ما حيطل فيك
تاج خافت تقول لثامر: طيب اسمعيني
رتاج بعصبية: برااااااااااااا
تاج: رتو ترا وربي فهمتي غلط
رتاج تدف عهد و تاج: لا تحلفيييييييييييييييي برااااااااا انتي و هيا
وصلوا لدرج وهي تدفهم
رتاج تصرخ: اطلعي برا انتي وهيا ولا عاد اشوفكم ببيتي ×××××
ثامر بصدمه من كلام اخته: رتووو !!
رتاج بعصبية: ابععععدد
تاج خافت اول ما شافت ثامر: رتو اسمعيني
رتاج: ولا ابا اسمعك ايش مجلسك للحين عندي هيا برااااا ) تنهدت بضيقه " حسبي الله "

&&& مول ***** &&&

مريم طلعت من المحل: من فترة طويله ما مرت المحل
ليان: ممكن عند خالتي ام فارس
فاطمة باستنكار: ايش بتسوي هناك !؟
ليان: ممكن حبت تفضفض لها
فاطمة: امشوا
مريم: بدق ع مهند يجي بابا وصى السواق يجيب كم حاجه
سونيا: طيب خلونا نشرب أي حاجه ع ما يجي مهند
ليان: امشوا نجلس هناك
مريم دقت ع مهند و راحت وراهم
سونيا + غلا: راحوا يطلبون للبنات و البقية جالسين
ليان: فطوم ليه تعاملين غلا كدا
فاطمة: والله مو القصد اعاملها كدا بس بنات فكرو ممكن غرام مو حابه تقول سيرة طلاقها لأهلها
مريم: من جد ممكن ابوها المجنون يجي ياخدها و يغصبها تدي الـ××× كليتها
ليان: طيب بس ترا غلاوي تحسست من معاملتك لها
فاطمة: والله مو فاضيه اديها همي لا شفت غرام و تطمنت عليها بفهمها
ليان: تعتذري لها
فاطمة: بفهمها
ليان بإصرار: تعتذري لــهـــا
مريم: خلاص فطوم حتعتذري لها و خلصنا
فاطمة تسلك: يصير خير
جو البنات و معهم الطلبات
قعدوا البنات يشربون و يحلون و يحشون بالرايح و الجاي لين جاء مهند
مهند: سلام
الكل: وعليكم السلام
مهند ناظر فاطمة بشوق: الحمد لله ع السلامة
فاطمة ابتسمت له: الله يسلمك
مهند: كيف الدمام؟
فاطمة: حلوة
مهند: بحرهم حلو؟
فاطمة: ايوه مرره
مهند: طيب هيا قوموا عشان نلحق
قام الكل و طلعوا وركبوا السيارة
مهند: ليان دقي ع ام فارس اسأليها ادا عندهم
ليان: حاضر
فاطمة بملل: اوووففف
سونيا لفاطمة: لسا مقفل؟
فاطمة: دحين حوالي اكتر من 50 مكالمة ولسا مقفل
مريم: اقعدي دقي لين ما تفتح
فاطمة: ان شاء الله
دق جوال فاطمة
الكل: غـــرام
فاطمة ناظرت المتصل و بإحباط: لا هاني
مريم ناظرت مهند
مهند اللي كان يناظر فاطمة بدون ما تنتبه بالمرايا اول ما سمع اسم هاني ناظر الطريق وضغط ع الدركسون بيده
ليان: طيب ردي
فاطمة: دحين لو رديت بطول معايا بالحكي و انا ابا اطمن ع غرام
ليان: الوو هلا خالتي
ام فارس: هلا حبيباتي كيفك؟
ليان: بخير وانتي اخباك ايش مسويه ؟؟
سونيا تأشرها استعجلي و بهمس: ادخلي بالموضوع
ام فارس: الحمد لله نشكر ربنا
ليان تهز براسها بالموافقة لسونيا: الحمد لله.. الا اقول خالتي
ام فارس: آمري حبيبتي ؟
ليان: غرام جت عندك ؟
ام فارس باستغراب: غرام ؟! لا ليه ؟
ليان تتحلطم: وين راحت دي ؟!
ام فارس: ايش صاير؟
ليان: بعدين احكي لك معليه بسكر دحين
ام فارس: طيب حبيبتي انتبهي لنفسك
ليان سكرت : مو عندها
مهند عقد حواجبه: ايشبها دي وين راحت و كدا فجأة بدون ما تقول لأحد
فاطمة: الخدامة تقول انها ما شافتها من لما قامت
سونيا بدا الخوف يدخل قلبها: بنات
الكل ناظرها
سونيا: بديت اوسوس
مريم عقدت حواجبها
سونيا تناظر غلا: ليكون ابوك اخدها مره تانيه و عرف انها كدابه ؟!
غلا باستغراب: كدبت بأيش؟؟
ليان: غرام وعدت ابوك قبل ما تملك ع بندر انها بتدي تاج كليتها لو وافق ع بندر و انها بتديه اياها بعد ملكتهم بكم اسبوع بس هي كدبت بس عشان يكون امرها بيد بندر و انو بندر حيرفض دا الشي
غلا بدهشه: من متى دا الكلام ؟
فاطمه: لما جت عندكم غرام و قعدت بمكتب ابوك
غلا تذكرت
الكل بدا يدخله القلق
فاطمة بدت العصبية تتملكها: مهند
مهند دق قلبه: هلا
فاطمة: روح ع شغل المحترم بو هاني
مهند: طيب
لف مهند و حرك ع شركة بو هاني
سونيا: الله يستر
الجو كان مره مكهرب
دق جوال غلا
غلا: الوو هاني؟
هاني: وينك ؟
غلا تناظر البنات
فاطمة كانت تناظر غلا
غلا: مع البنات
هاني: جوال فاطمة جنبها؟
غلا تناظر فاطمة و تأشر لها بمعنى يسأل عنك
فاطمة صمتت جوالها و اشرت لغلا انو صمت
غلا: مدري ليه ؟
هاني: ادق عليها ما ترد و مرات مشغول
فاطمة: ايوه كانت تكلم وحدة و ممكن صامت
هاني: طيب اديني هيا انشغل بالي عليها
غلا ناظرت فاطمة: قاعدة تسولف مع البنات بعدين بقولها تكلمك
هاني: طيب باي
غلا سكرت منه: كلميه بس نطلع من شركة بابا
فاطمة: يصير خير
مهند انزعج من سيرة هاني: يلا وصلنا
نزلت فاطمة بسرعه قبل ما يوقف هاني بالباركينغ
مهند بصراخ: يا مجنووونننه
فاطمة طنشت صراخ مهند و دخلت الشركة و اول واحد قابلته وقفته: لو سمحت تشتغل هنا؟
الرجل: ايه اختي تفضلي؟
فاطمة: وين مكتب المدير
الرجل: أي مدير ؟
فاطمة بعصبية: مدير دي الشركة مدير ايش بالله !!
الرجل استغرب عصبيتها: الدور 5..
فاطمة طنشته و راحت للمصعد شافت مهند و البنات يدخلون الشركة بس طنشت دخولهم و طلعت بالمصعد
مهند بصوت مرتفع: فاااطممة
هاني اللي كان يسولف مع واحد من الموظفين انتبه لصوت مهند و عقد حواجبه وراح لهم: عسى ما شر
البنات وقفو المصعد الثاني
مهند: ابوك اخد غرام
هاني بدهشه: متى !!
مهند: دحين خلينا نلحق المجنونة
دخل الكل المصعد
** الدور 5 **
فاطمة وقفت وحدة من الموظفات: مكتب المدير ؟
الموظفة تأشر لها: من هنا
فاطمة ركضت مكان ما اشرت لها الموظفة شافت السكرتير: دا مكتب بو هاني؟
السكرتير: ايه ..عندك موعـ..
ما كمل جملته الا وهي تمشي بسرعه لناحية الباب
السكرتير بتفاجئ: لو سمحتي لو سمحتي
فاطمة حركت مقبض الباب و رفست الباب برجولها
بو هاني كانت عيونه ع اللاب رفع راسه: ايش دي الهمجية
السكرتير بخوف: حاولت امنعها طال عمرك..
بو هاني قاطعه: نعممم خير ايش تبغي ؟؟
فاطمة بعصبية: وين غراام ؟
دخل هاني و مهند و البنات
هاني لسكرتير: خلاص روح
طلع السكرتير بتردد
فاطمة بصراخ: وييييييين غراااااااااام
هاني: فطوم عيني اهدي شوي
فاطمة تبعد هاني عنها بعصبية: ابعد عني قول لابوك يرجع غرام
هاني: ابويه وين غرام
بو هاني: و انا ايش عرفني !!!
فاطمة ضربت اول ڤازا قريبه منها و طاحت و نكسرت
هاني سحب فاطمة بسرعه عشان ما تتعور
فاطمة دفت هاني: بلا كددددددبببببببببب طلع اختتتييييييي
بو هاني بعصبية: هاااني ايش صاير ايشبهم دولا
هاني بعصبية: ابويه انت اخدت غرام تاني؟
بو هاني: ولا شفتها حتى من زمان
فاطمة تقدمت لبو هاني و صارت ترمي اللي ع مكتبه ع الأرض و بصراخ: ررججججعععع اختي احسسسن للللك
بو هاني طلع من ورا مكتبه و مسكها من زندها بقوه: شوفي يا ××× ما اعرف وين غرام بس و ربي ان ما طلعت اليوم مو حاصل لها خير ولا هي تتهرب من الوعد
هاني سحب فاطمة: اببوووييه
بو هاني: وين غراااام ؟!
ليان: اسأل نفسسسك تاخدها من صباح ربي !!
بو هاني: انا ماشفتها اصلا من زمان ايشبكم !!
سونيا: باللهي ما اخدتها بس خليت احد ياخدها
بو هاني بعصبية: والله ما لمستها ولا جت ببالي ولا خليت احد ياخدها ياهووو ايشبكم
فاطمة سكتت شوي و بلمت: يعني وين اختي ؟!
بو هاني يصرخ: انااا اللي اقولكم وين دي الـ××××
مريم بعصبية: لااا تسبب
بو هاني طنشها
سونيا: ادا انت مفكر انها حتديك حاجه فانت تحلم لانها كدبت عليك بس عشان تاخد بندر
بو هاني: انتو قاعدين تستعبطوا علي صح ؟؟
ليان: والله محد يستعبط علينا غيرك طلع لنا غرام بهداوه
هاني: ممكن عند بندر ؟
ليان: دورناها بكل مكان حتى بيت ام فارس و الشغل مالقيناها
بو هاني ساكت " تاج !! ايش بصير لتاج ؟؟ "
فاطمة امتلت عيونها بالدموع و ناظرت بو هاني و برجاء: تكفى قول انك اخدتها
بو هان نزلت دموعها وصار جسمها يرتجف بخوف: تكفى قول انك تعرف مكانها
بو هاني بعصبية: و انتي ما ينعرف لك مره تهاوشي و تعصبي و تبغيني ارجعها و دحين تقولين لي تكفى قول انها عندك ــ لفح لها بيده ــ مجنونه
فاطمة مسكته من ثوبه بيد مرتجفه: تكفـ-ـ-ـى
هاني مسك فاطمة: فطوم اهدي

&&& ڤله غرام &&& س 8 م
كان الكل تقريبا بالڤله
مريم تمسح دموعها: خلونا نبلغ الشرطة
مهند: لازم يمر 24 ساعه ع غيابها عشان نبلغ
فاطمة بعصبية: ايش يعني بنقعد كدا مكتفين ننتظر 24 ساعه
مهند: فطوم اهدي لو سمحتي ترا كلنا خايفين ع غرام
دخل بندر وهو يركض
ام بندر: بندر
بندر بعصبية و قهر: حتى مزرعة جدي فاضيه
ام بندر: جد احمد هنا ؟
بندر: ايه
ام بندر: لا حول ولا قوة الا بالله
بندر ما انتبه لوجود ام هاني: ممكن دا ابوها عرف انها تخدعه و اخدها !
ام هاني لفت عليه باستغراب: تخدعه بإيش؟
بندر ناظر ام هاني
ام هاني عقدت حواجبها باستغراب
فاطمة: غرام قالت لبو هاني زوجني بندر و حديك كليتي
ام هاني ناظرتها بصدمه
فاطمة: وهيا كانت خطتها ان يكون امرها بيد بندر و بندر يمنعها انو تدي تاج كليتها
ام هاني بهمس: عشان كدا رضي ببندر
سونيا كانت سرحانه و مو معاهم فجأة قامت
ليان: وين ؟
سونيا ما ردت عليها و طلعت
غلا بغيض: يعني انت دحين خايف عليها
بندر ناظر غلا باستغراب
غلا: مو طلقتها
ام هاني و ام بندر و ام فارس ناظروا بندر بصدمه
بندر ناظر امه و نزل راسه
ام هاني وقفت وراحت لبندر: طلقت غرام ؟!
ام بندر بصدمه: دوبكم امس كنتو ع الفطور مثل السمنه ع العسل
بندر بلع ريقه
ام هاني سكتت و رجعت جلست و علامات الصدمه بوجها
ام بندر تهز بندر من زنده: بندر ايش صاير !!؟
فاطمة: غرام اللي طلبت الطلاق يا خاله
الكل لف ع فاطمة
ام هاني: بنتي !!
فاطمة: ايوه
ام بندر: لييش ايش صااار ؟
فاطمة بقهر: ابد عرفت انو ابنك عايش للحين ع ذكرى رزان و ان يشوف رزان في غرام
ام بندر لفت ع بندر بدهشه: و كلامك انك تحبها
بندر بصوت منخفض: ولسا احبها
ام بندر بعصبية: اووصصص
ليان: خاله كان طلاقهم خير لهم الأثنين
ام بندر ناظرت بندر بعتب
ليان: غرام اصرت ع بندر يطلقها و كانت راضيه
ام بندر: بس اكيد انهزت ثقتها و زعلت
الكل سكت
ام بندر ناظرت بدور: كنتي تعرفي صح ؟؟
بدور ناظرت امها بخوف
فاطمة: غرام قالت لها انها حابه تقولكم بنفسها
ام بندر هزت راسها بيأس
مريم: بنااات
الكل لف عليها
مريم: دورناها بكل مكان بس مكان واحد ما دورناها فيه
ليان: وين؟
مريم: الدار
فاطمة: ايش تسوي بالدار !!
مريم: ممكن حبت تقعد مع البنات ايش عرفني خلونا نسأل
ليان طلعت جوالها بسرعه و دقت ع هاجر
كان الكل ساكت وعيونهم ع ليان وآخر امل لهم
ليان: الووو .....
فاطمة: حطي سبيكر
ليان حطت سبيكر
هاجر: هلا لينو اخبارك ؟
ليان طنشت سؤال هاجر: هاجر غرام عندكم ؟
هاجر: هاه ؟
ليان: مو وقت فهاوتك غرام عندكم ؟
هاجر: لا مو عندنا ليه ؟
ليان: ولا زارتكم اليوم او كلمتكم
هاجر: انا عن نفسي لا ليه ؟
ليان: طيب كلمي البنات و اسأليهم
هاجر بجديه: شسالفة سونيا ؟
ليان: ادا سألتيهم حقولك كل حاجه بس تكفين سرييع
هاجر: طيب دقايق
ليان سكرت منها
الكل: يااارب
** غرفة غرام **
دخلت سونيا بتردد و ناظرت باب الدولاب و دموعها متحجره بعيونها " يارب لا يااارب لا" قربت لدولاب بتردد مسكت مقبض باب الدولاب وهي تدعي ما يطلع اللي ببالها صح ،، فتحت الدولاب و شهقت وحطت يدها ع فمها
** تحت **
دخل ثامر بجنون و بصراخ: وينووو دااا الـ××××
دخل هاني وراه: ثاامر
ام هاني وقفت وراحت لثامر: ثــــااامر
ثامر لف عليها و شاف بندر وراها راح لبندر وعيونه تنقط شرار
ام هاني دفت ثامر من كتفه: هوووووب ايشبك ؟؟
ثامر طنش وجود ام هاني ومسك بندر من ياقته: ياللي اسمك زوجها ويييننننهاااا
بندر دف ثامر بقوه يبعده عنها: انا اللي اقولكم وينها
ثامر رجع كم خطوه ع ورا: ع أي اساس زوجهااا بالله ــ رجع بيهجم عليه ــ
هاني ركض ومسك ثامر
ام هاني: مو زوجها
هاني + ثامر لفو عليها باستغراب
هاني: يعني هو زوجها بس لسا ..
ام هاني: مو ــ وشددت ع كلمة زوجها ــ زوجــهااا
هاني و ثامر عقدوا حواجبهم باستغراب
ام هاني: بندر طلق غرام
هاني+ ثامر لفو ع بندر بصدمه
هاني بعدم استيعاب: طلقت غرام !!؟
بندر بخجل من نفسه: ايوه
هاني تهجم ع بندر: دا اللي يقول انها بعيييونييي
ام هاني بصراخ: هاااااااااانييييييييييي
هاني بعد عن بندر وناظر امه
ام هاني: هيا اللي طلبت
بندر عدل ثوبه
ثامر بقهر: من الضييم اللي شافته منك
بندر جاء يرد ع ثامر
ام هاني قاطعته: ما عاشت معاه لسا
بندر بلع ريقه
دخل مهند: شباااب..
قاطعهم نزول سونيا و صياحها العالي
فاطمة: دي سونيا
قاموا البنات وركضوا ناحية الدرج
سونيا كانت متمسكه بالدرابزين بيدها اليمنى وتصيح
بندر بخوف: سونيا
سونيا بصوت مخونق: غــ-ـ-ـرام
فاطمة ركضت لسونيا وناظرت الورقة اللي بيدها و سحبتها: ايش دا؟؟
الورقة كان مكتوب فيها { آســــــــــــــــفــــــ ـــــــــــــــة } و نهاية الورقة توقيع غرام

سونيا بصياح: ما في حاجه بدولابها غير دي
فاطمة نزلت دموعها وركضت لبندر ودفته من صدره: انت السبب انت السبببببب
سونيا نزلت من الدرج و وجها مليان دموع رفعت سبابتها بتهديد: ورب البيت ان حصل حاجه بغرام والله ما تلوم الا نفسك
ليان و مريم و بدور و غلا راحوا وشافوا الورقة اللي كانت مع سونيا
ليان تصيح: لقيتيها بدولابها ؟!!
سونيا هزت راسها بنعم
غلا تبلع رقيها بخوف: مـ-ـلابسها موجودة؟
سونيا هزت راسها بالنفي
دق جوال ليان
الكل توجه لصالة وهو يصيح
ليان ردت ع هاجر
هاجر: هيا مو عندنا و دقيت ع سجى و غزل بس..
ليان قاطعتها: خلاص
هاجر باستغراب: ليان ايشبك أيش صاير ؟؟
ليان: بعدين اكلمك هاجر
هاجر: في صوت صياح لينو ؟
ليان: مع السلامه
وسكرت
بندر كان يناظر الورقة اللي لقتها سونيا في دولاب غرام بقهر

&&& ڤله بو هاني &&& س 2 م

دخل بو هاني الجناح وهو يكلم بالجوال: تصرف طلعها ليا من تحت الأرض............. هيا سلام
سكر جواله و ناظر زوجته
ام هاني كانت جالسه ع الكنبه و محطيه رجل ع رجل
بو هاني: هلا حبيبتي ..
ام هاني قاطعته : كنت متفق مع غرام انها تديك كليتها مقابل انها تتزوج بندر
بو هاني ناظرها بدهشه
ام هاني قامت: انت ايش من نجاسة ايش من وساخة انت احقر رجال شفته بحياتي .. ما عمري شفت أب مثلك انت و امثالك مفروض ينعدموا من الأبوة لأنكم ما تستحقوها
بو هاني بارتباك وخوف: سارة انا ما قلت لها حاجه هيا بنفسها قالت لي ادا زوجتني بندر حديك كليتي
ام هاني دفته من صدره: وانت واااافقققت
بو هاني سكت
ام هاني بعصبية: راحت تتزوج عشان تحميس نفسهاااا من ميين من ابوها !!!
بو هاني ظل ساكت
ام هاني: انت ما تستحق ولا واحد من عيالك ولااا وااااحد انت اصلا ما تستاهل تكون أب
بو هاني حاول يمسكها من ذراعها: حبيبـ..
ام هاني دفته بعصبية وصراخ: ابببعععععددد
بو هاني بعد عنها
ام هاني بتهديد: شوف يا غانم واللي رفع سابع سماء ان صار حاجه ببنتي ما حيحصلك خير و اللي خلقني
بو هاني بخوف: و انا ايش دنبي !!
ام هاني: ما تركت البيت الا بسببك لانها تخاف و تخاف من مين تخاف من ابــوها اللي مفروض يكون لها سند و ظهر و عزوة و مصدر امان ــ ضحكت بسخريه ــ ههههههههه طلع لها مصدر خوف و كسرة ظهر و اغدر انسان شافته بحياتها !!
بو هاني بصراخ: بــــــــــــــــــــــــ ــــــــسسسس انا ما اسوي دا الشي عشاني اتوقع اني اسويه عشان بنتنا
ام هاني بعصبية: ودي بنتتيييي تفهم يعني ايش بنتتتييي
بو هاني طلع و ضرب الباب بقوة
ام هاني قعدت ع الكنبة وظلت تصيح

( مر اسبوع ع الأحداث ولا في أي اثر من غرام )

&&& ڤله غرام &&&

فاطمة تصيح عند جد احمد: لمتى لمتى ؟!
جد احمد: انا متأكد انها فتره و حترجع يا بنتي لا تخافين هيا فترة عشان تريح نفسها
فاطمة بغصة: خل تريح نفسها عندنا
جد احمد: هيا انكسرت ومن مين من زوجها لما عرفت انو ما يحبها و انو عايش ع ذكرى خطيبته المرحومة
فاطمة هزت راسها بالفهم و وجها مليان دموع
جد احمد: انتي ادعي لها و هيا ما سوت كدا الا وهيا واثقه انكم راح تعذرونها انتو بالذات لازم تعذرونها
فاطمة رجعت تصيح بصمت

&&& شركة بو هاني &&&
** مكتب بو هاني **
بو هاني: اطلع برا
الشاب ناظر بو هاني
بو هاني: لا تجي لعندي الا و هيا معك
الشاب: ابشر طال عمرك
بو هاني: لا اشوف رقعة وجهك عندي لين ما تلاقيها
الشاب: حاضر طال عمرك
بو هاني: هيا انقلع
طلع الشاب
بو هاني زفر بقهر
دق جوال بو هاني
بو هاني رد بعصبية: خييير ................ وعليكم السلام ....... ايه انا ابوها ............... نعم !!؟؟ .............. أي مستشفى ؟؟؟؟؟










انتهـــى البـــ[34]ـــارت

ان شاء الله ينال اعجابكم..
تـــوقــــــعــــــاتــــ ــكـــــم..



اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم ..

مع تحياتي: جذابة والعيون غلابه { } ^__^




للأسئلة و الاستفسارات..