[فيتامين سي]

البارت ال٢٤


ف المطار

حمود قماري : هالله هالله ف عماركم ودرب السلامه ان شاء الله
عبود يخاشمه : لا تنسى بين فتره وفتره تمر ع اميه انزين ، انا جي مال أسبوعين وبرجع بس ان شاء الله ما يطردوني من الدوام
انا : لا تخاف ما بيطردونك ههه الدنيا فوضى شو ( وأسلم ع حمود ) تحمل بعمرك ي الغالي ، مدري متى بنشوف بعض مره ثانيه
حمود قماري : ايه لا ترمسنيه جي جنك تودعني ! بذبحك ترا هههه ( ويحضني ) انت بس دير بالك ع نفسك و ع بعض الناس ههه ( ويناظرنيه ) تراك ف غربه بتكون وما تعرف شو بيواجهكم هناك ، اهم شي لا تنسى تسجل اسمك ف تواجدي ( وتدمع عيونه ) ياخي بشتاقلك
انا : ونا اكثر قماري ولا تنسى تودي أوراقك عند بو وديمه اوك تراه يترياك
عبود : يالله خلّصونا انتو الاثنينه هههه
( وأسير ونا هب معاي غير بوك فيه هويتي وبدله لبستها من عند عبود ، امشي ونا أفكر ف اميه وابويه ويدي ويدتي واخواني ، كيف كنت وكيف صرت ، الله كريم )

ف ديرتي وجني غريب
لا اهل ولا قرايب عني يسألون
ببتعد عنهم وهذا النصيب
عسى ان غبت حبي لهم يذكرون

،،،،،

بيت عمي بو حمد


ام حمد : وشو ردو عليك اميه
برهوم : ماعرف اميه ، اصلا مول مارتحت ف المقابله ، كنت وايد متوتر افف
حمد : ما عليه ها شي عادي وان شاء الله خير ، اذا ما توظفت عندهم سير الجيش ههه
ام حمد : لا وين بعيد بوظبي عليه ماصبر عنه فديته
بو حمد : خليه الجيش للرياييل
حمادي : باباه ابا اسير الألعاب
حمد : من عيوني حبيبي ، يالله سيرو تلبسو انت وخلودي
حصه : حمد !! هب كل شي يباه تسويه له
حمد : حصه ها يتيم
حصه : حتى ولو لازم نربيه عدل وما اندلعه ولا ....
حمد يعصب : انا اللي متكفل به هب انتي واسوي اللي أباه انزين
بو حمد : وانت راجع مر بيت عمك وشوف اختك جان محتايه شي
برهوم : بظهر وياك ملان ، امم يالله حرمة اخوي
حصه بضيق : لا ما بسير ، استانسو انتو
حمد يناظرها : سيري لبسي اليهال وييبيهم لي الموتر
حصه تقوم : ان شاء الله
ام حمد : شوي شوي ع حرمتك ي حمد وهي صادقه بكل كلمه قالتها ، هب زين الدلع وايد خاصه للأولاد
مريوم : السلام عليكم
بو حمد : مريوم ! هلا ابويه شحالج ، خير يايين اشوفكم
مريوم تحب راسه : هيه ابويه يايين نسلم عليكم عسب باجر بنسافر ان شاء الله
ام حمد : هلا والله بزينة البنات ( وتصيح )
حمد : شحالج اختيه ، عيل وين سالم
مريوم : سار يسلم ع هله وبي ، علامج اميه تصيحين !

،،،،،،

بيتنا


ابويه : ها الوالد احسن الحينه ؟!
يدي يشرب العصير : الحمدلله ، هيه لا تحاتي انا بخير ، ها ابوي فطيم رد عليكم هزاع
اميه : لا عمي ما يرد بس لا تحاتي ، تلاقيه مواصل وللحين راقد من التعب ، باجر بتصل ف ربيعه بشوفه
شهوده : انزين اميه اتصلي ف ام عبود وخلاص
شموه : تراها اتصلت ومحد يرد ، فضيحه نتصل بعد ، يمكن مشغولة ف الجمعيه ولا شي
يدوه : ما عليه هزاع انا مربتنه ، مصيره يرد ، ياما كان يزعل ويتم يومين برع البيت لكن آخر شي يرد هنا ، فديته ما يصبر عنا ، عيل مهروه وين ؟ ما تبا عشا
منصور : احسن ما نبا نشوفها ، خل تسير بيتها
ابويه : باباه عيب هالكلام ، هذي بنت عمك ، يالله سير أزقرها تتعشا ، انت شاطر
شموه : لا ابويه ما بتنزل ، هي مستحيه تشوفنا عقب اللي صار
يدي : خلوها ع راحتها عسب تحس باللي سوته ، اكرمكم الله ، بسير احط راسي شوي واذا يا هزاع وعوني
شموه تشل عشا لمهره وتسير فوق : انا ييت اتعشا وياج
مهروه : مالي نفس لشي ، ما عرفتو شي عن هزاع
شموه : تعالي ولا ما بتعشا انا بعد ، امم اتصلت ف خطيبي وقالي انه عنده بس ما يباني اخبر حد
مهروه : يعني هو بخير ؟!
شموه تناظرها : هيه بخير واحين تعالي تعشي يالله

،،،،

الكويت

مشاري : شلون يمه تخلين بنات يسافرون بروحهم ؟؟؟!
يدة وديمه : ومن قال بروحهم يمه ، اخوها بيلحقهم وبعد دودو ما ينخاف عليها ، متعوده وتعرف لندن زين
حنان : ابوها مدلعنها وهالشي غلط يمه ، مو كل شي تبيه تسويه
ام مشاري : باجر لي ولدتي بالسلامه ، بتعرفين قيمة الضنا وبدلعينه يمكن اكثر بعد
نواف : ان شاء الله هههه ، بحطه ف عيوني ، ها ولد الغاليه وبيحصل دلع من يدته بعد ، صح يمه
يدة وديمه : ايه كلهم سواسيه عندي ، أحفادي واحبهم
مشاري يبوس راسها : ونحن نحبج بعد يمه ، شرايج تحجزين لي تذكره وأسافر انا بعد لهم
ام مشاري : لا والله منت رايح ، بتخلوني بروحي ! وبعد انت كنت ف الامارات ، يعني خلاص سافرت والحين دور اختك المسجينه ، ما تطلع أبد ، خلها تستانس ، انت لي رحت بتضايق فيها
مشاري : افا يمه !! جي تقولين عن ولدج
نواف : أمك وتعرف طبعك عدل ههههههه
يدة وديمه : ايه صاجه أمك ، خلك هنا واهتم فيها وف دراستك ، بسك من السفر من ديره لديره
حنان : آخ بطني ، نواف الحق علي

،،،،،،

لندن

منى : آخ ظهري هلكت من الطياره ، يالله الحين وين بنسير
وديمه : ههه ي العيوز ، بلال
بلال يتقرب منهم : الحمدلله ع السلامه طال عمرج ، نورتي لندن ( وياخذ عنهم الجنط ) ان شاء الله ما تعبتو
وديمه : النور نورك ، انا متعوده بس منى متكسره ههههه
منى : ننننن جب ههه ، اخبارك بلال ، الحمدلله انك جيت بسرعه ، ابي أوصل غرفتي وأنام
بلال : بخير طال عمرج ، هههه اكيد ، أوامر طويلة العمر مستجابة
وديمه : تسلم بلال الغالي ما تقصر ، كل شي جاهز ف الڤله ؟
بلال يفتح لها باب السياره : اكيد طويلة العمر وأي شي تبينه زياده بس آمري
منى : الله شحلاتها لندن ، ياريت اقدر اتم فيها طول العمر هههه ( وتحط راسها ع كتف وديمه وتروح ف سابع نومه )
وديمه تناظر برع : لا تناظرنيه ي بلال لاني اعرف شو يدور ف بالك
بلال : انا بس مستغرب ، اول مره ما تبين طويل العمر يعرف انج هنا ف لندن ، شي صاير ؟
وديمه : بتعرف كل شي ف الوقت المناسب

،،،،،

بيت عمي المرحوم


ام سالم : خلاص اميه لا تصيحين ، يمكن كان مضايق من شي وحط حرته فيج ، ما عليه اميه ، عقب يوم بيرجع تفاهمي وياه ، حمد ماشي احسن منه ، هيه اميه دريت ، طلعت مهروه هب هينه ولا هزاع ادريبه شيخ الرياييل وأمه مربتنه احسن تربيه ، لكن الحمدلله خذت يزاها ، يدج ضربها ضرب ههههه ، هيه تستاهل ، يالله ما عليه وانتي هب ع كل شي صحتي ، ان شاء الله اميه ، فداعة الله
موزوه : يالله اميه جان ما سكرتي الفون ههههه
شواخه : عموه شسالفة مهروه ! شو مستوي ؟!
سعود يحدر : انتن بعدكن ما تلبستن ! يالله بيطوفنا الفيلم
موزوه : جاهزات بس باقي نلبس العبي ، يالله شواخه
شواخه : لحظه سعيد ، عموه فهميني
ام سالم : ماشي اميه بس يدج عرف انها تكذب وهزاع حليله ما سوالها شي وطاح فيها ضرب
سعود : والله كنت اعرف انه مظلوم ، الحمدلله ، يالله حبيبي نشي قبل ما تتصل امج وتقول نرجعج البيت ، ترا والله ما اردج اذا ما خلصنا
شواخه تستحي : ههههه ان شاء الله ( وتسير الحجره وتحضن موزوه ) الله وناسه ونااااسه وناااسسسسه ههههه
موزوه : غربلاتج خربتي الروج ، بلاج تخبلتي شو !
شواخه : الحمدلله افتكينا من مهروه كلوووووش وظهر الحق ( وتبطل شعرها ) وترقص
موزوه : كلوووووش ههههه كيف شو صار !!!
سعود يحدر : ما شاء الله عرس عندكم شو ! ( ويشوف شواخه بشعرها الأسود ويستانس فيها ويقرب منها ويلمسه ) احبه طويل لا تقصينه اوك
موزوه : اييييه اطلع برع ما تستحي انت
شواخه تناظر عيونه : ما بقصه لانك تحبه

،،،،،،

بيت ميثه

ميثه : سالم ! ( وتركض تحضنه ) حبيبي والله فديتك اشتقتلك
سالم : ونا بعد اشتقتلكم ، عيل وينها ميمي ؟
ميثه : وديتها بيت ربيعتها ، عندهم حفلة ميلاد ، عيل غريبه راد البلاد
سالم ييلس : هيه لانه باجر بنسافر ف ييت اسلم ع هلي
ميثه تتلصق به وبدلع : بس ع هلك
سالم يبوس خدها : وعليج طبعا ، فديت ريحتج الحلوه
ميثه ترقد ع ريوله : تعشيت حبيبي ولا اطلب لك ؟
سالم يلعب ف شعرها : اكلت الحمدلله ف الدرب ، بس اطلبي لج ، يالله انا لازم اسير احينه وبحاول باجر امر الصبح ع ميمي
ميثه تقوم وتبوس رقبته : انت عشاي ( وتبوس خدوده ) خلك شوي
سالم : بسير أسلم ع هلي ومابا أتأخر ع مريم بعد
ميثه تنزل دموعها ووتعطيه ظهرها وبدلع : خلاص سير
سالم يحضنها من ورا : افا ! دموعج غاليه حبيبي لا تصيحين ( ويبوس ظهرها ) خلاص بتم عندج شوي ، انزين خبريني شو قالت لج الدكتوره عن بطنج
ميثه بدلع : قالت كل شي زين بس لاني مشتاقتلك وجي
سالم : هههه صدق ! امم ( ويقرب منها ويبوس شفاتها ويسحبها ويسيرون الحجره ويحضنها وعقب يشيلها ع السرير : اشتقت لج
ميثه تبوس رقبته وبدلع : امنو احسن انا ولا اهي
سالم ينزل عرقه وانفاسه الحاره والسريعه ع ويهها : انتي والله انتي

،،،،،،

بيتنا

اميه : اتصلت فيني ام عبود وقالت هزاع عندهم بس هو يبا يتم اروحه كم يوم
يدوه : ما عليه خلوه ع راحته الغالي
مهروه تحدر من فوق مع شموه : السلام عليكم
يدي يقوم : يالله عويش نشي بنرقد
مهروه تضايق : ....
ابويه : مهره نشي بوسي يدج فوق راسه
يدي : مابا محبه من حد ، بتنشي عويش ولا
يدوه : انزين علامك متخبل ، أرقد برايك جان تبا ، انا بتم هنا طشونه
منصور : ههه يدي انا برقد وياك
شموه : جب انت بعد ههه ، يدي آمر تبا شي ، تباني اهمزلك ؟
( يدي يعصب ويدخل الحجره ويسكر الباب )
اميه : عموه زين جي ، عَصّب احينه هههه
يدوه : برايه خله ، تعالي ي مهره يلسي صوبي ، اللي سويتيه غلطه كبيره ، حتى لو كان هزاع ف خاطرج بس هب بهالطريقه اميه ونا صراحة أقول شهر كفايه وتردين بيت هلج شرايج
مهروه تنزل دموعها : ع راحتكم يدوه ( وتركض فوق لحجرتها )
ابويه : لا حول ولا قوة الا بالله ، اتصلي فطيم ف شواخ هب ناويه ترد البيت شو
شواخه تحدر : شو ابويه اشتقتلي هههه ( وتبوس راسه وتحضنه )

،،،،

بيت ام عبود


ام عبود تنزل صينية الريوق : اليوم صباحي غير بوجودك ي الغالي
بو وديمه : ههه بس الصبح !
ام عبود : شو قصدك !
بو وديمه : اليوم استراحه من الدوام وبتم طول اليوم عندج
ام عبود تطنز : عن تزعل ست الحسن والجمال
بو وديمه : وهي كيف بتعرف ! بتتحرانيه مداوم ، وبعد انا قررت اخبرها انه لازم يوم عندج ويوم عندها ، صح انا اشتريت لج فيله وكتبتها باسمج ويوم بيرجع عبود من السفر انتقلو هناك ، بس يبالنا نسير نختار غرفة النوم ( ويغمز لها )
ام عبود : هههه ، والله مدري شقولك استانست ع الخبر ، مشكور ي الغالي ( ويدق الجرس ) يالله امنو ياينا من صباح الله خير
بو وديمه يقوم : خلج انا بسير ( ويبطل الباب ) عمي !
يدي : السلام عليكم ، بغينا ولدنا هزاع


،،،،،،

بيت ميثه

ميثه تبوسه ع راسه : صح النوم حبيبي
سالم ينتبه : شت انا وين !!!!


،،،


ان شاء الله يعيبكم ^^